1-2. Tae-i ǃaroma di ǀnî xoade ra ǂhâǂhâsa, xūn ga sida ûigu ǃnâ dawa o?

 ǁÎRA ǃGAMMEB tsēs ai ra ge ǃgamme ra khoe ra. ǃGaoǃgâxase Elobmîs ai ǃgaoǃgaosa ǃhoas. Hîna ǃgammeb xa hâsa ra ǃgâ. ǁNā ǃhoas ǃnâ hâ xoadi ge ǀasa tama hâ. Xawe di ge kaise ǁîra nî ǂhâǂhâsaba. Tae-i ǃaroma? Nē xoade ra nēsi ǃgamme hâ khoe ra ase nî sîsenū amaga.

² Nēs ge a ǀgui Xristeǁîn ga ǁgû kai o. ǃKharu goro kurin ǃnâ ra ge ǀgôana kai kais xa hâ ǃhoade ge ǁnâu. Xawe i ge nēsi ǁnā ǃhoadi ǃnâ ge hâ i ǀapemāde ǁîra ǂhâǂhâsaba. Nēsi ra ge ǁîra nî kai kai ǀgôa-e ūhâ, nēs ge kai ǃereamsa. ǁNā-amaga i ge xūn ga sida ûiba ǃnâ dawa. O ǀnî xoade kaise ra ǂhâǂhâsaba da. Nēs ge ǀgui ǃaromas Jehovab ǃoaba-aon xoade ra khomaisa. Israelǁî gao-aogu ge mîbahe hâ i khami, î gu ǂâiǃgâ ǁîgu ‘ûitsēdi hoade.’—Deu. 17:19.

3. Tae-e da nē ǁkhāǁkhāǃâs ǃnâ nî ǃhoaǃgao?

³ ǁGûdo kaise kai aiǂhanuba du ge Xristeǁî-i ase ūhâ. Sadu di ǀgôana Jehovab xa ǁkhāǁkhāsa. Xawe du ge ǃnāsa-e ra dī ǂgao, ǁîna Elob xa hâ amaba ǁkhāǁkhāsa. Sadu ǀgôana du ge ra hui ǂgao în ǁîba ǀnam. Tae-e du a dī ǁkhā î du sadu ǀgôana hui în Jehovaba ǀnam? Nē ǁkhāǁkhāǃâs ǃnâ da ge haka Elobmîs daoǁgaudi. Hîna  ǁgûdu ase nî hui du di, xa nî ǃhoaǃgao. (2Tim. 3:16) Tsî da ge nî mû matin ge ǀnî Xristeǁî ǁgûna. ǃGâiba a hōsa Elobmîs daoǁgaude sîsenūs ǃnâ.

4. Mâ Elobmîs daoǁgausa ǁgûna nî hui, în ǁîn ǀgôana hui în Jehovaba ǀnam? (Jakobub 1:5)

⁴ ǂGuro daoǁgaus: Jehovab daoǁgausa ôa re. Jehovaba ǂgan re îb ǂhâ du hâ gā-aisiba mā du. Î du sadu ǀgôana hui în ǁîba ǀnam. (Khomai re Jakobub 1:5 sa.) ǁÎb ge ǂansa ūhâ, ǃgâi ǀapemāde māsa. ǂGui ǃaromadi ge hâ xawe ǀgam ra kō re. ǂGurose, Jehovab ge ǁgû-i ase ǃnāsa ǂansa ūhâ. (Psa. 36:9) Tsî ǀgamǁîse, gā-ai ǀapemās hînab ra mās ge hoaǁae ǃgâiba ra hau.—Jes. 48:17.

5. (a) Jehovab di ǀapeǂhumisa tae-i di huiba ǁgûna ra mā? (b) Vidiob ǃnâ du go Amorim hâra xu tae-e ǁkhāǁkhāsen, ǀgôana kai kais xa?

