Nē ǀhaos ge League of Nations di a ǂansa ǀapeǂhumis tsîna ge a ǂnubi. ǁÎn di ǂâibasen ge īs ge “ǀguiǃnâxasib ǃnâ sîsensa tsî ǂkhîb tsî ǃnorasasib tsîna hoa ǃhūbaiba hau-ūbasa.” ǂGui ǂgomdi ǂgaeǂgui-aogu ge nēsa gere ǂkhâǃnâ. ǂGomdi Amerikab di di ǂnûǁkhaeba-aob ge nēsa ǃkhō-am tsî ge mî nē “ǂgīǂgōsi ǁaxasib ge Elob Gaosiba ǃhūbaib ai ra ǂnûǁkhaeba di.” Nē ǂnûǁkhaeba-aob ge ǁîb di ǂkhâǃnâsa ǁgaus ǃaroma ǂnûǁkhaeba-aona Paris ǃnâ ge hâ i ǂkhîb di ǀhaosa ǃoa ge a sî. ǀGui aob ǁnā ǀhaosa ge ǁhaoǃnâ hâ îb ge ge mî, “nēb ge ǀasa ǀgaub ǂkhîba aisǀkhāb ǀkha ūhâs diba di.”

ǀAsa ûiǀgaub ge gere tsoatsoa xawes ge nēsa ǂkhîb di ǀhaos tawa ge hâ i khoen xa ge ǃaroma-e tama hâ i. 1919ǁÎ kurib ǃnâb ge nē ǀasa ǀgauba ge tsoatsoa Jehovab ge ǁîb khoena ǀgaiba mā o, în aoǁnâ sîsenni ǃnâ noxoban ge aoǁnâ tama hâ i khami aoǁnâ. Xawe nēs nî tsoatsoas aiǃân ge Elobmîs ǁkhāǁkhāsen-aona kai ǀkharaǀkhara-e nî dīs ge ge ī.

ǂGīǂgōsi ǂnûs Watch Tower Bible and Tract Societis ǁanigu ge ūhâ īs ge Januarib, 1919ǁî kurib Satertaxtsēs 4 dis ai nî hâse ge īs ge. ǁNā ǁaeb aib ge Joseph Franklin Rutherforda Jehovab di khoen ǁaegu ǂgaeǂguisa gere ū tsî ǂhanu tama ǀgaub ǃnâ Atlanta, Georgia, Amerikab ǃnâ ǀnî hâ 7 ǃgâsagu ǀkha ǃkhō-oms ǃnâ ge ǂnôa i. Dîs ge ge hâ i, nē ǃkhō-oms ǃnâ ǂnôa ǃgâsaga ǁkhawa nî ǁhûihe? Tamas ka io ǀnî hâ ǃgâsagu ǀkha nî ǃkhōǃkhunihe?

ǃKhō-oms ǃnâb hâ hînab ge ǃgâsab Rutherforda ǀapeǂhomis di aiǃgûs xa gere ǂâiǂhansen. ǁÎb ge ge ǂan i ǀnî hâ ǃgâsan gere tsâsa, ǀnî hâ presidenta ǁhûis nî ǃgâi ǃkhaisa. Nēs ǃaromab ge sîǂkhanisa ǁnān hîna Evander Joel Cowardi nî president se ī ǃkhaisa ge ǂhâba hâ îna ǃoa ge xoa. Rutherfordi ge Cowarda “ǃnomsa”, “ǂau” khoe-i ase gere ǁguiǃā hîna “Elob ǃoa-ai a ǂgomǂgomsa-e.” Xawen ge ǂgui ǃgâsana ge ǂhâba  hâ i, nē ǀhaos ǃnani ǁkhâga nî mâiǂuihesa. ǃKhō-oms ǃnâ ge hâ i ǃgâsaga gere ǂnûǁkhaeba ǃgâsagu ge nēsa ge ūǃoa. Tae-i nî dī-esa gu ra ǃhoaǃgao hîna gu ge ǀnî ǃgâsaga ge ǁaixa.

Tsî i ge xū-e ge ī tsîb ge Richard Harvey Barbera ega ‘ǃgomsiba ǀamsa ra hōba khoe-i’ ase ge ǁguiǃāhe. ǀGui ǃgâsab ge ge mî: “Tita ge ǂhanuǂansabe tama hâ xawe ta ge ǂhanub ǀgaugu xa xū-e a ǂan ti. Elob ge ǂhanu-aisiba ra ǂgaoǀkhā. ǀGui ǀgaub Elob ǃnâ da ǂgomǃgâ hâsa da a ǁgau ǁkhāb ge ǁhûisa ūhâ tsî da ga ǁkhawa ǃgâsab Rutherforda presidenti ase ǁhûi o.”—Psa. 18:25.

