KAISE ta ge ra ǃgôaǃgâ ti ǁgûra Fredi tsî Edna Molohan hā ra xa hîna ge Eloǃaoǃgâxasiba ūhâs a ǂhâǂhâsa ǃkhaisa a ǁgau te ra. Tita ge 1934ǁî kurib ǃnâ ge ǃnaehe xawe ra ge ti ǁgûra tsîna ǁnā ǁaeb ǃnâ ǀnai 20 kuriga (Jehovab di ǀHûǀguitimî-aose) gere ǃoaba. Sida ge Parson ti ǀon hâ ǃās ǃnâ gere ǁan. Sida ǀhaohâb ǃnâ î ge ǃnāsase ǂkhauhesa ǃgâsana ge hâ i. Sida ge ge ǁkhoaxabahe i omaris ase ǀguiba ǀhaode ǃoa ī tsî aoǁnâ sîsenni ǃnâ ǁhaosa. Satertaxtsēs ai da ge mâ ǁgoas hoasa ǃgangu ǃnâ sī gere aoǁnâ. ǀNî ǁaegu ai da ge kaise gere tsau xaweb ge ti ǁgûba roomysi ǀkha gere khoakhoada.

Sida ǀhaohâb ge kai ǂharisa ge ūhâ i, aoǁnâ sîsenni ǃgao ǁnās ge ǃgaroǃādi tsîna ge ǃkhōǂgā hâ i. ǂGāri-aona da ge sī gere aoǁnâba o, o da ge sida ǂkhanina groenten, ǃupun tamas ka io ûisa anis ǀkha gere mādawa-am. Ti ǁgûb ge ǁaeb aiǃâ ǀnai ǂkhanina gere mā ǃkhais ǃgao da ge ǃgâi ǂûna gere māhe tsîs ge ǁnāsa gere hui da aoǁnâ sîsenni ǀkha.

Ti ǁgûra ge phonograf di ra ǂgaihe radiosa ge ūhâ aoǁnâ sîsenni ǃgao. ǂKhariro ta ge ge ī ǁîsa sîsen-ūsa xawe ta ge kaise ge ǁkhoaxabahe mûsa ti ǁgûra mati ǁîsa ra sîsen-ūsa aoǁnâ sîsenni ǃnâ, ǃgōsase ǃgâsab Rutherfordi ǃhoade ǀhurus ǃnâ.

Ti ǁgûb ge sida 1936 Forda [audosa] sound cars ǃnâ ge ǀkharaǀkhara, ǁnās ge audos hîna kai speaker de ūhâsa. Nē audos ge kaise ge ǃgâi i aoǁnâ sîsenni ǃgao. ǂGurose î ge aibe ǁkhoaxase ǀkhōsa ǀōba gere ǀhuru khoena ǂgaes ǃgao tsî ǁnās khaoǃgâ ǃkhōǁnâsa ǃhoade gere ǀhuruhe. Nē ǃkhōǁnâsa ǃhoadi gere toa o, o da ge khoena ǂkhanina gere mā.

 Cherryvale, Kansas di ǀon hâ ǃās ǃnâb ge ǀapaǃnama ti ǁgûba ge mîba nē ǃhoade ǀhurus parki ǃnâ mā-amhe tidesa xaweb parki ǃauga a ǀhuru ǁkhāsa. Tsîb ge ti dadaba audosa sao ra ǃgani ǃnâ mâi tsî ǃhoade ge ǀhuru tsoatsoa în khoen hîna parki ǃnâ hân tsîna ǁnâu ǁkhā. Kaise ta ge ge ǁkhoaxabahe i ti ǁgûb tsî ti kai abutib tsîn ǀkha nēti i aoǁnâ sîsenni ǃnâ ǁhaosa.

