1. Tae-en Xristeǁî ǁgûna ra mûǂan ǂgao ǁîn ǀgôan nî ǁāǁnâhes aiǃâ?

“ǁAEBA xu ǁaeb ǀkha ta ge ti ǁgûra ge mîba ǁāǁnâhe ǂgao ta rasa. ǁÎra ge tita ǀkha nēs xa gere ǃhoa. ǁÎra ge gere ǂhâba î ta nē mîǁguiba ǁnâuǃā. Desemberi 31, 1934ǁî kuri i ge ǁnā tsēsa ge hā, kaise ge ǀō-aisa i tsēs ge ti ûib ǃnâ.” Blossom Brandts ge ǁāǁnâhes nî ǁaeb ǃnâ gere ī ǃnaeǃkhaidi xa ra ǃhoa. Nētsēs tsînan ge Xristeǁî ǁgûna ǁnā aiǂhanuba ūhâ ǀgôana huisa în ǃgâi mîǁguiga dī. ǁĀǁnâsa mâiǂuis ge gagasi ǃgomsiga a ǃaroma ǁkhā. (Jak. 4:17) Xawen ge ǁgûna ǀgôan nî ǁāǁnâhes aiǃâ ra ǂan ǂgao nē ǀgôan a ǂhanusa nē ǃereamsa ūǃoasa.

2. (a) ǃNarimara mûǂam-aoga tae-e ge mî? (b) Tae-e da nē ǁkhāǁkhāǃâs ǃnâ nî ǃhoaǃgao?

² ǃNarimara mûǂam-aogu ge ra mî, ǁîgu ge ǂkham ǀgôan hîna ǁîn 20 kurigu ǃnâ hâna ra mû hîna amaba ǃnâ  kai hâna. Xawen ge amaba ūbasen tsî ǁāǁnâ kaisen tama hâ. Nē ǀgôan ge ǀhaohâb ǀhaode hâǃnâ tsî aoǁnâ sîsenni ǃnâs tsîna ra ǁhao. ǁÎn ge Jehovab di ǀHûǀguitimî-aon di ǀgui-i ase ra mâi-aiǃâsen. Xawen ge nēn hoan ǂam-ai Jehovab ǃoa māǁnâsen tsî ǁāǁnâ kaisen tama hâ. Nēsa tae-i xa a ǃaromahe ǁkhā? ǀNî ǁaeb ai i ge ǁgûna ǀgôan ǁāǁnâ kaisensa ra mâiǂui. Nē ǁkhāǁkhāǃâs ǃnâ da ge 4 ǃaromadi hînan ǁgûna ǀgôan ǁāǁnâ kaisensa ra mâiǂuisa nî ǃhoaǃgao.

3. Blossoms ǁgûra tae-e gere ǂhâba?

³ Blossoms ǁgûra hîna ǂguro xoaǀgoras ǃnâ ra mî-e ra ge, ǁîra ǀgôas ǁāǁnâs ǂhâǂhâsasiba nî ǁnâuǃā ǃkhaisa gere ǂhâba. ǁGû-e mati a ǂan ǀgôa-i a ǂhanusa mâǁnâsens ǃaroma?

4. Mateub 28:19, 20 ǃnâ hâ mîde mati ǁgûna a hui ǁkhā în ǀgôana ǁkhāǁkhā?

⁴ Khomai re Mateub 28:19, 20. ǂOa goro ǁkhāǁkhāǃâs ǃnâ i go mîhe khamis ge Elobmîsa mî tama hâ khoe-i matikō kurixa i ga ra o ǀgui nî ǁāǁnâhesa. ǁNās xa ǃaromahe hâsen ge ǁgûna ǃgâise nî ǂâiǃgâ ǁkhāǁkhāsabe dīs tae-e ra ǂâibasensa. Grikegowab mîs hîna Mateub 28:19, 20 ǃnâ “ǁkhāǁkhāsabedī” di hâs ge ǂâibasens ǀkha ǁkhāǁkhā di ra ǂâibasen. ǁKhāǁkhāsabe i ge Jesub di ǁkhāǁkhāsa ǁnâuǃā tsî ǁî-i ûib ǃnâ nî ûiǂui. Xristeǁî ǁgûn ǁgui-ais ge ǁîn ǀgôanan ge ǃnaesa xu amaba nî ǁkhāǁkhā. Nēs ǀkhan ge ǀgôana nî hui în Xristub di ǁāǁnâsa ǁkhāǁkhāsabe kai. ǂAn da as ge babakiron ǁāǁnâhe tidesa. Xawes ge Elobmîsa ra mî, ǂkham ǀgôaron tsîn Elobmîs amaba a ǁnâuǃā ǁkhāsa.

