1. Tae-e tanisen da ra ǀgauba ra tsâǀkhā?

 NĒSI da ga ǀase tamas ka io. ǂGui kurina ǁāǁnâhe xawe da ge. Hoada Jehovab a ǀnam ǀgauga ra ūhâ ǂgao. ǁNāsa sīǃnâs ǃaroma da ge. Sida di ǂâiǀgauba nî kōǃgâ. Tae-i ǃaroma? Sada di ǂâiǀgaugu ge sada ǀgauga ra tsâǀkhā. Sada ga hoaǁae sada di ǁgansi turaga da nî ǂkhîǂkhî ǀgaub xa ǂâi. O da ge ǁgai xūna mî tsî nî dī. (Efe. 4:17-19) Xawe da ga ǃgâi xūn xa ǂâi. O da ge Jehovaba ra ǂkhîǂkhî ǀgaub ǃnâ xūna dī tsî nî ǃhoa.—Gal. 5:16.

2. Mâ dîde da nē ǁkhāǁkhāǃâs ǃnâ nî ǃhoaǃgao?

² ǃKharu go ǁkhāǁkhāǃâs ǃnâ i goro mîhe. Khami da ge ǃgâi tama ǂâiǀgauga. ǁKhaeǁoa sida di ǂâide xu. Xawe da ge a ǁhûi ǁkhā î da ǁnā ǂâide ǃkhamǃoa. ǁĀǁnâhe da nîs ais ai da ge. Jehovab ǃhui hâ ǀgaub ǃnâ tanisen tsî nî ǃhoa ǀû. Jehovaba ǀoasase ǂkhîǂkhîs ǃaroma da ge ǁîb di mîmāsa nî ǁnâuǀnam. Hîna ra mîsa ‘ǀasa ǀgauba ana’ re. (Kol. 3:10) Nē ǁkhāǁkhāǃâs ǃnâ da ge sao ra dîde nî ǃeream: Mâba a ‘ǀasa ǀgau’? Tsî mati da ǀasa ǀgauba ana ǀgara ǁkhā?

3. Galateǁîn 5:22, 23 ǃoagu mapa a ‘ǀasa ǀgau’ tsî khoe-e mati ǁnāsa a ana ǁkhā?

³ Khoe-i hîna ‘ǀasa ǀgauba ra ana’ i ge. Jehovab di dīgu tsî ǂâiǀgaugu tsîna ra ǁgae. Khoe-i ge ǀasa ǂūba ra ana gagasi ǂūba i ga ǁgau tsoatsoa o. Tsî i ge ǃanu gagaba ra mā-am  i ǁî-i di ǂâiǀgaub, tsâsib tsî dīga tsâǀkhā. (Khomai re Galateǁîn 5:22, 23 sa.) Aiǁgause, î ge Jehovab tsî ǁîb khoena a ǀnam. (Mat. 22:36-39) ǁNāti i khoe-i ge ǂkhîse ra hâ ǃgomsigu ǃnâs tsîna. (Jak. 1:2-4) ǁÎ-i ge ǂkhîba ra kuru. (Mat. 5:9) ǁÎ-i ge ǃnūǃnâxa tsî nau khoen ǀkha ǃgâise ra hâ. (Kol. 3:13) ǁÎ-i ge ǃgâiba ǀnam tsî ra dī. (Luk. 6:35) ǁÎ-i dīgu ǃnâ-ū î ge ra ǁgau ǀgaisa ǂgomsa i ūhâsa. ǁÎ-i di ǀhomsi ǁgûb ǃnâ. (Jak. 2:18) ǃNomsase i ge ra hâ ǁaiǁai-e i ga ra o. Tsî ra ǃkhō-oasen ǃâitsâhe i gara o.—1Kor. 9:25, 27; Tit. 3:2.

4. Tae-i ǃaroma da Galateǁîn 5:22, 23 ǃnâ ra ǂgaihe ǀgauga nî ūhâ. ǀAsa ǀgauba anas ǃaroma? ǁGuiǃā re.

⁴ ǀAsa ǀgauba ǂgaeǂgās ǃaroma da ge. Galateǁîn 5:22, 23 ǃnâ ra ǂgaihe ǀgaugu hoaga nî ūhâ. * Nē ǀgaugu ge ǀguriǀguri hâ sara-i khami ī tama hâ. Hîna da ǀgui ǁaeb ai a ana ǁkhā-e. Xawe nē ǀgaugu ge nau ǀgaugu ǀkhas tsîna a ǀgui. Aiǁgause sa ǀgūkhoebats ga kaise ga ra ǀnam. Ots ge nî ǃnūǃnâxa tsî nî ǃgâi ǁî-i ǃoagu. Tsîts ga ǃgâi ǂgao, ots ge nî ǃnomsa tsî nî ǃkhō-oasen.

