1-2. Tae-i ǃaroma da ǂHaiǂhais ǂkhanis ǃnâ ǃgâiǃgâibasensa nî ūhâ?

 ǁKHAUHE tsâ i du ge hâ i, ǀnî hâ khoe-i di albumma kōsa? ǁNā fotona du ra kō hîna du ge. ǂGui khoen hîna du a ǀūn di aide ra mû. Xawe du ra kō hînas ge ǀguisa sado a ǃgâiba. Tae-i ǃaroma? Sadu tsîn ǁnā fotos ǃnâ hâ amaga. ǁNā fotosa du ra kō khami du ge ra ǂâi-oa. Mâǁaes ge ǁnā fotosa a ǃkhō-es. Tsî mapas ge ǃkhō-es tsîna. Tsî du ge fotos ǃnâ hâ khoen hoana ra ǂanǂui ǂgao, hamman asa. Nē fotos ge ǂâibasensa sado ūba hâ.

² ǂHaiǂhais ǂkhanis tsîn ge ǁnā fotodi khami ǀgui ī. Tae-i ǃaroma? ǀGam ǃaroma ra ge hâ. ǂGurose, nē ǂkhanis ge sida ǃaroma ge xoahe. ǂGuro vers ǃnâ da ge nēti ra khomai: ‘Nēs ge ǂhaiǂhais Jesub Xristub dis, Elob ge mā bisa, ǁîb di ǃgāgab ǃhaese ra ī xūna ǁgauga.’ (J.ǂHa. 1:1) ǁNā-amaga i ge nē ǂkhanis ǃnâ xoasa xūna ǀnî hâ khoen di tama hâ. Xawe Jehovab ǃnâ māǁnâsen hâ khoen di. Elob di ǃoaba-ao da a amaga da ge buru tama hâ. ǂAnǂui da ga o, nē kēbode dīǀoaǀoas ǃnâ da sida tsîna ǃâ-e ūhâsa. Hîna nē ǁkhoaxa ǂkhanis ǃnâ ra hō-e na. ǂHaiǂhais ǂkhanisa da ga khomai o. O da ge sida ra tsâǀkhā xūna ra khomai.

3-4. ǂHaiǂhais ǂkhanis ǃoagu i nē kēbode mâǁae nî dīǀoaǀoahe. Tsî nēsa mati khoena nî tsâǀkhā?

³ ǀGamǁî ǃaromas hîna da ǂHaiǂhais ǂkhanis ǃnâ ǃgâiǃgâibasensa nî ūhâs ge. Mâǁaes nî dīǀoaǀoahesas ǃkhōǂgā hâ amaga. Apostel Johaneb ge nē kēbos nî dīǀoaǀoahesa ge  mî nē mîdi ǀkha: ‘ǃKhūb di tsēs ai ta ge Gagab ǃnâ ge hâ i.’ (J.ǂHa. 1:10) Johaneb ge 96ǁî kuri nē mîde a xoa. Os ge “ǃkhūb di tsēsa” ge ǃgū tama hâ i. (Mat. 25:14, 19; Luk. 19:12) Xawe Elobmîs di kēbodi ǃoagus ge ǁnā tsēsa 1914ǁî kuri ge tsoatsoa. Jesub ge Gao-aob ase ǀhommi ǃnâ a ǂnûiǂgāhe o. ǁNā kuriba xu i ge ǂHaiǂhais di kēbodi. Hîna Elob di khoena ǃkhōǂgā hâde ge dīǀoaǀoahe tsoatsoa. Nēsi da ge “ǃKhūb di tsēs” ǃnâ ûi hâ.

⁴ Nē ǁaeb ǃnâ da ûi hâ amaga da ge. ǂHaiǂhais 1:3 ǃnâ hâ ǀapemāsa nî ǃgaoǃgâ mî rasa: “ǃGâiǃō i ge hâ khomai ra-i tsî ǁnān, nē kēbosis di mîde ra ǁnâun, tsî ǁnān; ǁîs ǃnâ xoahe hâna ra sâubasenna; ǁaeb a ǀgū xui-ao.” ǁNā-amaga da ge ‘ǃgarise nî khomai’ î da nē ‘kēbos di mîde’ ǁnâu tsî “sâubasen.” Mâ mîde da nî ǁnâuǀnam?

