1. Tae sîsenǂuibas ǀhûgus di gagaba khoen ai ūhâ ǁkhā?

NĒ ǃHŪBAIB ǃnân ge ǂgui khoena ra dītsâ. Nau khoen xa ǃgâisa. Tsîn ge ǁaes tsîna hî tama hâ. ǁÎn ra dī xūn nau khoena mati ra tsâǀklhāsa. Xūna ra ǁamaxū khoeb ge ǀnîsi xūn hoan hînab a dī ǁkhāna nî dī. Îb nau khoegu xa ǀgapise ǂan. Tsîb ge nau khoena ra tsûtsû. Xūn tsîna ǀnî ǁaegu ai a dī ǁkhā. ǃKhoeǀhûgu ǃnâ hâ khoe-i tsîn ge ǂanabegase. ǁÎ-i ǃoagu ra ǃkhoe khoe-e a tsûtsû ǁkhā. Î-I ǁî-e dansa hō. ǁKhāǁkhāsen ra khoe-i ge ǀhôagaose xūna a dī ǁkhā. Î-I ǃgâi ǃgôaba hō tsî ǂanǂansa ǀgapi ǃkhaigu ai, sī ǁkhāǁkhāsen. Xawe Xristeǁîn ase da ge ra mûǂan. ǁNāti i ǀgaugu ǃgâi tamasa. ǁNāgu ge “ǁgans di sîsenga.” (Gal. 5:19-21) Xawe ī ǁkhā-e, ǀnîs i Jehovaba ra ǃoaba ǃgâsa-e. ǀHûgusa ǀhaohâb ǃnâ a tsoatsoa ǁkhāsa, ǀūǃgâse? ǁNās ge kaise ǃgâi dîsa. ǀHûgusa ǀhaohâb ǃnâ kurus ge. ǀGuiǃnâxasib ǃgâsan ǀkha da ūhâba nî kôa.

2. Tae-e da nē ǁkhāǁkhāǃâs ǃnâ nî ǃhoaǃgao?

² Nē ǁkhāǁkhāǃâs ǃnâ da ge nî ǃhoaǃgao. ǃGâi tama ǀgaub hîna ǀhûgusa a omkhâi ǁkhāna. Sida ǃgâsan ǀkha. Tsî da ge ǁnāpaxu ǂgomǂgomsa aiǁgaudi. Aogu tsî taradi hîna ge Elobmîs ǁaegu ǃnâ hâ în. Tsî ge ǀhûgus di gagasa omkhâi tama hâ în xa nî ǃhoa. ǂGurose, da ge nî ǃhoaǃgao. Tae-i ǃaroma da ǀnî ǀgaub ai ra tanisensa.

3. Mâ dîde ta aitsama nî dîsen?

³ ǁAeba xu ǁaeb ǀkha i ge kaise a ǃgâi. Sida di ǂâibasensa  ôaǃnâsa. ǀNîsi da ge nēti a dîsen ǁkhā: ‘Tita nau ǃgâsan xa ta a ǃgâi ti ga ra ǂâi o. O ǀgui ta ǃgâise ra tsâ? ǃGarise ta ǀhaohâb ǃnâ ra sîsen. Nau ǃgâsan xa ta ra ǃgâi ǂgao amaga? Tamas ka io ta ǃgarise ra sîsen. Jehovaba ta ra ǂkhîǂkhî ǂgao amaga?’ Tae-i ǃaroma da ǁnāti ī dîna nî dî? Kō re, tae-es Elobmîsa ra mîsa.

