1-2. Matis Jesajab 65:16, 17 sa ra ǂkhâǃnâ da î da tā ǀûsen?

“DON’T GIVE UP!” di hâ xoaǂamsas ge 2017ǁî kurib. Di ǀkharib kai ǀhaosa ge ūhâ i. Nē programi ge ge ǁgau da. Mati da hōǃâ da ra ǃgomsin ǃnâ nî mâǀgai. Haka kurin ge ǃkharu hâ. Tsî da ge noxoba ra mâǀgai. Nē ǁgai ǃhūbaib ǃnâ.

² Tae ǃnôa ǃgomsina du ǀgūǁae goro hōǃâ? Sadu omaris ǁani-i. Tamas ka io i ǀgūǀhōsa-e ǁō hâ? ǃAoroxa ǁō-e du ūhâ? Ûiba a ǃgom kaira du a amaga? ǂOab tsî ǀnanub xa ǃaromahe hâ ǃgomsina d ura hōǃâ? ǂKhabadīb tamas ka io ǁgâiǀāgu? ǃGomsina du ra hōǃâ Coronas xa ǃaromahe hâse? Tamas ka io Coronas ǀkha a ǀgui xū-e? ǂÂi da ge ra ǁaeb nē ǃgomsin hoan nî bēba. Tsî da ge ǁîn xa nî ǀuru. Tsî i ge ǁkhawa nēti ī ǃgomsina ī tide.—Khomai re Jesajab 65:16, 17.

3. Tae-e da nēsi nî dī tsî tae-i ǃaroma?

³ ǃGomsina da ge nē ǁgai ǃhūbaib ǃnâ ra hōǃâ. Tsî da ge hānîǁaeb ǃnâ noxoba ǂgui ǃgomsina nî hōǃâ. (Mat. 24:21) ǁNā-amaga da ge nî aiǃgû. Tsî sida tani ǀnamxasiba nî ǀgaiǀgai. Tae-i ǃaroma? Jesub ge nēti a mî amaga: “ǃNūǃnâxasib âdu ǃnâ du nî sadu ûiba hōbasen.” (Luk. 21:19) ǂÂi da ga ra o. Matin ǀnî ǃgâsana sida ūhâ ǃgomsin ǃnâ ra mâǃkharu ǀgausa. Os ge ǁnāsa sida tani ǀnamxasiba ra ǀgaiǀgai.

4. Tae-i ǃaroma da mî ǁkhā, Jehovab a ǃgâi aiǁgausa, tani ǀnamxasib xa?

⁴ Ham-e a ǃgâi aiǁgau tani ǀnamxasib xa? Jehova Eloba. ǁNā ǃereamsa ra buru kai da? Xawe ǁnās xa da ga ǂâi o. O da ǁnâuǃā tide. ǁGâuab ge nē ǃhūbaiba ra ǂgaeǂgui. ǁNā-amagan ge ǂgui ǃgomsina hâ. Jehovab ge ǀgaiba ūhâ, nē ǁgai ǃhūbaiba dīkākāsa. Tsî hōǃâ da ra ǃgomsin tsîna a ǀam kai ǁkhā. Xaweb ge ǁîba ǂhanu tsēsa ǃâu hâ, îb ǁnāsa dī. (Rom. 9:22) Xawe Jehovab ge tani ǀnamxasiba ra ǁgau. ǁNā ǁaeb hînab nî nē ǁgai xūna dīkākās kōse. Hā re, î da khoese xūna ǃhoaǃgao. Hîna ra ǁgauna Jehovab a tani ǀnamaxasa.

