Jehovab ge nē māsenxa aoǁnâ-aona ge ǀgaiǀgai. ǁNā kurib ǃnâ i ge ǂkhanina gere māǂui khoen tamas ka io aimâba-aona 225 sa xu 350 ǀkha ge ǀarosen. Tsî ǂguro ǃnâs ase i ge 8 000 xa ǃnāsa aoǁnâ-aon ǁîn di sîsen-e dana berosa ǃoa ge ǃnuri. Jehovab ge ǁîna ge ǀkhae.

Maarti 21, 1920ǁî kurib ge , Joseph F. Rutherforda, ǁnā kurib ai ge Bible studentsan di sîsen-e gere mûǂama, “Millions Now Living Will Never Die” di hâ xoaǂamsa gere ǃhoaǃgao. Bible studentsan ge ǁkhān as kōse ǃgâ gere khoena nē ǁaxasiba ǃoa ge ǁkhau. ǁÎn ge kai sala New York ǃās ǃnâ ǀkhupi tsî 320 000 ǁkhauǂuide ge māǂui.

Bible studentsan gere ǃâubasens xa i ge ǃnāsa khoena ge sī. 5 000 Khoen ǃgao i ge ǃhoas nî māhe ǃkhaiba ge aiǂhumisa i. ǁNās xa ǃaromahe hâse i ge 7 000 khoena ǂgâsoa-e ge hō tama hâ i. The Watch Tower ǂkhanib ge ra mî: “Nē ǀhaos Bible studentsan ge ūhâ-is ge kaise ge ǂoaǂamsa ǀhao i, ǃhūbaib ǂhawase ge hâ-i sa.”

Bible studentsan ge “millions now living will never die” di hâ haisi-ams ǃgao ge ǂansa i. ǁNā ǁaeb ain ge ge ǀū i Gaosib ǃgâiǂhôasan ǂhawase nî aoǁnâsa. Xawen ge kaise ge ôasa i. Ida Olmsteads hîna ge ǀhaode ǃoa 1902ǁî kuri a ī tsoatsoas ge ra mî: “ǂAn da ge ge i khoesib hoab kai ǀkhaega nî hō ǃkhaisa. Tsî da ge ǁnās xa ǃgâiǂhôasa ǀhao-ū da gere khoen hoana gere mîba.”

Gagasi ǂûna māǂuis ǃaroma gu ge ǃgâsagu hîna ge Bethels tawa hâ i ga, aitsama ǀnî ǂkhanina ge ǁgâi tsoatsoa. ǁÎgu ge ǁgâis ǃgao nî sîsen-ūhe xūna ge ǁama. Tsî Bethels di omsa xu ǃnūrose mā ǃkhais, 35 Myrtle Avenue, Brooklyn, New Yorki tawa ge sī-ū.

Leo Pelleb tsî Walter Kessleri tsîn ge Bethels tawa Januarib, 1920ǁî kuri ge sī. Walteri ge ra mî: “ǁNapa ge ge sī o, ob ge ǂkhinina ǁgâis di mûǂam-aoba kō ge tsî ge mî, ‘halwe uri ǀguiba go ge middag ǂûs ais ai ūhâ’ ti. ǁÎb ge ge mîbage î ge ǀnî boksidi hîna ǂkhanina ūhâde ǃnākaba xu ǀkhī-ū.”

Leob ge saora tsēs ai ge ī xū-e ra ǂâihō: “Sige sîsen ge i i ge, ǂguro vloeri di mierga  ǁāsa. ǀUrixa sîsenni hîna ta ge dītsâ hâ i i ge. Xawe i ge ge Jehovab di sîsen-i. Tsî ǁnās ge ge ǃgâi i.”

ǀOro wekhegu ǃnâ i ge The Watch Tower ǂkhaniba ǂgomǂgomsa, māsenxa aoǁnâ-aon xa gere ǁgâihe. 60 Duisend The Watch Tower ǁgâisa ǂkhanigu ge Februarib 1, 1920ǁî kurib ǃnâ, ǀgamǁî vloeri ai ge ǁgâihe. Tsî gu ge ǃgâsaga ǃnākab vloeri ai Battleship di gu ge ǂgai, ǂkhanina ra ǁgâi masinsa ge ǃamǀhao. Aprili 14, 1920ǁî kuri i ge The Golden Age ǂkhaniba ge ǁgâihe tsoatsoa. Jehovab ge nē māsenxa sîsen-aon di dîtsâde ge ǀkhae.

