Nē kurib di ǃKhē xu ǂgō-ommi ǁkhāǁkhāǃâde du ǃamkuse khomai hâ? Kō re, saora dîde du a ǃeream ǁkhāsa:

Sadu ‘ǂâisa ǀasa’ kaisa taena ǃkhōǂgā hâ? (Rom. 12:⁠2)

Nēs ge sadu ûib ǃnâ ǃgâi sîsenne dīs xa ǃnāsa-e ǃkhōǂgā hâ. Sida ǂgaob ǃgamse da ge nî ôaǃnâsen tsî sida ûiba Elob ǂâiǀgaub ǀkha nî ǀguiǀgui.​—w23.01, 8-9ǁî ǂhawekha.

Mati da ǀnōsa mûǂuiba nî ūhâ ǃhūbaib ǃnâ ra ī xūna da ga mû o?

Elobmîs kēbodi nēsi ra ī xūna ra dīǀoaǀoa ǀgaub ǃnâ da ge ǃgâiǃgâibasensa ūhâ. Tae-i saorase sida ǀguiǃnâxasiba nî khôasa ǃhoaǃgaos xa da ge Jehovab ǀapeǂhumis ra māǂui xūn xa nî ǃhoa. (1Kor. 1:​10)​—⁠w23.02, 16ǁî ǂhaweb.

Jesub ǁāǁnâsa ǁîb saosaben disa xu mati ra ǀkhara?

Eloba ǃoa māǁnâsen hâ ǁaes ǃnâb ge ǃnae amaga i ge ǂhâbasa tama ge hâ i, îb Jesuba sida khami Jehovab ǃoa māǁnâsen. Jesub ge ǀoasa kurusa ge ūhâ i. ǁÎb ǁorena xu ǃhōbasens ge ǂhâbasa tama ge hâ i.​—⁠w23.03, 5ǁî ǂhaweb.

Mati da nauna nî hui, în ǀhaodi tawa ǃeream?

Sida ǃereamde da ge ǃnubuse ūhâ ǁkhā, în naun tsîna ǃēsa hō. ǂGui xūn ai ǃereamsa xu da ge nî ǂgōsen. Nēs ge naun tsîna ǃereams ǃēsa nî mā.​—⁠w23.04, 23ǁî ǂhaweb.

“ǃAnu Daob” Jesajab 35:⁠8 ǃnâ hâba tae-e ǃoa ra ǁnaeǁgau?

Nē daob ge ǂguro Jodeǁî daob hîna Babilonsa xu ǁîn ǃhūba ǃoa gere ība. O nēsi hâ ǁaeb ǃnâs? 1919ǁÎ kuriba xu i ge ǃgaoǃgaob sîsenne ge tsoatsoa. ǁNāpaxu î ge ǂnûiǃkhuni sîsenni tsî Elobmîs ǁgâidi tsî nau xūn tsîna ge tsoatsoa. Elob khoen ge nē “ǃanu daob” ai hâ, gagasi paradais hîna Gaosib ǀkhaega ǃoa ra ība.​—⁠w23.05, 15-​19ǁî ǂhawegu.

ǂKhoamîdi 9ǁî danaǃâsa mâ ǀapemās hîna ǀgam tare khoera aiǁgausa ūhâs xa ra mî?

ǂKhoamîdi ge ‘gâre tarekhoes’ xa ra ǃhoa, hîna “ǁōhân hâǃkhaib” [ǀhobas] ǃoa ra ǂgaeǂguisa. Tsî “ǂam gā-aisib” ǃoa î ge tarekhoes hîna “ǁnâuǃāb” di daob ǃnâ ra ǂgaeǂguisa. (ǂKhm. 9:​1, 6, 13, 18)​—⁠w23.06,. 22-24ǁî ǂhawegu.

Mati i ge Elob ǃgamǃgamsenxasib tsî ǁnâuǃāxasib tsîna Loti ûib ǃnâ mûhe ǁkhā i?

Jehovab ge Lota ge mîba, îb Sodomsa xu ǃhomxa ǀkhariba ǃoa doe. Xaweb ge Lota, Soarsa ǃoa doesa a ǂgan, ob ge Eloba ǁîb ǂgansa ge ǁnâu-am.​​—⁠w23.07, 21ǁî ǂhaweb.

Aob ga ǁgoe-ūgub xūna kō, os tarasa tae-e dī ǁkhā?

ǀHapixa tamas hâsas ge ǂâis ǃnâ nî ūhâ. Elob ǀkhas ūhâ ǀhōsagusis ais ge ǁîs ǂâisa nî ǂnûi. Tsîs ge ǂâiǂhansen gere taradi hîna ge ǁkhaeǂgaohe di Elobmîs ǃnâ hâ di aiǁgaudi xa nî ǂâiǃgâ. ǁÎs aobas ge a hui ǁkhā, îb ǁkhōǁkhōsa mâsiga xu ǂgōsen.​—⁠ w23.08, 14-​17ǁî ǂhawegu.

Sida ǂgoms ga ǃâitsâhe, ob gā-aisiba mati hui da ǁkhā î da tsamtsiǃnâ?

Dîs tamas ka io ǃgomsiba da ge sîsenu ǁkhā nau khoe-i sida xa tae-e ra ǂâisa ǂan ǂuis ǃaroma. ǁNās ǀkha da ge tsamtsiǃnâ ǀgaub ǃnâ ǃeream ǁkhā.​—⁠w23.09, 17ǁî ǂhaweb.

Tae-e da Mariasa xu ra ǁkhāǁkhāsen, ǀgaiba hōs xa?

Mesiab di ǁgû kais nî sas ge ǂanǂuis khaoǃgâs ge Mariasa nauna xu ǀgaiba ge hō. Gabrieli tsî Elisabets tsîn ge Mariasa Xoade xu ge ǀgaiǀgai. Sida tsîn ge nau ǃgâsan xa ǀgaiǀgaihe ǁkhā.​—⁠w23.10, 15ǁî ǂhaweb.

Jehovaba mati sida ǀgorede ǃeream ǁkhā?

Sida ǀgoredeb nî ǁnâusab ge ra mîmâi tsî di mati ǁîb ǂâibasens ǀkha ra ǃgûǀhaosa. (Jer. 29:​12) ǃKharagagu ǀgaugu ǃnâb ge ǃeream ǁkhā xaweb ge hoaǁae nî ǂkhâǃnâda.​—⁠w23.11, 21-22ǁî ǂhawegu.

Romeǁîn 5:⁠2 “ǃâubasens” xa ra ǃhoa xawe i tae-i ǃaroma ǁkhapa 4ǁî ǁāraǃās ǃnâ ra ǃhoaǃgaohe?

Khoe-i ge ǃgâi ǂhôasa î ga ǁnâuo, ǀamosib kōse i paradais ǃnâ ǃhūbaib ai hâ ǁkhāsa ra ǃâubasen. Xawe î ǁgâiǀāga hōǃâ tsî ra mâǃkharu, khami i ge Elob mā-amsa i ūhâsa ra hōǃâ tsoatsoa. ǁÎ-i ǃâubasens ge ǀgai tsî ra ama kai.​—⁠w23.12, 12-​13ǁî ǂhaweb