5. ǂHaiǂhais di ǂkhanisa mati ra ǁgau. ǂHâǂhâsa i asa î sida di ǃoabasa Jehovab xa ūǃoahe?

⁵ ǂHaiǂhais ǂkhanis tsoatsoasa xu da ge ra ǁkhāǁkhāsen. Jesub a ǂansa tae-i ǀhaohâgu ǃnâ ra īsa. (J.ǂHa. 1:12-16, 20; 2:1) Jesub ge hû ǀhaohâgu hîna Asiab ǃnâ hâga. ǃOa a sî haisi-ams ge nēsa ra ǁgau. ǁNā haisi-amdi ǃnâb ge Jesuba ǃgāsa haisi-amsa. ǂGurokam Xristeǁîna ge mā. Îb ǁîna hui îs ǁîn ǃoabasa Jehovab xa ūǃoahe. ǁNā haisi-amdi hîna gere mîhe di tsîn ge nētsē, Elob khoena ǃoa ra ǁnaeǁgau. Tae-e da ra ǁkhāǁkhāsen? Sida di ǂgaeǂgui-aob Jesu Xristub ge ǃamkuse. Sida di gagasi mâsiba a ǂan. ǁÎb ge ra ǂgaeǂgui da tsî ǁkhauba da tsî hoa xūna ra mû. ǁÎb ge a ǂan tae-e da ǂhâ hâsa i da aiǃgû. Tsî Jehovab xa ūǃoahe. Mâ daoǁgausab ge mā hîna da nētsē nî sîsenūsa?

6. (a) Efeses ǀhaohâba mâ ǃgomsiga gere hōǃâ, ǂHaiǂhais 2:3, 4 ǃoagu? (b) Tae-e da nēsa xu ra ǁkhāǁkhāsen?

⁶ Khomai re ǂHaiǂhais 2:3, 4 sa. Jehovaba da ge ūba hâ i ǂguro ǀnamma da ge tā nî ǂoaǃnâ. Jesub di haisi-ams Efeses ǀhaohâba ǃoa ge hâ is ge gere ǁgau. ǁÎn ge taniǀnamxasiba ǁgausa. Tsîn ge a aiǃgûsa Jehovaba ǃoabasa, ǃgomsinan gere hōǃâ xawe. ǁNāti i ge î-i xawen ge ǂguron ge ūhâ i ǀnamma ge ǂoaǃnâ. ǂOaǃnân ge ǀnamman ga ǁkhawa hō-oa tama io. O i ge ǁîn di ǃoabasa ūǃoahe ǁkhā tide. Nētsēs tsîna i ge ǁnāti ǀgui ī, mâǀgai da ge nî. ǃGâi ǃaromadi ǃgao da ge nî mâǀgai. Sida Elob ge tae-e da ra dīs ai ǀgui ǂâisa ǂnûi tama hâ. Xawe tae-i ǃaroma da ra dīs ais tsîna. ǃAromas sida xū-e ra dīs ge ǁîba kaise a ǂhâǂhâsaba. ǁÎb ra ǂgao amaga îs sida ǃoabasa ǃgam ǀnammi. Tsî ǃgôaǃgâsib ǁîb ǃoagu hâb ai ǃgaoǃgaosa.—ǂKhm. 16:2; Mrk. 12:29, 30.

7. (a) Sardis ǀhaohâba mâ ǃgomsiba ge ūhâ i, ǂHaiǂhais 3:1-3 ǃoagu? (b) Tae-e da nî dī?

