1. Sadu ûiba mati ge ī i. Elobmîsa du nî ǁkhāǁkhāsens aiǃâ?

 SADU ûiba mati ge ī i. Jehovab di ǃoaba-aon ǀkha du. Elobmîsa nî ǁkhāǁkhāsen tsoatsoas aiǃâ? ǂGui da ge nî ǃao ǁnās xa ǂâisa. Sida di mûǂuib tsî ǀgaub ge. Nē ǃhūbaib di xūn xa ge tsâǀkhāhe hâ i. ǃGâi tsî tsū xūn ǁaegub ǃnâ. Tsî ǁnās ǃaroma da ge “ǃâubasen-i xare-e ūhâ tamase tsî Elob ose ǃhūbaib ai” ge hâ i. (Efe. 2:12) Elobmîsa da ge ǁkhāǁkhāsen tsoatsoa. Ob ge sida di ûiǀgauba ge dawa.

2. Elobmîsa du ge ǁkhāǁkhāsen tsoatsoa o. Tae-e ge du ge ǂanǂui?

² Elobmîsa da ge ǁkhāǁkhāsen tsoatsoa, o da ge ge mûǂan. ǀHomsi ǁGûb hîna a ǀnamda ba da ūhâ ǃkhaisa. Hōǃâ du ga o Jehovaba du ra ǂkhîǂkhî ǂgao. Tsî ǁîb di omaris di ǃâ kai ǂgaosa. O du ge kai ǀkharaǀkharana sadu ûiǀgaub, mûǂui ǀgaub. Tsî ǂâiǀgaub ǃnâ nî dī. Sadu ge ǁkhāǁkhāsen ǁkhā i du. ǁÎb di ǀgapi ǀgaugu ǃoagu ûi.—Efe. 5:3-5.

3. Koloseǁîn 3:9, 10 ǃoagub Jehovaba tae-e ra ǂhâba î da dī. Tsî tae-e da nē ǁkhāǁkhāǃâs ǃnâ nî ǃhoaǃgao?

³ Sida di Kuru-ao tsî ǀHomsi ǁGûb aseb ge. Jehovaba ǁnā ǂhanuba ūhâ îb mîǁgui. ǁÎb ǃoaba-aon mâ ǀgaub ǃnâ nî tanisensa. Tsîb ge ǁnāsa ra ǂgaoǀkhā ǁāǁnâhe da nîs ais-ai. ǁKhāsib hoab ǀkha da ge nî dītsâ. ‘Î da ǀoro ǀgauba ǁîb di dīgu hoagu ǀkha ǁhûǁnâ.’ * (Khomai re Koloseǁîn 3:9, 10 sa.) Nē ǁkhāǁkhāǃâs ge ǁāǁnâkaisen ǂgaorana nî hui în ǃnona dîde ǃeream: (1) ‘ǀoro ǀgauba’ a tae? (2) tae-i ǃaromab Jehovaba ra. ǂGaoǀkhā da î da ǀoro ǀgauba ǁhûǁnâ? (3) mati da ǁnāsa a dīhō ǁkhā? Xawe sida hîna ǀnai ǁnāǁnâhe hâ da ge. Nē ǁkhāǁkhāǃâs xa nî huihe i da tā. ǀNai da ge ūhâ i ǂūga ǁkhāpa tsoatsoa.

4. Mati i khoe-e ra tanisen ‘ǀoro ǂūb’ xa i ga ǂgaeǂhabuhe o?

⁴ Khoe-i hîna ‘ǀoro ǂūgu xa ra’ ǂgaeǂhābuhe i ge. ǃNāsa ǁaeba ǁore kai i nî ǀgaub ǃnâ ra ǂâi. ǁÎ-i ge ǀnîsi ǁî-i xa ǀgui ǂâi. ǃHaese ǁaixa, ganganoǃnâ tsî a ǀgapiǂâixa ǁkhā. ǁÎ-i ge ǀnîsi a ǃgâibahe ǁgoe-ūgub di xūna kōs. Tsî ǃkhamǃnâhe ra movina kōs xa. ǁÎn ge ǃgâi ǀgaugu tsîna ūhâ tsî ǁnās ǀkha ǀhapixase ra tsâ. Dī i ra ǃgâi tama xūn tsî mî i ra ǃgâi tama xūn xa. Xawe i ge ǁî-i ǂkhâǃnâsa ǁnātikōse ǀgaisa tama hâ. Î-i ǂâiǀgaub ǁî-i tiba dawa tsî dīgu tsîna.—Gal. 5:19-21; 2Tim. 3:2-5.  