5, 6. (a) Elobmîs Timoteub xa ra mî xūna tae-e ǁîb ǁāǁnâs xa ra ǂâi kai da? (b) ǁGûna mati ǁîn ǀgôana ǁnâuǃāxa ǀgaub ǃnâ a hui ǁkhā?

⁵ Timoteub ge ǀgôarob a hîna amaba ge ūbasen tsî ge ûiǂui ǁîb ûib ǃnâ. Apostel Paulub ge ge mî Timoteub ge ǂkhamsisa xu amaba gere ǁkhāǁkhāhe. Timoteub di ǁgûb ge ǀnî hâ ǂgoms ǃnâ hâ i xaweb ge ǁîb di ǁgûs tsî kai ǁgûs tsîn xa amaba Elobmîsa xu ge ǁkhāǁkhāhe. Nēs ge ge ǃaroma îb ǀgaisa ǂgomsa omkhâi. (2Tim. 1:5; 3:14, 15) ǁÎb ge 20 kurigu ǃnâ hâ i ǁaeb aib ge Timoteuba ge ǁkhāǁkhāsabe kai tsîb ge ǀō-aisa aiǂhanuba ǀhaohâb ǃnâ ge ūhâ i.​—ǃNǃkh. 16:1-3.

⁶ Mâ ǀgôa-i hoa-i ge ǁî-i ǀgauga ūhâ. Hoan ge ǀgui ǁaeb ǃnâ ǁnâuǃāb ǃnâ kai tama hâ. ǀNîn ge ǁnâuǃāxa tsî kai khoe-i khami ra ǂâi tsî ra tura ǁāǁnâhesa. Tsî naun ge ǁāǁnâs ǃaroma ǂhanu tama hâ tsî kain nî tsēs kōse ra ǃâu. ǁNās ǂam-ain ge ǁgûna ǀgôana ǁāǁnâhes ǃgao ǁgari tide. Xawen ge nî dītsâ ǀgôana huisa în gagasise aiǃgû. ǁGûn ge hoaǁae ra ǃgâiaǂgao ǁîn ǀgôan ga ǂKhoamîdi 27:11. (Khomai re.) ǃnâ xoasa mîde ǂgaob ǀkha ga ra ū o. ǁÎn ge tātsēs tsîna ǁîn ǀgôanan ra huiba ǃaromasa tā nî ǀuru—ǁnās ge ǁîna huisa în ǁkhāǁkhāsabe kai. ǁNāsa ǂâis ǃnâ ūhâsen ge ǁgûna a dîsen ǁkhā, ‘ti ǀgôa-e ǂansa ū i hâ Elob ǃoa māǁnâsen tsî ǁāǁnâ kaisens disa?’

7. Khoe-e matikō ǂansa nî ūhâ ǁāǁnâhes ǃaroma? ǁGuiǃā re.

⁷ Omaris ǁgauǃnâ-ao-i ase i ge ǁgû-e ǂgaoǀkhā-e hâ î-i ǀgôa-e ǃgâi ǃgaoǃgaob amab dība ǁkhāǁkhā î-i māǁnâsen ǁkhā. Khoe-i ge ǀō-aisa ǂansa ǂhâ tama hâ Elob ai î nî māǁnâsens aiǃâ. ǁĀǁnâs khaoǃgâ i ge ǁāǁnâhe go khoe-e noxoba ǂansa ūǂgā tsî gagasise nî kai. (Khomai re Koloseǁîn 1:9, 10.) Matikō ǂansa ǂhâbasa?

8, 9. Tae-e da Paulub tsî ǃkhō-oms kōǃgâ-aob aiǁgausa xu a ǁkhāǁkhāsen ǁkhā?

