1. Tae-i ǃaromab Jehovaba nau ǃgâsan ǀkha ǀgopeǀnō da tama hâ?

JEHOVAB ge ǃkharagagusiba a ǀnam. Nēs ge mûǃāxa ǁîb ge kuru buruburuxa xūn ǃnâ. Khoen tsîna ǃkhōǂgā hâse. ǀGui khoe-i tsîn ge a ǀkhai sadu khami ī-e. Jehovab ge tātsē nau khoen ǀkha ǀgopeǀnō du tama hâ. ǁÎb ge sadu ǂgaoba ǃgamsiba ra ôaǃnâ. (1Sam. 16:7) ǁÎb tsîn ge a ǂan tae-e du ǃgâise a dī ǁkhāsa. Tsî tae-e du ǃgâise a dīhō ǁoasa. Tsî mâ ǀgaub ǃnâ du ge kaikaihes tsîna. Tsî ǁîb ge ǂgan da tama hâ. Dī ǁkhā ta as xa ǃnāsase dīsa. Jehovaba da ge nî ǁgae. Tsî da ge ǁîb da mû da ǀgaub ǃnâ aitsama nî mûsen. O da ge ‘ǀgaus ǀkha nî gā-ai.’ Tsî sida xa ǃnāsase ǂâi tsî ǃgôaǁnâsasen tide.—Rom. 12:3.

2. Tae-i ǃaroma i ǃgâi tama hâ sada nau ǃgâsan ǀkha ǀgopeǀnōsensa?

² Ama as ge nau ǃgâsan di ǃgâi. Aiǁgaude xu da a ǁkhāǁkhâsen ǁkhāsa. Aiǁgause, ǀnîsi da ge ǃgâsas tamas ka io ǃgâsaba a ǂan. Hîna aoǁnâ sîsenni ǃnâ kaise a ǃgâira. (Heb. 13:7) ǁÎra xu da ge a ǁkhāǁkhāsen ǁkhā. Mati da aoǁnâ sîsenni ǃnâ ǃgaise a dī ǁkhā ǀgausa. (Fil. 3:17) Xawe ǃkharagagusib ge hâ ǃgâsa-i di ǃgâi aiǁgausa ǁgaesa. Tsî ǃgâsa-i ǀkha ǀgopeǀnōsensa. Nau ǃgâsan ǀkha da ga ǀgopeǀnōsen o. O da ge suriba a omkhai ǁkhā. ǂKhabuǂâi tsî xu tamases tsîna a tsâ ǁkhā. Xawe da ga dītsâ tsî sida ǃgâsan xa da a ǃgâi khami ga ra tanisen o. O da ge Jehovab ǀkha da ūhâ ǀhōsagusisa a tsûtsû ǁkhā. ǃKharu go ǁkhāǁkhāǃâs ǃnâ da go ǁkhāǁkhāsen khami. Tsî Jehovab ge ǀnamǀnamsase ra ǂkhâǃnâ da: “A i mâ-i hoa-e ǁî-i sîsenni ǂhaniba ôaǃnâ, o  i ge ǁî-i ǀgui-i tawa koa-e nî ūhâ, tsî nau-i tawa tama.”—Gal. 6:4.