4. Tae-i ǃaroma da ǃgâsan ǀkha ǀgopeǀnōsensa xu nî ǂgōsen. Galateǁîn 6:3, 4 ǃnâ i ra mîhe khami?

⁴ Elobmîs ge ra mîba da. Î da tā nau ǃgâsan ǀkha ǀgopeǀnōsen. (Khomai re Galateǁîn 6:3, 4 sa.) Tae-i ǃaroma? ǀGui ǃaromas ge sida ga ǂâi o. Sida ǃgâsan xa da ǃgâise ra dī di. O da ge a ǀgapiǂâixa tsoatsoa ǁkhā. Xawe da ga ǂâi o, sida ǃgâsan sida xa ǃgâise ra dī di. O da ge a ǂkhabuǂâi tsoatsosa ǁkhā. Xawe ǁnā ǀgam ǀgauga ǃnâ ǂâis ge ǃgâi tama hâ. (Rom. 12:3) Katerina * di ǀons hâ, ǃgâsas hîna Grikeǃhūb ǃnâ ra hâs ge ra mî. “Tita ge tita xa ge îsa ǃgâsadi ǀkha kaise gere ǀgopeǀnōsen. Tsî aoǁnâ sîsenni ǃnâ ǃgâise gere dīn ǀkhas tsîna. Tamas kai o ǀhōsana kurus ǀkha ge ǃgâi în ǀkhas tsîna. Tsî ta ge ǁnās ǃaroma, ǃgâi tamase gere tsâ.” ǂÂihō da ge nî Jehovab ge sida ǁîba ǃoa a ǂgaesa. Sida îsa tama ǃkhais ǃgaos ose. Tsî ǃgâise da ra ǃhoa ǃkhais ǃaromas ose. Tamas ka io ǂgui khoen, sida xa a ǃgâibahe ǃaromas ose. Xawe sida māsenxase Jehovaba a ǀnam. Tsî Jesuba ra ǃgâ ǂgao amaga.—Jhn. 6:44; 1Kor. 1:26-31.

5. Tae-e da Hyun di ǀon hâ ǃgâsab aiǁgausa xu ra ǁkhāǁkhāsen?

⁵ ǀNî hâ dîs hîna da a dîsen ǁkhās ge nēti hâ. ‘ǂKhîba ra kuru ǃgâsa-i ase ta a ǂansa? Tamas ka io a ǂkhabaxa ǃgâsa-i ase ta a ǂansa?’ Hyun di ǀon hâ ǃgâsab di aiǁgausa kō re. ǁÎb ge South Koreab ǃnâ ra hâ. ǀNî ǁaegu aib ge gere ǂâi. ǃGâsagu hîna ǀhaohâb ǃnâ aiǂhanuga ūhâgu. ǁÎb xa kaise a ǃgâisa. ǁÎb ge ra mî. “Tita ge ǃgâi xūna, ǁnā ǃgâsagu xa ge ǂâi tama hâ i. Tsî ǃnāsa ǁaeba ta ge nē ǃgâsagu gere mî. Xūn ǀkha ge ǂkhî ǂâixa tama hâ i.” ǀAmǂoasa ge tae-i? “Ti tanisen ǀgaub ge ǀhaohâb ǃnâ ǀgorasa ge ǀkhī-ū.” ǀNî ǀhōsan Hyuni din ge ge hui bi. Îb ǁîb ǃgomsiba mûǃā. Hyuni ge ǂhâbasa ǀkharaǀkharana ge dī. Tsîb ge nētsē a ǃgâi ǀhaohâb ǃûi-ao. Sida ǃnâ da ga ǀhûgus di gagasa ga ra mû o. Tsî ǂkhîb di gagasa mû tama io. O da ge xū-e nî dīs ge.

6. Galateǁîn 5:26 ǃoagu i mâ ǀgam ǀgau kha ǀhûgusa a omkhâi ǁkhā?

⁶ Khomai re Galateǁîn 5:26. Mâ ǃgâi tama hâ ǀgauga, ǀhûgusa a omkhâi ǁkhā? ǀGui ǀgaub ge ǀgapiǂâixasiba. ǀGapiǂâixa ǃgâsa-i ge ǃgamǃgamsen tama. Tsî ǁî-i xa ǀgui ra ǂâi. Tsî ǀnî hâ ǃgâi tama ǀgaub ge suriba. Surixa ǃgâsa-i ge. Nau ǃgâsa-i ūhâ xūn, ǀguina ǂhâba tama hâ. Xawe ǃgâsa-i ūhâ xūn hoana ra ū ǂgao. Surixa ǃgâsa-i ge ǁî-i ra suri ǃgâsa-e ǃhui hâ. ǁNāti ī ǃgâi tama ǀgauga xu da ge nî ǂgōsen.

