1. Mâ ǃgom mâsib ǃnâb ge Daviba hâ i?

 DAVIB ge ǁîb di ûiba gere ǃkhoeba. Sauli hîna a Israelǁaes di ǀgaisa gao-aob ge. Amabes ǃnâ gere ǃgambi ǂgao. Davib ge ǂû-e ǂhâ hâ io, ob ge ǃās Nos tawa ge sī. Tsîb ge ǃgâi ǀgaub ǃnâ koro perega ge ǂgan. (1Sam. 21:1, 3) Ega gu ge ǁîb khoegu tsî ǁîb tsîna. ǃHommi tamas ka io ǀkhomab ǃnâ ge sâusen. (1Sam. 22:1) Tae-i ǃaromab ge Daviba nēti i mâsib ǃnâ hâ i?

2. Matib ge Saula aitsama nē ǁkhōǁkhōsa mâsib ǃnâ mâisen? (1 Samueli 23:16, 17)

² Sauli ge Daviba kaise gere suri. ǁÎb di ǂanǂansasib tsî toro dandi ǃaroma. Sauli ge ge ǂan i ǁîb di ǁnâuǀnamoǃnâsib ge ǃaromasa îb Jehovaba. ǁÎba Israelǁaes di gaosisa xu ūǁnâ. Tsî Daviba ǁhûi gaob ase. (Khomai re 1 Samueli 23:16, 17 sa.) Noxobab a Israelǁaes di gao-ao hînab ge Sauluba. ǂGui toro ǃkham-aogu tsî māxōǀkhā-aon tsîna ge ūhâ i. Tsî ǁnās xa ǃaromahe hâseb ge. Daviba ǁîb ûib ǃaroma ge ǃkhoe. Saula ge ǂâi hâ i Elobab nî mâǃoa hōsa Daviba gao-aose mâis ǃnâ? (Jes. 55:11) Elobmîs ge mî tama hâ. Xawe da ge ǀgui xū-e a ǂgom ǁkhā. Sauli ge aitsama nē ǁkhōǁkhōsa. Mâsib ǃnâ a mâisen ǃkhaisa. ǁNān hîna Eloba ra mâǃoan ge hoaǁae ra ǂoaǃnâ.

3. Matib ge Daviba gere tsâ nē mâsigu ǃnâb ge hâ i xawe?

³ Davib ge ǃgamǃgamsenxa khoe ge iba. ǁÎb ge ge ǁhûi tama hâ i Israelǁaes di gao kaisa. Jehovab ge aitsama ge ǁhûi bi. (1Sam. 16:1, 12, 13) Sauli ge Daviba khākhoeb ase gere mû. Davib ge Jehovaba ge ǂgā-am tama hâ i. ǁÎb ge  hâǃnâ i ǁkhōǁkhōsa mâsib ǃaroma. Īǁkhā i ge a ǁnā ǃhommi ǃnâb sâusen hâ. Hînab ge nē ǁkhoaxa koasa ra mā amsa a xoasa. Hîna sida di dana xoasa ǃkhōǂgā hâsa: ‘Jehovaba ra ôan ge ǀgui ǃgâi xū-i xare-i ǃnâ ǃnubusi-e ūhâ tide.’—Psa. 34:10.

4. Mâ dîde da nî ǃhoaǃgao. Tsî tae-i ǃaroma di a ǂhâǂhâsa?

⁴ Nētsēn ge ǂgui Jehovab ǃoaba-aona. ǂÛ ǃnubusib tsî ǀnî ǂhâsigu ûib digu tsîna ra hōǃâ. * Nēs ge kaise a ama. Nē ǁaeb ǃnâ da ra hōǃâ ǁōs xa. Tsî nē “kai ǁgâiǀāb” ra ǀgū khami da ge. ǃNāsa ǃgomsiga nēs xa a ǃâubasen ǁkhā. (Mat. 24:21) Nēsa ǂâis ǃnâ ūhâse, hā re î da nē haka dîde ǃeream: Mâ ǀgaub ǃnâb ge Daviba, ‘xū-i xare-i ǃnâ ǃnubusi-e ūhâ’ tama hâ i? Tae-i ǃaroma da ū da hâ xūn ǀkha nî ǂâu? Tae-i ǃaroma da ǂgomǃgâsiba ūhâ ǁkhā. Jehovab nî kōǃgâ dasa? Tsî mati da nēsi a aiǂhomisen ǁkhā, hānîǁaeb xūn ǃaroma?

