1. Tae-i ǂkhâǃnâsab Jehovaba ra māda?

JEHOVAB ge nē ǂgomǂgomsa ǀnamma. ǂHâǂhâsa xū-i ase ra mû. (Hos. 6:6) Tsîb ge ǂhaba hâ sada tsîn. Nēsa ǂhâǂhâsa xū-i ase nî mûsa. Kēbo-aob Mixab ǃnâ-ūb ge Eloba ra ǂkhâǃnâ da. Î da ‘ǂgomǂgomsa ǀnamma ǃkhōǀgaibe.’ (Mix. 6:8) Xawe nēsa da nî dīs aiǃâ da ge nî ǂan. ǂGomǂgomsa ǀnammi a tae ǃkhaisa.

2. ǂGomǂgomsa ǀnamma a tae-e?

² ǂGomǂgomsa ǀnamma a tae? [“ǂGomǂgomsa ǀnammi” NW] di hâ mîdi ge 230 ǃnāde. New World Translation of the Holy Scriptures ǃnâ ra ǂoaxa. Tae ǃnôa ǀnamma nēba? Khoe-i ga ǂgomǂgomsa ǀnamma ūhâ o. O i ge nē ǀnamma i ūba hâ khoe-e. Kaise a ǀnam tsî ǂgomǂgomsase nē khoe-i tawa ra hâ. Nēs ge ǁaen ai Elob khoena ūba hâ ǀnammi. Tamasa ka io khoen ūba gu hâ. ǀNammi ǃaroma ra sîsenūhe. Jehovab ge a ǃgâi aiǁgau nē ǀnamma ǁgaus ǃnâ. Nē ǁkhāǁkhāǃâs ǃnâ da ge nî ǁkhāǁkhāsen. Matib Jehovaba ǂgomǂgomsa ǀnamma. Khoena ra ǁgau ǃkhaisa. Sao ra ǁkhāǁkhāǃâs ǃnâ da ge nî ǃhoaǃgao. Matin Elob ǃoaba-aona Jehovaba a ǁgae ǁkhāsa. ǂGomǂgomsa ǀnamma nau khoena ǁgaus ǃnâ.

3. Jehovaba Moseba tae-e ǁîb xa ge mîba?

³ ǃNūbu ǁaerob khaoǃgân Israelǁîna. Egipteba ǁnāxu hâs khaoǃgâb ge. Jehovaba Moseba xū-e ǁîb di ǀons. Tsî ǀgaugu xa ge mîba. ǁÎb ge ge mî: ‘ǃKhūtse, ǃKhūtse Elots ǀkhomxaǂgaoxa tsî ǀkhomxaǃnâts tamas ka io ǂgomǂgomsa ǀnammi ǃnâ, ǃnūǃnâxa tsî ǃgâidīb tsî amab tsîkha ǃnâ a kaits. ǁOreb tsîna ra ǀûbats.’ (Eks. 34:6, 7) Nē îsa mîdi ǀkhab ge Jehovaba  Moseba ǂhâǂhâsa xū-e. ǁÎb di ǂgomǂgomsa ǀnammi xa ge mîba. Nē xū-e a tae?

4-5. (a) Tae ǃnôa khoeb aseb Jehovaba ra ǁguiǃāsen? (b) Mâ dîde da nî ǃhoaǃgao?

⁴ Jehovab ge ǂgomǂgomsa ǀnammab ūhâ ti ǀgui mî tama hâ. Xawe ‘ǂgomǂgomsa ǀnammi xab ǀoa hâ’ tis tsîna ra mî. ǁNā ǁnaeǁgaus ge ǃnanis xa ǃnāsa ǃnāde Elobmîs ǃnâ ra ǂoaxa. (Num. 14:18; Neh. 9:17; Psa. 86:15; 103:8; Joe. 2:13; Jon. 4:2) Mâ ǃnâs hoasas ge nē ǁnaeǁgausa. Jehovab xa ǀgui ra ǃhoa. Khoen xas ose, buruxa tama i hâ? Jehovab ta Elobmîs ǃnâ nēti-i ǀgaub ǃnâ ǁguiǃāsen o. Nēs ǃaroma da ge a mû ǁkhā ǂgomǂgomsa ǀnammi. ǁÎb ǃaroma a ǂhâǂhâsasa. * ǁNā amagab ge Gao-aob Daviba ra mî: ‘ǃKhūtse, sa ǃgâixasib ge ǀhomgu kōse ra sī . . . Matikōseb a ǃgomǀgausa sa ǂgomǂgomsa ǀnamma ti Elotse! ǁNā-amagan ra khoen ôana sa ǁgabogu di sommi ǃnaga sâusen.’ (Psa. 36:5, 7) Elob di ǂgomǂgomsa ǀnamma Daviba i ge ǂhâǂhâsaba i khami sada tsîna a ǂhâǂhâsaba?

