1-2. Tae ǃgomsinan Jehovab di ǃoaba-aona ra hō?

Apostel Paulub ge Timoteub tsî hoa Xristeǁîna ge ǂkhâǃnâ. În ǀgaisase aoǁnâ sîsen-i ǃnâ dī. (2Tim. 4:5) ǁNā-amaga da ge hoa da Paulub di ǀapemāsa sao tsî. ǀGaisase aoǁnâ sîsen-i ǃnâ ra dī ǂgao. Xawe i ge ǀnî ǁaega kaise ǃgom. Sida ǃgâsan ǂgui ǃaroma în ge kaise ǁkhoaǂgaosiba ǂkhâ hâ aoǁnâ sîsen-e dīs ǃnâ. (2Tim. 4:2) ǂÂis ǀguisa dī re ǃgâsan hîna sida sîsen-i ǂkhāhe hâ ǃhūgu ǃnâ ra hân xa. ǁÎn ge aoǁnâ sîsen-e ra dī ǂanan a xawe. Aoǁnân ga o, on nî tronkhes ǃnâ ǂgāhesa.

² Jehovab di ǃoaba-aon ge kaise ǂgui ǃgomsina ra hōǃâ. Hîna ǁîna a ǂkhabuǂâi kai ǁkhana. Aiǁgause ǂguin ge ǃgarise ra sîsen în ǁîn di omaride ǂûma ǁkha. ǃNāsasen ge aoǁnâ sîsen-i ǃnâ ra dī ǂgao. Xawen ge ǁkhasi-e wekheb di ǀams ai ūhâ tama hâ. ǀNîn ge ǀnîsi ǁkhasi-e ūhâ tama hâ ǀgaisa ǀaenan ūhâ amaga. Tsî ǀnîn ge ǁîn di omde xus tsîna a ǂoaǁoa. Xawen ge ǀnîn tsîna ra tsâ ǁîn ǀō-aisa tama hâsa Jehovab ǃoagu. Mary, * di ǀon hâ ǃgâsas hîna Middle East ǃnâ ra hâs ge nēti ra mî: “Kaise ta ge ǃgarise ra sîsen. Î ta ǃgâi tama tsâsiga ǃkham ǃoa. Tsî ta ga ǂkhabuǂâi o. O i ge kaise ra tsau kai te. Tsî ta ge ǀapixase ra tsâ ǁaeb tsî ǁkhasib tsîna i ti aoǁnâ sîsen-e xu ra ūbe amaga.”

3. Tae-e da nî ǃhoaǃgao nē ǁkhāǁkhāǃâs ǃnâ?

³ ǂGui ǃgomsina da ga ūhâ xawe. Jehovab ge ǀgaiba nî māda. Îda aiǃgû tsî ǁîba ǃoaba ǁkhāda as kōse. Aiǃgû da nîs aiǃâ matib Jehovaba huida ǁkhasa. Hāre da aibe ôaǃnâ matib ge Jehovaba. Paulub tsî Timoteub tsîna ǀgaiǀgaisa. Î kha ǁîkha aoǁnâ sîsen-e dī ǃgomsina kha ge ūhâ i xawe.

4. Tae ǃgomsinab ge Pauluba gere hōǃâ?

⁴ Paulub ge ǂgui ǃgomsina ge ūhâ i. ǁÎb ge Jehovab di huiba ge ǂhâ hâ i. ǁÎb khākhoen xab gere ǂnâuhe o. Tsî trokhes ǃnâ ǂgāhe tsî gere ǃkham-e ǂgaohe o. (2Kor. 11:23-25) Paulub ge ge tao tama hâ i. Mîsa ǀnî ǁaegu aib ge gere ǂkhabuǂâisa. (Rom. 7:18, 19, 24) ǁÎb ge ǀaeb di ǃgomsib tsîna ge ūhâ i. Hîna ge ‘ǁkhū-i ǁgans ǃnâ ge mâ i i’ khami iba. Tsîb ge kaise ge ǂhâba hâ i. Îb Jehovaba ūbe.—2Kor. 12:7, 8.

