1. Maleaxib 3:16 ǃoagu, mâ ǂkhanisab ge Jehovaba xoa tsî tae-es ǃkhōǂgā hâ?

 DUISEND kurigab ge Jehovaba ǀō-aisa ǂkhanisa ra xoa. Nē ǂkhanis ge ǂgui ǀonde ǃkhōǂgā hâ, hîna ǂguro ǂgomǂgomsa ǃoaba-aob Abeli ǀons ǀkha ra tsoatsoasa. * (Luk. 11:50, 51) ǁNā ǁaeba xub ge Jehovaba nē ǂkhanis ǃnâ ǀonde ge ǀaro. Tsî nētsē miliuns di ǀonde ǃkhōǂgā hâ. Elobmîs ǃnâs ge nē ǂkhanisa “ǂâiǂâisens di ǂkhanis,” ‘ûib di ǂkhanis’ tsî ‘[scrols] xamîsa ûib ǂkhanis’ di ra ǂgaihe. Nē ǁkhāǁkhāǃâs ǃnâ da ge ǁîsa ‘ûib ǂkhanis’ ase nî ǁnaeǁgau.​—Khomai re Maleaxib 3:16; J.ǂHa. 3:5; 17:8 sa.

2. Haman ǀonde ǁnā ǂkhanis ûib dis ǃnâ xoamâisa. Tsî tae-e da nî dī, î-î sida ǀonde ǁnā ǂkhanis ǃnâ xoamâihe ǁkhā?

² Nē ǀō-aisa ǂkhanis ge khoen ǀonde ǃkhōǂgā hâ. Hîna ge Jehovaba ǃaoǃgâsib tsî ǃgamǃgôasib ǀkha gere ǃoabana. Tsî ǁîb ǀonsa ǀnam hâ ina. ǁÎn ge ǀamo ûiba ǃkhōǃoas di ǃēsa nî hō. Nētsēs tsîna di ge sida ǀonde, ǁnā ǂkhanis ǃnâ a xoahe ǁkhā. ǀGū ǀhōsagusisa Jehovab ǀkha omkhâi. Tsî da ga ǁîb ôab Jesub Xristub ǃnâ ǂgom o. (Jhn. 3:16, 36) Hoa da ge ǂhâba hâ, î-î sida ǀonde ǁnā ǂkhanis ǃnâ xoamâihe. Nēsi da ga ǀhommi di ǃâubasens, tamas ka io ǃhūbaib disa ūhâ xawe.

3-4. (a) Sida ǀondi ga nēsi ûib ǂkhanis ǃnâ xoamâihe, o da ǀamo ûiba nî hō? ǁGuiǃā re. (b) Tae-e nē ǁkhāǁkhāǃâs tsî saoras ǃnâ nî ǃhoaǃgaohe?

 ³ Nēsa ra ǂâibasen, ûib ǂkhanis ǃnâ xoasa khoen hoan ǀamo ûiba nî hō di? Nē dîs di ǃereamsa da ge Jehovab ge Moseba a mîba mîdi. Eksodus 32:33 ǃnâ xoasa di ǃnâ ra hō. Jehovab ge ge mî: “ǁNān ti ǃoagu ge ǁoren di ǀonde ta ge ti ǂkhanisa xu nî ǀariǂui.” Nēsi ǁnā ǂkhanis ǃnâ xoamâihe hân, di ǀondi ge a ǀariǂuihe ǁkhā. Jehovab ǁnā ǀonde potlop ǃnâ xoamâi hâ khami i ge ī. (J.ǂHa. 3:5) Dītsâ da ge nî î-î sida ǀonde nē ǂkhanis ǃnâ, peni ǀkha i a xoasa khama hâ hâ.

⁴ Nēs ge ǀnî dîde a dîsen kai da ǁkhā. Aiǁgause, Elobmîsa mati ra mî. ǁNān hîna ǁîn ǀonde ûib ǂkhanis ǃnâ xoamâihe hân tsî xoamâisa taman xa? Mâǁaen nē ǂkhanis ǃnâ xoamâisana ǀamo ûiba nî hō? Mati i nî hā, Jehovaba ǂans ǃēsan hō tama hîna ra ǁōn ǀkha? Īǁkhā-e ǁîn ǀon di nē ǂkhanis ǃnâ nî xoamâihesa? Nē dîdi ge nē ǁkhāǁkhāǃâs tsî saoras ǃnâs tsîna nî ǃereamhe.

