Ti papap ge United Kerkheb Kanadab ǃnâ ge ouderling ī, tsîb ge mâ wekheb hoaba tida tsî tî ǃgâsas tsîna Sondag skola ǃoa gere sî. Sondag Skoli khaoǃgâ da ge sida 11:00 īrsa xu Kerkheb ǃoabasa gere hâǃnâ. Karab aim ge ti mamasa Saala ǃoa gere sao. Kaise i ge ge supu i ǃkharagagusiba nē ǀgam ǂgomra ǁaegu mûsa.

Ti mamas ge ǁîs di ǀasa ǂgomsa ǁîs di ǀhōsara, Bobi tsî Marion hâra ǀkha ge ǀgora gu. Tsî ra ge ǁîra amaba ge ūǃoa. 1958ǁÎ kuri ra ge Hutchesons hâra, tîta ge ū-sao ǁîra di ǀôagu ǀkha ǁkhaisa tsēde ge hâ i Divine Will kai ǀhaosa ǃoa New York i ǃnâ. Kō oa ta ga o, o ta ge nēsi ra mûǂan ǁguiǂgasensa i ge ǂgaoǀkha hâ isa tida ū-saosa. Xawe ǁnā ǀhaos ge ti ûib ǃnâ ge maǂoa.

ǂKham ta ge io, o ta ge ǃgaro ǃās ai gere hâ. Kaise ta ge ge ǃgâibahe i xamanina kōǃgâsa tsî ta ge gere ǂâiǃgâ xamanin dokter kaisa. Ti mamas ge nē xu-e ǀhaohâb ǃûi-aoba ge mîba. ǁÎb ge ǃgâi ǀgaub ǃnâ ge ǂâiǂâiǃna te “ǀuni tsēdi” ǃnâ da ûihâsa tsî ge dî te. ǀGapi ǁkhāǁkhāsensa ǃoa īsa tsî kurina ǁnāpa sī hâs mati ti ǀhōsagusis Jehovab ǀkha ta ūhâsa nî tsâǀkhasa. (2Tim. 3:1) ǁNā ǁgamǀhaos xa ǃaromahe hâse ta ge ge mîǁgui ǀgapi ǁkhāǁkhāsensa ǃoa ta ī tide sa.

 Xawe ta ge nōxopa gere ǂâi tae-e ta nî dīsa skola ta ga toa o. Mâ wekheb di ǀams hoas ai ta ge aoǁnâ sîsenni ǃnâ gere ǁhao. Xawe ta ge ge mûǂui tama hâ i mati ta nî aimâba-ao kaisa. Ti pap tsî di omeb tsîkha ge Jehovaba ǃoaba tama hâ i amaga kha ge gere ǂkhâǃnâ te. Î ta ǀoasase insurance ǃkhai-i hîna Torontos ǃnâ hâba sī sîsenba. Ti omeb ge ǁnā ǃkhaib tawa ǀgapi sîsenn-e ge ūhâ i, ǁnā amaga ta ge sîsenn-e ge ūǃoa.

Torontos ǃnâ ta gere hâ o, o ta ge ǃnāsa ǁaeba gere sîsen tsî Jehovaba ǃoaba tama hâ khoen ǀkha gere hâ. ǁNās xa ǃaromahe hâse ta ge hoaǁae ǀhaodi tsî aoǁnâ sîsenn-i tsîna ge hâǃnâ tama hâ i. Ti oupab Jehovaba ǃoaba tama hâb ǀkha ta ge ǂguro gere hâ. Xawe ǁîb ge ǁō, o ta ge ǀnî hâǃkhai-e gere ôa.

Hutcheson omaris hîna ge 1958 i ǃnâ ǀhaosa ǃoa ūsao te hâ în ge ti ǁgûra khami ge ība te i. ǁÎn ge ge ǁhau te î ta ǁîn ǀkha sī hâ tsî ge huite î ta gāgasise ǀgai. 1960ǁÎ kurib ǃnâ ta ge ǁîra ǀgôab Johnib ǀkha ge ǁâǁnâhe. Johni ge ge aimaba-ao kai tsî ǁnās ge ge ǂkhāǃnâte î ta ǃnāsase tîta tsîna aoǁnâ sîsenni ǃnâ ǁhao. ǀHaohâb ǃnâ gu ge ǃgâsaga mû o, mati ta gāgasise ra dīsa. O gu ge ǁîga wekheb ǁaegu hâ ǀhaos di mûǂam aob ase ge ǁgaumai te. a

