1. Tae-i ǃaroman ǂgui khoena ra ǂhânsen?

NĒTSĒ di ge ǂgui ǂgomde hâ. Eloban ǁîba ra ǂkhîǂkhî ǀgaub ai ra ǃoaba di ra mî de. Nēs ǃaroman ge ǂguina a ǀu. Mâs a ama ǂgomsa. ǁÎn ge ra dîsen: “ǀGui ama ǂgomsa hâ? Tamas ka io hoa ǂgomde Eloba ra ǂkhîǂkhî?” Jehovab ǃoaba-aoda ase amaba da ra ǁkhāǁkhāsa da ra ǂgom? Tsî Jehovaba da ra ǃoaba ǀgaub ǁîba ra ǂkhîǂkhîs tsîna. Nē di i ǂgomǃgâsiba ūhâsa a īǁkhā? A da nēsa ôaǃnâ re.

2. 1 Tesalonikaǁîn 1:5 ǃoagub Pauluba. Tae-i ǃaroma amabab ūhâsa gere ǂgom?

² Apostel Paulub ge ǀgaisa. ǂGomǃgâsiba ge ūhâ i amabab ūhâsa. (Khomai re 1 Tesalonikaǁîn 1:5 sa.) ǁÎb ge nēs ǃnâ ǃgâiseb gere tsâ. ǃKhais ǃaroma ǀgui ge ǂgom tama hâ i. Xaweb ge Pauluba Elobmîsa ǃamkuse gere ôaǃnâ. Tsîb ge gere ǂgom. ‘Xoas hoas Elob xa ǃgomǂgāǃnâhe hâsa.’ (2Tim. 3:16) Tae-eb ge ǁîb ôaǃnâde xu ǁkhāǁkhāsen? Xoade xub ge Pauluba ge mûǂan. Jesub a mîmâisa Mesia ǃkhaisa. Jodeǁî ǂgaeǂgui-aogu ge ūǃoa ǂgao tama hâ i amaba. ǁÎgu ge khoena gu Elob xa gere ǁkhāǁkhā di gere mî. Xawe gu ge Elob ǃhui hâ xūna gere dī. (Tit. 1:16) Paulub ge nē aogu khami ge ī tama hâ i. ǁÎb ge ge mî tama hâ i. Mâ ǃâb Elobmîs dibab nî ǂgom. Tsî mâ ǃâbab ǂgom didesa. “Elob di ǂâibasens hoaragasa” ǁkhāǁkhā. Tsî ūǃoas ǃnâb ge ge māsenxa i.—ǃNǃkh. 20:27.

3. Sada dîdi hoadi ai da ǃereamde nî ūhâsa. Amaba da ūhâsa ǂgoms ǃaroma? (“ Jehovab ge ǂgui buruxa sîsenga ge dī—‘Tsî ǁîb ǂâidi ge a ǂgui.’”) Di hâ boksisa khomai re.)

³ ǂGuin ge ra tsâ ama ǂgoms hoa dîde nî ǃereamsa. Elobmîs ai ǃgaoǃgaosa tama hâ dîn tsîna. ǁNā-e ama  īǁkhā-e? Paulub aiǁgaus xa ǂâi re. ǁÎb ge Xristeǁîna ge ǂkhâǃnâ în “xūn hoana ǃâitsâ.” Xaweb ge ge ǂanǃgâ ǂgui xūn ǁîb ge. ǁNâuǃā tama hâ în ge hâ isa. (1Tes. 5:21) ‘Hoa xūna da ǂan’ tama tib ge ge xoa. Tsîb ge ǀaro tsî ge mî. “Mûsenxūs [spils] ǃnâs a khami da nēsi ǀhoese ra mû.” (1Kor. 13:9, 12) Paulub ge hoa xūna ge ǁnâuǃā tama hâ i. Sada tsîn ge hoa xūna ǃnâuǃā tama hâ. Xaweb ge Pauluba Jehovab xa hâ. Hoaǃnâ-aixa amaba gere ǁnâuǃā. Amabab ūhâsa ǂgoms ǃaromab ge. Pauluba ǂâusa amaba ge ǂan i.

4. Mati da sada ǂgomǃgâsib amaba da ūhâs tiba a ǀgaiǀgai ǁkhā. Tsî tae-e da ama Xristeǁîn xa nî ǁkhāǁkhāsen?

⁴ ǀGui ǀgaub amaba da ūhâsa ǀgaiǀgais tib ge. Jesub gere ǁkhāǁkhā xūna Jehovab ǃoaba-aon. Nētsē ra ǁkhāǁkhā xūn ǀkha ǀgōpeǀnosa. Nē ǁkhāǁkhāǃâs ǃnâ da ge nî mû. (1) Ama Xristeǁîn ama tama eloga ǃoabasa xu ra ǂgōsen. (2) Jehovab ǀonsa ra ǃgôa, (3) amaba a ǀnam. (4) Tsî ǁîn ǁaegu ǀnamma ūbagu hâsa.

