1. Tae-e ge buru kai du ǂguro ǃnāsa du ge Elobmîsa xu du ge ǁkhāǁkhāsen xūna, nau khoen ǀkha a ǀgoragu o?

ǂÂI HŌ i du ra amaba du ge ǂguro ǃnāsa a hō tsēsa? Elobmîsa xu du gere ǁkhāǁkhāsen xūn ge kaise ge ǃgāsa i. Tsî du ge ge ǂâi hâ i nē du go ǁkhāǁkhāsen xūnan hoa khoena nî ūǃoa di. ǂGomǃgâsiba du ge ge ūhâ i Elobmîs di haisi-ams ǂkhîsa ûiba nēsis tsî hanîǁaeb ǃaroma nî māsa. (Psa. 119:105) Tsî du ge tsâsib ǀkha amab hîna dū ge hōba. Sadu di omaris tsî ǀhōsan ǀkha ge ǀgoragu. Xawe tae-e ge ī? ǀNîsi du ge ge buru mî du ge xūnan ge ūǃoa tama io.

2-3. Jesub di tsēdi ǃnâ matin ge ǂguina ǁîb xa gere tsâ, tsî ǁîb gere ǁkhāǁkhā xūn xas tsîna?

² Tā da ge nî buru nau khoen ga aoǁnâ da ra xūna ūǃoa tama io. Jesub di tsēdi ǃnân ge ǂguina ǁîba gere mâǃoa. ǂGui buruxa xūnab gere dī xawes tsîna. Tsî ǁnās ǃnâ u ge re ǁgausa Jehovab xab gere ǂkhâǃnâhesa. Aiǁgauseb ge Jesuba Lasaruba ǁōba xu khâisa ge mā. Tsî ǁnāsan ge nau khoen hîna ge ǁîba gere mâǃoan tsîna ge ǂnoagu ǁoa-i. Xawe Jodeǁî ǂgaeǂgui-aogu ge Jesub a Mesiasa ge ūǃoa ǂgao tama hâ i. Tsî gu ge ǁîga Jesub tsî Lasarub tsîna gere ǃkham ǂgao—Jhn. 11:47, 48, 53; 12:9-11.

³ Jesub ge ge ǂan i ǂgui khoen ǁîb a Mesiasa ūǃoa tidesa. (Jhn. 5:39-44) ǁÎb ge ǁāǁnâ-aob Johanneb di ǁkhāǁkhāsabega nēti ge mîba: “Tsî ǃgâiǃō-i ge hâ tita ǃnâ ǁgonǁgonǂgaosen tide-e.” (Mat. 11:2, 3, 6) Tae-i ǃaroman ge ǂguina Jesuba ūǃoa ǂgao tama hâ i?

4. Tae-e da nē ǁkhāǁkhāǃas ǃnâ nî ǃhoaǃgao?

⁴ Nē ǁkhāǁkhāǃâs tsî saoras ǃnâ da ge nî ǃhoaǃgao. Tae-i ǃaroman ge ǂguro ǁaeb di khoena Jesub ǃnâ ǂgom tama  isa. Tsî da ge nî kō tae-i ǃaroman ǂguina nētsē. Sida ra aoǁnâ ǃgâiǂhôasa ǃgâ tamasa. Xawe ǂhâǂhâsase da ge nî ǁkhāǁkhāsen tae-i ǃaroma da ǀgaisa ǂgomsa Jesub ǃnâ nî ūhâ sa. Î da tā ǃnôa kaihe.

5. Tae-i ǃaroman ge ǀnîna ǂâi hâ i Jesub ge Mesia tama hâ isa ǁnā ge mîhe hâ iba?

⁵ ǂGuin ge Jesuba ge ūǃoa ǂgao tama hâ i kaib ge ǀkhāb ǃaroma. Xawen ge ge ǂanǃgâ Jesub a ǃgâi ǁkhāǁkhā-aosa. Tsî buruxa dīn tsîna ra dīsa. Xawe ǁîn ge ge ǂâi hâ i ǁîb a ǀgâsa ǃnaokuru-aob di ǀgôas ǀguisa ī di. Tsîb ge ǁîba Nasaret sa xūs tsîna gere ǀkhī. Hînan ge ǂgui khoena ǂhâǂhâsa tama ǃās ase gere mûsa. Natanaeli hîna ge Jesub di ǁkhāǁkhāsabe kaib ge ǂgurose nēti ge mî: “Mâ ǃgâi xū-e kha Nasaretsa xu a ǀkhī ǁkhā?” (Jhn. 1:46) Natanaeli ge ǀnîsi Jesub gere hâ ǃnâ ǃās xa ge ǃgâibahe tama hâ i. Tamas ka iob ge khēbos hîna Mixab 5:2 ǃnâ ra hōhesa ǂâis ǃnâ ge ūhâ i. Tsî ra mîsa Mesiab nî Betlehems ǃnâ ǃnaehēsa tsî Nasarets ǃnâs ose.