Tsî da ge 1930ǁî kurib ǃnâ ǀō-aisa “blitz” kampanjes ǃnâ ge ǁhao tsoatsoa, ǁnās ǃnâ-ū da ge aoǁnâ sîsenni mā-amhe tama hâ ǃādi ǃnâ gere aoǁnâ. Joplins ǃnâ da gere dī khami da ge tsēs nî tsoatsoa aiǃâ, ǂkhanina khoen dao-amdi ai gere ǁnāxū. Tsî da ge ǁnās khaoǃgâ ǁkhawa gere ǀhao î da kō ham-i a ǀkhaisa tamas ka io ǃkhō-oms ǃnâ a ūhesa.

Tsî ǁnā kurigu ǃnâ da ge ǀnî hâ ǀgaub ǃnâs tsîna gere aoǁnâ, ǁnās ge plakardgu ǀkha ǃgangu ǃnâ ǃgûsa ge ǃkhōǂgā hâ i. ǁNā ǀgaub ǃnâ da ge Gaosib xa gere ǂhôa. ǂÂi hō ta ge ra ǀnî ǃgâsan ge “Religion Is a Snare and a Racket” di a xoa-aisa plakard ga ge tani hâ i. ǁÎn ge nē plakard ga tani hâse 1.6 kilometerga ge ǃnû. Tsîn ge ǁîna ge mâǃoahe tama hâ i xawen ge ǂguin hîna ge ǁnâuna ǃgâiǂhôas xa ge ǃgâibahe.

Sida ge Kansasa xu Texas kōse gere ǃnari ǀkharib kai ǀhaode hâǃnâs ǃaroma. Ti ǁgûb ge Missouri-Kansas-Texas trein stasie tawa gere sîsen. Tsîs ge ǁnāsa gere īǁkhā kai î da sida ǀaokhoen tsî ǀhōsan tsîna sari tsî ǁîn ǀkha ǀguiba ǀkharib kai ǀhaode ǃoa īǁkhā. Ti ǁgûs kai abutib Fred Wismarb tsî ǁîb taras Eulalies tsîn ge Temple, Texas ǃnâ gere ǁan. Ome Fredi ge amaba ǂkham-i a hîna ge ǁkhāǁkhāsen ǁnās ge 1900 kurigu ǃnâ tsîb ge ǁāǁnâhe tsî ǁkhāǁkhasen nî ge amaba ǁîb ǃgâsan ǀkha ge ǀgoragu. ǁÎb ge hoa ǃgâsan xa Texas ǃnâ ge ǂan-e i, ǃnarimâra mûǂam-aoseb gere sîsen amaga. ǁÎb ge khoexaǃnâ tsî ǂkhîsa ao ge îba. ǁÎb ge amab ǃgao kaise ge ǁkhoaǂgao i tsîs ge ǁnāsa ti ǂkhamsis ǃnâ ge tsâǀkhā te.

Tsî 1941ǁî kurib ǃnâs ge sida omarisa St. Louis, Missouris ǃoa treins ǀkha ge ǃnari ǀkharib kai ǀhaos ǃgao. Hoa ǂkham khoen ge ge mîbahe în ǀguiba ǂnû tsî ǃgâsab Rutherfordi ǃhoasa ǃgâ hîna “Children of the King” di hâ xoaǂamsa ge ūhâ isa. Nē ǃhoas khaoǃgâ da ge kaise ge buru Children di xoa-aihe hâ ǂkhanisa da ge ǃgâsab Rutherfordi tsî ǁîb hui-aogu tsîn xa a māhe o. ǁNāpa î ge 15 000 xa a ǃnāsa ǂkhamkhoena ge hâ i hîna ge nēsa xū kaise a ǀama na.

Tsî Aprili 1943ǁî kurib ǃnâ da ge “Call to Action” di hâ dana xoaǂamsa ūhâ ǂkharis kai ǀhaosa ge ūhâ i Coffeyville, Kansas ǃnâ. Aoǁnâ  sîsenni skoli ge ge ǂûiǂgāhe hoa ǀhaohâgu ǃnâ tsî ǁnā ǂkhanis ge 52 ǁkhāǁkhāǃâde ge ūhâ i. Tsî ta ge ǁnā kurib ǁaegub ǃnâ ti ǂguro ǃhoasa ge mā. ǁNā ǂkharis kai ǀhaos ge kaise tita ge ǀō-aisaba i, ǁāǁnâhe ta ge ǃkhais ǃgao.