5. Tae-e i ra ǂâibasen “Xristub di ǂâisa ūhâ” sa. Tsî tae-i ǃaroma da ǁîb di ûib xa nî ǁkhāǁkhāsen? (1 Korinteǁîn 2:16)

⁵ Khomai re 1 Korinteǁîn 2:16 sa. ǀAsa ǀgauba anas ǃaroma da ge “Xristub di ǂâisa” nî ūhâ. ǀNî mîdi ǃnâ da ge nî ǁkhāǁkhāsen. Jesub mati ra ǂâisa tsî ǁnāsa nî ǁgae. Jesub ge Elob Gagab di ǂûga ǃgâise ra ǁgau. ǃAnu spils khamib ge ǁîba Jehovab di ǀgauga ǃgâise ra ǁgae. (Heb. 1:3) Jesub khami da ga ra ǂâi. O da ge ǁîb khami nî tanisen. Tsî da ge ǁnās ǀkha ǃnāsase ǁîb di ǀgauga a ǁgae ǁkhā.—Fil. 2:5.

6. ǀAsa ǀgauba da ga ra ana ǂgao, o da tae-e ǂâis ǃnâ nî ūhâ?

⁶ Amabes ǃnâ i a īǁkhā Jesub di aiǁgausa saosa? ǂÂi ǁkhā da ge a: ‘Jesub ge ǀoasa kurusa ūhâ. Tātsē ta ge ǁîb khami ī tide.’ ǁNāti du ga tsâ o, nē amaba ǂâihō re. ǂGurose, du ge Jehovab tsî Jesub khami ge kuruhe. ǁNā-amaga du ge a ǁhûi ǁkhā î du ǁîkha ǁgae. Tsî du ge ǁnāsa ǀnî ǃâb kōse a dīhō ǁkhā. (Gen. 1:26) ǀGamǁîse, Elob di ǃanu gagab ge kaise a ǀgaisa hoaraga ǃhūbaib ǃnâ. ǁNā ǃanu gagab di  huib ǀkha du ge. Dīǁoa du a di du ra ǂâi xūn tsîna a dīhō ǁkhā. Tsî ǃnonaǁîse, Jehovab ge ǂgaoǀkhā da tama hâ. Î da gagab di ǂûga ǃamkuse ǁgae nēsi. Tsî ǁnās ǃaromab ge sida di ǀnamxaǃnâ ǁGûba. Duisen (1000) kuriga ǂnûiǂui hâ în ǁnān hîna. ǃHūbaisi ǃâubasensa ūhâna ǃamkuse ǁgaebi ǁkhā. (J.ǂHa. 20:1-3) Nēsib Jehovaba ǂhâba hâs ge î da. Sida di ǁkhāsib hoab ǀkha dītsâ. Tsî ǁîb ai ǂgomaiǂnûi huihes ǃaroma.

7. Tae-e da nēsi nî ǃhoaǃgao?

⁷ Mâ ǀgaugu ǃnâ da Jesuba a ǁgae ǁkhā? Haka xūna da ge nî ǃhoaǃgao hînab Elob gagab di ǂûba ūhâna. Tsî mâ ǃâb hoab ǃnâ da ge nî ǁkhāǁkhāsen. Matib ge Jesuba nē ǀgauga gere ǁgae ǀgausa. ǁNāsa da ra dī khami da ge ǀnî dîde nî ǃhoaǃgao. Hîna nî huida de î da mûǂan. Matikō ǃgâise da dī hâsa. ǀAsa ǀgauba ǂgaeǂgās ǃnâ.

8. Jesuba mati ǀnamma ge ǁgau?

⁸ Jesub ǁîb di paba kaise ǀnam amagab ge. ǁGuibasa ǁîb tsî sida ǃaroma ge dī. (Jhn. 14:31; 15:13) Jesub ge ǁîb di ǃhūbaisi ûib ǃnâ ge a ǁgau. Hâb gere ǀgaub ǃnâ matikōseb khoena a ǀnamsa. ǁÎb ge hoaǁae ge ǀnamxaǃnâ i tsî ge ǀkhomxaǂgao i. Khoen gere ǁîba mâǃoa xawes tsîna. ǀGui ǀgaub hînab ge ǁnā ǀnamma gere ǁgaub ge. Elob Gaosib xa khoena ǁkhāǁkhās ǃnâ-ū. (Luk. 4:43, 44) Jesub ge ǁîb di māsenxa ǀnamma. Elob tsî khoen ǃoagu ge ǁgau. Taotaosa ǁōbab ge, ǁore-aon di ǃomman ǃnâ a ǁō-o. ǁNāsab ge dī, ob ge hoada ǃaroma. ǀAmo ûib di daoba ge ǁkhōwa-am.

