1983ǁÎ kurib ǃnâ ta ge ge ǃnae-e. ǂGuro kurigu ti ûib digu ǃnâ ta ge kaise ge ǂurusa ǀgôa i. Xawe ta ge a disi kurixa o, o ta ge tsûrona ti sorob ǃnâ ge hōǃâ tsoatsoa. ǁNās khaoǃgâ i ge ǀgam kurina ge ǃkharu tsî ta ge ǀgui ǁgoaga a ǂkhai o ta ge ge gon ǁoa i. Ti ǀnuga ta gere khui tsâ xawe i ge ǀgai-e ǁîgu ǃnâ ge ǀkhai i. ǁNā tsēsa xū ta ge ge ǃgû ǁoa i. Ti ǀaeb ge ge ǃaroma i ta kai ǀû. Nētsē ta ge ǀgôaro i khama a ǂkhariro.

Ti ǀaeb xa ǃaromahe hâse ta ge oms ai ǀgui gere hâ tsî omsaxū ge ī ǁoa i. Oms ai ta hâ hîna i ge Jehovab di ǀHûǀguitimî-aon di ǀgui-e hā ge sarite. Hoaǁae ta ge khoen gere sarite o gere ǁgai. Xawe ǁnā tsē ta ge kai khoesa ge mā-am is tita ǀkha ǃhoa. ǁÎra ge paradais xa a ǃhoa, o ta ge koro kurixa ta a hîna ta ge a ǁnâu xui-i xa ge ǂâihō. Jethrob ǁnâ ǁaeb ai ge sîsabe ib ge Surinames ǃnâ gere hâ tsî sida farmsa ǀgui ǃnāsa ǁkhâb ǃnâ gere sari. Tsî ti dadaba Elobmîsa gere ǁkhāǁkhā. Jethrob ge tita kaise ǃgâise gere hâ-ū. ǁÎb xa ta ge kaise ge ǃgâibahe i. Jehovab di ǀHûǀguitimî-aon ge sida di farams ai gere hā o, o ra ge ti aumara ǀhaodi ǃoa gere ūsao te. ǁNā-amaga ta ge Florens, ǁnā tsē ge sari te hâ i khoera di ǀguis ge Elobmîsa ta nox ra ǁkhāǁkhāsen ǂgao ti a dî o, î ti ge mî.

Florens ge ǁîs di aob, Justus ti ǀon hâb ǀkha ge ǀkhī tsîra ge Elobmîsa gere ǁkhāǁkhā te. Khomai ǁoa ta a sa ra ge mû o, o ra ge khomaisa ge ǁkhāǁkhā te. Tsî ta ge ǁaero-e ǃkharu tsî ge khomai tsoatsoa. ǀGui tsē ra ge ge mîba te ǁîra ge Suriname ti ǀon hâ ǃāsa ǃoa ge sî-e īra ǁnāba si aoǁnâ ti. Oreallas ǃnâ i ge Elobmîsa nî ǁkhāǁkhā te khoe-e ge ǀkhai i, xaweb ge Jehovaba ǁîb di ǂâidi ǃnâ tita ge ūhâ-i.

ǁAe-e ǃkharu tsî i ge Floyd ti ǀon hâ aimaba-aoba Orealla ǃās ǃnâ ge ǀkhī. Tsîb ge ǁîba omsaxū oms ǀkhab ta aoǁnâ hîna ge ǀhao-ū te. Elobmîsa tita ǀkha ǁkhāǁkhāsens xab ge ǃhoa o, o ta ge ge ǀnom. “Tae-i xats ra ǀnom?” tib ge ge dî. Tare-e ǂgaoǀkha hâ Eloba sada xū? ti ǀon hâ ǂkhaniroba ta ge ǀnai ge ǁkhāǁkhāsen hâ-i. Tsî ta ge Knowledge That Leads To Everlasting Life * ti ǀon hâ ǂkhanisa gere ǁkhāǁkhāsen. Tae-i ǃaroma ta ge a ǀûsa ta ge ge mîbabi. Floydi ge tita  Knowledge ǂkhanisa ge ǁkhāǁkhā toa. ǁÎb tsîn ge ǀasa ǁgaumâisa ge hō tsî ta ge ǁkhapa Elobmîsa nî ǁkhāǁkhā te khoe-i ose ge hâ.

ǀGam ǀō-aisa aimâba-aokha Grenvilli tsî Joshuab tsîkha ge 2004ǁî kuri Oraellas ǃnâ aoǁnâs ǃgao ge ǁgaumâihe. O ta ge ǀnom tsî ǁîga ge ǂgan î gu Knowledge ǂkhanisa tsoatsoasa xū ǁkhāǁkhā te. Tita ge ais ai gere ǁkhāǁkhā khoen ǀkhagu ǀgui, xūna ra ǁkhāǁkhāsa ta ge gere kō ǂgao. Granvilli ge ge mîba te, ǀhaodi ge farams ai ra dīhe ti. Ti omsa xū ta ge disikurin ǀgaiba ī tama ī, xawe ta ge ǁnā ǀhaosa ǃoa gere ī ǂgao. Tsîb ge Granvilla ti oms ai hā tsî rolstoels ǃnâ ǂnûite tsî sala ǃoa ge ī ūte.