3. Tae ǃgâi xū-e du ge dī Jehovaba ǃoabas ǃnâ, sado ǂkhîba ra mā-e?

³ Jehovab ge ra ǂhâba î du ǃgâiaǂgao. Sadu gagasi aiǃgûs ǃnâ. Aiǁgause ǁāǁnâhe du go o, o du ge a ǂkhî ǁkhā. ǁNā mîǁguiba du go a sīǃnâ ǃkhais ǃaroma. ǁNā mîǁguiba du ge aitsamaba xu ge dī. Eloba du ǀnam ǃkhais ǃaroma du ge. Sadu ǀnamma ǁîb ai ge ǃgaoǃgao. ǂKhî re, hoa aiǃgûn hîna du dī hân xa. Aiǁgause, sadu ǀnamma Elobmîsa khomais. Tsî ǃgamse ôaǃnâs ǃnâ ge ǀgai? Sadu ǀgorede nēsisa ǂâibasensa ūhâ. Tsî ǂgaoba xu ra dīhe? (Psa. 141:2) Nēsisa du supuse aoǁnâ sîsenni ǃnâ khoen ǀkha a ǃhoa ǁkhā? Tsî sida di aoǁnâ sîsenni ǃaroma hâ tool boks tsîna a sîsenū ǁkhā? Tsî omarisa du ga ūhâ o. Ob ge Jehovaba mati hui du, î du ǃgâi ao, tara tsî ǁgû kai? ǂKhîǂaixa ǁkhā du ge a, ǀkharaǀkharan hîna du ge dīna ǁnā ǃâgu ǃnâ.

4. Tae-e da nē ǁkhāǁkhāǃâs ǃnâ nî ǃhoaǃgao?

⁴ Nau ǃgâsana da ge a hui ǁkhā. În ǃgâiaǂgao tsî gagasise aiǃgû. ǁÎna da ge a hui ǁkhā. În tā nau ǃgâsan ǀkha ǀgopeǀnōsen. Nē ǁkhāǁkhāǃâs ǃnâ da ge nî mû matin ǁgûna. ǁÎn di ǀgôana a hui ǁkhāsa. Tsî matin ǃgamme hâ khoe-aogura nî huigusa. Tsî mati gu ǀhaohâb ǃûi-aogu tsî nau ǃgâsan tsîna. ǁÎn ǃgâsana a hui ǁkhā ǀgausa. ǀAms ai da ge ǀnî xoadi hîna a hui da ǁkhāde nî ǃhoaǃgao. Î da ū da hâ mîǁguiga sīǃnâ ǁkhā.

5. Efeseǁîn 6:4 ǃoagun ǁgûna tae-e xu nî ǂgōsen?

⁵ ǁGûn ge nî ǂanbasen în tā. ǁÎ-i ǀgôa-e ǀnî hâ i ǀkha ǀgopeǀnō. Tamas ka io ǀgôa-i a dī ǁkhā. Xū-i xa ǃnāsa-e ǃâubasen. (Khomai re Efeseǁîn 6:4) Sachiko * di ǀon hâ ǃgâsas ge ra mî: “Ti ǁgauǃnâ-aon ge gere ǂgaoǀkhā te. Î da sida klas ǃnâ hâ ǀgôan hoan xa ǃgâise dī. Ti mas ge ge ǂhâba hâ i. Î ta skoli ǃnâ ǃgâise dī. Îs ti ǁgâuǃnâ-aos tsî ti pap hîna. Jehovaba ǃoaba tama hâra. Jehovab di khoen xa ǃgâise ǂâi ǁkhā. ǁÎs ge gere ǂhâba î ta eksamens ǃnâ 100 persent-e xoa. Xawe ǁnās ge ge īǁoa i. Skola ta ge ǂgui kurina ǃkharu tsî a dī toa. Xawe ta ge ǀnî ǁaegu ai ra tsâ. ǁKhā ta a-e ta ga Jehovaba mā. Xaweb ǁîba ǁnā i ǀkha ǂkhî tama ti.”

