ǂAn i du go i?
Mordekaiba ama hâ îb ge i?
JODEǁÎ khoeb, Mordekai di ǀon hâb ge kai ǃâba ra ǀhuru Esters di ǂkhanis ǃnâ. ǁÎb ge ge Jodeǁî ǃhūsabe i hîna ge Persiab gao-aob ommi ǃnâ gere sîsenna. Nēs ge 5ǁî kurib tsoatsoas, Jesub ǃnaes aiǃâ, gao-aob “Ahasverob di tsēdi ǃnâ ge ī.” (Nē gao-aob ge nētsē, Xerxes ǂgurob ǀkha ra ǁguiǃāhe.) Mordekaib ge gao-aoba ǃgamhes di ǀapesa ge ǀû kai. ǃGôaǃgâsiba ǁgaus ǃaromab ge gao-aoba ge ǀape îb, Mordekaiba khoen hoan ais ai koasa māhe. Mordekaib tsî nau Jodeǁîn di khākhoeb Hamanni ǁōb khaoǃgâb ge, gao-aoba Mordekaiba ǃnaga ǂnôa ǂgaeǂgui-aob ase ge mâi. ǁNā ǂgaeǂguisab ge ūhâ i amagab ge Mordekaiba ǂhanuba ge dī ǁkhā i. Hîna ge Jodeǁîna Persiab ǂgaeǂguis xa ǃgamhesa xu gere oreba.—Est. 1:1; 2:5, 21-23; 8:1, 2; 9:16.
Nē ǁaeb ǃnâ, ǃkharu ge xūna ra ôaǃnâ khoegu ǀnîgu ge ra mî, Esters di ǂkhanis ama tamasa. Tsîb ge Mordekaiba tātsē hâ tama hâ isa. Xawe 1941ǁî kurib ǃnâ î ge ôaǃnâ-aoba ǁgauǁgauna ge hō. Hîna Elobmîs Mordekaib xa ra mî-e ra ǂkhâǃnâ-e. Tae-en ge hō?
Ôaǃnâ-aon ge xoa-aisa xū-e ge hō hîna Marduka di ǀon hâ khoeb di-e. (Damarab ǃnâ Mordekai di hâsa). ǁÎb ge mûǂam-aob ase gere sîsen, ǀnîsi mariǃkhōǃoa-aob ases tsîna Susas ǃnâ. Arthur Ungnad di hîna ǃkharu ge ǁaeb xūn ǃnâ ǂansa ūhâb ge ra mî. “Nē xoa-aisa xūn ǀguin ge hâ isa Mordekaib xa, Elobmîs ǃnâ gere mîhena” ǁnā ǁaeb ai.
Ungnadi ǃnurib khaoǃgâ î ge ǂansabena duisend ǂnûiǃkhunide dī hâ, Persia xoa-aisa xūn ai. Nēn ǃnâ hân ge tabletde, hîna ge ǀō-aisa xūn ǃnâ a hō-ena ǃās di mirgu xōǀkhā. Nē tablet di ge Xerxes ǂgurob di ǂgaeǂguis di ǁaeba ǃoa ra ǁnaeǁgau. ǁÎn ge Elamite gowab ǃnâ hâ, tsî ǀnî ǀondi hîna Esters ǂkhanis ǃnâ ra hō-ena ǃkhōǂgā hâ. a
Mordekaib (Mardukab) di ǀons hîna Persiab ǃnâ i xoasa khami hâs
ǀNî tablet di ai i ge Marduka ǀonsa a xoasa. ǁÎb ge sekretarese gere sîsen, Susas gao-aob ommi ǃnâ. Xerxes ǂgurob gere ǂgaeǂgui ǁaeb ǃnâ. ǀGui tablets ge Mardukaba ǂnûiǃkhuni-aob ase ra ǁguiǃā. ǁNā ǁguiǃās ge Elobmîs Mordekaib xa ra mîs ǀkha a ǀgui. ǁÎb ge ge ǂhanub sîsen-ao-i hîna ge gao-aob Ahasverob tawa gere sîsenna (Xerxes ǂgurob). Tsîb ge ǁîba ǀgam gowakha ge ǃhoa ǁkhā i. Mordekaib ge hoaǁae gaob di dao-ams ǃnâ gere ǂnû, Susas ǃnâ. (Est. 2:19, 21; 3:3) Nē dao-ams ge îsa ommi ase ge ī-i. Tsî ge gao-ommi ǂam sîsen-aon ǃkhai i.
Mûǃāsa ǀguiǃnāxasib ge hâ Mardukab hîna tablet di ai ra ǂgaiheb. Tsî Mordekaib hîna Elobmîs ǃnâ ra ǂgaiheb ǁaegu. ǀGui ǁaeb ǃnâ kha ge ǁnāpa gere ǁan. Tsî ǀgui ǁaeb ǃnâ ǀgui sîsen-e gere dī ǀgui ǃkhais ai. Nē ǀguiǃnāxasin hoan ge ra ǁgau. Nē ôaǃnâ-aon ge hō xūn Mordekaib hîna Esters ǂkhanis ǃnâ ra hō-eba ǃoa ra ǁnaeǁgausa.
a ǂAnsabeb Edwin M. Yamauchib ge disi ǀondi hîna Persepolis xoa-ai xūna xu hâna ge ǁgâiǂui. ǁNās ge 1992 i ǃnâ ge i. Nēs ge Esters di ǂkhanis ǃnâs tsîna ra hō-e.
