1-2. ǀGui xoa-aoba tae-e ge mî. Tsî tae-e da nē ǁkhāǁkhāǃâs ǃnâ nî ǃhoaǃgao?

Nētsēn ge miliuns ǃnâ hâ khoena ra mî ǁîn Jesub ǃnâ ra ǂgomsa. Xawen ge Jesub ra ǁkhāǁkhā xūna ūǃoa tama hâ.(2 Tim. 4:3, 4) ǀGui ǃnâs aib ge xoa-aoba nēti ge mî: “Nētsēb ga sida ǁaegub ǃnâ ǀnî hâ Jesuba hâhâ o. Tsî nau Jesub gere mî xūn khami-i xūna mî hâ o. O da ga ǁîba ūǃoa tama hâ. ǀGam kaidisi kurina ǃkharu tsî da ge dī hâ i khami? ǃĒreams ge, îo ǁnā khoeba da ge ūǃoa tide di hâ.

² Jesub ge ǃhūbaib ai hâ i o. On ge ǂguina Jesub gere ǁkhāǁkhā xūna gere ǁnâu. Tsî ge mûbi ǁîb ta buruxa dīna dī hîna. Xawen ge ǁîb ǃnâ ǂgomsa ge ūhâ tama i. Tae-i ǃaroma? ǃKharugo ǁkhāǁkhāǃâs ǃnâde ge haka ǃaromade go ǃhoaǃgao. Tae-e ǃaroman ge ǂgui khoena Jesub gere mî tsî di xūn xa gere ǃnôa kaihesa. ǀKhī da haka ǃaromade ǃhoaǃgao re. ǁNāsa da ra di hîna da ge nî mû tae-i ǃaroman nētsē. ǂGui khoena Jehovab di saosabena ūǃoa tamasa. Tsî tae-e da dī ǁkhasa i da ta ǃnôa kaihe.

3. Jesuba tae mîǁguiba ge dī în ǀnîna tā ǁîba ūǃoa?

³ Jesub ge ǃhūbaib aib ge hâ i o. Mā khoe-i hoa-i ǀkha gere hâ. ǁÎb ge ǃkhū hân tsî ǀgapiǃarona ūhân ǀkha gere ǂûǁae. Xaweb ge ǀgâsan tsî xū-e uhâ taman lkha tsîna gere hâ ǁae. Xaweb ge ǃnâsase ǁnān hîna ge ǁore-aose. ǂGui khoen xa gere mû-en ǀkha gere hâǁae. ǀNî ǀgapiǂâixa khoen ge Jesub gere di xūn ǃaroma ǁîba ge ūǃoa ǃhoa tama ge hâ i. ǁÎn ge Jesub di ǁkhāǁkhāsabega ge dî: “Tae-e ǃaromagu mariǃkhōǃoa  ao tsî ǁore-aon ǀkha ra ǂû tsî ra ā?” Ob ge Jesuba ǃeream tsî ge mî: “ǂUrun ge soǀôadī-aoba ǂhâba tama hâ, xawe ǀaesen hân ge ǂhâba bi hâ. ǂHanu-aina ta nî ǂgaise ta ge hā tama hâ, xawe ǁore-aona ta nî ǃhobasens ǃoa ǂgaise ta ge ge hā.”—Luk. 5:29-32.

4. Kēbo-aob Jesajab ǃoagun ga Jodeǁîna tae-e ǃâubasen hâ Mesiab xa?

⁴ Xoade tae-e ra mî? Kēbo-aob Jesajab ge Mesiab nî ǀkhīs aiǃâ ǀnai ge mî hâ i. ǃHūbaib ǁîba ūǃoa tidesa: “ǁÎb ge ǃharaxūsa tsî khoen hoan xa anu tama khoese ge ī. “Tsî mâ-i hoa-i ge ǁî-i di aisa ǁîb aiǃâ gaugau rase ge ī. ǁÎb ge ǃharaxūhe ge hâ i, tsî sida ge ǁîba ǃgôa tama ge i” (Jes. 53:3) Kēbodi ge ra mî Mesiab nî khoen xa ǃharaxūhesa. ǁNā-amagan ge Jodeǁîn hîna ge Jesub di ǁaeb ǃnâ hâ în tsîna ga ǃâubasen hâ Jesub ūǃoa-e tidesa.

5. ǂGui khoena Jesub di Saosaban xa mati ra ǂâi?