7. Mâ aiǁgausa ra ǁgau ǀgapiǂâixasib tsî surib ǃgâi tamasa?

⁷ ǀGapiǂâixasib tsî surib tsîn ge. Anikunis [Vliekens] di ǀurixa olib ǀkha a ǀgopeǀnōhe ǁkhā. Vliekens ge a vlie ǁkhā. Xawe ǁnā ǀurib hîna hâb ge oli-i nî ǃkharu ǃnâ ǃkhaide, a ǂnûǂgan ǁkhā. Tsî nēs ge a ǃaroma ǁkhā. Îs vliekensa ǂnûs nîs aiǃâ ǁnā. ǁNā ǀgaub ǃnâ i ge ǃgâsa-e Jehovaba ǁaeroba a ǃoaba ǁkhā. Xawe i ga ǁî-e ǀgapiǂâixa tsî surixa o. O i ge amaba xu a ǁnāǂoa ǁkhā. (ǂKhm. 16:18) ǁÎ-i ge Jehovaba nî ǃoaba ǀû. Tsî aitsama a tsûtsûsen  ǁkhā. Tsî ǀnî ǃgâsan tsîna a tsûtsû ǁkhā. Tae-e da a dī ǁkhā? Î da ǀgapiǂâixasib tsî surib tsîkha xu ǂgōsen?

8. Mati da ǀgapiǂâixasiba ǃkhamǃoa ǁkhā?

⁸ ǀGapiǂâixasiba da ge a ǃkhamǃoa ǁkhā. Apostel Paulub ge Filipeǁîna, a mā ǀapemāsa da ga ǂâis ǃnâ ūhâ o: “Xū-i xare-e tā ǂnīǂnīsens tsî ǁîǃgôasensa xu dī, î du ǃgamǃgamsens ǃnâ nē-e nau-e ǁî-i ǃgâ-ai ǀgapise ǃgôa.” (Fil. 2:3) Nau ǃgâsana da ga ǀgapise ga ra ǃgôa o. O da ge ǃgâsan ǀkha ǀhûgu tide. ǁÎn sida ūhâ ǁkhāsigu xa ǃnāsase ūhâ amaga. Xawe da ge ǁîna a ǂkhîba. ǁNās ge ama. ǁÎn ga ǁîn ǁkhāsiga, Jehovaba koas ǃaroma sîsenū o. Tsî ǃgâsa-i hîna ǂgui ǁkhāsiga ūhâ i. Ga Paulub di ǀapemāsa a sao o. O i ge ǁî-e sida di ǃgâi ǀgauga nî mû. ǁNās ǃaroma da ge ǂkhîb tsî ǀguiǃnâxasib. Tsî kha ǀhaohâb ǃnâ a omkhâi ǁkhā.

9. Mati da sida ǃgâsana surisa xu a ǂgōsen ǁkhā?

⁹ ǁKhaesen ǁkhā da ge a sida ǃgâsana surisa xu. Mûǂan da ga o. ǀNî xūn hâsa sida ǃgâise dī ǁoana. ǃGamǃgamsenxa da ga o. O da ge ǁgau ǂgao tide nau ǃgâsan xa da a ǃgâisa. Xawe da ge nî dītsâ, î da ǃgâsan. Hîna ǃnāsa ǂansa ūhâna xu ǁkhāǁkhāsen. Aiǁgauseb ge ǃgâsaba ǀhaohâb ǃnâ hâ. Hoaǁae ǃamku ǃhoade ra māba. ǁÎba da ge a dî ǁkhā, matib ǁîb ǃhoade ra aiǂhomisa. ǃGâsas ga ǃgâi sâi-ao o. O da ge ǁîs ai ǀapemāna a ôa ǁkhā. Î da sida tsîna ǃgâi sâi-ao kai. ǂKham ǃgâsaron ga ǀhōsana supuse kuru tama io. O i ge ǃgâsa-i hîna ǃhaese. ǀHōsana ra kuru i, ai ǀapena a ôa ǁkhā. Nēsa da ga dī o. O da ge surixa tide. Xawe sida ǁkhāsiga nî ǃgâiǃgâi.