6. Tae-e Jesub di ǁaeb di khoena ga hui hâ, în mûǃā ǁîb a Mesia ǃkhaisa?

⁶ Xoade tae-e ra mî? kēbo-aob Jesajab ge ge mî Jesub di khākhoen nî, ǁîn xa aitsama ǂâiǂhansensa. “ǃÛǂams ti ǁaes dis ǃaromas.” (Jes. 53:8) ǁNāti i xūn ge ǀnai ge khēbohe hâ i. Khoen ga ǁaeba ǁamaǂui tsî ôaǃnâde dī hâ o. On ge amaba ga hō hâ Jesub ge Betlehems ǃnâ ǃnae. Tsî Gao-aob Davib di omarisa xu gere ǀkhīsa. (Luk. 2:4-7) Jesub ge ǃnae ǃkhais ge Mixab 5:2 ǃnâ i ra khēbohe khami a ama. Xawe tae-e ge ǃgomsi-i? Khoen ge ǃkhaese mîǁguiga gere dī. ǁÎn ge hoa amaba ge ūhâ tama hâ i. ǁNās ǃaroman ge Jesuba ge ūǃoa tama hâ i.

7. Tae-i ǃaroman ǂgui khoena Jehovab di ǃoaba-aona, ūǃoa ǂgao tama hâ?

⁷ Nēti ǃgomsiba nētsē mû i da ra? Îo. Jehovab di khoe da ase da ge ǃgamǃgamsenxa khaoǃhūga xu ra ǀkhī. Tsî da ge “ǁkhāǁkhāhe tama tsî ǀūǂam”khoen ase ra mûhe. (ǃNǃkh. 4:13) ǀNî khoen ge ra ǂâi Jehovab di ǃoaba-aon Elobmîsa ǁkhāǁkhās di ǂan-e ūhâ tamasa. ǁÎn ǂhâǂhâsa ǂgoms di skolga ǂgâ tama amaga. Xawe ǀnîn ge ra mî Jehovab di ǃoaba-aon a Amerikab ǂgom di. Xawe ama-i hîna hâ i ge, Jehovab di ǃoaba-aon ge ǂgui tama hâ Amerikab ǃnâ. Tsîn ge ǀnîna mîba-e hâ Jehovab di ǃoaba-aon Jesub ǃnâ ǂgom tama hâ di. ǃKharu go kurin ǃnân ge Jehovab khoena nēti ra ǂgaihe. ‘Amerikab ǃkhē-aon’, ‘ǀhaohâba ra sîsenba khoen tsî tsū xūna ra dī khoen’ ase o. ǁNā-amagan ge ǂgui khoena Jehovab di ǃoaba-ao kai ǂgao tama hâ. Nēti i ama tama ǂhôanan ra ǁnâu amaga.Tsîn ge ǁnās ǀkha Jehovab ǃoaba-aon xa hâ amaba a ǀū.