HAMAN DI ǀONDE ǂKHANIS ǃNÂ HÂ?

5-6. (a) Filipeǁîn 4:3 ra ǁguiǃā khami, haman ǀonde ûib ǂkhanis ǃnâ a xoamâisan ǁaegu hâ? (b) Mâ ǁae i, ǁîn ǀonde ǀamose nî xoamâihe?

⁵ Haman di ǀonde ûib ǂkhanis ǃnâ a xoasa? Nē dîde ǃereams ǃaroma da ge, koro ǃkharagagu groep di khoen xa nî ǃhoaǃgao. Nē khoen ǁaegu i ge ǀnî khoen di ǀonde, ûib ǂkhanis ǃnâ a xoasa. Tsî ǀnîn ǀonde xoasa tama.

⁶ ǂGuro groeps ge Jesub ǀkha, ǀhommi ǃnâ nî ǂgaeǂguise ǁhûihe hâna xu hâ. ǁÎn di ǀonde nēsi ûib ǂkhanis ǃnâ a xoasa? Îo. Apostel Paulub di mîdi hînab ge ǁîb  ‘ǃoabaǁare-aon’ Filipes ǃnâ hâna ǃoa a xoa di ge ra ǁgau. ǂKhauhesan hîna Jesub ǀkha ǀguipa nî ǂgaeǂguise. ǁKhauhe hân di ǀondi nēsi ûib ǂkhanis ǃnâ xoasasa. (Khomai re Filipeǁîn 4:3 sa.) Xawe ǁîn di ǀonde, ûib ǂkhanis ǃnâ ūhâ ǀgaras ǃaroman ge ǂgomǂgomsase nî hâ. ǀUnisin ga saohe toas khaoǃgâ i ge ǁîn ǀonde ûib ǂkhanis ǃnâ ǀamose nî xoamâihe. Tsî nēs ge ǁōn nîs aiǃâ tamas ka io kai ǁgâiǀāb nî tsoatsoas aiǃâ nî ī.​—J.ǂHa. 7:3.

7. Tae-e da ǂHaiǂhais 7:16, 17 sa xu ra ǁnâuǃā, mâ ǁae-i kai ǂnubis. Tamas ka io ǀnî gūn di ǀonde ûib ǂkhanis ǃnâ ǀamose nî xoamâihesa?

⁷ ǀGamǁî groeps ge kai ǂnubis, ǀnî gūn disa xu hâ. ǁÎn ǀonde nēsisa ûib ǂkhanis ǃnâ a xoamâisa? Îo. ǁÎn ǀonde ûib ǂkhanis ǃnâ noxoba hâ ǀgara i nî, Armagedonsan ga ûi ǃkharu o? Îo. (J.ǂHa. 7:14) Jesub ge ge mî, gūn khama īn ge “ǀamo ûiba nî hō” di. (Mat. 25:46) Xawe ǁnān hîna Armagedonsa ra ûi ǃkharun ge, ǁnā ǁaeb ǂûb ai ǀamo ûiba hō tide. ǁÎn ǀondi ge ûib ǂkhanis ǃnâ potlop ǀkha nî xoamâihe ǀgara, ǀnai i ge hâ i khami. Duisend (ǀoadisi) kurigu ǂgaeǂguis ǁaeb ǃnâb ge Jesuba nî “ǁîn di ǃûi-ao. Tsî ǁîna ûitsama” ǁgammi ǃoa nî ǂgaeǂgui. ǁNān hîna Xristub di daoǁgaude ra ǁnâuǀnaman. Tsî ǀunisi Jehovab xa ra ǀgoraǃgâhen ge ǀamose. ǁÎn ǀonde ûib ǂkhanis ǃnâ nî xoamâihe.​—Khomai re ǂHaiǂhais 7:16, 17 sa.