⁷ Khomai re ǂHaiǂhais 3:1-3 sa. ǂKhaikari hâ tsî da ge xūna nî ǂan ǀgara. Sardis ǀhaohâb ǃnâ ge hâ i khoen ge ǀnî hâ ǃgomsiba ge ūhâ i. Jehovaban ge ǃkharu ge ǁaeb ǃnâ gere ǃoaba. Xawen ge nēsi ǁnā-e ge dī tama hâ i. ǁNā-amagab ge Jesuba ǁîna “ǂkhai re” di ge mîba. Tae-e da nēpa ra mîbahe? Ama as ge Jehovab tātsē sida sîsenga ǀuru tide ǃkhaisa. (Heb. 6:10) Xawe da ge tātsē ǃkharu ge ǁaeb ǃnâ da ge. Jehovab ǃoabas ǃnâ dī hâ i xūn ai ǂgomǃgâ ǂgao tama hâ. Nēsi da ga ǃnubusina ǀnais xa ga ra ūhâ. Xawe da ge noxoba nî aiǃgû ǀhapesa ‘ǃkhūb di  sîsenni ǃnâ.’ ǂKhaikari hâs tsî xūna ǂans ǃnâ-ū, ǀams kōse.—1Kor. 15:58; Mat. 24:13; Mrk. 13:33.

8. Tae-e da ra ǁkhāǁkhāsen Jesub ge Laodiseas ǃnâ hâ ǃgâsana ǃoa a mî mîde xu ǂHaiǂhais 3:15-17 ǃoagu?

⁸ Khomai re ǂHaiǂhais 3:15-17 sa. Ôasa tsî da ge ǂgaob hoab ǀkha nî ǃoaba. Jesub di haisi-ams Laodiseas ǃnâ ge hâ în ǃoagus ge. ǀKhara ǃgomsiba gere ǁgau. ǁÎn di ǃoabas ǃnân ge ge ‘ǂoposa’ i. ǁÎn ge ǀopesa i amagab ge Jesuba ǁîna ge mîba. “ǀKhomǀkhomsa tsî ǀgâsa” mâsib ǃnân ge hâ isa. ǁÎn ge ôasasiba Jehovab tsî ǁîb ǃoabas ǃnâ nî ǁgau ge is ge. (J.ǂHa. 3:19) Tae-e da ra ǁkhāǁkhāsen? Sida ôasasiba da ga ǂoaǃnâ o. O da ge ǃgôaǃgâsiba Jehovab tsî ǁîb di ǀapeǂhumis ge dība da xūna nî ǁgau. (J.ǂHa. 3:18) ǃGâi ûiba da ge tā nî ôabasen î da tā ǂâi. Jehovaba ǃoabas sida ûib ǃnâ ǂhâǂhâsa tama hâ di.

9. Jesub ge Pergamums tsî Tiatiras Xristeǁîna mîbas ǃoagu da mâ tsū xūna xu nî ǂgōsen?

⁹ Ama tama ǁkhāǁkhāde xu da ge nî ǂgōsen. Jesub ge Pergamums ǃnâ ge hâ i ǃgâsana ge ǁnama. ǁÎn ge ǃgâsan ǁaegu ǀgorasa gere dī amaga. (J.ǂHa. 2:14-16) ǁÎb ge Tiatiras ǃnâ hâna ge koa ǁîn ge ‘Satanni xūna xu’ gere ǂgōsen amaga. Tsî ǁîna ge mîba în amaba ‘ǃkhōǀgara.’ (J.ǂHa. 2:24-26) ǂKhabusa Xristeǁîn hîna ge ama tama ǁkhāǁkhāde, a sao tsoatsoan ge gere ǂkhâǃnâhe în ǃhōbasen. Sida tae-e nētsē nî dī? Jehovab ǁkhāǁkhāde ra mâǃoa, ǁkhāǁkhāde xu da ge nî ǂgōsen. Eloba gere ǃoaba khoen [Apostates] ge ‘Eloǃaoǃgâxasib di īsiga ūhâ.’ Xawe i ge ǁîn di tanisen ǀgauba di ǁgau tama hâ. (2Tim. 3:5) Elobmîsa da ga ǃamkuse ǁkhāǁkhāsen. O da ge ama tama ǁkhāǁkhāde ǂanǂui. Tsî ǁîna xu a ǂgōsen ǁkhā.—2Tim. 3:14-17; Jud. 3, 4.

