1. Jesuba ǁōb nîs aiǃâ ǁîb xōǀkhā ge mā-i ǂkhabadī-aoba tae-e ge mîba? (Lukab 23:39-43)

 JESUB tsî ǁîb xōǀkhā ge mâ-i. ǀGam ǂkhabadī-aoga tsîn ge kaise kai tsûba gere tsâ, ǂause gu ra ǁō hîna. (Luk. 23:32, 33) Hoa ǀgam ǂkhabadī-aoga ge ǁgai ǀgaub ǃnâ Jesub ǀkha gere ǃhoa. Tsîs ge nēsa gere ǁgau ǁîb di ǁkhāǁkhāsabe tama gu ge hâ isa. (Mat. 27:44; Mrk. 15:32) Xawe ǁîkha di ǀguib ge, ǁîb tanisen ǀgauba ge dawa. ǁÎb ge ge mî: “ǂÂis ǃnâ ūhâ te re Jesutse, sa gaosib ǃnâts ga sīo.” Ob ge Jesuba ge ǃereambi: ‘Amase ta ra mîba tsî nētsē, tita ǀkhats ge Paradais ǃnâ nî hâ.’ (Khomai re Lukab 23:39-43 sa.) ǀGui ǁgauǁgau-i tsîn ge a ǀkhai nē ǂkhabadī-aob ge, haisi-amsa a ūǃoasa. ‘Gaosib ǀHommi dib go ǀgū sa,’ hînab ge Jesuba gere aoǁnâsa. Jesub ge tātsēs tsîna ge mî tama hâ i, nē khoeb nî ǁnā Gaosib ǀhommi dib ǃnâ nî ǂgâsa. (Mat. 4:17) Jesub ge hānîǁaeb ǃnâ ǃhūbaib ai nî hâ paradais xa gere ǃhoa. Tae-i ǃaroma da di a mî ǁkhā?

2. Tae-e ra ǁgau, nē ǃhōsabe ǂkhābadī-aob ge ǀnîsi Jodeǁî īsa?

² ǁNā ge ǃkhausen ǂkhābadī-aob ge ǀnîsi ge Jodeǁî-i. Nē ǂkhabadī-aob ge nauba ge mîba: ‘Elobats kha ǃao tama hâ sats on ge ǁkhā ǀgoraǃgâs ǃnâ mâ?’ (Luk. 23:40) Jodeǁîn ge ǀgui Eloba gere ǃoaba. Xawe nau ǁaedi khoen ge ǂgui elogu ǃnâ gere ǂgom. (Eks. 20:2, 3; 1Kor. 8:5, 6) ǁNā ǂkhabadī-aokha, ga Jodeǁî tama i hâ o. O kha ge ǀnîsi, ‘elogats ǃao tama hâ?’ di ga dî hâ. Jesub ge nau ǁaedi khoena ǃoa ge sî-e tama hâ i. ‘Xawe Israeli di kā hâ guna ǃoa.’ (Mat. 15:24) Elob ge Israelǁîna ge mîba, ǁō hânab kâisa nî mā ti. Nē ǃhōbasen hâ ǂkhabadī-aob ge ǀnîsi nēs xa ge ǂan i. ǁÎb mîdi ge ra ǁgau, Jehovab Jesuba khâisa  nî māsa îb Elob Gaosib ǃnâ sī ǂgaeǂgui. Nē khoeb ge ǀnîsi gere ǃâubasen. Elob xab khâisa nî māhesa.

3. Tae-e ǀnîsi ǃhōbasen ge ǂkhabadī-aob ǂâis ǃnâ ge hā, Jesub ge Paradais xa a mî o? ǁGūiǃā re. (Genesis 2:15)

³ Nē ǂkhabadī-aob ge Jodeǁî-i amagab ge ǁîba ge ǂan-i. Adammi tsî Eva hara xa tsîb ge Jehovaba ǁîra paradaisa a kurubasa. ǁNā-amagab ge nē Jodeǁî-aoba ǀnîsi gere ǂgom. Jesub ge mî Paradais ǃhūbaib ai nî hâsa.—Khomai re Genesis 2:15 sa.