6. Tae-en ǁgûna a ǁkhāǁkhāsen ǁkhā Psalmdi 131:1, 2 sa xu?

 ⁶ ǂHâǂhâsa ǁkhāǁkhās hîna ǁgûna a hō ǁkhās ge Psalmdi 131:1, 2 ǃnâ a hō-e ǁkhā. (Khomai re) Gao-aob Davib ge ge mî: ǁÎb “kai xūn buruxaba” bin tamas ka io dī ǁoab a xūna ge dī tama hâ i ǃkhaisa. ǁÎb di ǃgamǃgamsenxasib tsî tsamtsîǃnâsib ge ǁîba ge “ǃnōǃnō tsî ǂkhîǂkhî.” Tae-en ǁgûna Davib mîde xu a ǁkhāǁkhâsen ǁkhā? ǁGûn ga ǃgamǃgamsenxa ǂgao o. On ge tā ǃnāsase ǁîn ǀgôana xu nî ǃâubasen. ǁGûn ge ǀgôana a hui ǁkhā, în ǀō-aisase tsâ. Tsî ǂanǃgâ, tae-en ǃgâise a dī ǁkhāsa. Tae-en ǃgâise a dī ǁoas. Tsî sīǃnâ ǁkhān a mîǁguiga a dībasen ǁkhā. Marina di ǀon hâ ǃgâsas ge ra ǂâihō: “Ti mas ge tātsē ge ǀgopeǀnō te tama hâ i. Ti ǃnona ǃgâsan tsî ǀnî hâ ǀgôan ǀkha tsîna. ǁÎs ge ge ǁkhāǁkhā te, mâ ǃgâsa-i hoa-i ǃkharagagu ǁkhāsiga ūhâsa. Tsî i mâ ǃgâsa-i hoa-e Jehovab ǃoagu a ǀō-aisasa. ǁÎs ǃaroma ta ge ǃgâsan ǀkha ǀgopeǀnōsen tama hâ.”

7-8. Matib aoba ǁîb ti tarasa ǃgôasiba a ǁgau ǁkhā?

⁷ Xristeǁî-aob ge ǁîb ti tarasa ǃgôasiba nî ǁgau. (1Pet. 3:7) ǃGôasib ge khoe-e ǀō-aise tsâ kais. Tsî khoe-e ǃgôasa ǃkhōǂgā hâ. Aiǁgause, aob ge ǁîb tarasa ǃgôasiba ra ǁgau. ǁÎb mati ǁîsa ra hâ-u ǀgaub ǃnâ. ǁÎb ge ǃnāsa-e ǁîsa xu ǂgaoǀkhā tama hâ. ǁÎs a mā ǁkhā i xa. Tsîb ge tātsēs tsîna nau ǃgâsadi ǀkha ǁîsa ǀgopeǀnō tama hâ. Matis tarasa nî tsâ ǁîs ti aob ga ǀgopeǀnōsi o? Jehovab di ǃoaba-ao tama aob, Rosa ti ǀon hâ ǃgâsas tib ge. ǃNāsa ǁaeba ǁîsa nau khoe ti ǀkha gere ǀgopeǀnō. ǁÎb ti ǃgâi tama mîdi ge Rosas ǀguisa ǁgâise tsâ kai tama hâ. Xawe ra ǂkhabuǂâi ǀnîsi i, khoe-e ǀnamsisa. ǁÎs ge ra mî, “ǃnāsa ǁaeba ta ge ǂâiǂâiǃnâhesa ǂhâ hâ. Î ta ǂan Jehovab ra ǃgôaǃgâ tesa.” Xawe Xristeǁî-aob ge ǁîb ti tarasa ǃgôasiba nî ǁgau. ǁÎb ge a ǂan ǁnātib ga dī tama io. Ob ǁîb ti ǀhōsagusis ǁîb taras ǀkhab ūhâs. Tsî Jehovab ǀkhab ūhâs tsîna ra ǁgaiǁgaisa. *

⁸ Aob hîna ǁîb ti tarasa, ǃgôasiba ra ǁgaub ge ǁîsa ra koa. Tsî ra mîbasi, ǁîb a ǀnamsisa tsî ra ǃgôaǃgâsisa. (ǂKhm. 31:28) ǃKharu go ǁkhāǁkhāǃâs ǃnâ da go ǃhoaǃgao. ǃGâsas Katerinas ti aob ge ǁîsa ge hui. Îs xū tamase tsâsensa ǃkhamǃoa. Katerinas ge ǂkham io, os ge. ǁÎs ti masa, ǁîsa gere mîǁgaiǁgai. Tsî ǃnāsa ǁaeba nau ǀgôadi ǀkha ǁîsa gere ǀgopeǀnō. ǁÎs di ǀhōna ǃkhōǂgā hâse. Tsîs ge Katerinasa ǃgâsan ǀkha ge ǀgopeǀnōsen tsoatsoa. Amab ǃnâs ge ǂgâ toas khaoǃgâs tsîna. Xawe ǁîs ti aob ge huisi hâ, îs tā ǀgopeǀnōsen. Tsî ǃgâi xūna ǁîs xa ǂâi. ǁÎs ge ra mî: “ǁÎb ge a ǀnam te tsîb ge ǃgâi xūn. Hîna ta ra dīn ǃaroma ra koa te. Tsîb ge ǀgoreba tes tsîna ra dī. ǁÎb tsîn gere ǂâiǂâiǃnâ te, Jehovab di îsa ǀgaugu xa. Tsî noxoba ra hui te. Î ta ǃgâi tama ǂâiǀgauba ǀû.”

