Tae-i ǃaromab ge Jesuba ǁōb nî aiǃgâ Davib mîdi hîna Psalmdi 22:1 ǃnâ xoahe hâde mî?

ǁŌb nî aiǃgâb ge Jesuba ge mî: “Ti Elotse, ti Elotse, tarexats go ǁnāxū te?” Nē mîdi ge Mateub 27:46 ǃnâ hâ. Nē mîdeb ge mî o, ob ge Jesuba Psalmdi 22:1 ǃnâ xoamâisa mîde ge dīǀoaǀoa. (Mrk. 15:34) Jehovab ǃnâb go ǁaeroba a ǂgomǀû amagab ge Jesuba nē mîde a mî di da ge mî ǂgao tama hâ. Jesub ge ge ǂan i tae-i ǃaromab nî ǁōsa. Tsîb ge ǁîba māsenxase ǁnāsa ge dī. (Mat. 16:21; 20:28) ǁÎb ge ge ǂan i ǁîb ǁōb tsēs tawab Jehovaba ǁîba hui tidesa. (Job. 1:10) Tae-i ǀgui i ga ī xaweb ǀams kōse ǂgomǂgomsase nî hâsab nî ǁgau. Amagab ge Jehovaba ǁîba ge ǁkhauba tama hâ i.—Mrk. 14:35, 36.

Jesuba tae-i ǃaroma nē mîde ge mî? ǁNā ǃereamsa da ga ūhâ tama i xawe da ge ǀnî ǃaromade nî ǃhoaǃgao. *

Nē mîdeb ge Jesuba a mî o, ob gere ǂâibasen Jehovab ǁîb ǁōba ǁkhae tidesa? Jesub ge Jehovab xa huihe tamase xoremarisa ga mā hâ. ǁÎb ge ge khoe-i tsîb ge ‘hoa khoen ǃaromab ǁōba nî tsâga’ ge ǁō.—Heb. 2:9.

Nē psalmdi ǃâbab ge ǁgae o, ob ge Jesuba khoena hoa psalms xa gere ǂâiǂâi ǂgao? ǁNā ǁaeb ain ge Jodeǁîna psalmde  danasa xu ge ǂan i. ǀGui ǁaraǃās xan gere ǂâiǂâihe o. On ge hoa psalmsa gere ǂâihō. Jesub ga ǁnāsa dī ǂgao hâ o, ob ge ǁîb di Jodeǁî sao-aona. Ga ǂâiǂâi ǃnâ hâ psalmdi ǃnâ hâ xūn ǁîb ǁōb ǃoa ra ǁnaeǁgauna. (Psa. 22:7, 8, 15, 16, 18, 24) Tsî psalmdi ǀuniga ǁaraǃādi ge Jehovaba ra koa. Tsî ǁîba ǃhūbaib di Gao-aob di ra ǂgai.—Psa. 22:27-31.

Davib mîdeb ge Jesuba gere mî o, ob ge ǁîba gere ǂâibasen ǁîb a ǀhapio di? ǃGamheb nîs aiǃgâb ge Jesuba ǂhanu tama ǀgaub ǃnâ ge ǀgoraǃgâhe. Tsîb ge Elobab da ǃkhāǃkhā ti ge ǂgari-amhe. (Mat. 26:65, 66) ǁNā ǀgoraǃgâs ge ǃuia ge dīhe. Tsî ǂhanu tama ǀgaub ǃnâ ge dīhe. (Mat. 26:59; Mrk. 14:56-59) “Ti Elotse, ti Elotse, tarexats go ǁnāxū te?” tib ge Jesuba mî o. Ob ge ǀnîsi gere ǂâibasen xū-eb dīsā tama tsîb ǃgamhesa anu tama hâsa.

Jesuba nau khoena gere ǂâiǂâiǃnâ. Davib hîna ge nē psalmsa xoab gere ǃgomsina tsâ. Xawe Jehovab di ǂkhâǃnâsa ǂoaǃnâ tama hâ i sa? Davib ge nē dîsa Elobab ge ǂgomǀû amaga ge dî tama hâ i. Nē dîsab ge dîtoas khaoǃgâb ge Daviba ǂgomǃgâsiba Jehovab ǃnâ ge ǁgau. Tsîb ge Jehovaba ge ǀkhaebi. (Psa. 22:23, 24, 27) ǁKhā ǀgaub ǃnâb ‘Davib ôab’ Jesuba, ǃgâuhaibaib ge ǃgoma gere tsâ xawe. Jehovab xa ge ūǃoahe hâ i.—Mat. 21:9.

ǂGomǂgomsab a ǃkhaisab nî ǁgau amagab ge Jehovaba ǁÎba ge ǁkhauba tama hâ i. Ob ge Jesuba tsûaǂgaob ra ǃkhaisa gere ǁgau? Jehovab ge Jesub nî ǁō ga ǁîba ge kuru tama hâ i. ǁNās ge Adammi tsî Eva hara ge ǁnâuǀnamoǃnâ o ǀgui ge ǂhâbasa i. Jesub ge xū-e ge dīsā tama hâ i. Xaweb ge ǁGâuab ge ǃaroma dîsab nî ǃeream ga. Xoremarib ase khoen ge ǂoaǃnâ xū-e nî matares ge ge ī. (Mrk. 8:31; 1Pet. 2:21-24) Jehovab ge ǂguro ǃnâs ase Jesuba ǁkhauba tama i amagas ge ǁnāsa ge ī.

Jesuba ǁîb saosabena gere hui în mû tae-i ǃaromab ge Jehovaba mā-amsa îb ǁîba ǃgâuhaib ai ǁō? * Jesub ge ge ǂan i tsūdī-aob aseb ga ǃgâuhaib ai a ǁō o. On ǂgui khoena nî ǃnôa kaihesa. (1Kor. 1:23) ǁÎb di saosaben ga ǁōbab ge ǃaromas ai ǁîb ǂâisa ǂnûi o. On ge nî ǁnâuǃā tae-i ǃaroma i ge ǂhâǂhâsa i sa. (Gal. 3:13, 14) On ge ǂkhabadī-aob ase mûbi tama i tsî ore-aob ase nî mûbi.

Jesub ge nē mîde sîsenū ǃaromasa da ga ǀū. Xaweb ge Jesuba ge ǂan i ǁnāb gere ǃkharuǃnâ xūn ǃnâ-ūb ge Jehovab di ǂâisa gere dīǀoaǀoasa. Nē Psalms di mîdeb ge mîtoas khaoǃgâb ge Jesuba ge mî “dītoahe go” di. (Jhn. 19:30; Luk. 22:37) ǁAerobab ge Jehovaba Jesuba ǁkhauba tama hâ i amagab ge ǃhūbaib aib ge hāba ǃaromasa ge dīǀoaǀoa. Nēs tsîn ge ge mā-ambi îb “Moseb di ǂhanub tsî kēbo-aogu tsî psalmdi” ǃnâ ǁîb xa xoasa xūna dīǀoaǀoa.—Luk. 24:44.