⁵ Elobmîs tsî ǁîb di ǀapeǂhumis ǃnâ-ūb ge Jehovaba. ǁGûna ǂgui gagasi ǂûna ra mā hîna nî hui nîna. În ǁîn ǀgôana kai kai Jehovaba ǀnamsa. (Mat. 24:45) Aiǁgause du ge “Sa omaris ge ǂkhîba ūhâ ǁkhā” di ǀon hâ ǂkhanib ǃnâ ǀapemāde a hō ǁkhā. Hîna ǂkhanigu ǃâb ǃnâ, jw.orgs ai a hō-e ǁkhāba. ǂGui vidiogu hîna jw.orgs ai hâ gu ge dîǃnâdi tsî dramadi tsîna ūhâ. Tsî ǁgûna a hui ǁkhā în Jehovab di ǀapemāsa sîsenū, ǀgôana kai kais ǃnâ. *—ǂKhm. 2:4-6.

6. ǀGui ǁgûba mati ra tsâ ǁîb tsî ǁîb kaikhoes Jehovab ǀapeǂhumisa xu ra hō ǀapemādi ǃaroma?

⁶ ǂGui ǁgûn ge ra mî kaisen ra ǃgôaǃgâsa. Jehovab, ǀapeǂhumis ǃnâ-ū ra mā nî huib ǃaroma. Joe di ǀon hâ ǁgûb ge ra ǂanǃgâ: “ǃNona ǀgôana amab ǃnâ kai kais ge supu tama hâ. Tita tsî ti taras tsîn ge hoaǁae Jehovaba ǃoa ra ǀgore huib ǃaroma. Tsîm ge ra tsâ ǂkhini-i tamas ka io i vidio-e ǂhâm hâ ǁaeb ai ǀgui ra ǀkhīsa. Sima huisa ǁnā ǁaeb aim ra hōǃâ ǃgomsib ǃaroma. Jehovab aim ge hoaǁae ǀapemā-e ra ôa.” Joeb tsî ǁîb taras tsîn ge ge hōǃâ nē ǁkhāǁkhāǃâdi. Tsî vidiogu ǁîra ôana ra huisa în Jehovaba ǀgū.

7. Tae-i ǃaroma i a ǂhâǂhâsa în ǁgûna ǃgâi aiǁgausa ūhâ? (Romeǁîn 2:21)

 ⁷ 2ǁÎ daoǁgaus: ǃGâi aiǁgausa ūhâ re. ǀGôan ge hoaǁae ǁîn ǁgûna ra kō. Tsî dīn ra xūna ra ǁgae. Ama as ǁgûn ge ǀoasa kurusa ūhâ tama hâ. (Rom. 3:23) Xawen ge ra dītsâ în ǃgâi aiǁgause ǁîn ǀgôana iba. (Khomai re Romeǁîn 2:21 sa.) ǀGôan xab gere ǃhoa ob ge ǀgui ǁgûba ge mî: “ǁÎn ge spons khami i, hoa xūnan ge ra ūǂgā.” ǀAro tsîb ge ra mî: “ǁÎn ge nî mîba da ǁkhāǁkhā nî da ra xūna da ga dī tama io.” ǂHâba da ga o, în sida ǀgôana Jehovaba ǀnam. Ob ge sida ǀnammi ǁîb ǃoagu hâb tsîna nî ǀgaisa tsî nî mûhe ǁkhā.

8-9. Tae-e du ra ǁkhāǁkhāsen Emmas tsî Andrew hâra ge mî xū-e xu?

⁸ ǂGui ǀgaugu ge hâ ǁgûn ǁîn ǀgôana, Jehovaba ǀnamsa a ǁkhāǁkhā ǁkhāna. Kō re 17 kurixa ǃgâsab Andrew di ǀon hâb ra mî xū-e: “Ti ǁgûra ge hoaǁae ra ǁkhāǁkhā te ǀgores kaise a ǂhâǂhâsa sa. Mâ ǃuis hoasab ge ti paba tita ǀkha gere ǀgore. ǀNai ta ga ǀgore xawes tsîna. Ti ǁgûn ge hoaǁae gere hōhōǃnâ da. ‘Jehovab ǀkha du ge ǂgui ǃnāde a ǃhoa ǁkhā’ di. ǁNās ǃaroma i ge ǀgoresa kaise ǂhâǂhâsaba te. Tsî î ge a supubate ǀgore tsî Jehovaba ǀnam te a ǁGûb ase mûsa.” ǁGûdo hoaǁae ǂâis ǃnâ ūhâ re. Sadu Jehovaba ūba hâ ǀnammi. Sadu ôana nî huisa în ǁîn tsîna Jehovaba ǀnam.