9-10. ǀHaohâb ǃûi-aoga mati ǀgui ǃgâsasa ge hui. Îs ta nau ǃgâsan ǀkha ǀgopeǀnōsen?

⁹ Mati gu ǀhaohâb ǃûi-aoga ǁnān hîna. Nau ǃgâsan ǀkha ǀgopeǀnōgus di ǁnaetiba ūhâna a hui ǁkhā? Hanuni ti ǀon hâ ǃgâsas aiǁgausa kō re. Hîna ge ǂkhams ge io ǀorose gere koahesa. ǁÎs ge ra mî:Tita ge ge taoxa i. “Tsî gere ǂâi nau ǀgôan tita xa a ǃgâi di. Tsî ta ge gere ǀgopeǀnōsen nau khoen ǀkha. ǂKham ta ge īsa xu ǂâihō taras kōse.” Amab ǃnâs ge ǂgâxa toas khaoǃgâs tsînas ge Hanunisa. Noxoba nau ǃgâsan ǀkha gere ǀgopeǀnōsen. Tsîs ge gere tsâ  ǀhaohâb ǃnâs gere dī xūn ge. ǁNāti kōse ǂhâhâsa tama hâ isa. Nēsisas ge ǂkhîsa aimâba-aose ra ǃoaba. Tae-e ge huisi, îs ǁnā tanisen ǀgauba dawa?

¹⁰ Hanunis ge ra mî, ǀnamxaǃnâ ǀhaohâb ǃûi-aogu ge ǁîsa huisa. ǁÎgu ge ge mî, ǁîs ǀō-aisa ǁanisa ǀhaohâb ǃnâ. Tsî ǁîs ǂgomǂgomsa aiǁgaus ǃaroma ǁîsa ge koa. ǁÎs ge ra xoa: “ǂGui ǃnāde gu ge ǀhaohâb ǃûi-aoga gere ǂgan te. Î da ǂhâsib ǃnâ hâ ǃgâsade sī hui. Nē ǁgaumâis ge ǂhâhe ta hâ khami gere tsâ kai te. ǂÂi hō ta ge ra, tani ǀnamxa. ǀHaohâb ǃûi-aogu gere gangan te o. ǂKham ǃgâsade ta gere ǂkhâǃnâ ǃkhais ǃaroma. Tsî gu ge 1 Tesalonikaǁîn 1:2, 3 sa ge khomaiba te. Nēs ge ti ǂgaoba ge ǂkhî kai. ǁNā ǀnamxa ǀhaohâb ǃûi-aogu ǃaroma ta ge. Nēsisa ti ǃkhaisa ǀhaohâb ǃnâ a ǂan.