10. Tae-i ǃgomsinab ge Gideona ūhâ i?

¹⁰ Kō re, tae-i ge Gideonni hîna Manaseb ǃhaosa xu ra hāb. Tsî Efraimmi ǃhaosa xu ra hā khoegu ǁaegu a īsa. Jehovab ge Gideonni tsî ǁîb di 300 khoegu tsîna ge a hui. Îgu toroba dan. Hîna ga ǁîga ǀgapiǂâixa kai hâ-e. Efraimmi ǃhaos khoegu ge Gideonni ǀkha ge ǀhao tama hâ i. Îgu ǁîba  koa xawe ǁîb ǀkha gere ǂkhaba. ǁÎgu ge ge tsûaǂgao, Gideonni ge ǁîga ǁkhau tama hâ io. Îgu Jehovab di khākhoena sī ǃkham ū. Efraimǁîn ge kaise gere ǂâiǂhansen. În khoena ǁîn ǃhaosa ǃgôasiba ǁgau. Xawen ge ge ǀuru, kaise ge ǂhâǂhâsa isa. Gideonni Jehovab ǀonsa nî ǃanuǃanusa. Tsî Jehovab di khoena ǁkhaubasa.—ǂHǂh. 8:1.

11. Efraimmi khoega mati ge ǃeream?

¹¹ Gideonni ge ǃgamǃgamsenxase Efraimmi khoega nēti ge dî: “Tare-e ta ǀǁnâi go dī sago khami?” Tsîb ge ǁîga ge ǂanǂan. Matib ge Jehovaba ǁîna a huisa. În kai xūna dī. Nē mîde gu ge ǁnā khoega ǁnâu o. O i ge ǁîgu di ‘ǁaiba ge toa.’ (ǂHǂh. 8:2, 3) Gideonni ge māsenxase ge ǃgamǃgamsen. Îb ǂkhîba Elob di khoen ǁaegu hâ.

12. Tae-e da Gideonni tsî Efraimmi khoegu aiǁgausa xu ra ǁkhāǁkhāsen?

¹² Tae-e da nē ǃâba xu a ǁkhāǁkhāsen ǁkhā? Efraimǁîna xu da ge ra ǁkhāǁkhāsen, î da tā sida xa ǀgui ǂâi. Xawe sida ǂâisa Jehovab ai nî ǂnûisa. Oms danagu tsî ǀhaohâb ǃûi-aogu tsîn ge. ǂGui xūna Gideonna xu a ǁkhāǁkhāsen ǁkhā. ǃGâsa-i ga sago dī hâ xū-i ǃaroma ga ra ǁaixa o. O ǃgâsa-i di mûǂuiba xu xūna mû re. Tsî Oms danagu tsîn ge ǁnāsa nî dī. ǁNā ǃgâsa-i tamas ka io omaris khoe-e koa re. ǁÎ-i dī hâ ǃgâi xūn ǃaroma. ǁNās ge ǃgamǃgamsensa sida ǀkhāba xu nî ǁgau. Tsî ǂan da ga o, ǁnā ǃgâsa-i go ǂhanu tama hâ isa. Xawe ǂkhîba ūhâs ge kaise a ǃgâi. ǃGamǃgamsen tama is xa. Tsî ǁgausa sida a ǂhanusa.