4. Jesub ge ǂkhabadī-aoga di ǀguiba ǃoa mî mîde tae-e ra ǂâiǃgâ kai da?

⁴ Jesub ge ǂkhabadī-aoba ǃoa a mî, mîdi ge nî ǂkhâǃnâ da, î da ǂâi ûib mati nî ī ǀgauba Paradais ǃnâ. Gao-aob Salomoni ǂkhîsa ǂgaeǂguisa xu da ge xū-e paradais xa ǁkhāǁkhāsen ǁkhā. Elobmîs ge ra mî Jesub ge Salomoni xa a kai. ǁNās ǀkha da ge a ǃâubasen ǁkhā Jesub tsî ǁîb ǀkha nî ǂgaeǂguin. ǃHūbaiba îsa paradais ǃnâ nî ǀkharaǀkharasa. (Mat. 12:42) ǁNās ge ra ǂâibasen în ‘ǀnî gūna’ ǃgâiǃgâibasensa ūhâ. ǀAmosib kōse Paradais ǃnâ ûis ǃaroman nî dī xū i xa.—Jhn. 10:16.

5. Paradais ûib ǃnâ du tae-e ra ǃâubasen?

⁵ Tae-e du ra mûnan-ai paradais ûib xa du ga ǂâi o? ǀNîsi du ge Edenni khami îsa ǃhanab xara ǂâi. (Gen. 2:7-9) Tsî ǀnîsi du ge Mixab ge xoa kēbos xa ra ǂâi, Elob khoen xab ge xoa o: ‘Mâ-i hoa-i ge ǁî-i draibehaisa ǃgao tsî ǀnomahais ǃgaos ai nî ǂnû.’(Mix. 4:3, 4) ǀNîsi du ge Elobmîs ra kēbo ǂgui ǂûn xas tsîna ra ǂâi. (Psa. 72:16; Jes. 65:21, 22) Mûnan-aisen ǁkhā du ge a mati du îsa ǃhanab ǃnâ ǁkhoaxa ǂû-e ǂnû tsî ra ǂû ǀgauba. Tsî ǃanu ǂoab hîna haidi xa ǁkhoaxase ra ham kaiheba mûnan-ai re. Tsî du ge matin omaris khoen tsî ǀhōsan tsîna ǀguiba âi tsî ǁkhoaxa ǁaeba ūhâsa ra ǁnâu. Khâisa go māhen tsîna ǃkhōǂgā hâse. ǁNan hoan ge ǁkhapos ǀguisa ī tama hâ. ǂGomǃgâ da ge ra nē xūn ni īsa ǃhūbaib ai. Paradais ǃnâ da ge khoakhoa da ra sîsen i tsîna nî dī.

6. Tae-e da Paradais ǃnâ sī nî dī? (Ai-īsiba mû re.)

⁶ Jehovab ge ǃgâiba da sida sîsenni ǃnâ, nî hō ga ge kuru da. (Aoǁn. 2:24) ǃNāsase da ge Jesub duisend kurigu ǂgaeǂguis ǃnâ ǂgui sîsen-e nî ūhâ. Kai ǁgâiǀāba ra ûiǃkharun tsî miliuns khoen khâisa ra hōn ge. Saran, ǂûn tsî hâ ǃkhais tsîna nî ǂhâ. Nē ǂhâsiga sī ǃnâs ǃaroma da ge kai ǃgâiaǂgaob ǀkha nî sîsen. Adammi tsî Eva hâra ge ǁîra ǃhanab ǃnâ gere sîsen. ǁNās khami da ge sada tsîna ǂkhîǂkhîsa sîsen-e nî ūhâ, ǃhūbaiba  paradais ǃnâ ǀkharaǀkharasa. Mûnan-ai re matikōse i nî ǁkhoaxasa miliundi khoen hîna ge Jehovab xa ǀū îna. ǁÎb tsî ǁîb ǂâibasens xa ǁkhāǁkhāsa. Tsî Jesub ǁaeb aiǃâ ge ûitsama i ǂgomǂgomsan tsîna ǁkhāǁkhāsa.

