1. Matib ge Mateuba ǀgaisa ǂgomsab khâis ǃnâ ûhâsa ge ǁgau?

 ǂKHAM ǀgôab Mateub di ǀon hâb ge, ǁkhōǁkhōsa ǀaeba ūhâ ǂgui ǃhôade ǂgaoǀkha hâba. Hû kurixab a hînab ge ǁîb omaris ǀkha jw broadcastingsa gere kō. Proxrammi ǀams ain ge musik vidioba ge kō. ǀNamsaben ge ǁōba xu gere ǁkhoreǁharehe ǀgauba. b Proxrammi ǀams aib ge Mateuba ǁîb di ǁgûra ǃomkha ǃkhō tsî ge mî: “ǁŌ ta ga xawe ta ge hāniǁaeb ǃnâ nî khâima. Hoa xūn ge nî ǃgâi, ǃâutes ǀguisa hî re.” Mûnanai re mati ra ge nē ǁgûra gere ǃgâiaǂgao ǀgausa. ǁÎra ǀgôab ǀgaisa ǂgomsa khâis ǃnâ ūhâsa ra ge ǁnâu o.

2-3. Tae-i ǃaroma i khâis di ǃâubasens xa ǂâisa a ǃgâi?

² Hoada ge ǃgâise ra dī, Elobmîs mîmâis hāniǁaeb khâis dis xa da ga ǁaeba xu ǁaeb ǀkha ǂâio. (Jhn. 5:28, 29) Tae-i ǃaroma? Tātsē da ǂan tama hâ amaga mâǁae da ǁkhōǁkhōsa ǀae-e a hō ǁkhās. Tamas ka io ǃâubasen tama da hâse ǀnam da a khoe-e a ǂoaǃnâ ǁkhāsa. (Aoǁn. 9:11; Jak. 4:13, 14) Khâis di ǃâubasens ge a hûi da ǁkhā, i da ǁnāti-i ǃgomsin ǃnâ mâǀgai. (1Tes. 4:13) Xoadi ǃnâ da ge ra ǁapoǁapoba-e, sada ǀhomsi ǁGûb ǃgâise a ǂan da tsî kaise a ǀnam da ǃkhaisa. (Luk. 12:7) Jehova Elob ge ǃgâise a ǂan da tsî khoe-e î-i a ǀgaub ai khâisa nî mā, ǁkhā ǀgaugu tsî ǂâi di ǀkha. Jehovab ge kaise a ǀnam da tsî ge īǁkhā kai i da ǀamose ûi. ǁŌ da ga xaweb ge ǁîba khâisa nî mā da.

³ Nē ǁkhāǁkhāǃâs ǃnâ da ge ǂguro nî ǃhoaǃgao, tae-i ǃaroma da khâis di mîmâis ǃnâ a ǂgom ǁkhāsa. ǁNāpa xu da ge ǂgomsa ra ǀgaiǀgai Elobmîs ǃnaeǃkhaisa nî ôaǃnâ. Sada dana xoaǂams mîde ǃkhōǂgā hâsa. ‘Sa ǃgâsab  ge nî khâi.’ (Jhn. 11:23) ǀAms ai da ge nî ǁkhāǁkhāsen mati da sada di ǂgomsa khâis di ǃâubasens ǃnâ nî ǀgaiǀgaisa.

4. Mîmâi-i ǃna ǂgoms ǃaroma da, tae-i ǃnâ ǂgomǃgâsiba nî ūhâ? Aiǁgau-e mā re.

⁴ Mîmâi-i ǃnâ ǂgoms ǃaroma da ge nî ǂan. ǁNā-i hîna mîmâi-e ra dī-i ǁkhoreb tsî ǀgaib tamas ka io ǁî-e dīǀoaǀoas di ǁkhāsiba ūhâsa. Aiǁgause, mûnanai re sadu oms go ǀgaisa ǂoab xa a ǁgaiǁgaihesa. Tsî î ge sadu ǀhōsa-e ra mîmâiba du, ‘tita ge nî hui tsi sa omsa om-oas ǀkha.’ ǁÎb ge a ǂhauǃnâ tsî du ge ra ǂgom ǁîb sado ra hui ǂao ǃkhaisa. ǁÎb ga ǂansa ūhâ om-ao tsî ǂhâsa sîsenu xūna ūhâ tsî hui dus ǁkhasib tsîna ūhâsa du ge a ǂan, o ǁîb mîmâis ǃnâ ǂgom i du nî? O, Elob mîmâis khâis dis xa matis? ǁÎ-e dīloaǀoas ǁkhoreb tsî ǀgaib tsîna ū îb hâ?