8. Haman ǀonde ûib ǂkhanis ǃnâ xoasa tama tsî tae-e ǁîn ǀkha nî ī?

⁸ ǃNonaǁî groeps ge pirin hîna Armagedons aiǃâ nî hîkākāhena xu hâ. ǁÎn ǀondi ge ûib ǂkhanis ǃnâ a ǀkhai. Jesub ge ra mî “on ge ǁîna ǀamo ǁkharab ǃaroma nî ūbēhe” di. (Mat. 25:46) Paulub ge ǃanu gagab daoǁgaus ǃnâ-ū ra mîba da. “ǁÎn ge ǁkharab ase ǀamo hîkākāsa nî tsâ.” (2Tes. 1:9; 2Pet. 2:9) ǁKhā xū-i ge a mîhe ǁkhā, ǂanabega Jehovab di ǃanu gagab ǃoagu ra ǁoren xa. ǁÎn tsîn ge ǀamose nî hîkākāhe tsî ǀamo ûiba hō tide. ǃGāsa i ge a ǁîn ge khâisa hō tide. (Mat. 12:32; Mrk. 3:28, 29; Heb. 6:4-6) ǀKhī da kō re, ǀgam groep ra khoen hîna ǃhūbaib ai khâisa nî hōna.

ǁNĀN HÎNA KHÂISA NÎ HŌN

9. ǃNaeǃkhaidi 24:15 ǃoagu i mâ ǀgam groep ra khoena khâisa nî hō nē ǃhūbaib ai. Tsî mâ ǃkharagagusiba nē ǀgam groep ra ǁaegu hâ?

⁹ Elobmîs ge ǀgam groep ra khoen xa ra ǃhoa. Hîna ǀamose ǃhūbaib ai ûis khâisa nî hōna. ǁNān ge “ǂhanu-ain” tsî “ǂhanuoǃnân” tsîna. (khomai re ǃNaeǃkhaidi 24:15 sa.) “ǂHanu-ain” ge ǁnān hîna ge ûitsaman a hîna, Jehovaba gere ǃoabana. Xawe “ǂhanuoǃnân” ge ǂgomǂgomsase Jehovaba ge ǃoaba tama hâ i. Amase ǁîn ûi ǀgaub ge ǂhanu-aisiba xu ge ǃnū-i. Hoa ǀgam groep ra khâisa ra hō ǃkhais ǃaroma da a mî ǁkhā. ǁÎn ǀondi ge ûib ǂkhanis ǃnâ a xoasa di? Nē dîsa ǃereams ǃaroma, hā re i da nē ǀgam groep ra ǃkharagaguse ǃhoaǃgao.

10. Tae-i ǃaroman “ǂhanu-aina” khâisa nî hō? Tsî mâ aiǂhanuban ǀnîna nî ǃkhōǃoa? (Nē ǂkhanib ǃnâ “khomai-aon dîdi” di hâ ǃâba, ǃhūbaib ai nî hâ khâis xa khomai re.)

¹⁰ “ǂHanu-ain” ge a hakaǁî groep. ǁŌn nîs aiǃâ i ge ǁîn ǀonde, ûib ǂkhanis ǃnâ ge xoamâihe. ǁÎn ǀonde ǁōn ge o ge ūǂuihe? Hî-i, ǁîn ge noxoba Jehovab ǂâis ǃnâ a ‘ûitsama.’ Jehovab ge “ǁō hân di Elo tamaba tsîb ge a ûitsaman di, hoan ra ǁîba ûiba xui-ao.” (Luk. 20:38)  Nēs ge ra ǂâibasen ǂhanu-ain ga khâisa ǃhūbaib ai a hō. On ge ǁîn ǀonde ǂgurose “potlop” ǃnâ, ûib ǂkhanis ǃnâ xoamâisase nî hō. (Luk. 14:14) ǀNîn hîna khâisa ra hōn ge aiǂhanuba nî ǃkhōǃoa. “Hoaraga ǃhūbaib ǃnâ gaoǀgôase nî ǃoaba” se.​—Psa. 45:16.

11. “ǂHanuoǃnâna” tae-e nî ǁkhāǁkhāsen, ǁîn ǀon di ûib ǂkhanis ǃnâ nî xoamâihes aiǃâ?