⁵ Nēti ǃgomsiba nētsē mû i da ra? Îo. ǂGui kerkhe ǂgaeǂgui-aogu ge kaise ra ǂkhî ǃhūbaib xa ǂhâǂhâsa. Tsî ǃkhū hâse ra mûhe khoen ǀkha ǀgui da ǃoabasa. Nēti i ǀasa kerkhe ǁanigagu ge ra mā-am îgu ǁnāpa hâ. ǂAn gu a Jehovab ǃhui hâ xūna gu ra di xawes tsîna. Xawe kerkheb ǂgaeǂgui-aogu ge Jehovab di ǂhanugu xa ǀoro xūna a ǂan. Nē ǃhūbaib khoen ta mî ǁîgu ǂhâǂhâsa tama di amaga. Paulub ge mî khami Elob ge ‘xū tamase ī-e ge ǃkhō ǂuibasen.’ (1Kor. 1:26-29) Xawe Jehovab ǃoagu i ge ǁîb di ǂgomǂgomsa ǃoaba-aona kaise a ǀō-aisa.

6. Mati da Jesub di ǀgauba a ǁgae ǁkha Mateub 11:25, 26 ǃnâ i ra ǂoaxa khami?

⁶ Tae-e da dī ǁkha i da ǁkhae tsî ta ǀûsen Jehovaba ǃoabasa? (Khomai re Mateub 11:25, 26 sa) Tā ǃhūbaib ta mû khami Jehovab di khoena mû re. Ūǃoa re Jehovab ǂgomǂgomxa khoen ǀguina ra sîsen-u sa. În ǁîb di ǂâisa di. (Psa. 138:6) Tsî kō re matikō ǂgui xūnab Jehovaba ǃhūbaib ǂansa ūhâ tama khoen di ra mîhen ǀkha dī hâsa.

7. Tae-e ǃaromab ge Jesuba Farisega ǁgai xūna ra dī khoegu ase ge ǂgai, tsî mati gu gere tanîsen?

⁷ Jesub ge ǁkhoaǂgaoxase ǁîb di ǁaeb ǃnâ ge hâ i kerkheb di ǂgaeǂgui-aoga gere mîba. ǁÎgu Jehovab di khoena ǁkhāǁkhā tama hâsa în Jehovaba ǃoabasa. ǁÎb ge Farisegu di ǃgâi tama ǂâiǀgaub tsîna gere mîǃā. ǁÎgu ge ǃnāsase ǁîgu di ǃomnagu mati nî ǁās xa gere ǂâiǂhânsen. Xawe ǁîgu di ǁgûna ge kōǃâ tama ge hâ i. (Mat. 15:1-11) Jesub di ǁkhāǁkhāsabegu ge ǀnîsi ge buru ǁîb ge mî mîdi xa. ǁÎgu ge Jesuba ge dî: “ǂAnts a xare, Farisegu go ǁnā mîsa gu go ǁnâu ǃnubai ǁgonǁgonǃnâhe ǃkhaisa?” Ob ge Jesuba nēti ge ǃeream. “Mâ hai-i hoa-i, ti îb ǀhommi dib xa ǂgāhe tama-i ge nî ǃhomǂuihe.” “ǀÛǀkhā gu re, ǂgī hâ ǂgaeǂgui-aogu ǂgī hân digu kom ǁîgao; tsî ǂgī hâ-i ga ǂgī hâ-e daoba a ǁgauo, on kom hoana tsaus ǃnâ nî ǁnāo.” (Mat. 15:12-14) ǂGomdi ǂgaeǂgui-aogu ge Jesub ǀkha ǁaixa hâ i xaweb ge ǁîba ge ǀûsen tama ge hâ i-amaba ǃhoasa.

8. Matib ge Jesuba ǁgau hoa ǂgomdi Jehovab xa ūǃoa-e tamasa?

⁸ Jesub tsîn ge ge ǁgau ǀnî ǂgomdi ǁkhāǁkhādi ama tamasa. ǁÎb ge ge mî tama hâ i hoa ǂgomdi Elob xa ra ūǃoa-e di. ǁÎb ge ge ǁguiǃā ǂgui khoen nî ǂhapa daob ai ǃgûsa. Hîna kāǁōsib ǃoa garuba. Xawe ǀoron ge ûib ǃoa garu daob ai nî ǃgû. (Mat. 7:13, 14) Tsîb ge ge mî ǀnî khoen nî Eloba ra ǃoaba khami nî tanîsensa. Xawen ge amabes ǃnâ Eloba ge ǃoaba tama hâ i. ǁÎb  ge ge mî: “ǂKhaba kēbo-aogu, gūsaran ǃnâ sadu ǃoa ra hāga ǃûisen, ǃnāb ǃnâ gu ǃnari ra ǂhiragu ase ī xuige. “ǁÎgu ǂûn ai du ge nî mûǂan gu”—Mat. 7:15-20.