5. Mâ mûǂuiba da nî ūhâ ǀoro ǂūba ǁhûǁnâs tawa i ga ǀkhī o. (ǃNaeǃkhaidi 3:19)

⁵ ǀOasa kurusa da ge ūhâ tama hâ. ǁNā-amaga da ge hoaraga ǃgâi tama ǂâiǀgaugu. Tsî tura-aigu tsîna sida di ǂgaogu tsî ǂâide xu a ūbe ǁoa. ǀNî ǁaegu ai da ge ega da si a ǃhausen ǁkhā xū-e a mî tsî dī ǁkhā. (Jer. 17:9; Jak. 3:2) Xawe ǀoro ǂūba da ga ǁhûǁnâ o. O i ge khoesi tanisen ǀgaugu. Tsî dīgu tsîna sida ǂgaeǂhabu tama hâ. Tsî da ge ǁnās ǀkha ra ǀasa khoe kai.—Jes. 55:7; khomai re ǃNaeǃkhaidi 3:19 sa.

6. Tae-i ǃaromab Jehovab ra ǂkhâǃnâ da. Î da ǃgâi tama ǂâiǀgaub tsî ǀgaugu tsîna ǁhûǁnâ?

⁶ Jehovab ge ra ǂkhâǃnâ da î da. ǃGâi tama ǂâiǀgaugu tsî ǁnaedi aiga ūbe. ǁÎb kaise a ǀnam da tsî ra ǂhâba amaga. Î da ǃgâiba ûib ǃnâ hō. (Jes. 48:17, 18) ǁÎb ge a ǂan ǁnān hîna ǃgâi tama turagu ǃnâ ra māǁnâsenan. Aitsama ra tsûtsûsen tsî ǁîn xōǀkhā hân tsîna ra tsûtsûsa. ǁÎba i ge ra tsûtsû sida tsûhâse mûsa. Tsî sida xōǀkhā hân tsîna tsû hâse mûsa.

7. Romeǁîn 12:1, 2 ǃoagu da mâ mîǁguiga ūhâ?

⁷ ǀNî ǀhōsan sida din tsî omaris ǁanin ge a mîǁgaiǁgai da ǁkhā. Dītsâ tsî da sida di ǀgauga ra ǀkharaǀkhara ǂgao amaga. (1Pet. 4:3, 4) ǁÎn ge a mîba da ǁkhā. Aiǂhanuba da ūhâsa î da ǂgao da ra xū-i hoa-e dī. Tsî tā nau khoena mā-am. În mîba da, tae-e da nî dīsa. Xawe ǁnān hîna Jehovab di ǁgaraga ǁnâuǀnam taman ge. Amabes ǃnâ ǃnōrasasiba ūhâ tama hâ. Xawen ge amabes ǃnâ ra  mā-am în ǁGâuab hîna. Nē ǃhūbaiba ra ǂgaeǂguib xa tsâǀkhāhe. (Khomai re Romeǁîn 12:1, 2 sa.) Hoada ge mîǁguiga nî dīs ge: Nēsi da ga ǀoro ǂūba ǁhûi. ǁGâuab tsî ǁoreb xa ǃkhōǂgāhe hâba. Tamas ka io da ge a ǁhûi ǁkhā. Îb Jehovaba ǀkharaǀkhara da. Î da ǃgâi khoese nēsis tsîna ī.—Jes. 64:8.

