1. Tae-i ǃaroma i a gā-ai tsūkēǃgâb ǃaroma aiǂhomisensa?

 AIǂHOMISENS ge ûiga ra sâu, aiǁgause tsūkēǃgâb ga hā o. O î ge ǃnāsa ǁaeba khoen hîna ge ǀnai aiǂhomisen hâ-ina a ûiǃkharu ǁkhā. Tsî naun tsîna hui ǁkhā. Europab ǃnâ hâ ǀapeǂhumis hîna khoena ra hui tsâs ge ra mî: “Aiǂhomisens ge ǂgui ûiga a sâu ǁkhā.”

2. Tae-i ǃaroma da kai ǂôǂōsib (ǁgâiǀāb) ǃaroma nî aiǂhomisen? (Lukab 12:40)

² “Kai ǂōǂōsib” (ǁgâiǀāb) ge ǂgui khoen ǃâubasen tama hâ hîna nî tsoatsoa. (Mat. 24:21) Xawe Kai ǂōǂōsib ge nau tsūkēǃgâga xu nî ǀkhara, hā-ini sa da a ǂan amaga. Jesub ge 2000 kuriga ǃkharu hâse, ǁîb saosabena ge ǃkhâikhom în ǁnā tsēs ǃaroma aiǂhomisen. (Khomai re Lukab 12:40 sa.) Aiǂhomisen da ga, o î ge nî supu ǁnā ǃgom ǁaeba ûiǃkharusa. Tsî nau khoen tsîna nî hui în ǁkhā xū-e dī.—Luk. 21:36.

3. Matis mâǀgais, ǀkhomxaǂgaosib tsî ǀnammi tsîna nî hui da, î da kai ǂôǂōsib (ǁgâiǀāb) ǃaroma aiǂhomisen hâse hâ?

³ Hā re î da ǃnona ǀgauga ǃhoaǃgao, hui da ǁkhā a ga î da ǂhomisase hâ kai ǂōǂōsib ǃaroma. Tae-e da nî dī mîbahe da ga o, î da ǀgoraǃgâs di haisi-amsa aoǁnâ. Tsîn ga khoena mâǃoa da o. (J.ǂHa. 16:21) Mâǀgaisa da ge ǂhâhâ, î da Jehovaba ǁnâuǀnam tsî ǂgomǃgâ ǁîb sida nî ǁkhaubasa. Tae-e da nî dī sada ǃgâsan ga ǀnî xūn tamas ka io hoa xūn hînan ūhâna ǂoaǃnâ o? (Hab. 3:17,18) ǀKhomxaǂgaosib ge nî ǂkhâǃnâ da, î da ǁîna hui. Mati da nî tanisen ǀguiba mâǀhao hâ ǁaedi xa ǃaromahe hâ ǁnāǂamdi xa da ga, sada ǃgâsan ǀkha ǁaerob di ǀgaiba hâ ǀhao o? (Ese. 38:10-12) ǁÎna da ge ǀgaisa ǀnamma nî ūhâba, î da ǁnā ǃgomǁaeba ǀguiba mâǃkharu.

4. Elobmîsa mati ra ǁgau mâǀgaixasib, ǀkhomxaǂgaosib tsî ǀnammi tsîna da nî omkhâisa?

 ⁴ Elobmîs ge ra ǂkhâǃnâ da î da aiǃgû tsî mâǀgaixasib, ǀkhomxaǂgaosib, ǀnammi tsîna omkhâi. Lukab 21:19 ge ra mî: “Mâǁapo, o du ge ama ûiba nî hōbasen.” Coloseǁîn 3:12 ge ra mî: “Taniǀnamxasib di ǂgaob ǀkha ǂgaeǂgāsen re.” Tsî Tessalonikaǁîn 4:9, 10 ge ra mî: “Elob ge aitsama sado ǀnamgu du nî ǃkhaisa ǁkhāǁkhā amaga. . . xawe ta ge ǃgâsado, ra ǀkhoma du ǃaruǀîǀgui du nî nēsa ǃnāǂamsasib ǃnâ dī ǃkhaisa.” Nē mîdi ge ǁkhāǁkhāsaben hîna ǀnai mâǀgaixasib, ǀkhomxaǂgaosib tsî ǀnammi tsîna gere ǁgauna ǃoa ge xoahe. Xawen ge aiǃgû tsî nē ǀgauga ga omkhâi hâ. Sada tsîn ge ǁkhā xū-e nî dī. Sada huis ǃaroma da ge nî ǃhoaǃgao, matin ge ǂgurokham ǁaeb Xristeǁîna mâǀgaub hoaba gere ǁgau ǀgausa. ǁNāpaxū da ge nî mû, mati da sida ǁnā Xristeǁîna a ǁgae ǁkhā ǀgausa. Tsî ǀams ai nî ǁgau, kai ǂōǂōsib ǃaroma da aiǂhomisen hâsa.