9. Māna ǀnî ama tama ǂgoms di ǁkhāǁkhāde hînab ge Jesuba mîna ǂhanu tama di?

⁹ Xoade tae-e ra mî? Elobmîs di kēbodi ge ge mî Mesiab nî Jehovab di omsa ǀnamsa. (Ps. 69:9; John 2:14-17) ǁNā ǀnammi ge Jesuba ge ǂkhâǃnâ îb ama tama ǂgomde tā ǂkhâǃnâ. Aiǁgause Farisegu ge gere ǁkhāǁkhā ǀoms tātsēs tsînâ ǁō tamasa. Xawe Jesub ge gere ǁkhāǁkhā ǁōhân ge ǁom hâ isa. (Jhn. 11:11) Sadusegu ge ge ǂgom tama hâ i. ǁŌhân nî khâisa hō ǃkhaisa. Xaweb ge Jesuba ǁîb di ǀhōb Lasaruba khâisa ge mâ. (Jhn. 11:43, 44; ǃNǃkh. 23:8) Farisegu ge gere ǁkhāǁkhā mû-e ǁoasa ǀgaib Elob di. Khoen nî tae-e dīs tsî matin nî dī ǀgauba gere daoǁgausa. Xaweb ge Jesuba gere ǁkhāǁkhā. Mā khoe-e hoa-i a mîǁgui ǁkhasa Jehovaba i nî ǃoabasa. Tamas ka io ǃoaba tidesa. —Mat. 11:28.

10. Tae-e ǃaroman ǂguina sida ūǃoa tama hâ nētsē sida ǁkhāǁkhās ǃaroma?

¹⁰ Nēti ǃgomsiba nētsē mû îda ra? Îo. ǂGui khoen ge ūǃoa da ǂgao tama hâ. Sida Elobmîsa ra sîsen-u o. Îda ama tama ǂgomde ǁguiǃā. Kerkhegu di ǂgaeǂgui-aogu ge ǁîgu di saosabena ra ǁkhāǁkhā. Elob ta khoena ǀamoǀaeb ǃnâ ǁkhara di. ǁÎgu ge ǁnā ǁkhāǁkhāde gere sîsenū. Îgu khoena ǂgaeǂgui. Jehovab ǃoaba-ao da ase da ge. Eloba ǃoaba tama khoena ra hui în ǁnâuǃā nēs ama tama ǁkhāǁkhā ǃkhaisa. Kerkheb di ǂgaeǂgui-aogu ge gere ǁkhāǁkhā ǀoms ta ûi ǃkharusa. Tsî tātsē ǁō tamasa. ǁNā ǁkhāǁkhās ga ama-hâ o. O i ge khoe-i tsîna khâisa ga mâhe tama hâ. Tsî da ge ra ǁgau nē ǁkhāǁkhā di Elobmîs ǃnâ hâ tama hâsa. ǂGui ǂgomdi ge ge ǁkhāǁkhā sida ra dī xūn. ǀNai sida ais ai Elob xa mîǁguihe hâ i ǃkhaisa. Tamas ka io mû-e ǁoa ǀgaib xa ra daoǁgauhesa. Sida ge ra ǁkhāǁkhā khoe-i aitsâma ǁhûibasens ǁkhāsiba ûhâsa. Î Jehovaba ǃoaba. ǂGomdi ǂgaeǂgui-aoga tae-e nî di ǁîgu-ama tama ǁkhāǁkhāde ra dī ti da  ga mî o? Xawe ǃnāsa ǁaeba gu ge kaise ra ǁaixa.

11. Jesub di mîdi hîna Johaneb 8:45-47, ǃnâ ra hōhe di ǃoagu ǁîba tae-e ra ǂhâba ǁîb khoen nî dīsa?

¹¹ Tae-e da di ǁkha îda ǁkhae tsî ta ǀûsen Jehovaba ǃoabasa? Amaba da ga ǀnam o. O da ge Elob da mî xūna nî ǁnâulnam. (Khomare Johaneb 8:45-47.) ǁGâuab ge amab ǃnâ mâ tama i xawe da ge sida amab ǃnâ nî hâ ǀgara. Sida ge tātsēs tsîna xū-e dī tide sida ǂgomsa nî ǁgaiǁgai-e. (Jhn. 8:44) Jehovab ge ra ǂhâba în ǁîb di khoena “ǂKhababa ǁkhan, î du ǃgâib tawa ǂgāmâisen”. Jesub ge a dī khami.—Rom. 12:9; Heb. 1:9.