5-6. Tae-i ǃaroma da a ǂgom ǁkhā Jehovab ǁōhâna khâisa mās di ǁkhoreba ūhâsa?

⁵ Jehovaba ǁōhâna khâisa mās di ǁkhoreba ū i hâ? Amase ūhâ. ǁÎb ge Elobmîs xoa-aoga ǃanu gagab ǀkha ge daoǁgau. Î gu ǁîb mîmâis hānîǁaeb khâis dis xa xoamâi. (Jes. 26:19; Hos. 13:14; J.ǂHa. 20:11-13) Jehovab ga xū-e mîmâi, ob ge hoaǁae ra dīǀoaǀoa. (Jos. 23:14) Jehovab ge ra ǁkhore ǁōhâna khâisa māsa. Tae-i ǃaroma da di a mî ǁkhā?

⁶ Jobi di mîdi xa ǂâi re, ǁîb ge gere ǂgom ǁōb ga xaweb Jehovaba ra ǁkhoresa ǁîba ǁkhawa ûitsamase mûsa. (Job. 14:14, 15) Jehovab ge ǁkhā ǁkhoreba ǁîb di ǃoaba-aon hoan hîna ge ǁōna ûba hâ. ǁÎb ge khâisa ra mā nî ǂgao în ǂuru tsî ǂkhî ûiba ūhâ ǁkhā. O, biliundi khoen hîna ge Jehovab xan amaba ǁkhāǁkhāsens ǃēsan ūhâ tama hâ hîa a ǁōn xa matis? Sada ǀnamxaǃnâ ǁgûb ge ǁîn tsîna khâisa ra mā ǂgao. (ǃNǃkh. 24:15) ǁÎb ge ra ǂgao în ǃēsa hō tsî ǁîb ǀhōsa kai tsî ǀamose ǃhūbaib ai ûi. (Jhn. 3:16) ǃGāsa î ge a Jehovab ǁnā ǁkhoreba ūhâsa ǁōhâna khâisa masa.

7-8. Tae-i ǃaroma da a ǂgom ǁkhā Jehovab ǁōhâna khâisa mās di ǀgaiba ūhâsa?

⁷ Jehovaba ǁōhâna khâisa mās di ǀgaib tsînab ūhâ? Îo, ǁÎb ge a “Hoaǀgaixa.”(J.ǂHa. 1:8) ǁÎb ge kai ǀgaiba ūhâ mâ khākhoe-i hoa-e dansa, ǁōb tsîna ǃkhōǂgā hâse (1Kor. 15:26) ǁNāsa ǂans ge ǀgaiǀgai da tsî ra ǁkhaeǂgao da. ǃGâsas Emma Arnolds ge ǃkharu ǃnâ xu i xa ǂâire. ǁÎs tsî ǁîs omaris di ǂgoms ge ǀgamǁî torob, hîna ge ǃhūbaib ǂhawase hâ īb ǃnâ ge ǃâitsâhe. ǀNamsaben hîna ge Nazi tronkedi ǃnâ gere ǁōn ǃaromas ge Emmasa ǁîs ǀgôasa ǁkhaeǂgao tsî gere mî: “ǁŌ ge khoen ga tātsē ǁkhawa ûi tama ga ra io. O î ge ra ǂâibasen sada khākhoeb ǁōb Elob xa a ǀgaisa di. Xawe ǁnās ge a ama ǁoa.” Xū-i xare î ge Jehovab xa ǀgaisa tama hâ. Hoaǀgaixa Elob ûiba ge kurub ge ǁnān hîna ge ǁōna ǁkhawa ûiba mā-oas di ǀgaiba ūhâ.