8. Khoen ga Jehovab ǃoaba-aon xa ǂan ǂgao o, on ǃNaeǃkhaidi 17:11 sa xu tae-e ra ǁkhāǁkhāsen?

⁸ Tae-e nî ǁkhae da î da tā sida ǂgomsa ǂoaǃnâ? Khoen ge amaba nî ǂanǂui. ǁNāsab ge Elobmîs xoa-aob Lukab tsîna ge dī. ǁNā-amagab ge ǃkharise gere sîsen îb ‘hoana ǂōrisase ôaǃnâ.’ ǁÎb ge khomai-aona ge ǂhâba hâ i, în ‘ǁKhāǁkhāhen hâ xūn di ǂanǁaposa hōǃgâ.’ ǁÎn ge Jesub xa a ǁnâuna. (Lu 1:1-4) Jodeǁî khoen hîna ge Berea di ǀon hâ ǃās ǃnâ gere hân ge Lukab khami ge i i. ǁÎn ge ǂguro ǃnāsa ǃgâiǂhôasa a ǁnâu o Jesub xa. On ge Hebre xoadi ǃnâ ge kō, în mû nē i a ama ǃkhaisa. (Khomai re ǃNaeǃkhaidi 17:11 sa) ǁKhā ǀgaub ǃnân ge khoen tsîna amaba nî ôaǃnâ. ǀGopeǀnōn ge nî Elob khoen ra ǁkhāǁkhān. Tsî xoadi ra mati mîn tsîn ǀkha. Tsî da ge  Jehovab di ǃoaba-aon ge sida ǁaeb ǃnâ dī xūn xas tsîna nî ôaǃnâ. ǃNāsa ôaǃnâden ga dī o. On ge khoen ra mî. Tsî dī xūn xa ǂkhabuǂâi kaihe tide.

9. Tae-e ge ī Jesub ge ǀhomma xu sao-e ǁgau tama hâ io?

⁹ ǀNî khoen hîna Jesub di tsēdi ǃnâ ge hâ în ge. Jesub di ǁkhāǁkhādi xa ge ǂâu tama hâ i. ǃNāsasen ge noxoba ge ǂhâba hâ i. ǁÎn ge ge ǂhâba hâ i, îb Mesiab a ǃkhaisa ǁgausen. ‘Sao-e ǀhomma xu ǁgaus ǃnâ u.’ (Mt 16:1) ǀNîsin ge ǁnā-e gere ǂhâba îb ǁîba dī. Danieli 7:13, 14 ǃnân ge khomai xūn ǃaroma. Xawe i ge noxoba ge Jehovab di ǁae tama hâ i. ǁNā khēbosa dīǀoaǀoasa. Jesub gere ǁkhāǁkhā ǀgaub ge ge ǂâu hâ i. În ǂan Jesub a Mesia ǃkhaisa. Xaweb ge ǁnā sao-e ǁgau ǂgao tama io. On ge ǁîba ge ūǃoa ǂgao tama hâ i.—Mt 16:4.

10. Matib ge Jesuba Jesajab ge xoa xūna Mesiab xa ge dīǀoaǀoa?

¹⁰ Xoade tae-e ra mî? Kēbo-aob Jesajab ge Mesiab xa nēti ge mî: ‘ǁÎb ge ǂgai tide, tsî ǁîb ge ǃau tide tsî dommi âba strati ai ǁnâu kai tide.’ (Jes 42:1, 2) Jesub ge ǁîb di aoǁnâ sîsen-e ǃnomsa ǀgaub ǃnâ gere dī. ǁÎb ge ǂgui ǁkhāsiga ūhâ tempelga ge om tama hâ i. Tsîb ge ǁîba kerke-i di saraga ge ana tama hâ i. Tamas ka io khoen xa ǂoaǂamsa ǀondi ai ge ǂanhe ǂgao tama hâ i. Jesub ge ǁîb di ûib ǃaroma Gao-aob Herodeb ais ai mâ io. Ob ge ǁîba ge mî îb sao-e ǁgaubi. Xaweb Jesuba ǁnā-e ge dī tama hâ i. (Lu 23:8-11) ǁÎb di ûib ge ǁkhōǁkhōsa mâsib ǃnâ hâ i xawes tsîna. Ama as ge Jesub ge buruxa dīna a dīsa. Xaweb ge ǂgurose. Aoǁnâ sîsen-e ǁîb di ûib ǃnâ ge mâi hâ i. ‘ǁÎs ǃaroma ta ge go ǀkhī o’ dib ge ǁîb di ǁkhāǁkhāsabega ge mîba.—Mr 1:38.