13. Hannasa tae-i ǃgomsina gere hōǃâ? Tsî ǁîsa tae-e ge dī?

¹³ Hannas di aiǁgaus xas tsîna ǂâi re. ǁÎs ge Leviǁî aob Elkana di ǀon hâba ge ǃgamme hâ i. Tsî ǁîb ge ǁîsa kaise ge ǀnam i. Elkanab ge ǀnî hâ taras tsîna ge ūhâ i. Penina di ǀon hâsa. Elkanab ge Hannasa kaise ge ǀnam i, Peninas xa. ‘Peninas ge ǀgôana ge ūhâ i. Tsî Hannas ge ǀgôa-e ge ūhâ tama hâ i.’ ǁNās ǃaromas ge Peninasa, Hannasa ǃgâi tamase gere tsâ kai. ‘ǁAixas nîga.’ Hannasa mati gere tsâ? ǁÎs ge kaise ge ǁaixa. “ǁNā-amagas ge ge ā tsî ǂû tama ge hâ i.” (1Sam. 1:2, 6, 7) Xawe Elobmîs ge mî tama hâ. Hannas ge Peninasa gere dī ǃoa ǂgaosa. Xawes ge Hannasa Jehovaba matis ra tsâsa ge mîba. Tsî ge ǂgomǃgâ hâ i. Jehovab nî huisi ǃkhaisa. Peninas ge Hannas ǃoagu ūhâ i. Tanisen ǀgauba dawa i ge? Elobmîs ge ǁnāsa mî tama hâ. Xawe da ge a ǂan, Hannas ge ǂkhîba a hōsa. Tsîs ge ǂguroses gere mûsen ‘xase ge ī tama hâ isa.’—1Sam. 1:10, 18.

14. Tae-e da Hannasa xu a ǁkhāǁkhāsen ǁkhā?

¹⁴ Tae-e da Hannasa xu a ǁkhāǁkhāsen ǁkhā? ǃGâsa-i ga sadu ǀkha ǀhûgu ǂgao o. O ǂâi re, sadu xū-e ǁnā mâsib xa a dī  ǁkhāsa. Tā mā-am re, îs ǀhûgusa ǂgae du. Tā ǂkhabab ǀkha dī ǃoa re. Xawe da ge ǂkhîba sida ǃgâsa-i ǀkha nî kuru. (Rom. 12:17-21) ǁÎ-i ga dawa tama i. Xawe da ge ǃnomsase a hâ ǁkhā.

15. Mati kha Apolob tsî Paulub tsîna ge ǀgui i?

¹⁵ ǀAms ai hā re, î da kō. Tae-e da Apolob tsî Paulub di aiǁgaude xu a ǁkhāǁkhāsen ǁkhāsa. Hoa ǀgam ǃgâsa kha ge xoadi xa ǃgâi ǂansa ge ūhâ i. Tsî hoa ǀgam kha ge ǃgâise ge ǂansa i. Tsî ge ǃgâi ǁkhāǁkhā-ao-i. Tsî hoa ǀgam kha ge ǂgui khoena amaba ge ǁkhāǁkhā. Xawe ga ge hoa kha ge surigu tama hâ i.

16. Tae ǃnôa khoe ge îba Apoloba?

¹⁶ Apolob ge ‘Aleksandrias ǃnâ ge ǃnaehe.’ Khoen ge ǁnā ǃās tawa gere sī. ǀGapi ǁkhāǁkhāsen ǃaroma. Apolob ge ge ǂoaǂamsa ǃhoa-ao-i. Tsî ‘xoade’ ǃgâise ge ǂan i. (ǃNǃkh. 18:24) Apolob gere Korintes ǃnâ gere ǃoaba o. On ge ǀnî ǃgâsan hîna ǀhaohâb ǃnâ hâna ge ǁgau. ǁÎn ǁîb xa ǃnāsase a ǃgâibahesa, nau ǃgâsagu xa. Paulub tsîna ǃkhōǂgā hâse. (1Kor. 1:12, 13) Apoloba ǀgorasa ra ǃaroma ǀgauga gere ǃkhōǃkhō? ǁNāsab ge ge dī tama hâ i. ǁAero-e ǃkharu tsîb ge Apoloba Korintesa xu ge ī. Ob ge Pauluba ge ǂkhâǃnâ bi îb oaǀkhī Korintesa ǃoa. (1Kor. 16:12) Paulub ge ǁnāsa ga dī tama hâ. ǂÂib ga hâ o, Apolob ǀhaohâba ra ǀgorasa. ǃGāsa i ge a Apolob ge ǁîb ǁkhāsiga ǃgâise a sîsenūsa. Tsî ǃgâiǂhôasa gere aoǁnâ tsî ǃgâsana gere ǀgaiǀgaisa. ǂGom ǁkhā da ge a, Apolob ge ǃgamǃgamsenxa khoe isa. Aǁgause, Elobmîs ge mî tama hâ. Apolob ge ǁaixa hâ isa. Akwilab tsî Prisilas tsîn ge ‘Elob di daoba ǂōrisase a ǁguiǃāba bi o.’—ǃNǃkh. 18:24-28.