Tita ge 1951ǁî kurib ǃnâ skoli ǀkha ge toa tsî ta ge ǁnā ǁaeb ǃnâ mîǁguiga gere dī. Tita ge Jerib khami Betels tawa sī sîsensa gere ǁkhore tsî ta ge ǁaero-i khaoǃgâ Betels ǃgao ge xoaǂgāsen. Ti mîǁguib ge gagasise ge ǃgâi i. Tsî ta ge Maart 10, 1952ǁî kurib ǃnâ betelsa ǃoa ge ǁkhauhe.

Tita ge gere ǁkhore ǂkhanin ra ǁgâi ǃnâhe departements ǃnâ sī sîsensa. Xawe ta ge ǂûna ra ǀgoraǂûi-aob ase ge ǁgaumâihe tsî ega kombuis ǃnâ sī gere sîsen, nēs xa ta ge ge ǁkhoaxabahe i xūna ta gere ǁkhāǁkhāsen amaga. ǂKhanin ra ǁgâi ǃnâhe departements ǃnâ ta ge ge sîsen tsâ tama hâ i. Xawe Kombuis ǃnâ sîsens ge ǀgui ǀkhāb ai ge ǁkhoaxa i, ǁaeroba ta ge ūhâ i amaga ti Elobmîsa ǂōrisase kōǃgâs ǃaroma Betels di ǂkhanin ǁgâub ǃnâ. Nēs ge ge hui te î ta gagasise ǀgai tsî ti ǂgomsa ǀgaiǀgai. Tsî ta ge ǁnās ǀkhas tsîna ge mîǁgui Jehovaba ta ǁkhā ta as kōse Betels ǃnâ nî ǃoabasa. Jerib ge Betelsa xu 1949ǁî kurib ǃnâ ge doe tsî Patricia ti ǀon hâ ǃgâsasa ge ǃgame xawe ra ge noxoba Betels ǀgūse gere ǁan. ǁÎra ge hoaǁae hui te tsî gere ǂkhâǃnâte Betels ǃnâ ta ge hâ is kōse.

Betels tawa ta ge sīs khaoǃgâ î ge ǂgui ǃgâsaga gere ôahe î gu Betels ǃnâ ǃhoade mā ǁkhā. Tsî nē ǃgâsagu ge gere ǁgaumâihe î gu 322 kilometerga ǃnūse hâ ǀhaohâga Brooklyns ǀkhāb ai sī sari tsî ǃhoade mā tsî ǀhaohâb ǀkha aoǁnâ sîsenni ǃnâ ǁhao. Kaise ta ge gere ǃgôaǃgâ nē ǃgâsagu ǀgui ta ge ī ǃkhaisa. Taob ǃnâ ta ge ti ǂguro ǃhoasa sī ge mā, nē ǃhoas ge 1 khamaba ge gaxū-i. Tita ge ǃnāsa ǁaeba treins ǀkha gere ǃnari. ǂÂi-oa ta ge ra 1954ǁî kurib ǃnâ ta ge treins ǀkha gere ǃnari o New Yorka ǃoa. Xawe î ge kaise ge ǃkhai i sneeu î gere amaga. Tsîs ge ǁnāsa ge ǃaroma îs treins di ǀgaiba toa. Tsî ta ge sao ra ǁgoaga ǀgui New Yorki ǃnâ ge sī. Tsî ta ge ǁnāpaxū sī ta ge khami sîsen-e ǃoa ge ī, kaise ta ge ge tsau hâ i hoa ǃuisa ta ge ǂnû amaga. Xawe nēti-i ǁaxasigu ge kaise ge ǁkhoaxa i, ǃgâsan ǀkha ta ge ǀguiba gere hâ ǀhao tsî sîsen amaga tsî ǃgâi ǀhōsan tsîna ge gere omkhâi amaga.

