32ǁÎ ǁKHĀǁKHĀǃÂS
Jehovab ǁnâuǃāxasiba ǁgae
‘Hoa khoen ǃoagu ǁnâuǃāxa.’—FIL. 4:5.
89ǁÎ ǁNAETSANAS ǃGâ, ǁnâuǀnam tsî ǀkhaehe re
ǃKHŌǀHAOS a
Mâ hais khami du ra ī ǂao? (ǂGuro xoaǀgorasa mû re)
1. Xristeǁîna mâ ǀgaub ǃnâ hai-i khami nî ī? (Ai-īsiba mû re.)
“ǀÂ hais supuse a gama ǁkhāsab ge ǂoaba a khôa ǁoa.” Nē ǂKhoamîs ge ra ǁgau, ǂhâbasa-i asa i di haide gama ǁkhā ǀgaisa ǂoab ga ǃom o î di ǀgaisase mâǀgara. Sada tsîn ge supuse ǀkharaǀkharana nî dī, xūn ga sada ûib ǃnâ ǃgom o î da Jehovaba ǃgâiaǂgaob ǀkha ǃoaba ǀkhara. Mati da a dī ǁkhā? Sada mâsigu ga dawa, o da ge ǁnâuǃāxa tsî ǁî-e nî ūǃoa. Tsî nau khoen di ǂâiǀgaugu tsî mîǁguigu tsîna ǃgôaǃgâsiba nî ǁgau.
2. Mâ ǀgauga nî huida, î da mâsigu ga dawa o ūǃoa. Tsî tae-e da nē ǁkhāǁkhāǃâs ǃnâ nî ǃhoaǃgao?
2 Jehovab di ǃoaba-aoda ase da ge ra ǁnâuǃāxa ǂgao. Tsî da ge ǃgamǃgamsenxa tsî ǀkhomxaǂgaosib tsîna ra ūhâ ǂgao. Nē ǁkhāǁkhāǃâs ǃnâ da ge nî mû, mati gu ge nē ǀgauga ǀnî Xristeǁîna a huisa în ǁîn ûigu ra dawa ǁaeb ai ǃgâiba hō. Nē ǀgaugu mati sida tsîna a hui ǁkhāsa da ge nî mû. Xawe hā re î da ǂgurose Jehovab tsî Jesub hîna ǀoasase ǁnâuǃāxasiba ra ǁgauga xū ǁkhāǁkhāsen.
JEHOVAB TSÎ JESUB TSÎN GE A ǁNÂUǃĀXA
3. Mati da a ǂan Jehovab a ǁnâuǃāxasa?
3 Jehovab ge “ǃGareǀui” di ra ǂgaihe. ǁÎb a ǁaposa tsî gongonhe ǁoa amaga. (Deu. 32:4) Xaweb ge ǁnâuǃāxas tsîna ī. Nē ǃhūbaib ǃnân xūna ra ǀkhara khamib ge sida Eloba mâsib ǃoagu ra dawa. Îb ǁîb ge mîmai xūn hoana ama kai. Jehovab ge ǁîb īsib ǃoagu ge kuru da tsî ǁkhasib tsîna ge mā. Î da sida ûigu ga ǀkhara o, ǀkharaǀkhara na dī. ǁÎb ge ǃgāsa Elobmîs tsoatsoade ra mā da, hîna ra hui da na î da gā-ai mîǁguiga dī. Tae-i ǀgui-e da ga ǃkharuǃnâ xawes tsîna. Jehovab aiǁgaus tsî ǁîb mā da hâ tsoatsoadi tsîn ge ra hui da î da ǂan ‘ǃGareǀuib’ a xaweb a ǁnāuǃāxasa.
4. Aiǁgau-e mā re Jehovab di ǁnâuǃāxasib xa (Levitikus 5:7, 11)
4 Jehovab di ǀgaugu ge a ǀoasa tsî a ǁnâuǃāxa. ǁîb ge ǃgari tamas ka io khoen ǀkha ǁgai ǀgaub ǃnâ hâ tama. Aiǁgause kō re matib ge Jehovaba Isreallîn ǃoagu ǁnâuǃāxasiba a ǁgau ǀgausa. ǃkhū hân tsî ǀâsana xub ge ǀguidigo ǁguibasa ge ǂgaoǀkha tama hâ i. ǀNî ǁaegu aib ge mâ khoe-i hoa gere mā-am î-i ǁguibade ǁî-i di mâsib ǃoagu dī.—Khomai re Levitikus 5:7, 11.