11. Mati da Jesajab 57:15 ǃnâ ra mîhe khami “ǂkhūǂkhūhesa tsî ǃgamǃgamsensa gagasa” ūhâna a hui ǁkhā?

¹¹ Khomai re Jesajab 57:15 sa. Jehovab ge “ǂkhūǂkhūhesa tsî ǃgamǃgamsensa gagasa” ūhâna ra tsâba. ǀHaohâb ǃûi-aogu ǀguigu ge ǂkhâǃnâ sîsen-e dī tide. Xawe da ge hoa da ǁnāsa nî dī. Tsî ǃgâsana nî ǁgau tsâba nî da rasa. Jehovab ge ǂhâba hâ i ta ǁîna ǁgau. Matikōseb ǁîba ǁîna a ǀnamsa. (ǂKhm. 19:17) Sida tsîn ge sida ǃgâsan a hui ǁkhā. ǃGamǃgamsenxa tsî da ga sida di ǁkhāsigu xa koasen tama io. Sida ai ǀgui da ge ǂâisa ǂnûi ǂgao tama hâ. Tsî ǁnās ge suriba nau ǃgâsan ǃnâ a omkhai ǁkhā. Xawe da ge sida di ǁkhāsib tsî ǂans tsîna ra sîsenū. Î da nau ǃgâsan ǂkhâǃnâ.—1Pet. 4:10, 11.

12. Tae-i ǃaroman ge ǃnāsa khoena Jesub ǀkha hâs xa ǃgâibahe i? (Tsoatsoas ai hâ ai-īsiba kō re.)

¹² ǂGui xūna da ge a ǁkhāǁkhāsen ǁkhā. Mati da nau ǃgâsana nî hâ ū ǀgauba. Jesub ge ǁîb di ǁkhāǁkhāsabega gere hâ ū ǀgauba xu. ǁÎb ge ge ǂoaǂamsa khoe-i hîna ge ûi hâ îba. Xaweb ge ‘tsamtsiǃnâ tsî ǂgaob ǃnâ ge ǃgamǃgamsenxa’ i. (Mat. 11:28-30) ǁÎb ge tātsēs tsîna ge koasen tama hâ i. ǁÎb di gā-aisib tsî ǂan i a ǂgui xūn xas tsîna. Supu ǀgaub ǃnâb ge gere ǁkhāǁkhā. Tsî ǁnâuǃāxa aiǁgaude gere sîsenū. Hîna ge ǃgamǃgamsenxa ǂgaoga ūhâ khoena gere tsâǀkhāga. (Luk. 10:21) Jesub ge tātsēs tsîna ǀgapiǂâixa, ǂgomdi ǂgaeǂgui-aogu khami ge ī tama hâ i. ǁÎb ge hoaǁae khoena gere tsâ kai ǁîn a ǀō-aisasa. (Jhn. 6:37) ǁÎb ge hoa khoena ǃgôasiba ge ūhâba hâ i.

13. Matib ge Jesuba ǃgâisib tsî ǀnamma ǁîb di ǁkhāǁkhāsabega ǁgau?

¹³ Jesub di ǃgâisib tsî ǀnammi ge. ǁÎb ge ǁkhāǁkhāsabegu ǀkhab gere hâ ǀgaub ǃnâ ge mûhe ǁkhā i. ǁÎb ge ge ǂan i ǁîgu ǃkharagagu ǁkhāsigu. Tsî mâsigu tsîna ūhâsa. ǁNā-amagagu ge hoa ga ǀgui ǃereamde ge tani ǁoa i. Tsî gu ge aoǁnâ sîsenni ǃnâs tsîna ǀguitikōse ge dī ǁoa i. Xaweb ge ǁîba gere ǂkhî. Mâb hoab ge ǁîb a ǁkhā-e gere dī o. Jesub ge ge ǁgau matib ta tsâsa. Mādi xa hâ aiǁgausab ge sîsenū o. ǁNā aiǁgaus ǃnâb ge ǀhonkhoeba. Mâ ǃgâb hoaba ‘ǁîb a ǁkhā’ sîsen-e ge a mā. ǀGamkha di ǀguib hîna a gā-ai ǃgāb ge naugu xa ǃnāsase ge hō. Xaweb ge ǀhonkhoeba hoakha ǀgui mîs ǀkha ge gangan. “Aio, ǃgâi tsî” ǂgomǂgomsa “ǃgātse.”—Mat. 25:14-23.