8. Tae-e a hui da ǁkhā î da. ǃGâi tama ǂâiǀgaub tsî ǁnaeti aina xu ǂgōsen?

⁸ Jehovab ge a ǂan ǁgai tanisen ǀgaugu. Tsî ǂâi ǀgauga ǀûs ǁaeb tsî ǁkhāsib tsîna ǂgaoǀkhā hâsa. (Psa. 103:13, 14) Xaweb ge ǁîb di mîs, ǃanu gagab. Tsî ǁîb ǀapeǂhumis ǃnâ-ū gā-aisib, ǀgaib tsî ǂkhâǃnâs tsîna ra māda. Hîna da ǂhâhâsa î da ǀkharaǀkharasen. Tsî amabes ǃnâb ge ǀnais tsîna hui du hâ. ǀKhī re î da nēsi ǀnî hâ xūn. Hîna du a dī ǁkhā na ǃhoaǃgao. Hîna nî mā-am du na î du noxoba. ǃNāsase ǀoro ǂūba ǁhûǁnâ. Tsî ǁnās ǀkha ǁāǁnâhes kōse sī ǁkhā.

9. Elobmîsa tae-e dīs ǀkha a hui du ǁkhā?

⁹ Elobmîsa sîsenū re, î du ǃgâise ôaǃnâsen. Elobmîs ge spils khami ī; hui da ǁkhā i ge a î da mû mati da ǂâi, ǃhoa tsî tansen ǁkhā ǀgaub tsîna. (Jak. 1:22-25) Sadu Elobmîsa ra ǁkhāǁkhā khoe-i tsî ǂansa ūhâ Xristeǁî-i ge a. Hui du ǁkhā daoǁgausa mādus ǃnâ. Aiǁgause i ge xoasa ra sîsenūse a hui du ǁkhā. Î du mûǂan sadau ǀgaib tsî ǂkhabusasigu tsîna. ǁÎn ge a ǁkhāǁkhā du ǁkhā î du. Elobmîs ai ǃgaoǃgaosa xūna ôa. Hîna supu ǀgaub ai a hui du ǁkhāna. Î du sadu ǃgâi tama tanisen ǀgauga sîsenǂam. Tsî Jehovab ge hoaǁae aiǂhomisen hâ sida huis ǃaroma. ǁÎb ge a ǂhanu khoe, sado huis ǃaroma. Sadu ǂgaob ǃnâ hâ xūnab a ǂan amaga. (ǂKhm. 14:10; 15:11) ǁNā-amaga ǁnaetib ase dī tsî ǁîba ǃoa ǀgore re. Tsî ǁîb di mîsa tsēs hoasa ôaǃnâ re.  

10. Tae-e du go ǁkhāǁkhāsen Elieb di aiǁgausa xu?

¹⁰ ǂGomǃgâ re Jehovab ǀgaugu haoǁae a ǃgâisa. ǃGâiba da ge a hō ǁkhā. Hoa xūn hînab Jehovaba ǂgaoǀkhā da hâna dīsa xu. ǁNān hîna ǁîb di ǀgaugu ǃoagu ra ûin ge. Aitsama ǃgôasensa ra hō. Ûib ǃnâ ǂâibasensa ūhâs tsî ǃgâi ǂkhîb tsîna. (Psa. 19:7-11) Xawe ǁnān hîna Jehovab di ǀgauga sao taman ge. ǁÎn di dīgu xa ǃaromahe hâ tsûba nî hōǃâ. Kō re Elie di ǀon hâ khoeb. Jehovab di ǀgauga ǂhābēs xa tae-e ra mîsa. ǁÎb ge ǁgûra hîna Jehovaba ǀnam ra xa ge kaikaihe. Xawe Elieb gere kaikhâi ob ge ǃgâi tama hâǁaesa ge ǁhûi. ǁÎb ge drugs na sîsenū, ǀai tsî ge ǃnaris tsoatsoa. Elieb ge ge mûǂan ǁîb ge ǃnāsase ǁaixa. Tsî ǂkhabadīb ǀguiba gere dīsa. “Xristeǁî-i ase ta dī tide. Xūn hoana ta ge gere dī.” Tib ge ra ǂanǃgâ. Xawe Elieb ge ge ǀuru tama hâ i ǂkhami ge iob ge ǁkhāǁkhāsen xūna. Tsîb ge ǁnās ǃaroma. Elobmîsa ge ǁkhāǁkhāsen tsoatsoa. ǁÎb ge ǃgarise ge sîsen îb ǃgâi tama ǂâiǀgauga xu ǂgō. Tsî 2000ǁî kurib ǃnâ ge ǁāǁnâhe. Mati i ge Jehovab ǀgaugu ǃoagu. Ûisa ǁîba ǃgâiba ǀkhī-ūba? Elieb ge ra mî: “Nēsi da ge sâsa ûiba ūhâ tsî ǃanu ǃgâiǂâis tsîna.” * Nē aiǁgaus ra ǁgau khami în ge ǁnān hîna. Jehovab di daoǁgaude ūǃoa tama hâna aitsama ra tsûtsûsen. Xawe ǁnāti i ga ī xawe. Îb ge Jehovaba māsenxa. ǁÎna huisa în ǀkharaǀkharasen.