5. ǂGurogam ǁaeb Xristeǁîna mati ǃgomsin ǃnâ ge mâǀgai?

⁵ ǂHâbasa î ge ge i, în ǂgurokham ǁaeb di Xristeǁîna mâǀgai. (Heb. 10:36) ǁÎn ge ǁkhā ǃgomsin hînan ge ǃnāsa khoena ǁnā ǁaeb ai ûhâ īna gere hōǃâ. Xawen ge ǁnās xōǀkhā ǀnî ǃgomsin tsîna ge ūhâ i, Xristeǁîn ge i amaga. ǂGuin ge gere ǃgôaǃhonhe, Jodeǁî ǂgaeǂgui-aogu tsî Romeǁîn ǂhanub di khoegu xa ǀguis ose. Xawe ǁîn Omaris khoen xas tsîna. (Mat. 10:21) ǀNî ǁaegu ain ge Jehovaba ge ǃoaba ǀû aogu di ǂhomi ǁkhāǁkhāde xu ga ǂgōsens hâ. Hîna ge ǀhaohâba gere ǀgora ǂgaoga. Xawen ge ǁnā Xristeǁîna ge mâǀgai. (J.ǂHa. 2:3) Mati? ǁÎn ge Elobmîs aiǁgaudi mâǀgai ge khoen din xa gere ǂâiǃgâ. Aiǁgause, Jobi di aiǁgaus khami. (Jak. 5:10, 11) ǁÎn ge ǀgaiba ge ǀgoreba. (ǃNǃkh. 4:29-31) Tsî ǂâis ǃnâ gere ūhâ ǀgara Jehovab mâǀgain ga, o nî mādawa-am nî ǃkhaisa.—ǃNǃkh. 5:41.

6. Tae-e du Maritas ge mâǃoahes ge o, a mâǀgai ǀgauba xu ra ǁkhāǁkhāsen?

⁶ Sada tsîn ge a mâǀgai ǁkhā hoaǁae da ga Elobmîs. Tsî sada ǂkhanin ǃnâ mâǀgai ge khoen di aiǁgaudi xa khomai tsî ǂâiǃgâ o. ǁNāsa dīs ǃnâ-ūs ge Maritas ti ǀon hâ ǃgâsas, Albeiniab ǃnâ ra hâsa. Omaris xas ge ǁkhōǁkhōsase gere mâǃoahe, o ge mâǀgai ǁkhā i. ǁÎs ge ra mî: “Tita ge kaise ge tsâǀkhāhe, Elobmîs ǃnaeǃkhais Jobi dis xa ta ge ǁkhāǁkhāsen o. ǁÎb ge kaise ǃgomma gere hōǃâ. Tsî ham-i ge ǁîb ǃgomsina ǃaromasab ge ǀū-i xawe ge mî: ‘ǁŌ ta nî tsēs kōse ta ǀhapio ta asa nî mî.’ (Job. 27:5) Jobi ǃgomsin ge tin xa mati kai-i ǀgaub xa ta ge ge ǂâiǃgâ. ǁÎb ge ge ǀū-i ham-i ge ǁîb ǃgomsina gere ǃaromasa. Xawe ta ge tita ge ǂan-i.”

7. Nēsi da ga kai ǃgomsiba hōǃâ tama i xawe da tae-e nēsi ǀnai nî dī?

⁷ Sada tsîn ge sada mâǀgaisa a ǀgaiǀgai ǁkhā. Hoaǁae da ga ǀgores ǃnâ-ū, sada di ǂhansenan hoana Jehovab ǀkha ǀgoragu o. (Fil. 4:6; 1Tes. 5:17) ǀNîsi du ge nēsi kai ǃgomsiga ūhâ tama hâ. Ti i ga ī, xawe du Jehovaba ǃoa ǀgore tsî huiba ra ǂgan, ǂkhabuǂâi hâse du ga tsâ ǁaeb hoab tamas ka io du ga tae-e du nî dīsa ǀû o? Nēsi du ga hoaǁae Jehovaba ǃoa ǀgore tsî ǂkhari ǃgomsin ǃaroma huiba ǂgan. O du ge îganǀgē tide kai ǃgomsin ga hā o, ǁîb ai huiba ǂgansa. Tsî du ge nî ǂgomǃgâ ǁîb ǃgâise a ǂansa, mâǀgaub ǃnâ sado huisa.—Psa. 27:1, 3.