5. Jehovab ǃgamǃgamsenxasib tsî ǀkhomxaǂgaosib aiǁgau-e mā re.
5 Jehovab di ǃgamǃgamsenxasib tsî ǀkhomxaǂgaosib tsîn ge ra ǂkhāǃnâ bi, îb ǁnâuǃāxa. Aiǁgause Jehovab di ǃgamǃgamsxasib ge ge mûhe ǁkhā i, Sodoms eloxoresa khoenab gere dīkākā ǂgao o. ǁÎb ǀhomǃgāgu ǃna-ub ge Jehovaba Lota ge mîba îb ǃkhomxa ǀhariba ǃoa ǃkhoe. Loti ge gere ǃao ǁnāpa īsa. ǁNā amagab ge ge ǀkhoma îb ǁîb tsî ǁîb omarisa mā-amhe sâu ǃkhai-e ôasa ǂkhari ǃaros Soars ǃnâ. Hînab ge Jehovaba dîkākāb nî di a mîǁguisa ǃoa. Jehovab ge ǀnîsi Lota ga ǂgaoǀkha hâ, îb ǁîb ge mîba bi khami ǀgui di. Xawe Jehovab ge Lota ge mā-am îb Soarsa ǃoa ī tsîb ge ǁnā ǃāsa ge dīkākā tama hâ i. (Gen. 19:18-22) ǂGui kurin gaoǃâb ge Jehovaba, Neneves di ǁanǂgāsaben ǃoagu ǀkhomxaǂgaosiba ge ǁgau. ǁÎb ge kēbo aob Jonaba ge sî, îb Neneves di eloxoresa khoena sī mîba. ǁÎn tsî ǁîn ǃās nî dīkākāhesa. Xawe Nenevaǁîn ge ǃhobasen ob ge Jehovaba ǁîna ge ǀkhom tsî Nenevesa dīkākā tama ge i.—Jon. 3:1, 10; 4:10, 11.
6. Jesub Jehovab di ǁnâuǃāxasiba ra ǁgae ǀgauba ǁguiǃā re.
6 Jesub ge Jehovab di ǁnâuǃāxasiba ge ǁgae. ǁÎb ge ǃhūbaiba ǃoa ge sîhe, îb ‘Isreali di kā hâ gūna’ aoǁnâba. Xaweb ge ge ǁgau ǁîb a ǁnâuǃāxasa khoenab da aoǁnâba hîna. Aiǁgauseb ge Israelǁî tama kaikhoes xa ge ǀkhoma-e, îb ǁîs di ǀgôas hina ‘ǁgâuab xa hâǃnâhesa’ ǂuruǂuru. Jesub ge ǀkhomxaǂgaosiba ǁgau tsî kaikhoes ge ǂganbi khama ge dī, ǁîs di ǀgôasa ǂurǂurus ǃnâ-u. (Mat. 15:21-28) ǀKhara aiǁgausa kō re. Jesub ge aoǁnâ tsoatsoab ge o, ge mî: ‘Xawe mâ-i hoa-i tita ga ǀūxū-i, ǁî-e ta ge nî ǀūxu.’ (Mat. 10:33) Xawe Petrub hîna ge ǁîba ǃnona ǃnâde ǀūxūbab ge ǀūxū? Hî-i, Jesub ge ge ǂan i Petrub ge kaise dīb ge xūn ǃaroma ǃhausen tsî ǂgomǂgomsa īsa. Jesub ge ǁōba xu a kâi, ob ge Petrub tawa ǂhai. Tsî ǁîba ge mîba ǀûbabib ko ǃkhaisa tsîb noxoba ǀnambisa.—Luk. 24:33, 34.