⁸ ǂGurokhamǁaeb omaris aiǁgaus ge ǁgûna a hui ǁkhā. (ǃNǃkh. 16:25-33) Paulub ge 50ǁî kuri Jesub khaoǃgâ sîsabese Filipiǁîna ge sari. ǁNā ǃās ǃnâ kha hâ hîna kha ge Paulub tsî Silab tsîna ǃkhō-oms ǃnâ ge ǂgāhe. ǃUia i ge ǃhūǂgubiba ge hā tsî i ge ǃkhō-oms di dao-amde ge ǁkhowamsen. Ob ge ǃkhō-oms kōǃgâ-aoba ge ǂâi Paulu hakha go ǃkhō-omsa xu a ǃkhoebē di. Tsîb ge gere ǃkhamsen ǂgao hînab ge Pauluba ge hui bi. Nēs xa ǃaromahe hâseb ge Paulub tsî Silab hakha nē aob tsî ǁîb omaris tsîna ge aoǁnâba. ǁÎn ge Jesub xan gere ǁkhāǁkhāsen amaba ge ǃgôaǃgâ. Tsî nēsa tae-e ge dī kai nî? ǁÎn ge mâiǂui tamase ge ǁāǁnâ kaisen. Nēsa xu da tae-e ra ǁkhāǁkhāsen?

⁹ Mîhe ras ǃoagub ge nē ǃkhō-oms khōǃgâ-aoba ge sîsen ǀû hâ i, toroǃkham-aob ase. ǁÎb ge xoade ǁnātikōse ge ǂan tama hâ i. Xoadi ǃgaoǃgaoba ǃgâise ǁnâuǃās ǃaromab ge ǁîba aibe hoaǃnâ-aixa amaba nî ǂan. Tsî Elob tae-e ǁîb ǃoaba-aona xu ra ǂgaoǀkhāsa nî ǁnâuǃā tsî Jesub di ǁkhāǁkhāde nî ǁnâuǀnam. ǁNās ǀkhab ge ǁîba ǁkhāǁkhāsen nî ge xūn xa ge ǂgaehe îb ǁāǁnâ kaisen. Xaweb ge noxoba ǁāǁnâs khaoǃga ge aiǃgû tsî ǁîb di ǂansa ge ǂguiǂgui. Nē aiǁgausa ǂâis ǃnâ ūhâse, tae-e du a dī ǁkhā sadu ǀgôa-i ga Elobmîs ǁkhāǁkhādi, māǁnâsens tsî ǁāǁnâs di ǂâibasens tsîna ǃgôaǃgâsiba a ǁgau o? ǁGû-i ase du ge ǀgôa-e a mîba ǁkhā î-i ǀhaohâb ǃûi-aoga sî dî, ǁî-i a ǂhanusa ǁāǁnâhes ǃaroma. * ǁÎ-i ge ǀnai ǁāǁnâsa ǁkhāǁkhāsabe i khami, a aiǃgû ǁkhā Elobmîs ǂansa ǂguiǂguis ǀkha ǀamosib kōse.​—Rom. 11:33, 34.

10, 11. (a) ǀNî ǁgûna tae-e ǁîn ǀgôana ra ǂkhâǃnâ? (b) ǁGû-e tae-e ǂgurose ǂhâǂhâsase nî mâi?

¹⁰ ǀNî ǁgûn ge ra mî, în ǀgôana ǁāǁnâsa mâiǂui tsî aibe ǀgapi ǁkhāǁkhāsa ūhâ. Nē ǃhoa ǀgaub ge ǀnîsi ǃgâise ra ǀnō, xawe nēsa sadu ǀgôana hui i nî în amabes ǃnâ ǃgâiǃō? Hoan ǂam-ai nēsa Elobmîs ǀkha ǀgau i ra? Jehovab mîsa mati ra daoǁgau da?​—Khomai re Aoǁnâ-aob 12:1.