11. Tae ǃgâi tama ǂâiǀgauban nētsē ǂguina ūhâ?

¹¹ Nēti ǃgomsiba nētsē mû i da ra? Îo. ǂGui khoen ge nētsē ǂgui mariba ra ǂgan îsa xūn. Hîna kai ǃkhaigu ai mâihe hân xa a ǃgâibahe. Tamas ka io ǂgoms di ǂgaeǂgui-aogu ǂhâǂhâsase ra mûsen ǂgaogu. Tsî  ǁkhāxasigu ǂgui khoen ge ǀūrun. Tsî ǁnās ǀkha Xristeǁî ǀgaugu ǀkha ǃgû ǁae tamana. Xawe nēti i ǁkhāxasiga ra hâǃnâ khoen ge Jehovab xa ǁkhāǁkhāsen tama hâ. Tsî ǁîb di ǂâibasens tsîna. Xawe ǁnān hîna sida di Xristeǁî ǀhaode ra hâ ǃnân ge. Jehovab ǁîna xu ǂgaoǀkha hâ xūna ra ǁkhāǁkhāsen. Tsî ǁnāpaxus tsîna ra ǁkhāǁkhāsen. Tae-e da nî dīsa î da ǁîb di ǂâisa dīǀoaǀoa. Sida salgu ge ǃanu tsî ǃgâise ra sîsen. Tsî ǂgui mari-e ra ǂgan xūna ǂkhanaga ūhâ tama hâ. Tsî ǁnān hîna ǂgaeǂguisa ūhân ge. ǀŌ-aisa sarana ana tama hâ. Tsî ǂhâǂhâsa ǂgai ǀon-e kurubasen tama hâ. Nē da ra ǁkhāǁkhā tsî ǂgom xūn ge Elobmîsa xu ra hā. ǂGuin ge sida ra aoǁnâ ǃgâiǂhôasa ūǃoa ǂgao tama hâ. Sida ǀgapise ra ǂgan mari-e ūhâ ǀhaode dī tama hâ amaga. Sida ra ǁkhāǁkhā xūn ge ǁîn ra ǁnâu ǂgao i. ǀKha ǃgû ǀhao tama hâ.

12. Hebreǁîn 11:1, 6 ra ǁguiǃā khami, sida ǂgomsa tae-i ai nî omsa?

¹² Tae-e nî ǁkhae da î da tā sida ǂgomsa ǂoaǃnâ? Apostel Paulub ge Romes ǃnâ gere hâ Xristeǁîna nēti ge mîba: “Os ge ǂgomsa ǁnâusa xu hâ, tsî ǁnâus ge Xristub mîsa xu hâ.” (Ro 10:17) Sida ǂgomsa da ge ra ǀgaiǀgai Elobmîsa da ga ra ôaǃnâ o. Tsî da ge ǁîb mîs ǀkha ǃgû ǀhao tama xūna dī ǂgao tama hâ. Nēsisa i ga ǁnā xū-e îsase mûsen xawes tsîna. ǀGaisa ǂgomsa da ge nî omkhâi amab tawa ǃgaoǃgaoba ūhâsa. “Xawe ǂgoms ose Eloba ǃgâiǃgâibas ge a ī ǁoa.” (Khomai re Hebreǁîn 11:1, 6 sa) Nēs ǀkha da ge buruxa ǁgauǁgau-e ǂhâ tama hâ ǀhomma xu da nî mû-e. ǁGau ra sa amaba da go hōsa. Elobmîsa ôaǃnâs ge nî hui da. Î da tā amaba da ūhâ ǃkhais ǃnâ ǂgom ǀoro.

13. Tae-i ǃaroman ge ǂguina Jesub ǃnâ ǂgom tama hâ i?

¹³ Jesub tsēdi ǃnâb ge Johanneb ǁāǁnâ-aob, di ǁkhāǁkhāsabega ge buru hâ i. Jesub di ǁkhāǁkhāsabegu ge ǂû tamase hâ tama hâ i ǃkhais ǃaroma. Jesub ge ge ǁguiǃā ǂhabasa tama i ge hâ isa. ǁÎgu ǂû  tamase nî hâsa ǁîb ûitsamase hâ hîa. (Mt 9:14-17) Xawe Farisegu tsî ǁîba gere mâǃoan ge ǁîba gere mîǁgaiǁgai. ǁÎb ge ǁîn di tradisiga sao tama hâ i amaga. ǁÎgu ge ge ǁaixa, Jesub ge sâtsēs ai ǀaesen hâ khoena gere ǂgauǂgau o. (Mr 3:1-6; Jh 9:16) ǁÎgu ge ǂnîsase gere mî, sâtsēs di mîmāsa gu gere ǁnâuǀnam di. Xawe gu ge Tempeli ǃnâ ǁama tsî gere ǁamaxu hîa. ǁÎgu ge ge ǁaixa hâ i. Jesub ge ǂhanu tama xūna gu ra dī amaga a ǀgoraǃgâgu o. (Mat. 21:12, 13, 15) Jesub ge sinagogegu Nasarets di gu ǃnâ gere aoǁnāba khoen ge. Kaise gere ǁaixa Jesub ge ǃkharuge ǁaeb di aiǁgaude sîsenū. Tsî ǁîn di ǁî ǃgôasenxasib tsî ǂgom o ǃnâsiba gere ǁgauǂui o. (Luk. 4:16, 25-30) ǂGuin ge Jesub ǃnâ ge ǂgom tama hâ i. ǁÎn ge dīb nî di a ǂâi xūnab ge dī tama io.—Mat. 11:16-19.