7. Filipeǁin 4:5 ǃoagu da naun xa mati nî tsâ?
7 Jehovab tsî Jesub tsîn a ǁnâuǃāxasa da ge go ǁkhāǁkhāsen. O sida? Jehovab ge ra ǂhawa î da sida tsîna ǁnâuǃāxa (khomai re Filipeǁîn 4:5.) ǀNî ǂnuiǃkhunis ge nē ǁaraǃāsa saorase ra mî: “Sado dīgu ǃnâ-u ǁgau re ǁnâuǃāxa khoe du asa.” Dîsen ǁkhā da ge a: ‘Khoena ǁnâuǃāxa khoe-i ase ra mû te? Tamas ka ion khoexaǃnâ tama khoe-i ase ra mû te? Tî da ra ǂhawa xu-i ǀgui-i nî dīhe sa da ra ǂgao? Tamas ka io da ǂhabasa i ga o, naun di ǀapemade ra ǃgâ?’ ǁNâuǃāxasiba da ga ǁgau, o da ge Jehovab tsî Jesub tsîna ra ǁgae. Ha re î da ǁnâuǃāxasiba da a ǁgau ǁkhā ǀgam ǃâga ǃhoaǃgao. Sida mâsigu ga dawa tsî sida di ǂâi ǀgaub tsî mîǁguigu ga naun khoen dīga xu ǀkhara o.
MÂSIGU GA DAWA O ǁNÂUǃĀXA RE
8. Tae-e a hui da ǁkhā î da ǁnâuǃāxasiba ūhâ mâsigu ga dawa o? (ǀgamirosa mû re)
8 ǁNâuǃāxasiba da ge nî sîsen-u sida masigu ga dawa o. Nē ǀkharaǀkharan ge ǃâubasen tama da go hâ i ǃgomsina a ǃaroma ǁkhā. ǀNîsi da ge ǁkhōǁkhōsa ǀaeb mâsib tsîna a hōǃâ ǁkhā. Tamas ka io, marisi mâsigu tsî politiks ǃnâ ra ī xun tsîn ge sida ûiǀgauba a tsâǀkha ǁkhā. (Aoǁn. 9:11; 1Kor. 7:31) Kaises tsîna i ge a ǃgom ǁkhā ǀapeǂhumis ga ǂgan da o. Î da Jehovaba ǀkhara ǁgaumais ǃnâ ǃoaba tamas ka io ǃās ǃnâ sī. Mâ mâsib hoab ǃnâ da ge a ǃgâiǃgâ ǁkhā, saora haka xūna da ga dī o: (1) Sadu mâsib go ǀkhara sa ūǃoa re, (2) Hāni ǁaeba ǃoa kō, (3) ǃgâin xa ǀgui ǂâi, tsî (4) Nauna xūna dība re. bHā re î da nēsi ǃhoaǃgao sîda ǁaeb ǃnân ǃgâsana mati nē 4 xūna dīsa xu ǃgâiba ra hō ǀgauba.
