1. Tae ǃgâi xūna ǃâu da hâ Jesu Xristub di duisend kurigu ǂgaeǂguis ǃnâ?

 MATIKŌSEN khoena nî ǂkhî, ǁîn ǀnamsaben hîna nî khâina ǁnāpa mûsa. Xristub di ǀoadisi (1 000) kurigu ǂgaeǂguis ǁaeb ǃnâ. ǁNān hîna ge ǁîn ǀnamsabena, ǁōb ǃnâ ǂoaǃnân ge ra ǁkhore ǁîna ǁkhapa mûsa. Jehovab tsîn ge di ra tsâ. (Job 14:15) Mûnanai re ǃgâiaǂgaob hîna ǃhūbaib ǂhawase nî hâba. Aiǃâ hâ ǁkhāǁkhāǃas ǃnâ da go ǁkhāǁkhāsen khami. “ǂHanu-ain” ǁîn ǀonde ûib ǂkhanis ǃnâ a xoamâisan ge “ǀamo ûib ǃoa nî khâi.” (ǃNǃkh. 24:15; Jhn. 5:29) ǀNîsin ge sada ǀnamsaben ǂguina Armagedons khaosi nî hâ khâis ǃnâ nî khâi. * Tsî “ǂhanuoǃnân” ge ǁnān Jehovaba ǂans ǃēsa ge hō tama hâ īna. Tamas ka io ge ǂgomǂgomsase ǁîba ǃoaba tama hâ īna ǁōn nîs aiǃâ. ǁÎn ge “ǀgoraǃgâs ǃoa nî khâi.”

2-3. (a) Jesajab 11:9, 10 ǃnâ i ra ǁgauhe khami, tae-e nî kai ǁkhāǁkhās program hîna hoaraga ǃhūbaib ai nî hâba? (b) Tae-e da nē ǁkhāǁkhāǃâs ǃnâ nî ǃhoaǃgao?

² ǂHâbasa i ge nî hoan hîna khâisa ra hōn nî ǁkhāǁkhāhesa. (Jes. 26:9; 61:11) ǃKharu gere ǁaeb  ǃnâ ge nox ī tsâ tama hâ i ǁkhāǁkhās programmi ge nî ǂnûiǂgāhe. (Khomai re Jesajab 11:9, 10 sa.) Tae-i ǃaroma? ǂHanuoǃnân hoan ge saora xūna nî ǁkhāǁkhāsen. Elob Gaosib, Jesu Xristub di ǁguibas, Jehovab ǀons di ǂhâǂhâsasib. Tsî tae-i ǃaromab ǁîb ǀguiba ǂgaeǂguis di ǂhanuba ūhâsa. ǂHanu-ain tsîn ge nî ǁkhāǁkhāhe, ǃhūbaib ǃaromab Jehovaba ūhâ ǂâibasensa ǁkhāǁkhāsa. ǀNî ǂgomǂgomsa khoen ge ge ǁō, hoa Elobmîs nî xoa toahes aiǃâ. ǂHanu-ain tsî ǂhanuoǃnân tsîn hoan ge ǂgui xūna nî ǁkhāǁkhāsen.

³ Nē ǁkhāǁkhāǃâs ǃnâ da ge soara dîde nî ǃhoaǃgao: Nē ǁkhāǁkhās sîsen-e mati nî dīhe? Mâ sîsenǂûibab nē programma nî ūhâ. ǀOndi ga ǀamose xoamâihe tamas ka io xoamâihe tama io? Nē dîdi ǃereamdi ge a ǂhâǂhâsaba da nētsē. ǀNî kēbodi hîna Danieli di ǂkhanis tsî ǂHaiǂhais ǂkhanis ǃnâ a xoasade da ge nî mû. Tsî di ge nî huida, ǁnâuǃā da ra ǀgauba ǃgāsa kaisa. Tae-i nî īsa ǁō hân ga ǂkhaiǂkhaihe o. ǂGurose, hā re î da ǃgâiaǂgaoxa xūn hîna Danieli 12:1, 2 ǃnâ a xoasan xa ǃhoaǃgao.