1966ǁÎ kuri ta ge Randi Berge di ǀon hâ ǁkhoaǂgaoxa aimâba-aosa ge ǃgamme. ǁÎs ge ǂhâsib hâba gere ǃoaba ǂgao. Sida di ǃnarimara mûǂam aob ge sîm ǃnâ ǃgâiǃgâibasensa ge ǁgau tsî ge ǂkhâǃnâ mî, îm ǀhaohâb hîna Orillia, Ontariob ǃnâ hâba sī hui. Sîm di xūna ǀkhami tsîm ge ǁkhā ǁaeb ai ǁnā ǀī ge doe.

Orillias ǃnâm da sī khami ta ge Randis ǀkha ge ǁnaedisa aimâba-ao kai. ǁÎs ge ūhâ i turab ge tîta ge tsâǀkhā. ǃGarise ta ge sîsenn tsoatsoas î ta ǃgâi aimâba-ao kai, tsî da ge ǂkhîba ge hōǃâ. Aiǁgause Elobmîsa sîsen-ūsa tsî mûsa matîn khoena Elobmîsa ra ǁnâuǃāsa. Kai ǀkhaeb ge ge i ǃgamme hâ khoe-aogura hîna Orillias ǃnâ ra  hâra huisa, ǀkharaǀkharana ǁîra ûib ǃnâ dī tsî Jehovaba ǃoaba tsoatsoasa.

Toronto sam ge sari, o ta ge Arnold MacNamarab ǀkha ge ǀhao. Bethels tawa ge ǃereamsa gere tani ǃgâsagu di ǀgui ge ība. ǁÎb ge ge dî, sîm ǀo-aisa aimaba ao kai ǂao tama hâ sa? ǁNā ǁaeb ai ta ge ge ǃeream: Îo, ma ǃkhai-i hoa-e ǃoa ta ge sîhe ǁkhā xawe Quebec’s ose.” Kanadab ǃnâ gere hâ khoen hîna ǀapaǃao gowaba gere ǃhoan di ǂâiǀgaub xa ta ge ge tsâǀkhāhe. ǁÎn ge Frans gowaba gere ǃhoa Kanadab khoen xa ge ǃgâibahe tama hâ i. ǁNā ǁaeb ain ge, khoena ǂhanuba gere mâǃoa tsî gere ǂhawa is Quebecsa ǀguri hâ ǃā kai Kanadaba xu.

Arnoldi ge ǃeream tsî ge mîba te, “ǁnâub beros ge aimâba-aona Quebecsa ǃoa ǀgui ra sî di.” ǁkhā ǁaeb ai ta ge îo, ī ta ge nî di ge mî. ǀNâi ta ge ge ǂan i Randis ǁnāpa sīra sîsenn ǂgaosa. Ēga ta ge ge mûǂan nēb ge ǃgâi mîǁguigu di ǀgui īsa sîm ûib ǃnâ.

Goro wekhegam Frans gowab klade ǁkhāǁkhāsen toa hâs khaoǃgâm ge Randi hâma. ǀNî hâ ǃgamme hâ khoera ǀkha Rimousiki di ǀon hâ ǃāsa ǃoa ge ī. Hîna 540 Kilometerga noortooste ǃnâ Montreal ǃāsa xu. ǂGui xūn ge ge hâ ī hînam ga ǁkhāǁkhāsen hâna. Tsî ǁnās ge ge ǃgāsa ǂanǂande ta ge ǀhaos tawa khomai o. Mî ta ge ge hani ǀkharib kai ǀhaos gaosi i ge “ǂgui ǀami khoena nî hâ, Austria khoen ti ta nî mîs xa.”