5. Tae-e da Jesuba xu ra ǁkhāǁkhāsen. ǂHanu ǀgaub Eloba ǃoabas tib xa. Tsî mati da ǁîb ge ǁkhāǁkhā xūna a sîsenǂui ǁkhā?

⁵ Jesub ge Jehovaba kaise a ǀnam. Tsîb ge Jehovab ǀguiba ra ǃoaba. Nēsab ge ǀhommi tsî ǃhūbaib aib ge. Hâ î ǁaeb hoaba gere dī. (Luk. 4:8) ǁÎb ge ǁîb di ǁkhāǁkhāsabega ge mîba î gu. ǁÎgu tsîna Jehovab ǀguiba ǃoaba. Jesub tsî ǁîb di ǂgomǂgomsa ǁkhāǁkhāsabegu hoagu ge. Tātsē ǁîgu ǃoabas ǃnâ ai-īsina ge sîsenū tama hâ i. Elob ge a gaga tsî a mûhe ǁoa. ǁNā-amaga i ge khoe-e ǁîb khami ī xū-e tātsē kuru hō tide. (Jes. 46:5) Xawe khoen da kuru tsî ǃanu a di mî tsî ǀgoreǀî.  Ai-īsin xa tae-e da a mî ǁkhā? ǀGamǁî ǃâb disi mîmâdi tib ǃnâb ge. Jehovaba ge mî: “ǃGaoǂuihesa īsi-i kas, ǀnî īsi-i kas hoasats ge dībasen tide. ǀGapise ǀhommi ǃnâ hân di-i karao. ǃNaga ǃhūbaib ai hân di-i karao . . . ǁîn aiǃâts ge ǃhonǁgoa tide.” (Eks. 20:4, 5) Khoen hîna Jehovaba ra ǂkhîǂkhî ǂgaon ge ra ǁnâuǃā. Ai-īsinan ǁîn ǃoabas ǃnâ sîsenū tidesa.

6. Mâ ǀgoreǀî ǀgau-en Jehovab ǃoaba-aona nētsē ra sao?

⁶ ǃKharu ge ǁaeb Xristeǁîn. Ûiǀgauga ra ôaǃnâ khoen ge ra mî. Apostelgu ǁaeb Xristeǁîn ge Elob ǀguiba gere ǃoaba di. Aiǁgause, ǀgui ǂkhanis hîna ǃkharu ge ǁaeb. Xristeǁîn kerkhegu xūna ūhâs ge ra mî. ǁNā Xristeǁîn ge ai-īsiga ǁîn ǃoabas ǃnâ sîsenūsa “kaise ga ǃhui hâ.” Jehovab ǃoaba-aon ge nētsē ǃkharu ge ǁaeb Xristeǁîn aiǁgausa ra sao. “Ai-īsin”, ǀhomǃgāgu tamas ka io Jesuba da ge ǀgoreǀî tama hâ. Tsî da ge ǃkhauba tawede tsî xūn hîna. Sida ǃhūb ǂhanuba da ra ǀgoreǀî. ǃKhaisa a ǁgau ǁkhāna dī tama hâ. Khoen ga tae-i ǀgui-e dī kai da. Xawe da ge Jesub di mîde ra ǁnâuǀnam. ‘Jehovab sa Elob ǀguibats ge nî ǀgoreǀî.’—Mat. 4:10.

