1. Mâ ǃgâi ǀgaugan Jehovab di khoena ūhâ?

ǂGUI kurina ǃkharu tsîs ge Elobmîsa ge kēbo. Elob khoen nî kaise nîra ‘māsenxasa.’ În Jehovaba ǃoaba Jesub daoǁgauden ra sao hîna. (Psa. 110:3) Nē kēbos ge amabes ǃnâ nētsē ra dīǀoaǀoahe. Mâ kurib hoaba în ge Jehovab di ǃoaba-aona. Miliun īrga aoǁnâ sîsen-i ǃnâ ra ūhâ. Nē sîsenan ge matare-e tamase ra dī. Nēsan ge māsenxase ra dī. ǁÎn tsîn ge ǁaeba ra ū în ǁîn di ǃgâsana ǂhân hâ xūn ǀkha hui. ǂKhâǃnâ tsî ǁîn di ǂgomsa ǀgaiǀgai. ǁGaumâisa ǃgâsagu ge ǀhaode ra aiǂhomi. Tsî ǁîgu ǃgâsana ra sari ǂkhâǃnâ nîs ǃaroma. Tae-i ǃaroman Jehovab ǃoaba-aona nē sîsengu hoaga ra dī? ǀNammi—Jehovaban ūba hâǀnammi. Tsî ǁîn ǁanǁare-aonan ūba hâ ǀnammi tsîn ǃaroma.—Mat. 22:37-39.

2. Romeǁîn 15:1-3 ǃnâ i ra ǂoaxa khamib ge Jesuba mâ aiǁgausa mâi?

² Jesub ge ge ǁgau nau khoen di ǂhâsigu a ǂhâǂhâsasa ǁîb digu xa. Hoana da ge ra dī î da ǁîb di aiǁgausa ǁgae. (Khomai re Romeǁîn 15:1-3 sa.) Nēsa da ga dī o, o da ge ǀkhaega nî hō. Jesub ge ge mî: “Mās ge ūs ǃgâ-ai a ǃgâi” di.—ǃNǃkh. 20:35.

3. Tae-e da nē ǁkhāǁkhāǃâs ǃnâ nî ǃhoaǃgao?

³ Nē ǁkhāǁkhāǃâs ǃnâ da ge ǀnî xūn hînab ge. Jesuba  khoena huis ǃaroma a dīna nî ǃhoaǃgao. Tsî da ge nî kō mati da sida tsîna ǁîb aiǁgausa a ǁgae ǁkhāsa. ǃHoaǃgaos tsîna da ge nî dī. Mati da sida tsîna ǃnāsase nî māsenxasa. Î da nau khoena ǃoaba.

4. Matib ge Jesuba nau khoen di ǂhâsiga ǁîb din ais ai mâi?

⁴Jesub ge nauna gere hui. Tsaub ge hâ i xawe. ǂÂis ǀguisa hî re tae-eb ge Jesuba dīsa. ǂGui khoen ge Kapernaums ǀgūseb hâ hîna a sī o. Jesub ge hoa ǃuisa ge ǀgore hâ i. Īǁkhā i ge a ǁîb ge kaise tsau hâ isa. Xaweb ge ǁnā ǂgui khoena mû o. ǀGâsa tsî ǀaesen hâna ob ge ge tsâba nî. ǁÎb ge khoena ǂuruǂurus ǀguisa ge dī tama hâ i. Xaweb ge ǂkhâǃnâ ra ǃhoasa ǃhommi aoǁnâs tawa ge mā.—Luk. 6:12-20.