5-6. Matis Psalmdi 23:1-6 sa ra hui da î da ǁnâuǃā. Tae-eb ge Daviba gere ǂâibasensa. Mîb ge o, Jehovab ǃoaba-aon ‘xū-i xare-e ǃnubu tide’ di?

⁵ Tae-eb ge Daviba gere ǂâibasen, mîb ge o. Jehovab ǃoaba-aon ‘xū-i xare-e ǃnubu tide’ di? Davib ge Psalmdi 23 sa a xoa o. Ob ge ǁkhā ǁgâiǂuisende gere sîsenū. ǁNā Psalmdi ge a hui da ǁkhā. Î da ǂâibasensa ǁnâuǃā. (Khomai re Psalmdi 23:1-6 sa.) Davib ge nē mîdi ǀkha ǁnā Psalmsa ra tsoatsoa: “ǃKhūb ge a ti ǃûi-ao, xū-i xare-e ta tôasi tide.” Aiǃgû tsîb ge Daviba ǂhâǂhâsa xūn hînab ge Jehovaba a mābi na ra ǂgai khâi. ǁÎb ge Jehovaba ǃûi-aob ase a ūǃoa ǃkhais ǃaroma. Jehovab ge ǁîba “ǂhanu-aisib di daob ǃnâ” ra ǂgaeǂgui. Tsîb ge Daviba ǂgomǂgomsase ra mâxoǀkhā. ǃGâi tsî tsū ǁaegu tsîn ǃnâ. Davib ge ra ǂanǃgâ ǁîb di ûib Jehovab. ‘ǀGâxa ǃû-aidi’ ǃnâ ǃgomsi-i ose hâ tidesa. Tsî ǁaen ǃnâb ge ra ǂkhabuǂâi. ‘ǃGamǃgoab di sommi ǃnâb’ ra ǃgû khami. Tsîb  ge khākhoena nî ūhâ. Xawe Jehovab a ǁîb di ǃûi-ao. Amagab ge Daviba “xū-i xare-e ǃao tide.”

⁶ Nēs ge sida dîs di ǃereamsa. Mâ ǀgaub ǃnâb ge Daviba ‘xū-i xare-e ǃnubu tama hâ i’? Gagasi ǀgaub ai da ga ǃhoa o. Ob ge hoa xūn ǂhâb ge hâ ina ge ūhâ i. ǁÎb di ǂkhîb ge ūb hâ xūna xu ge hâ tama hâ i. Davib ge Jehovab gere mābi xūn ǀkha ge ǂâu hâ i. ǁÎba ge ǃnāsase ǂhâǂhâsaba i xu-i ge. ǁÎb di ǀkhaeb tsî ǁîb di Elob di ǁkhaubas tsîna.