7. Mâ ǀgaugu ǃnân Jehovab ǃoaba-aona nau. Xristeǁîna xu ra ǀkhara?

⁷ ǂGui khoen ge nētsē ǂanǂansa aoǁnâ-aoga ǃoa ra ǃgâ. ǀNî khoen ge ǁnātikōse nē ǂanǂansa aoǁnâ-aogu xa a ǃgâibahe. Tsî ǁîga ra ǀgoreǀî. ǂGui khoen ge ǁîgu kerkhegu ǀkha ra ǃgû. ǁÎgu ǂkhanina ra ǁama, tsî ǂgui mari-e ǁîga ra mā. Tamas ka io ǁîgu ra ǂgaeǂgui ǀapeǂhumide. ǀNî khoen ge nē aogu ra mî mîdi hoade ra ǂgom. ǁÎn ge nē aoǁnâ-aogan ga mû o. Kaise a ǂkhî, Jesuba go mû khami. Xawe ǁnān hîna Eloba ǂhanu ǀgaub ai ra. ǃOaban ge khoeba sao tama hâ. ǂGaeǂgui ra na da ǃgôasiba ra ǁgau. Xawe da ge Jesub di mîde ra ūǃoa: ‘Hoa du ge a khoeǃgâgu.’ (Mat. 23:8-10) Sida ge khoena ǀgoreǀî tama hâ. Nēsi i ga ǂgom-i tamas ka io ǂgīǂgōsi (politieke) ǂgaeǂgui-ao xawe. Tsî da ge ǁîn di ǂgomdi tamas ka io. ǁAxasiga ǂkhâǃnâ tama hâ. ǀKhā-e da ge ǁhûi tama hâ. Tsî nē ǃhūbaib ǃnâ ǃâ-e ūhâ tama hâ. Nē ǀgaugu ǃnâ da ge nau Xristeǁîna xu ra mâǂoa. Hîna ama Xristeǁîn a di ra mîna.—Jhn. 18:36.

8. Mati da a ǂan Jehovab ǂhaba hâsa î da. ǁÎb ǀonsa nau khoena mîba tsî ǂkhaiǂkhai?

⁸ ǀGui ǃnās aib ge Jesuba ge ǀgore: ‘Ti Îtse sa ǀonsa as ǂkhaiǂkhaihe.’ Jehovab ge ǀhomma xu ǃgari dommi ǀkhā nē ǀgoresa ǃeream. Tsî ge mîmâi ǁîb ǀonsab nî ǂkhaiǂkhaisa. (Jhn. 12:28) ǁÎb aoǁnâ sîsen-i hoa-i ǃnâb ge. Jesuba ǁîb ǁGûb ǀonsa gere ǂkhaiǂkhai. (Jhn. 17:26) ǁNā-amagan ge ama Xristeǁîna Elob ǀonsa nau khoena ǂanǂan. Tsî sîsenūsa aiǂhanub ase ra mû.

⁹ǃKharu ge Xristeǁîn ǀhaohâb ge. Tsoatsoahes khaoǃgâb ge Jehovaba. ǁAedi ai ǁîb ǂâisa ge ǂnûi. “ǀŪbena xub nî ǀons âba ǁae-e hōbase.” (ǃNǃkh. 15:​14) ǂGurokham ǁaeb Xristeǁîn ge ge ǂnīsa i. Elob ǀonsa sîsenū tsî nau khoena mîbasa. Apostelgu tsî ǁkhāǁkhāsaben tsîn ge. Elob ǀonsa aoǁnâ sîsenni ǃnâ gere sîsenū. Tsî Elobmîs ǂkhaniden gere xoa o. * Nē ǀgaub ǃnân ge gere ǁgau ǁîn ǀguin. Elob ǀonsa ra ǂanǂansa.​—⁠ǃNǃkh. 2:​14, 21.

10. Mati da a ǂan Jehovab ǃoaba-aon ǀguin ǁîba ra ǂnûǁkhaebasa?

 ¹⁰ Jehovab ǃoaba-aona, Jehovab ǀonsa tani hâ? Sao ra xūn xa ǂai re. Nētsē gu ge ǂgui ǃoaba di. ǂGaeǂgui-aoga ǂgui xūna ge dītsâ. Elob di ǀonsa sâusa. ǁÎn ge Elob ǀonsa ǁîn di Elobmîde xu ūǂui. Tsî nē ǀonsa ǁîn kerkhegu ǃnâ sîsenūhesa ge ǂkhā. * Jehovab ǃoaba-aon ǀguin. Jehovab ǀonsa ǃgôasiba ra ǁgau. ǃKhaisa ra ǀūxū khoe-e hâ-e? Sida ǀguida ge Elob ǀonsa ǃhūbaib ǂhabase ra ǂanǂan. ǀNî hâ ǂgomdi khoen xa. Sida ǀgui da ge sida tani hâ ǀons di ǂâibasensa ra taniǂui. Sida ge Jehovab di ǂnûǁkhaeba-ao. Tamas ka io ǀhûǀguitimî-ao. (Jes. 43:10-12) Sida ge 240 miliun New World Translation of the Holy Scriptures, Elobmîde ǂnûiǃkhuni hâ. Nē Elobmîs ǃnâ da ge nau ǂnûiǃkhuni-aon ge Elob ǀonsa ūǂûi. ǃKhaigu hoagu ai Jehovab ǀonsa ǂgā-oa hâ. Tsî da ge Elobmîs ai ǃgaoǃgaosa ǂkhanin hîna. Jehovab ǀonsa ra sîsenūna 1000 gowagu ǃnâ ra ǂnûiǃkhuni.