7. Tae-i ǂgomǃgâsiba da a ūhâ ǁkhā? Tsî tae-i ǃaroma?

⁷ ǂGomǃgâ ǁkhā da ge a hānîǁaeb paradais ǃnâ da. ǂKhîb ǃnâ ûi, ǂhâ da hâna ūhâ tsî ǃgâise nî aiǂhumisasa. Tae-i ǃaroma? Jehovab ge ǀnai a ǁgauda amaga, ûib mati nî isa ǁîb ǀGôab ǂgaeǂguis ǃnāga. ǁNāsa da ge Gao-aob Salomoni ǂgaeǂguis ǃnâ ra mû.

8. Psalmdi 37:10, 11 tsî 29 ǃnâ hâ mîde, mati ge dīǀoaǀoahe Gao-aob Davib ge xoa dis khaoǃgâ? (“Khomai-aon dîde” mû re nē ǂkhanib ǃnâ.)

⁸ Gao-aob Davib ge ge xoa ûib mati nî isa. Gā-ai tsî ǂgomǂgomsa gao-aob ga ǂgaeǂgui tsoatsoa o. (Khomai re Psalmdi 37:10, 11 tsî 29 sa.) Psalmdi 37:11 sa da ge khoena ra khomaiba, Paradais xa da ga ǃhoa o. ǁNās xa da ge ǃgâi ǃaromasa ūhâ, Jesub ge nē xoasa ǃhommi aoǁnâs ai ǁkhawa a sîsenū amaga. ǁGaurase nēs kai ǀgaub ǃnâ nî dīǀoaǀoahesa hānîǁaeb ǃnâ. (Mat. 5:5) Davib mîdi tsîn ge ge ǁgau Gao-aob Salomoni ǂgaeǂguis ǃnâb ûiba mati nî isa. Salomoni ge Israelǁaesa gere ǂgaeǂgui o, on ge Elob khoena ǀō-aisa ǂkhîb tsî ǂhân hâ xūn tsîna ǁnā ǃhūb ǃnâ ge ūhâ i. Hîna ge “daib tsî danib” tsîkha ǀkha gere dâuba. Elob ge ge mî: “Ti ǂhanugu ǃoa ûi tsî du ga ti mîmāde ǁnâuǀnamo. . . . ǃAo-i ose du sâsase nî ǁomga ta ge ǂkhîba ǃhūb ǃnâ nî mā.” (Lev. 20:24; 26:3, 6) ǁNā mîmâidi ge ge ama kai, Salomoni ǂgaeǂguis ǁaeb ǃnâ. (1Kro. 22:9; 29:26-28) Tsî Jehovab ge ge mîmâi Eloxoresa khoen hîna nau eloga ra ǃoaban “ǃaruǀî hâ tide” di. (Psa. 37:10) Psalmdi 37:10, 11 tsî 29 ǃnâ hâ mîdi ge ǃkharu ge ǁaeb ǃnâ ge dīǀoaǀoahe. Tsî hānîǁaeb ǃnâs tsîna nî dīǀoaǀoahe.

9. Skebas gaosa tae-e Gao-aob Salomoni ǂgaeǂguis xa ge mî?

 ⁹ Skebas di gao-aos ge Israelǁaes ge gao-aob Salomoni ǂgaeǂguis ǃnāga gere hōǃgâ, ǂkhîb tsî xūn xa ge ǁnâu. Tsî ǁîs ge gaxu daoba Jerusalemsa ǃoa ge ǃnari is aitsama sī mû. (1Gao. 10:1) Salomoni gaosisas ge mû toas khaoǃgâs ge ge mî: ‘ǃKhare ǃâb nēn dib xa ta ge ge mîbahe tama hâ i. . . . ǃGâiǃgâxa gu ge hâ sa aoga. ǃGâiǃgâxa gu ge sa ǃgāgu hoaǁae sa ǀgūse hâ tsî sa gā-aisiba ra ǁnâuga.’ (1Gao. 10:6-8) Salomoni ǂgaeǂguis ǃnāga ge hâ mâsib ge aiǁgaus ǀguisa ge ī-i. Jehovab tae-e khoesiba nî dībasa ǁîb ǀgôab Jesub ǂgaeǂguis ǃnāga.