Egab ge Granvilla ge ǂkhâǃnâ te ī ta Theocratic Ministry skola ǁhaoǃnâ. ǁÎb ge ge mî: “ǃHorats a xawets ge a ǃhoa ǁkhā. ǀGui tsēts ge ǃhoasa nî mā. ǁNās ge nî ama ī.” ǁÎb di mîdi ge ge ǀgaiǀgai te.

Aoǁnâ sîsenni ǃnâ ta ge Granvilli ǀkha ge ǂoa tsoatsoa. Xawe ǂgui daogu hîna ge farams ai hâ-i gu ge, ti rolstoels ǃgao ge ǃgâi tama hâ-i. Tsî ta ge Granvilla ge ǂgan îb kriwas ǃnâ ǂgā te tsî ǂhāmâ te. ǁNās ge kaise ǃgâise gere sîsen. 2005ǁÎ kuri ta ge Aprili ǃnâ ge ǁaǁnâhe. ǁNās khaoǃgâ gu ge ǃgâsaga ǀō-aisase, sali di ǂkhanin tsîna ta nî kōǃgâ ǀgausa ge ǁkhāǁkhā te.

2007ǁÎ kurib ge ti dadasaba ǂgaus di ongeluki ǃnâ ge ǁō. Sida omaris ge kaise ge tsûaǂgao hâ-i. Granvilli ge sida ǀkha ge ǀgore tsî ǂkhâǃnâda ra xoade Elobmîsa xu sida ǀkha ge ǀgoragu. ǀGam kuriga ǃkharu tsî i ge ǁkhapa ǁgai xū-e ge ī. Granvilli ge ǂgaus di ongeluki ǃnâ ge ǁō.

Sida ǃoa hâ ǂkhari ǀhaohârob ge nēsisa ǀgui ǀhaohâb hui-aob ǀguiba ge ūhâ-i. Granvilli di ǁōb xa ta ge kaise ge ǃoa hâ-i. ǁÎb ge ti ǀhōsa i amaga. ǁÎb ge ǂgomǂgomsase ge huide i ta Jehovaba ǀgū. Tsî ǂgui ǀkhara xūn ǂhâ ta hân ǀkhas tsînab ge ge huite. ǁÎb ǁōb khaoǃgâ ta ge ǀhaodi ai ǃKhē xu ǂGō-ommi di xoaǀgorade gere khomai. ǂGuro ǀgam xoaǀgorara ta ge ǃamkuse ge khomai, xawe ta ge ge ā tsoatsoa tsîn ge ǁgamrona gere ǃkhoe. ǀÛ tsî ta ge sīge ǂnû.

Nau ǀhaohâga xu gu ge ǃgâsaga ǀkhī tsî a huida tsoatsoa Oreallas ǃnâ, o ta ge kaise ǃgâise ge tsâ tsoatsoa. Tsîs ge ǁnâub berosa Kojo ti ǀon hâ ǀō-aisa aimâba-aoba ge sī. Ti mas tsî ti ǂkham ǃgâsab tsîn ge Elobmîsa ge ǁkhāǁkhāsen tsoatsoa tsî ge ǁāǁnâhe. Tsî da ge Maarti ǃnâ 2015ǁî kuri ge ǀhaohâb hui-ao kai. ǁNā tsē ta ge ǁgamron xa ǀoa hâ mûdi ǀkha ǀnom tsî Granvilli ge mî mîdi xa ge ǂâi: “ǀGui tsēts ge ǃhoasa nî mā. ǁNās ge nî ama ī.”

JW Broadcastingsa xu ta ge ge ǁkhāǁkhāsen ǃgâsan hîna tita ūhâ ame ǃgomsina ūhâna. ǁÎn ge ǃhoran a xawe ǂâibasensa ūhâ tsî ǂkhîsa ûiba ra ûi. Tita tsîn ge ǀnî xūna a dī ǁkhā. Jehovaba ta ge ti ǁkhāsib hoaba gere mā ǂgao. ǁNā-amaga ta ge ge aimaba-ao kai. Tsî ta ge ǃâubasen tama ta hâ ǃgâiǂhôasa Septemberi 2019ǁî kuri ge hō. ǁNā ǁkhâb ǃnâ ta ge ǀhaohâb ǃûi-aose ge ǁgaumâihe, tsî i ge sida ǀhaohâb ǃnâ 40 ǃgâsana ge hâ-i.

Kaise ta ge ra ǃgôaǃgâ ǁnā ǃgâsan hîna ge Elobmîsa tida ǀkha ǁkhāǁkhāsen tsî a huite na i ta Jehovaba ǃoaba. Tsî hoa xūn ǂamai ta ge kaise ra gangan Jehovab ge ǀurute tama hâ-i ǃkhaisa.