9. Mati da Jesuba ǁgae ǁkhā ǀnamma ǁgaus ǃnâ?

⁹ Sida ûiba da ge Jehovaba ge māǁnā. ǁÎba da a ǀnam amaga. ǁNā-amaga da ge Jesub khami. Sida tsîna Jehovaba ǀnamma nî ǁgau. Nau khoena da ra hâ-ū ǀgaub ǃnâ. Apostel Johaneb ge nēti ge xoa: “ǁÎ-i ǃgâsab, mû i raba i ga ǀnam tama io, mati i kha ǁnâi Elob, mû tama i hâba nî ǀnam.” (1Jhn. 4:20) Dîsen ǁkhā da ge a: ‘ǃGam ǀnamma ta khoena omkhâiba hâ? ǀKhomxaǂgaosiba ta ra ǁgau nau khoena. ǁÎn ga ǃgâi tamase hâ-ū te xawe? ǀNamma ra ǁgarite î da ti ǁaeb. Tsî ū ta hâ xūn tsîna sîsenū î ta. Nau khoena hui în Jehovab xa ǁkhāǁkhāsen? Nēsa ta māsexase ra dī. ǂGuin ga nēsa ǃgôaǃgâ tama i. Tsî mâǃoa te xawe? ǀGauga ta ra ôa î ta ǃnāsa ǁaeba ǁkhāǁkhāsabe dīs ǃnâ ǁhao?’—Efe. 5:15, 16.

10. Matib ge Jesuba ǂkhîb di kuru-ao i?

¹⁰ Jesub ge ge ǂkhîb di kuru-ao i. Khoen ge ǃgâi tamase gere hâ-ū bi. Ob ge Jesuba ǂkhababa, ǂkhabab ǀkha ge mā-oa tama hâ i. Xawe ǁîb ge ǁnās xa ǃnāsa-e gere dī. ǁÎb ge ǁnā aiǂhanuba ū tsî ǂkhîba gere kuru. Tsî naun tsîna gere ǂkhâǃnâ în ǂkhîba kuru. Aiǁgauseb ge ǁîna ge ǁkhāǁkhā. ǂKhîban nî kurusa ǁîn di ǃgâsa-i ǀkha. Jehovab ǁîn di ǃoabasa nî ūǃoasan ga ǂhâba o. (Mat. 5:9, 23, 24) ǁÎb ge mâ ǃnās hoasa ǁîb di apostel ga gere hui î gu. ǁÎgu ǂnoagus ham-i a ǃgâis disa ǃkhamǃoa.—Luk. 9:46-48; 22:24-27.

11. Mati da a ǂkhîb di kuru-ao kai ǁkhā?

¹¹ ǂKhîb di kuru-ao i ase hâs xa da ge. ǃNāsa-e nî dī î da tā ǁnâusagude ǃaroma. ǁNā aiǂhanuba da ge nî sîsenū. Tsî nau khoen ǀkha ǂkhîba nî kuru. Tsî ǁnās ǀkha sida ǃgâsana nî ǂkhâǃnâ. În ǁîn di ǁnâusagude ǃhoaǃgao. (Fil. 4:2, 3; Jak. 3:17, 18) Nē dîde da ge a dîsen ǁkhā: ‘Tae-e ta māsenxase a māǁnā ǁkhā î ta ǂkhîba nau khoen ǀkha kuru? ǃGâsab tamas ka io ǃgâsas ga tita tsûtsû. O ta ǁî-i ǀkha ra  ǁaixa ǀgara? Nau khoe-e ta ra ǃâu î ǁî-e ǂkhîba kuru. Tamas ka io ta tita ǂgurose ǂkhîba ra kuru. Nēsi i ga nau khoe-e. ǁNā ǁnâusagusa ga ra ǃaroma xawes tsîna? ǂHâbasa i ga ra o ta nau khoen. Hîna ǁnâusagude ūhâna ra ǂkhâǃnâ în ǂkhîba kuru?’