14. Mati da Jesuba a ǁgae ǁkhā, ǁîb ǁkhāǁkhāsabegab gere hâ ū ǀgauba xu?

¹⁴ Jesub ge ǃgâi tsî ǀnamxa ǃnâ ǀgaub ǃnâ sida ra hâ ū. ǁÎb ge a ǂan sida ǁkhāsigu tsî mâsigu a ǃkharagagusa. Tsîb ge ǁîba ra ǂkhî ǁkhā da a-e da ga dī o. Jesuba ǁgae tsî da ge ǁîb ge. ǁÎb ǁkhāǁkhāsabegu ǀkha gere hâ, ǀgaub ǃnâ ǃgâsan ǀkha nî hâ. Tā da ge ǃgâsa-e, ǁî-i xu tama khami nî tsâ kai. Tamas ka io ǁî-e nî tao kai. Nau ǃgâsa-i a dī ǁkhā, xū-e i ga dī ǁoa o. ǃĒna da ge  nî ôa, î da sida ǃgâsana koa. ǁÎn ǁkhāsib hoab ǀkhan Jehovaba ra ǃoaba amaga.

15-16. Matis ge ǃgâsasa ǃgâiba hō sīǃnâ ǁkhās a mîǁguigas ge dī o?

¹⁵ Gagasi mîǁguigu ge sida di ûiba ǂâibasensa ra mā. Nēba ra mâǂoa i ge, î da sida a sīǃnâ ǁkhā mîǁguiga dī. Tsî tā nau ǃgâsan ra dī mîǁguiga nî dī ǂgao. ǁNāsa da ga dī o, o da ge ǁgaise a tsâ ǁkhā. Tsî a ǂkhabuǂâi tsoatsoa ǁkhā. (Luk. 14:28) Midori ti ǀon hâ aimâba-aos aiǁgausa kō re.

¹⁶ Midoris di papab hîna amab ǃnâ hâ tamab ge. ǁÎsa gere mîǁgaiǁgai ǂkhams ge io. Tsî nau ǀgôan ǀkha gere ǀgopeǀnōsi. Tsî ǁîs di skol ǀhōsan ǀkhas tsîna. “Xū tamase ta ge gere tsâ” tis ge Midorisa ra mî. Xawes ge kai khâi o, os ge ǁîs xa ǃgâise gere tsâsen. ǁÎs ge ra mî: “Tita ge Elobmîsa tsēs hoasa ra khomai. Tsî ǁnās ge ra hui te. Î da mû Jehovab tita kaise a ǀnamsa.” Tsîs ge ǁîsa mîǁguigu hînas a sīǃnâ ǁkhāga ge dī. Tsîs ge huiba ge ǀgoreba, îs ǁnā mîǁguiga sīǃnâ. ǁNās ge Midorisa ge hui. Îs ǂkhî xūn hînas Jehovaba ra dīban ǃaroma.

17. Tae-e nî hui da, î da sida ǂâi ǀgauba dawa, tsî mâ ǀamǂoas ǀkha?

¹⁷ Gaxu ǁaeba i ge ra ū sida dawasa. Mati da sida xa ra tsâ ǀgaub xa. ǁNā-amagab ge Jehovaba nēti ra mîba da: “Tsî du nî ǀasakaisenga sadu ǂâis di gagas ǃnâ.” (Efe. 4:23, 24) ǁNāsa da ga dī ǂgao o. O da ge nî ǀgore, Elobmîsa ôaǃnâ tsî nî ǂâiǃgâ. ǁNā-amaga da ge nî aiǃgû, nē xūna dīsa. Tsî Jehovaba nî ǂgan, îb ǀgaiba mā da. ǁÎb di ǃanu gagab ge nî hui da. Î da tā nau ǃgâsan ǀkha ǀgopeǀnōsen. Jehovab tsîn ge nî hui da. Î da ǂan, suri tsoatsoa da ga o. Tsî da ga ǀgapiǂaixa tsoatsoa o. Tsîb ge ǁîba nî hui da. Î da ǃhaese ǀkharaǀkharana dī.

