ǁNā ǃaorosa tsēs ge ti ûiba ge dawa. ǁNā ǁaeba xu ta ge Eloba ǂansa ge dītsâ tsoatsoa. Aibe ta tae-i ge ǁnā ǃkhae ǃuis ǃnâ a īsa nî mîs aiǃgâ. Ta ge ti ǂkhamsis ǃnâ i ge tae-e a īsa ra mîba du ǂgao. Tsî ge noxoba huide na. Îta Eloba ôa tsoatsoa.

Tita ge 1937ǁî kurib ǃnâ Guesnains di ǀon hâ ǃās ǃnâ ge ǃnae. ǂKhari ǃāros hîna noortes Frans ǃhūb ǃnâ ǁgoes tawa. Ti pab ge ǂnomna gere khao. Tsîb ge ǁîba ge ǁkhāǁkhāte ǂhâǂhâsa i asa ǃkharise sîsensa. Ti pab tsîn ge ge ǁkhāǁkhāte îta ǂhanuoǃnâsiba ǃhui. ǁÎb ge ge mû ǂgui ǂnom khao-aogu ǃgâise hâ uhe tama ǃkhaisa. Tsî ǃaorosa ǃkhaigu ai gere sîsensa. Tsîb ge ǁîba ǁnā khoega gere hui ǂgao. ǁNā khoegu di ûiba ǀkharaǀkhara ǂgaos ǃaromab ge ti paba. Khao-aoga ra ǂnûǁgaeba ǃnândi ǃnâ ge ǁhao tsoatsoa. ǁÎb tsîn ge ge ǁaixa hâ i. Pristergu gere dī ǁgai xūnab gere mû o. ǂGuigu ge ǃkhū hâ ǃkhaigu ai gere hâ. Xawegu ge ǂûn tsî marin tsîna ǁnā khao-aogu ai gere ǂan. Hîna ge ǃgomsiga ǁîgu di ûigu ǃnâ gere hōǃâga. Ti pab ge pristergu ge ūhâ i tanîsen ǀgaub xa ǃgâibahe tama i tsî. Tita ǂgomdi di ǁkhāǁkhā-e ge mā  tama hâ i. Tsî ama-e ta ga mî o. O ta ge Elob xas tsîna xū-e ge ǀū i. Tamas ka io ti pab ǀkha ge ǃhoas tsîna dī tama hâ i.

Kai ta ra khami ta ge tita tsîna ǂhanuoǃnâsiba ge ǃhui tsoatsoa. ǀGui xū-i hîna ta ge mû tsî ge ǃgâi tama hâ i. I ge ǂgui khoen ge Frans ǃhūb ǃnâ ge doeǂgâ khoena ge ǃhui hâ i. ǀKhara ǃhūba xu ǀkhī hâ ǀgôaron ǀkha. Ta ge tita tsîna sokkersa gere ǀhuru. Tsî ǁîn ǀkha hâs xa ge ǃgâibahe i. Tsî ti mas ge polish gowaba gere ǃhoa Tsî Frans gowab ose. Tita ge ǃkharagagu khaoǃhūga ūhâ khoen nî ǀguiba hâsa gere ǂhâba. ǂKhîb ǃnâ tsî ǀgui ǀgaub ǃnâ nî hâ ūhesa.

ǂHanub ge ge ǂhâba hâ i. Îda soldaga ǁhao 1957ǁî kurib ǃnâ. ǁNā ǀgaub ǃnâ ge is ge. Algeriab di ǃhomgu ǃnâ ta ge ǁnā ǃoes ai hâ isa. ǀNai ta go mî hâ i khami. Elotsē, Elotsē di ta ge mî toas khaoǃgâ. Ta ge ǀnî hâ khākhoe solda i ǀkha ge ǀhao tama hâ i. Xawe ta ge ǃarob di donkib ǀkha ge ǀhao. Kaise ta ge ǃgâise ge tsâ. Xawe ǁnā ǃoes tsî torob hîna ge hâ îb ge. Kaise ûib di ǂâibasens xa ǃnāsase ge ǂâi kaite. Tae-i ǃaroma da nēpa hâ? Eloba tsâba da i ra? Amase ǂkhîba ūhâ îda sī nî?