7. Lukab 21:20-24 ǃoagu în ge ǂguro Xristeǁîn. Judab dina mā ǃgomsina gere hōǃgâ?

⁷ Davib di mîde xu da ge ra ǁnâuǃā. Kaise i ǂhâǂhâsasa, î da tā ū da hâ xūna. Sida tawa ǂhâǂhâsase mû. Ū da hâ xūn hoana xu da ge ǃgâiba a hō ǁkhā. Xawe da ge tā ûib di. ǃGaoǃgaon ase sida ûib ǃnâ nî mâi nî. ǁNā-amaban ge ǂguro Xristeǁîn hîna ge. Judab ǃnâ gere hâna nî ǁnâuǃās ge ge i. (Khomai re Lukab 21:20-24 sa.) Jesub ge ge mîba nî ǁae-i nî ǀkhīsa. Jerusalems nî ‘toroǃkham-aogu xa ǃnamiǂgāhesa.’ ǁNā ǁaeb ge ǀkhī o, on ge ‘ǃhommi ǃoa nî ǃkhoes’ ge ge i. ǃAsa ǁnāxu tsîn ga īo on ge ûitsamase nî hâ. Xawen ge ǁîn di xūn ǂguina nî ǁnāxus ge. Kurina ǃkharu tsîb ge ǃKhē xu ǂgō-omma nē ǀgaub ai ge ǁguiǃā. “ǁÎn ǃhanagu tsî omdi tsînan ge ge ǁnāxū. Tsîn ge xūn tsîna ǁîn di omde xu ge ǀhaoǀhao tama hâ i. ǁKhaubas tsî ǂgomǃgâsib hînan Jehovab ǃnâ ūhâb ǃaroma. În ge Jehovaba ǃoabasa ǂgurose hoa xūn ǂamai ge mâi. Nau xūn hîna ge ǂhâǂhâsase gere mûsenan tawas tsîna.”

8. Tae ǂhâǂhâsa xūna da ra ǁkhāǁkhāsen. ǂGuro Xristeǁîn hîna ge Judab ǃnâ hâ în ǀkha ge ī xūna xu?

⁸ Mâ ǃgâi ǁkhāǁkhāsa da ǂguro Xristeǁîn. Hîna ge Judab ǃnâ hâ în ǀkha ge ī xūna xu ra ǁkhāǁkhāsen? ǃKhē xu ǂgō-ommi hîna go ǀase. ǂGaihe hâ ib ge nēti ra mî: “ǃÂitsân ge ais ai nî hâ. ǃHūbaib di xūna da mati ra mû ǀgaub xa. Elob xa sâuhes, ǁîb ǃoagu da ǂhauǃnâ ǃkhais ǃaromasa ǂhâǂhâsa. Tamas ka io sada ǃhūbaisi xūna a ǂhâǂhâsa? ǀAms ga ǀgū o, o da ge ǃgomsiga nî mâǃkharu. Tsî da ge nî aiǂhomisen. Î da ǁkhā da a i hoa-e dī. Xristeǁîn hîna ge Judab ǃnâ hâ în, ge dī khami.” *

9. Mâ ǂkhâǃnâsa du apostel Paulub ge. Hebreǁîna a mā, daoǁgausa xu ra ǁkhāǁkhāsen?

⁹ Mûnanai ǁkhā î du a. Matikōse i ge ǁnā Xristeǁîna ǃgomba isa. Hoa xūna ǁnāxu tsî ǁkhāba tsoatsoasa? ǂGomsan ge ge ǂkhâ hâ i. În Jehovab ai ǂgomǃgâ. ǁÎb nî ǂhân hâ xūna mā nî ǃkhaisa. Xawe xū-i ge ge hâ i, ǁîna ge hui ǁkhā i-e. Koro kurigu ais ai Romeǁîn Jerusalemsa nî ǁnāǂams ais ai. Îb ge apostel Pauluba. Hebreǁîna ǂhâǂhâsa daoǁgausa ge mā. “Tanisensa as xūǃgunuxasib ose ī. Î du ū du hân ǀkha ǂâu; ǁîb ge mî xuige.” “Tita ge ǁnāxū tsi tide, tsî ta satsa xu ūdawasen tide.” “O da kom ǁkhoaǂgaose a mî ǁkhāo: ‘ǃKhūb ge a ti Hui-ao, o ta ǃao tide; tare-e i kha khoe-e nî dī te?’” (Heb. 13:5, 6) ǁNān hîna ge Romeǁîn nî ǁnāǂams ais ai a ǃgân. Tawa i ge kaise ge supu i. În ǀoro xūna ǁîn di ûib ǃnâ ūhâs ǀkha ǂâu. ǁÎn ge ge ǂan i Jehovab ǂhân hâ xūna nî mā nî ǃkhaisa. Paulub di mîdi tsîn ge sida ǂgomǃgâsiba ra mā. Jehovab ǂhâda hâ xūna nî kōǃgâ ǃkhaisa.