¹¹ ǀAms ai hā i da goroǁî groepsa ǃhoaǃgao re, “ǂhanuoǃnân.” ǀNîsin ge Jehovab ǂhanuga ge ǂan tama hâ i, tsîn ge ǁōn nîs aiǃâ ǂhanu-aise ge ûi tama hâ i. ǁNās ǀkha i ge ǁîn ǀonde, ûib ǂkhanis ǃnâ xoasa tama hâ. Xawe khâisa mā nîs ǀkhab ge Jehovaba ǃēsa ra mā nî. În ǁîn ǀondi tsîna ûib ǂkhanis ǃnâ xoamâihe ǁkhā. Nē “ǂhanuoǃnân” ge kai huiba nî ǂhâ? ǁŌn nîs aiǃân ge kaise ǁgai xūna gere dī. ǁNā-amagan ge nî ǁkhāǁhāhe, matin Jehovab ǂhanu-ai ǁgaragu ǃoagu nî ûisa. Matis ǁnāsa nî dīhesa ǁkhāǁkhās ǃaromab ge Elob Gaosiba, kai ǁkhāǁkhāsens programmi. Hîna ge ǃhūbaib ai noxoba hâ tsâ tama hâ iba nî daoǁgau.

12. (a) Ham-e ǂhanuoǃnâna nî ǁkhāǁkhā? (b) Tae-e nî hā ǁkhāǁkhāsenan da xūna ǁnâuǀnam ǂgao tama hân ǀkha?

¹² Ham-e ǂhanuoǃnâna nî ǁkhāǁkhā? Kai ǂnubis tsî khâisa ge hō ǂhanu-ain tsîna o. ǂHanuoǃnâna ûib ǂkhanis ǃnâ ǁîn ǀonde xoamâihes ǃaroman ge, ǀgū ǀhosagusisa Jehovab ǀkha nî omkhâi. Tsî ǁÎb ǃoagu nî māǁnâsen. Jesu Xristub tsî ǂkhauhesagu tsîn ge ǀhomma xu ǃgâise nî kō. Matin ǂhanuoǃnâna ǁkhāǁkhāhen da, xūn ǃoagu ra tanisen ǃkhaisa. (J.ǂHa. 20:4) ǁNān hîna ǃgâise nē huiba ūǃoa ǂgao tama hân ge nî ūbēhe. Nēsin ga 100 kurixa xawe. (Jes. 65:20) Jehovab tsî Jesub tsîn ge ǂgaoga a khomâi ǁkhā. Tsî mā-am tide khoe-i ǁgai xūna ǀasa ǃhūbaib ǃnâ nî dīsa.​—Jes. 11:9; 60:18; 65:25; Jhn. 2:25.

 ǀAMO ÛIB ǃOA NÎ KHÂIN TSÎ ǀGORAǃGÂS ǃOA NÎ KHÂIN

13-14. (a) ǂGuro da ge mati gere ǁnâuǃā, Jesub mîdi hîna Johaneb 5:29 ǃnâ ra hōhe di xa? (b) Tae-e da nē mîdi xa nî ǃgaoǃgâ?

¹³ Jesub ge ǁnān hîna nēba ǃhūbaib ai, khâisa nî hōn xas tsîna gere ǃhoa. Aiǁgauseb ge ge mî: “ǁAeb, hoaraga ǁō hân nî ǀhobadi ân ǃnâ dommi Elob Ôab diba ǁnâub nî hā xuige. Tsîn ge ǁkhawa nî khâi. ǁNān ǃgâina gere dīn ge ǀamo ûib ǃoa nî khâi tsî naun ǂkhabana gere dīn ge ǀgoraǃgâs ǃoa nî khâi.” (Jhn. 5:28, 29) Jesuba tae-e gere ǂâibasen?

