1. Mati da a ǂan sida aoǁnâ sîsenni khoen ûiba ra sâu ǃkhaisa?

AOǁNÂ sîsenni ge ûiba ra sâu sîsen-e. Mati da nēsa a ǂan? Jesub ge Mateub 28:19, 20 ǃnâ māsa mîde a mā ob ge ge mî: “Î go ǁîna ǁāǁnâ”. Mati kōses ǁāǁnâsa a ǂhâǂhâsa? ǀAmo ûiba da ga ra ǂhaba o, o da ge nî ǁāǁnâhe. ǁĀǁnâhe ǂgao ra khoe-i ge ǂgomsa nî ūhâ. ǀAmo ûiba i ge, Jesub ge a ǁōbada tsî a khâi ǃkhais ǃaroma ǀgui a hō ǁkhā ǃkhaisa. ǁNā-amagab ge Apostel Petruba ǁîb ǀkhā ǀguiba ra ǃoaba Xristeǁîna ge mîba, ‘ǁāǁnâs ge sada nēsi ra ǃgâiǃō kai, Jesub Xristub di khâisa xū.’ (1Pet. 3:21) ǁNā-amaga i ge ǀasase ra ǁāǁnâhe khoe-e ǃâubasensa ūhâ ǀamose ûis dīsa.

2. 2 Timoteub 4:1, 2 sa mâǃnôa ǁkhāǁkhā-ao kai da nîs xa ra ǃhoa?

² Aoǁnâ da ga ra o, o da ge “nî ǃgâi ǁkhāǁkhā-ao kai.” (Khomai re 2 Timoteub 4:1, 2 sa.) Tae-i ǃaroma? Jesub ge ‘ǃgûǂoa i ǁîna ǁkhāǁkhā’ ti a mîmāda amaga. Apostel Paulub ge ge mî: Nē sîsenni ǃnâ “hâhâ. Nēnats ga dīo, ots kom sa-aitsama tsî ǁnâu tsi ran tsîna nîra ǃgâiǃō kaio.” ǃGâi ǃaromas ǀkhab ge Pauluba ge mî: Sa “ǁkhāǁkhāsa kōǃgâ” re ti. (1Tim. 4:16) ǁKhāǁkhās tsî aoǁnâs tsîn ǀguiba ra sîsenǀhao amaga da ge ra ǃgâi ǁkhāǁkhā-ao kai ǂgao.

3. Nē ǁkhāǁkhāǃâs ǃnâ da Elobmîs ǁkhāǁkhādi ra dī-e ǀgaub xā tae-e nî ǃhoaǃgao?

³ ǃHūbaib ǂhabase da ge ǂgui Elomîs ǁkhāǁkhāde ra dī. ǃKharugo ǁkhāǁkhāǃâs ǃnâ da go ǁkhāǁkhāsen khami da ge Elobmîsa ra ǁkhāǁkhāsen khoena ra hui ǂgao în ǁāǁnâhe. Nē ǁkhāǁkhāǃâs ǃnâ da ge koro xūna nî ǃhoaǃgao mâ ǁkhāǁkhā-ao i hoa i nî dī-e, i ī Elobmîsa īra ǁkhāǁkhā khoe-e hui ǁāǁnâs kōse.