¹¹ ǂÂis ǃnâ da nî ūhâs ge nē ǃhūbaib tsî ǁîb dī xūn Jehovab ǂâis ǃoagu hâsa. (Jak. 4:7, 8; 1Jhn. 2:15-17; 5:19) Sadu ǀgôa-e Jehovab ǀkha  ǃgâi ǀhōsagusa ūhâs ge ǁî-e ǁGâuab, ǁîb ǃhūbaib tsî ǁgai ǂâi ǀgauba xu nî ǁkhauba. ǁGû-i hîna ǁî-i ǀgôa-e ra ǂkhâǃnâ-i î-i ǀgapi ǁkhāǁkhāsensa ǂgurose mâi i ge ǁî-i ǀgôa-e ǁkhōǁkhōsa mâsib ǃnâ ra mâi. ǀNamxaǃnâ i ge nî sadu ǀgôana du ga ǁnāti i mâsib ǃnâ ǂgā tama i o. Ama ǂkhîb tsî ǃgâiǃōb tsîna da ge Jehovaba da ga ǂgurose sida ûib ǃnâ ga ra mâi o, o ǀgui ra hōǃâ.​—Khomai re Psalmdi 1:2, 3.

12. Tae-i ǃaroman ǀnî ǁgûna ǀgôa-i ǁāǁnâ kaisensa ra mâiǂui?

¹² ǀNî Xristeǁî ǁgûs ge ge ǂgao tama hâ i, îs tā ǁîs ǀgôasa ǁāǁnâhe. ǁÎs ge di gere tsâba ǃaromas ge: “ǁÎs ge ge ǂgao tama hâ i khoe-i nî ǂnûiǂuihesa.” ǁNā ǃgâsas khamin ge ǀnî ǁgûna ǀnîsi ra tsâ. Î-i ǀgôa-i aibe ǁnâuǃāb ǃnâ kai ǁkhā tsî aibe ǁî-i ǁāǁnâsa mâiǂui. (Gen. 8:21; ǂKhm. 22:15) ǁÎn ge ǀnîsi ra mî, ‘ti ǀgôa-i ga ǁāǁnâhe tama io, o i ge ǂnûiǂuihe tide.’ Tae-i ǃaromas nēsa ǂhanu ǂâi ǀgau tama hâ?​—Jak. 1:22.

13. ǁĀǁnâsa mâiǂuis ǃnâ-ū i ǀgôa-e ǃereamsa tani tama hâ Jehovab aiǃâ? ǁGuiǃā re.

¹³ ǁNâuǃāxa as ge Xristeǁî ǁgû-i ǀgôa-i ǃgâise ǁnâuǃāb ǃnâ kai tama hâ hîna mā-am tidesa î-i ǁāǁnâhe. Xawen ge tā nî ǂâi ǁāǁnâhe tama ǀgôan Jehovab aiǃâ ǃeream-e ūhâ tama hâsa. Tae-i ǃaroma? ǃEreamsa Jehovab aiǃâ tanis ge ǁāǁnâs ai ǀgui ǃgaoǃgaosa tama hâ. Xawe i ge ǀgôa-e ǃereamsa ūhâ, Jehovab aiǃâ ǃgâin tsî tsūn ǁaegu i ga ra ǀgora ǁkhā o. (Khomai re Jakobub 4:17.) ǀGôana ǁāǁnâsa xu ǃkhō-oas xan ge ǁgûna nî dītsâ ǃgâi aiǁgause ǁîna ībasa. ǁÎn ge ǀgôana ǃnaesa xu Jehovab ǂgaoǀkhāde ǂgaoba xu ǀnamsa nî ǁkhāǁkhā. (Luk. 6:40) Nēs ge ǀgôana nî ǂkhâǃnâ în Jehovab di ǂgaoǀkhāde ǀgapise ūhâ ǁîn ûib ǃnâ.​—Jes. 35:8.

14. ǀHaohâb ǃûi-aoga mati ǁgûna a hui ǁkhā î-i ǀgôa-e ǁāǁnâs kōse aiǃgû ǁkhā?

¹⁴ ǀHaohâb ǃûi-aogu ge ǁgûn ǀkha ǀgôa-i a dī ǁkhā ǃgâi gagasi mîǁguigu xa a ǃhoa ǁkhā. ǀNî ǃgâsas hîna 70 kurigu xa ǃnāsase aimaba-aose ra sîsens ge ǃgâsab Charles T.Russelli ǀkhas ge 6 kurixas ge i o, o ūhâ i ǁgamǀhaos xa ra ǂâi hō. ǁÎs ge ra mî, “ǁîb ge 15 haigu ǃnâ ge mîba te mâ gagasi mîǁguiga ta a dī ǁkhāsa.” ǃGâi mîdi tsî ǂkhâǃnâdi ge gaxu ǁaeba a tsâǀkha tsi ǁkhā. (ǂKhm. 25:11) ǀHaohâb ǃûi-aogu ge ǁgûn tsî ǀgôan tsîna ǀhû-ommi om sîsengu ǃnâ a ǁhao kai ǁkhā.