5. Elob ǀonsa mati ge ǀuriǀurihe? Tsî mati du ǁnās xa ra tsâ?

⁵ Jehovab ge a tani ǀnamxa. ǁÎb ǀons ge ǀuriǀurihe xawe. Jehovab ge ǁîb di ǀonsa a ǀnam. Tsîb ge ra ǂhâba î-i mâ khoe-i hoa-e. ǁÎb ǀonsa ǃgôa. (Jes. 42:8) Xawe ǃkharu go 6 000 kurigu ǃnâ. Îs ge Jehovab ǀonsa ǀuriǀurihe hâ. (Psa. 74:10, 18, 23) Nēs ge Edenni ǃhanab ǃnâ ge tsoatsoa. ǁGâuab (ǀons ǂâibasens ge ǂHumi-aob) ge Eloba ǂgā-am tsî ge mî. Elob ra Adammi tsî Eva hâra nî ǂkhî kai, xūna ǃkhō-oasa. (Gen. 3:1-5) ǁNā ǁaeba xub ge Jehovaba ra ǂhumi ǂgā-amhe. ǁÎb ra khoen amabes ǃnâ ǂhâ hâ xūna, ǁîna xu ǃkhō-oasa. Jesub ge gere ǂâiǂhansen. ǁÎb di Pap ǀons gere ǀuriǀurihe o. ǁNās ǃaromab ge Jesuba. ǁÎb ǁkhāǁkhāsabega ge ǁkhāǁkhā îgu nēti ǀgore. “Sida Îtse ǀhommi ǃnâ hâtse, sa ǀonsa as khai re.”—Mat. 6:9.

6. Tae-i ǃaromab ge Jehovaba gaxu ǁaeba ǃkharu kai. ǁÎb a ǂhanu ǂgaeǂgui-aosa ǁgausa?

⁶ Jehovab tsî ǁîb ǂgaeǂguis ge ge mâǃoahe. Jehovab ǀguib ge ǂhanu ǂgaeǂgui-aoba. ǀHommi tsî ǃhūbaib diba. Tsî ǁîb di ǂgaeǂgui ǀgaub ge kaise a ǃgâi. (J.ǂHa. 4:11) ǁGâuab ge khoen tsî ǀhomǃgāgu tsîna ge ǂgaeǂhapu. În ǂâi Jehovab ǂhanu ǂgaeǂgui-ao tama hâsa. ǁAeba i ge nî ū, ǁgausa Jehovab a ǂhanu ǂgaeǂgui-aosa. Tsî ǁîb a ǃgâi ǂgaeǂgui-aos tsîna. Jehovab ge gā-aib a amaga. Khoena mā-am hâ, în aitsama gaxu ǁaeba ǂgaeǂguisen. Tsî mû aitsaman ǃgâise a ǂgaeǂguisen ǁoa ǃkhaisa. ǁÎn ga Kuru-aoba ǃgâ tama io. (Jer. 10:23) Jehovab a ǃnūǃnâxa amagab ge nē mâsiba nî ǀamǀamhe ǀamosib kōse. Jehovab ge ǁîb ǀonsa nî ǃanuǃanu. ǁÎb Gaosib ga ǂkhîb tsî ǃnorasasiba ǃhūbaib ai hau o.

7. Ham-e Jehovaba ge mâǃoa? Tsî ǁîba tae-e nî dī, ǁîn xa?

⁷ ǁÎb di ǀgôan ǀnîn di mâǃoas. Jehovab ge ǀhomǃgāgu tsî ǂguro khoera ǀoasase ge kuru. Xaweb ge Satanna (ǀons ǂâibasens ge Mâǃoa-aob) ǀoasa kurusa ūhâ khoera ge ǃhoa ǁnā dana. Tsî ra ge Adammi tsî Evas tsîna Jehovaba ge mâǃoa. Tsî egan ge ǀnî ǀhomǃgān tsî khoen tsîna. Jehovaba ge mâǃoa tsoatsoa. (Jud. 6) Egan ge Israelǁaes khoen hîna ge. Jehovab xa ǁhûiǂuihena Jehovaba ge mâǃoa. Tsî ǀnî hâ eloga ge ǃoaba tsoatsoa. (Jes. 63:8, 10) Jehovab ge ǀapexūheb ge khami gere tsâ. Xaweb ge ǁîba noxoba a ǃnūǃnâxa. Tsîb ge ra aiǃgû ǃnūǃnâxasa. ǁAeb nî hās kōse. Îb nē mâǃoade ǀam kai. Nēs ge ǂkhîba nî ǀkhī-ū. ǀKhaehe tsî a ǂgomǂgomsa khoen ai. Hîna ǁîb ǀkha ra ǃnūǃnâxana, nē ǁgai ǃhūbaib ǃnâ.

