1941ǁÎ kurib ǃnâ ta ge Paris Frans ǃnâ ge ǃnae. Ti omaris ge ǂgui mari-e ge ūhâ tama hâ i. ǁKhāǁkhāsens xa ta ge kaise ge ǃgâibahe i. Xawe ta ge disi kurixa io. O ta ge kaise ge ǀaesen. Tsî ta ge di skoli ǀkha īsa ge ǀû. Dokteri ge ge mî î ta kharob ǃnâ hâ. ǂKhabusa soga ta ge ūhâ i amaga. ǁKhâna ta ge kharob ǃnâ ge ǁgoe-i. Tsî mîdi ǂkhanis tsî Radio programgu Paris ǀgapi ǁkhāǁkhā ǃkhaib diga gere ǃgâ. Ti dokteri ge mî o ǂuru ta asa. Tsî ta skoli ǀkha oaǁkhāsa o ta ge kaise ge ǂkhî i. Mîbasen ta ge ge. ‘Doktergu ge ǃgâi sîsen-e ra dī.’ ǁNā ǁaeba xu ta ge khoena gere hui ǂgao. Î ta ǁîn di ǀaena ǂuruǂuru. Tae-ets kaits ga o nî dī. Tib ga di îba dîde ǁaeb hoab ai ta ge, “dokter kai ǂgao ta ra ti gere mî.” Nē ǀgaub ai ta ge doktersisa kaise ge ǀnam.

Sida omaris ge ge Katolik i. Xawe ta ge ǃnāsa-e Elob xa ge ǂan tama hâ i. Tsî ta ge ǂgui ǃereamsa tama dîde ge ūhâ i. ǀGapi ǁkhāǁkhā ǃkhaib tawa ta ge doktersisa ǁkhāǁkhāsen tsoatsoa o. O ta ge kurus ǃnâ ge ǂgom tsoatsoa.

ǂÂihō ta ge ra ǂguro ǃnâs hîna ta ge. Hain di selde mikroskoops ǃnâ-ū a mûs xa. Kaise i ge ge ǃgâi i mûsa. Matis selsa ǃkhaib tsî ǀgammi tsîna xu ra ǁkhaubasensa. Mûs tsîna ta ge ge hî matis ǁnā sels ǂganaga hâ xū-e. ǂŌ-i ǀkha i ga ǀhao o, o ra ǂkhari ǀgaus. Tsî mati i ra kaisa ǃanu ǁgammi ǀkha i ga ǀhao o. Nē ǀgaugu ǃaroman ge hain tsî ǀnî hâ xoxoron tsîna. ǀKharaǀkharasen ra mâsigu ǃnâ a ûi ǁkhā. Mâ selros hoas ta tanisen ǀgauba mûs ge ge. Huite mûǂansa ûib ge ǁnāti ǀgui hā tama isa.

 Ti ǀgamǁî kurib doktersisa ta gere ǁkhāǁkhāsens. Ai ta ge ge mûǂan, Elob amabes ǃnâ ûitsamasa. Khoen soros xa da gere ǁkhāǁkhāsen o. O ta ge ge mû matib sada ǁôaba ra ǀkhunuga hui ǀgausa. Î gu ǁîgu sîsenna dī. Soros di spierdi mati ǂkhōgu ǀkha ra ǃgûǀhao. Tsî ǀguiǃnâxasib ǃnâ sîsenǀhao ǀgaub ge kaise a buruxa. Aiǁgause ta ge ge ǁkhāǁkhāsen. Spierdi hîna ǁôab tsî ǃommi tsîna ra ǀguiǀguib ge. ǀGam ǃâkha ūhâ hîna ǀkhunuga ǃoa ra īkha. Nē spierdi ge ǀkhunugu ǂkhōgu tsîna ra ǀguiba ūhâ. Nē ǂkhōn tsî spierdi tsîn ga nēti. ǀGuiǀgui-e tama hâ o, o gu ge sada ǀkhunuga ǃgâise ga sîsen tama hâ. Nēs ǀkha ta ge a mû ǁkhā. Khoen soros kuru-ao i kaise kai gā-aisiba ūhâsa.

