1. ǂHaiǂhais ǂkhanisa tae-e Elob ǃoaba-aon xa ra mî?

 ǂHAIǂHAIS ǂkhanis ge ra ǁgau. Elob Gaosib ǀhommi ǃnâ ra ǂgaeǂguisa. Tsîb ge ǁGâuaba ǀhomma xu a aoǁnâhesa. (J.ǂHa. 12:1-9) Nēs ge ra ǂâibasen ǀhommi ǃnâ i ǂkhîba hâsa. Tsî ǃhūbaib ai ǃgomsiba hâsa. Tae-i ǃaroma? ǁGâuab ǁaixa hâ tsî ǃhūbaib ai. Jehovaba ǂgomǂgomsase ra ǃoabana ra ǁnāǂam amaga.—J.ǂHa. 12:12, 15, 17.

2. Tae-e nî hui da, î da Jehovab ǃoa-ai ǂgomǂgomsase hâ ǀgara?

² Mati da ǂgomǂgomsase a hâ ǀgara ǁkhā. ǁGâuab ga ǁnāǂam da xawe? (J.ǂHa. 13:10) ǀGui xū-i hîna nî hui da i ge. Tae-i hānîǁaeb ǃnâ nî īsa ǂansa. Aiǁgauseb ge apostel Johaneba ǂHaiǂhais ǂkhanis ǃnâ. ǀNî ǀkhaegu hîna da nî hōǃâ gu xa ra ǃhoa. ǁNā ǀkhaegu di ǀgui-i ge. Elob khākhoen ge nî hîkākāhe. ǀKhī da ǃhoaǃgao re ǂHaiǂhais ǂkhanis. Elob khākhoena ra ǁguiǃā ǀgausa. Tsî tae-i ǁîn ǀkha nî īsa.

3. Mâ ǁgauǁgaude ǂHaiǂhais ǂkhanis ǃnâ ra ǁgauhe?

³ ǂGuro danaǃâs ǂHaiǂhais dis ge ra mîba da. Xoa-e hâ xūn ‘ǁgauǁgaudi’ ǃnâ hâsa tsî ǂkhōdi ase ra sîsenūhesa. (J.ǂHa. 1:1) Ega da ge ǀnî ǀgurun Elob khākhoena ra ǂnûǁkhaeban xa nî ǃhoa. Aiǁgause, i ge ‘huriba xu ǀguruba ra ǂoaxa. Hû danadi tsî disi ǁnâgu tsîna ūhâba.’  (J.ǂHa. 13:1) ǁNā ǀgurub ge ‘ǀnî ǀgurub ǃhūba xu ra ǂoaxab’ xa ge sao-e. ǁNā ǀgurub ge draki tamasa ka io drakoni khami ra ǃhoa. Tsî ‘ǀae-e ǀhomma xu ra ǁnāǁgôaxa’ kai. (J.ǂHa. 13:11-13) ǁNāpaxu da ge ǀkhara ǀguruba ra mû, ‘ǀgaisa ǀapa ǀguruba’ ǀai-aos xa ǃgapihe hâba. Nē ǃnona ǀgurugu ge Elob khākhoen hîna. Jehovab tsî ǁîb Gaosib ǃoa-ai ǃkham hâna ra ǂnûǁkhaeba. ǁNā-amaga i ge kaise ǂhâǂhâsa, î da ǁîna ǂanǂui.—J.ǂHa. 17:1, 3.

4-5. Danieli 7:15-17 sa mati ra hui da. Î da ǁnâuǃā tae-e di nē aiǁgaude ra ǂâibasensa?

⁴ Nē khākhoen a hamsa da nî ǁkhāǁkhāsens aiǃâ da ge nî ǁnâuǃā. ǀGurub tsî ǀai-aos tae-e ra ǂnûǁkhaebasa. ǃGâi ǀgaub nēsa ǁnâuǃās ge. Elobmîsa mā-amsa is ǁguiǃā. ǂGui ǂkhōdi hîna ǂHaiǂhais ǂkhanis ǃnâ ǁguiǃāsa di ge. Nau Elobmîs ǂkhanidi ǃnâs tsîna a ǁguiǃāsa. Aiǁgauseb ge kēbo-aob Daniela ǁhaposa ge ūhâ i. ‘Haka kai ǀgurugu huriba xu ra ǂoaxa’ gu xa. (Dan. 7:1-3) Danieli ge tae-e gu ra ǂnûǁkhaebasa ra mîba da. Nē ǀgurugu ge haka ‘gaogu’ tamas ka io ǂhanuga ra ǂnûǁkhaeba. (Khomai re Danieli 7:15-17 sa.) ǁNā ǃgāsa ǁguiǃās ge ra hui da, î da ǁnâuǃā. ǂHaiǂhais ǃnâ ra ǁguiǃāhe ǀgurugu ǂhanuga ra ǂnûǁkhaeba ǃkhaisa.