15. Mâ ǀgaugu ǃnân ǀhaohâb ǁanina ǂkham ǀgôana a hui ǁkhā?

¹⁵ ǀHaohâb ǁanin tsîn ge ǂkham ǀgôana hui ǁkhā. Nēs ge ǁîn gagasi aiǃgûsa mûǂansa ǃkhōǂgā hâ. Nē ǀgôa-e ǃgâi ǃereamsa ǀhaos tawa ra mā? Nē ǀgôa-e skoli tawa i ga ǁî-i ǂgomsa ǃâihe o, o nē ǃēsa ū tsî amab xa ra ǃhoa? Nē ǀgôa-e koa re, nē xūna du ga ǂan o. Mîǁgui-e dī re, ǀhaos aiǃâ tsî khaoǃgâ ǂkham ǀgôa-i ǀkha ǃhoasa. Nēs ǃnâ du ge nî ǁgau ǁî-i ǃnâ du ǃgâiǃgâibasensa ūhâsa. Nēs ǃnâ-ūn ge ǀgôana nî tsâ “kai ǀhaohâb” ǁanin asa.​—Psa. 35:18.

16, 17. (a) ǁĀǁnâsa mati khoe-i ǃâubasensa ra ǀgaiǀgai? (b) ǁGûna tae-i ǂkhîba nî hō ǀgôan ga ra ǁāǁnâhe o? (Tsoatsoas ǃnâ hâ ai-īsiba mû re.)

¹⁶ ǀGôa-e Jehovab “ǂgōǀaus tsî ǁnamas” tsîn ǃnâ kaikais ge kaise a kai aiǂhanub hînan Xristeǁî ǁgûna a ūhâba. (Efe. 6:4; Psa. 127:3) Israelǁaes ge ǃkhōǂuisa ǁae-i amagan ge ǃnae ra ǀgôana ǀnai māǁnâsan ase gere mûhe. Xawe nētsē ra ǃnae ǀgôan ge Elob ai māǁnâsensase ǃnae tama hâ. Elob tsî amab tsîna ǀnams ge ǀumihe tama hâ. ǀGôa-i ra ǃnaehe tsēsa xun ge ǁgûna nî dītsâ, ǁîna ǁkhāǁkhāsabe dīsa. Tsî ǁîna nî hui în māǁnâsen tsî Jehovab di ǃoab-aon ase ǁāǁnâ kaisen. Tae-e nēs xa a ǂhâǂhâsa? Mâ khoe-i hoa-i ge aitsama māǁnâsen tsî ǁāǁnâ kaisens mîǁguiba nî dī. Tsî ǂgomǂgomsase Jehovaba nî ǃoaba nēs ǁî-i ores di ra ǂâibasen amaga.​—Mateub 24:13.

¹⁷ Blossom Brandts gere ǁāǁnâ kaisen ǂgao o, o ra ge ǁîs ǁgûra gere ǂhâba îs ǁîsa ǂhanu i nē ǃereamsa tanis ǃgao. ǁÎra ge ge mû ǁîs nēsa ra ama dī ǂgaosa, o ra ge ǁîs di mîǁguisa ge mâxōǀkhā. ǁÎs ǁāǁnâs tsēs aiǃâb ge dadasaba kai xū-e ge dī. Blossoms ge ra mî: “ǁÎb ge hoa da ge mîba î da ǃhonǁgoa tsî ǀgore. Tsîb ge Jehovaba ge mîba ǁîb a ǂkhîsa ǁîb ǀgôaros ǁÎb ǃoa-ai ra māǁnâsensa.” Blossoms ge 60 kurigu ǃkharu hâse ra mî: “ǁNā tsēs xa ta ge tātsēs tsîna ǀuru tide.” Ab ǂkhîb tsî ǃgâiaǂgaob tsîna sadu ǁgûdo ǃnâ ǀoa sadu ǀgôa-i Jehovab ai māǁnâsen tsî ra ǁāǁnâ kaisen tsî ǁÎb ǂâisa ra dī hîna.