4. Tae i ǃaroma i ǁkhāǁkhā ra khoe-e tā kaise nî ǃhoa Elobmîs ǁkhāǁkhāsa i ga ra dī o? (ǀGamiros sa mû re.)

⁴ Elobmîsa xū da ra ǁkhāǁkhāsen xūna da ge a ǀnam. ǁNā-amaga da ge kaise ǁîs xa ra ǃhoa. Xawe da ge tā ǃKhē xu ǂgō-ommi, ǀhaohâb Elobmîs ǁkhāǁkhās tamas ka io oms ai ra dīhe ǁkhāǁkhāde da ga dī o, kaise nî ǃhoa. Mâ ǁkhāǁkhā-ao i hoa i ge Elobmîsa ǃgâise ra sîsen-u ǂgao ǁkhāǁkhā i ga ra o. ǁNā-amaga i ge ǃkhō-oasensa ǂhâba hâ ī i tā kaise ǃhoa. * (Jhn. 16:12) Dītsâ re îdu mâ xū-i hoa i hîna xoas ǃnâ hâ-e ta ǁguiǃā. ǁĀǁnâhe du ge, o du ge ūhâ i Elobmîs ǂans tsî nēsi du matiko ǂansa ūhâs tsîna ǀgobeǀnōre. ǀNîsi du ge ǀnî ǂhâǂhâsa ǁkhāǁkhān Elobmîs din ǀguina ge ǁnâuǃā. (Heb. 6:1) Nētsē du a ǂan xūna ǁkhāǁkhāsens ge ǂgui kurina ge a ū, ǁnā-amaga du tā ǀasase ra ǁkhāǁkhāsen khoena hoa xūna ǀgui ǁaeb ai ǁkhāǁkhā re.

5. (a) 1 Tesalonikaǁîn 2:13 ǃoagu da tae-e ǂhaba, hâ în sida ra ǁkhāǁkhā khoe-e ǁnâuǃā ǁî-i di ǁkhāǁkhāsa xu? (b) Mati da ǁkhāǁkhā da ra khoe-e ni ǂkhâǃnâ ī i ǁkhāǁkhāsen i go xūn xa ǃhoa?

⁵ Sida ǀkhā ra ǁkhāǁkhāsen khoe-e da ge ra ǁnâuǃā kai ǂgao nē i ra ǁkhāǁkhāsen xūn Elobmîsa xu ra hā ǃkhaisa. (Khomai re 1 Tesalonikaǁîn 2:13 sa.) Nēsa da mati ra dī? ǁKhāǁkhā du ra khoe-e ǂkhâǃnâ re ī i ǁkhāǁkhāsen î go xūn xa ǃhoa. Elobmîs xoade ǁkhāǁkhā du ra khoe-e hoaǁae ǁguiǃābas xa, ǁî-e mîba re ī i sado ǁguiǃāba. Hui īre ī i mû Elobmîs ǁkhāǁkhādi ǁî i ǃoa mati ra ǁnaeǁgausa. ǁÎ-e māǂoara dîde dîre hîna nî hui i e, ī i harase ǃhoa mati īra ǂâi tsî tsâsa nē i koro khomai xoadi xa. (Luk. 10:25-28) Aiǁgause ǁî-e dîre: “Nē xoasa mati go huidu īdu Jehovab di ǀgauga mû?” “Mati i nē du go Elobmîsa xu a ǁkhāǁkhāsen xūna sado a hui ǁkhā?” “Mati du nē du go ǁkhāǁkhāsen xūn xa ra tsâ?” (ǂKhm. 20:5) Matiko xūna i ǁkhāǁkhāsen ra khoe-e a ǂans ge ǂhâǂhâsa tama hâ, xawe ǁkhāǁkhāsen i ko xūna ûiǂuisa ǀnamsa.