5. Omaris di danaga mati Jesub di māsenxasiba ra ǁgae, tsaugu ga ǁaeb ai?

⁵Omaris danagu mati Jesuba ra ǁgae ǀgaus. Nē aiǁgaus xa ǂâi re: ǃGari sîsen tsēs khaoǃgâb ge oms danaba oms ai ra oaǀkhī. ǃÂitsâheb ra, îb omaris ǃoabasa ǁnā ǃuis ai mâiǂui. Xaweb ge ǀgaiba Jehovab ai ra ǂgan, îb ǁnāsa dī. Jehovab ge ǁîb di ǀgoresa ra ǃeream. Tsîs ge omaris ǃoabasa hoaǁaes ra dīhe khami ra dīhe. ǀGôan ge ǂhâǂhâsa xū-e ǁnā ǃuis ai ra ǁkhāǁkhāsen. ǁGûn gagasi xūna ǂgurose hoa xūn ǂamai ra mâisa.

6. Aiǁgau-e mā re matib ge Jesuba. Nau khoen di ǂhâsiga ǁîb din ais ai a mâi ǀgausa.

⁶Jesub ge ǁaeba nauna gere ǁamaǂuiba. Mûnanai ǁkhā i du a matib ge Jesuba gere tsâsa. ǁÎb di ǀhōb Johaneb ǁāǁnâ-aob ge ǃkhamhe o? Jesub ge kaise ge tsûaǂgao hâ i. Elobmîs ge ra mî: ‘Tsî Jesub ge ǁnâu o, [Johaneb ǁōb xa] ob ge ǁnāpa xu ǂgaus ǃnâ ǃgaroǃhūb ǃoa ǀguri hâ ǃkhais ǃoa ge ǂgō.’ (Mat. 14:10-13) ǁNâuǃā ǁkhā da ge a tae-i ǃaromab ge. ǀGuri gere hâ ǂgao ǃkhaisa. ǀNî khoen ge ǀgurin ga hâ o ǃoas xa a ǃgâibahe. Xawe ǁnās ge Jesub tawa ge īǁoa i. ǂGui khoen ge ǀgurib nî hâbab ge garu i ǃkhais tawa ǂgurose ge sī. Matib ge tanisen? Nē khoen di ǂhâsigu xab ge ge ǂâi tsî ǁîna ge ‘ǀkhom.’ Jesub ge ge mûǂan huib tsî  ǂkhâǃnâs tsînan. Eloba xu ǂkhâ hâsa tsî ǃhaese ge hui nî. “Tsîb ge ǂgui xūna ǁîna ge ǁkhāǁkhā tsoatsoa.”—Mrk. 6:31-34; Luk. 9:10, 11.

7-8. Aiǁgau-e mā re mati gu ǀnamxaǃnâ ǀhaohâb ǃûi-aoga. Jesuba ǁgae tsî ǃgâsana ra hui ǀgaus di-e.

⁷ǀNamxaǃnâ ǀhaohâb ǃûi-aogu. Jesuba ra ǁgae ǀgaus. Kaise da ge ra ǃgôaǃgâ sida ǀhaohâb ǃûi-aogu ra dī sîsen-i ǃaroma. ǃGâsan hîna ǀhaohâb ǃnâ hân ge ǁîgu ra dī sîsengu ǀnîga a ǀū. Aiǁgause ǃgâsa-i ga ǀaeǃkhōsa ga ra ǂhâ o. Os ge Hospitals ǀkha ra sîsen ǁae komitee sa ǁnā huiba ra mā. Nēti i mâsigu ge ǀnî ǁaega tsūxub ǃnâ ra ī. ǁÎgu ǃgâsan hîna ǃgomsib ǃnâ hâna gu ǀkhomxaǂgaosiba ūba hâ. Amaga gu ge ǀhaohâb ǃûi-aogu tsî ǁîgu omaridi tsîna. ǁÎgu ǃgâsan di ǂhâsiga ǁîn din ais ai ra mâi.