8-9. Tae-i ǂhumiba Jehovab xa ra ǃhoahe? Tsî tae-e da ǁîn xa a dī ǁkhā?

⁸ ǁGâuab di ǂhumib. Satanni ge Jehovab ǂhanu-ai ǃoaba-aob Joba ge ǂgari-am. Tsî ge mî, Jehovab di ǂgomǂgomsa ǃoaba-aon. ǁÎba ra ǃoabasa ǃgâi xūn hînan ǁîba xu ra hōn ǃaroma. (Job. 1:8-11; 2:3-5) ǁGâuab ge ra aiǃgû khoena ǂgari-amsa nētsē. (J.ǂHa. 12:10) ǁGâuab a ǂhumi-aosa da ge nî ǁgau. Sida ga ra tani ǀnamxa o. ǃGomsin hîna da ra hōǃân ǃnâ. Tsî da ge ǂgomǂgomsase nî hâ. Jehovab ǀkhāb ai, ǁîba da a ǀnam amaga. Jehovab ge Joba ge a ǀkhae. Tsîb ge sida tsîna nî ǀkhae, tani ǀnamxa da ga o.—Jak. 5:11.

⁹ Satanni ge ama tama ǂgomdi ǂgaeǂgui-aoga ra sîsenū. Îgu mî Jehovab ge ǃgâi tama. Tsîb ǁîba khoen di ǃgomsina ra ǃaroma di. ǀNîn tsîn ge ra mî ǀgôaron ga ǁō o. Ob Jehovaba ǁîna ra ūsa, ǀhomǃgānab ǀhommi ǃnâ ǂhâ hâ amaga. ǁNā i ge  Jehovaba ǃgôasiba ǁgau tama hâ. Xawe da ge sida a ǂan Jehovab a ǀnamxaǃnâ ǁGûsa. ǁKhōǁkhōsa ǀae-e da ga ūhâ o. Tamas ka io, i ga ǀnam da hâ khoe-e ga ra ǁō o. O da ge tātsēs tsîna sida Eloba ǂgari-am tama hâ. Xawe da ge ra ǂgom Jehovab. ǀGui tsē ǀaesen hâna nî ǂgauǂgausa. Tsî ǁō hâna khâisa nî māsa. Sada ge mâ khoe-i hoa-i hîna ra ǃgâ ǂgao-e. Nî mîba matikōseb Jehovaba a ǀnamxaǃnâsa. ǁNās ge ǃgâi ǃereamsa, ǁGâuab ǃoagu.—ǂKhm. 27:11.

10. Psalmdi 22:23, 24 sa tae-e Jehovab xa ra mî?

¹⁰ ǁÎb di ǀnamǀnamsa ǃoaba-aon di ǃgomsin. Jehovab ge a ǀkhomxaǃnâ Elo. ǁÎb ge ǃgâibahe tama hâ, ā da ga ra o. ǃGomsin hîna da ra hōǃân xa ǃaromahe hâse. Mâǃoahes, ǀaeb. Tsî ǀoasa kurusa da ūhâ tama hâs tsîn xa. (Khomai re Psalmdi 22:23, 24 sa.) Jehovab ge sida tsûga ra ǁnâuǃā. Tsîb ge ǁnāsa ra ǀam kai ǂgao. Tsîb ge ǁnāsa ǀgūǁae nî ǀam kai. (ǀgopeǀnō re nē xoara Eksodus 3:7, 8; Jesajab 63:9) Tsēs ge nî hā, “ob ge Eloba mûdi âna xu ǁgamron hoana nî ǀombē; ob ge ǁōba ǃaruǀî hâ tide, tsî ǃoa-i xare-i tsî ā-i xare-i tsî ǃgomsi-i xare-i ǃaruǀî hâ tide; ǂguron go ǃgôa-ī xui-ao.”—J.ǂHa. 21:4.