⁵ ǂGomǂgomsa ǀnamma ǃgâise ǁnâuǃās ǃaroma. Hā re î da ǀgam dîra ǃhoaǃgao: Hamna ǃoab Jehovaba ǂgomǂgomsa ǀnamma ra ǁgau? Jehovab ga ǂgomǂgomsa ǀnamma ǁgau da o. Os nēsa mati ra hui da?

6. Hamnab Jehovaba ǂgomǂgomsa ǀnamma ra ǁgau?

⁶ Hamna ǃoab Jehovaba ǂgomǂgomsa ǀnamma ra ǁgau? Elobmîs ge ra mî ǂgui xūna da a ǀnam ǁkhāsa. “ǃHanasîsenaogu,” “ǂauxûib tsî olib,” ‘ǁnamas,’ ‘ǂans,’ tsî “gā-aisiba” ǀoro xūna ǂgâis ǃaroma. (2Kro. 26:10; ǂKhm. 12:1; 21:17; 29:3) Xūna da ge ǂgomǂgomsa ǀnamma a ǁgau ǁoa. Khoen ǀguin ge nē ǀnamma a ǁgauhe ǁkhā. Xawe Jehovab ge ǂgomǂgomsa ǀnamma. Mâ khoe-i hoa-e ǁgau tama. ǁÎb ge nē ǀnamma. ǁNān hîna ǁîb ǀkha ǀgu ǀhōsagusisa ūhâna ra ǁgau. Sada Elob ge ǁîb ǀhōsan ǃoa-ai a ǂgomǂgomsa. ǁÎb ge ǃgâi ǂâibasensa ǁîna ūba hâ. Tsî ǀnam nî ǀû tide.

7. Jehovaba mati ǀnamma hoa khoena ge ǁgau?

⁷ Jehovab ge hoa khoena ǀnamma ge ǁgau. Jesub ge Nikodemub di ǀon hâ khoeba ge mîba: “ǁNātikōseb ge Eloba ǃhūbaiba ge ǀnam. Ob ge ǁîb di ǀguise ǃnae hâ ǀGôaba ge mā. ǁÎb ǃnâ ra ǂgomn hoan kāǁō tidese, xawen nî ǀamo ûiba ūhâse.”—Jhn. 3:1, 16; Mat. 5:44, 45.

8-9. (a) Tae-i ǃaromab Jehovaba ǂgomǂgomsa ǀnamma ǁîb di ǃoaba-aona ra ǁgau? (b) Tae-e da saorase nî ǁkhāǁkhāsen?

 ⁸ ǀNai da go ǃhoaǃgao khamib ge. Jehovaba ǁîb ǂgomǂgomsa ǀnamma. ǁÎb ǃoaba-aon hîna ǁîb ǀkha ǀgu ǀhōsagusisa ūhâna ra ǁgau. Nēsa da ge Gao-aob Davib tsî kēbo-aob Danieli. Ge mî xūna xu a mû ǁkhā. Aiǁgause, Davib ge ge mî: ‘Sa ǃgâixasib tamas ka io ǂgomǂgomsa ǀnamma satsa ǂan hân ǂama hâ kai re.’ ‘Xawe ǀkhomxaǂgaosib tamas ka io ǂgomǂgomsa ǀnammi ǃKhūb dib ge ǀamosiba xu ǀamosib kōse ra hâ ǁnān, ǁîba ra ǃaoǃgân ǂama.’ Tsî Danieli ge ge mi: ‘Jehovatse sats ǁnān satsa ǂgomǂgomsase ǀnam hâ tsî sa mîmādi âtsa ra dīna ra ǃkhōǀgaipebatsa.’ (Psa. 36:10; 103:17; Dan. 9:4) Nē mîdi ǃoagub ge Jehovaba ǁîb ǂgomǂgomsa ǀnamma. ǁÎb ǃoaba-aon ǁîba ǂan, ǃaoǃgâsib tsî ǀnamma ǁîba ūba hâna. Tsî ǁîb mîmāde ra ǁnâuǀnamna ra ǁgau. Jehovab ge ǁîb di ǂgomǂgomsa ǀnamma. ǁNān hîna ǁîba ǂhanu ǀgaub ǃnâ ra ǃoaban ǀguina ra ǁgau.