5. Pauluba tae-e ge dīhō ǁkha i ǃgomsinab gere hōǃâ xawe?

⁵ Jehovab ge Pauluba ǀgaiba ge mā îb aoǁnâ sîsen-i ǀkha aiǃgû. Kō re tae-eb ge Pauluba a dīǀoaǀoasa. Aiǁgauseb ge oms di ǃkhō-oms ǃnâ hâ io Romes ǃnâ. Ob ge ǁkhoaǂgaose ǃgâiǂhôasa gere ǁkhauba. Jodeǁî ǂgaeǂgui-aogu tsî ǂhanub di danagu aiǃâ. (ǃNǃkh. 28:17; Fil. 4:21, 22) ǁÎb ge ǂguina gere aoǁnâba ǁnân hîna ge ǁîba gere sarin tsîna. (ǃNǃkh. 28:30, 31; Fil. 1:13) ǁKhā ǁaeb ǃnâb ge Jehovaba Pauluba ge sîsenū. Îb sîǂkhanidi hîna ge ǁnā ǁaeb di. Xristeǁîna hui tsî sida tsîna nētsē ra huina. Paulub di aiǁgause Romeǁîn di ǀhaohâba ge ǀgaiǀgai. Tsî ǃgâsaga ge hui îgu “ǃnā hâ ǁkhoaǂgaosib ǀkha mîsa ǃaob ose ge ǃhoa ǁkhā” i. (Fil. 1:14) ǀNî ǁaegu aib ge Pauluba ǃnāsase gere dī ǂgao xawe ge dīhō ǁoa i. Xaweb ge dī ǁkhab a e gere dī. Tsî i ge ‘ǃaruǀî ǃgâiǂhoas di ǃhaeǃhaehes ǃoa ge ī.’—Fil. 1:12.

6. 2 Korinteǁîn 12:9, 10 ǃoagu îge tae-e Pauluba hui, îb ǁîb di aoǁnâ sîsen-e dīǀoaǀoa?

⁶ Paulub ge ge ǂan i Jehovab sîsen-i ǃnâb gere dī xūn. Hoanab ge Elob di ǀgaib ǀkha gere dīsa tsî ǁîb dib ose. ǁÎb ge ge mî Elob ǀgaib “ǂkhabusasib ǃnâ ǀoa xui-ao.” (Khomai re 2 Korinteǁîn 12:9, 10 sa) Jehovab ge Pauluba ǁîb di ǃanu gagab ǀkha ge hui. Îb ǁîb di aoǁnâ sîsen-e dīǀoaǀoa. Māǃoadi, trokhedi tsî ǀnîhâ ǃgomsinab gere hōǃâ xawe.

7. Tae ǃgomsinab ge Timoteuba hōǃâ ǁîb di ǁgaumâisa ga ǃgom kai hâna?

⁷ Paulub di ǂkham ǀhōsab. Timoteub tsîn ge Jehovab di ǀgaib ai ge ǂgomǃnâ hâ i. Îb ǁîb di aoǁnâ sîsen-e dīǀoaǀoa. Timoteub ge Paulub ǀkha ǀguiba sîsabe sîsen-e gere dī. Xaweb ge Pauluba Timoteuba ǀguri hâses tsîna gere sî. Îb ǀhaohâga sari  tsî ǀgaiǀgai. (1Kor. 4:17) Timoteub ge ǀnîsi gere tsâ dīhōb tide di. ǁNā-amagab ge Pauluba ǁîba ge mîba: “Khoe-i xare-e a-i sa ǂkhamsisa tā ǃharaxū.” (1Tim. 4:12) ǁNā ǁaeb aib ge Timoteub tsîna ‘ǂgui ǀaen ǂkhabusasina’ gere hōǃâ (1 Timoteub 5:23) Xawe Timoteub ge ge ǂan i Jehovab ǀgaisa ǃanu gagab ǁîb ǂha hâ ǀgaiba nî mâsa. Îb ǃgâi ǂhoasa aoǁnâ tsî ǁîb di ǃgâsana hui.—2 Timoteub 1:7.