8. Mirahs aiǁgausa tae-e ra ǁgau, nēsi ǃâitsâgu ǃnâ mâǀgais mati hāniǁaeb ǃnâ nî huida ǀgausa? (Jakobub 1:2-4)

 ⁸ Kai ǂōǂōsiba da ge a mâǀgai ǁkhā, ǀnai da ga nēsi sida ǃgomsin ǃnâ a mâǀgai o. (Rom. 5:3) Tae-i ǃaroma da ǁnāsa a mî ǁkhā? ǂGui ǃgâsan ge ra mî, mâ ǃnās hoas ain ga ǃgomsin ǃnâ mâǀgai, on aiǂhumisasa hā nî ǃgomsin ǃnâ mâǀgaisa. ǃGomsiban ga Jehovab huib ǀkha a mâǀgai o. On ge ǃnāsa ǂgomsa ge ūhâ i, Jehovab ǁîna ra hui ǂgaosa. Tsîs ge ǂgomsa ǁîna ge hui în hānî ǃâitsâ-e mâ ǃkharu ǁkhā. (Khomai re Jakobub 1:2-4 sa.) Mirah ti ǀon hâ aimâba-aos hîna Albainiab ǃnâ ra hâs ge ge hōǃâ. ǃKharuge ǁaeb ǃnâ ǃgomsin ǃnâ mâǀgais ge huisi sa, nēsis ūhâ ǃgomsin ǃnâ mâǀgaisa. ǁÎs ge ra mî: “ǀNî ǁaegu ais ǁîs ǀguis ǂgui ǃgomsiga ūhâ khami ra tsâsa. Xawes ge Jehovab ge ǃkharuge 20 kurigu ǃnâ ǁîsa dība xūn xa ge ǂâi. Tsîs ge ra mîbasen, ǂgomǂgomsase hâ re tā ǁnā ǂgui kurigu Jehovab ge huisi ga āxus ǀguisa hī re.” Sadu tsîn ge a ǂâi-oa ǁkhā, matib ge Jehovaba a hui dusa î du mâǀgai. ǂGomǃgâsiba ūhâ re mâ ǃnās hoas hîna du ǃâitsâ-e ra mâ ǃkharusab, ǁîba mû tsî nî mādawa-am dusa. (Mat. 5:10-12) Tsî î ga kai ǂōǂōsiba tsoatsoa, o du ge ǀnai a aiǂhomisa. ǁKhāǁkhāsen du go amaga mati du nî mâǀgaisa tsî nî mîǁguisa mâǀgai ǀgara du nî sa.

9. Antoxias ǃgâsana mati ǀkhomxaǂgaosiba ge ǁgau?

⁹ Kō re, tae-i ge a isa Judeab ǃnâ ge hâ i Xristeǁîn ge kai ǃâtsūǀkhāba a hōǃâ o. Antoxias ǃnâ ge hâ i ǀhaohâb ge ǃâtsūǀkhāb xa a ǁnâu toas khaoǃgân, ge ǁîn ǃgâsan hîna Judeab ǃnâ hâna ge tsâba. Tsîn ge ǁîn ǀkhomxaǂgaosiba dīb ǃnâ-ū ge ǁgau. ǁNāpaxūn ge “ǁkhāǁkhāsabena ge mîǁgui tsî î ge mâ-i hoa-e ǁî-i ǁkhāsib ǃoa, ū-i hâ xū-i hoa-e ge mā. ǁÎn di ǃgâsa ǂgomsaben hîa Judeab ǃnâ hâna nî huise.” (ǃNǃkh 11: 27-30) ǁÎn di ǃgâsan ge ǃnūse gere hâ xawen ge Antoxiab ǃgâsana ge mîǁgui ǁîna huisa.—1Jhn. 3:17, 18.