11. Jehovaba taena ǃhui hâ?

 ¹¹ ǁKhāǁkhāsen re î Jehovab ǃhui hâna ǃhui. (Psa. 97:10) Elobmîs ge ra mî Jehovab. ‘ǀGapi mûdi, ǂhumi nams tsî ǃomgu ǀhapioǀaoba ra ǂnâxū ga’ ǃhui hâ ǃkhaisa. (ǂKhm. 6:16, 17) “ǀAob tsî gāxaǃnâsib di khoebab ge ǃKhūba ra ǃharaxū” tis tsînab ge ra mî. (Psa. 5:6) Jehovab ge ǁnāti i tansien ǀgaugu tsî dīgu tsîna ǃhui hâ. Tsîb ge ǁnās ǃaroma Noaxi tsēdi ǃnâ ge hâ i khoena. ǁNā ǂkhabadīgu ǃaroma ge hîgaga. (Gen. 6:13) Aiǁgaue-e kō re, Jehovab ge kēbo-aob Malaxib ǃnâ-ū ge mî. ǁÎb kaise ǃhui hâsa ǁnān hîna ǀhôakao ǀgaub ǃnâ. ǀHapio ǃgamme khoena ra ǀgora xuna. Elob ge ǁîn di ǃoabasa ūǃoa tama hâ. Tsî dīn ra xūn ǃoagu nî ǀgoraǃgâ nî.—Mal. 2:13-16; Heb. 13:4.

12. Tae-e i ra ǂâibasen ‘ǂkhababa ǁkhansa’?

¹² Jehovab ge ra ǂhâba î da “ǂkhababa ǁkhan.” (Rom. 12:9) ǁNā mîs “ǁkhan” di hâs ge ǃgam ǂâibasensa ūhâ. ǁNās ge ra ǂâibasen î da sida xū-e ǃhui, i sida uixaba. ǂÂis ǀguisa hî re mati du nî tanisensa. ǁNā i xa ǂâis tsîna dīs ge ǀnîsi nî ǀaesen kai du. ǁKhā ǀgaub ǃnâ i ge Jehovab ǃhui hâ xū-e. ǂÂis tsîna dīsa sida nî uixa kai.

13. Tae-i ǃaroma da ǃgâi tama ǂâiǀgauba nî ǁkhan?

¹³ Sadu ǂâiǀgauba ǃûi re. Sida ǂâiǀgaugu ge sida dīga ra tsâǀkhā. ǁNās ǃaromab ge Jesuba ge ǁkhāǁkhā da. Î da ǀgaisa ǁoreba nî dī kai da ǂâide ǁkhan. (Mat. 5:21, 22, 28, 29) Sida ǀhomsi ǁGûba da ge amabes ǃnâ ra ǂkhîǂkhî ǂgao. ǁNās ǃaroma i ge kaise ǂhâǂhâsa. Î da ǃgâi tama ǂâiǀgaugu hîna ra ǀkhī ga ǁkhan.

