ǃKHĒ XU ǂGŌ-OMMI (ǁNAETISA MĀǂUIS) Meib 2020
Nē ǁkhāǁkhāǃâdi ge Julib 6–Augustub 2, nî ǃhoaǃgaohe 2020.
“Gao-aob ǀapas dib” ǀunis ǁaeb ǃnâ
ǁKhāǁkhāǃâ di 19: Julib 6-12, 2020. Mû da ge ra Danieli ǂkhanis kēbos ra dīǀoaǀoahe ǀgausa hîna ‘ǀapas gao-aob’ tsî ‘ǃkhapagas gao-aob’ xa hâsa tsî matis noxoba ra dīǀoaǀoahe ǀgausa. Mati da nēsa a ǂan? Tsî tae-i ǃaroma da nē kēbos xa hâ amaba nî ǁnâuǃā?
Mâǃoaxa gaogu ǀams ǁaeb ǃnâ
‘ǀApas gao-aob’ tsî ‘ǃkhapagas gao-aob’ tsîkha xa hâ kēbodi ge nau kēbodi ǀkha ra ǃgûǀhao. Nē kēbode mati ra ǁgau ǀams ǁaeb ǃnâ da hâ ǃkhaisa?
Ham-e nētsē a ‘ǀapas di gao-ao?’
ǁKhāǁkhāǃâ di 20: Julib 13-19, 2020. Ham-e a ‘ǀapas di gao-ao’ nētsē tsî matib nî hîkākāhe? Nē ǃereamsa ǂans ge sada ǂgomsa nî ǀgaiǀgai tsî ǀgū ǁae da nî hōǃâ ǃgomsin amsi nî aiǂhomi da.
Elob ra mâ du ǃgâi ǀkhaega ǃgôaǃgâ i du ra?
ǁKhāǁkhāǃâ di 21: Julib 20-26, 2020. Nē ǁKhāǁkhāǃâdi ge Jehovaba da ūba hâ ǃgôasib tsî ǀnî ǀkhaegu hîna da ǁîba xu ra ǃkhōǃoagu ǃaroma ǂgomǃgâsiba omkhâis ǀkha nî hui da. Tsî nî hui da i da ǁnān hîna Elob ǃnâ ǂgom taman tsîna hui în ǁîb ǃnâ ǂgom tsoatsoa.
Jehovab ra mā da ǀkhaegu hîna da a mûǁoaga du ra ǃgôaǃgâ ǃkhaisa ǁgau re
ǁKhāǁkhāǃâ di 22: Julib 27–Augustub 2, 2020. ǂGuro ǁkhāǁkhāǃâs ǃnâ da ge ǀnî mûhe ǁkhā ǀkhaegu hîna da Eloba xu ra hōga go ǃhoaǃgao. Nē ǁkhāǁkhāǃâs ǃnâ da ge mûhe ǁoa ǀkhaegu xa go ǃhoa tsî mati da ǁîna ǃgôaǃgâsiba nî omkhâiba ǃkhais tsîna. Tsî da ge ǃgôaǃgâsib tsîna nē ǀkhaegu mâ-aob, Jehova Eloba a omkhâiba ǁkhā.