⁸ ǀNî hâ ǃaromas hîna ta a ǂan, Elob ǁōhâna khâisa mās di ǁkhāsiba ūhâs ge ǁîb ge mâ xū-i hoa-e a ǂâihō ǁkhā. Tsîb ge mâ ǀamiros hoasa ǁîs ǀons ai ra ǂgai. (Jes. 40:26) ǁÎb ge ǁnān hîna ge ǁōn tsîna ra ǂâihō. (Job. 14:13; Luk. 20:37, 38) ǁÎb ge khâisab nî mā khoena īn ge ī ǀgaub hoab tsî ǁîn ǂâi di ǀkha supuse a ǂâihō ǁkhā.   

9. Tae-i ǃaroma du Jehovab ge mîmâi hāniǁaeb di khâis ǃnâ ra ǂgom?

⁹ Jehovab di mîmâis hāniǁaeb di khâis ǃnâ da ge a ǂgom ǁkhā. ǂAn da amaga ǁîb  xū-e di ǀoaǀoas di turab tsî ǀgaib tsîna ūhâsa. ǂÂi re ǀnî ǃaromas hîna da Elob mîmais ǃna ǂgom ǁkhāsa. Jehovab ge ǀnai khoena khâisa ge mā. Elobmîs di ǁaeb ǃnâb ge Jehovaba ǀoro ǂgomǂgomsa aoga ǀgaiba ge mā, îgu ǁōhâna ǂkhaiǂkhai Jesuba ǃkhōǂgāhâse. Ha re î da Jonhaneb 11ǁî danaǃâs ǃnâ a xoasa khâis hîna ge Jesub xa a dīhesa ôaǃnâ.

10. Tae-e ge ī Jesub ge Jorani nauǃnanib Betanis ǃnâ ra aoǁnâ hîna? Tsî tae-eb ge dī? (Johaneb 11:1-3)

¹⁰ Khomai re Johaneb 11:1-3 sa. Mûnanai re tae-i ge 32ǁî kurib tsoatsoas ai Betanis ǃnâ a īsa. Jesub ge nē ǃās ǃnâ ǀgū ǀhosana ge ūhâ i. Lasarub tsî ǁîb ǀgam ǃgâsara Marias tsî Martas tsîna. (Luk. 10:38-42) Xaweb ge Lasaruba ge ǀaesen tsîra ge ǁîb ǃgâra gere ǂaiǂhansen. ǁÎn ge Jesub hîna ge Jordanǃāb nauǃnanib ai ge hâ îba ǃoa haisi-amsa ge sî. ǁNapaxū Betanis ǀkha ǃgûs ge 2 tsēra ge ǃkhōǂgā hâ i. (Jhn. 10:40) Tsûaǂgaoxaseb ge Lasaruba, sî-e ge khoeb ge Jesuba tawa a sī ǁaeb ai ge ǁō. Jesub ge ǁîb ǀhōsab ge ǁnā ǁaeb ai a ǁōsab ge ǂan-i. Xawe noxoba 2 tsēra hâb ge i ǃkhais tawa hâ tsî ǁnāpaxū ǀgui Betanisa ǃoa ge ī. Jesub ge sī, ob ge Lasaruba ǀnai 4 tsēde ge ǁō hâ i. Jesub ge ǁîb ǀhōsan ǃgâiba nî hō xu xū-e ge dī. Tsî Eloba ǂhaisiba ge mā.—Jhn. 11:4, 6, 11, 17.

11. Tae-e da nē ǃnaeǃkhaisa xu ǀhōsagusis xa a ǁkhāǁkhāsen ǁkhā?

¹¹ Nē ǃnaeǃkhais ǃnâ da ge ǃgâi ǀhōsagusis xa ra ǁkhāǁkhāsen. Nēs xa ǂâi re: Marias ge haisi-amsa Jesuba ǃoa a sî, os ge ge ǂganbi tama hâ i îb Betanisa ǃoa hā. ǁÎra ge ge mî ǁîb di ǀhōsab ǀaesen hâsa. (Jhn. 11:3) Lasarub ge ǁō, ob ge Jesuba ǃnūseba xu ǁîba khâisa ga mâ hâ. Xaweb ge Jesuba Betanisa ǃoa ge ī, îb ǁîb ǀhōra Marias tsî Martas tsîn ǀkha sī hâ. ǀHōsa-e du uhâ hîna nî hui du-e ǁî-e du ǂgan tama hâ hîna? ǁNās ǃnâ-ū du ge a ǂan, ǁî-e du a ǂgomǃgâ ǁkhāsa “ǂhâb” ǃnâ du ga hâ o. (ǂKhm. 17:17) A da Jesub khami naun ǃoagu ǁnāti ī ǀhōsa re. Hā re îda nēsi mû tae-i saorase ra īsa.