⁹ Emmas di aiǁgausa kō re. ǁÎs pab ge omarisa a ǁnāxu. Ob ge ǂgui mari-e khoena ge surude hâ i. Tsîs ge mamasasa ǁnā marina nî mā-oas ge ge i. Emmas ge ra mî: “ǂGui ǁaegu ge ge hâ i ti mas ge mari-e ūhâ tama hâ i ga. Xawes ge matib Jehovaba ǁîb di ǃoaba-aona ra, kōǃgâs xa gere ǃhoa. ǁÎs gere ûiǀgaub ǃnâ ta ge ge mû ǁkhā i ǂgoms gere sa. Ti mas ge ǁkhāǁkhātes gere xūna gere dī.” Tae-e da ra ǁkhāǁkhāsen? ǁGûn ge ǁîn di aiǁgaude xu ǀgôana a ǁkhāǁkhā ǁkhā, ǃgom mâsigu ǃnâs tsîna.—Gal. 6:9.

10. Mâ ǃēden ge Israelǁî ǁgûna gere sîsenū ǁîn ǀgôan ǀkha ǃhoas ǃnâ? (Deuteronomium 6:6, 7)

¹⁰ 3ǁÎ daoǁgaus: Sadu ǀgôan ǀkha hoaǁae ǃhoa re. Jehovab ge ǀorogam ǁaeb di Israelǁîna ge mîba în. ǁÎn ǀgôana hoaǁae Jehovab xa ǁkhāǁkhā. (Khomai re Deuteronomium 6:6, 7 sa.) ǁNā ǁgûn ge ǂgui ǃēde ge ūhâ i în ǁîn ǀgôana Jehovaba ǀnamsa ǁkhāǁkhā. Aiǁgauseb ge ǂkham Israelǁî ǀgôaba. ǁÎb di dadasab ǀkha ǃhanaba ra ǂgā, tamas ka io gere ǃgao hui. Tsî i ge ǁîb di ǃgâsa mamasasa ra hui, ǂoms tsî nau oms sîsenan ǀkha. ǁGûn tsî ǀgôan tsîn ge ǀguiba gere sîsenǀhao. On ge ǂhâǂhâsa xūn xa ge ǃhoa ǁkhā i. Aiǁgausen ge Jehovab di ǃgâi ǀgaugu xa ge ǃhoa ǁkhā i. Tsî matib ge omarisa gere hui ǀgaub tsîna.

11. Mâ ǁaen ǁgûna ǁîn di ǀgôan ǀkha nētsē ǃhoa ǁkhā?

¹¹ Nētsē i ge ûiba kaise a ǀkhara ǀnais xa. ǂGui ǃhūgu ǃnân ge ǀgôan tsî ǁgûn tsîna tsēs ǃnâ ǀguiba hâ tama hâ. ǁGûn ge sîsenni ai hâ tsî ǀgôana skoli tawa. Nēs xa ǃaromahe hâsen ge ǁgûna ǃēde nî ôa în ǁîn ǀgôan ǀkha ǃhoa. (Efe. 5:15, 16) Omaris ǃoabas ge nēn di ǀgui. ǂKham ǃgâsab Alexander di ǀon hâb ge ra mî: “Ti pab ge hoaǁae omaris ǃoabasa ra ūhâ. Tsîb ge mā-am tama hâ i-i xū-e tā ǁnāsa ǁkhae. Omaris ǃoabas khaoǃgâ da ge ǁgams ǀguisa ra hî ǂhâǂhâsa xūn xa.”

12. Omaris danaba tae-e ǂâis ǃnâ nî ūhâ omaris ǃoabasan ga ūhâ ǁaeb ai?

 ¹² Omaris di dana du ga o du tae-e a dī ǁkhā. Î du sadu omaris ǃoabasa ǃgâise dī? ǀAmosib kōse ǃgâiaǂgao re di ǀon hâ ǂkhanisa sadu ǀgôan ǀkha ǁkhāǁkhāsen re. ǁNā ǂkhanis ge ǃgâi ǃhoaǀhaodi ǃēsa ra mā. ǂHâba du ge ra în sadu ǀgôana tsân ra ǀgaub. Tsî ǁîna ra ǂâiǂhansen kai xūn xa sadu ǀkha ǃhoa. ǁNā-amaga tā omaris ǃoabasa sîsenū re ǁîna ǁnamas ǃaroma. Tsî dītsâ re î tā ǁaixa sadu ǀgôa-i ga. Elobmîs ǃoagu hâ tama xū-e ga ra mî o. Xawe gangan re ǁîn tsân ra ǀgauba ǂhauǃnâse a mî ǁkhā ǃkhais ǃaroma. Tsî ǂkhâǃnâ nî re în tsân ra ǀgauba harase mî. Sadu ǀgôana du ge ǃgâise nî hui ǁkhā, tsân ra ǀgauba du ga ǂan o.