Rimouskis ǃnâ i ge si haka da, ǀnî haka ǁkhoaǂgaoxa ǃgamme tama hâ ǃgâsadi. Tsî Huberdaus khoe-aogura tsî ǁîra di ǀgam ǀgôara tsîna ǀguiba ge ǀhao. Huberdeaus khoe aogura ge kai omsa ge huur tsî i ge aimâba aon hîna ge ǁnāpa gere hâna gere mātare hui. Tsî da ge ǁnā omsa ǃuri oms di gere ǂai, ǃuri pilargas ge ūhâ i amaga. 12 Tamas ka io da ge 14se ǁnā oms ǃnâ gere hâ. ǀŌ-aisa aimâba- aom asem ge Randi hâma ge ǁnaedi hâ i. ǁGoagas, garab tsî ǃui-a aoǁnâsa. ǁNā amagam ge gere ǃgôaǃgâ hoaǁaem ge aoǁnâ sîsenn-em nî dī u khoe-e ūhâ isa, saob di ǃkhai ǃnuidi ǃnâs tsîna.

Kaisem ge ǀgu ǀhōsagusisa ǁnā aimâba aon ǀkha ge omkâi tsîn ge sida di ǀaokhoen khami gere tsâ. ǀNî tsēde da ge mâiǂgui tsî ǀaes ǂnamibe ǂnû tsî ǀguiba gere sâi. Sida ǀkha gere hâ ǃgâsab ǀguib ge ǀo-e gere ǀhuru. Tsîb ge Saterdagtsē kham ǃuidi ai ǀo-e gere ǀhuruba da tsî da ge ǁnae tsî gere ǂnā.

Rimouskib di khoen ge ǃgâiǃgâibasensa Elobmîs ǃnâ ge ūhâ-i. Goro kurin ǃnâ da ge aiǂhanuba ge ūhâ i mûsa Elobmîsa da gere ǁkhāǁkhā khoen ge ǁaǁnāhesa tsîb ge ǀhaohâba gere kai ro. Tsî 25 aoǁnâ aona ge ūhâ i.

Quebecs ǃnâm ge kaise ǃgâise gere ǁkhāǁkhāhe aoǁnâ-aom ase. Mûm ge gere Jehovab mati aoǁnâ sîsenni ǃnâ gere hui mî sa tsî sîm di ǂhâsigu ǀkhas tsîna. Frans gowaba ra ǃhoa khoena ǀnamsam ge ge ǁkhāǁkhāsen tsî ǁîn di khaoǃhūb tsîna. Tsî ǁnās xa ǃaromahe hâsem ge nau khoen khaoǃhūgu tsîna ge ǀnam. 2Kor. 6:13

ǃÂubasem tama hâse i ge ǁnâuberosa ge dî îm Tracadie di ǀon hâ ǃāsa ǃoa doe hîna New Brunswicki ǀgapi ge hâ isa. Nēs ge ǃgomsiba ge ǃaromaba mî, huur aim da oms di kontraksam ge xoaǃgao xu-i ao. Tsî ti ta ge skoli ǀkha kontraksa ge ūhâ i, halwe tsēsa ta gere ǁkhāǁkhā amaga.  ǁNās ǂamai i ge sîm ge Elobmîsa gere ǁkhāǁkhā khoena ge ǁaǁnâhe tsî da ge ge ǀhape-ī ǀasa Saala oms ǀkha.

Hoa Naweksam ge gere ǀgore, nē ǃāsa ǃoa does ǃaroma. Tsî nē ǃās ge Rimouskis xa ge ǀkhara i. Xawem ge ge mîmai Jehovab ǁnāpa ǂhawa mi hâ, amagam ge nēse nî dī. Jehovaba ǃâitsâ tsîm ge ge mû matib mâ ǃgomsi-i hoa-e sîm daoba xu gere ūǂuisa. (Mal. 3:10) Randis ge ǀgaisa ǀhōsagusisa Jehovab ǀkha ūhâ-i, ǃkhais ǃaromas ge ǁîs xa ǀgui ge ǂâi tama hâ i. ǁNās ge hoa xūna ge supu kai.

Sida ǀasa ǀhaohâb ge ǀgui ǀhaohâb ǃûi-aob ǀguiba ge ūhâ-i Robert Rossa. ǁÎb taras Lindas ǀkhab ge ǁnāpa aimâba-aose gere ǃôaba. Tsî ra ge ǁîra ǂguro ǀgôaba hō toas khaoǃgâ ra ge ge mîǁgui ǁnāpa hâsa. ǂKhari ǀgôaroba ra, ra kōǃgâ hîna ra ge tita tsî Randis tsîna kaise ge ǂkhâǃnâ. ǁÎra ge ge ǃhaokhoeǃkhoǃoaxa i tsî kaise aoǁnâ sisenn-i ǃnâ ge ǁkhoaǂgaoxa i.