⁹ Jehovaba da nî ǃoaba tsoatsoas aiǃâ da ge. Elob da hoa khoena mā ǀnamma ra hō. (Psa. 104:14) Xawe da ge ǁîb di ǃoaba-ao da ase. ǁÎb di ǂgomǂgomsa ǀnamma ra ǃkhōǃoa. Jehovab ge ǁîb di ǃoaba-aona ra mîba: ‘ǀKhomxasib tamas ka io ǂgomǂgomsa ǀnammi ge sado xu ǂgō tide.’ (Jes. 54:10) Davib ge nēsa aitsama ge hōǃâ, ‘Jehovab ge ǁîb di ǃkhōǂuibasenhe hâna ǂgomǂgomsa ǀnammi ǃnâ nî hâ-ū.’ (Psa. 4:3) Nēsa tae-e ra dī kai da ǂgao? Psalmdi xoa-aob ge ge mî: ‘Tari-e a gā-ai? ǁÎ-e a-i nēna kōkō, în ǁnâuǃāxase ǃgaoǃgâ ǃKhūb di ǀkhomxaǂgaosigu tamas ka io ǂgomǂgmosa ǀnammi ai.’ (Psa. 107:43) Nē ǃgâi daoǁgaus ge Jehovaba xu ra hā. Nēsi da ge ǃnona ǀgauga nî ǃhoaǃgao. Jehovab mati nē ǂgomǂgomsa ǀnamma ra ǁgau ǀgausa. Tsî nēs mati ra hui dasa ǂgomǂgomsa ǀnammab ga ǁgau da o.

10. Mati i ra hui da ǂansa Jehovab ǂgomǂgomsa ǀnammi, ǀamosib kōse ra hâhâsa? (Psalmdi 31:7)

¹⁰ Elob ǂgomǂgomsa ǀnammi ge ǀamosib kōse ra hâ. Nē ǂhâǂhâsa ǃâb ǂgomǂgomsa ǀnammi dib ge. 26 ǃNāde Psalmdi 136  ǃnâ ra ǃhoaǃgaohe. Tsoatsoas ai hâ xoadi ge nēti ra khomai: ‘Koa du re Jehovaba, ǁîb a ǃgâi xuige, ǀkhomxaǂgaosib tamas ka io ǂgomǂgomsa ǀnammi âb ǀamosib kōse ra hâ xuige.’ (Psa. 136:1) 2ǁÎ xoaǀgorasa xu 26ǁî xoaǀgoradi kōse da ge sao ra mîde ra hō. ‘ǀKhomxaǂgaosib tamas ka io ǂgomǂgomsa ǀnammi âb ǀamosib kōse ra hâ xuige.’ Nē Psalmsa da ra khomai khami da ge ra ǂkhî. ǂGui ǀgaugu Jehovab ǁîb di ǂgomǂgomsa ǀnamma. ǀÛ tamase ra ǁgau ǀgausa da ra mû o. Nē ǁguiǃgâsa mîdi ‘ǀkhomxaǂgaosib tamas ka io ǂgomǂgomsa ǀnammi ǀamosib kōse ra hâ xui ge.’ Di hâ di ge ra ǁgau Elob ǁîb ǃoaba-aona ūba hâ. ǀNammi ǀkharaǀkharasen tama hâsa. Kaise i ge ra ǂkhâǃnâ da ǂansa. Jehovab ǃhaese ǁîb di ǃoaba-aona ǀnam ǀû tama hâsa. ǁÎb ga khoe-e ǀnam tsoatsoa o, ob ge nē khoe-e ǀnam ǀû tama hâ. ǃGōsase ǃgom ǁaegu ǃnâ i ga ǃkharu o. Mati da nēsa xu ǃgaiba ra hōs: ǂAnsa Jehovab sida ǀkha hâ tsî ǂkhîba ra mādasa. Tsî ǀgaiba ra māda îda sida ǃgomsin ǃnâ mâǀgai. Tsî aiǃgû ǁîba ǃoabas ǃnâ.—Khomai re Psalmdi 31:7 sa.