11. Jehovaba mati ra tsâ, ǁîb di ǂgomǂgomsa ǃoaba-aon hîna ge ǁōn xa?

¹¹ ǁÎb di ǀhōn hîna ge ǁōn. Matib Jehovaba ǂgomǂgomsa aogu tsî taradi hîna ge ǁōn xa ra tsâ? ǁÎb ge ǁkhawa ǁîna mûsa ra ǁkhore. (Job. 14:15) ǂÂi re, matikōseb Jehovaba. ǁÎb di ǀhōb Abrahamma ǁkhore hâsa? (Jak. 2:23) Tamas ka io Moseb hînab gere “aisa xu ais ǃoa” ǃhoa-ūba? (Eks. 33:11) Tsîb ge ra mûǂui Davib tsî nau psalmdi ǁnae-aoga mûsa. Îgu îsa koa ǁnaetsanade ǁnae. (Psa. 104:33) Nēsin Elob di ǀhōsana ǁōb ǃnâ ǁom hâ. Xaweb ge Jehovaba ǁîna ǀuru tama hâ. (Jes. 49:15) ǁÎb ge  hoa xūna ǁîn ǀgaugu xa ra ǂâihō. Elobmîs ge ra mî: “Hoan kom ǁîba ra ûiba o.” (Luk. 20:38) ǀGui tsēb ge Jehovaba ǁîna ûiba nî mā-oa. Tsîb ge ǁîba ǁîn di ǀgorede nî ǁnâu. Tsî ǁîn di ǃoabasa nî ūǃoa. Sadu ǀnam hâ khoe-i ga ǁō o. O di ge nē mîde nî ǂkhâǃnâ du.

12. Tae-e Jehovaba ra tsûtsû nē ǀuniga tsēdi ǃnâ?

¹² ǁGai xūna ra dī khoen ge khoena ra tsûtsû. Edenni ǃhanab ǃnâs ge mâǃoasa tsoatsoa o. Ob ge Jehovaba ge ǂan i. Nē xūn ǁgaiǂoas ǀguisa nî hîsa. ǀNî hâ ǁaeb ai i sī nî ǃgâis kōse. Jehovab ge ǁgai xūn, ǂhanuoǃnâsib tsî ǂkhabadīb. Hîna nē ǃhūbaib ai ra īna kaise ǃhui hâ. ǁÎb ge hoaǁae ǀkhomxaǂgaosiba. ǁNān hîna a ǂkhabusan ǃoagu ra ǁgau. Aiǁgause ǃoaǀgôan tsî ǃoataradi tsîna. (Sax. 7:9, 10) Jehovab ge ǃgâi tamase ra tsâ. ǁÎb di ǂgomǂgomsa ǃoaba-aon ga ǁgâiǀāhe. Tsî tronkedi ǃnâ ga ra ǂgāhe o. ǂGomǃgâsiba da ge a ūhâ ǁkhā. ǁÎb sada a ǀnamsa. Sada hîna ǁîb ǀkha ǀguiba a tani ǀnamxa da.