11. Matin ǃkharu ge ǁaeb Xristeǁîna. Amaban a ǀnam ǃkhaisa ge ǁgau?

¹¹ Jesub ge Elob tsî ǁîb ǂâibasens xa hâ amaba a ǀnam. Jesub ûiǀgaub ge gere ǁgau nē amab ǃnâb da ǂgomsa. Tsîb ge  nē amaba nau khoen tsîna gere mîba. (Jhn. 18:37) Jesub di ama saosaben tsîn ge amaba ǃgamse ge ǀnam i. (Jhn. 4:23, 24) Apostel Petrub ge Xristeǁî ûiǀgauba “amab di daob” di ge ǂgai. (2Pet. 2:2) Amaban ge kaise ǀnam i. ǃKhais ǃaroman ge ǂguro ǁaeb Xristeǁîna. Kerkhegu ǂâiǀgaugu, kaikhâi ūhe gere ǁnaetigu. Tsî khoen ǂâiǀgaugu hîna amab ǀkha. ǃGûǀhao tamaga xu gere ǂgōsen. (Kol. 2:8) ǁKhā ǀgaub ain ge ama Xristeǁîna. Nētsē ra dītsâ ‘amab ǃnâ ǃgûsa.’ Nēsan ge ǁîn ra ǂgomǃgâ xūn tsî ǁîn ûiǀgaub tsîna. Jehovab mîs ai ǃgaoǃgaos ǃnâ-ū ra dī.—3Jhn. 3, 4.

12. Tae-e ra ī ǂgaeǂguira soros ǁaniguga mûǂan o. Sada xūna ra ǁnâuǃā ǀgaub ǃnâ i ǀkharaǀkharana nî dīhesa. Tsî tae-i ǃaromagu nē ǀkharaǀkharana ra dī?

¹² Jehovab ǃoaba-aon ge Elobmîs ǃnâ hâ xūn. Hoanan da ǁnâuǃā ti mî tama hâ. ǁAen ain ge xoa-en da ǁguiǃā ǀgaub. Tamas ka ion da ǀapeǂhumisa mûǂam ǀgaub ǃnâ dīsana ge dī. Nēs ge tā nî buru kai da. Elobmîs ge ra ǁguiǃā ǁîb khoen. Elobmîsa ǁaeb da ī khami ǃgâise ra ǁnâuǃāsa. (Kol. 1:9, 10) Jehovab ge amaba ǁaeb ǀkha ra ǃgāsa kai. ǁNā-amaga da ge ǃnūǃnâxasib ǀkha nî ǃâu. Amab di ǂans nî ǃgāsas kōse. (ǂKhm. 4:18) ǂGaeǂguira soros ǁanigu ga mûǂan o, xū-e da ra ǁnâuǃā. Tamas ka io dī ǀgaub ǃnâ da ǀkharaǀkharana nî dīsa. O gu ge nēsa ǃhaese ra dī. ǂGui kerkhegu ge nētsē ǀkharaǀkharana ra dī. ǁÎn ǂgaeǂgui-aona ǂkhîǂkhîs. Tamas ka io ǃhūbaib ǃnâ ǂanhes ǃaroma. Xawe Jehovab ǃoaba-aon ge ǀkharaǀkharana ra dī. Eloban da ǀgū ǂgao tsî Jesub gere ǃoaba bi. Khami ǃoaba bi ǂgao amaga. (Jak. 4:4) ǀKharaǀkharana da ga dī o, o da ge nēsa. ǃHūbaib khoen ǂâiǀgaugu ra ǀkhara amaga dī tama hâ. Xawe Elobmîsa da ǃgāsase ra ǁnâuǃā amaga. Sida ge amaba a ǀnam—1Tes. 2:3, 4.