11. Psalmdi 86:5 ǃoagu tae-e Jehovaba ra ǂkhâǃnâ îb ǀûba?

¹¹ Jehovab di ǂgomǂgomsa ǀnammi ge ra ǂkhâǃnâ bi îb ǀûba. Jehovab ga ǃhausen hâ khoe-i. Hîna ǁî-i ǃgâi tama ǀgauga xu ra dawasen-e mû o. Ob ge ǁîb di ǂgomǂgomsa ǀnamma ra ǁgaribi nē khoe-e ǀûbasa. Psalmdi xoa-aob Davib ge Jehovab xa ge mî: “ǁÎb ge sada ǁorena ǃoa sîsenū da tama hâ. Tsî sada dīsāde ǃoa dīdawa-am da tama hâ.” (Psa. 103:8-11) Davib ge tsūsets dī hâ ǁore-i. Ams ai ra ǂhânî tsî ǃgâiǂâisa ūhâs. Tsâsiba ge ǃkharu ǃnâ tsî ǂan nēs mati ra tsâsa. Xaweb ge ge ǁkhāǁkhāsen Jehovab a ‘ǀûbaǀnamxasa.’ Tae-e Jehovaba ra ǂkhâǃnâ îb ǀûbaǀnamxa? ǃEreams ge Psalmdi 86:5 ǃnâ xoamâisa. (Khomai re.) Davib ge ǁîb ǀgores ǃnâ ge mî, Jehovab ge ǂgomǂgomsa ǀnamma. Hoan hîna ǁîb ai ǀûbaba ra ǂgana ūba hâ.

12-13. ǁGaise da ga tsâ o dī da ge ǁoren xa, tae-e nî hui da?

¹² ǁOre da ga o, oi ge a ǃgâi. ǃGâi tamase tsâsa dī da go ǁoren ǃaroma. Nēs ge nî hui da î da ǀûbaba ǂgan tsî ǀkharaǀkharasen.  Xawe ǀnî khoen ge ǃkharu ge ǁaeb ain ge dī. ǁOren xa ǃgâi tamase ra tsâ. ǁÎn ge ra ǂâi Jehovab ǁîna tātsē ǀûba tide di. ǀÛbaban ge ǂgān tsî dīn gere xūna ǀû xawe. ǁNâuǃā da ga o Jehovab di ǂgomǂgomsa ǀnamma. O da ge nēti i tsâsiga ūhâ tide.

¹³ Mati da nēsa xu ǃgaiba ra hōs: ǀOasa tama da hâ xawe da ge Jehovaba. ǃAnu ǃgâiǂâis ǀkha a ǃoaba ǁkhā. Nēs ge a īǁkhā, ‘ǀaob Jesub Xristub ǁîb Ôab. Dib ge ǁoren hoana xu a ǃanuǃanu da’ amaga. (1Jhn. 1:7) ǂAihō re Jehovab ge amabes ǃnâ ra ǀûba du ǂgao ǃhausen du ga o. Kō re matib ge Daviba ǂgomǂgomsa ǀnammi. Tsî ǀûbaǀnamxasib tsîna a ǃgaeǀhao ǀgausa. ǁÎb ge ge xoa: ‘ǀHommi ǃhūbaiba xu a ǃnūs ǁkhās xaseb ǀkhomxaǂgaosib tamas ka io ǂgomǂgomsa ǀnammi âba a kai. ǁNān, ǁîba ra ǃaoǃgân ǂama amaga; aiǂoas huriǂoasa xu a ǃnūs. ǁKhās xaseb ge sada di ǃûǂamde sada xu ra dībē.’ (Psa. 103:11, 12) Ama as ge Jehovab ge ‘ǂguiǃnâguse ra ǀûba.’—Jes. 55:7.