13. Tae-i ǀurixa xūnab Jehovaba ra mû khoen ra dīna? Tsî tae-eb nē xūn xa nî dī?

¹³ Khoen ge sorosise ǁgoe-ūgusa. ǃGâi tama ǀgaub ǃnâ ra aiǃgû kai. Khoen hoan ge Elob di īsib ǃnâ ge kuruhe. Xawe ǁGâuab ge a ǃgâibahe khoena ǁgai xūna dī kaisa. “Tsî ǃKhūb ge mûo, khoen di ǂkhabasib ra ǃhūbaib ai ǂgui.” Noaxi di tsēdi ǃnâ. “Ob ge ǃKhūba ge ǃhausen, khoebab ge ǃhūbaib ai dī ǃkhaisa, tsîb ge kaise ge tsûaǂgao.” (Gen. 6:5, 6,  11) ǁNā ǁaeba xu nēsis kōse, ǃhūbaiba ǀkhara i hâ? Hî-î ǀkhara tama hâ. ǁGâuab ge kaise ǂkhî. ǂGuiǃnâgu ǃgâi tama ǁgoe-ūgun khoen xa ra dīhesa hoaba. Nēs ge aorekhoeb tsî tarekhoes hîna ǃgame tamase ra ǁgoe-ūgura ǃkhōǂgā hâ. Tsî aorekhoeb tsî aorekhoeb. Tamas ka io tarekhoes tsî tarekhoes hîna ra ǁgoe-ūguna ǃkhōǂgā hâ. (Efe. 4:18, 19) Nēs ge kaise ǁGâuaba ra ǂkhî kai. Jehovaba ra ǃoaba khoen ga ǁnāti ī ǁoreba dī o. Jehovab di ǃnūǃnâxasib ga ǀam o. Ob ge nî ǁgau, ǁîb ǃgâi tama ǁgoe-ūguna ǃhui hâsa. Tsîb ge hoa khoen hîna ǀkharaǀkharasen tama hâna nî dīkākā.

14. Khoena tae-e ǃhūbaib tsî xamarin ǃoa-ai ra dī?

¹⁴ Khoen ge Jehovab ge kuru ǃhūbaiba ra ǁgaiǁgai. ‘Khoeb ge nau khoeba gaoǂams’ ǀguisa dī tama hâ. Tsî ǃhūbaib tsî xamarina kōǃgâ tama hâ. Jehovab ge mî khami. (Aoǁn. 8:9; Gen. 1:28) ǀNî ǂansaben ge ra mî, khoen ra tanisen ǀgaub. Nî 1 miluins xa ǃnāsa xamarina * ǁōǂoa kaisa. Hānî kurigu ǃnâ. ǁNâuǃāxa i ge a khoen tae-i ǃaroma ra ǂâiǂhansensa ǃhūbaib xa. Xaweb ge Jehovaba mî hâ. ǁÎb nî ‘ǃhūbaiba ra hîǀhuruna nî hîkākāsa.’ Tsîb ge ǁnāpaxu hoa ǃhūbaiba paradais ǃnâ nî ǀkharaǀkhara.—J.ǂHa. 11:18; Jes. 35:1.

15-16. Tae-e ra ǂkhâǃnâ da î da Jehovab ǀkha tani ǀnamxa? ǁGuiǃā re.

¹⁵ ǂÂi re, matikō ǃgâi tama xūnab. Sida ǀhomsi ǁGûba tani hâsa ǂgui kurina. (“ Xūn hînab Jehovaba ra tani ǀnamxa ǃnân” di hâ boksisa khomai re.) Jehovab ge nē ǁgai ǃhūbaiba mâǁae i. Hoa-i ai a dīkākā ǁkhā. Xawe Jehovab di ǃnūǃnâxasib ge kaise hui da hâ. Sao ra aiǁgaus xa ǂâi re. ǂÂis ǀguisa hî re, aob tsî taras ge ra mîbahe. ǁÎra ǀgôa-i hîna ǃnae tama i. ǀGaisa sorosis ǃgomsina nî ūhâsa. Tsî i ga ǁî-e ǃnae toahe o. O i ge ǁî-i ûiba kaise nî ǃgom. Tsî i ge ǂkhariro i a hîna nî ǁō. Xawe ra ge mamasa hâra nî ǂkhî ǀgôa-i go ǃnaehe ǃkhais ǃaroma. ǁNā ǀgôa-e kōǃgâs ga ǃgom xawes tsîna. Ra ge ǁîra ǁnā  ǀgôa-e nî kōǃgâ. ǁÎra ǁnā ǀgôa-e a ǀnam amaga ra ge nî mâǀgai. Îra ǁkhā ra a ǀgaub ǃnâ, ǁnā ǀgôa-e kōǃgâ.

