1-2. Apostel Paulub aiǁgausa mati ǀhaohâb ǃûi-aoga nētsē hui ǁkhā?

 APOSTEL Paulub ge ǃgâsana ge ǀnam-i. ǁÎb ge ǃgarise sîsen tsî ǁîna gere kōǃgâ. (ǃNǃkh. 20:31) Nēs ǃaroma i ge ǃgâsana ǁîba kaise ge ǀnam-i. Aiǁgause gu ge Efesus ǀhaohâb ǃûi-aoga ǁnâuo. Pauluba gu ǁkhāpa mû tidesa, o gu ge “kaise ge ā.” (ǃNǃkh. 20:37) Sada ǀhaohâb ǃûi-aogu ge ǃgâsana a ǀnam. Tsî ǁkhāgu a i hoa-e ra dī ǁîna huisa. (Fil. 2:16, 17) Xawe gu ge ǀhaohâb ǃûi-ao gu tsîna ǃgomsina ra hōǃâ. Tae-e ǁîga hui ǁkhā?

² Sida ǀhaohâb ǃûi-aogu ge Paulub aiǁgausa xu a ǁkhāǁkhāsen ǁkhā. (1Kor. 11:1) Paulub ge ǀhomǃgāgu khami ǀgaib. Tsî ǀoasa kurus tsîna ge ūhâ tama hâ i. Tsî ǀnî ǁaegu ai gere dīsā. (Rom. 7:18-20) ǁÎb ge ǂgui ǃgomsiga ge ūhâ i. Xaweb ge ge ǀûsen tama hâ i. Tsî ǁîb ǃgâiaǂgaoba ge ǂoaǃnâ tama hâ i. ǀHaohâb ǃûi-ao gu ga Paulub di aiǁgausa ǁgae, o gu ge. ǃGâiaǂgaob ǀkha Jehovaba ǃoaba ǁkhā. ǃGomsina gu ga hōǃâ xawe. Nēsi da ge mati gu ǁnāsa dī ǁkhāsa nî ǃhoaǃgao.

3. Nē ǁkhāǁkhāǃâs ǃnâ da tae-e nî ǃhoaǃgao. Tsî tae-i tsîna nî hui da?

³ Nē ǁkhāǁkhāǃâs ǃnâ da ge haka ǃgomsigu. ǀHaohâb ǃûi-aogu ra hōǃâ gu xa nî ǃhoaǃgao: (1) ǀnōsa mûǂuiba aoǁnâ sîsenni tsî nau ǁgui-aidi ǁgaegu ūhâs, (2) ǁaeba ǁamaǂui tsî ǃgâsana ǂkhâǃnâs, (3) khoesi ǂkhabusasiba taniǁkhās. Tsî (4) ǀoasa kurusa ūhâ tama khoen ǀkha sîsenǀhaos.  Paulub ge ǁîb ǃgomsiga mati dansa hōba ǀgaub. Tsî mati gu ǀhaohâb ǃûi-ao ga. ǁÎb aiǁgausa ǁgae ǁkhā ǁgaub xa da ge nî ǃhoaǃgao.

4. Tae-i ǃaroma i ǀnî ǁaegu ai ǀhaohâb ǃûi-aoga a ǃgomba ǁkhā, aoǁnâ sîsenne dīsā?

⁴ Nēsa tae-i ǃaroma a ǃgom ǁkhā. ǀHaohâb ǃûi-aogu ge ǂgui ǁgui-aide ūhâ. Aoǁnâ sîsene dīs ǂamai. Aiǁgause ǀnîgu ge wekheb ǁaegu hâ ǀhaos ai a aiǂnû-ao. Tamas ka io ǀhaohâb Elobmîs ǁkhāǁkhāsa ra dī. Tsî gu ge ǃhoadi tsîna ra mā. ǁÎgu ge ǀhaohâb hui-aoga ǁkhāǁkhā. Tsî nau ǃgâsana ǂkhâǃnâsa a ǀnam. (1Pet. 5:2) ǀNî ǀhaohâb ǃûi-aogu ge ǀapeǂhomis om sîsengu ǃnâ ra ǃâ. Xawe gu ge ǀhaohâb ǃûi-ao ga nau ǃgâsan khami. Aoǁnâ sîsen-e kaise ǂhâǂhâsase ra mû.—Mat. 28:19, 20.

