Rehabeammi ge ge Salomob ǀgôa i tsîb ge ǁîba 40 kuriga gere ǂgaeǂgui. (1Gao. 11:42) Salomob ge 997ǁî kuri ge ǁō. Tsîb ge Rehabeamma Jerusalems ǃoa ī tsî ǁnās khaoǃgâ Sexems tawa sī gao-aob ase ge ǁgaumâihe. (2Kro. 10:1) Rehabeamma ǀnîsi gere ǂâiǂhânsen nē ǁgaumâis xa, ǁîb dadab ge gā-aisiba ūhâ khoeb ase ǂan-e î amaga? Rehabeammi ǃgomsiga ra sîsenǂam ǀgauba mati ǀgūǁae nî ǃâitsâhese ge ī-i?

Rehabeammi ge ǀnîsi nēs xa kaise ge ǃgâibahe tama hâ i. ǁAeb tsîn ī tama hâ hînan ge khoena hā tsî ǁîba ǁîn ǃgomsib xa ge mîba, nēti ra mîse: “Sa îb ge ǃnaoba ge ǃgomǃgomba da; xawe satsa ǁnâi sa îb di ǃgom ǃoabas tsî ǁîb di ǃgom ǃnaob, sidab ge ǁgui-aiba supusupuba da, o da ge nî ǃoaba tsi.”​—2Kro. 10:3, 4.

Rehabeammi ge ǀnîsi ǃkhōsis ǃnâ hâ khoe-i khami gere tsâ. ǁÎb ga khoen sîsen-e supusupu hâ o, o i ge ǀnîsi ǁîn ǃkhūsiba ga khao oa hâ. Tsî khoena ǁnātikōse ǂgui sîsenni ǀkha ga ǁgui-ai tama hâ. Tsîb ga ǁîba khoen ǂgansa ūǃoa tama ga ra io, on ge ǁîba ga mâǃoa hâ. Nēs xab ǁîba tae-e nî dī? ǁÎb ge aibe Salomob ge hoaǁae gere ǀape ôa ai kaigu ǀkha nî ǃhoa. Xaweb ge Rehabeamma nēsa ge dī tama ī tsî ǂkhamkhoegu tawa sī ge ǀape ôa. Rehabeammi ge ǁîgu ǀapemāsa ge ūǃoa tsî khoena ǁgaise ge hâ ū tsoatsoa. Tsî ge mî: “Ti îb ge sadu di ǃnaoba ge ǃgomǃgom, xawe ta ge tita ǁnās ǃgâ-ai nî dīǀaro. Ti îb ge sado ǃnabagu ǀkha gere ǀham, xawe ta ge tita ǀhūn ǀkha nîra ǂnau du.”​—2Kro. 10:6-14.

Nēsa xu da tae-e a ǁkhāǁkhāsen ǁkhā? Gagasise a |gaisa kai khoena !gâs ge gā-aisiba ra mā. Tsîn ǁîna !gâi ǂansa ūhâ amagan ge khoe-i mîǁguigu tae-i |amǂoasa nî ūhâsa a mû!ā ǁkhā.​—Job. 12:12.

Rehabeammi ge ǁîb di toro !kham-aoga ge |hao|hao. Xaweb ge Jehovaba ǁîb di kēbo-aob  Semajab !nâu ge mî: “Sadu ge ǃapa tsî sadu di ǃgâsan, Israeli ôana ǃkhamū tide; mâ-i hoa-e a-i ǁkhawa ǁaru ǁî-i di ommi ǃoa, nē ǃkhais ge titaxu go īs xuige.”​—1Gao. 12:21-24. *

!Kham-i tsîn hâ tidese. Nēs ge Rehabeamma kaise gere ǂhani. Khoena mati gao-aob hîna ǁîb khoena ‘ǃnabagu ǀkha ǂnaus’ |kha !ao!ao tsî ǁîb mîsa xu a ǂgae-oasenni xa nî ǂâi? (|Gope|nōre 2 Kroniks 13:7.) Xawe gao-aob tsî ǁîb di toro !kham-aogu “tsîn ge ǃKhūb di mîsa ǁnâu tsî ǁkhawa ge ǁaru, ǃKhūb di mîs ain ǃapa tidega.”

Nēsa xu da tae-e a ǁkhāǁkhāsen ǁkhā? Eloba da ge nî ǁnâu|nam, ǁîsa dis ga taotaoda xawe. Eloba da ga ǁnâu|nam o, o da ge ǁîb |khaeba nî hō.​—Deu. 28:2.

Nēsa Rehabeamma tae-e ge ǂâibasenba? ǁÎb ge |asa !haosa !kham-u tama i tsî Judab tsî Benjamini di |harib !nâ !ārode ge om tsoatsoa ǂgaeǂguib gere tawa. ǁÎb ge “ǁîde kaise ge ǀgaiǀgai.”(2Kro. 11:5-12) Rehabeammi ge ǁaerob |gaiba Jehovab di ǁgaraga ge ǁnâu|nam. Jeroboammi xa ra ǂgaeǂguihe gaosib Israeli !nâb ge ǁgôatsuiǁgoaǃoabas !nâ a ǁnā o, on ge !nāsa khoena Jerusalemsa !oa ge ī în ‘Rehabeamma sĪ ǂkhâǃnâ’ Jehovaba !oabas ǃnâ. (2Kro. 11:16, 17) Rehabeammi di ǁnâu|namxasib ge ǁîb ǂgaeǂguisa ge |gai|gai.