8. Matib Jehovaba ǁîb di khoena nētsē ra ǀgaiǀgai?

⁸ Nētsēb ge Jehovaba ǁîb di khoena. ‘ǃNāǂamsasib ǀgaiba’ ra mā. În ǁîba ǂgomǂgomsase ǃoaba ǀkhara ǁkha. (2Kor. 4:7) ǀKhī da haka xūn hînab. Jehovaba māda hâna ǃhoaǃgao re. Hîna a hui da ǁkhana îda. ǁÎb ǃoagu ǂgomǂgomsase hâ: ǀGores, Elobmîs, Xristeǁîn ǀkha hâǀhaos tsî sida aoǁnâ sîsen-i.

9. Mati da huiba a ǀgoreba ǁkha?

⁹ ǀGores ǃnâ u ǀgaiǀgaisen re. Nēba i Efeseǁîn 6:18 ǃnâ xoamâihe hâ khami. Ge Pauluba ra ǂkhâǃnâ da îda Elob ǃoa ǀgore “ǀûs ose.” Tsîb ge Eloba nî hui da sida ǀgorede ǃereams ǃnâ u. Jonnie di ǀon hâ ǃgâsab hîna Boliviab ǃnâ ra hâb. Ge Jehovab di huiba ge hōǃâ. ǃKharagagu ǃgomsigab gere hōǃâ ǁaeb ai. ǁÎb kaikhoes tsî Jonnib di ǁgûra hoara ge. ǀGaisase ge ǀaesen ǁkhā ǁaeb ai. Jonnib ge kaise ǃgomsiba gere hōǃâ hoana kōǃgâs ǃnâ. ǁÎb di mas ge ge ǁō, tsî i ge kaxuse ge ū ǁîb di pab tsîna ǀaeba xu ǂkhausa. Kō-oab ra ob ge Jonniba ra mî, “Kai ǁgâib ǃnâ ta ge hâ io, o ge hui te i ge ǃāsase ti ǀgores ǃnâ ǁguiǃāsa ti ǃgomsiba. Jehovab ge Jonniba ǂhâb ge hâ i ǀgaiba ge mā îb māǀgai ǁkha. Ronald di ǀon hâ ǀhaohâb ǃûi-aob hîna. Boliviab ǃnâ ra hâb ge ge ǁnâu ǁîb di mas kankersa ūhâsa. Tsîs ge ǁkhâb khaoǃgâ ge ǁō. Tae-e ǁîba ge hui ǁnāti i ǃgom ǁaeb ǃnâ? ǁÎb ge ra mî: “ Jehovaba ǃoa ta ra ǀgore o, o ta ge hoaraga xūna ra mîbabi. Mati ta ra tsâs tsîna ǃkhōǂgā hâse. ǂAn ta ge a ǁîb ra ǃnāsase ǁnâuǃā te sa hoa khoen xa. Tita aitsâma ra ǁnâuǃāsen tsîna ǃnā hâse.” ǀNî ǁaegu ai da ge sida ǃgomsina da māǃkharu hō tide di ra ǂâi. Tsî da ge ǁnās ǀkha ǀnîsi a ǀū tae-e da nî ǀgorebas tsîna. Xaweb ge Jehovaba ra ǁgauda îda ǁîba ǃoa ǀgore. Tae-e da nî ǀgorebas tsîna da ga ǀū xawe. Tsî ǀnî ǁaegu ai da ga sida ǂâide mîǃā hō tama i xawes tsîna.—Rom. 8:26, 27.