6. Tae-i ǃaroma i a ǃgâi ǂansa ūhâ ǁkhāǁkhā ao-e Elobmîsa da ra ǁkhāǁkhā khoe i ǃoa ī ūsa?

⁶ Elobmîs di ǁkhāǁkhāsa du ga dī o ǂansa ūhâ ǁkhāǁkhā-aona ūsao ī du ra? Ti ī nî is ga ra ī o ǁîna dî re matin sats ta ǁkhāǁkhā ǀgaub xa ra ǂâisa tsî ǃgâisets Elobmîsa ra sîsen ūsa. ǃGamǃgamsenxasiba du ge nî ūhâ ǃgâi ǁkhāǁkhā-ao kai ǂgao du ga ra o. (ǃNǃkh. 18:24-26 sa ǀkha ǀgopeǀnō re.) ǁNāpaxu du ge  ǂansa ūhâ ǁkhāǁkhā ao-e nî dî ǁkhāǁkhā du ra khoe-e ǁnâuǃā ī ra tae-e ī ra ǁkhāǁkhāsensa. ǁKhā ǁkhāǁkhā ao-e du ge a ǂgan ǁkhā ī i sadu ga ī ǁaeb ai ǁnā studisa dī ba du. ǁNās ge nî hui i nē ǁkhāǁkhāsa aiǃgû tsî i ge ǁkhāǁkhāhe ra khoe-e nē Elobmîs ǁkhāǁkhās ǂhâǂhâsasiba nî mû. Tā nē studis ǀguri a “sa” ti ǂâire tsî i khoe-i ǀkhara-e ǁîsa ūhâ tide ti. ǃGâib ǀguiba da ge ǁkhāǁkhāsenra khoe-i ǃgao ra ǂhâba ī i amaba ǁkhāǁkhāsens ǀkha aiǃgû.

7. ǁKhāǁkhā dura khoe-e tae-i xā nî hui-e ī i ǁkhāǁkhāsen ī ra xūna ǀnam?

⁷ Elobmîsa du ra ǁkhāǁkhā khoe-i ge nî mû, amab Elobmîs ǃnâ ra hō-e ba du a ǀnam tsîra ǂgom ǃkhaisa. (1Tes. 1:5) O i ge ǁkhāǁkhāsen ī ra xū-i ǃaroma nî ǂkhî. ǀNîsi du ge ǁî-e a mîba ǁkhā Elobmîs ge sado, sadu di ûib ǃnâ mati a huisa. O i ge nî mû Elobmîs ǃnâ hâ tsoatsoadi ǁî i tsîna a hui ǁkhā ǃkhaisa.

8. Tae-e du nî dī î du sadu ǀkhā Elobmîsa ra ǁkhāǁkhāsen khoe-e hui tsî nēsa du tae i ǃaroma nî dī?

⁸ Elobmîs ǁkhāǁkhās ǃnâ ǁkhāǁkhā du ra khoe-e ǃgâsan hîna ge ǁkhā ǃgomsina ūhâ i tsî nēsa a dân nan xa ǁgamba re. ǀHaohâba xū du ge ǃgâsa-e a ūsao ǁkhā hîna ǃgâi aiǁgau-e ūhâ e ǁkhāǁkhā du ra khoe-e a hui ǁkhā e tamas ka io o du ge ǂkhâǃnâ ra aiǁgaude jw.orgs ai a mû ǁkhā, “The Bible Changes Lives” ǃâb ǃnāka. * Nēti i ǁkhāǁkhāǃâdi tsî vidion tsîn ge ǁkhāǁkhā du ra khoe-e nî hui ī i mû mati i Elobmîs tsoatsoade nî hui nîsa ī i ǀkharaǀkharana dī.

9. Mati du ǁkhāǁkhā du ra khoe-e a ǂkhâǃnâ ǁkhā ī i ǁkhāǁkhāsen ī ko xūna ǁîn ǀhōn tsî omaris ǁanîn ǀkhā ǀgoragu?

⁹ ǁKhāǁkhā du ra khoe-e ǃgamme ī hâ? ǁÎ i di aob tamas ka io tarasa ǁkhāǁkhāsen ī ra? Ti i ga ī tama io ǁî e ǁkhau re ī i ǂnûǂgâ. ǁKhāǁkhâ du ra khoe-e ǂkhâǃnâ re ī i ǁkhāǁkhāsen i go xūna ǁîn ǀhōn tsî ǁîn omaris ǁanin ǀkha ǀgoragu. (Jhn. 1:40-45) Mati? ǀNîsi du ge a dî ǁkhā: “Mati du nē du ko ǁkhāǁkhāsen xûna sadu omaris ǁanîn ǀkhā a ǀgoragu ǁkhā?” Tamas ka io, “du mā xoasa a sîsenū ǁkhā īdu sadu di ǀhō-e hui?” Nē ǀgauba du ga sîsen-ū  o, o du ge sadu ǀkhā ra ǁkhāǁkhāsen khoe-e ra hui ī i ǃgâi ǁkhāǁkhā-ao kai. ǁKhāǁkhā du ra khoe-i ga nēsa dīǀoaǀoa o i ge ǀhaohâb ǀkhā ǀguiba a aoǁnâ tsoatsoa ǁkhā. ǁÎ i tsîna du ge a dî ǁkhā Elobmîsa ra ǁkhāǁkhāsen ǂgao khoenan ǂan tama hâ ǃkhaisa tsî i ga ra ǂan o, ǁnā khoe-i ǀkhā ǀhao re i ǁî-e Elobmîsa ǁkhāǁkhā tsoatsoa. ǁÎ-e tae-e ra ī Elobmîs ǁkhāǁkhās tawa? ti hâ vidioba ǁgau re. *