⁵ Hā re, î da ǀnî ǁgauǁgaudi. Hîna ǂhaiǂhais ǂkhanis ǃnâ ra ǁguiǃāhede ǃhoaǃgao. Nēsa da ga dī o, o da ge nî mû. Matis Elobmîsa ra hui dasa, î da nē ǁgauǁgaude ǁnâuǃā. Nēsi da ge ǀgurub di ǃâgu ǀkha nî tsoatsoa. ǂGurose da ge nî mûǃā ham-e gu ra ǂnûǁkhaebasa. ǁNāpaxu da ge nî mû. Tae-i nē ǀgurugu ǀkha nî īsa. Tsî da ge ǀams ai nî mû. Tae-en nē xūna sida ǃaroma ra ǂâibasensa.

6. ǂHaiǂhais 13:1-4 ǃnâ ra mîhe ǀgurub 7 danade ūhâba, tae-e ra ǂâibasen?

⁶ Hû danade ūhâ ǀguruba a tae? (Khomai re ǂHaiǂhais 13:1-4 sa.) ǃGaoǃgâ da ge ra nē ǀgurub, tamas ka io ǂhûiseb [Luiperdi] khami ra mûsensa. Xaweb ge bēr-i khami ī ǂaidi. Xammi khami ī amǃnâs, tsî 10 ǁnâgu tsîna ūhâ. Danieli di 7ǁî danaǃâs ǃnâ hâ ǀgurub. Tsîn ge nē ǀgauga ūhâ. Xawe ǂHaiǂhais ǂkhanis ǃnâ î ge. Nē ǀgauga ǀgui ǀgurub ǃnâ a hō-e ǁkhā. Tsî ǃkharagagu 4 ǀgurugu ǃnâs ose. Nē ǀgurub ge ǀgui gaosib ǀguiba ǂnûǁkhaeba tama hâ. Johaneb tsîn ge ge mî: ‘Mâ ǃhaos tsî mâ gowab hoab tsî mâ ǁaes hoasagu.’ Gere ǂgaeǂgui ǃkhaisa, ǁnā-amaga gu ge hoa ǂhanugu xa a kai. (J.ǂHa. 13:7) ǁNā-amaga i ge nē ǀguruba hoa politiek ǃnandi. Hîna khoena nēsis kōse ra ǂgaeǂguina ra ǂnûǁkhaeba. *—Aoǁn. 8:9.

7. Hû danade tae-e ra ǂnûǁkhaeba?

⁷ Hû danade tae-e ra ǂnûǁkhaeba? ǂHaiǂhais di 17ǁî danaǃâs ge ra hui da î da. ǂHaiǂhais di 13ǁî danaǃâs ǃnâ ra mîhe ai-īsiga ǁnâuǃā. ǂHaiǂhais 17:10 ǃnâ da ge ra khomai: “Tsî gu ge ǁkhāti a hû gao-ao; korogu ge ge ǁnā, tsî ǀguib ge hâ, tsî naub ge gorose hā tama hâ, tsî hāb kao, ob ge ǂkhari ǁaerob ǀguiba nîra hâ.” Hoa politiek ǃnandi hînab ǁGâuaba ra sîsenū di ge. “Danadi” ǀkha ra ǀgopeǀnōhe. Kai ǀgaiba di ūhâ amaga. Nē  gu ge ǃhūbaib di ǂhanugu. Hîna Elob ǃoaba-aon ai ǀgaiba ūhâ ga. Apostel Johaneb a ûitsama. Hîna i ge ǀnai 5 ga ge ǂgaeǂgui tsoatsoa. Egipteb, Asiriab, Babilons, Persiab tsî Grike ǃhūb tsîna. Johaneb ge ǂhaiǂhaisa a hō ǁaeb ai i ge. Noxoba 6ǁî ǀgaib Roma gere ǂgaeǂgui. Mâ ǂhanuba nî 7ǁî tsî ǀuniga ǃhūbaib di ǀgai, tamas ka io nî dana?