ǃGâsab Alexander Hugh Macmillani ge ra mî, ǃgâsab Rutherfordi ge ǁîba ge mîba “sa ǃoma ǀhōǂui re” ti. ǃGâsab Rutherfordi ge ǁîba sîǂkhanisa ge mā. Macmillani ge nē ǃnubu xoa ǃârosa mû tsî ǃhaese ge ǂan i nēs tae-i xa hâ ǃkhaisa. Xoa ǃâs ge sao ra-e gere mî: “RUTHERFORD WISE VAN BARBER ANDERSON BULLY AND SPILL DIRECTOR FIRST THREE OFFICERS LOVE TO ALL.” Nēs ge ra ǂâibasen hoa ǂnûǁkhaeba-aogu ge ǁhûi oahe ǃkhaisa tsî gu Joseph Rutherford, Charles Wise tsî William Van Amburgh hâga dana ǂnûǁkhaeba-aose ge a ǁhûihe ǃkhaisa. Nēs ǃaromab ge ǃgâsab Rutherforda presidenti ase nî aiǃgû.

ǃKhō-oms ǃnâ gu ǁkhaisa ǃgâsaga ǂnôa hînan ge Elobmîs ǁkhāǁkhāsen-aona khoena gere ǂgan în xoaǃgao îb ǂhanuba nē ǃgâsaga ǃnorakai ǁkhā. Nē ǁkhoaǂgao ǃgâsan ge 700 000 xoaǃgaode khoena xu ge hō. Wunstaxtsēs, 26 Maarti, 1919ǁî kurib dis ai, nē xoaǃgaos nî ūǃoahes aiǃâ gu ge ǃgâsab Rutherford hâga ge ǃnorakaihe.

ǁKhoreǁare bi ge ǃgâsanab gere mā ǃhoas ǃnâb ge ǃgâsab Rutherforda ge mî: “Nē ǃgom mâsib hîna da go ǃkharu ǃnâb ge hānî ǃgom mâsigu amsi go aiǂhomi da ti. . . . Sadu ǃkhams ge sadu ǃgâsaga ǃkhōsisa xu ǃnorakaihes amsi ǀgui go hâ tama hâ i. ǁNās ge ge ǂam ǃgomsi tama hâ i. . . . Sadu ǃkhams hîna du ge ūhâ is ge amaba aoǁnâs xa ge hâ i tsî nēs ǃnâ ge ǁhaon hoan ge kai ǀkhaega ge hō.”

Sada ǃgâsagu ǃkhōsis ǁhōb ge ǃgûǁnā ǀgaus ge Jehovab ge nē ǁhōba gere ǂgaeǂgui ǃkhaisa a ǁgau ǁkhā. 14 Mei 1919ǁî kurib ge ǀgapi ǁnâuǃgâ ǃkhaiba sao ra-e ge mî: “Nē ǁhōb ge ǂhanu ǀgaub ǃnâ ge dīhe tama hâ i tsî nēs ǃaroma ǁkhawa nî ǃgûǃgâ-e.” Nē ǃgâsagu ge kaise tsū ǁoreb ǀkha ge ǂgā-amhe tsî nēs ge ǁîgu di ǁkharab ga ǀoroǀoro-e hâ o ǁîgu di ǂkhanigu ai hoaǁae ga hâ hâ. Nē ǁhōb ge ge aiǃgû tama hâ i. Nēs ǃaromab ge ǂhanuǂhanu-aob Rutherforda ǁîb di ǂhanub ǂansa sîsen-ū tsî Jehovab khoena ǀgapi ǁnâuǃgâ ǃkhaib Amerikab dib ǃnâ gere ǂnûǁkhaeba nēsab ge ǂgui ǃnāde ge dī.

“Sida ge ǀopesase ǂnûmâ tsî nēsa ǁnāti ǀgui ga xu tama hâ tsî ga ǃâubasen tama hâ îb Eloba ǀhomma ǃoa ū da” tib ge ǃgâsab Macmillana ra mî. “Sida ge ge mûǂan nē ǁhōb xa da xū-e nî dīsa tsî nî ǂanǂûisa Elob ǂgaoǀkhās a tae ǃkhâisa.”

Xawe gu ge ǁnâub beros tawa gere sîsen ǃgâsaga ǁîgu ge kuriga a dī sîsena ǃoa ge oa ǁoa i. Tae-i ǃaroma? ǁÎgu ge ǃkhō-oms ǃnâ ǂnôa i ǁaeb ǃnân ge ǂkhanina gere ǁgâi-ū-e xūna a hîgāgā-e amaga. Nēs ge kaise ge ǂkhabuǂâi kai nî tsîn ge ǀnî ǃgâsana gere ǂâi aoǁnâ sîsenni go toa di.