¹⁴ ǂGuro da ge Jesub mîde gere ǁnâuǃā, khoe-i ǁōba xu-i ra khâis khaoǃgâ ra dī xūna ǃoa ra ǁnaeǁgau di. ǁNās ge ǀnîn nî khâi tsî ǃgâi xūna nî dī, xawen ǀnîna khâi tsî ǁgai xūna nî dīsa. Xawe ǃgaoǃgâ re Jesub ge mî tama hâ ǁnān hîna nēsi ǀhobade xu ra ǂoaxan ǃgâi xūna nî dī. Tamas ka io ǁgai xūna nî dī di. ǁÎb ge ǃkharuge ǁaeb xa gere ǃhoa. ǁÎb ge “ǁnān ǃgâina gere dīn tsî naun ǂkhabana gere dīn” xa gere ǃhoa. Nēs ge ra ǁgau nē xūn ge ǁōn nîs aiǃâ gere īsa. ǁNāsa ǂâibasen-e ra kuru? ǀGui khoe-i tsîn ge mā-amhe tide ǁgai xūna ǀasa ǃhūbaib ǃnâ dīsa. ǂHanuoǃnân ge nē ǁgai xūna ǁōn nîs aiǃâ gere dī. Jesub mîde tae-e ra ǂâibasen “ûiba ǃoa khâis” tsî “ǀgoraǃgâsa ǃoa khâis ǀkha”?

15. Ham-e “ûib khâisa” nî hō tsî mati io?

¹⁵ ǂHanu-ain hîna ge ǁîn ǁōb aiǃâ, ǃgâi xūna gere dīn ge “ûib khâisa” nî ǃkhōǃoa. ǁÎn ǀondi ǀnai ûib ǂkhanis ǃnâ a xoamâisa amaga. Nēs ge ra ǂâibasen “ǁnān ǃgâina gere dīn” Johaneb 5:29 ǃnâ xoamâisan a ǀguisa. ǁNān hîna “ǂhanu-ain” di khâis ǃNaeǃkhaidi 24:15 ǃnâ ra mîhen ǀkha. Nē ǁnâuǃā ǀgaub ge a ǀguiǃnâxa Romeǁîn 6:7 ǃnâ hâ mîdi hîna ra mîde: “ǁŌ ra-i, ǁoreb di ǀgaiba xu ra ǃnoraǃnorahe xui-ao.” Jehovab ge ǂhanu-ain di ǁorena ǁōn ga o ra ǀûba. Xaweb ge ûitsaman a hinan gere dī ǂgomǂgomsa dī xūna ǀuru tama. (Heb. 6:10) Nē ǂhanu-ain hîna ge khâisa hōn ge ǂgomǂgomsase nî hâ, în ǁîn ǀonde ûib ǂkhanis ǃnâ hâ ǀgara.

16. ‘ǀGoraǃgâs khâisa’ tae-e ǃoa ra ǁnaeǁgau?

¹⁶ ǁŌn nîs aiǃâ ge ǁgai xūna gere dī khoen ǀkha, tae-e nî ī? ǁÎn ǁoren ge ǁōn ge o, a ǀariǂûihe xawen ge ûitsaman ge io. Jehovaba ǂgomǂgomsase ge ǃoaba tama hâ i. ǁÎn ǀondi ge ûib ǂkhanis ǃnâ ge xoamâihe tama hâ i. “ǁGai xūna gere dīn” di khâis tsî “ǂhanuoǃnâ” khoen dis. Hîna ǃNaeǃkhaidi 24:15 ǃnâ ra mîhe ra ge a ǀgui. ǁÎn ge “ǀgoraǃgâs” khâisa nî hō.  * ǂHanuoǃnân ge nî ǀgoraǃgâhe, nēs ge ra ǂâibasen Jesub ge ǁîna nî ôaǃnâ. (Luk. 22:30) ǁAeba i ge nî ū ǂansa, ǁîna ǂhanu-aise ǀgoraǃgâ. Tsî ǁîn ǀonde ûib ǂkhanis ǃnâ xoasa. ǂHanuoǃnân ga ǁîn di ǁgai ûi ǀgauga ǀû tsî ǁîn di ûiba Jehovab ǃoa māǁnâsen. O ǀguib ge Jehovaba ǁîn ǀonde ûib ǂkhanis ǃnâ nî xoamâi.

17-18. ǃHūbaib ai khâisa nî hōna tae-e nî dī. Tsî ǂHaiǂhais 20:12, 13 ǃnâ ra mîhe “dīga” tae-e ǃoa ra ǁnaeǁgau?