5. Pauluba aoǁnâ-aob ase mâ aiǁgausa ge ǁgau?

⁵ Paulub aiǁgaus. Efeseǁîn 5:16 ge ra mî: “Î du ǁaeba ǁamaǂuibasen, tsēdi a ǂkhaba xuige.” Nē xoas ge Pauluba ge hui îb ǃgâi aoǁnâ-ao kai. Paulub ge nē ǀapemāsa ge sîsenū. ǁÎb ge aoǁnâ sîsenni ǁgaumâisa ge ūhâ i. Tsîb ge ǂgui kurina aoǁnâ sîsenne ǂhâǂhâsase gere mû. ǁÎb ge ǃgangu (straat) tsî ‘omsa xu oms’ ǀkha gere aoǁnâ. (ǃNǃkh. 20:20) ǁÎb ge aoǁnâsa ge ǃkhō-oa tama hâ i. Tsî mâ ǃēs hoasa sîsen-u tsî gere aoǁnâ. Aiǁgause, Atenes ǃnâb ǁîb ǀhōna ǃâu hâ. Hînab ge ǀgapi khoena ǃgâiǂhôasa ge aoǁnâba. Tsîs ge nēsa ǃgâi ǀamǂoasa ge ūhâ i. (ǃNǃkh. 17:16, 17, 34) ‘ǃKhōsis’ ǃnâb ge hâ i ob ge Pauluba. ǁÎb ǂnamipe hâ khoena gere aoǁnâba.—Fil. 1:13, 14; ǃNǃkh. 28:16-24.

6. Pauluba mâ ǀgaub ǃnâ nauna gere ǁkhāǁkhā?

⁶ Paulub ge ǁîb ǁaeba ǃgâise gere sîsenū. ǁÎb ge hoaǁae nauna gere ǁkhau în ǁîb ǀkha aoǁnâ sîsenne dī. Aiǁgauseb, ge ǁîb di ǂguro sîsabe sîsenni ǃnâ. Johaneb, Markub tis tsîna ǀon hâba ge ū sao. Tsî ǁîb ǀgamǁî ǃnaris ǃnâ Timoteuba. (ǃNǃkh. 12:25; 16:1-4) Paulub ge ǁkhāb a i hoa-e dī. Tsî nē khoega ge ǁkhāǁkhā. Mati gu ǀhaohâga kōǃgâ, ǃgâsana gagasise ǂkhâǃnâ. Tsî nî ǃgâi ǁkhāǁkhā-ao kai ǃkhaisa.—1Kor. 4:17.

7. Efeseǁîn 6:14, 15 ǃnâb ge. Pauluba mî xū-e mati ǀhaohâb ǃûi-aoga hui ǁkhā?

⁷ ǁKhāǁkhāsen du go xūn. ǀHaohâb ǃûi-aogu ge Pauluba omsa xu oms ǀkha. Aoǁnâs ǃnâ ǀgui ǁgae tide. Xawe gu ge mâ ǃēs hoasa nî sîsenū, aoǁnâ sîsenni ǃnâ. (Khomai re Efeseǁîn 6:14, 15 sa.) Aiǁgause gu ge ǁama ǃgû gu ga o. ǁNā ǃēsa  sîsenū tsî ra aoǁnâ. Tsî ǁîgu sîsenni ais tsîna ra aoǁnâ. Tamas ka io gu ga Gaosib omsîsenga dī os tsîna gu ge. ǃGâiǂhôasa ǁîgu ǁanǁare-aon ǀkha ra ǀgoragu. Tsî gu ge ǁama ai gu ra khoen tsîna ra aoǁnâba. Paulub khami gu ge ǀhaohâb ǃûi-aoga. Aoǁnâ sîsenni ǃnâ gu ra hâ ǁaeba sîsenū. Tsî nauna ra ǁkhāǁkhā, ǀhaohâb hui-aoga ǃkhōǂgā hâse.

8. ǀNî ǁaegu ai gu ǀhaohâb ǃûi-aoga tae-e dī ǁkhā?