4-5. Tae-es Danieli 12:1 sa ǀams ǁaeb xa ra mî?

⁴ Khomai re Danieli 12:1 sa. Danieli di ǂkhanis ge mâ ǃâgu ǃnân xūna, ǀams ǁaeb ǃnâ nî ī ǀgauba ra ǁguiǃā. Aiǁgause Danieli 12:1 ge ra ǁgau, Mixaeli hîna a Jesu Xristub, Jehovab “ǁaes ǂama” ra ǃûi dasa. ǁNā ǃâb kēbos dib ge 1914 nî ǃnâ ge dīǀoaǀoahe. Jesub ge Elob di ǀhomsi Gaosib, Gaose ǁgaumâihe o.

⁵ Danieli ge ge mîbahe “ǁnā ǁaeb ǃnâb ge kaise kai ǂōǂōsib, tātsēs tsîna ge ǃhūbaib ǃnâ ī tama hâ i tsî ǁkhāti ǁkhawa mûhe tideba nî ī.” Tsîb Jesuba nî ‘khâisa.’ Nē “kai ǂōǂōsib” ǁaeb ge kai ǁgâiǀāb Mateub 24:21 ǃnâ ra mîheba. Jesub ge Elob ǁaesa ǃûi tamas ka io ra ǁkhauba. ǁNās ge “ǂōǂōsib di ǁaeb” ǃnâ, Armagedons dawa. ǂHaiǂhais ǂkhanis ge nēna kai ǂnubis din hîna. “Kai ǁgâiǀāba xu go ǀkhīn” ase ra ǁnaeǁgau.—J.ǂHa. 7:9, 14.

6. Tae-e nî ī, kai ǂnubis ga kai ǁgâiǀāba ûiǃkharu o? ǁGuiǃā re. (Nē ǂkhanib ǃnâ “Khomai-aon dîdi” ǃâba, ǃhūbaib ai nî hâ khâis xa khomai re.)

⁶ Khomai re Danieli 12:2 sa. Tae-e ra ī, kai ǂnubis ga ǂōǂōsib ǁaeba ûiǃkharus khaoǃgâ? ǂGuro da ge gere ǁnâuǃā, Danieli 12:2 ǀhommi khâis, tamas ka io aoǁnâ sîsenni ge 1918 nî ǃnâ. Mâǃoa-aon xa gere ǀû kaihes, khaoǃgâ ge hâ i sîsenni ǃoa ra ǁnae ǁgau di. * Xawe da ge nēsi ra ǁnâuǃā, nē mîdi ǁō hân di khâis hîna ǀasa ǃhūbaib ǃnâ nî hâsa ǃoa ra ǁnae ǁgausa. Tae-i ǃaroma da di ra mî? “Tsarab” di hâ ǁgâiǂûisens ge Job 17:16 ǃnâs tsîna ra sîsenūhe. Tsî “ǀhowas” di hâ mîs ǀkha ǀguiti ra ǂâibasen. Nē amab ge ra ǁgau Danieli 12:2 ama khâis hîna ǀuni tsēdi ǀams. Tsî Armagedons torob khaoǃgâ nî hâsa ǃoa ra ǁnae ǁgausa.

7. (a) Mâ ǀgaub ǃnân ǀnîna “ǀamo ûiba” ǃoa hâ khâisa nî hō? (b) Matis nē khâisa “ǃgâi ûib ǃoa hâ khâis” di ra mîhe?

⁷ Danieli 12:2 sa tae-e ra ǂâibasen mîs  ga o, ǀnîn “ǀamo ûib” khâisa nî hō di? Nēs ge ra ǂâibasen, khâisa hō tsî Jehovab. Tsî Jesub tsîn xa ra ǂan tsoatsoa tamas ka io ǁîkha ǂans ǀkha aiǃgû. Tsî ra ǁnâuǀnaman duisend kurigu di ǁaeb ǃnâ, ǀamo ûiba nî ǃkhōǃoasa. (Jhn. 17:3) Nēs ge “ǃgâi ûib ǃoa hâ khâis” hîna ge ǃkharuge ǁaeb ǃnân ge ǀnî khoena, ûiba a mā-oahe khâis xa a ǃgâi khâisa. (Heb. 11:35) Tae-i ǃaroma? ǁNān hîna ge ǃkharu gere ǁaeb ǃnâ khâisa a hōn ge, ǀoasa kurusa ge ūhâ tama hâ i. Tsî ǁkhawa ge ǁō.

