Nē kurib di ǃKhē xu ǂgō-ommi ǁkhāǁkhāǃâde du ǃamkuse khomai hâ? Kō re, saora dîde du a ǃeream ǁkhāsa:

Tarekhoede du Jehovab ra hâ-ū ǀgaub ǃnâ ra hâ-ū?

Aorekhoegab ge tarekhoedi xa gu ǃnāsa ǂansa ūhâse kuru tama, ǀguitikōseb ge hoa khoen xa ǃgâibahe. Jehovab ge tarekhoedi ra tsâ ǀgaub tsî hōǃâ di ra ǃgomsigu ǃnâ ra tsâba di. ǁÎdeb ge ra ǂgomǃgâ, î di ǁîb sîsen-e dī.—w24.01, 15-16ǁî ǂhawekha.

Mati da Efeseǁîn 5:7 ǃnâ hâ mîde a sîsenū ǁkhā: “Tā ǁnāti ī khoen ǀkha ǁaeǁaesen”?

Apostel Paulub ge gere ǃkhâikhom da, î da tā Elob ǂhanuga ǁnâuǀnamsa ra ǃgom kai khoen ǀkha hâ ǀhao. ǁNā hâ ǀhoadi ge ǀgūse da ra hâ-ū khoen tsî internets ǃnâ-ū da ra ǁgamǀhao-ū khoen hoana ǃkhōǂgā hâ.—w24.03, 22-23ǁî ǂhawekha.

Mâ ǂhumi ǂhôana xu da nî ǂgōsen?

ǃGâiba ra ǂâiba da ǀhōsana xu ra hā ǂhôan, ama i asa ôaǃnâhe tamana xu da ge nî ǂgōsen. Nēs ge ǀū da a khoena xu ra hā emailan tsî Jehovaba ǃoaba tama khoena xu hâ ǂhôan tsîna ǃkhōǂgā hâ.—w24.04, 12ǁî ǂhaweb.

Tae-e da a ǂan tsî tae-e da a ǀū, Jehovab nî Gao-aob Salomob, Sodoms tsî Xomoras tsî kai ǁgammi dâus ǃnâ ge ǁōna nî ǀgoraǃgâ ǀgaub xa?

ǃGāsase da ge a mî ǁoa Jehovab ǁîna ǀamose nî hîkākāsa. Xawe da a ǂans ge ǁîb hoa amaba a ǂansa tsîb a ǀkhomxaǂgaosa.—w24.05, 3-4ǁî ǂhawekha.

Elob sida “ǃgareǀuise” ī ǃkhaisa tae-i ǂgomǃgâsiba ra mā da? (Deu. 32:4)

Jehovab ǃnâ da ge sâuǃkhai-e a ôa ǁkhā. ǁÎb ge ǂgomǂgomsa tsî ǁîb mîmâide ra ǃkhōǀgara. ǁAposa tsîb ge ǁîb ǀgaub tsî ǂâibasens tsîna dawa tama hâ.—w24.06, 26-28ǁî ǂhawegu.

Tae-e nî hui du ǀasa ǀhaohâba ǃoa du ga doe o?

Jehovab ai ǂgomaiǂnûi, hîna nî hui du ba ǃkharu ge ǁaeb ǃnâb ge ǁîb khoena hui hâ i khami. Tā ǀoro ǀhaohâba ǀasab ǀkha ǀgopeǀnō. ǀAsa ǀhoahâb ǀkha xūna ǀguiba dī tsî ǀasa ǀhōsana kuru.—w24.07, 26-28ǁî ǂhawegu.

Mâ ǁkhāǁkhāde ǃnona ǂkhōdi Mateub 25 ǃnâ hâde xu ra ǂoaxa?

Gūn tsî pirin xa hâ ǂkhōs ge ǂgomǂgomsasiba ra ǀgomǀgomǃgao. Gā-ai oxae ǂkhamkhoedi tsî gâredi xa hâ ǂkhōs ge aiǂhumisa tsî ǂkhaisase hâs di ǂhâǂhâsasiba ra ǃhoaǃgao. Tsî î ge talendi xa hâ ǂkhōsa ǀopesa tama i tsî ǃgarise sîsens ǂhâǂhâsasiba ra ǃhaoǃgao.—w24.09, 20-24ǁî ǂhawegu.

Salomonni tempeli ai-omma matikōse ge ǀgapi i?

2 Kroniks 3:4 ǃnâ i ge ǀnî Elobmîde ra khomai “120 cubit” ti, ǁnās ge nē ai-ommi 53 meterna a gaxusa ra ǁgau (175 ǂgaidi). Xawe i ge nau xoade “20 cubit” ti ra ǁgau, nēs ge 9 meterna î a gaxusa ra ǁgau (30 ǂgaidi). Nē go ǀunigase a mîhe ǀnōb ge tempeli mīri ǂhābasiba ra ǁgau.—w24.10, 31ǁî ǂhaweb.

Tae-e i ra ǂâibasen ǀhâohâb hui-aob ge nî ‘ǀgui taras ao’ ti i ga mîhe o? (1Tim. 3:12)

Nēs ge ra ǂâibasen ǁîb ǀgui taras ǀguisa nî ǃgamme ǃkhaisa tsîb ǀai tidesa. ǁNās xōǀkhāb ge nau tarekhoede, tarasab nî mā ǀnamma ǁgau tide.—w24.11,19ǁî ǂhaweb.

Tae-i ǃaroma da ra mî Johaneb 6:53 ge Jesub ǃûiǂûs ǁnaedi tama hâ isa?

Johaneb 6:53 ge Jesub sorosa ǂû tsî ǁîb ǀaoba ās ǂhâsib xa ra ǃhoa. Jesub ge nē mîde 32ǁî kuri ge mî Galileab ǃnâ, Jodeǁîn hîna ǁîb ǃnâ noxoba nî ǂgoman ǃoagu. Xawes ge ǃKhub ǃûiǂûsa ega kurib khaoǃgâ Jerusalems ǃnâ ge ǂnûiǂgāhe. Jesub ge ǁnāsa ǁîb ǀkha ǀhommi ǃnâ sī nî ǂgaeǂguin ǀkha ge ǃhoa.—w24.12, 10-11ǁî ǂhawekha.