8. Hûǁî danasa ham-e ǃoa ra ǁnaeǁgau?

⁸ Mû da nî khami i ge Danieli di ǂkhanis, kēbode nî hui da. Î da 7ǁî tsî ǀuniga danas ǀgurub disa mûǃā ǁkhā. Mâ ǃhūbaib di ǀgaiba ǀuniga tsēdi. Tamas ka io “ǃKhub di tsēs” ai nî ǂgaeǂgui? (J.ǂHa. 1:10) ǀGam ǂhanu kha ge ǀguiba nî ǂgaeǂgui. ǁÎkha ge Britaini [Brittanjeb] tsî Amerikab tsîkha. ǁNā-amaga da ge a mî ǁkhā. Nēs a 7ǁî dana hîna ǂHaiǂhais 13:1-4 ǃnâ ra mîhesa.

9. ‘ǀGam ǁnâkha ǁkhaob dikha khami i’ ǀguruba tae-e ra ǂnûǁkhaeba?

⁹ ǂHaiǂhais 13ǁî danaǃâs ǃnâ da ge ra ǁkhāǁkhāsen. Britaini [Brittanjeb] tsî Amerikab “ǀgam ǁnâkha ǁkhaob dikha khami īkha ge ūhâ i. Tsîb ge draki khami gere ǃhoa.” Nē ǀgurub ge ‘kai saode ra dī tsîb ge ǁkhāti ǀae-e ǀhomma xu ra ǁnāǁgôaxa kai khoen aiǃâ.’ (JǂHa. 13:11-15) ǂHaiǂhais 16ǁî danaǃâs tsî 19ǁî danaǃâs ge. ǀGuruba ‘ǂkhaba kēbo-aob’ ase ra ǁguiǃā. (J.ǂHa. 16:13; 19:20) Danieli tsîn ge ǁnā xū-e ra mî. Britaini [Brittanjeb] tsî Amerikab nî ‘ǁgai ǂhôaba’ ǃaromasa. (Dan. 8:19, 23, 24) Tsî ǁnās ge 2ǁî torob ǃnâ ge i ǃkhaisa. Bomdi hîna ge nē toroba a ǀam kai di ge. Britaini [Brittanjeb] tsî Amerikab khoegu hîna. ǂAnsa ūhâgu xa ge kuruhe. Britaini [Brittanjeb] tsî Amerikab tsîn ge ‘ǀae-e ǀhomma xu ge ǁnāǁgôaxa kai.’

10. ‘ǀGurub di īsiba’ tae-e ra ǂnûǁkhaeba? (ǂHaiǂhais 13:14, 15; 17:3, 8, 11)

¹⁰ Sao rase da ge ǀkhara ǀguruba ra mû. Nēb ge nau ǀgurub 7 danade ūhâb ǀkha ǀguiti ra mûsen. Xawe a ǀgaisa ǀapa. ǁîb ge ‘ǀgurub di īb’ ase ǂansa. Tsî nēs ge ‘ǁkhaisaǁî gao-aob’ ase ra ǁguiǃāhe. * (Khomai re ǂHaiǂhais 13:14, 15; 17:3, 8, 11 sa.) Johaneb ge ge ǁkhāǁkhāsen nē “gaob” ra ǀkhī, tsî ra kā. Tsî ǁkhawa ra oaǀkhīsa. Nēs ge United Nation sa ǃamkuse ra ǁguiǃā. Hîna ǃhūbaib ǂhawase hâ ǂgīǂgōsi ǃnande ra ǂkhâǃnâsa. ǂGuro i ge League of Nations di gere ǂgaihe. ǁNāpaxu i ge 2ǁî torob ǃnâ ge ǀkhai i. Tsî i ge ǁkhawa ega United Nations ase ge oaǀkhī.

11. ǂHanuga tae-e nî tsoatsoa. Tsî tae-i ǃaroma da ǁîga ǃao tide?

¹¹ ǂHanugu ge khoena ra ǂkhâǃnâ î gu. Jehovab tsî ǁîb khoena mâǃoa. Johaneb ge ge mî: “ǃHūbaib di gao-aogu” Armagedons torob ǃaroma ra ǀhaoǀhaohesa. “ǁNā kaitsēs Hoaǀgaixa Elob dis” ǃaroma. (J.ǂHa. 16:13, 14, 16) Xawe da ge xū-e ǃao tide. Jehova Elob ge ǃhaese xū-e nî dī. Tsî ǁnān hîna ǁîb di ǂgaeǂguisa ra ǂkhâǃnâna nî ore.—Ese. 38:21-23.