Ega da ge dī ma hâra sari hâ i o. Toroba xu da ge ǁaeroba ǂanǁnâsen hâ i o.O da ge Jehovad di ǃhoada ao-e dī ǀgui e ge ǀhoa-ū.Tsîb ge ǁîba La Sainte Elobmîsa ge māde. Hîna Frans Katolics dī ǂnûiǃkhuni di Elobmîsa. Tsî da ge ge khomaisi Algeriab ǃoa da ge oa o. ǀGui Elobmîs di ǃâro i hîna ǀgaisase ra ǂâi kai te i ge ǂHaiǂhais 21:3, 4. Tsî nēti ra khomai sa: ‘Mû, tabernakeli Elob dib ge khoen tawa hâ ob ge Eloba mûdi âna xu ǁgamron hoana nî ǀombē; ob ge ǁōba ǃaruǀî hâ tide, tsî ǃoa-i xare-i tsî ā-i xare-i tsî ǃgomsi-i xare-i ǃaruǀî hâ tide.’  * ǁNāti i mîde ta ge noxoba ge mû tama hâ i. Nēna ama ǁkha-e? Di ta ge gere ǂâi. ǁNā ǁaeb ai ta ge ǀgui xū-i tsîna Elob tama ka io Elobmîs xa ge ǀū i.

Ti soldagu ǃoabasa da ge 1959ǁî kurib ǃnâ a dītoa o. O da ge Jehovab di ǃoaba-aob Francois di ǀon hâb ǀkha ge ǀhao. ǁÎb ge Elobmîsa xû ǂgaui xūna amab xa ge ǁkhāǁkhāde. Aiǁgauseb ge Elobmîs ǃnâ ge ǁgaude. Elob tsîn ǀonsa ūhâ ǃkhaisa. Jehovasa. (Psalmdi 83:18) Francoisi ge noxoba ǁguiǃā tsî ge mî. Jehovab nî ǂhanū-aisiba ǃhūbaib ai ǀkhī-ū sa. Tsî ǃhubaiba paradīs ase sī nî dīsasa. Tsî ǁnāpaxu ǂHaiǂhais 21:3, 4 tawa mîhe hâ mîde nî dīǀoaǀoasa.

ǁNā ǁkhāǁkhādi ge kaise ǂâibasen-e gere kuru.Tsî di ge ti ǂgaoba ge tsâǀkhā. Tsî da ge ǁkhāǁkhā aogu ǃoagu tsîna kaise ge ǁaixa hâ i. ǁÎgu ge ama tama xūna gere ǁkhāǁkhā. ǃKhais ǃaroma Elobmîs ǃnâ hâ tamana. Xawe ta ge noxoba ti pab khami gere ǂâi. Tsî ǂhanūoǃnâsiba gere ǃkhamǃoa ǂgao. ǃÂu ǂgao tama ta ge ge hâ i. Nēsi ta ge xū-e gere ǀkharaǀkhara ǂgao.

Françoisi tsî ǀasa Jehovab di ǃoaba-ao ǀhōsan. Hîna ta ge hōn ge ge huite.Îta ǃnomsase hâ. ǁÎn ge ge ǁguiǃā xristeǁî da ase da ge khoena ǀgoraǃgâ tama hâ. Xawe da ge ǃâubasensa ǃgâiǂhôas ǃnâ u ra mā nî. ǁNā sîsen-eb ge Jesub tsîna gere dī. Tsîb ge ǁnā sîsen-e ǁîb di sao-aona ge mā în dī. (Mt 24:14; Lu 4:43) Tita tsîn ge ge ǁkhāǁkhāsen mati ta khoen ǀkha ǃnomsase nî ǃhoasa. Tsî ǃgôasib ǃnâ. ǁÎn ǀkha ta ge ǀgui ǂâisa ūhâ tama hâ i xawes tsîna. Elobmîs ge ra mî: “Tsî ǃKhūb ǃgā-i ge ǃkhamxa tide,  tsî i ge nî khoexasi mâ khoe-i hoa-i ǃoa.”—2Ti 2:24.