10. Nēba i Hebreǁîn 4:12 ǃnâ ra ǂoaxa khami, i tae-i ǃaroma Elobmîsa khomai tsî ǂâiǃgâsa kaise a ǂhâǂhâsa?

¹⁰ Elobmîs ǃnâ u ǀgaiǀgaisen re. Paulub ge xoadi ai ǀgaib tsî ǁgaeǂgaos. ǃAroma gere ǂgomaiǂnûi khami da ge. Sida tsîna ǁkhā xū-e a dī ǁkhā. (Rom. 15:4) Elobmîsa khomai tsî da ra ǂâiǃgâ khamib. Ge Jehovaba ǃanu gagab ǃnâ u a hui da ǁkha îda ǁnâuǃā. Xoade da mati sida di ǃgomsin ǃnâ a sîsenū ǁkhasa. (Khomai re Hebreǁîn 4:12 sa.) Ronald di ǀon hâ ǃgâsab hîna da go. ǀNai ǂgai hâ ib ge ra mî: “Kaise ta ge ra gangan ǁguiǂgāsen .Tsî ta ra ǃâro-e Elobmîs di e mā ǃuis hoasa khomaisa. ǃNāsase ta ge Jehovab di ǀgaugu xa ra ǂâi. Tsî matib ǀnamxaǃnâse ǁîb di ǃoaba-aon ǀkha ra hâ ǀgaub tsîna. Nēs ge ra hui te î ta ti ǀgaiba ǁkhawa hō oa.”

11. Matis ge Elobmîsa ǂkhabuǂâi ge hâ i ǃgâsasa ǂkhâǃnâ?

¹¹ Elobmîs ai da ga ǂâiǂâisen o. O i ge ra hui da îda ǃgâi mûǂuiba sida di ǃgomsin ǃoagu ūhâ. Aiǁgausa kō re matis ge Elobmîsa ǃoatarasa a hui ǀgauba. ǀGui ǀhaohâb ǃûi-aob ge ge ǂkhâǃnâsi îs. Jobi di ǂkhanisa xu ǂhâǂhâsa xūna khomai ǁîsa a  hui ǁkhana. ǁNāsas ge dī o os ge ǂgurose Joba ge ǀhapimā tsoatsoa. ǁÎb gere ǂâiǀgaub xa. ǁÎs di ǂâis ǃnâs ge nēti gere mî: “Job tā sa ǃgomsin xa ǀgui ǂâi re.” Xawes ge ge mûǂan ǁîs di tanisen ǀgaub tsîn ge Jobi dib ǀkha ǀgui isa. Nēs ge ge hui si îs ǁîs di ǂâiǀgauba dawa. Tsî ge ǀgaiǀgaisi îs mâǃkharu ǁîs di aobas ge ǂoaǃnâ o.

12. Matib Jehovaba sida ǃgâsana ra sîsenū ǀgaiǀgai das ǃnâ u?

¹² Xristeǁîn ǀkha hâǀhaos ǃnâ u ǀgaiǀgaisen re. ǀNî hâ ǀgaub hînab. Jehovaba ǁîb di ǃoaba-aona ra ǂkhâǃnâb ge. ǁÎn di xristeǁî ǀhōsan ǃnâ u. Paulub ge xoa tsî ge mî ǁîb ra ǁkhoresa ‘ǁkhaeǂgaoǀhaohesa’. ǁÎb di ǃgâsan ǀkha. (Rom. 1:11, 12) Mary di ǀon hâ ǃgâsas hîna da go ǀnai ǂgai hâ is. Ge ǃgâsan ǀkha hâǁaes xa kaise ǃgâibahe. ǁÎs ge ra mî: “Jehovab ge ǃgâsan hîna ge ti ǃgomsin xa ǀū-ina ge sîsenū. ǀGaiǀgai ra mîroden ge ra sî. Tamas ka io ǀgaiǀgai ra mîde ūhâ karkisa ra sî. Tsî ǁnān ge ǂhâ ta hâ xūn ǀguina. Nēti i xūn ge ra hui î ta ǃgâsadi hîna ge nēti ǃgomsina ūhâ în ǀkha ǃhoa. Tsî ǁîn di aiǁgaude xu ǁkhāǁkhāsen ǁkha. Tsî ǀhaohâb ǃûi-aogu ge hoaǁae ra ǁgau te. Tita a ǀhaohâb di ǃâ ǃkhaisa.”