¹⁷ ǂGurose ge ǂhanu-ai tamas ka io ǂhanuoǃnâ khâisa a hōn ge. ǀAsa scrolls [xamisa ǂkhanis] ǃnâ hâ ǂhanuga nî ǁnâuǀnam. Hîna 1 000 kurigu ǁaeb ǃnâ  nî ǁkhowa-amhe ga. Apostel Johanneb ge ǁîb ǁhaposa nēti ra ǁguiǃā: “Tsî ta ge ǁō hân, kain tsî ǂkharina trons aiǃâ mâse ge mû. Tsî di ge ǂkhanide ge ǁkhowa-amhe tsîs ge ǀnî ǂkhanisa ge ǁkhowa-amhe, ǁnās ge ûib di ǂkhanisa. ǁŌ hân ge ǁîn di dīgu ǃoa ge ǀgoraǃgâhe, ǂkhanidi ǃnâ a xoamâisa khami. Ob ge huriba ǁîb di ǁō hâna ge māǂui, ǁŌb tsî ǁŌhân Hâǃkhaib tsîn ge ǁkhāti ǁîkha ge ūhâ i ǁō hâna ge māǂui. Tsîn ge hoana ǁîn di dīga ǃoa ge ǀgoraǃgâhe.”—J.ǂHa. 20:12, 13.

¹⁸ Tae “dīna” ǃoan khâisa ra hōna nî ǀgoraǃgâhe, ǁōn nîs aiǃân gere dī xūna? Hâ-a. ǂÂis ǃnâ ūhâ re ǀnain gere dī ǁoren ge ǁōn ge o ge ǀariǂuihe. Nēn ge ǀnain ge ūhâ i “dī” tamana. Xawe ǁîn dīgu ge ǀasa ǃhūbaib ǃnân ra hō ǁkhāǁkhāsan mati ra ūbasensa ǃoa ra ǁnaeǁgau. ǁNā ǂgomǂgomsa aogu Noaxi, Samueli, Davib tsî Danieli tsîgu ge Jesu Xristub xa nî ǁkhāǁkhāsen. Tsî ǁîb ǁguibas ǃnâ nî ǂgom. Matikō ǃnāsasen ǂhanuoǃnâna nî ǁkhāǁkhāsen!

19. Tae-e nî ī ǁnān hîna nē ǀō-aisa ǃēsa ūǃoa ǂgao taman ǀkha?

¹⁹ Tae-e nî ī, ǁnān hîna nē ǀō-aisa ǃēsa ūǃoa ǂgao taman ǀkha? ǂHaiǂhais 20:15 ge ra mîba da: “ǁNān ǀondi ân ûib di ǂkhanis ǃnâ xoamâisa taman hoan ge hurib khami ī ǀaeb ǃnâ ge aoǂgāhe.” Îo ǁîn ge ǀamosib kōse nî hîkākāhe. Tae-i ǃaroma i a ǂhâǂhâsa dītsâsa î-î sida ǀonde ûib ǂkhanis ǃnâ xoamâihe tsî ǁnāpa hâ ǀgara ǁkhā.

20. Mâ ǀō-aisa sîsen-e ǀoadisi kurigu ǂgaeǂguis ǁaeb ǃnâ nî dīhe? (Tsoatsoas ai hâ ai-īsiba kō re.)

²⁰ ǀOadisi kurigu [1 000] ǂgaeǂguis ge kaise nî ǁkhoaxa. Nē kai sîsenni ge Elob khoen noxoba ǃhūbaib ai dītsâ tama, kai sîsen-e nî ǃkhōǂgā. Xawe nē ǁaeb ǃnâ i ge ǂhanu-ain tsî ǂhanuoǃnân di tanisen ǀgauga nî kōhe. (Jes. 26:9; ǃNǃkh. 17:31) Nē ǁkhāǁkhās programa mati nî dīhe? Saora ǁkhāǁkhāǃâs ge nî hui da î da, nē ǀō-aisa ǀkhaeba ǃgôaǃgâ tsî ǁnâuǃā.