9. Tae-e sîsabera ge hui îra ǃâubasen tama ra hâ ǃgomsigu ǃnâ mâǀgai?
9 Sadu mâsib nēsi ra ǀkharasa ūǃoa re. Immanueli tsî Fransika hâra ge ǀkhara ǃhūb ǃoa sîsabera ase ge sîhe. ǁÎra ǀasa gowaba ǁkhāǁkhāsen tsî ǀhaohâb ǃnâ khoena ǃgâise ra ǂan hinas ge. Coronasa ge tsoatsoa tsîs ge nēsa ge ǃaroma îra ǃgâsana xu ǃnūse hâ. Tsîs ge Fransikas ǁgûsa ǃâubasen tamas hâse ge ǁō. Fransikas ge kaise ǁîs omaris ǀkha gere hâ ǂgao. Xawes ge Coronas xa ǃaromahe hâse ge īǁoa i. Tae-e ǁîsa ge hui îs nē ǃgom mâsiba tani ǁkhā? ǂGurose, Immanueli tsî Fransika hara ge gā-aisba ge ǀgoreba, îra mâ tsēs hoasa hās da khami sîsenǂam. Jehovab ge ǁîra ǀgorede gāgasi ǂûn ǃnâ-u ge ǃeream. Aiǁgause, ǁîra ge ǃgâsab hîna ge dîǃnâheb di aiǁgaus xa ge ǂhâǃnâhe. ǁNāpa xu ra ge ge ǁkhāǁkhāsen: “ǃHaese du ga sadu di ǀasa mâsiba ūǃoa, o i ge sadu ǂkhîba ǃhaebe ra oaǀkhī. Tsî ǁkha du an hoana ǀasa mâsib ǃnâ dī o.” cǀGamǁîse ǁîra ge ge mîǁgui îra telephoni ǃnâ-u aoǁnâsa ǀāǀā. Tsî ra ge Elobmîs ǁkhāǁkhādi tsîna ge tsoatsoa. ǃNonaǁîse, ǁîra ge ǃgâsan di ǂkhāǃnâsa ge uǃoa. ǀNî ǃgâsas hîna ǁîra ǃnâ ǃgâiǃgâibasensa gere ǁgaus ge tsēs hoasa kurib ǃnâ xoasa gere sîba ra. ǁNās ase da ga sida di ǀasa mâsiba ūǃoa, o da ge kai ǃgâiaǂgaoba a ûhâ ǁkhā.
10. ǀGui ǃgâsasa mati ǁîs ûib ǃnâ ge hâ ǀkharaǀkharana ge ūǃoa?
10 Hāni ǁaeba ǃoa kō tsî ǃgâi xūn ai ǂâisa ǂnui re. Christina di ǀon hâ Romaniab ǃgâsas hîna Japani ǃnâ ra hâs ge kaise ge tsûhâǂgao hâ i Engels ǀhâohâb ge ǀûhe o. Xawes ge ǁîsa ī ge xu i xa ge ǂâihâhâ tama ge i. ǁÎs ge hâǃnâs ge hâ i Japanes gowab di ǀhâohâb ǃnâ dī ǁkhās a xūna ge dī. Tsî aoǁnâ sîseni ǃnâs tsîna ge ǁguiǂāsen. ǁÎs ǀkha ǂgurose ǀguiba gere sîsen khoesas ge ge ǂgan, îs Japanes gowaba ǁkhāǁkhāhe. Nē khoes ge Elobmîs tsî ǀamosib kōse ǃgâiaǂgao re di ǀon hâ ǂkhanisa ra sîsenūse Christinas ǀkha Japanesa gere ǁkhāǁkhāsen. Nēs ge Christinas ǀguisa ge hui tama hâ i, îs Japanes gowaba ǂan. Xawes ge nē khoes tsîna ēga amab ǃnâ, ǃgâiǃgâibasensa ge ǁgau. Aisǀkhaba ǃoa kō tsî da ga ǃgâi xūn xa ǀgui ǂâi, o i ge ǃâubasen tama ta hâ mâsiba ǃâubasen tama ta hâ ǀkhaega a māda ǁkhā.
11. Tae-e ǀnî ǃgamme hâ khoera ge hui marisi ǃgomisib ge hâ o?
11 Nauna xūna dības. Sida sîsenni mâ-amsa tama hâ ǃhūb ǃnâ hâ khoe-aogura ge ǁîra di marina ge ǂoaǃnâ, ǃhūb ge a ǀgâ amaga. ǁÎra nē mâsiba mati ge ūǃoa? ǂGurose ra ge ǀguiǃgupu ûiba ge ūhâ tsoatsoa. Saorase ra ge ǁîra, ǃkhūsib xa ǀgui ge ǂâi tama i. Xawe nau khoen di ǂhâsiga ǁîra dîn ais ai ge mâi aoǁnâ sîsenni ǃnâ ǀhawes ǃnâ-u (ǃNǃkh. 20:35) Aob ge ra mî: “Aoǁnâ sîsenni ǃnâ hoa ǁae hâs ge ge hui mî. Îm tā ǃgâi tama ǀgaugu ai ǂâisa ǂnui xawe Elob ai âis a ǂnui.” Mâsigu ga dawa, o i ge kaise a ǂhâǂhâsa î da nauna huisa ǂâis ǃnâ ūhâ. ǃGōsase sida aoǁnâ sîsenni ǃnâ-u.