12. Jesuba tae-e Martasa ra mîmâiba? Tsî tae-i ǃaromas ge ǁîba ǂgom ǁkhā i? (Johaneb 11:23-26)

¹² Khomai re Johaneb 11:23-26 sa. Martas ge ge ǁnâu Jesub Betanis ǀgūse hâsa. ǁÎs ge Jesub tawa sī tsî ge mî: “ǃKhūtse, sats ga nēpa hâ hâo, ob ge ti ǃgâsaba ga ǁō tama hâ.” (Jhn. 11:21) Ama as ge ǁîb ge Lasaruba ge ǂuruǂuru ǁkhā i. Xawe Jesub ge buruxa xū-e gere dī ǂgao. ǁÎb ge ge mîmâi: ‘Sa ǃgâsab ge nî khâi.’ ǁÎb ge Martas tsîn ǁîb di mîmâis ǃnâ nî ǂgomǃgâ ǃaromasa ra mā tsî ra mî: “Tita ge khâita tsî ûita.” ǁÎb ge Elob xa ǁōb tsî ûib ǂam-ai ǀgaiba māhe hâ. ǁAeroba ǃkharu hâseb ge ǂkham ǀgôaros tsî ǂkhamkhoeb tsîna ǁōra ge tsēs ai khâisa ge mā. (Luk. 7:11-15; 8:49-55) Xawe khoe-i hîna 4 tsēde ǁōhâ tsî sorosa ǀō tsoatsoa hâ-eb khâisa a mā ǁkhā?

13. Johaneb 11:32-35 ra ǁgaus ǃoagu, Jesuba tae-e ge dī Marias tsî nau khoen tsîn ra āsab ge mû o? (Ai-īsiba mû re.)

¹³ Khomai re Johaneb 11:32-35 sa. Munan-ai re tae-i sao rase ra īsa. Lasarub nau ǃgâsas Marias ge ra ǂoa is Jesuba sī ǀhao ū. ǁÎs ge ǁkhā mîdi ǃgâsas ge mîte ra mî: “ǃKhūtse, ti ǃgâsab ge ga ǁō tama hâ, sats ga nēpa hâ hâo.” ǁÎs tsî ǁîs ǀkha hâ khoen ge kaise ǃoa hâ. Jesub ge ǁîn ra ā ǀgauba mû tsî a ǁnâu, ob ge kaise ge tsûaǂgao. ǁÎb di ǀhōsanab ūba hâ ǀkhomxaǂgaosib xa tsâǀkhāhe hâseb ge ge ā. ǁÎb ge ra ǁnâuǃā matikōse i a tsûtsûsasa sida a ǀnam khoe-i ga ǁō o. Amabes ǃnâb ge ǁîba, ǁîn ǁgamrona ra ǃaroma xūna ra ūbe ǂgao.

14. Marias ge ā ob ge Jesuba a tanisen ǀgauba tae-e Jehovab xa ra ǁkhāǁkhā da?

¹⁴ Marias ge ā ob ge Jesuba a tanisen ǀgaub ge ra ǁgau, Jehovab a ǀkhomxaǂgaosib di Elosa. Tae-i ǃaroma da ti a mî ǁkhā? ǃKharugo ǁkhāǁkhāǃâs ǃnâ da go mû khamib ge, Jesuba ǁîb ǁgûb di ǂâi ǀgaub tsî tsâsiga ǀoasase ra ǁgae. (Jhn. 12:45) ǁÎb ǀhōsan ra ǃoasab ge mû, ob ge Jesuba gere ā ǁînab gere ǀkhom amaga. ǁNā-amaga da ge a ǂan, Jehovab ā da ra ǀgaubab ga mû ob ǁîb tsîna ra ǀkhom dasa. (Psa. 56:8) Amases ge ǁnāsa sada di ǀkhomxaǂgaosib di Eloba ǃoa ra ǂgae da.