⁸ ǀHaohâb ǃûi-aogu tsîn ge Gaosib ǀhû-omga oms ǀkha ra hui. Tsî tsūgeǃgâb ǃnâs tsîna ra hui. ǁÎgu ge ǂgui ǁaeb tsîna ǀhaohâb ǃnâ hâ ǃgâsana. ǂKhâǃnâ, ǁkhāǁkhā tsî ǁkhaeǂgaos ǃnâs tsîna ra mā. Hoa ǃgâsagu tsî ǁîgu di omaridi tsîn ge koahesa anu hâ. Ab Jehovaba ǁîgu ra ǁgau gagaba ǀkhae re. Ama as ge ǀhaohâb ǃûi-aogu tsîn nau khoen khami ǀnōsa ǀgauga nî ūhâsa. ǁÎgu ge tā ǂhâsa ǁaeb xa ǃnāsase nē ǁāxasigu ǃnâ nî ǁhao. Î tā ǁîgu omaride nēs xa ǃaromahe hâse ǂhân hâ kōǃgâsa hō tama i.

9. Filipeǁîn 2:4, 5 ǃoagu în Xristeǁîna mâ ǂâiǀgauba nî omkhâi?

⁹ Khomai re Filipeǁîn 2:4, 5 sa. Sida hoada ge ǀhaohâb ǃûi-ao tama. Xawe da  ge hoada Jesub di māsenxa gagaba xu a ǁkhāǁkhāsen ǁkhā. Elobmîs ge ra mî ‘ǁîb ge ǃgāb di īsiba’ a ūsa. (Fil. 2:7) ǂÂi re ǁnāsa xu da tae-e a ǁkhāǁkhāsen ǁkhāsa. ǃGâi ǃgāb ge ǀgauga nî ôa. ǁÎb di ǀhonkhoeba ǂkhîǂkhîs ǃaroma. Jehovab di ǃgā tsî sadu di ǃgâsan di ǃoaba-ao du ase du ge. Sadu tsîna ǁnā turaba ūhâ. Î du ǃnāsase Jehovab tsî sadu di ǃgâsan tsîna sîsenba. ǁNāsa du ge a dī ǁkhā sao ra ǀapemâde du ga kō o.

10. Mâ dîde da aitsama a dîsen ǁkhā?

¹⁰Sadu tanisen ǀgaub xa ǂâi re. Nēti i dîde aitsama dîsen re: ‘Māsenxa ta a î ta ti ǁaeb tsî ǁkhāsib tsîna nau khoena huis ǃnâ sîsenū? Aiǁgause mati ta nî tanisen ǂgan-e ta ga o. Î ta kaira ǃgâsaba sari kaira khoen da. Kōǃgâhe ǃkhaib tawa ra hâba. Tamas ka io ta ga ǂgan-e o, î ta kaira ǃgâsasa ǀhaode ǃoa ī ū? ǃHaese ta ra māsen î ta hui kai ǀhaos ra ūhâ-e ǃkhaigu. Tamas ka io ǀhaohâb ga ǃanuhe o? Jehovab ai da ge mâǁnâsen o. O da ge ǁîba ge mîmâiba hoa xūn hîna da ūhâna. Da nî sîsenūsa ǁîba ǃoabas ǃnâ. Tsîb ge ra ǂhâba î da sida ǁaeb. Tsî ǀgaib tsîna sîsenū, nau khoena huis ǃnâ. Tsîb ge ǁnās ǃaroma kaise a ǂkhî. ǁNāsa da ga māsenxase dī o. Dī-ūnusen da nî ǃkhai-e da ga mû o, tae-e da nî dī?

11. Matis ǀgoresa huida ǁkhā, î da. Māsenxa gagaba ūhâ, nau khoena huis ǃaroma?

¹¹ǂGaoba xu Jehovaba ǃoa ǀgore re. ǀNîsi du ge go mûǂan ǀnî ǃkhain ai du nî ǃgâiǃgâisa. Xawe du ge ǂkhâǃnâsa ūhâ tama hâ, î du ǁnā ǀkharaǀkharasa dī. ǁNāti i ga ī o, ǂgaoba xu Jehovaba ǃoa ǀgore re. ǂHauǃnâ re ǁnāsa du ga dī o. Jehovaba mîba re mati du ra tsâsa. Tsî ǂganbi re, îb ‘ǂâibasens tsî dīs tsîn di ǁkhāsiba’ mādu.—Fil. 2:13.

