ǃGOMSI-ETS ge ūhâ i tsîts ge ǁnā ǁaeb ai khoe-i hîna nî hui tsi-ets ūhâ tama hâ khami gere tsâ? ‘Kaise ǃgom ǁaegu’ ǃnâ da ge ûihâ, ǂkhabuǂâi tsî ra ǀguritsâsen kai da ga. (2Tim. 3:1) ǃGomsina da ga ūhâ, o da ge hui da ǁkhā khoena ūhâ. Elobmîs ge ra mî ama ǀhōsan nî hui dasa “ǂhâb ǃnâ.”—ǂKhm. 17:17.

Apostel Paulub ge ǁîb ǀhōsan ǀkha gere ī sîsabeseb gere ǃgûǂoa o, tsîn ge ǁnā ǀhōsana ǁîba ǂgui ǀgaugu ǃnâ gere hui. (Kol. 4:​7-11) Paulub ge Romes tronkes ǃnâ ǂnoa i, on ge ǁîb ǀhōsana aitsâmab a dī ǁoa xūna gere dība bi. Aiǁgause, Epafroditub ge ǀnî xūn Paulub ge ǂhâ hâ în Filipes ǃnâ hâ ǃgâsan xa gere sîhena Pauluba gere sī-ūba. (Fil. 4:18) Tixikub ge Paulub sîǂkhanide ǃkharagagu ǀhaohâga ǃoa gere ī-ū. (Kol. 4:7) ǁÎb ǀhōsan ge hui bi amagab ge Pauluba ǀhaohâga ge hui ǁkhā i, ǁîb omsa xu ǂoasab ge mā-amhe tama hâ i tsî ega tronkes ǃnâ sī ǂnôa i xawe. Matits nēsi a ama ǀhōsa kai ǁkhā?

Nētsē hâ ǃgâsan ge ra ǁgau matin ǀhōsan a hui gu ǁkhāsa. Elisabets Spanjeb ǃnâ ǁnaetisa-aimâba-aos ge ra ǁguiǃā, matis ge ǃgâsasa ǃgom ǁaegu ǃnâ huisi ǀgausa. ǁÎs mamas ge ǁkhōǁkhōsa kankersa hōǃnâ-e os ge ǃgâsasa Elisabetsa ǂgui ǂkhâǃnâ ra smste ge sîba Elobmîs ai ge ǃgaoǃgaosa î te. Elisabets ge ra mî: “Nē smsti ge ge ǀgaiǀgaite î ta mâ tsēs hoasa ǀguritsâsen tamase mâǃkharu.”—ǂKhm. 18:24.

Sida ǃgâsan ǀkha da ūhâ ǀhōsagusisa da ge a ǀgaiǀgai ǁkhā, ǁîna da ga ǀhaode ǃoa īs tsî aoǁnâ sîsen-e dīs ǀkha ǂkhâǃnâ o. Aiǁgausets ge ǀnîsi kaira ǃgâsa-e ǀhaodi tamas ka io aoǁnâ sîsen-e ǃoa a ī-ū ǁkhā. Nēsats ga dī, o ro ge hoa ro a ǂkhâǃnâ gu ǁkhā. (Rom. 1:12) Xawe ǀnî ǃgâsan ge ǁîn omde xu a ī ǁoa. ǁÎna da mati a hui ǁkhā?

ǀNî ǃgâsan ge ǀaeb tamas ka io ǀkhara mâsigu xa ǃaromahe hâse sali tawa ǀhaode a hâǃnâ ǁoa. David ti ǀon hâ ǃgâsab kankersa ge hōǃnâheb di aiǁgausa ǃgaoǃgâ re. ǃNani ǁkhân xa ǃnāsa ǁaebab ge kankers ǃaroma gere ǀaeǃkhōhe. ǁNā ǁaeb ǃnâ ra ge Davidi tsî ǁîb taras Lidias tsîna ǀhaode omsa xu gere hâǃnâ.

ǀHaohâb ǃnâ ra ūhâ ǀhōsana mati ǁîra gere ǂkhâǃnâ? Mâ ǀhaos hoas khaoǃgân ge sali tawa ge hâ i ǃgâsana, dītsâ tsî Davidi tsî Lidias tsîn ǀkha vidiob ǃnâ-ū gere ǃhoa. ǁNās xoǀkhā Davidi tsî Lidias tsîn ge ǀhaos tawa gere ǃeream, o ra ge ǀhaos khaoǃgâ ǂkhâǃnâ ra smste ǃgâsana xu gere hō. ǀAmǂoasa ge  tae-i? Davidi tsî Lidia hâra tsîn ge ǁîra ǃgâsan ǀnamma gere hōǃâ.