10. Mâ ǀgaugu ǃnâb Jesuba Salomoni xa a ǀgapi?

¹⁰ Jesub ge hoa ǀgaugu ǃnâ Salomoni xa a ǀgapi. Salomoni ge ǀoasa kurusa ge ūhâ tama hâ i, ǁnās ǀkha gere dīsa. Tsî nēs ǃnâ-ū Elob khoena ǂgui ǃgomsina ge ǃaromaba. Xawe Jesub ge ǀoasa kurusa ūhâ ǂgaeǂgui-ao. Tsî dīsa tama hâ. (Luk. 1:32; Heb. 4:14, 15) Jesub ge Jehovab ǃoagu ǂgomǂgomsase ge hâ ǀgara. ǁGâuab ge ǃgom ǀgaugu ǃnâ gere ǃâitsâ bi xawe. Xristub ge ge ǁgau ǁîb tātsē ǁore tidesa. Tamas ka iob ǁîb ǂgaeǂguis ǃnāga hâ ǂgomǂgomsa khoena tsûtsû tidesa. Amase kai aiǂhanub ge ǁîba sida Gao-aose ūhâsa.

11. Jesuba haman ǀkha nî ǂgaeǂgui?

¹¹ Jesub ge 144 000 ǂhauhesan ǀkha ǀguiba nî ǂgaeǂgui. Hîna ǁîba nî huina în khoesiba kōǃgâ. Tsî Jehovab ǂâis ǃhūbaib ǀkhab ūhâsa dīǀoaǀoa. (J.ǂHa. 14:1-3) Tsî nē ǂgaeǂgui-aon ge ǂgui ǃgomsina gere hōǃgâ, aogu tsî taradi asen ge ǃhūbaib ai ge hâ io. ǁNās xan ge ǁîna khoexaǃnâ ǂgaeǂgui-aon ase nî ī. Xawe hâ as ge nē ǂgaeǂgui-aona tae-e nî dī?

12. Jehovaba 144 000 na mâ sîsen-e nî mā?

¹² Jesub tsî ǁîb ǀkha nî ǂgaeǂguin ge kaise ǂgui sîsenna nî ūhâ Salomoni xa. Gao-aob Salomoni ge miliuns di khoen di ǂhâsiga, ǀgui ǃhūb ǃnâ gere kōǃgâ. Xawe ǁnān hîna Elob gaosiba Jesub ǀkha nî ǂgaeǂguin ge biliuns di khoena ǃhūbaib ǂhawase nî kōǃgâ. Jehovab ge kai aiǂhanuba 144 000 ǂgaeǂgui-aona mā hâ.

13. Jesub ǀkha nî ǂgaeǂguina mâ ǀō-aisa ǃereamsa ūhâ?

¹³ Jesub khamin ge 144 000 na, gaose tsî pristerse nî ǃoaba. (J.ǂHa. 5:10) Moseb ǂhanub ǃnāga gu ge pristerga ǁnā ǃereamsa ge ūhâ i. Î gu Elob khoena ǁkhauba în sorosise tsî gāgāsise ǃanuse hâ. Nē ǂhanub ge “hā nî ǃgâi xūn di soms ǀguisa i.” ǁNās ǃaroma da ge a mî ǁkhā Jesub ǀkha ra ǂgaeǂguin Elob khoena sorosise kōǃgâ. Tsî ǁîna nî huisa în ǁîn di gāgāsi ǂhâsiba dīǀoaǀoa. (Heb. 10:1) Tsî ǀū da ge a ǁnā gao-aon tsî pristeran tsîn mati. Elob ǂgaeǂguis ǃnāga hâ khoen ǀkha, nî ǃhoa ǀgausa ǃhūbaib ai. Jehovab nēsa mati nî aiǂhumi ǀgauba da a ǀū xawe da ge ǂgomǃgâsiba a ūhâ ǁkhā. Paradais ǃnâb ǁîba ǁnān ǃhūbaib ai hâna ǂhanu ǀgaub ǃnâ nî daoǁgausa.—J.ǂHa. 21:3, 4.

