1. Tae-i ǃgâi mîǁguiga i khoe-e a dī ǁkhā?

ǃNĀSA ǁaeba î ge ǁgûn ra dī mîǁguiga ǀgôana gaixu ǁaeba ra tsâǀkhā. ǁGûn ga ǃgâi tama mîǁguiga ga ra dī o, os ge nēsa ǁîn ǀgôana ǃgomsiba a mā ǁkhā. Xawen ga ǃgâi mîǁguiga a dī o, on ge ǁîn ǀgôana ra hui în ǂkhîsa ûiba ūhâ. Ī a ǃkhais ge ǀgôan tsîn ge ǃgâi mîǁguiga nî dī. ǀGui ǃgâi mîǁguib hîna i khoe-e a dī ǁkhab ge sida di ǀnamxaǃnâ ǀhom-si ǁGûb Jehovaba ǃoabasa.—Psa. 73:28.

2. Tae-i ǃgâi mîǁguiga i ge Jesub tsî ǁîb ǁgûn tsîna dī?

² Jesub ǁgûra tsîn ge gere ǂhâba în ǁîra di ǀgôana Jehovaba ǃoaba. Tsî mîǁguigu ǁîra gere dī gu ge ra ǁgau Jehovaba ǃoabas ge ǁîn ûib ǃnâ ǂhâǂhâsa i ǃkhaisa. (Luk. 2:40, 41, 52) Jesub tsîn ge ǃgâi mîǁguina ge dī Jehovab ǂâisa dīs ǀkhā ge hûibi na. (Mat. 4:1-10) Jesub ge ge ǃgâi, ǂgomǂgomsa tsî ǁkhoaǂgaoxa ao kai. Hoa ǁgûn Jehovaba ǀnaman ge kaise nî ǂkhî ǁnāti ī ǀgôa-e ūhâsa.

3. Mâ dîde nē ǁkhāǁkhāǃâs ǃnâ nî ǃereamhe?

³ Nē ǁkhāǁkhāǃâs ǃnâ da ge saora dîte nî ǃeream: Jehovaba mâ ǃgâi mîǁguiga Jesub ǃgao ge dī? Xrîsteǁî ǁgûna tae-e Marias tsî Josefi ge dī mîǁguiga xu nî ǁkhāǁkhāsen? Tsî ǂkham Xristeǁîna tae-e Jesub ge dī mîǁguiga xu ra ǁkhāǁkhāsen?

4. Mâ ǂhâǂhâsa mîǁguibab ge Jehovaba ǁîb Ôab xa dī?

⁴ Jehovab ge ǃgâi ǁgûna Jesuba ge ǁhûiba. (Mat. 1:18-23; Luk. 1:26-38) Marias gere ǁgâiǂuisen ǀgaub hîna  Elobmîs ǃnâ a xoasab ge, ǁîs ǀnammi Jehovab tsî ǁîb mîsas ūba hâba gere ǁgau. (Luk. 1:46-55) Tsî Josefi ge Jehovab di daoǁgaude gere ǁnâuǀnam ǃkhais ge ra ǁgau, Jehovabab gere ǃgôaǃgâ ǃkhaisa. Tsîb ge ǁîb di mîsa gere dī ǂgaosa.—Mat. 1:24.

5-6. Jehovaba ǁîb Ôaba tae-e ge ǃkharuǃnâ kai?

⁵ Jehovab ge ǃkhū hâ ǁgûna Jesub ǃgao ge ǁhûi tama hâ-i. Josefi tsî Marias tsîn ge Jesub di ǃnaes khaoǃgâ a dī ǁguibas ge ra ǁgau, ǁîra ge ǀgâsa-i ǃkhaisa. (Luk. 2:24) Josefi ge ǀnîsi ǂkhari storosa ǁîb oms xoǀkhā ge ūhâ-i, ǃnaokuru sîsen-eb gere dīǃnâsa. ǁÎn ge ǂgui mari-i tamas ka io ǂgui xūna ge ūhâ tama hâ-i. Egas ge omarisa a kai amaga.—Mat. 13:55, 56.