14. Sida ǃhoa ǀgauba tae-e sida xa ra ǁgau. Tsî mâ dîde da nî ǃeream?

¹⁴ Sadu ǃhoa ǀgauba kō re. Jesub ge ge mî: “Amsa xu ra ǂoan ge ǂgaoba xu ra ǀkhīna.” (Mat. 15:18) Îo, sida ǃhoa ǀgaub ge ra ǁgau ǂganaga da mati isa. ǁNās ǃaroma sao ra dîde aitsama dîsen re: ‘ǂHumiba ǃhoasa xu ta ra ǂgōsen. Amaba ǃhoas ǃgomsib ǃnâ nî ǂgā te xawes tsîna? ǃGamme hâ khoeta ase ta ra ǂanbasen. Î ta tā nau khoe-e tita ǀnam kai? ǁGoe-ūgus di ǃhoade xu ta ra ǂgōsen? Khoe-i ga ǁaixa kai te, o ta ǃnomsase ra ǃeream?’ ǁNā dîdi xa ǂâis ge kai huib ase nî ība du. Sadu di ǃhoa ǀgaub ge ǁapan hîna saran ǃnâ hân ǀkha a ǀgopeǀnōhe  ǁkha. Dītsâ tsî da ga ǂkhabab, ǂhumib tsî ǁgoe-ūgub xa hâ ǃhoade. Sida di ǁgamǀhaode xu gara ūǂui o. O i ge ǁnāsa nî hui da î da ǀoro ǂūba ǁhûǁnā.

15. Sida ǀoro ǂūba ‘ǃgâumâisa’ tae-e ra ǂâibasen?

¹⁵ Māsenxase dīhe nî xūn hoana dī re. Apostel Paulub ge aiǁgausa ge mā da hîna ra ǁkhāǁkhā da sa. Matikōse î a ǂhâǂhâsasa sida ûiǀgauba dawa sa. ǁÎb ge ge xoa i da sida ‘ǀoro ǂūba ǃgâumâi.’ (Rom. 6:6) ǀNî mîdi ǃnâ Xristub di aiǁgausa da ge ra sao ǂgao. Jehovab ǃhui hâ xūna ǃhuis ǃnâ-ū. Nē xūna da ga dī o ǀgui da ge ǃanu ǃgâiǂâisa nî hō. Tsî aiǂhanub tsîna nî ūhâ ǀamo ûib di ǃâubasensa. (Jhn. 17:3; 1Pet. 3:21) ǂÂihō re tātsēb ge Jehovaba. ǁÎb di ǀgauga dawa tide îb sida ǂkhîǂkhî. Xawe da ge sida ǀgauga nî dawa. Tsî ǁnās ǀkha ǂgaoǀkhādi ǁîb dide nî sīǃnâ.—Jes. 1:16-18; 55:9.

16. Tae-i ǃaroma da nî aiǃgû sorosi ǂkhabusasiga ǃkhamǃoas ǀkha?

¹⁶ Aiǃgû tsî sorosi ǂkhabusasiga ǃkhamǃoa re. ǁĀǁnâhe toa da ga xawes tsîna da ge nî aiǃgû. Sorosi turaga ǃkhamǃoasa. Maurício di ǀon hâ khoeb di aiǁguasa kō re. ǂKham i a hînab ge ǁîb khami a aorekhoega ǀnammi di tsâsiga ge omkhâiba. Xaweb ge ega Jehovab di ǃoaba-aon ǀkha ǀhao. Tsî Elobmîsa ge ǁkhāǁkhāsen tsoatsoa. Tsîb ge 2002ǁî kurib ǃnâ ge ǁānâhe. Nēsib Jehovaba ǂgui kurina ǃoaba hâ. Xaweb ge Maurícioba nēti ra mî: “Amabes ǃnâ ta ge nēsis tsîna a mî ǁkhā. ǀNî ǃgâi tama tura ai ga ta ǁaegu ai ra ǃkhamǃoasa.” Xaweb ge nēsa mā-am tama hâ îb ǂkhabuǂâi kaihe. Xaweb ge nēti ra mî: “ǁkhaeǂgaohe ta ge ra ǂan ta ga o. Nē tura ai gu ai ta ga sîsen. O ta Jehovaba a ǂkhîǂkhî ǁkhā ǃkhaisa.” *   