10. 1 Tesalonikaǁîn 2:7, 8 ǃnâ ī ra mîǃāhe khami i ǁkhāǁkhā ao-e mati Paulub di aiǁgausa nî ǁgae?

¹⁰ Elobmîsa ra ǁkhāǁkhā khoen ge ǁkhāǁkhān ta khoen ǃnâ ǃgâiǃgâibasensa nî ǁgau. ǁÎn ge ǀgu ǁae nî sadu di ǃgâsa kai ǀhaohâb ǃnâ. (Khomai re 1 Tesalonikaǁîn 2:7, 8 sa.) Supu tama ī ge hâ ǀhōsan hînan ge ǃhūbaib ǃnâ ūhâ īna ǁnāxusa tsî ǂkhabasa ǀkharaǀkharana dīsa Jehovaba ǃoabas ǃgao. Hui nî da ge nî īn ama ǀhōsana ǀhaohâb ǃnâ hō. Elobmîsa du ra ǁkhāǁkhā khoe-i ǀkhā ǀhōsagusisa kuru re, i ǁî e ǀkhara ǁaegu ais tsîna sari. Elobmîsa du ra ǁî i ǀkha ǁkhāǁkhāsen ǁaeb ai ǀguis ose. ǁÎ-e bels, smsa xoabas tsî studisa du ūhā tama hâ ǁaeb ai saris tsîn ge ra ǁgau ǁîn ǃnâ du ǃgâiǃgâibasensa ūhâsa.

11. ǁKhāǁkhāsen ra khoe-i tae-e ǀhaohâb ǃnâ nî hōsa da ra ǂhâba tsî tae-i ǃaroma?

¹¹ Mîhe i ge ra: “Hoa khoen hîna ǃās ai ra hân ge ǂhabasa ǀgôa-e kaikais ǃgao” ti. “Hoa ǀhaohâba ī ge ra ū khoe-e ǁkhāǁkhāsa” di da ge a mî ǁkhā. ǁNā-amaga i ge ǃgâi ǁkhāǁkhā ao-e ǁî i ra ǁkhāǁkhā khoe-e ra hui ī i ǀhaohâb ǃnâ hâ ǃgâsana ǂan. Nēn ge ǁîna nî hui în Jehovab ǀkhā ǀgu ǀhōsasisa kuru. ǁKhāǁkhādu ra khoen ge ǃgâi ǁaeba Elob di khoen ǀkhā nî ūhâ tsî nē ǃgâsan ge ǁîna nî hui în ǃgâi ǀhōsagusisa Jehovab ǀkhā ūhâ tsî ǁî e nî ǂkhâǃnâ ǃgomsinan ga ra ūhâ o. ǁKhāǁkhāsen ra khoe-i hoa-i ge ǀhaohâb ǃnâ ǃâ-e ūhâ tsî a gagasi omaris di ǁani ǃkhaisa da ge ra ǂhaba. Tsî i nî ǀnamxaǃnâ omaris ǃgâsan ǃoa ǂgae-e ǃkhaisa, o i ge ǁî e nî sububa i ī tā Jehovaba ǀnam tama hâ khoen ǀkhā hâ. (ǂKhm. 13:20) ǁÎ i gere hâ-ū ǀhōsan ga ǁî-i ǀkhā hâ ǂgao tama ga ra ī tamas ka io, ǁî i ǀkhā dī xū-e ūhâ ǂgao tama ga ra io i ge ǁî e a ǂan ama ǀhōsana i Jehovab di ǀapeǂhomis ǃnâ nî ūhâ ǃkhaisa.—Mrk. 10:29, 30; 1Pet. 4:4.