⁶ Jehovab ge Jesuba gere ǁkhauba. Xaweb ge hoa ǃgomsina ge ūbē tama hâ-i. (Mat. 2:13-15) ǀNî omaris ǁanin ge Jesub ǃnâ ge ǂgom tama hâ i. ǂÂi re ǀnîsi Jesub ge matikose gere ǂkhabu ǂâisa, ǁîb di omaris ǁanin ge ǁîb a Mesia ǃkhaisa ǂgom tama hâ-i o. (Mrk. 3:21; Jhn. 7:5) Tsîb ge ǀnîsi Josefa, Jesub a ǂkham hîna ge ǁō. Tsîs ge nēsa ǁîba kaise ge ǃgomba i. Josefi di ǁōb ge gere ǂâibasen Jesub kai ǀgôab ase ǁîb dadasab sîsen-e nî kōǃgâsa. (Mrk. 6:3) Kaib ra khamib ge Jesuba ge ǁkhāǁkhāsen ǁîb omarisab nî kōǃgâ ǃkhaisa. ǀNîsib ge ǃgarise gere sîsen, îb mari-e hō tsî ǁîna kōǃgâ. ǁNā-amagab ge ǁîba ge ǂan i hoaraga tsēsast ga sîsen ots mati tsau hâse ra tsâsa.

7. (a) Mâ dîna ǃgamme hâ khoena nî hui ǀgôana kaikais ǀkha? (b) ǂKhoamîdi 2:1-6 sa mati ǁgûna nî hui în ǁîn ǀgôana ǁkhāǁkhā?

⁷ ǃGamme hâ khoe-aoguro ga ra o tsî ro ga ǀgôana ga ra hō ǂgao o, dîsen re: ‘ǃGamǃgamsenxa tsîm Jehovab tsî ǁîb mîs tsîna a ǀnam? Jehovaba sima nî ǁhûi im nē daroro-e kōǃgâ?’ (Psa. 127:3, 4) ǀNai du ga ǀgôana ga ra ūhâ o dîsen re: ‘Ti ôana ta ǃgarise sîsensa ra ǁkhāǁkhā?’ (Aoǁn. 3:12, 13) ‘Dītsâ i ta ra ti ôana ǁgai xūna xu ǁkhaubasa, ǁGâuab di ǃhūbaib ǃnâ?’ (ǂKhm. 22:3) Sadu ǀgôana du ge hoa ǃgomsina xu a ǁkhauba ǁoa. ǁNās ge kaise a ǃgom ǁkhā. Xawe du ge ǁîna hā nî ǃgomsin ǃgao a aiǂhomi ǁkhā. Tsî ǁîna ǀnamxaǃnâ ǀgaub ǃnâ a  ǁkhāǁkhā ǁkhā, în Elobmîs ǃnâ ǂgomaiǂnûi. (Khomai re ǂKhoamîdi 2:1-6 sa.) Aiǁgause i ga omaris di ǁani-e Jehovaba a ǃoaba ǀû o, sadu ôa-e Elobmîsa xu ǁgau re, tae-i ǃaroma i a ǂhâǂhâsasa i-i Jehovab ǃoa ai ǂgomǂgomsase hâ. (Psa. 31:23) Tamas ka io i ga ǀnam du a khoe-e ǁō o, sadu ôa-e ǁgau re, mati i Elobmîs xoade ǁî-e nî ǁkhaeǂgaosa.—2Kor. 1:3, 4; 2Tim. 3:16.

8. Deuteronomium 6:6, 7 tsîn ǃnâ xoasa daoǁgaus masa ra ge Marias tsî Josefi tsîna sao-ai?

⁸ Josefi tsî Marias tsîra ge Jesuba ge hui îb Jehovab xa ǀnamhe. ǁÎra ge Jehovab ǁgûna ra mā daoǁgausa a sao-ai amaga. (Deuteronomium 6:6, 7 sa khomai re.) Marias tsî Josefi tsîn ge Jehovaba ge ǀnam i. Tsî ǁîra di mîǁguib ge îra ǁîra di ôana ǂkhâǃnâ, în ǁkhā ǀnamma Jehovaba ūhâba.