10. Pergamums tsî Tiatiras ǃnâ hâ ǀhaohâga ǃoab ge Jesuba mî xū-e xu da, tae-e ra ǁkhāǁkhāsen?

¹⁰ ǀAib ǀkha dī xū-e ūhâ xūna xu da ge nî ǂgōsen. Pergamums tsî Tiatiras ǃnâ ge hâ i ǃgâsan ge ǀkhara ǃgomsiba ge ūhâ i. Jesub ge ǀnîn hîna ge ǁnā ǀhaohâb ǃnâ ǀaiba xu. ǂGōsen tama hâ îna ge ǁnama. (J.ǂHa. 2:14, 20) Tae-e da nēsa xu ra ǁkhāǁkhāsen? ǃÂubasen tama da ge hâ îb Jehovaba. ǀAiba ǃkhōǂgā hâ xūn hîna da ra dīna kō ǃkharu. Nēsi da ga ǂgui kurina Eloba ǃoaba. Tsî ǂgui aiǂhanuga ūhâ xawes tsîna. (1Sam. 15:22; 1Pet. 2:16)  Jehovab ge ra ǃâubasen î da ǁîb di ǀgapi ǀgauga ǃkhōǀgara. Matikōse i ga nē ǁgai ǃhūbaib di ǀgauga ī xawe.—Efe. 6:11-13.   

11. Tae-e da go nēs kōse ǁkhāǁkhāsen? (“ Nētsē da ra ǁkhāǁkhāsen xūn” di hâ boksisa khomai re.)

¹¹ Mati da nî ǃkhōǀhao nēs kōse da go ǁkhāǁkhāsen xūna? Sida ǃoabas Jehovab xa ra ūǃoahesa da ge nî ǂanǂui. Sida ǃoabasa ra ǂhani xū-e da ga dī o. O da ge ǀkharaǀkharana nî dī, îs sida ǃoabasa Jehovab xa ūǃoahe. (J.ǂHa. 2:5, 16; 3:3, 16) Xaweb ge Jesuba ǀnî hâ xū-i tsîna nē haisi-ams ǃnâ ge mî. Tae-eb ge mî?

12. Tae-e da Jesub di haisi-ams hînab ge Smirnas. Tsî Filadelfias ǃnâ hâ ǃgâsana ǃoa a mîsa xu a ǁkhāǁkhāsen ǁkhā? (ǂHaiǂhais 2:10)

¹² Hā re da Jesub ge Smirnas. Tsî Filadelfias ǀhaohâga ǃoa a mî haisi-amde ǃhoaǃgao. ǁÎb ge Xristeǁîna ge mîba, în tā mâǃoahesa ǃao. ǁÎn di ǂgomǂgomsasib nî ǀkhaehe xui-ao. (Khomai re ǂHaiǂhais 2:10; 3:10 sa) Tae-e da nēsa xu ra ǁkhāǁkhāsen? Mâǃoahesa da ge nî mā-am tsî māsenxase nî mâǀgai. (Mat. 24:9, 13; 2Kor. 12:10) Tae-i ǃaromas nēsa a ǂhâǂhâsa?

13-14. Elob ǃoaba-aona mati ǂHaiǂhais 12 ǃnâ ra ǂoaxa xūn xa ge tsâǀkhāhe?

¹³ ǂHaiǂhais di ǂkhanis ge ra ǁgau. Elob di khoen “ǃKhūb di tsēs” ai nî mâǃoahesa. Tsî ǁnā tsēdi ǃnâ da ge nētsē ûi hâ. ǂHaiǂhais di 12ǁî danaǃâs ǃnâ i ge ra ǂoaxa. ǀHommi ǃnâ i ge toroba hâ isa. ǁNās khaoǃgâb ge Jesuba Elob Gaosib di Gao-ao kai ǃkhaisa. Mixaeli hîna a Jesu Xristub ge ǀhomma ǃoa a oa. Ob ge ǁîb di ǀhomǃgān ǀkha ǁGâuab tsî ǁîb demongu ǃoagu ge ǃkham. (J.ǂHa. 12:7, 8) Nēs xa ǃaromahe hâse î ge Elob di khākhoega ge hîkākāhe. Tsî ǃhūbaib ai ge aoǁnâhe. Tsî gu ge ǃgomsina ǃhūbaib ǃnâ hâna ra ǃaromaba. (J.ǂHa. 12:9, 12) Xawe nēsa mati Elob ǃoaba-aona ra tsâǀkhā?