18. Matis 2 Kroniks 6:29, 30 ǃnâ hâ mîde a ǁkhaeǂgao da ǁkhā?

 ¹⁸ Khomai re 2 Kroniks 6:29, 30. Jehovab ge mati da ra tsâsa a ǂan. ǁÎb ge sida ǃgomsin tsîna a ǂan. Tsî ǃkhams hîna da nē ǃhūbaib di ǁgâi gagagu ǃoagu ūhâs tsîna. Tsî sida di dīsādi ǃoagu ūhân tsîna. Jehovab ga mû o, matikōse da ǀgaisase nē xūna ra ǃkhamǃoasa. Ob ge ǁîb di ǀnamma sida ǃoagu ra ǀgaisa.

19. Jehovaba mâ aiǁgausa ra sîsenū ǁgau da rasa, ǁîb ra tsâba dasa?

¹⁹ Matib Jehovaba sida xa ra tsâsa ǁguiǃās ǃaromab ge. ǁÎba ǀgôa-i tsî mamasas, aiǁgausa ra sîsenū. (Jes. 49:15) Rachel ti ǀon hâ ǁgûs di aiǁgausa kō re. ǁÎs ge xoa tsî ra mî: “Ti ǀgôas Stephanies ge ǀoasa tama ǁkhâgu ǀkha ge ǃnaehe. ǂGuro ta ge mûsi o, os ge ǂkhariro tsî hui ose gere mûsen. Xawe doktergu ge ge mā-am te. Î da ǁîsa tsēs hoasa, ti ǃomman ǃnâ tani ǁkhā. ǁNā ǂguro ǁkhâb hînas ge ǁîsa a ǃnaeb ǃnâ. Hospitals ǃnâs ge ǁgoe i. ǁAeb ǃnâ ta ge tita tsî ti babakiros tsîna ǃgâi ǃgaeǁaesa ge omkhâi. ǁÎs ge nēsisa ǃnani kurixa. Tsî ǁîs ǀkha ǀgui kurina ūhâ ǀgôan xa ǂkhari sorosa ūhâ. Xawe ta ge ǁîsa kaise a ǀnam. ǁÎs ge kaise, ǁîs ûiba a ǃkhamba ǃkhais ǃaroma. Tsîs ge ǂkhîba ti ûib ǃnâ ge a ǀkhī-ū.” Jehovab ge kaise sida a ǀnam. Tsî ra mû, taena da ǁîb ǃoabas ǃnâ ra dīsa. Tsî ǁnāsa ǂans ge ra ǂkhî kai da.

20. Tae-i ǃaroman Jehovab di ǃoab-aona a ǃgâiaǂgao ǁkhā?

²⁰ Jehovaba da ra ǃoaba amaga da ge. ǁÎb omaris ǃnâ kaise a ǀō-aisa. Tsî i ge ǀnî hâ ǃgâsa-i sadu khami ī-e a ǀkhai. Jehovab ge sado, ǁîba ǃoa ge ǂgae tama hâ i. Sadu ge nau khoen xa ǃgâi i amaga. ǁÎb ge ge ǂgae du tsî mû, sadu a ǃgamǃgamsenxasa. Tsî māsenxase ǁîba xu ra ǁkhâǁkhāsen ǂgaosa. Î du ǁnā ǀgaub ǃnâ ǀkharaǀkharasen ǁkhā. (Psa. 25:9) ǂGomǃgâ ǁkhā du ge a ǁîb ra ǃgôaǃgâsa. Sadu ǁkhāsib hoab ǀkha du ǁîba ra ǃoaba o. Sadu tani ǀnamxasib tsî ǂgomǂgomsasib ge ra ǁgau. ‘ǃGâi tsî ǂhauǃnâ ǂgaoba’ du ūhâsa. (Luk. 8:15) Aiǃgû re, î du Jehovaba sadu a ǁkhā-i hoa-e dība. O du ge ǃgâi ǃaromasa nî ūhâ, ǃgâiaǂgaos disa. ǁÎ-i ǀgui-e du ga ‘koa-e ūhâba’ xawe.