ǀNîsi da ge ǀapena a dī ǁkhā î da omsa xu a īǁoan ǀkha aoǁnâ. Tsēs hoasa da xūna ra dī ǀgauba da ge a tawa ǁkhā, î da ǁîn ǀkha sîsen ǁkhā. Nē ǀgaub ǃnâ da ge ra ǁgau ǁîna da ǀuru tama hâsa. (ǂKhm. 3:27) ǀNîsi du ge sîǂkhanide xoa tamas ka io telefonni ǃnâ-ū ǁîn ǀkha aoǁnâ ǁkhā. Omsa xu a īǁoan ǃaroma gu ge ǀhaohâb ǃûi-aoga a ǀape ǁkhā îs aoǁnâ sîsenni ǀhaosa vidiob ǃnâ-ū dīhe. Davidi tsî Lidias tsîn ge ǀhaohâb gere dī xūna ra ǃgôaǃgâ. Davidi ge ra mî, “ǃnubu ǁaeroba sîm aoǁnâ ǃgubis ǀkha ǁgam tsî ǀgore ǀhaos tsîn ge kaise gere ǂkhâǃnâ mî.” ǀNîsi du ge Elobmîsa du ra ǁkhāǁkhā khoe-e ǁaeba xu ǁaeb ǀkha ǃgâsa-i omsa ǃoa ī-ū ǁkhā xawe aibe ǃgâsa-e dî re ǁnās a ǃgâisa.

Omsa xu a īǁoa ǃgâsan ǀkha da ga hâ ǀhao, o da ge ǁîn îsa ǀgauga ǂan tsî ra ǁîn ǀgū ǀhōsa kai. Aiǁgause du ga mû, ǁîn Elobmîsa sîsenū tsî khoe-e ra huisa î-i Jehovab tawa ǀgū, o i ge ǁîna du ūba hâ ǃgôasiba ra kai. ǀAsa ǀhōsana du ge a kuru ǁkhā ǃgâsana du ga hui o, în aoǁnâ tsî ǀhaode ǃoa ī.—2Kor. 6:13.

Paulub ge ǃgomsina gere hōǃâ, ob ge ǁîb ǀhōsab Tixikuba ǁîba ge sari tsîs ge nēsa Pauluba ge hui îb ǃgâise tsâ. (2Kor. 7:​5-7) ǃGâi î ge a ǂkhâǃnâ ra mîna ǃgâsana mîbasa xawe Tixikub aiǁgaus ge ra ǁkhāǁkhā da, ǃgâsan ǀkha da ga hâ tsî ǁîna hui os tsîna da ǁîna ra ǁkhaeǂgaosa.—1Jhn. 3:18.

Sida ǃgâsan Rusiab ǃnâ hân ge ǂoaǂamsa ǀgaub ǃnâ ra ǂkhâǃnâ gu. Sergeib tsî ǁîb taras Tatianas ge hōǃâ xū-e ǃgaoǃgâ re. ǀApaǃnamgu ge ǁîra omsa ôaǃnâ tsî ǁîra ǀapaǃnamgu bērosa ǃoa ge ī-ū î ra dîǃnâ-e. Tatianas ge ǂgurose omsa ǃoa ge oa kaihe. Sergeib ge ra mî: “Tatianas ge oms ai a sī, os ge ǀgui ǁkhoaǂgaoxa ǃgâsas ge sari. Nau ǃgâsan tsîn ge sī tsî omsa ǃanus ǀkha ge hui mî.”

Sergeib ge ǀaro tsî ra mî: “Tita ge ǂKhoamîdi 17:17 ǃnâ hâ xoas xa ge ǃgâibahe i. ‘Hoa ǁaen ge ǀhōsana ǀnamma ra ǁgau tsî sa ǃgâsan ge ǂhâb ǃnân nî hui ga ge ǃnae’ ti ra mîsa. Mâǃoahe ta gere ǁaeb ǃnâ da ge ti ǀhōsan huiba kaise ge ǂhâ hâ-i. ǂKhoamîdi 17:17 ǃnâ hâ mîdi a amasa ta ge ge mû.”

Sida ǃgâsan huiba da ge nēsi ǃgom ǁaegu ǃnâ ǂhâ hâ. ǁNā-amaga a da ǁkhā da a i hoa-e dī tsî sida ǀhōsana ǂkhâǃnâ tsî hui.—1Pet. 4:​7, 8.