14. Tae-i ǃaromab ge Jesuba khoen tradisigu, hîna xoadi ǀkha, ǃgûǀhao tamade ūǃoa ǂgao tama hâ i?

¹⁴ Xoade tae-e ra mî? Jehovab ge kēbo-aob Jesajab ǃnâ u nēti ge mî: “ǁNā-amaga nē ǁaes ra ams ân ǀkha tita ǀgū, tsî amǁgaugu ân ǀkhan ra tita ǃgôa, xawe ǂgaob ânan ra tita xu ǃnūse dībē amaga, tsî ǃaoǃgâb ân hîan ǁkhāǁkhāhe hâb a khoen di mîmā ǀgui amaga.” (Jes. 29:13) Jesub ge ge ǂhanu i khoen di ǂnûiǂgāde. Tsî tradisigu hîna xoadi ǀkha ǀguiǃnâxa tamade ǀgoraǃgâsa. ǁNān hîna ge khoen di mîmāde. Elobmîs mîmādi ǀgapise gere mâin ge. Jehovaba ge ūǃoa tama hâ i. Tsî ǁîb ge sîb Mesiab tsîna.

15. Tae-i ǃaroman ǂgui khoena Jehovab di ǃoaba-aon xa ǃgâibahe tama?

¹⁵ Nēti ǃgomsiba nētsē mû i da ra? Îo. ǂGuin ge ra ǁaixa Jehovab di ǃoaba-aon ga ǁîn ǀkha ǀguiba. Elobmîs ai ǃgaoǃgaosa tama tradisiga sao tama i. Aiǁgause ǃnaetsēdi tsî Kresmis tsîna tsēdi tama io. Tsî ǀnîn ge ra ǁaixa Jehovab di ǃoaba-aon ga ǁîn ǀkha ǃhūb di ǁnaetiga tsēdī tama io. Tsî ǁkhōdi ǁnaetigu Jehovab di mîs ǀkha ǃgûǁae tamana. ǁNān hîna nēti ǀgaugu xa ra ǃnôa kaihen ge ra ǂgom. Jehovab ǂhâba hâ ǀgaub ain ǁîba ra ǃoaba di. Xawen ge Jehovaba a ǂkhîǂkhî ǁoa ǃhūbaib di tradisigan ga ūǃoa. Tsîn ga Elobmîs ǁkhāǁkhāde ūǃoa tama io.—Mrk. 7:7-9.

16. Psalmdi 119:97, 113, 163-165 ǃoagu da tae-e nî dī tsî tae-e xu da nî ǂgōsen?

¹⁶ Tae-e nî ǁkhae da î da tā sida ǂgomsa ǂoaǃnâ? ǀGaisa ǀnamma da ge Jehovab di ǂhanugu. Tsî ǃgaoǃgao di tsîna nî ūhâba. Jehovaba da ga ǀnam o da ge ǁîba ǃgâiba tama tradisina ūǃoa tide. (Khomai re Psalmdi 119:97, 113, 163-165 sa) Xū-e da ge mā-am tide i sida Jehovaba ūba hâ ǀnamma ǁgae.