ǂHâbasa ǀkharaǀkharana dī tsî ta ge. Jehovab di ǃoaba-aon di ǀguise 1959ǁî kurib ǃnâ. Kai ǀkharib di ǀhaos tawa ge ǁāǁnâ kaisen. ǁNāpa ta ge ǂkham ǃgâsas ǀkha ge ǀhao Angèla di ǀon hâsa. Tsî ta ge ǁîs xa ge ǃgâibahe tsoatsoa. Tsî ta ge ǁîs gere ī ǀhaohâba ge sari tsoatsoa. Tsîm ge 1960ǁî kurib ǃnâ ge ǃgamme. ǁÎs ge kaise ǂoaǂamsa khoesa, kaise ǃgâi tarasa. Tsîs ge a ǀō-aisa ǀkhae Jehovaba xu.—ǂKh 19:14.

Nē kurin hoan ǃnâ ta ge kaise ǂhâǂhâsa xūna ǁkhāǁkhāsen hâ. Gā-ai tsî ǂansa ūhâ ǃgâsaga xu. Noxoba ta ge ǁkhāǁkhāsen xūn di ǀgui i ge: ǃGâiba māǁgaumâis hîna ǃgomse ra mûsens ǃnâ hōs. ǃAroma da ge nî ǃgamǃgamsenxa. Tsî da ge ǀapemās hîna ǂKhoamîdi 15:22 ǃnâ hâsa nî sîsenū. Tsî nēti ra mîsa: “Xawe ǂguisib ǀape-aon diba xus ge mâs hoas âde nîra mâhō.”

Tsî ta ge 1964ǁî kurib ǃnâ ge mû tsoatsoa. Mati di ǁnā mîde a ama ǃkhaisa. ǁNā kurib ǃnâ ta ge ǃnarimâra mûǂam-aob ase ge sîsen tsoatsoa. Tsî ta ge ǀhaohâga sari tsî ǃgâsana gagasise gere ǀgaiǀgai. Xawe ta ge 27 kurixas ǀguisa ge i, i ǁnā ǁaeb ai. Tsî ta ge ǂan-e ge ūhâ tama hâ i. Tsî ta ge ǁnās ǀkha gere dīsa. Xawe ta ge ǁnā dīsade xu gere ǁkhāǁkhāsen tsî dī-ūnu. Xawe hoa ǂamai ta kaise ǂgui xūna ǀapemā-aogu tsî ǂansa ūhâga xu ge ǁkhāǁkhāsen.

ǀGui xū-i hîna ge ǃnarimâra mûǂam-aob ase ta ra sîsen hîna a i xa ta ge ra ǂâi. Paris ǃhūb ǃnâ hâ ǀhaohâba ta ge sari toas khaoǃgâ. Îb ge gagasise ǀgaisa ǃgâsaba ge dī te. ǁîb ǀkha ta ǀguri hâse a ǃhoa ǁoa ǃkhaisa. “O ta ge îo ǃhoa ǁkha khom a” di ge mî.

Ob ge ǁîba ge dî te, “Louis dokteri ga khoe-e oms ai ga ra sari o hame ǃoa i ra ī?”

O ta ge, “ǀaesen hâ khoe-e ǃoa o” di ge ǃeream.

Ob ge ge mî, “ǁnā i ge ama-e” di. Xawe ta ge ra mû sats gagasise ǀgaisase mâ khoen ǀkha ǀgui ra hâsa. Aiǁgause ǀhaohâb di mûǂam-aob khami. Sida ǀhaohâb ge kaise ǂgui ǃgâsana ūhâ. ǂKhabuǂâi hâna tamas ka io a taoxana. ǁÎn ge kaise nî omkhâihe sats ga ǁîn ǀkha ǀguiba ga ra hâ o. Tsîts ga ǀnîsi ǁîn di omde ǃoa ī tsî ǂûro-e sī ga ra ǂû o.

Kaise ta ge ge gangan ǁnā ǃgâsab ge mā te ǀapemāsa. ǁÎb matikōse Jehovab di gūna ǀnams ge ti ǂgaoba ge tsâǀkha. Kaise i ge ge ǃgom-i ǁnā mîde ūǃoasa. Xawe ta ge ge dīsa. Tsî  ta ge ǁnā ǃgâsab ge mî khami ge dī tsoatsoa. Kaise ta ge ra gangan Jehovaba ǁnāti i ǃgâsagu ǃaroma.