Kaise ta ge ge buru Kuru-aob sîsenni xa. ǀGôaron ǃnae-e toan ga o, o ra ǀom tsoatsoa ǀgausa ta ge mû o. ǁKhāǁkhāsen ta ge ge ǃnae-e tama. ǀGôaro i ûib ǂoaba ǀnaeb (umbilical cord) ǃnâ-ū ra hōsa. Nēs ǃaroma i ge ǂoab sōgu ǃnâ ra ǀhaoǀhao ǃnâ-e ǃkhaiga ǀkhaiǃnâ. Xawe ǀoro wekhega ǀgôa-i nî ǃnae-es aiǃnâ gu ge. Sōga ǀō-aisa xare xū-i ǀkha ra ǀoaǀoahe. Tsî ǀgôaro-i ga ǃnae-e toa. Tsî ǁî-i di ǂguro ǃnās ase ǀom o. O i ge buruxa xū-e ra ī. ǀGôaro-i ǂgaob ǃnâ hâ ās ge ra ǂganamsen. Tsîb ge ǀaoba sōga ǃoa ra ǃgû tsoatsoa. ǁNā ǁaeb ai i ge nē ǀō-aisa xare xū-i hîna sōgu ǃnâ hâ-e. Ra ǁkhae î gu sōga tā ǂaeǀhao. Tsî gu ge ǁnās ǀkha ǂoab ǀkha ra ǀoaǀoahe. Nēs ge ǀgôaro-e ǁnātimisi ra hui. Î i aitsama ǀom tsoatsoa.

Nē buruxa xūn di kuru-aoaba ta gere. ǂAn ǂgao amaga ta ge Elobmîsa ge khomai tsoatsoa. Elob ge Israelǁaesa mā 3 000 kuriga ǃkharu hâse. ǃAnusib daoǁgaudi ǃnâ ta ge ǃgâiǃgâibasensa ge ūhâ i. Elob ge Israelǁaesa ge mîba în ǃgāro ǃgûn ga o. Asa khao, tsî hoaǁae ǁāsen. Tsî ǀaesen hâ khoe-e ǀguri ūhâ. (Lev. 13:50; 15:11; Deu. 23:13) Elobmîs ge ǀaen mati ra hō-e ǃkhais xa ra ǃhoa. Xawe ǀgapi ǁkhāǁkhāsen sa ūhâ khoen ge nēsa. ǀAse ǀgui ge ǂanǂui. Tsî seks-i xa hâ ǃanusib ǁgaragu ge. Hoa Israelǁaesa ǃanuse gere ūhâ. (Lev. 12:1-6; 15:16-24) ǀAms ai ta ge ge mû Kuru-aob ge nē daoǁgaude. Israelǁaesa ǁîn ǃgâib ǃaroma a māsa. Tsîb ǁnān hîna nēsa gere ǁnâuǀnamna gere ǀkhaesa. Mûǂan ta ge ge Elobmîs Eloba xu ra hāsa. Elob hîna ta ge ǁîb ǀonsa ǁnā ǁaeb ai ǀū ība.

ǀGapi ǁkhāǁkhā ǃkhaib ai ta ti doktersisa ra dītoa. Hîna ta ge Lydie ti ǀon hâ ǂkhamkhoesa ge ǀhao-ū. ǀNamma ta ge omkhâibasa. Tsîm ge 1965ǁî kuri ge ǃgamme. Ti ǁkhāǁkhāsen ǁaeb ǁaegus ǃnâ. 1971ǁÎ kurib ǃnâm ge ǀnai. ǀGui axab tsî 2 ǀgôara tsîna ge ūhâ i. Lydies ge kaise ǃgâise gere mâxōǀkhā te. Ti sîsenni tsî omaris ǁaxasigu ǃnâ.