14. Tae-i ǀhōsagusisa hâ “ǀnî gūn” tsî Xristub ǃgâsan ǁaegu?

¹⁴ Jesub ge ǁnān ǁîb ǀkha nî ǂgaeǂguina “ǀoro gurodo” di ra ǂgai. (Luk. 12:32) ǁÎb ge ǀgamǁî groeps xa ra ǃhoa, hînab  “ǀnî gūn” ase ra ǁguiǃāna. Nē ǀgam groep ra ge ǀgui ǃharas ǃnâ ǀnai hâ. (Jhn. 10:16) Tsî ǁîra ge ǀnai ǀguiba ra sîsen. Tsî nēsa nî dī ǀgara paradais ǃhūbaib ai nî hās kōse. Tsî ǁnā ǁaeb ai i ge ‘ǀoro gurona’ ǀnai ǀhommi ǃnâ nî ǂgaeǂgui. Tsîn ge ‘ǀnî gūna’ ǀamosib kōse ǃhūbaib ai ûis di aiǂhanuba xu nî ǀama. Xawe xūn ge hâ “ǀnî gūn” nî dīna în Paradais ǃhūbaib ai ûi ǁkhā.

15. (a) ‘ǀNî gūna’ mati Xristub ǃgâsan ǀkha ra sîsen ǀhao? (b) Stors ǃnâ ra aoǁnâ ǃgâsab aiǁgausa du mati a ǁgae ǁkhā? (Ai-īsiba mû re.)

¹⁵ ǃHōbasen ge tsūdī-aob ge Jesub ge dība bi-eb ǃgôaǃgâsiba nî ǁgaus aiǃâ ge ǁō. Xawe hâ as ge, sada ‘nau gūn’ di ǃâb tida ge. ǂGui ǃēde ūhâ, Jesub xa da ra tsâ ǀgauba ǁgausa. Aiǁgause, ǁîba da a ǀnam ǃkhaisa da ge ra ǁgau ǂkhauhesa ǃgâsana da ra ûi-u ǀgaub ǃnâ. Jesub ge ge mî, ǁîb ǃgâsana da ra hâ-ū ǀgaub ǃoagub nî ǀgoraǃgâ da sa. (Mat. 25:31-40) Xristub ǃgâsana da ge ǁkhoaǂgaose aoǁnâs tsî ǁkhāǁkhāsabedīs ǃnâ-ū a ǂkhâǃnâ ǁkhā. (Mat. 28:18-20) Tsî ǀams ai da ge Elobmîs ǁkhāǁkhās ǃaroma da māhe hâ xūna ra sîsenū ǂgao. Aiǁgause, ǀAmosib kōse ǃgâiaǂgao re di hâ ǂkhanisa ǃkhōǂgā hâse. Nēsi da ga Elobmîs ǁkhāǁkhāsa ūhâ tama i xawe da ge ǁkhā da as kōse a dītsâ ǁkhā. Î da khoen ai Elobmîs ǁkhāǁkhāde mâi-aiǃâ.

16. Taena da a dī ǁkhā, î da Elob gaosib ǁanǂgāsaben ase aiǂhumisen?

¹⁶ Paradais nî hās aiǃâ da ge nēsi ǀnai ǀkharaǀkharana ra dī ǂgao, Jehovab ǂhâba hâse. Nēsi da ge ǀnai a ǂhâuǃnâ ǁkhā sida ǃhoas tsî dīgu ǃnâ. Tsî sida ûiba da ra ûi ǀgaub ǃnâs tsîna. Tsî da ge ǂgomǂgomsase Jehovab, ǃgamme da hâ khoe-i tsî nau xristeǁîn ǃoagus tsîna ra hâ ǂgao. Nē eloxoresa ǃhūbaib ǃnâ da ûi hâ hîna da ge Elob di ǂgaoǀkhādi ǃoagu a ûi o. O i ge nî supuba da nē ǀgauga Paradais ǃnâ ǁgausa. Nēsi da ge ǃgâi ǂansa a omkhâi ǁkhā hānîǁaeb ǃaroma. Nē ǂkhanis ǃnâ hâ ǁkhāǁkhāǃâsa mû re, “ǂHumisa î du a ǃhūbaiba ǀumisa?”