13. Mâ ǃēden ǁgûna a sîsenū ǁkhā în ǁîn ǀgôana hui în Jehovab tawa ǀgū?

¹³ ǁGûdo tsēs ǃnâ ǃēde ôa re î du. Sadu ǀgôana hui în Jehovab tawa ǀgū. ǂHâbasa tama i ge hâ î du Elobmîs ǁkhāǁkhāsa du ga mā. ǁAeb ai ǀgui sada ǀnamxaǃnâ Elob xa ǃhoa. Kō tae-es Lisa di ǀon hâ ǁgûsa ra mîsa: “Ūm hâ xūn hoanam ge gere sîsenū îm Jehovab xa sim ǀgôana ǁkhāǁkhā. Aiǁgause, sim arib ge ǀkhēnxa xū-e gere dī o tsîn ge ǀgôana gere aî o. Om ge ǁîna gere mîba nēs ra ǁgausa Jehovab a ǂkhî Elosa. Tsîb ra ǂhâbasa î da ǂkhîba ūhâ tsî ǀkhēnxa xūn xa ǃgâibahe.”

14. Tae-i ǃaroma i a ǂhâǂhâsa în ǁgûna ǀgôana hui în ǃgâi ǀhōsana kuru? (ǂKhoamîdi 13:20)

¹⁴ 4ǁÎ daoǁgaus: Sadu ǀgôana hui re în ǃgâi ǀhōsana ǁhûi. Elobmîs ge ǃgāsase ra mî sida ǀhōsan ǃgâi. Tamas ka io ǁgai sîsenǂuiba sida ai a ūhâ ǁkhāsa. (Khomai re ǂKhoamîdi 13:20 sa.) ǁGûdo sadu ǀgôan di ǀhōsana ǂan i du a? ǁÎn ǀkha hâǀhao tsâ i du hâ? Tae-e du a dī ǁkhā î du sadu ǀgôana hui, în Jehovaba ǀnam ǀhōsana kuru? (1Kor. 15:33) Jehovab ǀkha ǃgâi ǀhōsagusisa ūhâ khoena du ge a ǁkhau ǁkhā. În sadu ǀgôan ǀkha ǃgâi ǀhōsagusisa kuru. Tsî du ge nēs ǃnâ-ū sadu ǀgôana ra hui, în ǃgâi ǀhōsana kuru.—Psa. 119:63.

15. ǁGûna tae-e a dī ǁkhā în ǁîn ǀgôana ǃgâi ǀhōsana ǁhûi?

 ¹⁵ Tony di ǀon hâ ǁgûb ge ra ǁguiǃā ǁîb. Tsî kaikhoe hâra ge tae-e a dīsa. Î ra ǁîra ǀgôana hui în ǃgâi ǀhōsana kuru. ǁÎb ge ra mî: “ǂGui kurigam ge tita tsî ti kaikhoe hama. ǃKharagagu khaoǃhūga ūhâ ǃgâsana. ǂKhaman tsî kairan tsîna sida omsa ǃoa gere ǁkhau. Tsîn ge sida ǀkha ǂûǀhao tsî omaris ǃoabas tsîna gere hâǃnâ. Nēb ge ǃgâi ǀgauba, î da ǁnān hîna Jehovaba ǀnam tsî ra ǃoabana ǂan. Tsî Jehovaba ǃgâiaǂgaob ǀkha ǃoaba. Aiǂhanuba da ge ge ūhâ i. Î da ǃnarimâra mûǂam-aogu, sîsaben tsî ǀnîn tsîna sida oms ǃnâ hâ kai. ǁÎn ge ǃkharu ǃnâ xūn, ǁîn di ôasasib. Tsî Jehovaban ge dība xūn ge. Sida ôana ge hui în Jehovab ǃoa ǀgū.” ǁGûdo, hui re sadu ǀgôana în ǃgâi ǀhōsana ǁhûi.