Tita ge 1969ǁî tsî 1973ǁî kurib ǃnâ. Ge ǁgaumâi-e îda ǂûna ra mûǂam ǃkhaiba kōǃgâ. ǀKharib kai ǀhaos tawa Colombes, Paris ǃnâ. ǁNā 1973ǁî ǀkharib kai ǀhaos tawa i ge 60 000 khoena nî ǂûmahes ge ge i koro tsēde. ǀŪ ta ge ge i nē xūn hoana ge mati nî dīsa. Xawe ǁkhawa ge hui tes ge ǂKhoamîdi 15:22 sa. Gā-ai khoe-e xū ǀapemāsa ôa-re di hâsa. Tsî da ge ǁnās ǀkha ǀnai ǂûna gere mûǂam ǃgâsagu tsî ǀnai ǂansa ūhâ ga ge ǂgan îgu hui te. Aiǁgause da ge groende ǁamaxū-aogu, ǁgan ǁamaxū-aogu. Tsî ǂûsâi-aogu, ǁama-aogu ai huiba ge ǂgan. Tsî ge ge hoa ge ǀguiba a ǀhao o. Ge ge nē kai ǁgaumāsa ge dīǀoaǀoa ǁkhā i.

Tsî 1973ǁî kurib ǃnâ îge tita tsî ti kaikhoes tsîna. Betels ǃoa ge ǁgaūhe Frans ǃhūb ǃnâ. Ti ǂguro ǁgaumâis ge kaise ge ǃgom i. Cameroons hîna Afrikab ǃnâ ǁgoes. Tawa ta ge ǂkhanina ǃgâsana sī nî mâs ge ge i. ǁNā ǁaeb ai ge sida di sîsen-e ge mā-amhe tama ge hâ i 1970 tsî 1993ǁî kurigu ǃnâ. ǁKhawa ta ge ge ǂâi tsoatsoa dīhō ta tide di. Nēti xū-eb ge ǃgâsab hîna Fransi ǃnâ ra mûǂama a mû o. Ob ge ge ǂkhâǃnâte. Nēti ra mîse: “Sida ǃgâsan hîna Camerooni ǃnâ hân ge ǂkhanina ǂhâ hâ. ǁÎna da ge nî kōǃgâs ge.” Tsî ge ge ǁnāsa ge dī.

Camerooni ǀgūse ǂnôa ǃhūga ǃoa ta ge gere ǃnari îda. ǀHaohâb ǃûi-aogu ǀkha ǁnā ǃhūb ǃnâ sī ǀhao. ǁNā ǃgâsagu ge ǁkhoaǂgaoxa tsî ge gā-ai i. ǁÎgu ge ǀgaun hîna ta ǂkhanina. Camerooni ǃnâ hâ ǃgâsana a sîba ǁkhana ge mîbate. În mā ǁkhâb hoaba ǂkhanina hō ǁkha. Jehovab ge sige di ǁguiǂgāsensa ge ǀkhae. ǁNā khoen ge 20 kurina tātses tsîna ǀgui. ǃKhē xu ǂgō-ommi di ǂkhaniba ǂoaǃnâ tama hâ. Tsî mā ǁkhâb hoaban gere hō ǂkhanib Our Kingdom Service di hâba.

Sim ge a ǂangu tsoatsoa ǁaeba xu. Ta ge ge mû Angèlas ge kaise ǀō-aisa ǀhōsagusisa.  Jehovab ǀkha ūhâ isa. Xawe ǃgamme toam ges khaoǃgâ ta ge noxoba ǁîs di gagasi ǀgauga ge mû. Tsî ǃgammem ra ǃuis ais. Ge ǁîsa ge mîbate îda ǀgores ǃnâ. Jehovaba ǂgan îb sima hui îm ǁîba ǀoasase ǃoaba ǁkha. Tsîb ge Jehovaba ǁnā ǀgoresa ge ǃeream.

Angèlas tsîn ge huite hâ. Îta ǂgomǃgâsiba Jehovab ǀkha omkhâi. Aiǁgause, îm ge 1973 ǁî kurib ǃnâ ge ǁkhauhe îm Betels tawa sī ǃoaba. Tita ge gere ǂâiǂhansen. ǃNarimara sîsen-e ta ge ǀnam i amaga. Angèles ge ge ǂâiǂâiǃnâte sim ûibam ge Jehovaba a mā ǃkhaisa. ǁNā-amagam ge ǁîb di ǀapeǂhumis ra mā mî sîsen-e nî dīǀoaǀoas ge. (Heb. 13:17) ǁNās a ama ǃkhaisa ta ge ge ǂanǃnâ. Tsîm ge ǁnās ǀkha Betelsa ǃoa ge ī. Sim di ûib hoaragabas ge ti kaikhoesa a māsenxa tsî ǃgâiǂâisa ūhâ. Tsî gagasi mûǂuib tsîna ūhâ. Tsî ǁnās ǀkha sim di ǃgammeba ra ǀgaiǀgai. Tsîs ge ǁnāsa ra hui mî, îm ǃgâi mîǁguiga dī.