12. Matib ge Jesuba khoexaǃnâsiba ǁgau?

¹² Jesub ge ge khoexaǃnâ i. (Mat. 11:28-30) ǁÎb ge khoexaǃnâsiba tsaura. Tsî ǁnâuǃāsa ǀgaub ǃnâ gere ǁgau. ǃGom mâsigu ǃnâs tsîna. Aiǁgauses ge Kanaanǁî tarasa ǀkhomabi o. Îb ǁîs di ǀgôa-e ǂgauǂgau. Ob ge khoexaǃnâ ǀgaub ǃnâ ǁîs ǀkha ge ǃhoa. ǂGuroseb ge ǁîs ge ǂgan xū-e ge dī tama hâ i. Xawes ge ǁîsa ǀgaisa ǂgomsa ǁgau. Ob ge ǁîs di ǀgôa-e ge ǂgauǂgau. (Mat. 15:22-28) Jesub ge khoexaǃnâb ge i xawe. ǁKhaesen tama ge hâ i khoena ǁnamasa māsa xu. ǀNî ǁaegab ge khoexaǃnâsiba gere ǁgau. ǁNān hînab ǁîba ǀnamna ǃoa ǃhoa-ūs ǃnâ-ū. Aiǁgause, Petrub ge Jesub nî Jehovab ǂâisa dīsa gere ǁkhae ǁaeb ai. Îb ge Jesuba nau ǁkhāǁkhāsabegu ais ai ge mî-ūnubabi. (Mrk. 8:32, 33) Nēsab ge ge dī tama hâ îb Petruba taotao. Xaweb ge ǁnāsa ge dī îb ǁîba ǁkhāǁkhā. Tsî nau ǁkhāǁkhāsabegu tsîna hui î gu tā ǀgapiǂâixa. Ama as ge Petrub ge taoba a hōǃâsa. Xaweb ge ǃgâiba ǁnā ǁnamasa xu ge hō.

13. Mati da amabes ǃnâ a khoexaǃnâ ǁkhā?

¹³ ǀNî ǁaegu ai i ge ǀnamma ǁgausa ra ǂâibasen. Khoen hîna du a ǀnamna ǁnamasa māsa. ǁNāsa du ra dī hîna Jesub khami. Sadu ǁnamasa Elobmîs ai ǃgaoǃgao re. Tsau ra ǀgaub ǃnâ nēsa dī re. ǁÎn xa ǃgâib ǀguiba ǂâi re. ǂGom re, ǁnān hîna Jehovaba ǀnam. Tsî sadu tsîna a ǀnaman. Sadu di ǁnamasa ǃgâise nî ūǃoasa. Nē dîde dîsen re: ‘ǁNā ǁkhoaǂgaosiba ta ūhâ. Î ta ǀnam ta a khoe-i ga tsū xū-e ga ra dī o ǃhoa? ǁNamasa ta nî mās ga o. Ta khoexaǃnâ ǀgaub ǃnâ ra ǃhoa. Tamas ka io ta ǃgâi tama ǀgaub ǃnâ ra ǃhoa? Mâ ǂâibasens ǃaroma ta ǁnamasa ra mā? ǁNamasa ta ra mā khoe-i xa ta ǃgâibahe tama hâ ǃkhais ǃaroma. Tamas ka io ta ǁî-e ta ra hui ǂgao ǃkhais ǃaroma ra dī?’

14. Matib ge Jesuba ǃgâisiba ǁgau?

¹⁴ Jesub ge tae-i a ǃgâis ǀguisa ǂan tama hâ. Xaweb ge dīs tsîna ra hî. Jesub ge ǁîb paba kaise a ǀnam ǁnā-amagab ge hoaǁae. ǃGâi ǃaromas ai xūna ra dī. ǃGâi khoe-i ge hoaǁae ǀgauna ra ôa în nau khoena hui ǁkhā. ǃGâis ǀguisa î ge hî tama hâ. Mâ i a ǂhanu xū-e dīs ǃaroma. ǃGâi xū-e da ge nî dīs ge. ǃGâi ǃaromas ai ǃgaoǃgaosase. ǀNîsi da ge a dîsen ǁkhā: ‘Īǁkhā-e ǂhanu tama xū-e dīsa, ǂhanu tama ǂâis ǀkha?’ Îo īǁkhā a. Aiǁgause, Jesub ge ǁnān hîna ǀkhae xūna ǀgâsana gere mān xa ge ǃhoa. Xawen ge gere dītsâ în naun tsîna nē ra dīhe xūna mû. Tsî ǁîna koasa mā. Nē dīgu ge ǃgâi i xawes tsînab ge Jehovaba. ǁNān ǀkha ge ǂkhî tama hâ i.—Mat. 6:1-4.