12. Tae-e hoa ǂhanugu ǀkha nî ī?

¹² Tae-e hoa ǀgurugu ǀkha nî ī? ǂHaiǂhais 19:20 ge ra ǃeream: ‘Ob ge ǀguruba ge ǃkhōhe tsî ǂkhaba kēbo-aoba ǁîb ǀkha. ǁÎb mûǁae gere saode dība. ǁÎdi ǀkhab ge ǀgurub di saosa ge ǃkhōǃoan. Tsî īb  âba ge ǀgoreǀîna ǂgaeǂhapude; o kha ge ǁî ǀgamkha. Ûitsamase ǀaes hurib, sulfuri ǀkha ra khaub ǃnâ ge aoǂgāhe.’ Khoesi ǂhanugu ra ǂgaeǂgui hînab ge Eloba ǁîga nî dīkākā.

13. Tae-i ǃgomsigan ǂhanuga Xristeǁîna ra ǃaromaba?

¹³ Nēsa tae-e sida ǃaroma ra ǂâibasen? Xristeǁî da a amaga da ge Elob. Tsî ǁîb Gaosib ǃoa-ai nî ǂgomǂgomsa. (Jhn. 18:36) Nēsa dīs ǃaroma da ge tā, nē ǃhūbaib politiek xūn ǃnâ ǀkhā-e nî ǁhûi. Nēsa dīs ge kaise nî ǃgom. ǂHanugu mî tsî da ra dī, xūn ǃnâ-ū. ǁÎga da nî ǂkhâǃnâsa ra ǂgao amaga. ǁNā khoen hoan hîna ǂhanugu, ǁgâib ǃnâ ra māǁnâsenan ge nî saohe. (J.ǂHa. 13:16, 17) ǁNān hîna ǁnā saosa ra ūǃoan, ge Jehovab mā-amsa hō tide. Tsî ǀamo ûiba nî ǂoaǃnâ. (J.ǂHa. 14:9, 10; 20:4) ǁNā-amaga i ge kaise a ǂhâǂhâsa, î da tā ǀkhāga ǁhûi. Khoesi ǂhanugu ga ǁgâiba, mā da xawes tsîna.

14. Tae-eb ge apostel Johaneba ǂHaiǂhais 17:3-5 ǃnâ mû?

¹⁴ Apostel Johaneb ge ‘kaise ge buru’ mûb ge xū-i xa. Tae-eb ge mû? Tarekhoes hîna ǀgurub ai ǂnôasa. (J.ǂHa. 17:1, 2, 6) ǁÎs ge a “kai ǀai-ao” tsî ǁîs ǀons ge “Babilons kais” di hâ. ǁÎs ge “ǃhūbaib di gao-aogu” ǀkha ra “ǀai.”—Khomai re ǂHaiǂhais 17:3-5 sa.

15-16. ‘Babilons kaisa’ a ham tsî mati da ǁnāsa a ǂan?

¹⁵ ‘Babilons kaisa’ a ham? Nē khoes ge politiek ǃnande a ǂnûǁkhaeba ǁoa. ǁÎs ge ǃhūbaib di ǂgaeǂgui-aogu ǀkha ra ǀai. (J.ǂHa. 18:9) Tsî ǁîs nē ǀgurugu [ǂgaeǂgui-aogu] ai ǂnôas gere ra ǁgau. ǁÎs ǁîga ra ǂgaeǂguisa. ǁNās xōǀkhās ge ǁîsa, nē kai ǂgaoxa ǁGâuab ǃhūbaiba a ǂnûǁkhaeba ǁoa. ǁNāgu ge ‘ǃhūbaib ǁamaxū-aoga’ hîna. ǂHaiǂhais ǂkhanis ǃnâ a xoamâisaga.—J.ǂHa. 18:11, 15, 16.

¹⁶ Elobmîs ǃnâ i ga “ǀai-aos” xa ǃhoahe o. O i ge ǁnān hîna Eloban ra ǃoaba. Xawe nē ǃhūbaib, ǀkha ra ǀhōgun ǃoa ra ǁnaeǁgau. (1Kro. 5:25; Jak. 4:4) Elobmîs ge ra mî, ǁnān hîna Jehovaba ra ǃoaban ge. “ǂNaoǂnaosen [ǀurixa] tamana; ǂkhamkhoesen ī xui-ao.” (2Kor. 11:2; J.ǂHa. 14:4) Ama tama ǀgoreǀî ǀgaub ge ǀorokam Babilons ǃnâ ge tsoatsoa. ǁNā-amagas ge Babilonsa hoa ama tama, ǂgomde ra ǂnûǁkhaeba. Tsîs ge ǃhūbaib hoab ǃnâ ama tama ǂgomdi dana.—J.ǂHa. 17:5, 18. Jw.org ai “What Is Babylon the Great?” di hâ ǁkhāǁkhāǃâsa khomai re.