12. Tae-i ǃaroma da Xristeǁî i māǁnâsens tsî ǁāǁnâs tsîn xa ǁkhāǁkhā da ra khoe-i ǀkhā nî ǃhoa?

¹² Harase hoaǁae ǃhoa re mati kōse i a ǂhâǂhâsasa, khoe-e ǁî i di ûiba māǁnâsa Jehovab ǃoa tsî ǁāǁnâ kaisensa. Khoe-e da Elobmîsa ra ǁkhāǁkhā ǃaromas ge ī i Jehovaba ǃoaba tsî ǁāǁnâhe. ǀOro ǁkhâgu ǃnâts ga nē khoe-i ǀkhā ǃnakorobe Elobmîsa ga ra dī o tsî ǃgosase i ga nē khoe-e ǀhaodi ǃoa ī tsoatsoa o, o i ge nî ǁnâuǃa nē Elobmîs ǁkhāǁkhāsa ī ra dī ǃaromas ge ī i Jehovaba ǃoaba tsoatsoa tsî ǁāǁnâhe Jehovab di ǃoaba ao i ase.

13. ǁKhāǁkhāsen ra khoe-e tae-e nî dī ǁāǁnâs aiǃâ?

¹³ ǂGui xūn ge hâ Elobmîsa ra ǁkhāǁkhāsen khoen hîna ra ǁāǁnâhe ǂgaon nî dī na. ǂGurose i ge ǁkhāǁkhāsen ra khoe-e Jehovaba nî ǂan tsî nî ǀnam tsî ǁÎb ǃnâ nî ǂgom. (Jhn. 3:16; 17:3) Tsî i ge ǀgū ǀhōsagusisa Jehovab ǀkhā ra omkhâi. Tsî ǀhaohâb ǃnâ hâ ǃgâsan ǀkhā ra ǀhōsagu kai. (Heb. 10:24, 25; Jak. 4:8) ǁNabaxūn ge dīn ge re ǁgai xūna ra ǀû tsîn ge ǁîn di ǁorena xūra ǃhōbasen. (ǃNǃkh. 3:19) Tsî i ge nau khoena ǁî-i tae-e nēsisa ra ǂgoms xa ra mîba. (2Kor. 4:13) Tsî i ge nēsi ǁāǁnâs ǃnâ-ū ra ǁgau ǁî-i Jehovab ǃaroma māsen hâ ǃkhaisa. (1Pet. 3:21; 4:2) Tsî nē tsēs ain ge hoa khoena kaise ra ǃgâiaǂgao. ǁKhāǁkhāsen ra khoe-i ǂaub ǀkha ǁî-i mîǁguiga ra sīǃnâ, khami harase ǁî-e koa tsî ǂkhâǃnâ re. I-i saora mîǁguigu tsîna sîǃnâ ǁkhā

14. Mati i ǁkhāǁkhā ao-e ǁî i ǀkhā ra ǁkhāǁkhāsen khoe-i ra aiǃgû sa nî dîsen?

¹⁴ Elobmîsa ra ǁkhāǁkhāsen khoe-e da ga ra hui o, i i ǁāǁnâhe o da ge ǃnūǃnâxasiba nî ūhâ xawe da ge nî ǂan ǂgao ǁî-i Jehovaba ǃoabas di turaba ūhâsa. ǁKhāǁkhā du ra khoe-e ǁgau ī ra Jesub di mîmāde ī ra ǁnâuǀnam ǃkhaisa, tamas ka io i ǁî-e Elobmîs ǃnâ hâ xūn ǀguina ra ǁkhāǁkhāsen ǂgao?