12. Tae i ǃaroman ge ǂgui Jodeǁîna gere ǂkhanihe Jesub ge ǁō ǀgaub xa?

¹² Tae-e ǀnî hâ ǃaromas Jodeǁîn ge Jesuba ūǃoa ǂgao tama hâ isa? Paulub ge ge mî: “Xawe ge ge sige Xristub ǃgâuhe geba ra aoǁnâ, Jodeǁîna ǁgonǁgonǂgaose ībaba”. (1Kor. 1:23) Tae-i ǃaroman ge ǂgui Jodeǁîna gere ǂhanihe Jesub ge ǁō ǀgaub xa? ǁÎn ǃoagub ge Jesuba ǃgâuhaib ai ǁō o. Ob ge ǂkhabadi-aob ase tsî ǁore-aob ase ge ǁō. Tsî Mesiab ases ose.—Deu. 21:22, 23.

13. Tae-en ge ǁnān hîna ge Jesuba ūǃoa tama hâ ina ǂgom ǂgao tama hâ i?

¹³ ǁNān hîna Jodeǁîn di ǁaegub ǃnâ ge hâ în ge ge mûǃā tama hâ i Jesub a ǀhapiosa. ǁÎb ge ǂhânū ose ge ǂgari-amhe. Tsîb ge ǃgâi tama ǀgaub ǃnâ gere hâ ūhe. ǁÎn hîna Jesuba gere ǀgoraǃgân ge ǂhanu-aisib xa ge ǁgae tama hâ i. Jodeǁî ǀgoraǃgâ-aogu ge ǃhaese ǀgoraǃgâ ǃkhais ai ge sī îgu Jesuba ǀgoraǃgâ. Tsîgu ge māhe ge ǂhanuga ge sao tama ge hâ i. ǀGoraǃgâ-aogu ge ge ǂhanu tama hâ i. (Luk. 22:54; Jhn. 18:24) ǁÎgu ge ǃhaese gu ge ǁnâu o Jesub di mâsib xa. On ge ama tama xūn ai Jesuba gere ǂgari-am. Tsîgu ge ǁîga ǁnās ǀkha Jesuba gere ǃgam ǂgao. Xawegu ge ǁnāsa ge dīhō tama hâ i. Tsîgu ge ǀgapipristerga gere ǂhâba îb Jesuba ǂhanu o xū-e mî îgu ǁîba ǃkhō. Nēs ge amase ǂhanub ǀkha ge ǃgû ǀhao tama hâ i. (Mat. 26:59; Mrk. 14:55-64) Tsî Jesub  ge ǁōba xu a khâi o. O gu ge ǁnā ǂhanuoǃnâ ǀgoraǃgâ-aoga soldagu ǀkha ǀapeǀhaosa ge dī. Tsîgu ge soldaga kai mari-e ge mā îgu ama tama ǂhôana ǃhoa. Tsî mî tae-i ǃaromas ge ǀhōbasa ǀgaiǃnâ isa.—Mat. 28:11-15.

14. Tae-e di ge xoade mî Mesiab di ǁōb xa?

¹⁴ Xoade tae e ra mî? Ama as ge Jesub di tsēdi ǃnân ge ǂgui Jodeǁîna ǃâubasen tama hâ isa, îb Mesiaba ǁō. Kō re tae-i ge xoadi ǃnâ kēbohe hâ isa. ‘ǀOms âbab ǁōb ǃnâ ge ǁhōxū, tsî ǁore-aon ǀkhab ge ǃgôahe, tsî ǂguin ǁorenab ge tani, tsî ǁore-aona ǀgoreba amaga’. (Jes. 53:12) Jodeǁîn ge ǃaroma-e ge ūhâ tama hâ i. Jesub ge ǃgauhe ǃkhais ǃaroma ǃnôas xa.