9. Mâ ǂhâǂhâsa mîǁguiga ra ge Josefi tsî Marias tsîra dī?

⁹ Marias tsî Josef hara ge hoaǁae omaris ǀkha ǀguiba Jehovab gere ǃoaba. ǁÎn ge mâ wekheb hoaba ǀhaode ǃoa gere ī. Tsî kurib hoaba Pasxakaitsēsa Jerusalems ǃnâ gere hâǃnâ. (Luk. 2:41; 4:16) Josefi tsî Marias tsîra ge Jerusalemsa ǃoan gere ǃnari daob ǃnâ, Jesub tsî ǁîb di ǃgân tsîna, tae-i ge Jehovab di khoen ǀkha ǃkharuge ǁae a īsa gere ǁkhāǁkhā. ǁNā daob ǃnân ge nau ǃkhaidi tsîna gere sari, Elobmîs ǃnâ a xoasa de. ǃNāsa ǀgôana ra ge hō o i ge ǁîra ǀnîsi supuba tama ge hâ i, îra ǀnai ra ge Jehovaba gere ǃoaba khami ǃoaba. Xawe kō re ǀkhaeb hîna ra ge hōǃâba. ǁÎra di ǂgomsa ra ge ais ai a mâi amaga i ge ǁîn di omarisa gagasise gere kōǃgâhe.

10. Mâ ǂhâǂhâsa ǁkhāǁkhāsan Xristeǁî ǁgûna, Marias tsî Josefa xu nî ǁkhāǁkhāsen?

¹⁰ Tae-e i Eloǃaoǃgâxa ǁgûna, Josefi tsî Mariasa xu ra ǁkhāǁkhāsen? Kaise i ge a ǂhâǂhâsa sadu ôana du ge nî ǁkhāǁkhā ǃkhaisa, sadu ra dī tsî mî xūn ǃnâ-ū du Jehovaba kaise a ǀnam ǃkhaisa. Kai ǀkhaeb hîna du ǁîna a mā ǁkhab ge ǁîna huisa în Jehovaba ǀnam. Tsî nox ǂhâǂhâsa xu-i hîna du ǁîna a ǁkhāǁkhā ǁkhā i ge  în hoaǁae Elobmîsa ǁkhāǁkhāsen, ǀgore, ǀhaode ǃoa ī tsî aoǁnâ. (1Tim. 6:6) Ī a ǃkhais ge ǁîn ge ǁîn ǀgôana ǂhân hâ xūna nî mā. (1Tim. 5:8) Xawe ǂâis ǃnâ ūhâ re, sadu ôa-i Jehovab ǀkha ūhâ ǀhōsagusis ge ǁî-e nî hui î-i ǀamo ûiba hō. ǁÎn ūhâ mari-i tamas ka io xūn ose. *—Ese. 7:19; 1Tim. 4:8.

11. (a) 1 Timoteub 6:17-19 ǃnâ māsa ǀapemāsa mati ǁgûna nî hui în ǃgâi mîǁguiga dī, ǀgôanan ga ra kaikai o? (b) Mâ mîǁguigan omaris ǁanina nî dī tsî mâ ǀkhaegan nēsa xu nî hō? (“ Mâ mîǁguiga du nî sīǃnâ?” di hâ boksisa mû re.)

¹¹ Kaise i ge a ǃgâi ǂgui Xristeǁî ǁgûn ǃgâi mîǁguiga ra dīsa, în ǁîn ôana hui în Jehovab ǀgūse hâ. ǁÎn ge ǃnâs hoasa ǀguiba ra ǃoaba. ǁÎn ge ǀhaohâb ǀhaodi tsî ǂkharis kai ǀhoadi ǃoas tsîna ǀguiba ra ī. Tsîn ge ǀguiba ra aoǁnâ. ǀNî omaridi ge ǀorose ra aoǁnâhe ǂkharidi ǃnâs tsîna sī ra aoǁnâ. Tsî ǀnîn ge Bethelsa ra sari. Tamas ka io ǀapeǂhomis ra dī oms sîsen-e ra ǂkhâǃnâ. Omaris ǁanin hîna nē xūna ra dīn ge ǁîn di mari-e ra sîsen-ū. Tsî nēs ge ǀnîsi ǁîna a ǃgomba ǁkhā. Xaweb ge Jehovaba ǁîna kaise nî ǀkhae nēs ǃgao. (1 Timoteub 6:17-19 sa khomai re.) Nēti ī omdi ǃnâ ra kai ǀgôan ge ǁkhāǁkhāsenan ge ǃgâi xūna ra ǃkhōǀgara tsî ega si ǃhausen tama hâ. *—ǂKhm. 10:22.