ǁÎb di gaosib ge māǁapo ǁaeb !nâb ge Rehabeamma ǂgomhe ǁoasa xū-e ge dī. ǁÎb ge Jehovab di ǁgaraga ǁnāxu tsî |khara eloga gere !oaba. Tae-i !aroma? Nēnab ge mamasas hîna a Amonǁîs di ǂgaeǂguis !nāga gere dī? (1Gao. 14:21) Mâ-i |gui-i ga !aroma xawes ge !haosa ǁîba gere sao. ǁNā-amagab ge Jehovaba ge mā-am îb Egipteb di gao-aob Sisaka Judeaǃhūb di !āde !khōsis !nâ ū, matikoseb ge Rehabeamma gere ǁaposa kaidi xawe.​—1Gao. 14:22-24; 2Kro. 12:1-4.

Xūn ge ge tsū ǂnû Sisaki ge Rehabeammi ra ǂgaeǂgui !ās Jerusalems tawa a sī o. ǁNā ǁaeb !nâb ge kēbo-aob Semajaba haisi-amsa Rehabeammi tsî ǁîb di gaogu !oa ge sī-u, mî rasa: “Sadu ge tita ge ǁnāxū xui-ao ta ge tita ona sado nî māǁnā Sisaki di ǃomǁae.” Nē ǂgō|aus di haisi-amsa !oab ge Rehabeamma mati !eream? Nēs ge kaise koahesa ge anu hâ i! Elobmîs ge ra mî: “ǃNubai gu ge Israeli di kaigu tsî gao-aob tsîga ǃgamǃgamsen tsî: ‘ǃKhūb [Jehovab, NW] ge a ǂhanu-ai ti ge mî.’” Tsîb ge Jehovaba Rehabeammi tsî Jerusalems tsîna ge sâu.​—2Kro. 12:5-7, 12.

Rehabeammi ge ǁnās khao!gâ noxoba ge ai!gû ǂgaeǂguis |kha. Tsîb ge ǁîb ǁōb ai!gâ ǁîb |gôagu ǁaegu xūna ge |gora, nēsab ge khoe-i hîna ǁîb |gôab Abiasa nî mâ!oa-i xū-e dī hō tide ga ge dī. (2Kro. 11:21-23) Nēs !nâ-ūb ge Rehabeamma ge ǁgau ǁîb ge |naib ge ūhâ i ga-āisiba a sîsen-ūsa.

Nēn hoan ge hâ xaweb ge Rehabeamma Elob di mā-amsa ge ǂoa!nâ. |Ams ais ge Elobmîsa ǁîb ǂgaeǂguis xa ra mî: “Tsîb ge ǁîba ǂkhabana gere dī.” Tae-i !aroma? “ǂGaob âbab ge ǃKhūbab nî ôase dī-unu tama i xui-ao.”​—2Kro. 12:14.

Nēs ge ham-e a tsâǀkhās xa ǂâi re: Rehabeammi ge Eloba |nî !nâde gere ǁnâu|nam. ǁÎb ge !gâi xūna Jehovab di ǁaes !aroma gere dī. Tsîb ge ǁîba Jehovab |kha !gâi |hōsagusisa ge omkhâi tama hâ î. ǁNā |gausib ge tsū xūna ge dī tsoatsoa tsî ǁgôatsuiǁgoa eloga ge !oaba tsoatsoa. |Nîsi du ge ra dîsen: ‘Rehabeammi ge ǂgo|ausa a ǁnâu|nam o, ob ge khoen ǂgaeǂguis !nāga gere dī tamas ka i ob ge ǂgaoba xu ǁnāsa gere dī?’ (2Kro. 11: 3, 4; 12:6) |Unis aib ge tsū xūna ǁkhawa ge dī tsoatsoa. ǁÎb ge ǁîb di kai ǁgûb, gao-oab Daviba xu kaise ge |khara i. Davib  gere tsūdi xaweb ge ǁîba Jehovaba kaise ge |nam i. Tsîb ge ǁîba amabes !nâ ge !khausenxa i.​—1Gao. 14:8; Psa. 51: 1, 17; 63:1.

Rehabeamma xu da ge a ǁkhāǁkhāsen ǁkhā. Kaise i ge a !gâi mûsa matin omaris ǁanîna ra sîsen |haosa. Jehovab xa da ga ra !khō!oa-e ǂgao o, o da ge ǁîba |ûs ose nî !oaba.

Nēsa da ge dī ǁkhā !gam |nama da ga Jehovaba ga ra ūhâba o. |Aes ǁō tide ga da |aena ra ǂgā khami da ge Eloba da ūbahâ |nama, ǁîb di Mîsa khomais, khomai da ra xūn xa ǂâi!gâs tsî |ûs ose |gores !nâ-ū nî ûiûi. (Psa. 1:2; Rom. 12:12) Jehovaba da ūbahâ |nami ge nî ǂgaeda ǁîba hoaǁae ǂkhîǂkhîs |kha. Tsî nî hui da îda amabes !nâ !khausenxa. |Ûs ose da ge Jehovaba nî !oaba tsî tā Rehabeammi khami ǁîsa dīsa nî ǁnā!gâ.​—Jud. 20, 21.