17. Mâ ǂkhâǃnâ ra xū-e du go Nabihas di aiǁgausa xu hō?

¹⁷ Jehovab huiba ǀgoreba. Tsî ǁîb gagab ai ǂgomǃgâ re. Sadu ǀgaib ais ose. (Gal. 5:22; Fil. 4:6) ǃGarise da ge nî sîsen î da ǀoro ǂūba ǁhûǁnâ. Tsî ǁnāti ūhâ ǀgara. Nabihas di ǀon hâ khoes di aiǁgausa kō re. ǁÎs di pab ge ge ǁnāxusi ǃnani kurixas a hîna. “ǁNās ge kaise ǀgaisa tsûba ge mā te,” tis ge ra mî.  Kais ra khamis ge Nabihasa ǃhaese gere ǁaixa. Tsîs ge drags na ge ǁamaxu tsoatsoa tsî ge ǃkhōhe. Tsî kurina tronkhes ǃnâ ge ǂnôa i. Jehovab ǃoaba-aon hîna ge tronkhesa gere sarin ge. ǁÎsa Elobmîsa ge ǁkhāǁkhā tsoatsoa. Nabihas ge kai ǀkharaǀkharana ge dī tsoatsoa. “ǀNî ǁnaetigu hîna ta gere dīgu ge ge supu-i ǁnāxusa,” tis ge ra mî. “Xawe saru-e ǂgae ǀûs ge kaise ge ǃgom i.” Nabihas ge ǂgae ǀûs ǀkha ǃgomsiba ge ūhâ i. ǀGui kurib xa ǃnāsases ge ge dītsâ ǂgae ǀûsa. Matis ge dīhō ǁkhā i? “Hoan xa ge ǂhâǂhâsa ba te îs ge ǀûs ose. Jehovaba ǃoa ǀgoresa i ta saru-e ǂgae ǀû.” tis ge ra mî. Nēsisas ge nauna nēti ra mîba: “ǂGomǃgâsiba ta ge ūhâ tita ga ǀkharaǀkharana dīhō o. Î ta Jehovaba ǂkhîǂkhî o î ge mâ khoe-i hoa-e a dīhō ǁkhā!” *   

18. 1 Korinteǁîn 6:9-11 ǃoagun ge Elob ǃoaba-aona tae-e dīhō?

¹⁸ ǂGuro ǁaeb ǃnâ i ge aogu tsî taradi hînab ge. Jehovaba ǁhûi în Jesub ǀkha ǂgaeǂguina. ǁGai xūna ǁnās ais ai ge dī hâ i. Aiǁgause în ge ge ǀai-ao i. Aorega aorega ge ǀnam-i. Tarede tarede ge ǀnam-i tsî ge ǃnari-ao i. Jehovab di ǃanu gagab di huib ǀkhan ge. ǁÎn di ǀoro ǂūga ge dawa. (Khomai re 1 Korinteǁîn 6:9-11 sa.) ǁNās khami ǀguis ge Elobmîsa. Miliuns xa ǃnāsa khoen di ûiga dawa hâ. * ǁÎn ge ǁgai ǁnaeti ga ge a ǀû. ǁÎn di aiǁgaus ge ra ǁgau. Sadu tsîn ǀkharaǀkharana sadu ǂūb ǃnâ dī. Tsî a ǁāǁnâkaisen ǁkhāsa.

19. Tae-e da sao ra ǁkhāǁkhāǃâs ǃnâ nî ǃhoaǃgao?

¹⁹ ǀOro ǂūga ǁhûǁnâsa da ra sîsen ai hînan ge. ǁĀǁnâkaisen ǂgao ra na nî dītsâ în ǀasa ǂūba ǂgaeǂgā. Sao ra ǁkhāǁkhāǃâs ge nî ǃhoaǃgao. Mati da ǁnāsa a dī ǁkhāsa. Tsî matin naun tsîna a hui da ǁkhāsa.