Jehovab di ǂgomǂgomsa khoen ge ǀasa xūn tsî ǀguiba ǃoaba ǀhaos tsîna gere hōǂgâ. Xawe i ge ǀnî Bible studentsna 1917ǁî kuriba xu 1919ǁî kurin gere hōǃgâ ǃgomsigu xa ǀapeǂhomisa ge ǁnā-xū. Tae-e nî dīhe în ǁîna huihe?

Aprili 1, 1920ǁî kuri ge The Watch Tower ǂkhanib ǃnâ hâ i ǁkhāǁkhāǃâs ge ra mî, “ǀkhī da ǂkhîb ǃnâ ǃgû.” ǀNamǀnamxase i ge ǁnā ǁkhāǁkhāǃâs ǃnâ ra mîhe: “ǂAn da ge a ǁnān hîna Jehovaba ra ǁnâuǀnam ǂgaon ge ǁîn ge ais ai gere dīsā xūna ǀuru, tsîn ge ǀguiba Jehovab khoen ǀkha nî sîsenǀhao.”

ǂGuin ge nē ǃgâi mîdi xa ge ǃgâibahe i. ǃGamme hâ khoe-aogu ra ge ge xoa: “Mûǃām ge ge ǃkharu gere kurigu ǃnâ i ge nau khoena gere aoǁnâ, om ge aoǁnâ tama hâ i ǃkhaisa. Xawem ge ra ǂgom âosasem nî aoǁnâ ǀgarasa.” Nē ǀguiba ge ǀhao-oa sîsen-aon ge ǂgui sîsen-e ǁîn ais ai ge ūhâ i.

Junib 21, 1920ǁî kuri i ge Bible studentsna “ZG” di ǀon hâ ǂkhanisa ge māǂui tsoatsoa. Nē ǂkhanis ge The Finished Mystery * di ǀon hâ ǂkhanis ǀkha ge ǀgui i,  xawes ge ǁîsa tsaura ǃkhûǀkhāba ge ūhâ i. 1918ǁÎ kurib ǃnâ i ge ǂkhanisa māǂuisa ǂkhāhe hâ i amaga di ge ǂgui ǂkhanide ge hâ i.

Hoa aoǁnâ-aon ge ge ǁkhauhe în nē māǂuis sîsenni ǃnâ ǃâ. Aimâba-aon ǀguin ose. “Mâ khoe-i hoa-i hîna ǀhaohâb ǃnâ ǁāǁnâhe hâ-i ge nē sîsen-e māsenxase nî dī. A i khoe-i hoa-e nēsi nēti mî re: ‘Nē-e ta ge ra dī, ZG ǂkhanisa ta ge ra māǂui.’” Edmund Hooperi ge ra mî nē māǂuis ge ǂgui khoen xa ge ǂguro ǃnâ i, daosa xu daos ǀkha hâ sîsen-en ge ǁîn ûib ǃnâ gere dīsa. ǀAro tsîb ge ra mî: “ǁNâuǃā tsoatsoa da ge ge nē sîsen-e dīs ge ǃâubasen ta ge hâ is xa ǃnāsa-e ge ǃkhōǂgā hâ i.”

Nau ǃhūgu ǃnâ ge hâ i Bible studentsan ǀkha ǃhoas ge kaise ge ǃgom i, ǂguro torob di ǁaeb ǃnâ. ǃGâsab Rutherfordi ge nē ǃgâsana gere ǂkhâǃnâ ǂgao. Tsîb ge ǁnās ǀkha aoǁnâ sîsenni di ǀgauba ge ǀkharaǀkhara. ǀNā-amaga i ge Augustub 12, 1920ǁî kuri, ǁîb tsî haka ǃgâsagu tsîna gaxu daoba ge ǃnari, Britaini tsî ǂgui ǀkhara ǃhūgu tsîna ǃoa.

Rutherfordi ge Britaini ǃnâ a sari o i ge Bible studentsna ǃnona kai ǀhaode ge ūhâ i tsî 12 ǀhaohâb ǀhaode, hoa khoen ǃaroma. 50 000 khoen ge ǁnāpa ge ǀhao hâ i. Sari hâ khoena ǃkhōǂgā hâse. The Watch Tower ǂkhanib ge ra mî: “ǀHōsan ge kaise ge ǂkhâǃnâhe. ǁÎn ge hoatsama ge ǀguiǃnâxa i ǀnammi ǃnâ. Tsî i ge ǂgui ǃoa hâ ǂgaoga ge ǂkhîǂkhîhe.” Paris ǃnâb ge ǃgâsab Rutherforda ǁkhapa “Millions Now Living Will Never Die” di hâ ǃhoaǂamsa gere ǃhoaǃgao. ǃHoas ge tsoatsoa ob ge sala kaise ge ǀhoa hâ i. 300 Khoen ge ǃnāsase gere ǂan ǂgao.