10. Pauluba tae-e ge “ǂan” i, sida ǀkhab ra ǀgoragu-e?

¹⁰ Paulub ge ǁkhā daoǁgausa Timoteuba  ge mā. Tsîs ge ǁnāsa sida ǃoas tsîna hâ. ǁîb ge ge xoa: “Xawe ǂûn tsî saran tsîna da ga ūhâo, a da ǁîn ǀkha ǂâu.” (1Tim. 6:8) Nēsa ra ǂâibasen î da tā ǁkhoaxa ǂû-e ǂû. Tsî tā ǃamku omsa ūhâ. Tamas ka io ǁaeba xu ǁaeb ǀkha ǀasa sarana ǁamabasen? Paulub ge ǁnā-e ge ǂâibasen tama hâ i. Paulub ge ra mî, î da ū da hâ xū-i hoa-i ǀkha ǂâu. (Fil. 4:12) Paulub ge ǁnāsa ge “ǂan” i. Elob ǀkha da ūhâ ǀhōsagusis ge a ǀō-aisa. Xawe sida ūhâ xūn ose.—Hab. 3:17, 18.

11. Tae-e da Moseb ge Israelǁaesa mîba xū-e xū. ǂKhî ǂâixasib xa ra ǁkhāǁkhāsen?

¹¹ ǃKharagagusib ge hâ. Sida mati xūna ra mû ǀgaub. Tsî Jehovab ra xūna mû ǀgaub ǁaegu. ǂHâ da hâ xūn tawa i ga ǀkhī o. Kō re, tae-eb ge Moseba Israelǁaesa a mîbasa. 40 Kurinan ge ǃgaroǃhūb ǃnâ hâ is khaoǃgâ: “ǃKhūb sadu Elob ge. Sadu di ǃommi di sîsenni hoab ǃnâ ǀkhae du xui-ao. ǁÎb ge nē kaise kai ǃgaroǃhūb di ǃgûǃganus âdo a ǂan. Nē hakadisi [40] kurigab ge ǃKhūb. Sadu Eloba sadu ǀkha ge hâ i. Xū-i xare-e du ge ge tôasi tama hâ i.” (Deu. 2:7) ǁNā 40 kurin di ǁaeb ǃnâb ge Jehovaba Israelǁaesa mana-e gere ǂûmā. Saran hînan ge Egipteba xu a. ǂOa-ūn ge ǀoro tama ge hâ i. Tsî ge doaǃā tama ge hâ i. (Deu. 8:3, 4) Xawe ǀnîn ge nē xūn ǀkha ge ǂâu tama hâ i. Tsîb ge Moseba Israelǁaesa ge mîba. ǂHân hâ xūnan ūhâsa. Jehovab ge nî ǂkhî ū da hâ. ǂKhariro-i ǀkhā da ga ǂkhî o. Tsî da ga ǀkhaeb ase ǁnā xūna mû o. O da ǁÎba nî gangan.

12. Tae-e ra ǁgau Davib ge Jehovab ai gere ǂgomǃgâsa. Tsî aitsama ǂgomǃgâsen tama hâ isa?

¹² Davib ge ge ǂan i, Jehovab a ǂhauǃnâ ǃkhaisa. Tsî ǁnān hîna a ǀnam bina ra kōǃgâsa. ǁÎb ûib ǃnâb ge ǃgomsina gere hōǃâ. Xaweb ge Daviba Psalmdi 34 sa ge xoa. Tsî ǂgoms mûdi ǀkha, ‘Jehovab ǀhomǃgāb’ ‘ǁîb ǂnamipe’ ǁgoesa ge mû. (Psa. 34:7) Davib ge Jehovab di ǀhomǃgāba gere ǀgopeǀnō. Soldab hîna ǂkhaikarise ǁgoeb ǀkha. Hîna ge ǁîb khākhoena ǂkhaisaba îba. ǁÎb ge Jehovab xa gaosiba ge mîǁguibahe hâ iba. Xaweb ge Daviba ǁîb di ǁkhāsib ǀuisa ǂnoas. Tamas ka io gôaba sîsenūs dis ai ge ǂgomǃgâ tama hâ i. ǁÎb di khākhoena ǃgams ǃnâ. (1Sam. 16:13; 24:12) Davib ge Elob ai gere ǂgomǃgâ. Tsî gere ǂgom Jehovab ǀhomǃgāb. ‘ǁNān ǁîba ra ǃaoǃgâna’ ra hui ǃkhaisa. Xawe da ge nētsē ǃâubasen tama hâ. Buruxa ǀgaun ai ǁkhaubahesa. Tsî da ge ǂan ǁnān hîna. Jehovab ǃnâ ǂgomǃgâsiba ūhân. ǀAmo tsûba hōǃâ tidesa. Nēsin ga ǁō xawe.