12. Kaib ge ob Jesuba tae-e gere dī?

¹² Jesub di ǀhomsi ǁGûb ge hoaǁae ǃgâi mîǁguiga gere dī. Tsî i ge Josefi tsî Marias tsîna ǁîb ǃgao ǃgâi mîǁguiga gere dī. Xaweb ge kaib ge o, ǁîb mîǁguiga aitsama gere dī. (Gal. 6:5) Hoada khamib ge ǁîb tsîna aitsama ǁhûis di ǀkhaeba ge ūhâ-i. ǂHâbab ga hâ o, ob ge Jehovab di ǂâisa dī tama īsa ga ǁhûi hâ. Xaweb ge Jehovab ǀkha ǀgū ǀhosagusisa ūhâ ǀgarasa ge ǁhûi. (Jhn. 8:29) ǁÎb di aiǁgausa mati ǂkham khoena nētsē a hui ǁkhā?

13. Mâ ǂhâǂhâsa mîǁguisab ge Jesuba dī ǂkham i a hîna?

¹³ Jesub ge ǂkhamǀgôarob a hîna ge ǁhûi, ǁîb ǁgûna ǁnâuǀnamsa. ǁÎb ge ǁîra “gere ǁnâuǀnam” tsî ǁîra ǀkha ge ǁē tama hâ i, ǁîra xab ǃnāsase a ǂan di ǂâi tama i tsî. (Luk. 2:51) Jesub ge ǂguro ǀgôab ase ǁîb sîsen-e ǃgâise gere dī. ǁÎb ge ǃnaokuru sîsen-e Josefa xu ge ǁkhāǁkhāsen îb ǁîb omarisa kōǃgâ.

14. Mati da a ǂan Jesub ge Elobmîsa gere ǁkhāǁkhāsen ǃkhaisa?

¹⁴ Jesub di ǁgûra ge buruxa ǃnaes ǁîb  dis xa ǁîba ǀnîsi ge ǁgamba. Tsî Elob di sîsabeb ge ǁîb xa taena a mîsa. (Luk. 2:8-19, 25-38) Jesub ge mîbaheb gere xūn ǀkha ǀgui ge ǂâu tama hâ i. Xaweb ge ǁîba xoade aitsama gere ôaǃnâ. Mati da a ǂan Jesub ge Elobmîsa gere ǁkhāǁkhāsen ǃkhaisa? ǂKharirob a amaga gu ge ǁkhāǁkhā-aogu Jerusalems ǃnâ hâga gere ‘buru, ǁîb ǂans tsî ǃereamdi xa.’ (Luk. 2:46, 47) Disiǀgamǀā kurixab a hînab ge Jesuba ǀnai ge ǁgau ǁîb a Jehovab ôa ǃkhaisa.—Luk. 2:42, 43, 49.

15. Jesuba mati ge ǁgau ǁîb ge Jehovab di ǂâisa dīsa a ǁhûisa?

¹⁵ Jesub ge Jehovab ǁîba xu tae-e ǂgaoǀkhā hâsa a ǁkhāǁkhāsen o, ob ge ǁîba Jehovab di ǂâisa dīsa ge ǁhûi. (Jhn. 6:38) ǁÎb ge ge ǂan i ǂgui khoen xab nî ǃhûihesa. Nēs ǁîba ǃgâiba tama xaweb ge ǁîba Jehovaba ǁnâuǀnamsa ge ǁhûi. Jesub ge 29ǁî kuri a ǁāǁnâhe o, ob ge ǁîba Jehovab di ǂâisa dīs xa ge ǂhâǂhâsabahe i. (Heb. 10:5-7) ǃGâuhaib aib gere ǁō xaweb ge ǁîba ǁîb Dadasab di ǂâisa dīsa ge ǀūsen tama hâ i.—Jhn. 19:30.