12. Apostel Paulub aiǁgausa mati a huida ǁkhā, î da dawa ra mâsigu ǃnâ aoǁnâ sîsen-e dī?
12 Sida aoǁnâ sîsenne da ge mâsib ra dawa khami nî dī ǁkhā. Aoǁnâba da ra khoen ge ǃkharagagu ǂâi ǀgauga Elob xa ūhâ tsî ǃkharagagu ǃhaodi tsî ǃhūga xu hâ. Apostel Paulub ge mâ mâsib ǃoagu gere dawa. Tsî da ge ǁîb aiǁgausa xūs tsîna ra ǁkhāǁkhāsen. Jesub ge Pauluba ‘apostelse’ ǃhaodi ǃoa ge ǁgaumâi (Rom. 11:13) ǁNās ǀkhab ge apostel Pauluba Jodeǁîn, Greekǁîn, gā-ain, ǃgamǃgamsenxan, ǂhanu ǂgaeǂui-aogu tsi gao-aogu tsîna gere aoǁnâba. ǃKharagagu khoen di ǂgaogab nî tsâǀkha ǃkhais ǃaromab ge Pauluba, “hoana ta ge hoaraga xūn ase ība” ti ge mî. (1Kor. 9:19-23) ǁÎb ge aoǁnâbab da khoen māpa xu ra hās tsî taen da ǂgomsa ǂōrisase gere kō. Tsîb ge ǁnās ǀkha mâ khoe-i hoa-i mâsib ǃoagu khoen Elob xa nî ǂgaehe ǀgaub ǃnâ ǁîn ǀkha gere ǃhoa? Sida tsîn ge ǃgâi sîsenǂuiba aoǁnâ sîsenni ai a ūhâ ǁkhā, khoen a ǂan xūna sîsenūs tsî ǁîn di ǂhâsib ǃoagu aoǁnâsa.
NAU KHOEN DI ǂÂIǀGAUGA ǃGÔA RE
ǁNâuǃāxa da ga, o da ge naun di mûǂuiba nî ǃgôaǃgâ? (13ǁÎ xoaǀgorasa mû re)
13. 1 Korinteǁîn 8:9 ǃnâ ra mîhe ǁhōǁhōsa ǀgauba xu da mati a ǂgōsen ǁkhā naun di ǂâiǀgauba ǃgôas ǃnâ-u?
13 ǁNâuǃāxasib ge ra hui da î da nau khoen di ǂâiǀgauga ǃôasiba ǁgau. Aiǁgause ǀnî ǃgâsadi ge make-upsa sîsenūs xa ǃgâibahe xawe di ge nauna ǁnās xa ǃgâibahe tama. ǀNî ǃgâsan ge xûi-e ǀnōsa ǀgaub ǃnâ ās xa ǃgâibahe xawen ge nauna ā tama hâ. Hoa Xristeǁîn ge ǃgâi ǂurusiba ra ǂhawa ǃkharagagu ǂurusib ǃao hâ xūna ra ǁhûi. Hoaǁae da ga sida mîǁguigu ǀguigu ge a ǂhanu di ga ǂâi tsî ǁnā ǂâiǀgauba nauna ai ǁhûi ǁnā. Os ge nēsa ǀnîna ǃnôa kai tsî ǀgorasa ǀhâohâb ǃnâ a ǃaroma ǁkhā. ǁNā amaga da ge nēti i ǀgauga xu ra ǂgōsen. (Khomai re 1 Korinteǁîn 8:9; 10:23, 24) Hā re î da ǀgam aiǁgaura ǃhoaǃgao, hîna ra ǁgauna mati i Elobmîs tsoatsoade sîsenūsa a huida ǁkhāsa. Î da ǀnōsa mûǂuib tsî ǂkhîba ūhâ.