17. Dī da ge ǁōren xa da nî ǂhabuǂâi kai-e? ǁGuiǃā re.

 ¹⁷ Dītsâ da ge nî, î da tā ǃkharuge ǁaeb ǃnâ da ge tsūdī xūn xa ǀhapixase tsâ. Xawe hâ as ge xoremariba da ge tā, ‘ǂanapega ǁoreb ǀkha aiǃgûs’ ǃnâ nî sîsenū. (Heb. 10:26-31) Tsî ǂâis ǃnâ da nî ūhâs ge, ǂgaoba xu da ga, dī da ge ǁoreb ǃaroma ǃhâusen. Tsî Jehovab huiba ga ra ūǃoa o. Tsî da ga sida tanisen ǀgauba ǀkharaǀkhara o. Ob ge ǁîba sida kaiǃâ ǀgaub ǃnâ nî ǀûba. (Jes. 55:7; ǃNǃkh. 3:19) Jesub ge Farisega ǃoa a mî mîde ǂâis ǃnâ ūhâ re: “ǂHanu-aina nî ǂgaise tama, xawe ǁore-aona ta nî ǂgaise ta ge ge hā.” (Mat. 9:13) Xoremarib ǀkhaeb ge sida ǁoren hoana ra ǃgū-ai.

18. Tae-e du Jesub xōǀkhā ge ǁō ǂkhabadī-aob ǀkha a ǁgam ǁkhā?

¹⁸ Paradais ǃnâ du a mûnan-aisen ǁkhā Jesub ǀkha gere ǃhoa ǂkhābadī-aob ǀkha ra ǃhoase? Īǁkhā as ge Jesub ge dī ǁguibasa du mati ra ǃgôaǃgâs xa du ge a ǃhoa ǁkhā. Tsî du ge ǀnîsi a dî bi ǁkhā îb ǁgamba du, tae-i ge īsa Jesub ge ǁōs aiǃâ. Tsî matib gere tsâsa Jesub ge ǁîba gere ǃeream o. Tsî nau ǀkhāb aib ge ǁîba ǀnîsi a dî du ǁkhā, mati i ge tsâ īsa ǀuniga tsēdi ǁGâuab ǂgaeǂguis ǃnāga. Kaise nî kai aiǂhanub ge, ǁnā khoeb khami ī khoen ǀkha Elobmîsa ǁkhāǁkhāsensa.—Efe. 4:22-24.

19. Ûiba tae-i ǃaroma paradais ǃnâ ǁhoa o tide? (Tsoatsoas ai hâ ai-īsiba mû re.)

¹⁹ Ûib ge paradais ǃnâ ǁhoa o tide. ǃGâi tamas ka io ǂan ǂgao da ra ǀgauga ūhâ khoen ǀkha da ge nî ǀhao. Tsî ǂâibasensa ūhâ sîsen-i tsîna nî dī. Nēn hoan xa da ge sida ǀhomsi ǁgûba tsēs hoasa ǃgâise nî ǂan. Tsî ǁîb māda hâna xu ǃgâiba nî hō. Tsēs hoasa da ge ǁîb xa xū-e nî ǁkhāǁkhāsen. Tsî ǂgûi xūn tsîna ǁîb kurusa xu. Gaxuse da ûi hâs kōse i ge Eloba da ūba hâ ǀnamma nî ǀgai. Kaise da ge ra ǃgôaǃgâ Jehovab tsî Jesub tsîn ge māda mîmâis ǃaroma. Î da ǀamosib kose paradais ǃnâ ûi ǁkhā.