⁸ ǀHaohâb ǃûi-aogu ge tā ǁnātikōse ǀhaohâb sîsengu. Tamas ka io ǃnarimâ sîsenni ǃnâ nî ǃâ. Tsî aoǁnâ sîsenne nî ǁnāǃgâ. ǀNōsa mûǂuiba ūhâs ǃaromas tsîna gu ge. ǀNî sîsenan hîna gu ra māhena a ǂkhā ǁkhā. ǂÂiǃgâs tsî ǀgores khaoǃâgu ge ǀnîsi nî mûǂan. Nē sîsenne gu ga ūǃoa, o gu ǂhâǂhâsa sîsenne nî ǁnāǃgâsa. Aiǁgause omaris ǃoabas, ǀoasase aoǁnâ sîsenni ǃnâ dīs. Tamas ka io ǀgôana aoǁnâ sîsenne dīsā ǁkhāǁkhāsa. ǀNîgu ge kaise a ǃgombahe aiǂhanuga ūǃoasa ǂkhāsa. Xawe gu ge ǂgomǃgâsiba ūhâ ǁkhā Jehovab ra ǁnâuǃāsa. ǁÎgu di turaba ǀnōsa mûǂuiba hoa xūn ǃnâ ūhâsa.

9. ǀHaohâb ǃûi-aoga mâ ǃgomsina ra hōǃâ?

⁹ Nēsa tae-i ǃaroma a ǃgom ǁkhā. Jehovab di khoen ge ǂgui ǃgomsiga ra hōǃâ. Nē ǀuniga tsēdi ǃnâ da ge hoa da. ǂKhâǃnâs, huib tsî ǁkhaeǂgaos tsîna ǂhâ hâ. Tsî ǀnî ǁaegu ain ge ǀnîna. Huiba ǂhâ hâ în tsū xūna xu ǂgōsen. (1Tes. 5:14) Ama as ge ǀhaohâb ǃûi-aogu ge. Hoa ǃgomsin hînan Jehovab khoena ra hōǃâna a ūbe ǁoa. ǁNāti i ga ī xaweb ge Jehovaba ǂhâba hâ. Î gu ǀhaohâb ǃûi-aoga ǁkhā gu a-i hoa-e dī. Tsî ǁîb khoena ǂkhâǃnâ tsî sâu. Mati i ǀhaohâb ǃûi-aogu hîna. ǀNai ǂgui sîsen-e ūhâ ga ǁaeba nî kuru. Î gu ǃgâsana ǂhân hâ huiba mā?

10. 1 Tesalonikaǁîn 2:7 ǃoagub ge. Pauluba mati Jehovab khoena gere koǃgâ?

¹⁰ Paulub aiǁgaus. Paulub ge hoaǁae ǃēde gere ôa. Îb ǃgâsana koa tsî ǂkhâǃnâ. ǀHaohâb ǃûi-aogu tsîn ge Paulub di ǀnamxaǃnâ aiǁgausa ra ǁgae. Tsî Jehovab di khoena ǀnamxaǃnâ ǀgaub ǃnâ nî kōǃgâ. (Khomai re 1 Tesalonikaǁîn 2:7 sa.) Paulub ge ǃgâsana gere mîba ǀnam nîb a ǃkhaisa. Tsîb Jehovab tsîna ǁîna a ǀnamsa. (2Kor. 2:4; Efe. 2:4, 5) Paulub ge ǀhaohâb ǃnâ ge hâ i ǃgâsana ǁîb ǀhōn ase gere hâ-ū. Tsî ǁîn ǀkhas tsîna gere hâǀhao. ǁÎb ge ǁînab ra ǂgomǃgâsa gere ǁgau. ǁÎn ǀkhab ge ǂkhauǃnâse ǁîb di ǃaon. Tsî ǂkhabusasigu xa gere ǃhoa o. (2Kor. 7:5; 1Tim. 1:15) Paulub ge ǁîb ǃgomsin ai ǁîb ǂâisa ge ǂnûi tama hâ i. Xaweb ge ǁîb ǃgâsana gere hui ǂgao.