Tracadies ǃnâm ge 2 kuriga aimâba-aose sîsen toas khaoǃgâm ge, ǁkhawa ǃaubasen tamam hâ xū-e ge hō—ǁkhauǂuisam ge ge hō îm ǃnârimara sîsenn-e dī. ǀApaǃaogowab da ǃhoa-e ǀkharib ǃnam ge 7 kuriga ge sîsen, ǁnās khaoǃgâm ge Frans gowab ra ǃhoahe ǀkhariba ǃoa ge sîhe Quebeci ǃnâ. ǁNā ǀkhariba gere mûǂam ǃgâsab Leonce Crepeaulti ge ti ǃhoadi ǃaroma gere koa te. Xaweb ge hoaǁae gere dîte mati di ti ǃhoade ǃgâsan ai ǃnāsa sîsen ǂuiba a ūhâ ǁkhasa. b Nē ǂkhâǃnâs ge ge huite î ta ti ǃhoade ǀguiǃgubuse ūhâ tsî supu kai.

ǀGui ǁgaumâis tātse ta ǀuru tides ge “Victorious Faith” kai ǀhaos hîna da ge 1978ǁî kuri ūhâ isa Montreals ǃnâ. ǂÛn di ǃâb ǃnâ ta ge gere sîsen, 80 000 khoena da ge gere ǃâubasen tsî da ge ǀasa ǀapeǁguiba ge ūhâ i khoena ǂûmas diba. Hoa xūn ge nēsi ge ǀasa i, menub, tsî ǂûna da nî aiǂhumi ǀgaub tsîna. 20 Kai ysgaga da ge ge ūhâ i, ǀnî ǁaegu ai ge sîsenn tama hâ i ga. ǂGuro tsēs nî tsoatsoas aiǃâ da ge ǂgāb ǃnâ ge ǂgâ ǁoa i, 12 īr ǀgui da ge ge ǂgâ ǁkhā i sports ge hâ i amaga. Tsî da ge sores nî ǂoaxas âiǃâ ǁgoas ǂûsa nî aiǂhumi ge īs ge. Kaise da ge ge tsauhâ i xawe ta ge ǂgui xūna nē ǃgâsan di ǃgari sîsenn-e xu ge ǁkhāǁkhāsen. ǁNāti kōse da ge ǃgâise ge sîsenn  ǀhao tsî da ge nēsis kōse a ǃgâi ǀhōsagu. Kaise ta ge ra dâ nēti-i kai ǀhaosa hâǃnâsa Quebeci ǃnâ. ǁKhā ǀkharib hînan ge khoena gere ǃgoaǃgon heb 1940-1950ǁî kurigu ǃnâ.

Nau mûǂam aoga xu ta ge ǂgui xūna ge ǁkhāǁkhāsen, nē Montreal kai ǀhaos tawa. ǀGui kuri i ge ǃgâsab David Splani hîna nēsi a ǂGaeǂguira soros ǁaniba, ǀkharib kai ǀhaos di berosa gere mûǂam. ǀNî hâ kai ǀhaos tawa ta ge ge ǂganhe ǁnā ǁgaumaisa dīsa. ǃGâsab David Splani ge kaise ǃgâise gere sîsen ǀhao tsî gere hui te.

2011ǁÎ kuri Randi hâm ge 36 kuriga ǃnârimara sîsenn-i ǃnâ ǁhao toas khaoǃgâ. O ta ge ǁkhawa ge ǁkhau ǂui-e ǀhaohâb ǃûi-aogu di skola si ǁkhāǁkhāsa. ǀGam kurigu ǁaeb ǃnâm ge 75 ǃkharagagu kharogu ǃnâ ge ǁgoe. Dîm ge ǁguibadem ge tātse ūǃoa tide. Mâ wekeb ǀams hoas ai gu ge ǀhaohâb ǃûi-aoga kaise gere gangan ǂgae ǂguira soros mati ǁîgu gāgasi mâsib xa ǁaehâsa.