15. Jehovab ǃoaba-aon xa ra mî-e xūna tae-i ǃaroma ǀnîna ǃnôa kai hâ?

¹⁵ Nēti ǃgomsiba nētsē mû îda ra? Îo. Jesub ge ǂhanu tama ǀgaub ǃnâ ge ǀgoraǃâ-e. Tsî ǀhapixase ge hō-e. Tsî nētsēs tsînan ge khoena Jehovab ǃoaba-aona ǁnā ǀgaub ǃnâ ra ûi-u. Sao ra aiǁgaude kō re. Amerikab ǃnâ 1930 tsî 1950ǁî kurigu ǃnâ da ge ǃgomsina gere hōǃâ. Jehovaba ǃnorasase ǃoabas ǃnâ. ǁAeba xu ǁaeb ǀkha da ge ǀgapiǁnâuǃâ ǃkhais ai gere sī. ǀNî ǀgoraǀâ-aogu ge amabes ǃnâ. Sida xa ge ǃgâibahe tama ge hâ i. Quebec Kanadab ǃnâ îge kerkheb khoen tsî ǂhanuba ra sîsenban tsîna. ǀGuiba mâǁae tsî sida sîsen-e gere mâǃoa. ǂGui aoǁnâ-aon ge tronkhēs ǃnâ ge ǂkhāhe hâ i. ǁÎn oms xōǀkhā ra hâ khoen ǀkhan gere Gaosib xa ǃhoa o. Germanib ǃnâ i ge Nazis di ǂhanuba ǂgui ǂgomǂgomsa ǃgâsana ge ǃgam. Tsî ǃkharu ge kurin ǃnâ îge sida ǃgâsan ǂguina Russiab ǃnâ tronkhēdi ǃnâ ǂkhāhe hâ. Elobmîs xan ra ǃhoa ǃkhais ǃaroma. ǁNā-amagab ge ǁnā ǂhanuba ǁîna tsû xu-e ra di khoen ase ge ǂgai. Russiab ǃnâ hâ New World Translation Elobmîs ge ge ǂgāhe sîsen-ūhe sa. Tsî i ge ǁnās ǃaroma ǃgâi tama māǂuis ase ra mûhe. Jehovab di ǀonsa i ra sîsenū amaga.

16. 1 Johaneb 4:1 ǃnâ ra ǁgauhe khami tae-i ǃaroma da Jehovab ǃoaba-aon xa ra mî-e xūn xa ǂgaeǂhabuhe tide?

¹⁶ Tae-e da di ǁkha i da ǁkhae tsî ta ǀûsen Jehovaba ǃoabasa? Amaba ǂanǂui re. ǃHommi aib gere mā aoǁnâs ǃnâ ge Jesuba ǃgâ gere khoena ge mîba ǀnî nî ‘ǂhumib ǀkha hoa ǂkhaba xūna ǁîn ǃoagu’ǃhoa ǃkhaisa. (Mat. 5:11) ǁNā ǂhomib ge ǁGâuaba xu ra ǀkhī. ǁÎb ge mâǃoa-aona ra sîsenū în ama tama hâ xûna. Amaba ǀnam hâ khoen ǃoagu ǃhoa. (J.ǂHa. 12:9, 10) Sida ǃoagu ra ǃhoa-e ama tama xūna da ge tā nî ūǃoa. Tā da ge khoen ra mî ǂhomi xūna nî mā-am. În tā ǃnôa kai da Jehovaba ǃoabas ǃnâ. Tamas ka io sida ǂgomsa ǂkhabu kaisa.—Khomai re 1 Johaneb 4:1 sa.

17. Māǀgaub ǃnâ i ga Jesub di ǁōb ǃnâ gere i xūna ǂguina ga ǃnôa kai hâ?

¹⁷ ǁŌb nîs ai ǃâb ge Jesuba ge ǀapexuhe ǁîb di 12 apostelgu xa. ǀNî aposteli ge Jesuba ǃnona ǃnāde ge ǀūxū. Tsî nau apostelgu ge ǁîba ge ǁnāxū ǁōb nî ǃoes ais ai. (Mat. 26:14-16, 47, 56, 75) Jesub ge buru tama ge hâ i. ǁÎb ge ǀnais tsîna ge mî hâ i nē xū-i nî i ǃkhaisa. (Jhn. 6:64; 13:21, 26, 38; 16:32) Nēti xūnan ga ǀnîna mû hâ o, on ge ga ǃnôa kaihe hâ. Tsî ǀnîsi nēti ga ǂâi hâ, ‘nēti ǀgaub ǃnâ gu ga Jesub di apostelga tanisen o. O da ge ǁîgu ǀkha ǃâ-i tsîna ûhâ ǂgao tama hâ’