15. Johaneb 11:41-44 ǃoagu, tae-e Lasarub di ǀhobas tawa ge ī? (Ai-īsiba mû re.)

¹⁵ Khomai re Johaneb 11:41-44 sa. Jesub ge Lasarub di ǀhobas tawa sī tsî ge ǂgan, is ǀuisa ūbēhe. Martas ge ǂkhā tsî ra mî soros go ǀnîsi ǀnai a ǀō tsoatsoasa. Ob ge Jesuba ǁîs ǃoa ge mî: “Mîba si tama ta hâ, tita ǃnâs ga ǂgom os nî Elob ǂkhaisiba mû ǃkhaisa?” (Jhn. 11:39, 40) Jesub ge ǀhomma ǃoa kō tsî ge ǀgore. ǁÎb ge saorase nî ī xū-i xa Jehovaba hoa koasa ra mâ ǂgao. Tsîb ge Jesuba ǃgari dommi ǀkha ge ǂgai: “Lasarutse, ǂoaxa!” Tsîb ge Lasaruba ǀhobasa xu ge ǃgû ǂoa. Jesub ge ǀnîn īǁoa tide ti ge ǂâi xū-e ge dī.—Johaneb 11:17 di study notesa mû re.

16. Johaneb di 11ǁî danaǃâs ǃnâ ra hō-e ǃnaeǃkhaisa mati sida ǂgomsa khâis di ǃâubasens ǃnâ ra ǀgaiǀgai?

 ¹⁶ Johaneb di 11ǁî danaǃâs ǃnâ ra hō-e ǃnaeǃkhais ge, sida ǂgomsa khâis ǃnâ ra ǀgaiǀgai. Mâ ǀgaub ǃnâ? ǂÂi oa re Jesub ge Martasa ge mîmâiba: ‘Sa ǃgâsab ge nî khâi.’ (Jhn. 11:23) ǁÎb ǁgûb khamib ge Jesuba turab tsî ǀgaib tsîna ūhâ, ǁnā mîmâisa dīǀoaǀoasa. ǁÎb ǁgamron ge ra ǁgau, ǀgaisa turabab ūhâsa khoena ǁōba xu khâisa mâsa. Tsî ǁōb ra ǃaroma tsûb tsîna ūbēsa. Tsî Lasarub gae ǀhobasa xu a ǃgû ǂoas ge ra ǁgau, Jesub ge ǁkhawa a ǁgausa ǁîb ǀgaiba ūhâsa ǁōhâna khâisa māsa. Jesub ge Martasa a ǂâiǂâiǃnâ xū-i xas tsîna ǂâi re: “Mîba si tama ta hâ, tita ǃnâs ga ǂgom os nî Elob ǂkhaisiba mû ǃkhaisa?” (Jhn. 11:40) ǃGâi ǃaromade da ge ūhâ ǂgomsa, Elob ǁîb mîmâide nî dīǀoaǀoasa ǁōhâna khâisa mās tide. Xawe tae-e da a dī ǁkhā î-i nē ǃâubasensa sida di ǂgomsa ǀgaiǀgai?

17. Khâis di ǃnaeǃkhaidi xa da ga Elobmîs ǃnâ a khomai, o da tae-e ǂâis ǃnâ nî ūhâ?

¹⁷ ǃKharuge khâidi xa khomai tsî ǂâiǃgâ re. Elobmîs ǃnâ î ge 8 ǃnaeǃkhaide hâ, khoen hîna ge khâisa a māhen xa în ǃhūbaib ai ûi. c Tae-i ǃaroma du mâ ǃnaeǃkhais hoasa ǂōrisase ôaǃnâ tama? ǁNāsa du ra dī khami ǂâis ǃnâ ūhâ re, nēn ge ama khoe ge īna. Aiǁgause, aogu, taradi tsî ǀgôaron tsîna ge ǃkhōǂgā hâ i. Kō re tae-e du ǁnāpaxū a ǁkhāǁkhāsen ǁkhāsa. ǂÂi re mati di nē aiǁgaude ra ǁgausa, Elob turab tsî ǀgaib tsîna ūhâsa ǁōhâna khâisa mās diba. Xawe hoan ǂamai, ǂhâǂhâsa khâis Jesub dis xa ǂâi re. ǂÂis ǃnâ ūha, nē khâis ge ǂgui khoen xa ge mûhe tsî î ge ǃgâi ǃgaoǃgaoba ra māda sida ǂgomsa ǀgaiǀgais dī-e.—1Kor. 15:3-6, 20-22.