15. Mati da amabes ǃnâ a ǃgâi ǁkhā?

¹⁵ Amabes ǃnâ da ge a ǃgâi ǁkhā. Sida ga ǁnā xū-e ǃgâi ǃaromas ai ga ra dī o. ǀNîsi du ge neti a dîsen ǁkhā: ‘ǂHanu xū-e ta a ǂan. Tsî ta ǁnāsa ra dīǀoaǀoa? Mâ ǃaromas ai ta ǃgâi xūna ra dī?’

16. Tae-e da tsēs hoasa nî dī tsî tae-i ǃaroma?

¹⁶ ǀAsa ǀgauba ǂgaeǂgās ǁāǁnâs khaoǃgâ ra ǀam di da tā ǂâi re. Sida di îsa ‘ǀasa saraba’ da ge. ǃGâi mâsib ǃnâ nî ūhâ ǀgara. ǀGui ǀgaub hîna da ǁnāsa a dī ǁkhāb ge.  Mâtsēs hoasa mûǂuisa î da. Elob gagab di ǂûga ǁgau ǁkhā. Tae-i ǃaroma? Jehova Elob a dīgu di Elo amaga. Tsî ǁîb di gagab ge sîsenǂuiba ūhâ. (Gen. 1:2) ǁNā-amagab ge mâ gagab di ǂûb. Hoaba nî hui da î da xū-e dī. Aiǁgause, ǁkhāǁkhāsabeb Jakobub ge ge xoa: ‘ǂgoms sîsen-i ose ǁō hâsa.’ (Jak. 2:26) ǁKhā xū-i ge mîhe ǁkhā ǀgara ǀgaugu Elob gagab di gu xa. Hoaǁae da ga gagab di ǂûga ga ra ǁgau. O da ge ra ǁgau Elob gagab ra hui da sa.

17. Mati da nî tanisen gagab di ǂûba ǁgaus ga ǃgomba da o?

¹⁷ Xristeǁî-i hîna ǂgui kuriga ǁāǁnâhe hâ i tsîn ge. ǀNî ǁaegu ai ǃgomma ra tsâ gagab di ǂûga ǁgaus ǀkha. Xawe ǂhâǂhâsa xū-i ge, î da tā ǀûsen. Saora aiǁgaus xa ǂâi re. Kaise du a ǀnam sara-i ga doa o du ǃhaese nî axū? Tātsēs tsîna. Īǁkhā i ga o du ge ǁnā doa hâ sara-e nî dī-ūnu. Tsî du ge ǁnās khaoǃgâ nî ǃûisen î ǁnā sara-e tā ǁkhawa doa. ǁKhā ǀgaub ai du ga ǀnî ǁaegu ai. Khoexaǃnâ, ǃnūǃnâxa tsî ǀnamxaǃnâ ǀgaub ai tanisen tama io. Nau khoen ǃoagu, o tā ǂkhabuǂâi re. ǂGaoba xu ǀûbaba ǂgans ge xūna a ǃgâiǃgâi ǁkhā. Tsî nî hui da î da nau khoe-i ǀkha ǀhōsagusisa ǃgâiǃgâi. ǁNās ǀkha dītsâ re, î hānîǁaeb ǃaroma ǃgâise dī.

18. Tae ǂgomǃgâsiba da a ūhâ ǁkhā?

¹⁸ Kaise da ge ra gangan. Jesub ge aiǁgausa mâiba da ǃkhais ǃaroma. ǃNāsase da ga ǁîb di ǂâiǀgaub xa ga ra ǂâi. O i ge nî supuba da ǁîb khami isa. Tsî da ga ǃnāsase Jesub khami ga ra tanisen. Os ge ǀasa ǀgauba anasa kaise nî supuba da. Nē ǁkhāǁkhāǃâs ǃnâ da ge Elob ūhâ. Haka gagab di ǂûgu xa go ǃhoa. Tae-i ǃaroma da aiǃgû tsî. ǀNî hâ gagab di ǂûgu xas tsîna ǁkhāǁkhāsen tama hâ. Matikō ǃgâise da nē ǀgauga ra sao ǀgaub xa ra ǂâiǃgâse? Nē ǁkhāǁkhāǃâdi xa hâ ǃnāsa xūna du ge. Research Guide for Jehovah’s Witnesses di hâ ǂkhanis ǃnâ. “Christian Life” tsî ǁnāpaxu “Fruitage of the Spirit” di hâ ǃâb tawa hō ǁkhā. ǂGomǃgâ ǁkhā du ge a sadu di ǃâba du ga dī. Ob Jehovaba sado nî huisa î du ǀasa ǀgauba ǂgaeǂgā tsî ūhâ ǀgara.