Khomai-aon dîdi
Xristeǁî-aob ga ǁîb ǃgamme tarasa. Elobmîs ai ǃgaoǃgaosa tama. ǃAromas ǃgao ǁnāxu tsî ǀnî hâ khoe-e ǃgamme o. ǀHaohâba mati ǂguro ǃgammeb tsî ǀgamǁî ǃgammeb tsîna nî mû?
Nēti i mâsib ǃnâb ge ǀhaohâba ǂguro ǃgammeba ǀam-i kōse ra mû. Tsî ǀgamǁî ǃgammeba ǀasa ǃgammeb, ǂhanub mā-am hâb ase nî mû. Nē mîǁguiba ǁnâuǃās ǃaroma hā re, î da kō. Jesub ge tae-e ǃgamme khôas tsî ǁkhawa ǃgammes xa a mîsa.
Mateub 19:9 ǃnâb ge Jesuba ǀgui ǃaromas ǀguisa ge mā. Xoas ai a ǃgaoǃgaosaba hîna ǃgamme khôa. Tsî ǁkhawa ǃgammesa ra mā-amsa. ǁÎb ge ge mî: “Tarasa ga ǁnāxūb hoab, ǀaiba xu i ga ī tama io, tsî ǀkharasa ga ǃgameb ge ra ǃgamekhôa.” Jesub mîde xu da ge ra ǁkhāǁkhāsen. (1) Nē xoas ǃoagu, i ga ǀaihe o. O ǀgui îb ge ǃgammeba ǀam kaihe ǁkhā. (2) Tsî ǃgamme aob ga ǁîb ǃgamme tarasa. Xoas mā-am tama xū-i ǃgao ǀgora xū o. Ob ge ra ǃgamme khôa. *
Jesuba gere ǂâibasen aob hîna ra ǀai tsî ǁîb tarasa ǁnāxūb. ǁKhawa ǃgammes ǃaroma a ǃnorasa di? Di tamas ge. ǃGammeb ǃauga hâ ǁgoe-ūgus ga hâ o. Os ge ǀhapio tarasa a mîǁgui ǁkhā. ǁNā khoeb ǀkhas nî hâs, tamas ka io nî ǀgora ǃkhaisa. Xawes ga tarasa mîǁgui o, is ǀgora. Ob ge ǂhanuba ǁnā ǀgorasa nî ǂanǃgâ. Tsî ǂhanub ǂgaoǀkhādi ǃoagu i ga dīhe o. O ra ge hoara a ǃnorasa ǁkhawa ǃgamesa, ǀgoras ga toa o.
Xawe nē ǀhapio ǃgamme taras ge a mîǁgui ǁkhā, is ǃgammeb ǃnâ hâ ǀgara. Tsî ǁnās ǀkha māsenxase ǁîs di aoba ra ǀûba. Xawe tae-e a hā ǁkhā. Nē ǁoreba go dī ǃgamme aob ga ǁîb taras ǀûbaba ǂgao tama io. Tsî ǁîb ǀkhāba xu ga ra ǀgora ǂgao o? ǁÎs māsenxase ra ǀûba tsî ǃgammeb ǃnâ ra aiǃgû ǂgao amagab ge. Xoadi ǃoagu ǃnorasa tama hâ ǁkhawa ǃgammesa. Xaweb ga aiǃgû tsî ǀnî hâ khoesa ga ra ǃgamme o. Ob ge ǁnātib ga dī o, ra ǀai. Tsîb ge ǁnās ǃaroma ǁkhawa ǀgoraǃgâs komites ǀkha nî ǀhao, îb ǀgoraǃgâhe.—1Kor. 5:1, 2; 6:9, 10.
Aob xoadi ǃoagu ǀgora tamab ga ǁkhawa ǃgamme o. O, matib ǀhaohâba ǀnai go hâ i ǃgammeb. Tsî nē ǀasa ǃgameb tsîna ra mû? Xoadi ǃoagu ǀnai go hâ i, ǃgameba noxoba ra aiǃgû? ǀHapio ǃgamme tarasa noxoba a mîǁgui ǁkhā. Îs ǁîs ti ge i, aoba ǀûba. Tamas ka io tā ǀûba? ǀAsa ǃgammeba ǀaib ase nî mûhe ǀhaohâb xa?
ǃKharu ge ǁaegu ǃnâ î ge ǀhaohâba ǀasa ǃgammeba ǀaib ase gere mû. ǁNā ǀhapio ǃgamme taras noxoba a ûitsamas kōse. Tsî ǃgamme hâ tsî ǀai tama hâs kōse. Xawe Jesub ge ǀhapio khoe-i xa ge ǃhoa tama hâ i. ǀGoras tsî ǁkhawa ǃgammes xab gere ǃhoa o. Xaweb ge ge ǁguiǃā, aob ga ǁîb di tarasa xoadi ǃoagu ǀgora xū tama io. Tsî ǁkhawa ga ra ǃgammeb o, ob ra ǀai ǃkhaisa. ǁNāti i ǁhōb ǀgora tsî ǁkhawa ǃgammes dib ge ra ǂâibasen. ǀAib nîs ais aib go ūhâ i ǃgammeba ǀam kaisa.