17. Tae-en ge ǂguina ǃâubasen hâ i, Mesiab nî dī-e?

¹⁷ ǀNîn ge Jesub di tsēdi ǃnâ ǂhanub ǃnâ i ǀkharaǀkharana nî hâsa gere ǂhâba. ǁÎn ge ge ǃâubasen hâ i îb Mesiaba ǁîna ǃnoraǃnora. Romeǁîn di ǂgaeǂguis di ǁgâiǀāba xu. Xawen ge Jesuba ǁîn di Gaob ase gere mâi ǂgao o, ob ge ge ǂgā. (Jh 6:14, 15) Pristergu tsî ǀnîn ge gere ǃao Jesub nî ǂgaeǂguis ǃnâ ǀkharaǀkharana ǀkhī usa. Tsîn Romeǁîna nî ǁaixa tsî peristerga gu mā hâ ǀgaiba nî ūbesa. ǁNāti i ǃgâi tama ǂâiǀgaub ge ge ǃaroma. În tā ǂgui Jodeǁîna Jesub ǃnâ ǂgom.

18. Mā Elobmîs di kēbodi hîna Mesiab xa hânan ge ǂguina ǂgom tama hâ i?

¹⁸ Xoade tae-e ra mî? ǂGui kēbodi ge ra mî Mesiab nî dan-aosa. Xawe di ge ǀnî kēbode ra mî ǁîb ǂgurose sida ǁoren ǃaroma nî ǁōsa. (Jes 53:9, 12) Xawe tae-i ǃaroman ge Jodeǁîna ǃgâi tama ǃâubasende ūhâ i?  ǂGuin hîna ge Jesub di tsēdi ǃnâ hâ în ge. Kēbodi hîna mîmâisadi ǁnā ǁaen ge ūhâ i. ǃGomsina nî ǀam kaisa ge ǂgom tama hâ i.—Jh 6:26, 27.

19. Tae ǃgâi tama ǂâiǀgauba ǂguina nētsē ra ǃnôa kai?

¹⁹ Nēti ǃgomsiba nētsē mû i da ra? Îo. ǂGuin ge poletigan ǃnâ da ǁgao tama amaga ūǃoa da tama hâ. ǁÎn ge ra ǂhâba î da ǁhûidi ǃnâ ǁhao. Xawe da ge ge mûǂan Jehovab di mûǂgāba xu. Khoesi ǂgaeǂgui-aoba da ga sida nî ǂgaeǂguise ǁhûi o. O da Jehovaba ra mâǃoa ǃkhaisa da ge nî mûǃā. (1Sa 8:4-7) Tsîn ge ǁîna ra ǂhâba î da ǀaeǁgâugu tsî skolgu tsîna om. Tamasa ka io hâ ǃnâ da ra ǀhaohâba xūn ǀkha hui. ǁÎn ge sida aoǁnâ sîsen-i di ǃgâiǂhôasa ūǃoa ǂgao tama hâ. Sida ǁîn di ǃgomsina ūbes ai sida di ǂâisa ǂnûi tama hâ amaga.

20. Tae-e sada nî ǂhâǂhâsaba Mateub 7:21-23 ǃnâb Jesuba ra ǂoaxa u khami?

²⁰ Tae-e nî ǁkhae da î da tā sida ǂgomsa ǂoaǃnâ? (Khomai re Mateub 7:21-23 sa) ǂGurose sida ǂhâǂhâsaba i ge Jesub ge mā da sîsen-e dīǀoaǀoasa. (Mt 28:19, 20) Amase da ge nē ǃhūbaib ǃnâ ra i xūn xa ǂhanihe ǂgao tama hâ. Tamas ka io nē ǃhūbaib di ǃgomsina dī-ūnu ǂgao tama hâ. Xawe sada ga ǁîna ga ra hui ǂgao o. O i ge a ǂhâǂhâsa î da ǁîna Elob Gaosib xa ǁgamba. Tsî nî hui nî în ǀgū ǀhōsagusisa Jehovab ǀkha omkhâi.

21. Sada tae-e ra dī ǂgao?

²¹ Nē ǁkhāǁkhāǃas ǃnâ da ge haka ǃaromade go ǃhoaǃgao. Tae-i ǃaroman ge Jesub di tsēdi ǃnâ ge hâ i. Khoena ǁîba ūǃoa tama hâ isa. Tsî nētsē Jesuba ra saon tsîna ūǃoa tidesa. Xawe nē xūn ǀguina hâ ǂgōsen da nîna? Hî î. Sao ra ǁkhāǁkhāǃâs ǃnâ da ge noxoba. Haka ǃnôa aiǃnaode nî ǃhoaǃgao. Ada ǁkhā da a i hoa-e dī. Tsî tā ǃnôa kaihe re. Tsî sida di ǂgomsa ǀgaiǀgai re.