8. Matin ǀnîna nî khâimâ “ǀamo taosib tsî ǃharaxūb ǃoa”?

⁸ Xawe khâisa hō hâ khoen xa, hoa khoe taman ge Jehovab ǁkhāǁkhāsa nî ûǃoana. Danieli di kēbos ge ra mî ‘ǀnîn ǀamo taosib tsî hîkākāsa ǃoa’ nî khâisa. ǁÎn mâǃoas gagaba nî ǁgau amagan ge ǁîn di ǀonde ûîb ǂkhanis ǃnâ xoamâihe tide. Tsîn ge ǀamo ûib tsîna ǃkhōǃoa tide. Xawen ge ǀamo “ǃharaxūb” tamas ka io ǀamose nî hîkākāhe. Danieli 12:2 ge hoa khoen hîna khâisa ra hōn, ǀkha i tae-e ǀams ai nî īs xa ra ǃhoa. Khâisan hō toa hâs khaoǃgân ra dī xūn ai ǃgaoǃgaosase. * (J.ǂHa. 20:12) ǀNîn ge ǀamo ûiba nî hō tsî ǀnîn ge hō tide.

9-10. Tae-i tsîna kai ǁgâiǀāb khaoǃgâ nî ī tsî hamna “ǀhommi di ǂkhaib ǀkha nî ǂkhai”?

⁹ Khomai re Danieli 12:3 sa. Tae-i tsîna hānî “ǂōǂōsib” ǁaeb ǃnâ nî ī? Danieli 12:2 di ǃnonas tsîn ge xū-i hîna kai ǁgâiǀāb khaoǃgâ nî ī-i ǃoa ra ǁnaeǁgau.

¹⁰ Hamna “ǀhommi di ǂkhaib ǀkha nî ǂkhai”? ǃEreamsa da ge Jesub di mîdi Mateub 13:43 ǃnâ mâdi ǃnâ ra hō, mî ra: “ǃNubain ge ǂhanu-aina sores khami Gaosib ǁîn Îb dib ǃnâ nî ǂkhai.” Nē xoas ǃoagub ge Jesuba ‘Gaosib di ôagu’ xa gere ǃhoa. ǁÎb ǂhauhesa ǃgâsagu hîna ǁîb ǀkha ǀguiba ǀhomsi Gaosib ǃnâ nî ǃoaba ga. (Mat. 13:38) Danieli 12:3 ge ǂkhauhesan a ǃoa ra ǁnaeǁgau. Tsî sîsenni hînan duisend kurigu di ǂgaeǂguis ǁaeb ǃnâ nî dīn xa.

11-12. Mâ sîsen-en 144 000 na nî dī, 1 000 kurigu ǁaeb ǃnâ?

¹¹ Matin ǂkhauhesan a ‘ǂgui khoena ǂhanu-ai daob ai’ nî ǂgaeǂgui? ǂkhauhesan ge Jesub ǀkha ǀguiba ǀgūse nî sîsen ǀhao. 1 000 Kurigu ǁaeb ǃnâ nî dīhe, ǁkhāǁkhās programa daoǁgaus ǃnâ. 144 000 ǂkhauhesan ge gaose ǀgui ǂgaeǂgui tide. Xawe pristerses tsîna nî ǃoaba. (J.ǂHa. 1:6; 5:10; 20:6) ǁÎn ge “ǁaedi di ǂuruǂuruhes” ǀkha nî hui. Tsî khoesiba ǁaeb ǀkha ǀoasa kurusa ǃoa nî hau-oa. (J.ǂHa. 22:1, 2; Ese. 47:12) Tae kō ǃgâiaǂgaoba nî ī, ǂkhauhesan ǃaroma!