ǃNona kuriga ta ge Hospitals tawa gere sîsen. Kliniksa ta nî ǁkhowa-ams aiǃâ. ǃNupu ǁaero i khaoǃgâ ra ge. ǀGam ǃgamme hâ khoe-aogu ra tsoatsoas ai ra  ǃhoaǃgaohe ra. ǀAeǃkhōhes ǃaroma ge ǀkhī. Aoba ta ge hob nî se i sōǀoana gere xoaǂuiba. Hînas ge kaikhoesa ge mî: “Toxoba Dokter, sōǀôan ge ta ǀaoba nî ūhâ.” Buru hâse ta ge ge dî: “Amabes ǃnâ? Tsî tae-i ǃaroma?” ǃEream tsîs ge ge mî: “Sim ge Jehovab di ǃoaba-ao.” Tita ge tātsē Jehovab ǃoaba-aon xa ge ǁnâu tama hâ i. Tsî ǀaob xan tae-e ra ǁkhāǁkhās tsîna. Kaikhoes ge ǁîs Elobmîsa ūǂui tsî. Tae-i ǃaroma ra ǀaoba ūba tama ǃkhaisa ra ǁgau xoasa ge ǁgau te. (ǃNǃkh. 15:28, 29) ǁÎs tsî ǁîs kaikhoeb tsîra ge ge aiǃgû. ǁGau tesa Elob Gaosib taena nî dīsa. ǃGomsiga i ge nî ūbē, ǀaen tsî ǁōb tsîna. (J.ǂHa. 21:3, 4) “Nē ro ra mîba te xūna ta ge ǂkhamsisa xū ra ôa.” Tib ge ǃgarise ge mî. “Dokter kai ta ge ge î ta ǀaeb tsûga ǀoroǀoro.” ǃGâise ta ge ge tsâ tsî da ge īri tsî ǃkhare haigu tsîna ge ǃhoa. ǁNā khoe-aogu ra ge ī o. O ta ge ti ǂgaob ǃnâ ge mîmâi Katolik tama ta hâ ti. Tsî ta ge ge ǁkhāǁkhāsen. Kuru-aob hîna ta ǃgâiǃgâibasensa ūǃnâ hâb, ǀonsa ūhâsa—Jehovaba.

ǃNona ǃnāde ta ge nē khoe-aogura ǀkha. Ti cliniks ǃnâ ge ǀhao. Tsî mâ ǃnās hoasa da ge īri xa ǃnāsa ǁaeba ra ǃhoa. Ti omsa ǃoa ta ge ge ǁkhau ra. Î da ǃnāsase Elobmîs xa ǃhoa. Lydies ge ge mî hâǃnâs nîsa. Xawes ge ge ǂgom tama hâ i. ǀNî xūn hînam ge Katolik kerkheb tawa. ǁKhāǁkhāsen in ge ama tama hâ isa. ǁNā-amaga ta ge pastora sim omsa ǃoa ge ǁkhau. Elobmîsa ra sîsenūse da ge tsuxub kōse. Kerkheb ǁkhāǁkhādi xa ge ǂnôagu. Nē ǃhoaǀhaos ge Lydiesa ge hui is mûǂan. Jehovab ǃoaba-aon amaba ra ǁkhāǁkhāsa. Nēs ǃaromab ge sîm ǀnammi Jehovabam ge omkhâiba ba ge kai. Tsîm ge 1974ǁî kuri ge ǁāǁnâhe.

Elob ǂâibasen khoenab ūba hâs ge. Ti ûiba ge tawa. Tita tsî Lydie ham ǃaroma i ge. Jehovaba ǃoabasa ge ǂguro xū kai sim ûib ǃnâ. Mîmâim ge ge sim ôana Elobmîs daoǁgaudi ǃoagu kaikaisa. Sim ôanam ge ge ǁkhāǁkhā în Elob tsî khoen tsîna ǀnam. Nēs ge omaris ase ge ǀgaiǀgai da.—Mat. 22:37-39.

Kō-oam ga o, om ge Lydie hama ra âi. Sim hoaǁae mîǁguiga ǀguiba gere dī ǀgaub. Sim ôanam ge tsâǀkhā ǀgauba. ǁÎn ge ge ǂan i, Jesub ge mîsa ‘as sa îsa, î tsî sa hî-îsa, hî-î.’ Tsî nēsa da ge sida oms ǃnâ gere  dī. (Mat. 5:37) Aiǁgause sim di ǀgui ǀgôas ge 17 kurixa o. Os ge Lydiesa ge mā-amsi tama hâ i nau ǂkhamkhoen ǀkha ǃgûǂoasa. ǁNā ǀgôan di ǀgui-i ge ti ôasa ǃoa ge mî. “Sa mas ga ī kaisi tama io sa papa dî.” Sim ôas ge ǃeream tsî ge mî: “ǃAroma i ge ǀkhai ǁnāsa dīsa. ǁÎra ge hoaǁae ǀguiǂâixa.” Î, sim di ǃnani ǀgôan ge ge ǂan i. Sim ǂâiǀgaub ge Elobmîs daoǁgaudi xa ǀguiǃnâxa kaihe hâ isa. Kaisem ge Jehovaba nētsē ra gangan. ǃNasa omaris ǁanin sim din ǁîba nētsē ra ǃoabasa.