11. Pauluba tae-i ǃaroma ǃgâsana gere ǁnama?

¹¹ Paulub ge ǀnî ǁaegu ai ǃgâsana gere ǁnama. Xaweb ge ǁnāsa ǁaixab ge hâ i  amaga ge dī tama hâ i. ǁÎb ge ǃgâsana gere ǁnama. ǁÎnab ǀnam tsî tsū xūna xu gere ǁkhauba ǂgao amaga. ǁÎb ge gere dītsâ îb ǁîb ǁnamasa supu. Tsî ǁnâuǃāxa ǀgaub ǃnâ mā. Tsîb ge gere ǂhâba în ǃgâsana ūǃoa. Aiǁgauseb ge Pauluba Korinteǁîna ǃoa sîǂkhinisa a xoa. Ob ge ǀgaisa ǁnamasa ge mā. Tsî Titub ǀkha ǁnā sîǂkhinisa ge sî. Paulub ge ǃgâsan ge nē sîǂkhinisa. ǃKhōǃoa ǀgauba gere ǂanǂgao. Kaiseb ge gere ǃgâiaǂgao ǁnâub ge o. ǁÎb di ǀapemāsan ge ǃgâise ǃkhōǃoa tsî sîsenūsa.—2Kor. 7:6, 7.

12. ǀHaohâb ǃûi-aoga mati ǃgâsana ǂkhâǃnâ ǁkhā?

¹² ǁKhāǁkhāsen du go xūn. ǀHaohâb ǃûi-aogu ge Paulub di aiǁgausa ǁgae. Tsî ǃgâsan ǀkha nî hâǀhao. ǀGui ǀgaub hîna gu nēsa dī ǁkhās ge. ǀHaohâb ǀhaodi tawa ǁaeb aiǃâ sī. Tsî ǂkhâǃnâ ra ǁgamǁarede ǃgâsan ǀkha ūhâsa. ǃNāsase i ge ǀoro ǁaeba ra ū ǃgâsana. ǂHân hâ ǀnamxaǃnâ ǂkhâǃnâsa māsa. (Rom. 1:12; Efe. 5:16) Paulub aiǁgausa ra sao ǀhaohâb ǃûi-aogu ge. Elobmîsa ra sîsenūse ǃgâsan ǂgomsa ra ǀgaiǀgai. Tsî ǃgâsana ra hōhōǃnâ Jehovab ǁîna a ǀnamsa. Tsîb ge ǁîb kōǃgâs ǃnāga hâna ǁîb ǀnamma ra ǁgau. ǁÎb ge ǁîn ǀkha hoaǁae ra ǃhoa. Tsî ǀgauga ra ôa îb ǁîna koa. ǀHaohâb ǃûi-ao-i ga ǁnamasa mā o i ge. Nēsa Elobmîs ai nî ǃgaoǃgao. ǁîb ge ǃoaǃū xawe ǃgâi ǀgaub ǃnâ ra ǁnama. ǃGâsan ǁîb ǁnamasa nî ǃkhōǃoasab ǂhâbâ hâ amaga.—Gal. 6:1.

13. Khoesi ǂkhabusasiga mâ sîsenǂuiba. ǀHaohâb ǃûi-aogu ai a ūhâ ǁkhā?

¹³ Nēsa tae-i ǃaroma a ǃgom ǁkhā. ǀHaohâb ǃûi-aogu ge ǀoasa kurusa ūhâ tama hâ. Tsî gu ge sada khami ra dīsā. (Rom. 3:23) ǀNî ǁaegu ai gu ge ǃgomsiba hōǃâ ǁkhā. ǀNōsa mûǂuiba ǁîgu ǂkhabusasigu ǃaroma ūhâsa. ǀNîgu ge ǁîgu ǂkhabusasigu ai ǂâisa ra ǂnûi. Tsî nēs ǀkha ra ǂkhabuǂâi. ǀNîgu ge ra ǂâi ǁîgu ǂkhabusasigu ǂhâǂhâsa tama hâ di. Tsî ǁnās ǀkha ǂhâǂhâsa ǀkharaǀkharana dī tama.