10. Mâ ǀgaugu ǃnâ da tsūkēǃgâb xa ge tsâǀkhāhe ǃgâsana ǀkhomxaǂgaosiba a ǁgau ǁkhā?

¹⁰ Sida tsîn ge nētsē ǀkhomxaǂgaosiba a ǁgau ǁkhā ǁnâu da ga o, sida ǃgâsan tsūkēǃgâb xa ǁnāǂamhe o. ǃKhaese da ge ra dītsâ huisa. ǀNîsi ǀhaohâb ǃûi-aoga dîs ǃnâ-ū, xū-i hâsa sida a hui ǁkhā-e. ǃHūbaib ǂhawase ra dīhe sîsenni ǃaromas tsîna da ge marisise a hui ǁkhā. Tsî da ge ǁnān hîna tsūkēǃgâb xa tsâǀkhāhe hân tsîna a ǀgoreba ǁkhā. b (ǂKhm. 17:17) Aiǁgause, 2020ǁî kurib ǃnâ î ge 950 tsūkēǃgâb Komitede ǃhūbaib ǂhawase ge ǁgaumâihe. Î gu Coronas xa ge tsâǀkhāhe ǃgâsana hui. ǁNān hîna nē tsūkēǃgâb sîsenni ǀkha ra huina da ge kaise ra ǃgôaǃgâ. ǁÎn di ǃgâsanan ǀkhomxaǂgaosiba ūba hâ amagan ge nē ǃgâsana, sorosi tsî gagasi ǂû-e ge māǂui. Tsî ǀnî ǁaegu ai omdi tsî ǃoaba ǃkhaigu tsîna dī-ūnu tamas ka io ge om oa. ǀGopeǀnō re 2 Korinteǁîn 8:1-4.

11. ǀKhomxaǂgaosiba ǁgausa mati koasa sida ǀhomsi ǁGûba ra mā?

¹¹ Tsūkēǃgâb khaoǃgâ da ga ǀkhomxaǂgaosiba ǁgau o, on ge nau khoena sida ǁgūtsâde ra mû. Aiǁgause, 2019 nî ǃnâ i ge Huricane dorian di a ǂansa ǀgaisa ǂoasa. Bahamas ǃnâ hâ Sala ge dīkākā toas khaoǃgâ, î ge Jehovaba ǃoaba tama hâ om-aoba ge dîhe matikō marisab nî  ǂgansa îb ǁîba ǂhâbasa sîsen-e dī. ǁÎb ge ǁîna ge mîba: “Tita ge sîsenū xūna mā du tsî aitsâmas tsîna ra sîsenǂgao. Tita ge nē-e sadu ǀapeǂhomisa matare xū-i ase ra mā ǂgao. Tita ge sadu ǀhōsana du ra hui ǀgaub xa kaise ra tsâǀkhāhe.” ǂGui khoen ge ǃhūbaib ǃnâ Jehovaba a ǀū. Xawen ge ǂguina Jehovab ǃoaba-aon ra dī xūna ra mû. Sida ga ǀkhomxaǂgaosiba ǁgau o, on ge khoena ǁîb hîna ǀkhomxaǂgaosib xa ‘ǀoa hâba’ ǃoa ra ǀgū.—Efe. 2:4.

12. ǀKhomxaǂgaosiba nēsi ǁgausa mati kai ǂōǂōsib (ǁgâiǀāb) ǃaroma ra aiǂhomi da? (ǂHaiǂhais 13:16, 17)

¹² Tae-i ǃaroma da ǀkhomxaǂgaosiba kai ǂōǂōsib (ǁgâiǀāb) ǃnâ nî ǁgau? Elobmîs ge ra ǁgauda, ǁnān hîna ǃhūbaisi ǂgaeǂguide ǂkhâǃnâ tama hân ge ǃgomsiga nî hōǃa nēsi tsî kai ǂōǂōsib ǃnâs tsîna. (Khomai re ǂHaiǂhais 13:16, 17 sa.) Sada di ǃgâsan ge ǀnîsi huiba nî ǂhâ, ûib ǂhâsin ǃaroma. Sada Gao-aob Jesu Xristub ga khoena ǀgoraǃgâs ǃaroma a hā. O da ge ǀkhomxaǂgaosiba da ra ǁgau hîna ǁîb xa ra hō-e ǂgao. Tsîb nî ǁkhauǂuida sa î da ‘Gaosiba ǀumi.’ Mat. 25:34-44.