ǁNâuǃāxa da ga, o da ge naun di mûǂuiba nî ǃgôaǃgâ? (14ǁÎ xoaǀgorasa mû re)
14. Mâ Elobmîs daoǁgaude sada di ana ǀgaub tsî tanisen ǀgaub tsîna nî ǂgaeǂgui?
14 Sara anab tsî tanisen ǀgaub. Jehovab ge ana da nî ǀgauba xoaǁgui tama hâ xaweb ge Elobmîs daoǁgaude ra mā da. Elob ǃoaba-aon khami da ge ra ana ǂgao. ǁNās ge ǁnâuǃāxasib, ǃgamǃgamsenxasib, “taob tsî îǂhôasib” tsîna ūhâse. (1Tim. 2:9, 10; 1Pet. 3:3) Sida ana ǀgaub ge tā ǁgauǂui da ra khami ni mûsen. Elobmîs daoǁgaudi ge ǀhaohâb ǃûi-aoga nî hui, i gu tā anas tsî ǀûn dawa i ga hā o, ǁîgu di ǁgaraga ǁgui. Aiǁgause ǀhâohâb ǃûi-aogu ge ǀnî ǂkhâm ǃgâsaga gere hui. Î gu tā ǁîgu ǀûna Jehovaba ǃoaba tama hâ khoegu khami ǂkhom. Matigu ǀhaohâb ǃûi-aoga ǁîga nî hui, ǁgaraga ǁgui tamase? ǃNarimara mûǂam-aob ge ǀhaohâb ǃûi-aoga ge hui îgu ǃgâsaga saorase mîba; ǃHoasa gu ga mā ǁaeb ain ǀhaohâb ǃgâsana ǃnāsase sago anahâ ǀgaub ai ǂâisa ǂnûi, ǃhoa gu ra xūn xa. O i ge sago anahâ ǀgauba ǃgomsiba ūhâ.” Nē ǁguiǃāǀgaub ge kaise ge supu-i ǁgara-e ǁgui d
ǁNâuǃāxa da ga, o da ge naun di mûǂuiba nî ǃgôaǃgâ? (15ǁÎ xoaǀgorasa mû re)
15. Mâ Elobmîs ǂhanugu tsî daoǁgaude nî huida, ǂurusib xa da ga mîǁguiga dī o? (Rom. 14:5)
15 ǂUrusiba kōǃgâs. Mâ Xristeǁî hoa î ge nî mîǁgui mati î ǁî-i ǂurusiba nî kōǃâsa (Gal. 6:5) Elobmis ǂhanub ǀnîgu ǀuigu ge Xristeǁî-i di ǀaeǃkhos mîǁguiga ra tsâǀkha. ǀAob tsî ǃgaidiba xu ūdawasen di ra mî mîmadi khami. (ǃNǃkh. 15:20; Gal. 5:19, 20) ǀNî xūna da ge aitsama nî ǃereambasen. ǀNî khoen ge ǀhaohâsib di ǀaeǃkho ǃkhaiga ǃoa ǀgui ra ī, ǁîn di ǂurusiba kōǃâs ǃaroma. ǀNîn ge ǀkhara ǀaeǃkho ǀgaugu xa a ǃgâibahe. Mati ǀgui da ga ǀgaisase gara tsâ o, ǀaeǃkho ǀgaugu xa. Xawe da ge sada di ǃgâsan da dī mîǁguiga ni ǃgôaǃgâ, ǁîn di ǂurusib xa hâba. Nēs ǃaroma da ge saora xūna ǂâis ǃnâ nî ūhâ: (1) Elob Gaosib ǀguib ge ǀamosib kōse nî hâ ǂurusiba nî ǀkhī-u. (Jes. 33:24) (2) Mâ Xristeǁî-i hoa î ge nî ǂân, tae-i ǁî-i ǃaroma a ǃgâi ǃkhaisa. (khomai re Romeǁîn 14:5.) (3) Nau khoena da ge ǀgoraǃâ tamas ka io ǃnôa xu-i ase ība tide. (Rom. 14:13) (4) Xristeǁîn ge ǀnamma ra ǁgau tsîn ge ǁîn di ǃnorasasiba aitsma ǁhûibasens diba, ǀhâohâb di ǀguiǃnâxasib aiǃâ mai tama. (Rom. 14:15, 19, 20) Nē haka xūna da ga ǂâis ǃnâ ūhâ, o da ge ǀgūǀhōsagusisa sada di ǃgâsan ǀkha ni ūhâ. Tsî ǀguiǃnâxāsib tsî ǂkhîba ǀhâohâb ǃnâ ni omkâi.