12. Mâ ǂhâsibab ǁāǁnâsa ǂkham ǃgâsaba a dīǀoaǀoa ǁkhā?

¹² ǂKham aore ǁāǁnâsa ǃgâsa du ga o. Jehovaba ǂgan re îb huidu î du. ǁNā turaba ūhâ tsî ǃnāsase ǀhaohâb ǃnâ dī ǁkhā. ǀNî ǃhūgu ǃnâ, i ge ǂgui ǀhaohâb ǃûi-aoga hâ ǀhaohâb hui-aogu xa. Tsî ǂgui ǀhaohâb hui-aogu ge ǂkham tama hâ. ǀApeǂhumis ra kai khami da ge ǃnāsa ǂkhamkhoega ǂhâ hâ. Î gu hui Jehovab di khoena kōǃgâs ǃnâ. Māsenxase du ga ǂhâhe du hâ ǃkhais. Hoas tawa ga ra ǃoaba o, o du ge nî ǂkhî. Tae-i ǃaroma? Jehovaba du ge nî ǂkhîǂkhî. Tsî du ge ǃgâi ǀonsa nî kurubasen. Tsî du ge ǃgâiba nî hō, nau khoena huis ǃaroma.

13-14. Tae-e da dī ǁkhā î da sida ǃgâsana hui? (Tsoatsoas ai hâ ai-īsiba kō re.)

¹³Nau khoen di ǂhâsigu tsîna ǂâis ǃnâ ūhâ re. Apostel Paulub ge Hebreǁîna ǂkhâǃnâ tsî ge mî: “ǃGâidīs, tsî augusa tā ǀuru, nēti ī ǁguibadi ǃnâb ge Eloba ǃgâiǃgâibasen-e ūhâ xui ge.” (Heb. 13:16) ǁNās ge ǃgâi ǂkhâǃnâ ge isa. Kaxu tama i hâ, nē sîǂkhanisan ge hō toas khaoǃgâ. În ge Xristeǁîn hîna ge Judab ǃnâ hâ îna. ǁÎn di omdi tsî ǁamaxu ǃkhaidi tsîna nî ǁnāxus ge ge i. Tsî Jehovaba ǃoaba tama omaris ǁanin tsîna. În ‘ǃhomma ǃoa ǃkhoe.’ (Mat. 24:16) ǁNā ǁaeb ai i ge kai ǂhâǂhâsasiba ge hâ i în huigu. Tsî ǁnās ǃaroma in ge Paulub di ǀapemāsa gere sîsenū. Tsî ǁnās ǀkha ūn ge hâ i xūna. Naun ǀkha gere ǀgoragu. Tsîs ge ǁnāsa kaise ge ǂhâǂhâsa i ǁîn di ǀasa ûib ǃaroma.

¹⁴ Sida ǃgâsan ge hoaǁae mîba da tide. Tae-en ǂhâ hâ ǃkhaisa. Aiǁgauses ge  ǃgâsasa ǁōb ǃnâ ra ǁom. Tsî ǃoa ra aoba ra ǁnāxu. Sida ǃgâsaba ǂû-i, ǃnari ū xū-i tsî oms di ǂhâsiga ūhâ? ǁÎb ge ǀnîsi huiba ǂgan tide sidab ǂhâni ǂgao tama hâ ǃkhais ǃaroma. ǁÎb ge kaise nî ǃgôaǃgâ huiba da ga mābi o. ǂGan tamab hâ hînas tsîna. Tā da ge nî ǂâi hoa xūn a ǃgâisa. Tsî i ǂhâ hâ khoe-e hoaǁae nî mîba da sa. Tae huiba i ǂhâba hâsa. Dîsen re, ‘ǁNāti i mâsib ǃnâ ta ga hâ hâ o, o ta ga mâ huiba ǂgao hâ?’   