Betels tawa ta ge sīs khaoǃgâ ta ge WBBR radios ǃnâ ǃâ-e ge ūhâ i. Radios gere ǃkhōǁnâhe ǃkhais ge 124ǁî vloeri ai Columbia Heights tawa ge hâ i. Ti ǁgaumâis ge Elobmîs ǁkhāǁkhās ǀapeǁguib ǃnâ ge ǃâna ūhâ i ǃgâsana ǁgausa tae-en nî dīsa. ǃGâsab A. H. Macmillan hîna gaxu ǁaeba a Betels omaris ǁanib tsîn ge nēs ǃnâ ǃâ-e ge ūhâ i. ǁÎb ge ǃgâsab Mac di ge ǂansa i tsî kaise ǂkham aorekhoege ǃaroma ǃgâi aiǁgaus ase ge ī-i.

Tsî da ge 1958ǁî kruib ǃnâ Gilead skoli ǃnâ ǃâ-e ūhâs ǃgao ǁgauǂuisa ge hō. Ti sîsenni ge ge ī, î da ǃgâsana hui în ǃhūb ǁanǂgāsaben di ǂkhanisa hō tsî ǁîn ǃnaris ǀapedi ǀkhas tsîna gere hui. Anis ǀkha ǁhanas ge kaise ǀgapise gere ǂgan ǁnā tsēdi ǃnâ tsî i ge ǁnās ǀkha ǀoro ǃgâsan ǀguina gere ǁhana. ǁÎn hîna ge Afrikab tamas ka io oos [aiǂoas] ǀkhāb ǃoa gere ǁgaumâihen ge ǂgaugu ǀkha gere ī. Xawe î ge ǀnî hâ ǀgaub tsîna ge tsoatsoa anis ǀkha ǁhanas tawa î ge hā o tsîs ge nēs tsîna ge ǃaroma în ǂgui ǃgâsana ǁhana ǁkhā.

Ti sîsenni ge ge ǀarosen 1960ǁî kurib ǃnâ, tita ge anis ǀkha Amerikaba xu Europaba ǃoa ǁhanas ǃgao gere ǂhomi ǀō-aisa ǂkharis kai ǀhaos ǃgao 1961ǁî kurib ǃnâ. Tita ge ǀuri hâse ǀnî hâ anis ǀkha New Yorka xu Duitslands ǃoa ge ǁhana. Tsî ǂkharis kai ǀhaos khaoǃgâ î ge  tita tsî ǀnî ǃgâsagu tsîna audos ǀkha Duitslandsa xu Italiëba ǃoa ge ī ǁnâub berode sī ra sarise. Tsî ge ge ǁnāpaxū Frankryki, Pyrenees ǃhomgu tsî Spanjeba ǃoas tsîna ge ǃnari xawe î ge aoǁnâ sîsen-e ge mā-amhe tama hâ i. Xawe ge ge ǁkhā ge as kōse Barcelonas ǃnâ ǂkhanina ǀkhae xū-i ǂkhanib ǃnâ ǂgā hâse ge sī ū. Kaise î ge ge ǁkhoaxa i sida ǃgâsan ǀkha ǀhaosa. Tsî ge ge Amsterdams ǃoa ge ī tsî ǁnāpaxū sī ge ǁhana.