16. ǀGui xu-i hînan ǀgôana Jesuba xu a ǁkhāǁkhāsen ǁkhā-e a tae?

¹⁶ Sadu ǁgûna ǁnâuǀnam re. Josefi tsî Maria hara khami i ge sadu ǁgûn tsîna ǀoasa kurusa ūhâ tama hâ. Xawen ge sadu ǁgûna Jehovab xa ge ǁgaumâihe, în sado ǁkhauba, ǁkhāǁkhā tsî daoǁgau. ǁÎn xa du ga ra ǁnamahe tsî du ga ǁîna a ǃgâ, o du ge nî ‘ǃgâibahe.’—Efe. 6:1-4.

17. Josuab 24:15 ǃoagu i tae-i mîǁguiba ǂkhamkhoena nî dībasen?

¹⁷ Ham-e du nî ǃoabasa ǁhûibasen re. Jehovab a hamsa du ge aitsamasa xu nî ǂgom. ǁÎb di ǂâis a taes, tsî ǁîb di ǂâisa du sadu di ûib ǃnâ mati nî dīs tsîna. (Rom. 12:2) O du ge ǂhâǂhâsa mîǁguiba sadu di ûib ǃnâ nî dī. Jehovaba ǃoabasa. (Josuab 24:15 sa khomai re; Aoǁn. 12:1) Tsēs hoasa du ga Elobmîsa ga ra khomai o, tsî ga ra ǁkhāǁkhāsen o, o i ge Jehovaba du ūba hâ ǀnamma nî kai. Tsî i ge sadu ǂgoms ǁîb ǃnâ du ūhâsa nî ǀgaiǀgâihe.

18. Mâ mîǁguigan ǂkhamkhoena nî dī tsî nēsa mati nî ǀamǂoa?

 ¹⁸ Jehovab di ǂâisa ǂgurose sadu ûib ǃnâ mâi re. Nē ǃhūbaib ge ra mî, sa ǁkhasibats ga sa ǃgâib ǃoagu sîsen-ū o, ots ge ǂkhîba nî ūhâ. Xawe da ge a ǂan ǃkhūsiba ra ôa khoen ge ‘ǂgui tsûn ǀkha ra ǃkhāǃganusen.’ (1Tim. 6:9, 10) Xawe du ga Jehovaba ǃgâ tsî ǁîb ǂâisa ǂgurose sadu ûib ǃnâ a mâi o, du ge ǃgâi ûiba nî ūhâ tsî “ǁnâuǃāxase nî” tanisen.—Jos. 1:8.

19. ǁGûna tae-e ǂâis ǃnâ nî ūhâ?

¹⁹ ǁGûdo sadu ôana du hui re în Jehovaba ǃoaba. ǁÎb ai du ǂgomaiǂnûi re, ob ge ǁîba nî huidu i du ǃgâi mîǁguiga dī. (ǂKhm. 3:5, 6) ǂÂis ǃnâ du ūhâ re sadu di ôan ge sadu ra dī xūn xa ǃnāsase nî ǂkhâǃnâhe. Mî du ran xas ose. ǁNā-amaga du mîǁguiga dī re sadu di ôana nî huina în Jehovab xa ǀnamhe.

20. Tae-i ǀkhaeban ǂkhamkhoena nî hō, Jehovaba ǃoabasan ga ǁhûi o?

²⁰ ǂKhamkhoedo sadu ǁgûn ge sado nî hui îdu ǃgâi mîǁguiga dī. Xawe du ge sado aitsama ǃgâi mîǁguiga nî dībasen, i du Jehovaba ǂkhîǂkhî. Jesuba du ǁgae re î du sadu di ǀnamǀnamsa ǀhomsi ǁGûba ǃoaba. Nēsa du ga dī o du ge ǂâibasensa ūhâ ǁkhaoxa ûiba nēsi nî ūhâ. (1Tim. 4:16) Tsî du ge hānîǁaeb ǃnâ, nēsi du ra hōǃgâ ǂkhîba ǃnā hâ ǁkhoaxa ûiba nî ūhâ.