14. Filipeǁîn 4:13 sa mati Pauluba ge hui, îb ǃgâi ǂâiǀgauba ūhâ. ǁÎb di ǂkhabusasigu xa?

¹⁴ Paulub aiǁgaus. ǃGamǃgamsenxasibab ge ūhâ i, amagab ge Pauluba gere ǁnâuǃā. Khoesi ǂkhabusasigab ge aitsama dan ǁoa i ǃkhaisa. ǁÎb ge Eloba xu ǀgaiba ge ǂhâ hâ i. ǂGurob ge Pauluba ge ǃgari dana i. Tsî Xristeǁîna gere ǃgôaǃgon. Xaweb ge ega ǁîb di ǃnubusiga ge ǂanǃgâ. Tsîb ge māsenxase ǁîb di ǂūba ge tawa. (1Tim. 1:12-16) Jehovab huib ǀkhab ge Pauluba ge. ǀNamxaǃnâ, ǀkhomxaǃnâ, ǃgamǃgamsenxa ǀhaohâb ǃûi-ao  kai. ǁÎb ge ge ǂan i ǀoasa kurusab ūhâ tamasa. Xaweb ge ǁnās xa ǀgui ge ǂâi tama hâ i. Tsîb ge gere ǂgom Jehovab ǁîba nî ǀûba ǃkhaisa. (Rom. 7:21-26) ǀOasa kurusab ūhâ tib ge ge ǂâi tama hâ i. Xaweb ge ǃgarise sîsen tsî ǁîb Xristeǁî ǀgauba ge ǀkharaǀkhara. Tsî ǃgamǃgamsenxase Jehovab ai ge ǂgomaiǂnûi. Îb ǁîb sîsenga dīsa huihe.—1Kor. 9:27; Khomai re Filipeǁîn 4:13 sa.

15. Mati gu ǀhaohâb ǃûi-aoga ǂhanu. Tsî ǀoasa mûǂuiba nî ūhâ ǁîgu ǂkhabusasigu xa?

¹⁵ ǁKhāǁkhāsen du go xūn. ǀHaohâb ǃûi-aogu ge ǀoasa kurusagu ūhâ amaga ǁgaumâihe tama hâ. Xaweb ge Jehovaba ǁîga xū ra ǂgaoǀkha. Î gu ǁîgu dīsāde ǂanǃgâ tsî Xristeǁî ǀgauga omkhai. (Efe. 4:23, 24) ǀHaohâb ǃûi-aob ge Elobmîsa nî sîsenū. Tsî ǁnās xa nî huihe îb ǀkharaǀkharana dī. ǁNāsab ga dī ob ge Jehovaba nî huibi. Îb ǂkhî tsî ǃgâi ǀhaohâb ǃûi-ao kai.—Jak. 1:25.

16. Tae-e a īǁkhā ǀhaohâb ǃûi-aogu ga. ǃGâsan ǂkhabusasigu ai ǂâisa ǂnûi o?

¹⁶ Nēsa tae-i ǃaroma a ǃgom ǁkhā. ǀHaohâb ǃûi-aogu ga ǃnāsase ǃgâsan ǀkha hâ. O gu ge supuse ǃgâsan ǂkhabusasiga mûǁkhā. Tsî gu ga ǂanbasen tama io gu ge. ǃHaese ǁaixa, ǃgâsana mî tsî a ǀgoraǃgâ ǁkhā. Paulub ge Xristeǁina ge ǃkhâikhom. Nēsan ga dī on ǁGâuaba ra ǂkhîǂkhî ǃkhaisa.—2Kor. 2:10, 11.

17. Pauluba mâ ǀgaub ǃnâ ǃgâsana gere mû?

¹⁷ Paulub aiǁgaus. ǁÎb ge ǃgâsan xa hoaǁae ǃgâise gere ǂâi. ǁÎn dīsādeb ge ge ǂan i. ǁÎban ge ǀnî ǁaegu ai gere tsûtsû ǃkhais ǃaroma. Xaweb ge Pauluba ge ǂan i, dīsā i go ǃkhais ǃaroma i. ǁNā khoe-e ǁgai khoe tama ǃkhaisa. ǃGâsan ge ǂhanu xū-e dīs ǀkha ǃgoma gere hoǃâ. Ob ge Pauluba gere ǂâi. ǂHanu xū-en gere dī ǂgao xawen ge huiba ǂhâ hâ isa.