14. Matib ge Daviba ǁguiǃā Elob di ǂgomǂgomsa ǀnammi ra ǁkhauba da ǀgausa?

¹⁴ Elob di ǂgomǂgomsa ǀnammi ge, gagasi ǁkhaubasa ra mā da. Davib ge ǀgores ǃnâ-ū Jehovaba ge mîba: ‘Sats ge a ti sâuǃkhai; sats ge tita ǂōǂōsiba xu nî sâu. Sats ge dâxasib ores dib ǀkha nî ǃnamiǂgā te. . . . Xawe ǃKhūb ai ra mûmâinǃgâ-i. ǁNā-i ge ǃgâixasib tamas ka io ǂgomǂgomsa ǀnammi ǀkha ra ǃnamiǂgāhe.’ (Psa. 32:7, 10) Elobmîs ǁaeb khoen ge ǃās mirgu xa ǁîn mâǃoa-aona xu gere ǁkhaubahe. ǁKhās khamib ge Jehovab ǂgomǂgomsa ǀnamma ra ǁkhauba da. Îs ǁîb ǀkha da ūhâ ǀhōsagusisa tā ǂkhabuǂkhabuhe. Jehovab di ǂgomǂgomsa ǀnammi ge ra ǂkhâǃnâ bi. Îb sida ǁîba ǃoa ǂgae.—Jer. 31:3.

15. Jehovab di ǂgomǂgomsa ǀnamma mati sâuǃkhai-i khami ī?

¹⁵ Davib ge ǀnî hâ ǀgōpeǀnōsa ge sîsenū. Îb ǁgau matib Eloba ǁîb khoena ra ǁkhauba ǀgausa. ǁÎb ge ge xoa: ‘Elob ge a ti ǁaposa hâǃkhai tsî ti ǂgomǂgomsa ǀnam. ǀKhomxaǃnâ Elo xui-ao.’ Davib ge noxoba Jehovab xa ge mî: ‘Ti ǀkhomxaǂgaob tsî ǂgomǂgomsa ǀnammi ti ǁaposa hâǃkhaib. Ti ǀgapi hâǃkhaib tsî ti ore-aose ība teb. Ti khōsikhōb, ǁîb ai ta ra ǂgomaiǂnûib.’ (Psa. 59:17; 144:2) Tae-i ǃaromab ge Daviba Jehovab di ǂgomǂgomsa ǀnamma. Sâuǃkhaib tsî ǁaposa hâ ǃkhaib ǀkha ǀgōpeǀnōpa? Mapa ǀguin ga Jehovab ǃoaba-aona ǃhūbaib ai hâ. Xaweb ge ǁîna ǂhân hâ ǁkhaubasa nî mā. În ǁîb ǀkhan ūhâ ǀhōsagusisa ǁkhauba. ǁKhā mîmâis ge Psalmdi 91 ǃnâ ra hō-e. Psalmdi xoa-aob ge ra mî: ‘Tita ge Jehovaba ǃoa ra mî: Sadu ge a ti ǁhaiǁhâ, ti ǁaposa hâǃkhai.’ (Psa. 91:1-3, 9, 14) Moseb ge ǁkhā ǀgōpeǀnōra mîsa ge sîsenū sâuǃkhaib di hâsa. (Psa. 90:1) ǁŌb nîs aiǃâb ge Moseba ǀnî hâ ǂkhâǃnâ ra ǀgōpeǀnōsa ge sîsenū. ǁÎb ge ge xoa: ‘Ab ǀamo Eloba satsa hâǃkhaise ība tsî ǃnagaba xu ǀamo ǁôase.’ (Deu. 33:27) ‘ǁÎb ǀamo ǁôab ge sadu ǃnaga hâ.’ Di hâ mîde tae-e Jehovab xa ra mîba da?