¹² “ǂGui” khoen ǂhanu-ai daob ai nî ǂgaeǂguihen ǁaegun hamna hâ? ǁNān ge khâisa hō hân, Armagedonsa ûiǃkharu hân. Tsî ǀnîsi ǀgôaron hîna ǀasa ǃhūbaib ǃnâ nî ǃnaehen tsîna ǃkhōǂgā hâ. 1 000 Kurigu khaoǃgân ge ǁnān ǃhūbaib ai ǁan hâna ǀoasa kurusa nî ūhâ. ǁÎn di ǀonde mâǁae ǀamose peni ǃnâ nî xoamâihe tsî potloti ǃnâs ose?

13-14. Tae-en ǀoasa kurusa ǃhūbaib ai ūhâ khoen hoana nî ǁgau, ǀamo ûiban nî ǃkhōǃoas aiǃâ?

¹³ ǂÂis ǃnâ da ge nî ūhâ, ǀoasa kurusa ūhâs ge ǂâibasen tama hâ. Khoe-i ǀamo ûiba xū-e dī tamase nî hō di. Adammi tsî Eva hâra xa ǂâi re. ǁÎra ge ǀoasa kurusa ge ūhâ i xawe i ge ge ǂhâǂhâsa i, ǁîra di ǁnâuǀnamxasiba ra Jehova Elob ǃoagu nî ǁgausa. ǀAmo ûiba ra nî māhes aiǃâ. Xawe i ge ge tsûaǂgaoxa i, ǁîra ge Jehovaba ǁnâuǀnam tama ge i.—Rom. 5:12.

¹⁴ Mâsiba mati 1 000 kurigu di ǀams ai ǃhūbaib ai ûihâna nî ība? Hoan ge ǀoasa kurusa nî hō. Xawe ǀoasa kurusa ūhân hoana, Jehovab ǂgaeǂguisa ǀamose nî ǂkhâǃnâ? Tamas ka io ǀnîna Adammi tsî Eva hâra khami nî ī, ǀoasa kurusa ra ūhâ. Hîna ge ǁnâuǀnam tama hâ i ra? ǂHâbasa i ge a nē mîdi nî ǃereamhesa, xawe mati?

15-16. (a) Mâ ǁaen hoa khoena ǃēsa nî hō, ǁîn ǂgomǂgomxasiba Jehovaba ǁgausa? (b) Nē ǃâitsâs di ǀuniga ǀamǂoasa nî tae?

¹⁵ Satanni ge 1 000 kurigu ǀgaiba, ǃkhōsis ǃnâ nî ǂganamǂgāhe. ǁNā ǁaeb ǃnâb ge khoena ǂgaeǂhapu tide. Xaweb ge Satana 1 000 kurigu ǀams ai ǃkhōsisa xu nî orehe. Tsîb ge ǀoasa kurusa ūhâ khoena nî ǂgaeǂhapu tsâ. ǀUniga  ǃâitsâb ǁaeb ǃnân ge hoa ǀoasa kurusa ūhâ khoena. ǃHūbaib ai ǃēsa nî hō în ǁgau Elob ǀonsa ǃgôaǃgâ. Tsîn ǁîb ǂgaeǂguisa ra ǂkhâǃnâ ǃkhaisa. (J.ǂHa. 20:7-10) Tae-en ǁnā ǁaeb ǃnâ ra dīs ge nî ǁgau. ǁÎn ǀondi ǀamose ûib ǂkhanis ǃnâ nî xoamâihesa.

¹⁶ Elobmîs ge ra mîba da, ǀnî khoen Adammi tsî Eva hâra khami nî ǁnâuǀnamoǃnâ ǃkhaisa. Tsî Jehovab ǂgaeǂguisa ūǃoa tidesa. Tae-e ǁîn ǀkha nî ī? ǂHaiǂhais 20:15 ge ra mîba da: “ǁNān ǀondi ân ûib di ǂkhanis ǃnâ xoamâisa taman hoan ge hurib khami ī ǀaeb ǃnâ ge aoǂgāhe.” Ama i ge, nē mâǃoa-aon ge ǀamose nî hīkākāhe. Xawe ǃnāsan ǀoasa kurusa ūhân ge nē ǀuniga ǃâitsâsa nî ǃkharu. ǁÎn ǀondi ge ǀamose, ûib ǂkhanis ǃnâ nî xoamâihe.