13. Mati da hoa da a ǂhâǃnâgu ǁkha sida ǀhaohâb di ǀhaodi tawa?

¹³ ǀGui ǂhâǂhâsa ǃkhais hîna da a ǂhâǃnâgu ǁkhas ge. Sida di ǀhaodi tawa. ǀHaode da ga hâ ǃnâ o. Tae-e ǃaroma da nau ǃgâsana mîba tama hâ. ǁÎna da a ǀnam tsî ǀhaohâb ǃnân ra dī sîsen-e kaise ra ǃgôaǃgâ ǃkhaisa? Aiǁgause ǀgui ǀhaohâb ǃûi-aob. Peter di ǀon hâb ge ǀhaos nî tsoatsoas aiǃgâ. Amab ǃnâ hâ tama aoba ūhâ ǃgâsasa nēti ge mîba: “Kaise ta ge ra ǂkhâǃnâhe sado nētsē nēba ǀhaos tawa mûsa. Sadu ge hoa ǃnani ǀgôana ai ǂhomisase ra ǀkhī u. În ǃereamde ǀhaodi tawa hā mā.” ǁÎs di mûdi ge ǁgamron xa ge ǀoa. Tsîs ge ǃeream tsî ge mî: “Amase ta ge ǁnā-e go ǂhâ hâ i ǁnâusa.”

14. Māǀgaub ǃnâs aoǁnâ sîsen-e a hui da ǁkha?

¹⁴ Aoǁnâ sîsen-i ǃnâ u ǀgaiǀgaisen re. Sida ga Elobmîs di amaba nau khoen ǀkha ga ra ǀgoragu o. O da ge ǃgâise ra tsâ khoen ga ǃgâ tamas ka io ǃgâ tama i xawes tsîna. (ǂKhm. 11:25) Stacy di ǀon hâ ǃgâsas ge ge hōǃâ. Matikōse i aoǁnâ sîsen-e ra ǀgaiǀgaisa. ǁÎs di omaris di ǁani-i ge a ǂnûiǂuihe o. Os ge kaise gere ǂkhabuǂâi. Tsîs ge aitsâma nēti gere dîsen, ‘ǃnāsa-e ta ga dī hâ î ta ti omaris ǁani-e hui?’ Stacysa i ge ge ǃgomba i nē xūn xa ǂâiǀûsa. Xawe tae-e ge hui si îs ǃgâise tsâ? Aoǁnâ sîsen-e o. Aoǁnâ sîsen i ǃnâs ra ǁkhaoses ge. ǁÎsa aoǁnâbas ra khoen ai ǁîs di ǂâisa ge ǂnûi. ǁÎs di huiba ge ǂhâ hâ ina. ǁÎs ge ra mî: “ǁNā ǁaeb ǃnâb ge Jehovaba Elobmîsa ta nî ǁkhāǁkhā khoe-e ge mā te. Hîna ge ǃgâi ǀkharaǀkharana a dī e. ǁNās ge kaise ge ǂhâǃnâ te. ǃNāsase ge hui te i ge aoǁnâ sîsen-i ǃnâ ǁhaosa.”

15. Tae-e du Marys di ǃereamsa xu ra ǁkhāǁkhāsen?

¹⁵ ǁÎn ūhâ mâsigu ǃoagun ge ǀnîna a tsâ ǁkha. ǁÎn ǃnāsase aoǁnâ sîsen-i ǃnâ a dī ǁoasa. Sadu tsî ga ǁnāti ga ra tsâ o. ǂÂi hō re Jehovab ge ǁkhā du a e du ga dī o. O kaise a ǂkhî. Aiǁgau-e ǁkhaba kō re Mary di ǀon hâ ǃgâsas di-e. ǁÎs ge ǀnî hâ ǃāsa ǃoa ge ī ǁîs gowab ǃhoahe tamaba. Tsîs ge xū-es a dī ǁoa khami gere tsâ. ǁÎs ge ra mî, “ǃnāsa ǁaeba ta ge ǃnūbu ǃereamrodi ǀguide gere mā. Tamas ka io Elobmîs di ǃâro-e khomai. Tsî ǂkhaniro-i ǀgui-e aoǁnâ sîsen-i ǃnâ ge mā ǁkha i. ǁÎs ge ge tsâ ǃgâibas ge hō tama isa. ǁNā gowaba ge ǃgâise gere ǃhoa khoen xa. Xawes ge ǁîs di ǂâiǀgauba  ge dawa. ǁÎs ge ge mûǂan Jehovab ǁîs tsîna sîsenū ǁkhasa. ǃNubusinas ga ūhâ xawes tsîna. Elobmîs ra mî i ge supu tsî a ǁnâǃāsa. Tsî ǁnās ǀkha khoen di ûiga a dawa ǁkha.”