13. Romeǁîn 15:7 ǃoagun ge ǂgurogam ǁaeb Xristeǁîna mati ǁîn di ǀnamma ge ǀgaiǀgai?

¹³ Hoa khoen ge ge ǂan-i, ǂgurogam ǁaeb Xristeǁîn hoan ge ǀnamgu isa. Xawen ge supubahe-i ǀnamma ǁgaugusa? ǃKharagagusib hîna ge Romeǁîn ǀhaohâb ǃnâ hâ ib xa ǂâi re. ǁÎn ǁaegu î ge Jodeǁîn ǀguina ge hâ tama hâ i, hîna ge ǁkhāǁkhāhena în Moseb di ǂhanuba ǁnâuǀnam. Xawen ge ǀūbeǁaes di khoen tsîna ge hâ i. Hîna ge kaise ǀkhara khaoǃhūba Jodeǁîna xu ūhâ îna. ǀNî Xristeǁîn ge ǀnîsi ge ǃgā-i. Tsîn ge ǀnîn tsîna ǀnîsi ǃgāna ge ūhâ i. Matin ga ǁnā Xristeǁîna ǃkharagagusiba sîsenǂam tsî ǁîn ǀnamma ǀgaiǀgai hâ? Apostel Paulub ge ǁîna ge ǂkhâǃnâ, în ǃkhōǃoagu. (Khomai re Romeǁîn 15:7 sa.) ǁNāsa tae-e ra ǂâibasen? ǃKhōǃoagu di hâ mîs ge ra ǂaibasen, sarira khoe-e ǃgâi ǀgaub ǃnâ hâ-ū sa. Sa oms tamas ka io ǀhōsan ǁaegu. Aiǁgause, Paulub ge Filimona ge mîba matib ǃkhoebē ge ǃgāb Onesimuba nî ǃkhōǃoa ǃkhaisa, mîb ge ge ǁîba ‘ǁkhoreǁhare re.’ (Fil. 17) Priskilas tsî Akwilab tsîra ge Apoloba ge ǃkhōǃoa. ǁÎb ge ǀoro ǂansa ǁîra xa ge ūhâ i. Tsî ra ge “ǁîra tawa ge ūbi.” (ǃNǃkh 18:26) ǁNā Xristeǁîn ge ge mā-am tama hâ i, în ǁîn di ǃkharagagusiba ǁîna ǀgora. Xawen ge ǁnā ǃgomsiga ǀguiba ge sîsenǂam. Tsî gere ǃkhōǃoagu.

14. Annas tsî ǁîs aob tsîna mati ǀnamma ge ǁgau?

¹⁴ Sida tsîn ge sida ǃgâsana ǀnamma a ǁgau ǁkhā. ǁÎn ǀkha ǀhōsagusisa omkhâis ǃnâ-ū. Tsîn ge ǁîn tsîna sida ǀnamma nî ǁgau. (2Kor. 6:11-13) Annas tsî ǁîs aob tsîn di aiǁgausa kō re. ǃNūbu ǁaeb khaoǃgâ ra West Afrikab ǃnâ ǁîra di sîsaben ǁgaumâis ǀkha ra tsoatsoa. ǁAeb ǃnâs ge Coronas tsîna ge tsoatsoa. ǀAsase ge ǀkhī khoen ase ra ge ǁîra ǀhaohâb ǀkha ge ǀhao ǁoa-i. Nē ǃgamme hâ khoera mati ǀnamma ge ǁgau? ǁÎra ge zooms ǃnâ-ū ǃgâsan ǀkha gere ǃhoa tsî ǁîna ge mîba matikōse ra ǁîn ǀkha ra ǂangu ǂgaosa. Omaridi ge ǁnās xa ge tsâǀkhāhe. Tsîn ge ǃnāsa ǁaeba ǁîra bel tsî sms na gere xoaba gu. Nē ǃgamme hâ khoera tae-i ǃaroma ǁîra di ǀhaohâb ǃnâ ge hâ i ǃgâsana ǃgâise gere ǂan ǂgao? Annas ge ra mî: “ǀNammi hîna ge tita tsî ti omaris ǃoagu ǃgâi tsî tsū ǁaegu ǃnâ gere ǁgauheb, ge ti ǂgaob tsî ti ǂâis tsîn ǃnâ ǃgamse hâ. Tsî ge ǂkhâǃnâte î ta ǀnamma ǁgau.”