Ēga ta ge Gaosib aoǁnâ skoli tawa gere ǁkhāǁkhā. Studentan ge ǂgui ǁaegu ai tsau tsî gere ǂâiǂhansen kaisen a ǀhape xui-ao. 7Īrgan ge tsēs hoasa klas ǃnâ gere ǂnû, mā hen gere sîsennen ge mā ǃuis hoasa 3īrga ga dîhâ ge īs ge. Tsîn ge 4 tamas ka io 5 ǁgaumâide gere hō. Tida tsî nau ǃgâsagu nē skoli tawa gere ǁkhāǁkhāgu ge ǁîna ge mîba tātses tsînan Jehovab huib ose dī hō tidesa. Hoaǁae ta ge ra ǂâi hō matin ge ǁnâ studentna gere buru ǃkhaisa mûn ge o, Jehovab ain ga ǂgomaiǂnûi on dī ǁkhān an hoana nî dī hōsa.

Tî mamas ge nau khoen ǃnâ ǃgâiǃgâibasensa ūhâ ǃkhais ge, ǁîs ge Elobmîsa gere ǁkhāǁkhā khoena ge hui în ǀkharaǀkharana dī. Tsî ti pap tsîna ge hui îb ǁîb ǂâiǀgauba amab xa dawa. ǃNona tsēde ǁîs ǁōb khaoǃgâb ge ti îba ǃhoas ǃaroma saala ǃoa ge hā. Tsîb ge ge aiǃgû ǀhaode saora 26 kuriga hâǃnâsa. Ti pap ge ǁāǁnâhe tama ge hâ-ī xawe gu ge ǀhaohâb ǃûi-aoga ge mîba te, ǁîb ma wekheb hoaba ǀhaode gere hâǃnâsa.

Ti mamas tsîn ge ge ǃgâi aiǁgau i tida tsî di ǃgâsan ǃaroma. Hoa ǃnona ǃgâsadi tsîn ge Jehovaba ǁîdi aogu ǀkha ra ǃoaba. ǀGam ra ge ǁnâub beros tawa ra ǃoaba, ǀguisa portugali ǃnâ tsî nausa Haitis ǃnâ.

Randi hâm ge ǀō-aisa aimâb-aom ase nēsi Hamilton Ontariob ǃnâ ra ǃoaba. ǃNârimara sîsennem gere dī, om ge ge ǃgâibahe i nau ǃgâsana ǀgamǁî sarina ǃoa saosa tsî Elobmîs ǁkhāǁkhāde ǃoas tsîna. Xawem ge nēsi ra ǃgâiaǂgao mûsa sîm ra ǁkhāǁkhā khoen Jehovaba ra ǀnamsa. Sida ǀhaohâb ǃnâ hâ ǃgâsan ǀkha da ga ǀhōsagusisa om kai. O da ge ra ǂkhâǃnâhe mûsa Jehovab ǁîna ra huisa ǃgomsigu ǃnâ.

Kō oam ga, om ge kaise khoen ge sîm ǃnâ gere ǁgau ǃgâiǃgâibasensa ra ǃgôaǃgâ. Sîm tsîn ge ge dītsâ nau khoen ǃnâ ǃgâiǃgâibasensa ǁgausa tsî ǂkhâǃnâ nîsa în ǁkhan a i hoa-e dī Jehovaba ǃoaba sa. (2Kor. 7:6, 7) Aiǁgause, i ge ǀgui omaris ǃnâ kaikhoes, ǀgôab tsî ǀgôas tsîna ǀoasase ra ǃoaba. ǁîs kaikhoeba ta ge ge dî ǁîb tsîn aimâba-ao i ase ra ǃoaba ǂgaosa. ǃEream tsîb ge ge mî, ǃnona aimâba-aonab ra kōǃgâsa. O da ge ge dî bi “sado Jehovab xa ǁîna ǃgâise a kōǃâ ǁkhā?” ǂKhâǃnâbi toa ta ge ob ge ǁîb tsîna ge aimâba-ao kai.

Randi hâm ge âiǃgu tsî ‘saora suriba Jehovab di ǃgâi sîsen gu xa nî miba.’ Tsîm ge ra ǁkhore în ǁîn tsîna ǃgâiaǂgaoba hōǃâ Jehovaba ǃoabas ǃnâ.—Psa. 71:17, 18.