¹⁴ Sao ra ǂHaiǂhais ge ra ǁgau da matib ge, ǁGâuaba a tanisen ǀgausa. ǁÎb ge ǀhomma ǃoa a ī ǁoa ǁnā-amagab ge. Elob di ǂkhauhesan hîna ǃhūbaib ai hâna ra ǁnāǂam. Nēn ge Elob Gaosiba ra ǂnûǁkhaeba. Tsîn ge ‘Jesu Xristub di ǃkhō-amsa’ ūhâ. (J.ǂHa. 12:17; 2Kor. 5:20; Efe. 6:19, 20) Nē kēbosa mati ge dīǀoaǀoahe?

15. ǂHaiǂhais 11 ǃnâ ra mîhe “ǀgam ǀhûǀguitimî-aokha” a ham. Tsî tae-e ǁîgu ǀkha ge ī?

¹⁵ ǁGâuab ge ge ǃaroma, în Elob di khākhoena ǂkhauhesan. Hîna Gaosib aoǁnâ sîsen-e ra ǂgaeǂguina ǁnāǂam. ǁNā khoekha ge “ǀgam ǀhûǀguitimî-aokha.” Hîna ge ǂHaiǂhais ǂkhanis ǃnâ ǃgamhe ge  di gere mîhe kha. * (J.ǂHa. 11:3, 7-11) 1918ǁÎ kurib ǃnâ i ge ǁkhaisa ǃgâsagu. ǀApeǂhumis ǃnâ ǂgaeǂguisa ra ū ga ge. ǂHomi ǂgā-amhe tsî gu ge ǀhapixase hō-e. Tsî kaxuse tronkhes ǃnâ ge ǂnû. Khoesi mûǂuiba xu i ge gere mûsen. ǂKhauhesagu di sîsenan ge ǀûhe khami.

16. Tae-e 1919ǁî kuri ge ī. Tsî ǁGâuaba ǁnā ǁaeba xu tae-e ra dī?

¹⁶ ǂHaiǂhais 11ǁî danaǃâs ǃnâ hâ kēbos ge ra mî. “ǀGam ǀhûǀguitimî-aokha” ûiba ǃoa nî oaǀkhī ūhe di, ǃnubu ǁaerob ǃnâ. Nē kēbos ge buruxa ǀgaub ǃnâ ge dīǀoaǀoahe. Sao ra kurikha ge tronkhes ǃnâ a ǂgāhe o. 1919ǁÎ kurib di Maarti ǃnâ gu ge. ǂKhauhesa ǃgâsaga tronkhesa xu ge ǂoa kaihe. Tsî i ge ǁhōba ge axuhe. Nē ǃgâsagu ge ǁkhawa aoǁnâs. Tsî ǁkhāǁkhās di sîsenni ǃnâ ge ǂgaeǂgui tsoatsoa. Xawe ǁGâuab ge ge ǀû tama hâ i, Elob di khoena ǁnāǂamsa. ǁNā ǁaeba xub ge ǁGâuaba Elob di khoena “ǃāb” khami gere ǁgâiǀā. (J.ǂHa. 12:15) Amase i ge mâ ǀguiǀguibe khoe-i hoa-e. “Taniǀnamxasib tsî ǂgoms” tsîna ǂhâ hâ.—J.ǂHa. 13:10.

17. ǁGâuab xan ra ǁnāǂamhe xawen Elob khoena tae-i huib ǃâubasen taman hâba ra hō?

¹⁷ ǂHaiǂhais 12ǁî danaǃâs ge ra ǁgau. Elob ǃoaba-aon ǃâubasen taman hâ huiba nî hōsa. ǂHaiǂhais di ǂkhanis ge ra ǁguiǃā “ǃhūbaib” ge. ǁGâiǀāb hîna “ǃāb” khami iba a hara ǃkhaisa. (J.ǂHa. 12:16) Tsî nēs ge mîhe ra khami ra ī. ǀNî ǁaega î ge ǁGâuab ǃhūbaib di ǂhanuga a ǁnâuǃāxa. Tsî Elob di khoena ra hui. ǂGui ǃnāden ge Jehovab di ǃoaba-aona. ǁÎn di ǁhōga dan hâ tsî nēs ge ge ǃaroma în, ǀnî ǃnorasasiga ūhâ. ǁÎna mati nē ǃnorasasiga ge sîsenū? Nē ǁaeban ge kaise gā-aise ge sîsenū. În Jehovab di sîsenni māhen hâ-e dī. (1Kor. 16:9) Nē sîsen-e tae-e ǃkhōǂgā hâ?