Saora wekhegu ǃnâ gu ge ǀnî ǃgâsaga Athens, Cairos tsî and Jerusalems tsîna ge sari. ǃNāsase ge ǂan ǂgao khoen hîna ge nē ǃādi ǃnâ hâ în ǃgaob ge ǃgâsab Rutherforda, Ramallah di ǀon hâ ǃās, Jerusalem xōǀkhā hâs ǃnâ ǂkhanin di ǃkhaiba ge ǁkhopa-am. ǁNāpaxūb ge Europa ǃoa oa tsî berosa ge ǁkhopa-am. Tsî i ge ǂkhanina ǁnapa gere ǁgâihe.

September, 1920ǁî kuri i ge 27ǁî ǂkhanib The Golden Age a ge ǂoaxa. ǀŌ-aisa mâsib hîna ge Bible studentsna 1918ǁî kurib ǃnâ  gere mâǃoana. Battleship di ǀon hâ masins ais ai da go ro ǃhoaǃgaos ge tsēs tsî tsuxib tsîna gere ǃoe. Tsî haka miliuns di ǂkhaniga gere ǁgâi.

ǁNā ǂkhaniba ge khomai khoen ge Emma Martins ge ǃkharuǃnâ xūn xa ge ǁkhāǁkhāsen. ǃGâsas Martins ge San Bernardino di ǀon hâ ǃās, Californiab ǀkharib ǃnâ hâs ǃnâ gere aoǁnâ. Maarti di 17, 1918ǁî kuri, i ge ǁîs tsî ǃnona ǃgâsagu, E. Hamm, E. J. Sonnenburg, tsî E. A. Stevensi tsîna Bible studentsan di ǂgari ǀhaoros tawa ge hâ i.

ǀNî aob hîna ge ǁnapa hâ îb ge Elobmîsab nî ǁkhāǁkhāsen ga ge sī tama hâ i. “Tide ge nē ǀhaosa ǃoa ǂhanub xa ge sīhe hâ i,” tib ge ega ge mî. “Tida ge Bible studentsna da nî ǀhapiǂgā-am-ū xū-e gere ôa.” Tsî ǁnā xū-i ge ǁgâihe toasa The Finished Mystery ǂkhanisa hōsa. Ega, ǀoro tsēde ǃkharu tsîs ge ǃgâsas Martins tsî ǃnona ǃgâsagu tsîna ǃkhōsis ǃnâ ge ūhe. ǁÎn ge ǂkhāsa ǂkhanisa ǀgoraǂuis ǃgao ge ǃkhō-e.

Emmas tsî ǁîs ǀhōn tsîn ge ǂhanuba ge khôa tsî ǃnona kurina ge ǁkharahe. ǂGui ǃnâden dîǃgâ hâs khaoǃgân ge Mei 17, 1920ǁî kuri, ǃkhōsis ǃnâ ge ǂgâ. Xawen ge xūna ǃhaese ge dawa.

Junib di 20, 1920ǁî kurib ge ǃgâsab Rutherforda ǁîn di aiǁgaude San Franciscos ǃnâ ge hâ i ǀhaos ǃnâ ge mî. ǁNapa ge hâ i khoen ge ǃgâsan ge hâ-ūhe ǀgaus xa ge ǃgâibahe tama i tsî haisi-amsa Amerikab Presidenta ǃoa ge sî. ǁÎn ge ge xoa: “ǃGôahesas Martins di ǁkharab xa, ǁîs ge ǃgâi tamase ge ǁkharahe. Nē ǂhanub ge ǁîn di ǀgaiba ge sîsen-ū tsî ǃgôahesas Martinsa ǀhôakhaose ge ǃkhō, îs mā-amhe tama ǂkhaniba ǁîb ai ǁamaxu, în ǁîsa ǃkhōsis ǃnâ ūhâ.”

Saora tsēs aib ge President Woodrow Wilsona ǃgâsas Martins tsî ǃgâsagu Hamm, Sonnenburgi, tsî Stevensi di ǁkharaba ge ǀoroǀoro. ǁÎn ge ǂhanuoǃnâ ǃkhōsisa xu ge ǂoa.

1920ǁî kurib di ǀams ain ge ǃgâsana ge mûǂan xūn hîna ǁîna ra ǂkhî kain ge ǁnā kuri a īsa. Kai sîsenni ge danaberos ai gere dīhe. Tsîn ge Bible studentsna ǂguron gere dīs xa ǃnā hâse Elob Gaosib, khoen ǃgomsin hoana nî ūbēsa gere aoǁnâ. (Mat. 24:14) 1921ǁÎ kurib ǃnân ge noxoba kaise Gaosib amaba nî aoǁnâ.