17. Tae-e Babilons kais ǀkha nî ī?

¹⁷ Tae-e Babilons kais ǀkha nî ī? ǂHaiǂhais 17:16, 17 ge nē dîsa ra ǃeream: ‘Tsî disi ǁnâgu, ǁîgats go ǀgurub ai mûgu ge ǀai-aosa ǃhui hâ. Tsî nîra dīkākā tsî ǀōǀkhā kaisi. Tsî gu ge ǁîs di ǁgansa ǂû. Tsî ǁîsa ǀaes ǀkha nîra khau. Elob ge ǁîgu di ǂgaogu ǃnâ mā xui-ao, ǁîb di ǂâisa gu nî dīsa.’ Jehovab ge ǀgaisa ǀapa ǀguruba nî sîsenū. ǁNā ǀgurub ge United Nationsa, ǃoa ra ǁnaeǁgau. Nē ǀgurub ge ama tama ǂgomde nî hîkākā.—J.ǂHa. 18:21-24.

18. Tae-e da nî dī î da ǁgau, Babilons kaisa da ǂkhâǃnâ tama hâsa?

¹⁸ Nēsa tae-e sida ǃaroma ra ǂâibasen? ‘Elob tsî ǁGûb aiǃâ ǃanu tsî ǂnao-oǃnâse ī eloǃoabasa’ da ge nî ǃkhōǀgara. (Jak. 1:27) Tātsē da ge mā-am tide î-i ama tama ǁkhāǁkhādi. Jehovaba a  ǀū khoen sâtsēdi. ǃGâi tama ǁgoe-ūgu ǀgaugu. Tsî ǃgaidīb Babilons kais dina dīsa. ǁNā-amaga da ge khoena ra mîba în ‘ǁîsa xu ǂoa.’ În ǁîn tsîna tā ǀhapixase Elob xa hōhe.—J.ǂHa. 18:4.

19. ‘Kai ǀapa draka’ a ham?

¹⁹ ǂHaiǂhais ge “kai ǀapa draki” xas tsîna ra ǃhoa. (J.ǂHa. 12:3) ǁNā draki ge Jesub, tsî ǁîb ǀhomǃgāgu tsîn ǀkha ra ǃkham. (J.ǂHa. 12:7-9) Tsîb ge Elob khoena ra ǁnāǂam. Tsî ǀgaiba khoesi ǂgaeǂgui-aoga ra mā. (J.ǂHa. 12:17; 13:4) Nē draka a ham? ǁÎb ge ‘kaira ǀaob, ǁGâuab tsî Satanni ti ra ǂgaiheba.’ (J.ǂHa. 12:9; 20:2) ǁÎb ge Jehovab di khākhoen hoana ra ǂgaeǂgui.

20. Tae-e draki ǀkha nî ī?

²⁰ Tae-e draki ǀkha nî ī? ǂHaiǂhais 20:1-3 ge ra mî ǁGâuab nî ǃgam āb [tronkhes] ǃnâ aoǂgāhesa. Tsî ǁnā-āb ge tronkhes khami ī mâsiba ǃoa ra ǁnaeǁgau. ǁNā tronkes ǃnâb ge ǁGâuaba. ‘ǃHaode ǂgaeǂhapu tide, 1 000 kurigu nî toas kōse.’ ǀAms aib ge ǁGâuab tsî ǁîb demongu tsîna, ‘ǀaes’ ǃnâ nî aoǂgāhe. Nēs ge ra ǂâibasen ǀamosib kōse gu nî dīkākāhesa. (J.ǂHa. 20:10) ǂÂi re ǃhūbaib hîna ǁGâuab tsî demonga ūhâ tideb xa. ǁNāb ge kaise nî ǃgâi ǁaeba.

21. Tae-i ǃaroma da nî ǂkhî ǂHaiǂhais ǃnâ da ra khomai xūn xa?

²¹ Kaise i ge a ǂhâǂhâsa î da. ǂHaiǂhais ǃnâ hâ, xūna ǁnâuǃā. Jehovab khākhoen, xa ǀgui da ge ǁkhāǁkhāsen tama hâ. Xawe tae-i ǁîn ǀkha nî īs tsîna. ‘ǃGâiǃō i ge hâ khomai ra-i tsî ǁnān, nē kēbos di mîde ra ǁnâuna.’ (J.ǂHa. 1:3) Elob di khākhoen ga ra dīkākāhe o. On ǂgomǂgomsa khoena tae-i ǀkhaega nî hō? ǁNāsa da ge sao ra ǁkhāǁkhāǃâs ǃnâ nî ǃhoaǃgao.