Tsî ta ge sao ra kurib ǃnâ ǀnî hâ ǁgaumâisa ge hō, ǁnās ge ǀō-aisa ǂkharis kai ǀhaodi ǃgao ǁkhauhe hâ ǃgâsana xūna ǂhomibasa ǃhūbaib ǂhawase. Nēs di xoaǂams ge “Everlasting Good News” di ge hâ 1963ǁî kurib ǃnâ. Tsî i ge 583 ǃgâsana ge ǁhûihe hâ i în ǂkharis kai ǀhaode sī hâǃnâ Europa, Asiëb tsî Suid-Stille Oseaani ǃnâ xawe Honolulub, Hawaiib, Pasadenab tsî Kaliforniëb tsîn ǃnâ sī nî ǀamse. Nē daob ǃnân ge Lebanoni tsî Jordani ǃnâs tsîna ge sari în ǀō-aisa ǁkhāǁkhā khâis ǀapeǁguiba hâǃnâ în Elobmîs ǁaeb ǃnâ ge hâ i ǃādi xa ǂan. ǁHana ūhe nî anis tsî hotel an ǀguina da ge ge aiǂhomi tama hâ i xawe sida departements ge ǁanǂgāsaben ǂkhanidi ǀkhas tsîna gere hui.

1963ǁÎ kurib ge kaise ge ǀō-aisaba te ī. ǁNā kurib Junib 29 ai ta ge Lila Rogers hîna Missourisa xū ra hās ǀkha ge ǃgame. ǁÎs ge ǃnona kuriga ge sida Betels omaris ǁanin i. ǀGui wekhebam ǃgame toa hâs khaoǃgâm ge sîm tsîna nē ǃnarimâ sîsenni ǃnâ ge ǁhao tsîm ge Griekelandi, Egipteb tsî Lebanoni tsîna ge sari. Sim ge ǂkhari anis ǀkha Beiruta xū Jordana ǃoa ge ǁhana. Aoǁnâ sîsenni ge ge mā-amhe tama hâ i Jordani ǃnâ tsîm ge gere ǂhâ matim ǁanǂgāsaben ǂkhanisa nî hō ǃkhaisa. Xawem ge sī o, om ge ǂnubis ǃgâsana ge mû hîna plakardgu ǀkha mā na, xoa-aihe hâse “ǁkhoreǁharesase tsâ re Jehovab di ǀHûǀguitimî-aodo!” Nēs ge kaise ge buruburuxa ī tsēsa tsî ǂguro ǃnās ase Elobmîs ǃnâ hâ ǃāde mûs tsîn ge ge ǀō-aisa i. ǂGuro ǁgûgu gere hāǃnâ omdi, Jesub tsî ǁîb apostelgu gere aoǁnâ ǃkhaib tsîn ge mâpa ǂguro Xristeǁîna a aoǁnâ tsoatsoa ǃkhaidi tsînam ge ge mû.—ǃNaeǃkhaidi 13:47.

Lilas ge 55 kuriga tita ǀkha ǂgomǂgomsase ge ǃnarimâ. Spanjeb tsî Portugali tsînam ge aoǁnâ sîsenni ge mā-amhe tama hâ i ǁaeb ǃnâs tsîna ge sari hâ i. ǃGâsanam ge ǂkhâǃnâ tsî ǂkhanina gere sī ūba tsî ǂhân hâ xūn tsîna. ǃGâsagu hîna ǃkhō-oms ǃnâ Kádiz tsî Spanjeb ǃnâ hân tsînam ge ge sari ǁkhā i. Ti ǂgaob ge gere dâ ǁînam ge gagasise ǂkhâǃnâ ǁkhā ī amaga.

1963ǁÎ kuriba xūm ge ǀō-aisase ǃhūbaib ǂhawase ra dīhe ǂkharis kai ǀhaode ra aiǂhomi  hui, aiǁgause Afrikab, Australiëb, Sentraali tsî Suid-Amerikab, Europab, oosteb [aiǂoas], Hawaiib, Nieu-Seelandi tsî Puerto Rikob ǃnâs tsîna. Tita tsî Lilas tsîn ge 1989ǁî kurib ǃnâ ǀguiba Warsaw Polandi ǃnâ ǁkhoaxa ǁaeba ge ūhâ i. ǂGui ǃgâsan ge Russiaba xu ǂguro ǃnās ase nē kai ǂkharis kai ǀhaosa ge hâǃnâ. ǀNî ǃgâsan hînam ge ǀhao-ūn ge Soviets di ǃkhō-oms ǃnâ ǂgui kuriga ge ǂnôa i ǁîn ǂgoms ǃgao.