13. Gogi tsî Magogi ga ǁnāǂam da o. O da tae-i ǃaroma hui ose nî mûsen. Xawe mâ ǂgomǃgâs di ǃaromasa da nî ūhâ? (Tsoatsoas ai hâ ai-īsiba kō re.)

¹³ Hānîǁaeb ǃnâ i ge sida ǂgomǃgâsiba nî ǃâitsâhe. Jehovab sida nî ǁkhaubas diba. Gogi tsî Magogi tsîkha, hîna ǃkharagagu. ǃHūga ǃoa ra ǁnaeǁgaugu ga. Elob di khoena ǁnāǂam o. O i ge sida di ûib, ǁkhōǁkhōsasib ǃnâ hâ khami nî mûsen. Xawe da ge ǂgomǃgâsiba nî ūhâ. Jehovab nî ǁkhauba dasa. ǁNā ǃhūgu mûǁae da ge hui o gūn. Hîna a ǁkhaubahe ǁoan khami nî mûsen. (Ese. 38:10-12) Sida ge torob ǃnâ ra ǃkham-ūhe xūna ūhâ tama. Tsî da ge ǃkhams ǂans tsîna ūhâ tama. ǁNā-amaga gu ge ǁnā ǃhūga. Sidan supuse a ǃkham dan ǁkhā, khami nî mûda. ǁÎn ge sida ǂgoms mûdi ǀkha ra mû, xūna mû tide. ǂGui ǀhomǃgāgu ge Elob khoena nî ǁkhauba. ǁNā ǃhūgu ge tātsē nēsa ǂan tide. ǁÎn ge gagasi mûǂui-e ūhâ tama hâ. Amagan ge nî buru ǀhomǃgān ga sida ǁkhauba o.—J.ǂHa. 19:11, 14, 15.

14. Taena da nēsi a dī ǁkhā. Î da hānîǁaeb ǃaroma aiǂhomisen?

¹⁴ Tae-e da nēsi a dī ǁkhā. Î da hānîǁaeb ǃaroma aiǂhomisen? ǂGurose, da ge ǃgâi mûǂuiba ǃhūbaib di xūn ǃoagu nî ūhâ. Nē xūna da ǀguitsē nî ǁnāxū ǃkhais ǃaroma. Sida tsîn ge ūda hâ xūn ǀkha nî ǂâu. Tsî ǁnās ǀkha ǂkhîba nî ūhâ. ǀHōsagusisa da Jehovab ǀkha ūhâ amaga. Nēsi da ga Eloba ǃgâise ǂan tsoatsoa o. O da ge ǂgomǃgâsiba nî ūhâ. Jehovab nî ǁkhauba dasa. Gogi tsî Magogi ga ǁnāǂam da ǁaeb ai.