15. Tae-e du Venesas aiǁgausa xu ra ǁkhāǁkhāsen sada ǃgâsan hoana ǀnams xa?

 ¹⁵ ǂGui da âda ge ǀhaohâgu ǃnâ hâ, hîna ǃkharagagu khaoǃhūgu tsî ǀgaugu tsîna ūhâ ǃgâsan hâ ǃnâb ǃnâ. ǁÎna da ūba hâ ǀnamma da ge a ǀgaiǀgai ǁkhā, ǁîn di ǃgâi ǀgaugu ai ǂâisa ǂnûis ǃnâ-ū. Venessa ti ǀon hâ ǃgâsas New Zealandi ǃnâ ra hâs ge ge ǃgombahe-i ǀnîn ǀkha ǁîs ǀhaohâb ǃnâ hōgusa. Xawes ge ge mîǁgui, î-i tā ǃgâsan ǀgaugu hîna ǁîsa ra ǂhaniga ǁîna xu hâbe kaisi. Xawe ǃnāsa ǁaeba ǁîn ǀkha hâǀhao. ǁNāsa dīs ge ge huisi îs mû Jehovab tae-i ǃaroma ǁnā ǃgâsana a ǀnamsa. ǁÎs ge ra mî: “Ti aob ge ǃnarimâra mûǂam-ao kai o. Om ge nēsi ǃkhargagu ǀgauga ūhâ ǃgâsan ǀkha ǃnāsa ǁaeba ra hâ. Tsî î ge nēsi a supubate ǁîn ǀkha hōgusa. Nēsi ta ge ǃkharagagusiba a ǀnam tsî î ge a ama Jehovab ǁnān tsîna a ǀnamsa.” ǁÎb ge sida ǃkharagagu ǀgauga ūhâ khoen hâ ǃnâ ǀapeǂhumisa ǃoa a ǂgae da amaga. ǁKhāǁkhāsen da ga o, nauna Jehovab ǁîna ra mû khami mûsa. O da ge ra ǁgau sida ǁîna a ǀnamsa.—2Kor. 8:24.

16. Tae-i ǃaromab ǀnamma kai ǂōǂōsib (ǁgâiǀāb) ǃnâ nî ǂhâǂhâsa?

¹⁶ ǀNammi ge kaise nî ǂhâǂhâsa, kai ǂōǂōsib ( ǁgâiǀāb) ǁaeb ǃnâ. Kai ǁgâiǀāb ga tsoatsoa o da mâpa nî ī, î da sâuhe ǁkhā. Kō re Jehovab ge tae-e ǁîb di khoena a mîbasa în dī, Babilons gere ǁnāǂamhe o: ‘Ti khoedo, sadu omdi ǃnâ ǂgâ, î dao-amde sadu ǃgâb ai ǂganam. ǁAero-e gaugausen, Jehovab ǁaib nî toas kōse.’ (Jes. 26:20) ǀNîsi da ge ǁkhā daoǁgaude kai ǂōǂōsib ǃnâ nî sao. ǁNā ‘omdi’ ge ǀnîsi sada ǀhaohâga ǃoa ra ǁnaeǁgau. Jehovab ge ra mîmâi kai ǂōǂōsib ǃnâb nî sâu dasa, sada ǃgâsan ǀkha da ga hâ ǀhao o. ǁNā-amaga da ge ǃgarise nî sîsen î da tā sada ǃgâsan ǀkha taniǀnamxas ǀguisa hî. Xawe ǁîn tsîna ama ǀnam, î da ǁnās ǃnâ-ū sâuhe.

17. Nēsi da ga aiǂhomisen o, o da tae-e kai ǂōǂōsib (ǁgâiǀāb) ǃnâ a dī ǁkhā?

¹⁷ ‘Jehovab di kai tsēs’ ge kai ǁgâiba khoen ai nî hau. (Sef. 1:14, 15) Jehovab di khoen tsîn ge ǃgomsiga nî hōǃnâ. Xawe da ga nēsi ǀnai aiǂhomisen, o da ge ǃnomsase nî hâ ǁkhā. Tsî nau khoen tsîna nî hui ǁkhā. Tsî da ge mâ ǃgomsi-i hoa-i ǃnâ nî mâǀgai. Tsîn ga sada ǃgâsana ǃgomma hōǃâ. O da ge ra dītsâ ǁîna ǀkhomxaǂgaosiba ǁgausa ǁîna huis ǃnâ-ū. Tsî da ge sida ǃgâsan ǀgūse nî tsâ, ǀnai da ǁîna a ǀnam amaga. Jehovab ge ǁnāpaxu ǀamo ûib ǀkha nî ǀkhae da, hoa ǃgomsin tsî tsūkēǃgâgu ǀuruhe hâ ǃhūbaib ǃnâ.—Jes. 65:17.