17. Tae-e sida ǁaeb ǃnâ nî ī tib ge Daniela ǀhomǃgāb xa mîbahe? (Danieli 12:4, 8-10)

¹⁷ Matikōse i kaise ǃgâiaǂgaoxa, nē xūn hîna hānîǁaeb ǃnâ nî īn xa ǂâisa. Xawe Danieli tsîn ge ǀhomǃgāba xu ǂhâǂhâsa haisi-amsa sida xa ge hō, “ǀuni tsēdi” ǁaeb xa. (Khomai re Danieli 12:4, 8-10; 2Tim. 3:1-5 sa.) ǀHomǃgāb  ge Daniela ge mîba: “Ama ǂans nî ǀarosen sa.” Îo, nē kēbo mîdi hîna nē ǂkhanis ǃnâ hâ di ge ǀoasase Elob khoen xa nî ǁnâuǃāhe. ǀHomǃgāb ge ǀaro tsî ra mî nē ǁaeb ǃnân ge “Eloxoresana ǁnâuǃā tide tsî ǃaruǀî eloxoresase nî tanisen.”

18. Tae-e ǀgūǁae Eloxoresan ǀkha nî ī?

¹⁸ Nētsē i ge a mûsen ǁkhā eloxoresan, dīn da ǁgai xūn ǃaroma ǁkharahe tama hâ khami. (Mal. 3:14, 15) Xawe ǀgū ǁaeb ǃnâb ge Jesuba pirin khami ī na nî ǀgoraǃgâ. Tsî ǁîna gūn khami īna xu nî ǀgora. (Mat. 25:31-33) Nē Eloxoresan ge kai ǁgâiǀāba ûiǃkharu tide. Tsîn ge ǀasa ǃhūbaib ǃnâ ûis di khâisa hō tide. ǁÎn ǀondi ge “ǂâiǂâisens ǂkhanis” ǃnâ xoamâihe tide, hîna Maleaxib 3:16 ǃnâ ra mîhesa.

19. Tae-e da nēsi nî dī tsî tae-i ǃaroma? (Maleaxib 3:16-18)

¹⁹ Nēb ge ǁaeb hîna da sida tanisens ǃnâ-ū nî ǁgauba. Eloxoresan ǁaegu da hâ tama ǃkhaisa. (Khomai re Maleaxib 3:16-18 sa.) Jehovab ge ǁnān hînab “ǃgomǀgausa.” Tamas ka io ǀō-aisa xūn ase ra mûna ra ǀhaoǀhao. Amabes ǃnâ da ge ǁnān ǁaegu ra hâ ǂgao.

20. Mâ ǀuni mîmâisa Daniela ǃoa ge dīhe. Tsî tae-i ǃaroma du ǁnā mîmâis di dīǀoaǀoasa ǃoa ra mûǂui?

²⁰ Amase da ge ǃgâi ǁaeb ǃnâ ûihâ. Xawe kaise buruxa xūn ge ǀgū ǁaeb ǃnâ nî ī. ǀGū ǁae da ge eloxoresan nî hîkākāhe ǀgauba nî mû. ǁNāpaxu ta ge nî mû, Jehovab ge Daniela ǃoa a mî mîmâis nî dīǀoaǀoahe ǀgauba: “ǁKhawats ge nî khâi tsî ǂnûiǂuibahets hâ amǃnâsa ǀuni ǁaeb ai nî ǃkhōǃoa.” (Dan. 12:13) ǁKhore i du ra ǁnātsēs hînab Daniela, sadu ǀnamsaben ǀkha ‘ǁkhawa khâisa’ nî hōsa? Di i ga io, ǁkhā du a xū-i hoa-e dī re î du ǂgomǂgomsase hâ. O du ge ǂgomǃgâ ǁkhā, sadu ǀons Jehovab ûib ǂkhanis ǃnâ nî hâ ǀgarasa.