16. Tae-e ǁnān hîna omde xu a ī ǁoana a hui ǁkha în ǀgaiba ūhâ?

¹⁶ Jehovab ge a ǂan aoǁnâ ǂgao da ra sa. Xaweb ge ǁnās ǀkhas tsîna ǂan omsa xu da a ī ǁoasa. ǀAegu xa ǃaromahe hâse. ǁNā-amagab ge huiba mā da ǁkha. Îda ǁnān hîna ra sida kōǃgâ da na aoǁnâba ǁkha. Aiǁgause dokterna ǃkhōǂgā hâse tamas ka io ǀaeǃkhōsa ra mā da khoena. Sada aoǁnâ sîsen-e da ga nîsi da ra dī i. Tsî ǃkharu ge ǁaeb ǃnâ da gere dīn ǀkha ga ra ǀgopeǀnō o. O da ge a ǂkhabuǂâi tsoatsoa ǁkha. Xawe da ga ra mûǂan o matib Jehovaba ra hui dasa. O da ge ǀgaiba nî ūhâ îda ǃgomsin hîna da ra hōǃâna ǂkhîb ǀkha mâǃkharu.

17. Aoǁnâ-aob 11:6 ǃoagu da tae-i ǃaroma sida aoǁnâ sîsen-i ǃnâ nî aiǃgû, ǃhaese da ga ǃgâiba hō tama i xawes tsîna?

¹⁷ ǀŪ da ge a mâ amabab di ǃhoms hîna da ge ǂgās nî ǃnommaga hō tsî nî kai ǃkhaisa. (Khomai re Aoǁnâ-aob 11:6 sa) Aiǁgause Barbara di ǀon hâ ǃgâsas. Hîna ǁîs di 80 kurigu ǃnâ hâs ge. ǃNāsase telephongu tsî sîǂkhanidi ǃnâ u ra aoǁnâ. ǀGui sîǂkhanis hînas ge xoa hâ îs ǃnâs ge The Watchtower ǂkhaniba. Maarti 1 2014 ǁî kurib ǃâba ge ǂgā. “What God Has Done for You.” di hâ ǁkhāǁkhāǃâs ǀkha. ǁÎs ge ge ǀū i ǁnā sîǂkhanisas ge ǃgamme hâ khoera. Hîna ge Jehovab di ǃoaba-aon di ǀgui i. Xawe a ǀû ra ǃoa a sîsa. ǁÎra ge ǁnā ǂkhaniba ǂgui ǃnāde ge khomai. ǁNā khoes di aob ge ge tsâ. Jehovab ge ǁîb ǀkha ǃoa gere ǃhoa khami. Nē khoera ge ǀhaode ge hâǃnâ tsoatsoa. Tsî ǁkhawa ge Jehovab di ǃoaba-ao kai. 27 kurin khaoǃgâ. Mûnanai ǁkha da ge a matikōses ge. Barbarasa kaise ǂkhî tsî ǀgaiǀgaihe hâse gere tsâsa. ǁÎs ge xoa ǀgui sîǂkhanis ge dī sîsen-es ge mû o.

18. Tae-e da a dī ǁkha îda Elob xa ǀgaiǀgaihe?

¹⁸ Jehovab ge ǂgui ǃēde ra mā da. Îda ǁîb di ǀgaiba hō ǁkha. Nē māde da ga sîsenū o. Aiǁgause ǀgores, Elobmîs, Xristeǁîn ǀkha hâǀhaos tsî aoǁnâ sîsen-i tsîna. O da ge ra ǁgau Jehovaba da ra ǂgomǃgâsa. Tsî da a ǂansa ǁîb sida nî huisa. Ada hoaǁae sida di ǀhomsi ǁgûb ai ǂgomaiǂnûi re. Hîna ra “ǀgaisaseb nî ǁgausenga, ǁnān ǂgaob ân ǀoasase ǁîb tawa ǂae hâna” nî ūǃoase hâba.—2Kro. 16:9.