18. Tae-e da ra ǁkhāǁkhāsen Paulub ge Euodias. Tsî Sintixes di ǃgomsiba ǀgoraǃgâ ǀgauba xu? (Filipeǁîn 4:1-3)

¹⁸ Aiǁgause ǂâi re Paulub ge mati ǀgam ǃgâsa ra. Filipe ǀhaohâb ǃnâ hâ i ra hui ǀgausa. (Khomai re Filipeǁîn 4:1-3 sa.) Aiǁgause ra ge ǀnîsi Euodias tsî Sintixes tsîra ge ǁnâusāgu. Tsî ge khoe ǀhōsagu ǀû. Paulub ge ǁîra ǂkhabusasigu ai ǂâisa ge ǂnûi tama hâ i. Xawe ǁîra di ǃgâi ǀgaugu ai ǁîb ǂâisa gere ǂnûi. Nē ǂgomǂgomsa ǃgâsa ra ge Jehovaba kaixuse ge ǃoaba. Paulub ge ge ǂan i Jehovab ǁîra a ǀnam ǃkhaisa. ǁÎb ge ǃgâi mûǂuiba nē ǃgâsa ra xa ge ūhâ i. ǁNā-amagab ge ǁîra ǂkhâǃnâ tsî ge hui î ra ǂkhîbagu. Nau khoen di ǃgâi ǀgaugu aib ge ǂâisa gere ǂnûi. Amagab ge Pauluba ǃgâiaǂgaoba ge ūhâ i. Tsî ǀgaisa ǀhōsagusisa ǀhaohâb ǃnâ hân ǀkha ge ǃkhōǀgara ǁkhā i.

19. (a) ǀHaohâb ǃûi-ao ga mati ǃgâi mûǂuiba ǃgâsan ǃoagu nî ūhâ? (b) ǃAnu ra ǀhaohâb ǃûi-aob ai-īsiba xu du tae-e ra ǁkhāǁkhāsen?

 ¹⁹ ǁKhāǁkhāsen du go xūn. ǀHaohâb ǃûi-ao go, ǃgâi ǀgaugu ǃgâsan ūhâ ga mû re. Hoa da ge ǀoasa kurusa ūhâ tama. Xawe i ge mâ i hoa-e ǃgâi ǀgaugu hîna da ǁgae ǁkhā ga ūhâ. (Fil. 2:3) Ama as ge ǀhaohâb ǃûi-aogu ge. ǁAeba xu ǁaeb ǀkha ǃgâsana nî hui. În ǁîn ǂâiǀgauga ǃgâiǃgâi. Xawe Paulub khami gu ge ǀhaohâb ǃûi-ao ga ra dītsâ. Î gu tā ǃgâsan di dīsā di ai ǀgui ǁîgu ǂâisa ǂnûi. Xawe gu ge ra dītsâ î gu ǁnā ǃgâsa-i Jehovaba ǀnam, mâǀgai. Tsî Jehovaba ra ǃoaba ǀgaub ai ǁîgu ǂâisa ǂnûi. Tsî dī i ra ǃgâi xūn ais tsîna. ǀHaohâb ǃûi-aogu hîna nau khoen ǃgâi ǀgaugu ai. ǁÎgu ǂâisa ra ǂnûi gu ge ǃgâsana ra hui. În ǀhaohâb ǃnâ ǀnamhe hâse tsâ.

20. ǀHaohâb ǃûi-aoga Paulub di aiǁgausa xu mati ǃgâiba hō ǁkhā?

²⁰ ǀHaohâb ǃûi-aogu ge Paulub aiǁgausa ǁgaes xa nî huihe. Aiǁgause Watch Tower Publications Index i ǃnâ. “Paul” di hâ xoaǂams ǃnaga “example for elders” di hâ ǃâba khomai re. ǁNāpa hâ xūna du ga khomai o dîsen re. ‘Matis Paulub di aiǁgausa nî hui te, î ta ǃgâiaǂgaoba ūhâ ǀgara. ǀHaohâb ǃûi-aob ase ta ti sîsen-e ra dī hîna?’

21. ǀHaohâb ǃûi-aoga tae-i ǂgomǃgâsiba ūhâ ǁkhā?

²¹ ǀHaohâb ǃûi-aogo ǂâis ǃnâ ūhâ re. Jehovab ge sago xu ǀoasa kurusa ǃâubasen tama hâ. ǁÎb ge ra ǂhâba î go ǂgomǂgomsa. (1Kor. 4:2) Jehovab ge Paulub di ǃgari sîsenni tsî ǂgomǂgomsasiba gere ǃgôaǃgâ. ǂGomǃgâsiba du ge a ūhâ ǁkhā. Jehovab sadu ra dī sîsenni ǀkha a ǂkhîsa. Jehovab ge tātsēs tsîna ‘sadu sîsenni. Tsî ǀnammi ǁîb ǀons ǃnâ du ge ǁgauba ǀuru tide. ǃAnuna du gere ǃoaba tsî ganupe ra ǃoabas ǀkha.’—Heb. 6:10.