Sim di kairasis kurigu ǃnâs. Ge Angèlesa noxoba ǀoasase ra māxōǀkha te. Aiǁgause Elobmîs ra ǁkhāǁkhā-e skolga ǂgâs ǃaroma. ǂGuin hîna Engels ǃnâ ra ūhâ-e na. Ta ge tita tsî Angèlas tsîna ǀgaisase gere sîsen. Îm ǁnā gowab ǃnâ ǃgâiba hō. ǁNās ge Engels gowaba ra ǃhoa ǃgâsan di ǀhaoba hâ ǃnâ sa ge ǃhōǂkhā hâ i. Nē sim ge 70 ǃnâ hâ kurin ǃnâ hâ i xawes tsîna. Ta ge aiǂhanugu hîna ta ge. Frans ǁnâub komites tawa ūhâ igu ǃaroma ǁaeba ǁamaǂui. Tsî ǀnî hâ gowaba ge ǁkhāǁkhāsen tsî i ge ge ǃgom i. Xawe Angèlas tsî tita tsîn ge ge huigu. Nēsim ge 80 kurigu ǃnâ hâ. Tsîm ge ǀhaodi ǃaroma Engels tsî Frans gowab ǃnâ ra aiǂhumisen. Tsî ǁaeba xu ǁaeb ǀkha ǀhaodi. Tsî aoǁnâ sîsen i ǃnâ sida di ǀhaohab ǀkha ra sîsen. Jehovab ge ǀkhae mî hâ Engels gowaba ǁkhāǁkhāsen ǃnâ.

ǀGui ǂoaǂamsa ǀkhaeb ge 2017ǁî kurib ǃnâ ge ǀkhī. Tita tsî Angèlas tsîn ge aiǂhanuba ge ūhâ i. ǁNâub komites di ǁanigu tsî ǁîgu di taradi di skola hâǃnâ sa. Tsî ge ǃKhē xu ǂgō-ommi ǁkhāǁkhās di ǃkhais ai Patterson, New Yorki ǃnâ hâ i sa.

Jehovab ge amabes ǃnâ sida di ǁkhāǁkhā ao. (Jesajab 30:20) ǁNā-amaga da ge hoada ǂkhaman tsî kairan tsîna ǃgâi ǁkhāǁkhāsa ǁîba xu ra hō. (Deuteronomium 4:5-8) Mû ta ge ge ǂkham khoen hîna Jehovab. Tsî ǂansa ūhâna ra ǃgân. Kai ǀkharaǀkharana gagasise ra dīsa. Tsî ra ǂgomǂgomsa ǃoaba-ao kai ǃgâis tsîna. ǂKhoamîdi 9:9 ge ra ǂâiǂâiǃnâ tsî ra mî: “Gā-aiba ǁkhāǁkhā ob ge ǃaruǀîǀgui nî gā-ai ǂhanu-aiba ǁgau. Ob ge ǃaruǀîǀgui nî ǁkhāǁkhāsen.”

ǀNî ǁaega ta ge ǁnā ǃaorosa ǃkhaeǃoe xa ra ǂâi. Algeriab ǃnâ ta ge ūhâ isa 60 kuriga ǃkharu tsî. ǁNā ǃoes ai ta ge ge huihe îta ǂkhîba ūhâ. Kaise ta ge ǂgui xūna nau khoena xu ǁkhāǁkhāsen hâ. Jehovab ge tita tsî Angèlas tsîna ǃkhūhâ tsî ǀoasa ūiba mā hâ. ǁNā-amagam ge tātsēs tsîna ǀûsen tide. Sim di ǀhomsi ǁgûba xu ǁkhāǁkhāsena. Tsî ga-ai tsî ǂansa ūhâ ǃgâsan hoana xu.