17. Pauluba mati ǂkhîba ge aiǃgû kai?

 ¹⁷ Apostel Paulub ge ge ǂan i. Apolob ra di ǃgâi sîsenna. Xawe Paulub ge ge ǂâiǂhansen tama hâ i. ǃGâsan gere ǂâi o, Apolob ǁîb xa a ǃgâi di. Khomai da ge ra Paulub ge Korinte ǀhaohâgu ǃoa gere xoa xūna. ǁNāpa da ge ra mû Paulub ge ǃgamǃgamsenxa i. Tsî ǁnâuǃāxa ǀgaub ǃnâ ǁnāsa a dīsa. ǁÎb ge ge ǃgâibahe tama hâ i. ǃGâsan gere mî o. “Tita ge Paulub di ta.” ǁÎb ge koasa Jehovab tsî Jesub ǃoa ge mā kai.—1Kor. 3:3-6.

18. 1 Korinteǁîn 4:6, 7 sa xu da, tae-e Apolob tsî Paulub di aiǁgaura xu ra ǁkhāǁkhāsen?

¹⁸ Tae-e da a ǁkhāǁkhāsen ǁkhā. Apolob tsî Paulub di aiǁgaura xu? Jehovaba da ge ǃgarise a sîsenba ǁkhā. Tsî da ge ǂgui khoena a hui ǁkhā, în ǁāǁnâhe. Xawe da ge nî ǁnâuǃā. ǁNās a īǁkhāsa, Jehovab di huib ǀkha ǀgui. ǁKhāǁkhāsens tsîna da ge ra dī. ǃNāsa aiǂhanuga da ga ǀhaohâb ǃnâ ūhâ o. O da ge ǃnāsa-e nî dī tsî ǂkhîba ǀhaohâb ǃnâ nî aiǃgû kai. Kaise da ge ra gangan ǀhaohâb ǃûi-aogu. Tsî ǀhaohâb hui-aogu ra hui da o. Î da ǀguiǃnâxasib tsî ǂkhîb tsîna sida ǁaegu ūhâ. Tsî mā gu ra ǁnamadi ge Elobmîsa xu nî hā. Tsî ǁîgu ǂâide xus ose. Xawe gu ge ǃgâsana nî hui. În Jesuba ǁnâuǀnam. Tsî ǁîb aiǁgausa sao.—Khomai re 1 Korinteǁîn 4:6, 7.

19. Tae-e da hoa da a dī ǁkhā? (“ ǂGōsen re, ǀhûgusa xu” di hâ boksisa khomai re.)

¹⁹ Mâ ǃgâsa-i hoa-i ge Jehovab xa ǁkhāsiga māhe hâ. ǁNā ǁkhāsiga da ge nî sîsenū. Tsî nî ‘ǃoabagu, mâ-i hoa-e.’ (1Pet. 4:10) ǂÂi ǁkhā da ge a. Dī da ra xūn ǂhâǂhâsa tama hâsa. Xawe ǂâi re. ǂGui ǂkhari ǂomǀhao ūhe hâ ǁawarogu. Ge îsa saraba ǀguiba ra ǃkhōǀhao. Dī da ra ǃgâi xūn ge ǀhaohâba a ǀguiǃnâxa kai ǁkhā. Hoa da ge ǃgarise nî sîsen. Î da tā ǂâi, nau ǃgâsan xa da a ǀgapi ǃkhaisa. ǁKhā da an hoana da ge nî dī. Î da ǂkhîb tsî ǀguiǃnâxasib tsîna ǀhaohâb ǃnâ aiǃgû kai.—Efe. 4:3.