Khoena noxoba Gaosib di ǃgâiǂhôas hîna Elobmîs ǁkhāǁkhāsen-aon xa gere aoǁnâhes ǃnâ ǃgâiǃgâibasensa ge ūhâ i? Nē dîsa ǃereams ǃgaob ge ǃgâsab Rutherforda ǃhoaǃâsa ge mā. Nēs ǃaroman ge ǀhûhâsib khoen hoana nî ǁkhau-e ge īs ge. “Nē ǃhoasa ǃoa i ga khoe-e ǀkhī tama io, o da ge a ǂan aoǁnâ sîsenni go a toasa” tib ge ǃgâsab Macmillana ge mî.

ǃGâsab Rutherfordi ge kaiseb ge ǀaesen hâ i xawe nē ǃhoasa 1919ǁî kuri Meib 4 sontaxtsēs ai ge mā xoaǂams ge “The Hope for Distressed Humanity” di ge hâ i Los Angeles, Californiab ǃnâ. 3 500 Khoen ge nē ǃhoasa ge ǁhaoǃnâ tsî ǂguin ge noxoba ge oa ǂnûǃkhai-i ge ǀkhai i amaga. Sao ra tsēs ain ge 1 500 khoena ge ǀarosen. ǃGâsan ge ǁîn ǃereamsa ge hō—khoen ge ǃgâiǃgâibasensa ge ūhâ i.

ǃGâsan ge sao rase a dī xū-i ge aoǁnâ sîsena Jehovab di ǀHûǀguitimî-aon amsi nētsēs kōse ge aiǃgû kai.

The Watch Tower 1919ǁî kurib dib Augustub 1 dib ge Septemberi tsoatsoas ǃnâ ge ǂanǂan ǀhaos Cedar Point, Ohios tawa nî  hâse īsa. “Hoa khoen ge ǁnāpa gere hâ ǂgao” tib ge ǂkham Elobmîs ǁkhāǁkāsen-aob Missouris dib Clarence B. Beatiba ra mî. 6 000 Xa a ǃnāsa ǃgâsan ge nēsa ge ǁhaoǃnâ tsî ǃâubasen taman ge hâ i ǂgui khoen ge noxoba nēsa nî ǁhaoǃnâse ge īs ge. Nē ǂkhîb ai ra ǀarosen ge 200 khoena ge ǁāǁnâhe Erie ǃāb ǃnâ.

Septemberi 5, 1919ǁî kurib koroǁî tsēs ǀhaos dis aib ge ǃgâsab Rutherforda ‘ǁîb sîsenǀhao-aon ǀkhab gere ǃhoa o,’ o ǀasa ǂkhaniba ge a mâi-aiǃâ nî hîna The Golden Age di ǂansaba. * Nē ǂkhanib ge “ǂhâǂhâsa ǂhôana nî ūhâ ge is ge tsî xoade xūs tsîna gere ǁguiǃā tae-i ǃaroman nē gere ī xūn tsîna gere īsa.”

Hoa Elobmîs ǁkhāǁkhāsen-aon ge ge ǂkhâǃnâ-e nē ǀasa ǂkhanib ǀkha aoǁnâsa. Sîǂkhanis ge ge ǁguiǃā matib nē sîsena nî dīhesa: “Mâ ǁāǁnâsa khoe-i hoa-e a i ǂan re nēb a kai aiǂhanusa tsî nēs ǃnâ ǃâ re nē ǃhūbaib ǂhawese nî dīhese i aoǁnâ sîsenni ǃnâ.” ǂGui khoen ge nē aiǂhanuba ge ūǃoa. Decemberi ǃnân ge nē ǁkhoaǂgao aoǁnâ-aona 50 000 xa a ǃnāsa ǂgan-amde nē ǀasa ǂkhanib xa ge ūhâ i.

1919ǁÎ kurib ǀams ain ge Jehovab khoena ge aiǂhomisa i tsî kai ǀgaiba ge ūhâ i. ǀUni tsēdi xa ge hâ i ǀnîhâ kēbodi tsîn ge ge dīǀoaǀoasa i. Ôaǃnâs tsî ǃanuǃanus Elob khoen dis hîna Maleaxib 3:1-4 tawa ra ǃhoaǃgaohes tsîn ge ge dīǀoaǀoasa i, Jehovab khoen ge “Babilons kaisa” xu ge ǃnoraǃnorasa i tsî Jesub ge “ǂgomǂgomsa tsî gā-ai ǃgāb” tsîna ge ǁhûi. * (J.ǂHa. 18:2, 4; Mat. 24:45) Nēsin ge Elobmîs ǁkhāǁkhāsen-aona Jehovab ūba nî hâ sîsenni amsi ge aiǂhomisa i.