13. Mâ ǂhâǂhâsa ǀgauba ama Xritseǁîn xa ra ǁgauhe. Tsî Jehovab ǃoaba-aona mati nē ǂhâǂhâsa ǀgauba nētsē ra ǁgau?

¹³ ǃKharu ge ǁaeb Xristeǁîn ge. ǁÎn di ǃgâi ǀgaugu ǃaroma ge ǂansa i. Xawe mâǂoa gere ǂhâǂhâsa ǀgaub ge ǀnamma. Jesub ge ge mî: “Nēs tawan ge hoana nî mûǂan, ti ǁkhāǁkhāsabe go asa, ǀnamguba go ga sago ǃnâ ūhâo.” (Jhn. 13:34, 35) Nētsēn ge ǃhūbaib ǂhabase hâ Jehovab di ǃoaba-aona. Ama ǀnammi tsî ǀguiǃnâxasib tsîna ra hōǃâ. Nau ǂgomde xu da ge ra mâǂoa. ǀGui omaris ase da ra mûgu amaga. ǃKharagagu ǃhūga xu da hâ. Tsî ǃkharagagu khaoǃhūga ūhâ xawe. Nē ama ǀnamma da ge sida ǀhaodi. ǂHaris ǀhaodi tsî ǀkharib kai ǀhaodi tawa ra mû. Nēs ge ra hui da mûǂansa Jehovaba da. ǁÎba ra ǂkhîǂkhî ǀgaub ǃnâ ra ǃoabasa.

14. Koloseǁîn 3:12-14 ǃoagu mâ ǂhâǂhâsa. ǀGaub ǃnâ da ǀnamma nî ǁgaugu?

¹⁴ Xoas ge ra ǂkhâǃnâ da. ‘Sâuǀnamgu du re ǁgarihes ose.’ (1Pet. 4:8) ǀGui ǀgaub hîna da ǀnamma nî ǁgaub ge. ǀÛbagus tsî sada di ǀoasa oǃnâsib ǃnâ tanigusa. ǀGauna ǃoas tsîna da ge nî kō î da māsenxasiba ǁgau. Tsî sada ǃgâsan ǀhaohâb din hoana sada omde ǃoa ǁkhau. ǁNān hîna ge tsûtsû dan tsîna. (Khomai re Koloseǁîn 3:12-14 sa.) Nēti i ǀnamma da ga ūhâ o. O da ge ama Xristeǁî da a ǃkhaisa ra ǁgau.

15. Mâ ǀgaugu ǃnâ da ǃkharu ge ǁaeb Xristeǁîna ra ǁgae?

¹⁵ ǃKharu ge ǁaeb Xristeǁîn gere ǃoaba.  ǀGauba da ge sida nētsē ra sao. Aiǁgause, ǃkharu ge ǁaeb Xristeǁîn gere xūna dī. Khami da ge sida tsîna xūna ra dī. Sida tsîn ge ǃnarimâra mûǂam-aogu, ǀhaohâb ǃûi-aogu. Tsî ǀhaohâb hui-aogu tsîna ǁîn khami ūhâ. (Fil. 1:1; Tit. 1:5) Sida mûǂuib ǃgamme tamase ǁgoe-ūgus xa da ūhâb. ǀAob a ǃanu ǃkhaisa da a ǂans. Tsî ǀhaohâba ǃhausen tama hâ khoena xu ǁkhaubas. Nēn ge xūn hîna ǃkharu ge ǁaeb Xristeǁîn xa gere dīhe na.—ǃNǃkh. 15:28, 29; 1Kor. 5:11-13; 6:9, 10; Heb. 13:4.

16. Tae-e da Efeseǁîn 4:4-6 ǃnâ hâ mîde xu ra ǁkhāǁkhāsen?

¹⁶ Jesub ge ge mî ǂguin ge nî mî ǁîb di saosaben a di. Xawen ge ama Xristeǁî tama hâ. (Mat. 7:21-23) Xoadi tsîn ge ra mîba da ǀuni tsēdi ǃnân. ǂGuina ‘eloǃaoǃgâxasib di īsiga nî ūhâsa.’ (2Tim. 3:1, 5) Xawes ge Elobmîsa ra mîba da ǀgui ǂgoms ǀguis hâsa. Hîna Elob xa ra ūǃoahesa.—Khomai re Efeseǁîn 4:4-6 sa.    

17. Hamna nētsē Jesuba ra sao tsî ǀgui ama ǂgomsa ra ûiǂui?

¹⁷ Hamna nētsē ǀgui ama ǂgomsa ra sao? ǁÎn ǂgoms a amasa da ge go ôaǃnâ. Jesub gere ǁkhāǁkhā xūn tsî ǃkharu ge ǁaeb. Xristeǁîn ǃoaba ǀgaub ǃoas tsîna da ge go kō. ǀGui ǃereams ǀguis ge hâ—ǁNās ge Jehovab di ǃoaba-aona. Jehovab ǃoaba-aon ǀgui-i ase ǂansas ge kaise ǃgai xū-e. Tsî Jehovab tsî ǁîb ǂâis xa hâ amab tsîna ǂansa. Nēs ǃaroma da ge hoana ra dī ǂgao. Amaba da ūhâsa ǂgoms tsî amaba ǃkhōǀgarasa.