¹⁶ ǁNās khami ra ge Adammi tsî Evas tsîn. Ti ǀgôana ǀoasa kurusa ūhâ tama hâ. ǁÎn ga ra ǃnaehe, ǁaeb ai. Xaweb ge Jehovaba ǁîna a ǀnam tsî ra tsâba. (1Jhn. 4:19) ǁNā aiǁgaus ǃnâ go hâ i, ǁgûra khamis ose. Xaweb ge Jehovaba ǁîb ǀgôan di ǃgomsina a ǀam kai ǁkhā. Jehovab ge ǁaeba ǂnûiǂui hâ. Îb khoen ra hōǃâ ǃgomsina ǀam kai. (Mat. 24:36) Jehovab ǀnammi tsîn ge kaise ra ǂkhâǃnâ da. Î da tani ǀnamxasiba ǁgau.

17. Tae-i ǃaromas Hebreǁîn 12:2, 3 sa ra ǂkhâǃnâ da î da tani ǀnamxa Jesub khami?

¹⁷ Jehovab ge ǃgâi aiǁgausa, ǁgau da hâ tani ǀnamxasib xa. Jesub ge ǁîb di Pab di tani ǀnamxasiba ge ǁgae. Jesub ge ǃhūbaib ai hâ io. Ob ge mîǁgaiǁgaihe, taotaohe. Tsî sida ǃaroma ǃgâuhaib ai ge ǁō. (Khomai re Hebreǁîn 12:2, 3 sa.) Jehovab aiǁgaus tani ǀnamxasib dis ge. Jesuba ge hui, îb ǁîb tsîna xūna tani ǁkhā. Tsî ǁnās ge sida tsîna a ǀgaiǀgai ǁkhā.

18. 2 Petrub 3:9 sa mati ra hui da, î da Jehovab tani ǀnamxasib tae-e ra dīsa ǁnâuǃā?

¹⁸ Khomai re 2 Petrub 3:9 sa. Jehovab ge a ǂan mâǁaeb nē ǁgai ǃhūbaiba nî dīkākāsa. Jehovab a ǃnūǃnâxa amagan ge ǂgui khoena ǁîba a ǂan. Tsîn ge miluins ǃnâ hâ ǂgui khoena ǁîba ra ǃoaba. Hoa da ge kaise ra gangan. Jehovab gaxuse tani ǀnamxasiba ǁgau hâsa. ǃNaehe ran ǃaromas tsînas ge ǁnāsa ǃgâi. În Jehovab xa ǁkhāǁkhāsen tsî ǁîba ǀnam. Tsî ǁîn ûiba māǁnâ tsî ǁāǁnâ kaisen. Miluindi ǃnâ hâ ǃgâsan ga ǀams kōse tani ǀnamxa o. Ob ge Jehovaba ǁîna ǀoasase nî ǀkhae. Tsî i ge nî ǃgāsa Jehovab ge ǃgâi mîǁguiba dīsa. Îb tani ǀnamxasiba ǁgau.

19. Tae-e da nî dī tsî tae-i ǀkhaeba da nî hō?

¹⁹ Jehovaba xu da ge ra ǁkhāǁkhāsen. Mati da ǂkhîb ǀkha tani ǀnamxasiba nî ǁgausa. ǁGâuab tsûaǂgaoba ra ǃaroma. Xaweb ge Jehovaba noxoba “ǃgâiǃō hâ Elob” ase ra hâ. (1Tim. 1:11) Sida tsîn ge ǂkhîxase, ǃnūǃnâxase nî ǃâu ǀgara. Jehovab ǁîb ǀonsa ra ǃanuǃanu ǁaeb ai. Tsî ǁîb ǂgaeǂguis tsîna. Tsî hoa ǁgai xūn tsî ǃgomsin tsînab nî ǀamǀam ǁaeb ai. A da dītsâ tsî sida tsîna tani ǀnamxasiba ǁgau re. ǂAn da amaga Jehovab tsîn a tani ǀnamxa amaga. Nēsa da ga dī o. O di ge sao ra mîde nî amaba da. “ǃGâiǃō i ge hâ ǁnā khoe-i, ǃâitsâba ra tani-e; mâhō i kao, o i ûib di kronsa nîra hō xui-ao, Elob ge ǁîba ǀnam hâna mîmâibasa.”—Jak. 1:12.