16. Mâ ǀgam ǀgaukha ǃnâb Jehovaba ra hui da? (Psalmdi 136:23)

¹⁶ ǂGom da ga o Jehovab sida ra ǁkhaubasa. Os ge nēsa nî ǂkhâǃnâ da. Xawe ǀnî ǁaegu ai da ge ǂkhabuǂâi ǁkhā, tsî nēti tsâ ǀû tide. ǁNāti-i ǁaegu ǃnâb Jehovaba tae-e nî dība da? (Khomai re Psalmdi 136:23 sa.) ǁÎb ge ǁîb di ǁôaga sada ǃnāka nî ǂgā tsî tsaurase nî ūkhâi da. Tsî nî hui da î da ǂkhabuǂâi ǀû. (Psa. 28:9; 94:18) Mati da nēsa xu ǃgaiba ra hōs: ǂAn da ge a hoaǁae da ge Elob ai nî ǂgomaiǂnûi. Nēs ge ǀgam ǀgaukha ǃnâ nî hui da. ǂGurose, mapa ǀgui  da ga hâ xawe da ge nî ǂanǃgâ. Jehovab nî ǁkhauba dasa. ǀGamǁîse, sada ǀhommsi ǁGûb ge ra tsâba da.

17. Elob di ǂgomǂgomsa ǀnamma tae ǂgomǃgâsiba ra māda? (Psalmdi 33:18-22)

¹⁷ ǁKhāǁkhāsen da go khami da ge a ǂgomǃgâ ǁkhā. ǃGomsina da ga ūhâ ob nî Jehovaba hui dasa. Î da ǁîb ǀkha da ūhâ ǀhōsagusisa ūhâ ǀgara. (2Kor. 4:7-9) Kēbo-aob Jeremiab ge ge mî: ‘ǀKhomxasigu tamas ka io ǂgomǂgomsa ǀnammi ǃKhūb digu ǀguigu xas ge. Hîǀhuruhe tama da hâsa. ǀKhomxaǂgaosigu âb toa tama amaga.’ (ǃG.am. 3:22) ǂGomǃgâ ǁkhā da ge a Jehovab ǁîb di. ǂGomǂgomsa ǀnamma ǁgau das ǀkha nî aiǃgûsa. Elobmîs nēsa ra mîba da amaga. ‘ǃKhūb di mûs ge ǁnān, ǁîba ra ǃaoǃgân ai hâ, ǁnān. ǁÎb di ǃgâixasib tamas ka io ǂgomǂgomsa ǀnammi ai ra ǂgomaiǂnûin ai.’—Khomai re Psalmdi 33:18-22 sa.

18-19. (a) Tae-e da ǂâis ǃnâ ra ūhâ ǂgao? (b) Tae-e da sao ra ǁkhāǁkhāǃâs ǃnâ nî ǃhoaǃgao?

¹⁸ Tae-e da ǂâis ǃnâ nî ūhâ? Jehovaba da nî ǃoaba tsoatsoas aiǃâ da ge. Jehovab hoa khoena ra ǁgau ǀnamma ra hōǃâ. Xawe da ge ǁîb di ǃoaba-aoda ase ǁîb di. ǂGomǂgomsa ǀnamma xus tsîna ra ǃkhōǃoa. Nē ǀnammi xa ǂkhâǃnâhe hâseb ge Jehovaba. ǁÎb di ǁôab ǀkha ra ǁkhauba da. Tsîb ge ǁîba ǁîb ǀgūse nî ûhâ da. Tsî ǁîb di mîmâide nî dīǀoaǀoa. ǁÎb ge ra ǂhaba î da ǁîb di ǀhōsa kai ǀamosib kōse. (Psa. 46:1, 2, 7) Matikō ǂgui ǃgomsina da ga ǃkharu ǃgâ. Xaweb ge Jehovaba ǀgaiba nî māda. Î da ǂgomǂgomsase ǁîb ǃoa-ai hâ.

¹⁹ Mû da ge go matib Jehovaba ǂgomǂgomsa ǀnamma. ǁÎb ǃoaba-aona ra ǁgau ǀgausa. ǁNā-amagab ge ra ǂgaoǀkhā da. Î da ǂgomǂgomsa ǀnamma ǁgau gu. Nēsa da mati a dī ǁkhā? Sao ra ǁkhāǁkhāǃâs ge nē ǂhâǂhâsa. Dîsa nî ǃhoaǃgao.