18. Mati du sida ǁnaetsanadi hîna khâis xa hâ te ǃgâi ǀgaub ǃnâ a sîsenū ǁkhā? (ǀGamirosa khomai re.)

 ¹⁸ “Gagasi amdi” khâis xa hâ de ǃgâise sîsenū. d (Efe. 5:19) Nē amdi ge khâisa ra ama kai tsî sida ǂgomsa nē ǀō-aisa ǃâubasens ǃnâ ra ǀgaiǀgai. Nē amde ǃgâ, ǁîde ǁnae ǁkhāǁkhāsen tsî omaris ǃoabas ǃnâ mîdi ǂâibasensa ǃhoaǃgao re. Mîde sadu ǂâis tsî ǂgaob tsîn ǃnâ ǃkhō-mâi. Tsî nēs xa ǃgamse ǂâi ǃnâ re, î-i sada ǂgomsa ǀgaiǀgai tsî ǂgaoga tsâǀkhā. Sadu ûiba ǁkhōǁkhōsa mâsib ǃnâ ra mâi ǃâitsâ-e du ga ǃkharuǃnâ. Tamas ka io du ga ǀnam du a khoe-e ǁōb ǃnâ ǂoaǃnâ ob ge Jehovab ǃanu gagaba nî hui du nē amde ǂâi hōsa. Tsî du ge ǁnāpaxū ǁkhaeǂgaohe tsî ǀgaiba nî hō.

19. Khâis xa da tae-e a mûnan-ai ǁkhā? (“ Tae-e du ǁîna nî dî?” di hâ boksisa mû re.)

¹⁹ Sadu mûnanais ǁkhāsiba sîsenū re. Jehovab ge ǀasa ǃhūbaib ǃnâ mûnan-aisens di ǁkhāsiba ge māda. ǀGui ǃgâsas ge ra ǁguiǃā: “ǃNāsa ǁaeba ta ge ǀasa ǃhūbaib ǃnâ ra mûnai-aisen. Tsî ta ge paradais ǃnâ da blomdi hama ra ǃhāba khami ra tsâ.” Mûnanai re mati ī nî tsâsa Elobmîs ǁaeb ǂgomǂgomsa aogu tsî taradi tsîna ǀhao-ūsa. Ham-e du ra mû ǂgao? Mâ dîde du ǁî-e nî dî? Mûnanai re mati du sadu ǀnamsaben hîna ge ǁōn ǀkha ra ǀhaosa, khâisan māhe toa hâs khaoǃgâ. ǂÂi re ǂguro xūn hîna du ǁîna nî mîban xa. Mati du ǁîna ǁkhoreǁhare hâse nî ǁgamǂgā tsî ǁîna mûs mati nî ǃgâiaǂgao kai dusa. Tsî ǁîna mûs mati nî ǃgâiaǂgao kai dus xa.   

20. Tae-e da nî dī ǂgao?

²⁰ Kaise da ge Jehovaba ra gangan, khâis di mîmâisa ǃaroma. ǂGom ǁkhā da ge a nē mîmâis nî ama kaisa, Jehovab ǁkhoreb tsî ǀgaib tsîna ūhâ amaga nē mîmâisa dīǀoaǀoasa. ǁKhā da a-i hoa-e da ge nî dī, î da sada ǂgomsa nē ǀō-aisa ǃâubasens ǃnâ ǀgaiǀgai ǀgara. ǁNāsa dīs ǃnâ-ū da ge Eloba ǃoa nî ǀgū. Hîna ‘sadu ǀnamsaben ge nî khâi’, ti ra mîmâiba.