18. Mâ kēbode Jesub nî ǁōs aiǃâ ge dīǀoaǀoahe?

¹⁸ Xoade tae e ra mî? ǂGui kurin Jesub nî nē ǃhūbaib ai ǀkhīs aiǃâb ge. Jehovaba ǀnai ǁîb di mîs ǃnâ ge mî hâ i. Mesiab nî ǀapexuhe sa ǃnonadisi ǀhai marirodi ǀkha. (Sax. 11:12, 13) Tsî ǁîba nî ǀapexu khoe-i ge nî ǀgū ǀhōsa. (Psa. 41:9) Kēbo-aob Saxariab  tsîn ge ge xoa: “ǂNau ǁnā ǃûi-aoba, on ge gūna nîra ǀgaruǀgaruhe”. (Sax. 13:7) Nēti i xūn gere i o ǃnôa kaihes xan ge ǂkhauǃnâ ǂgaoga ûhâna ga ǀgaiǀgaihe hâ. Jesub ǁaeb ǃnâ ge dīǀoaǀoahe kēbonan ge mû o.

19. Nē ǂkhauǃnâ ǂgaoga ūhâ khoena tae-e a ǂan?

¹⁹ Nēti ǃgomsiba nētsē mû îda ra? Îo. Sida ǁaeb ǃnân ge ǂgui ǂanǂansa ǃoaba-aona amaba ge ǁnāxū. Tsî amaba xu ǁnāǁgôahâ khoen ase ge ī. Tsî ǁnās ǀkha nau khoen di ǂâiǀgaub tsîna ra dawa ǂgao. ǁÎn ge ǃgâi tama ǂhôana ra ǃhoa ama tamana. Radiodi, ǂhôaǂkhanigu ǃnâ-ū ǁîn xa ǃgâi tama xūna ra ǃhoa. Xawe ǂkhauǃnâ ǂgaoga ūhâ khoen ge ǂgaeǂkhabuhe tama hâ. Xawen ge a ǂan Elobmîs ge mîsa nēti i xūn nî isa.—Mat. 24:24; 2Pet. 2:18-22.

20. Tae-e da nî dī îda amaba ge ǁnāxū khoen xa tā ǃnôa kaihe?

²⁰ Tae-e da di ǁkha îda ǁkhae tsî ta ǀûsen Jehovaba ǃoabasa? Sida ǂgomsa da ge nî ǀgaiǀgai. ǃNāsase ǁkhāǁkhāses ǃnâ-u, ǀûs ose ǀgores ǃnâ-u. Tsî Jehovab mā da hâ sîsen-e ǀgaisase nî dī. (Khomai re 2 Timoteub 4:4, 5 sa.) ǂGomsa da ga ūhâ o, o da ge ǃhuri tide. Khoen da ǃhoa ǃgâi tama xūna da ga ǁnâu o. (Jes. 28:16) Sida Jehovaba ūba hâ ǀnammi, ǁîb mîs tsî sida ǃgâsana da ūba hâb ge nî huida. Îda tā ǃnôa kaihe ǁnān hîna ge amaba ǁnāxū xa.

21. Nēstēn ga ǂgui khoena sida di ǃgâiǂhôasa ǃgâ tama i, xawe da tae ǂgom ǃgâsiba ūhâ ǁkha?

²¹ Jesub di tsēdi ǃnân ge ǂguina ge ǃnôa kaihe hâ i. Tsî ǁnās ǀkha Jesuba ge ūǃoa tama hâ i. Xawen ge ǂguina ǁîba ge ūǃoa hâ i. Nēs ge ǀgui Jodeǁîn ǀapemaǃnâs ǁanib tsîna ge ǃkhōǂgā hâ i. Tsî kaise ǂgui pristergu tsîna ge ǃkhōǂgā hâ i. (ǃNǃkh. 6:7; Mat. 27:57-60; Mrk. 15:43) ǁNās ǀkhan ge miliuns di khoena nēstē tsîna ǃnôa kaihe tama hâ. Tae-i ǃaroma? ǁÎn amaba a ǂan tsî xoade xūn ra hō xūna a ǀnam amaga. Elobmîs gere mî: “Sa ǂhanuba ǀnam hân ge kai ǂkhîba ūhâna, tsîn ge ǁgonǁgonǂgao-i xare-e ūhâ tama hâ.”—Psa. 119:165.