ǃKHĒ XU ǂGŌ-OMMI (ǁNAETISA MĀǂUIS) Junib 2020
Nē ǁkhāǁkhāǃâdi ge Augustub 3-30, 2020 nî ǃhoaǃgaohe.
“Sa ǀonsa as khaihe re”
23ǁÎ ǁkhāǁkhāǃâs: Augustub 3-9, 2020. Mâ ǂhâǂhâsa ǃgomsiba khoen tsî ǀhomǃgāna ra tsâǀkhā? Nē ǃgomsiba tae-i ǃaroma a ǂhâǂhâsa tsî sada mati nēs ǃnâ a ǃâ? Nē dîdi ǃereamde ǁnâuǃās ge nî hui da sada Jehovab ǀkha ūhâ ǀhōsagusisa ǀgaiǀgais ǃnâ.
“ǀGuiǀgui re ti ǂgaoba, î ta sa ǀonsa ǃao”
24ǁÎ ǁkhāǁkhāǃâs: Augustub 10-16, 2020. Nē ǁkhāǁkhāǃâs ǃnâ da ge Davib ge Psalmdi 86:11, 12 ǃnâ hâ ǀgores ǃnâ Eloba ǃoa a mî xūna nî ǃhoaǃgao. Jehovab ǀonsa ǃaoǃgâsa tae-e ra ǂâibasen? Tae-i ǃaroma da nē ǀonsa ǃaoǃgâsiba nî omkhâiba? Tsî Jehovaba ǃaoǃgâsiba omkhâibasa mati tsū xūna dīsa xu ra ǁkhae da?
Khomai-aon dîdi
Galateǁîn 5:22, 23 dawa ra ǂgaihe ǀgaugu ǀguiga a ‘gagab di ǂû’?
‘Tita, ā, tita ge ti gūna nîra ôa.’
25ǁÎ ǁkhāǁkhāǃâs: Augustub 17-23, 2020. Tae-i ǃaroman ǁnān hîna Jehovaba kuriga ra ǃoabana ǀhaohâga xu ra ǂgae-oasen? Jehovaba ǁîn xa mati ra tsâ? Nē ǁkhāǁkhāǃâs ge nē dîra ǃereamde nî ǃhoaǃgao. Matib ge Jehovaba Elobmîs ǁaeb ǃnâ ge ûi hâ i khoen hîna ge ǁîba xu a ǂgae-oasena hui ǀgauba ǃoas tsîna da ge nî kō.
“ǃHobasen tita ǃoa”
26ǁÎ ǁkhāǁkhāǃâs: Augustub 24-30, 2020. Jehovab ge ǁnān hîna ge aoǁnâ ǀû tsî ǀhaode ǃoa ī ǀûn ǁîba ǃoa nî oaǀkhī ǃkhaisa ra ǂkhaba. “ǃHobasen tita ǃoa” ti hâ ǁkhauǂuis Jehovab disa ra ûǃoa ǂgao khoena da ge ra hui ǂgao. Nē ǁkhāǁkhāǃâs ǃnâ da ge mati da ǁîna nî hui ǃkhaisa nî ǁkhāǁkhāsen.