18. Mâ ǂhâǂhâsa sîsen-e da ǀuniga tsēdi ǃnâ ra dī?

¹⁸ Jesub ge ge kēbo ǁîb khoen “ǃgâiǂhôas gaosib disa.” ǃHūbaib ǂhawase nî aoǁnâsa, ǀams nî hās aiǃâ. (Mat. 24:14) Aoǁnân ga ra on ge huiba ǀhomǃgāna xu ra hō. Tsîn ge “ǃgâiǂhôasa ǃhūbaib ai ǁan hân, tsî mâ ǃhaoǃnās hoas, tsî ǃhaos,  tsî gowab hoaba, tsî ǁaes hoasa ra aoǁnâba.”—J.ǂHa. 14:6.

19. Mâ ǀnî hâ haisi-ams tsînan ǁnān hîna Jehovaba ǀnamna nî aoǁnâ?

¹⁹ ǃGâiǂhôas Elob Gaosib dis ǀguisan ge Elob ǃoaba-aona aoǁnâ tama hâ. ǁÎn ge ǀhomǃgāgu di sîsenni tsîna nî ǂkhâǃnâ. ǂHaiǂhais 8ǁî danaǃâsa xu 10ǁî danaǃâdi ǃnâ i ra ǃhoaǃgaohe khami. Nē ǀhomǃgāgu ge ǃkharagagu ǃgomsin hînan. Elob Gaosiba ūǃoa tama khoena nî hōǃân xa ra ǃhoa. Xawen ge Jehovab di ǃoaba-aona ǀgoraǃgâs di haisi-amsa aoǁnâ hâ. Hîna “ǃnareb tsî ǀaes” ǀkha ra ǀgopeǀnōhesa. Tsî ra ǁguiǃāsa Elob di ǀgoraǃgâsa ǁGâuab di ǁgai ǃhūbaib ǃoagu. (J.ǂHa. 8:7, 13) Khoen ge nî ǂans ge ǀams go ǀkhīsa. În ǁnās ǃaroma kai ǀkharaǀkharasena ǁîn di ûigu ǃnâ dī. Tsî Jehovab di ǁaib di tsēsa ûiǃkharu ǁkhā. (Sef. 2:2, 3) Xawe nē haisi-ams ge ǂanǂansa tama ge hâ i. ǁKhoaǂgaosiba da ge nî ūhâ, î da nē haisi-amsa ǂhôa ǁkhā. Kai ǁgâiǀāb di ǁaeb ǃnâ nî hâ. ǀUniga ǀgoraǃgâs di haisi-ams ge ǂgui khoena nî ǁaixa kai.—J.ǂHa. 16:21.

20. Tae-e da sao ra ǀgam ǁkhāǁkhāǃâ ra ǃnâ nî ǃhoaǃgao?

²⁰ Amabes ǃnâ da ge ‘nē kēbos di mîde’ nî ǁnâuǀnam. Sida tsîn ǁnā dīǀoaǀoadi hîna. ǂHaiǂhais ǂkhanis ǃnâ ra ǂgaihe, di ǃnâ ǃâ-e ūhâ amaga. (J.ǂHa. 1:3) Xawe mati da ǂgomǂgomsase mâǃoade mâǀgai. Tsî aiǃgû tsî nē ǂhôasa turaxase a aoǁnâ ǁkhā? ǀGam xūn xa da ge nî ǀgaiǀgaihe: ǂGurose, tae-es ǂHaiǂhais ǂkhanisa Elob di khākhoen xa ra mîs. Tsî ǀgamǁîse, da ge hānîǁaeb di ǀkhaega nî ǃkhōǃoa, ǂgomǂgomsase da ga hâ o. Nē xūna da ge sao ra ǀgam ǁkhāǁkhāǃâ ra ǃnâ nî ǃhoaǃgao.