New Zealandi ǃnâ ra hâ ǃgâsas ge jw.orgs ai vidioba ge kō, hîna ra ǁgauba matib Jehovaba ǀkhomxaǂgaos ǀguisa ī tamasa xawe ǁnāsa ǁîb dīb ǃnâs tsîna ra ǁgausa. (Jes. 63:​7-⁠9) ǁNās khaoǃgâs ge ge mîǁgui îs ǃēde ôa tsî nauna hui. Egas xūrona ra ǁama hînas ge ǃgangu [straati] ǃnâ ra hâ khoesa ge dî ǂûs nî xū-es a ǁamabasi ǁkhā ǃkhaisa. Tsîs ge khoesa io ti ge mî. Nē ǃēsa sîsenū tsîs ge khoesa Jehovab xa mîba tsî ǃGomsiga huga toa i nî? ti ǀon hâ ǂkhiniba ge ǁgau.

ǃHoa ra ra hînas ge khoesa ge ā tsoatsoa. Jehovab ǃoaba-aoses ge kaikaihe tis ge ge ǁguiǃā. Xawes ge amaba ǂgui kurina ǃkharu tsî ge ǁnāxu. Jehovaba ǃoas ge gere ǀgore îs huihe tsî ǁîba ǃoa oaǀkhī. ǃGâsas ge khoesa Elobmîsa mā tsî ge hui îs Elobmîs ǁkhāǁkhāsa tsoatsoa. a

Jehovab khami da ge khoena ǀkhomxaǂgaosiba ǁgau ǁkhā. Nēs ge sida omaris khoen tsî ǀhaohâb ǃnâ hâ ǃgâsan tsîna ǃkhōǂgā hâ. Tsî da ge ǀkhomxaǂgaosiba ra ǁgau, ǃēde ôa tsî da ga nauna aoǁnâba o.