15. Māsenxa ǂgao da ga o, o da tae-e nî dī?

¹⁵Nauna supu supuba re. Sadu ai huiba ǂgans ǃaroma. ǂGom da ge ra sadu tsîn ǀhaohâb sadu dib ǃnâ a ǂansa. ǃGâsan hîna ǂhomisana nauna huis ǃaroma. ǂAn da ge a ǁîna da a ǂgomǃgâ ǁkhāsa ǂhâsib ga hâ o. Tsî da ge ǁîn khami ǀgui ra ī ǂgao. Alani hîna a ǀhaohâb ǃûi-aob. Tsî 40 kurin ǃnâ hâb ge ra ǂhâba. În khoena tā sau ǁîb ǀkha ǃhoas ǃnâ. Alani ge Jesub di aiǁgaus xa nētira mî: “Jesub ge ǀhape i xawe în ge ǂkham tsî kain hoana ge ǃgâibahe i. Jesub ǀgūse hâs xa, tsî ǁnās ǀkha ge ǃao tama hâ i ǁîb ai huiba ǂgansa. ǁÎn ge tsâba nî ra khoeb ase ǁîba gere mû. Tita ge ti ǂgaob ǃgamsiba xu Jesub di ǀgauga ra ǁgae ǂgao. Tsî khoe-i hîna supuse a ǃhoa-ūhe ǁkhā i. Tsî tsâba ǁkhaoxa i khami ra ī ǂgao.”

16. Matis Psalmdi 119:59, 60 sa hui da ǁkhā. Î da Jesub di aiǁgausa ǁgae?

¹⁶ Tā da ge nî ǂkhabuǂâi Jesuba da ga ǀoasase ǁgae hō tama io. (Jak. 3:2) ǃOm kuru-ao i ge tātsēs tsîna ǀoasase. ǁÎ-i di ǁkhāǁkhā-ao-i di sîsen-e a ǁgae ǁoa. Xawe i ǁî-i di dīsade xu ra ǁkhāǁkhāsen hîna. Î ge nî ǁgae hō ǁkhāǁkhā-ao i di sîsen-e. ǁNās khami da ga, aitsama Elobmîsa ôaǃnâsa xu da go ǁkhāǁkhāsen  xūna dī o. Tsî ǁkhā da a ǀgaub hoab ai dīsadi hîna da dī hâde gara dī-ūnu o. O da ge ǀoasase Jesub mâiba da hâ aiǁgausa a ǁgae ǁkhā.—Khomai re Psalmdi 119:59, 60 sa.

17-18. Jesub di māsenxasiba da ra ǁgae hîna da mâ ǃgâiba nî hō?

¹⁷ Sida māsenxasib ge nî ǃaroma. În naun tsîna ǁnāsa ǁgae ǂgao. ǀHaohâb ǃûi-aob Tim di ǀon hâb ge nētira mî: “ǂKham ǃgâsaga da ge ūhâ hîna ge. ǀHaohâb hui-aogu ase a ǁgaumâihe ga. ǀGui ǃaromas ge ǁîgu ge mûsa naun māsenxase mati ra hui ǀgausa. Tsî gu ge ǁîgu tsîna ǁnāsa gere dī ǂgao. ǁÎgu di māsenxasib ge ǀhaohâb tsî ǀhaohâb ǃûi-aogu tsîna ra hui.”

¹⁸ ǂGui khoen hîna nē ǃhūbaib ǃnâ. Nētsē hân ge a ǁîn xa ǀgui ra ǂâi. Xawe Jehovab di ǃoaba-aon ge ǁnā ǀgauba ūhâ tama hâ. Sida hoada ge Jesub di māsenxasib xa tsâǀkhāhe hâ. Tsî da ge ra ǁgūtsâ î da ǁîb di aiǁgausa ǁgae. Tātsē da ge ǁîb di ǀgauga ǀoasase a sao ǁoa. Xawe da ge ‘ǁîb di daoga ǀgūse’ a sao ǁkhā. (1Pet. 2:21) ǁKhā da a ǀgaub hoab ai da. Jesub di māsenxa ǀgauba ra ǁgae hîna da ge nî hōǃâ. ǂKhîba Jehovab di ǂkhâǃnâsa da ūhâ ǃkhais ǃaroma.