15. Mâ ǁgauǁgaude i ǁkhāǁkhā ra khoe-e ǁkhāǁkhā i ra khoe-i ǃnâ ôa?

¹⁵ ǁAeba xu ǁaeb ǀkhā dîsen re ǁkhāǁkhā du ra khoe i ra aiǃgûsa. Aiǁgause ǁî i mati Jehovab xa ra tsâ ǀgausa mî i ra? Jehovaba ǃoa ǀgore ira? (Psa. 116:1, 2) Elobmîsa khomais xa ǃgâibahe i a? (Psa. 119:97) ǀHaode ǃoa hoaǁae ī  i ra? (Psa. 22:22) ǁÎ-i di ûiba ǁgau īra ǁkhāǁkhāsen ī ra xūna ī ra dīsa? (Psa. 119:112) ǁKhāǁkhāsen i ra xū-e omaris di khoen tsî ǀhōsan ǀkhā ǀgoragu tsoatsoa ī hâ? (Psa. 9:1) Tsî ǂhâǂhâsase ǁî-e Jehovab di ǃoaba-ao kai ǂgao ī ra? (Psa. 40:8) ǁKhāǁkhā du ra khoe-e ǀkharaǀkharana dī i ra? Aiǃgû tama ī ka ra io nēsa ǁî i ǀkhā ǃhoare tsaura tsî ǃgâi ǀgaub ǃnâ. *

16. Mâǁae da Elobmîs ǁkhāǁkhās ǀkhā nî ǀû?

¹⁶ ǁAeba xu ǁaeb ǀkhā dîsen re nē khoe-e ǁkhāǁkhās ǀkha aiǃgû du nîsa. Dîsen re: ‘ǁKhāǁkhā du ra khoe-e aiǂhomisen ī ra? ǀHaode ǃoa ī ǂgao tama i hâ? ǁGai ǁnaetiga i noxoba ūhâ? Ama tama ǂgoms di kerkhena ǃoa ī ra i?’ Nē dîdi ti ǃereams ga î ti hâ o, o i ge ǀâ ǂgao tama hâ khoe-e tsâsa ǁkhāǁkhās ǀkhā a ǀgui. ǁKhāǁkhā du ra khoe-i ga ǁkhāǁkhāsen ī ra xūna ǃgôaǃgâ tama ka io tsî ǀkharaǀkharana dīsa mā-amsen tama ga ra io, tae-i ǃaroma du ǁî i ǀkhā ra ǁkhāǁkhāsen?

17. 1 Timoteub 4:16 ǃoagu i Elobmîsa du ra ǁkhāǁkhā khoena tae-e nî dī?

¹⁷ Aoǁnâs aiǂhânuba da ge kaise ǂhâǂhâsase ra mû tsîda ge Elobmîsa da ra ǁkhāǁkhā khoena ra hui ǂgao īn ǁāǁnâhe. ǁNā-amaga da ge Elobmîsa nî mā-am īs hoa ǁkhāǁkhāde dī. Tsî da ge ǁkhāǁkhā da ra xūna da ǀnam tsîra ǂgom ǃkhaisa nî ǁgau. ǁKhāǁkhā da ra khoe-e da ge nî ǂkhâǃnâ ī i ǀhōsana ǀhaohâb ǃnâ kuru tsî da ge ǁî e māǁnâsens tsî ǁāǁnâ kaisens di mîǁguib a ǂhâǂhâsa ǃkhaisa nî mûkai tsî ǁaebaxu ǁaeb ǀkhā nē khoe-i ra aiǃgûsa nî kō. (“ Elobmîsa ra ǁkhāǁkhā khoe-e tae-e nî dī, i i ǁkhāǁkhā i ra khoe-e ǁāǁnâs kōse sī-ū?” ti hâ boksisa mû re.) Kaise da ge ra ǃgâiaǂgao nē ûiba ra sâu sîsenni ǃnâ ǃâsa. ǁKhā da a xū i hoa-e da ge ra dītsâ ǂgao īda Elobmîsa da ra ǁkhāǁkhā khoe-e hui i i ǁāǁnâ-e.