16. Tae-e du nî dī ǀgôa-i ga Jehovaba i ǃoaba ǂgao tama di mî o?

¹⁶ ǁKhā du a i hoa-e du dītoa hâs khaoǃgâ i ga. Sadu ǀgôa-i di ǀgui-e Jehovaba ǃoaba ǂgao tama io. Tae-e du a dī ǁkhā? Tā ǃgâi ǁgû tama du hâ di ǂâi re. Jehovab ge hoada aitsama ǁhûis di ǁkhāsiba ge mā. Sadu ǀgôa-i tsîna ǃkhōǂgā hâse. Nēs ge ra ǂâibasen hoada ge nî ǁhûi Eloba da nî ǃoabas tamas ka io ǃoaba tidesa. Sadu ǀgôa-i ga mîǁgui o Jehovaba ǁnāxusa. Tā sadu ǃâubasens hîna du ūhâsa ǂoaǃnâ re, ǀguitsē i nî oaǀkhīsa. Kā hâ ǀgôab di aiǁgaus xa ǂâi re. (Luk. 15:11-19, 22-24) ǁNā ǂkhamkhoeb ge ǂgui ǃgâi tama xūna ge dī, xawe ega sī ge oaǀkhī. ǀNîn ge ra mî “ǁnās ge storis ǀguisa di.” Xawe “nētsē ǁnāsa ī ǁkhā-e?” Ti ǀgôa-e Jehovaba ǃoa oaǀkhī ǁkhā-e? Îo ǁnās ge īǁkhā. Tsî nēs ge Elie di ǀon hâ ǂkhamkhoeb ǀkha ge ī.   

17. Matis Elieb di aiǁgausa ra ǂkhâǃnâ du?

¹⁷ ǁÎb di ǁgûn xab ge Elieba nēti ra mî: “ǁÎra a ǁkhān hoana ra ge ge dī, î ra ǀnamma tita ǃnâ ǂgā. Î ta Jehovab tsî ǁîb di mîsa ǀnam. ǂKham ta ge io, ta ge ge mâǃoa tsoatsoa.” Elieb ge ǀhôakhaose xūna ge dī tsoatsoa ǃgâi tama ge hâ  ina. ǁÎb di ǁgûra ge gere huibi îb Jehovab ǀgūse hâ. Xaweb ge ǃgâ tama ge hâ i. Omsa xub ge ī toas khaoǃgâb ge, ǂhanu tama xūna gere dī. ǁNāti i ge i-i xaweb ge ǁaegu ai. ǁÎb di ǀhōn ǀkha Elobmîs xa gere ǃhoa. Elieb ge ra mî: “ǃNāsase ta ge ti ǀhōn ǀkha Jehovab xa gere ǃhoa. O ta ge ǃnāsase ǁîb xa gere ǂâi. ǁAeb ǀkha i ge ti ǁgû ra ge, ti ǂgaob ǃnâ a ǃhana. Amab di ǃkhomde ge kai tsoatsoa.” Tsîb ge Elieba ǁae i khaoǃgâ amaba ǃoa ge oaǀkhī. * Mûnanai re matikōse ra ge ǁîb di ǁgûra ǂkhî isa. ǁÎba ra ge Jehovaba ǀnamsa ǂkhamsisa xu ǁkhāǁkhā ǃkhais ǃaroma.—2Tim. 3:14, 15.

18. Mati du ra tsâ ǁgûn hîna ra dītsân xa, ǁîn ǀgôana ra huina Jehovaba ǀnamsa?

¹⁸ ǁGûdo Jehovab ge kai aiǂhanuba mā du hâ. Î du ǀasa ǃoaba-aona kai kai. (Psa. 78:4-6) Supu tama sîsen-i ge tsî da ge ǁnās ǃaroma ra koa du ǂgao. Tsau tamase du ra sadu ǀgôana hui ǃkhais ǃaroma. Aiǃgû tsî du ga ǁkhā du a i hoa-e dī. Tsî sadu ǀgôana hui în Jehovaba ǀnam tsî ǁnâuǀnam. O du ge ǂgomǃgâsiba ūhâ ǁkhā sida di ǀhomsi ǁGûb a ǂkhî ǃkhaisa.—Efe. 6:4.