Amab ge ti ûiǀgauba dawa. Xawe ta ge di Doktersisa gere sîsenū ǂgao. Î ta Elob khoena hui. Nēs ǃaroma ta ge māsenxase. Paris di Betels tawa dokteri ase gere hui. Tsî ega ǀasa Betels Louviers dis tawa. Betels tawa ta ge nēsisa 50 kuriga ra hui. Nē ǁaeb ǃnâ ta ge ǃgâi ǀhōsaguside. Betel omaris ǁanin ǀkha ge omkhâi. ǀNîn an ge nēsi a 90 kurixa. ǀAsase Betels tawa ǀkhī hâ ǃgâsaba. Ta ge ǀhao-ū o, o ta ge kaise ge buru. ǁÎb masa ta ge 20 kurin ǃkharu hâse ǁîb ǃnaes. Tawa a huisa ta ge ǂanǂui amaga.

Kurigu ra ī khamib ge Jehovaba ta ūba hâ ǀnamma ge kai. ǁÎb ǀapeǂhomis ǃnâ-ūb ǁîb khoena ra. Daoǁgau tsî kōǃgâ ǀgausa ta ge mû o. ǂGaeǂguira soros ǁanigu ge 1980ǁî kurigu ǃnâ. Programma ge ǁkhowa-am hîna doktergu tsî ǀaeǃkhō-aon tsîna ra. Hui ga, în ǁnâuǃā tae-i ǃaroman. Jehovab ǃoaba-aona ǀaoba ūǃoa tama hâsa.

ǂGaeǂguira soros ǁanigu ge 1988ǁî kurib ǃnâ. ǀAsa departamentsa Betels tawa ge ǁkhowa-am, hîna Hospitals xa ǃnāsa ǃgāsasiba ra māsa. Hospitals xa ǃnāsa ǃgāsasiba ra mā ǃnâns ge. ǀAeǃkhōdi ǀkha ra sîsenǁae komiteesa ra mûǂam. Hîna Amerikab ǃnâ ge tsoatsoa hesa. În Jehovab ǃoaba-aona hui în ǃgâi ǀaeǃkhōna hō. Nē ǀaeǃkhōdi ǀkha ra sîsen ǁae komitees ge ǂnûiǂgāhe o. Os ge Fransi ǃnâs tsîna ge tsoatsoahe. Kaise i ge ge buruxaba te i mûsa matis. Jehovab ǀapeǂhomisa ǀaesen hâ. ǃGâsana ra kōǃgâ ǀgausa.

Dokter kais ge ge ǂguro xū-i. Hîna ta gere dī ǂgao-e. Xawe ta ge ti ûib xa ǂâi tsoatsoa o. O ta ge ge mûǂan gagasi xūn a ǂhâǂhâsasa. Khoena huisa în Ûib mā-aob ǀkha ǂangusa kuru, Jehova Eloba. Sîsen-e ta ge ǁnāxu o, om ge Lydie hama ǂgui īrga mâ ǁkhâb hoaba. Elob Gaosib di ǃgâiǂhôasa gere aoǁnâ, ǁnaetisa aimâba-aom ase. Noxobam ge dī ǁkhām an hoana ra dī. Nē ûiga ra sâu sîsenni ǃnâ ǁhaos ǀkha.

Noxoba ta ge ǀaesen hâ khoena ra hui. Xawe ta ge ge mûǂan ǃgâi doktergu tsîn. Hoa ǀaen tsî ǁōb tsîna a ǁkhae ǁoasa. ǁNā-amaga ta ge ǁaeb ǀaen, tsûn, tsî ǁōb. Tsîn nî ǀkhaiba ǃoa ra mûǂui. ǀGūǁae nî hāse i, ǀasa ǃhūbaib. ǃNâ ta ge ǀamosib kōse Elob di kurus xa nî ǁkhāǁkhāsen. Khoen di ǀō-aisa soros hînab kuru hâsa ǃkhōǂgā hâse. Ti ǂkhamsis ǃâubasens ge ǀgū ǁae. Hoase nî dīǀoaǀoahe.