“Tarasa ga ǁnāxūb hoab, ǀaiba xu i ga ī tama io, tsî ǀkharasa ga ǃgammeb ge ra ǃgamekhôa; tsî ǁnāxūheb hâ hîa ga ǃgameb ge ǁkhāti ra ǃgamekhôa.”—Mat. 19:9.
Aob ga ǁîb di ǃgamme tarasa ǀgoraxū. Tsî ga ra ǁkhawa ǃgamme. O i ge a īǁoa ǀnaib go ūhâ i taras nî ǁîba ǀûbasa. Tamas ka io ǀgorasa ǁîba xu. Tsî ǁnās ǃaroma î ge ǂhâbasa tama hâ. ǁÎsa ǀûba bis tamas ka ios ǀgoras xa nî ǂâiǂhansensa. Tsî i ge ǀhapio ǃgamme taras ga ra ǁō, ûitsama tamas ka io ǀai. Xawe nē ǃkhaisa ǀkharaǀkhara tama hâ. ǀHaohâb ra ǁîsa mû ǀgausa. *
Nē go ǀgapiga goro ǃhoaǃgaohe aiǁgaudi ǃnâ î ge. ǃGamme aoba go ǀai. Tsîs ge nēsa ǀgoras kōse go sī. O tae-e nî ī, ǃgamme aob ga ǀai tama io, xawe ga ra ǀgora ǂgao o. Tsî ǁkhawa ǃgamme o? Tamas ka iob ga ǃgamme aoba ǀai tama io ǃgammeb hâ hîna. Tsî ǀgora toab hâ hîna ga ra ǀai o. Tsî ǁnāpaxu ǁkhawa a ǃgamme o, ǁîb di ǃgamme taras ga māsenxase ga ra ǀûba bi ǂgao xawe? Nē aiǁgaudi hoadi ǃnâ, î ge ǀgoras tsî ǁkhawa ǃgammes. Hîna ǀaiba ǃoa ra ǁnaeǁgaus ge ǀnai go hâ i ǃgammeba nî ǀam kai. ǀAsa ǃgammeb ge ǀasa ǃgaeǀhaosa ra kuruǂui. Novemberi 15, 1979ǁî kurib The Watchtower ǂkhanib, 32ǁî ǂhaweb tawa i ge ra mîhe. “Nēsib ge ǀasa ǃgammeb ǃnâ go ǂgâ, tsî ǁnās ǀkha ǃhaese a ǀam kai ǁoa. Tsî ǀoro ǃgamme tarasa ǃoa a oa ǁoa. ǀOro ǃgammeb ge ǀgoras, ǀaib. Tsî ǁkhawa ǃgammes ǀkha ge ǀam.
Nē ǀkharaǀkharahe hâ, ǀgaugu ge ǃgammeb di, ǀō-aisasiba ūbē tama hâ. Tamas ka io ǀaib di ǁkhōǁkhōsasiba ūbē tama hâ. Aob ga ǁîb di tarasa xoadi ǃoagu ǀgoraxū tama io. Tsî ǀnî hâ tarasa ga ra ǃgamme. O gu ge ǀhaohâb ǃûi-aoga ǀgoraǃgâs di komitesa nî dī. Îb ǁnā aoba ǀgoraǃgâhe. (ǀAsase go ǃgammehe khoe-i ga Xristeǁî o. Os ge nē go ǃgammehe taras tsîna nî ǀgoraǃgâhe ǀaib ǃoagu.) Nē ǀasa ǃgammeb ǀaib ase mûhe tide. Tsîb ge nē aoba ǀhaohâb ǃnâ aiǂhanuga ǂgui kuriga hō tide. ǁÎb ǀkha ǁaixa hâ, khoen nî dīb ge ǁgai xūn ǃaroma ǀûbabis kōse. Nē aob nî ǀasa aiǂhanuga māhes aiǃâ gu ge. ǀHaohâb ǃûi-aoga tsûtsûhe ge taras, xa nî ǂâi. Tsî ǂkham ǀgôan hîna ge nē ǀhapixa aob xa a ǁnāxūhen xas tsîna.—Mal. 2:14-16.
ǁKhōǁkhōsasib xoadi ǃoagu ǀgora tama is. Tsî ǁkhawa ǃgammes dib ǃaroma. În ge Xristeǁîna gā-aise Jehovab di daoǁgausa ra sao. Tsî ǃgammeb di ǀō-aisasiba ra ǃkhōǀgara.—Aoǁn. 5:4, 5; Heb. 13:4.
^ par. 2 Aiǁgause, da ge ǃgamme khôa-ao-e, aoba ǃoa nî ǁnaeǁgau. Tsî ǀhapio-e tarasa ǃoa nî ǁnaeǁgau. Xawe i ge Markub 10:11, 12 ǃoagu ra ǁgau. Aob tamas ka io taras a ǃgamme khôa ǁkhā ǃkhaisa.
^ par. 1 Nēs ge sida ǁnâuǃā ǀgauba ra ǀkharaǀkhara ū da go ha îba. ǁNāti i ǃgammeb ǀaib ase nî mûhe di go hâ iba. ǀHapio ǃgamme khoe-i nî ǁōs, ǁkhawa ǃgamme. Tamas ka io nî ǀais kōse.