ǁNâuǃāxa da ga, o da ge naun di mûǂuiba nî ǃgôaǃgâ? (16ǁÎ xoaǀgorasa mû re)
16. Matib ǀhâohâb ǃûi-aoba ǁnâuǃāxasiba nau ǀhâohâb ǃûi-aoga ǁgau ǁkhā? (Ai-īsiba mû re)
16 ǀHaohâb ǃûi-aogu ge ǃgâi aiǁgausa ǁîgu mûǃāxasib ǃnâ ni ūhâ. (1Tim. 3:2, 3) Aiǁgause ǀhaohâb ǃûi-aob ge tā nî ǂâi ǁîb di ǂâiǀgaub hoaǁae nî ūǃoahesa, ǁîb naugu xa a kai ǃkhais ǃaroma. ǁÎb ge ra ǂanǃgâ Jehovab di gagab mâ ǁânib hoab ai a sîsen ǁkhāsa. Îb ǁîb di ǁgâiǂuisende gā-ai mîǁguib ai ǀaro. Tsî Elobmîs di daoǁgaudi ga ǃgûǂamhe tama io, o gu ge ǁnâuǃāxa ǀhâohâb ǃûi-aoga ǃnāsa ǃgâsagu di mîǁguiga māsenxase ra ǂhāǃnâ. ǀNîsi gu ga ǀkhara mîǁguib xa ǃgâibahe xawe.
ǁNÂUǃĀXASIBA XU ǃGÂIBA HŌS
17. ǁNâuǃāxa Xristeǁîna mâ ǃgâiba ra hō?
17 Xristeǁîn ge ǂgui ǀkhaega ra hō ǁîn ǁnâuǃāxasiba xu. ǃGâiaǂgao da ge ra sida ǃgâsan ǀkha da ūhâ ǃgâi ǀhōsagusis xa tsîb ge ǀhaohâba ǂkhîb ǃaroma ra ǃgâiaǂgao. ǃKharagagu ǀgaugu ǃnâ da ge ǃgâiba ra hō. Tsî ǁnaedi gu hîna Jehovab di ǀguiǃnāxa ǃoaba aon ǁaegu hâb. Hoan ǂamai da ge ǃâiba ra hō ǂansa, Jehovab di ǁnâuǃāxasiba da ra ǁgaesa.
90ǁÎ ǁNAETSANAS A da ǂkhâǃnâgu re
a Jehovab tsî Jesub tsîn ge a ǁnâuǃāxa. Tsîkha ge ra ǂhâba, î da sida tsîna ǁnā ǀgauba omkhâi. ǁNâuǃāxa da ga, o da ge xūn ga sida ûib ǃnâ dawa o nî supubahe ūǃoasa. Aiǁgause, sada ǂurursib tamas ka io marisi mâsib ga dawa. O da ge xūna mî tsî nî dī ǀhaohâb di ǂkhîb tsî ǀguiǃnâxasib tsîna nî ūhâ ǀgarana.
b “How to Deal With Change” di hâ Khomaiǃâsa ǂkhaikari hâb ǃnâ mû re No. 4 2016
c ǃGâsab Dmitriy Mikhaylovi dîǃnâs vidioba “Jehovab ge ǁgâiǀāba ǃgâise ra mû” di hâ khomaiǃâs ǃnâ Maart-Aprili 2021 Xrîsteǁî ûib tsî aoǁnâ sîsenni—sîsen ǂkhanib ǃnâ mû re
d Ana ǀgaub tsî tanisen ǀgaub tsîn ǀkha nî hui da ǀarosa ǃgāsasib ǃaroma, 52ǁî ǁkhāǁkhāǃâs ǀAmosib kōse ǃgâiaǂgao re di ǀon hâ ǂhanis ǃnâ mû re