15. Daviba tae-e ge ǁkhāǁkhāsen. Jehovab tātsē ǁnāxū ǃnâ bi tide ǃkhais xa?

¹⁵ Kō re, tae-i ge Daviba a huisa. Tsî sida tsîna a hui ǁkhāsa. Î da ǃgomsin ǃaroma aiǂhomisen. Davib ge ge mî: ‘Tsâtsâ, î mû ǃKhūb [‘Jehovab,’ NW] a ǃgâi ǃkhaisa. ǃGâiǃō i ge hâ ǁnā khoe-i ǁîb ai ra ǂgomǃgâ-e.’ (Psa. 34:8) ǁNā mîdi ge ra ǁgau. Davib ge Jehovab ai gere ǂgomǃgâsa. Davib ge hoaǁae, Jehovab ai gere ǂgomǃgâ. Tsî Jehovab ge tātsē ǁîba ge ǂkhabuǂâi kai tama hâ i. ǂKham, Davib ge Filisteǁîb Goliati ǀkhab nî ǃkhams ais ai. Nēti ge mîba bi: “Nētsēs ǁkhās aib ge ǃKhūba [“Jehovab,” NW] satsa ti ǃomǁae nîra māǁnâ.” (1Sam. 17:46) Egab, ge Daviba gao-aob Saula gere sîsenba. Hîna ge ǂgui ǃnāde a dītsâba îb ǁîba ǃgam. Xawe  ‘Jehovab ge’ Davib ǀkha ge hâ i. (1Sam. 18:12) Davib ge ǃkharu ge ǁaeb ǃnâ Jehovab di huiba hōǃâ amaga. Îb ge Daviba ǂgomǃgâsiba ge ūhâ i. Jehovab nî nē ǃgomsib ǃnâ nî hui bi ǃkhaisa.

16. Mâ ǀgaugu ǃnâ da a ‘tsâtsâ’ ǁkhā Jehovab di ǃgâisiba?

¹⁶ Mā-am da ga o, îb Jehovaba nēsi daoǁgau da. O da ge ǂgomǃgâsiba nî ūhâ. ǁÎb hānîǁaeb ǃnâs tsîna nî hui da ǃkhaisa. ǂGomsa da ge nî ūhâ tsî māsenxasib tsîna. Î da Jehovab ai ǂgomǃgâ. Tsî sida ǀhonkhoen tawa ǁaeroba ǂganǁnāsen. Tsî ǂharis ǀhaode hâǃnâ ǁkhā. Tamas ka io ǀkharib kai ǀhaode hâǃnâ ǁkhā. Tamas ka io ǀkharaǀkharana sida sîsen ǀgaub ǃaroma ǂgan. Î da hoa ǀhaode hâǃnâ ǁkhā. Tsî ǁnās ǀkhas tsîna ǃnāsase aoǁnâ sîsen-i ǃnâ dī. ǀNîsib ga sida ǀhonkhoeba. Sida ǂgansa ūǃoa tama io. Tsî da ga sîsen-e ǂoaǃnâ o. O da ge ǁnā ǁaeb ai ǂgomsa nî ūhâ. Jehovab tātsē ǁnāxū da tidesa. Tsîb nî hoaǁae ǂhâda hâ xūn hoana nî māda ǃkhaisa. (Heb. 13:5) ǂGuin hîna Jehovaba ǀoasase ra ǃoaban ge ǂande a ǀgoragu ǁkhā. Matib ge Jehovaba, ǁîn ǀgaisase. ǂHâbi hâ, hîna a hui nî ǀgauba. Jehovab ge a ǂgomǂgomsa.

17. Mâsa a 2022ǁî kurib di dana xoa. Tsî tae-i ǃaromas nēsa a ǃgâi?

¹⁷ Jehovaba da ga sida ǀkhab ai ūhâ o. O i ge ǃaroma-e a ǀkhai. Hānîǁaeb ǃnâ nî ī xūna da nî ǃaosa. Jehovab ge hoaǁae nî huida. ǁÎb di Gaosiba da ga ǂgurose. Sida di ûib ǃnâ mâi o. Hānîǁaeb ǃnâ nî ī ǃgomsin xa da ge nēsi a aiǂhomisen ǁkhā. Tsî nî ǂgom Jehovab tātsē ǁnāxū da tidesa. ǁNā-amagas ge ǂGaeǂguira sorosa Psalmdi 34:10 sa. Kurib di dana xoas ase 2022ǁî kurib ǃgao ge ǁhûi: ‘Jehovaba ra ôan ge ǀgui ǃgâi xū-i xare-i ǃnâ ǃnubusi-e ūhâ tide.’