ǁNâub berode sari tsî Betels omaris ǁanin tsî sîsaben tsîna ǂkhâǃnâs xa ta ge kaise ge ǃgâibahe i. ǀUniga ǃnāsam ge ǁnâub berodi saris ǃnâ Suid koreab ǃnâ Suwon ǃkhō-oms ǃnâ 50 ǃgâsagu ǀkha ge ǀhao. Nē ǃgâsagu hoa gu ge kaise ǃgâi mûǂuisa ge ūhâ i tsî ǁaeb hîna gu ǁkhawa nî aoǁnâb ǃoa gere mûǂui. ǁÎgu ǀkha ǀhaos ge kaise ge ǂkhâǃnâm.—Rom. 1:11, 12.

Tita ge ge mûǂan matib Jehovaba ǁîb khoena ra ǀkhae ǀgauba. Aiǀǁgause, 1943ǁî kurib ǃnâ î ge tita gere ǁāǁnâhe o, o 100 000 ǀHûǀguitimî-aon ǀguina ge hâ i xawe î ge nētsē 8 miliuns xa a ǃnāsana hâ 240 ǃhūgu ǃnâ. Nēs ge Gilead skola xu ge sîhe ǃgâsan aoǁnâ sîsenni xas tsîna ge īǁkhā kaihe. Kaisem ge ra ǂkhî nē sîsaben ǀkha ǀguiba sîsen tsî ǁîna ǁanǂgāsaben ǂkhanidi ǀkha huisa.

Kaise ta ge ra ǂkhî ǂkham khoeb ase ta ge Jehovaba ǀoasase Betels tawa ǃoabasa a ǁhûi o. Jehovab ge tita mâ ǀgaub hoab ǃnâ ge ǀkhae. Tsî Betels tawam gere hōǃâ ǂkhîb ai ǀaros xa ta ga ra mî o, om ge sîma kaise ge ǁkhoaxabahe i sîm ǀhaohâb ǀkha ǀguiba sîsensa tsî nēs ǀkhas tsîna ǂgui ǀhōsana ge omkhâi.

Betels ai ta ge noxoba ra sîsen Lilas ǀkha ti xōǀkha. 84 Kurixa ta a xawe ta ge noxoba a ǃgâibahe ǁkhā ta ǃkhai i hoa i tawa huisa.

Kai ǂkhîb ge Jehovab di ǀapeǂhumis di ǃâsa tsî mûsa ǁîb ǃoaba-aon mati ra ǀkharasa ǁîba ǃoaba tama hâ khoena xū. Nē mîdem ge ge mûǂan, Maleaxib 3:18: “ǃNubai du ge ǁkhawa ǀgorasa nîra mû ǂhanu-aib tsî eloxoresab tsîkha ǁaegu, ǁnāb Eloba ra ǃoabab tsî ǁnāb, ǁîba ǃoaba tamab tsîkha ǁaegu.” Tsēs hoasa ta ge ra mû matib ǁGâuab di ǃhūbaiba ra ǁgaiǂoa ǀgausa tsîn khoena ǃâubasen-e ūhâ tamase ra ûisa. Xawe ǁîn hîna Jehovaba ra ǃoaban ge kaise a ǂkhî tsēdi a eloxoresa xawe tsî ǃâubasensa ûib ǃnâ ūhâ. Tsî tae-i aiǂhanuba da ūhâ nētsē Gaosib di ǃgâiǂhôasa aoǁnâsa. (Mat. 24:14) Hoa da ge ǁkhoaxa ǁaeba ǃoa ra mûǂui hînab Elob Gaosiba nē ǁgai ǃhūbaiba hâna nî ǀasaǀasaba tsî da mîmâihe hâ ǂgui ǀkhaega nî ǃkhōǃoaba. Tsî da ge ǀunis ai ǀamosib kōse nî ûi ǂkhîb ǃnâ.