1-2. (a) Mâ dîde da nî ǃhoaǃgao? (b) Tae-e ra ǁgau Jehovab ǀgaisa turaba ūhâsa sida huisa?

 JEHOVAB ge a huida ǁkhā, î da sada ǃgomsin ǃnâ mâǀgai. Tsî ǃgâiaǂgaob ǀkha ǁîba ǃoaba. Mâǀgaugu ǃnâb da huida? Mati da ǀoasase ǃgâiba a hō ǁkhā Jehovab da māda huiba xu? Nē dîdi ge nē ǁkhāǁkhāǃâs ǃnâ nî ǃereamhe. Xawe ǃereamde da nî ôaǃnâs aisi, ǀkhī re î da nē dîsa ǃhoaǃgao: Jehovaba māsenxase sida ra hui ǂgao?

² Apostel Paulub ge Hebreǁîna ǃoa a xoa sîǂkhanis ǃnâ hâ mîs ge a huida ǁkhā, nē ǃereamsa hōsa. Paulub ge ge xoa: “ǃKhūb ge a ti hui-ao tsî ta ge ǃao tide. Khoe-e tare-e nî dī te?” (Heb. 13:6) Elobmîs ôaǃnâ-aob ge ra mî. Nē xoas ǃnâ “hui-ao” di hâ mîs ge khoe-i hîna ǃhaese ǃkhoe. Tsî ǂhâsib ǃnâ hâ khoe-e ra hui-e ǃoa ra ǁnaeǁgau. Mûnan-ai re Jehovab ǃhaese ǃkhoe tsî ǃgomsin ǃnâ hâ khoe-e ra huisa. Amabes ǃnâ du nî ǃkhō-am nē ra ǁguiǃāhe ǀgaubab ǁîba ra ǁgausa. Jehovab ǀgaisa turaba ūhâsa sida huisa. Jehovab ga huida, o da ge sida ǃgomsin ǃnâ ǃgâiaǂgaob ǀkha a mâǀgai ǁkhā.

3. Mâ ǃnona ǀgaugu ǃnâb Jehovaba ra huida, sida ǃgomsin ǃnâ ǃgâiaǂgaob ǀkha mâǀgaisa?

³ Mâ ga ǀnî ǀgaugu hînab Jehovaba ra huida ga. Î da ǃgomsin ǃnâ ǂkhîb ǀkha mâǀgai? ǃEreamsa hōs ǃaroma ǀkhī re, î da Jesajab ǂkhanisa xu ǃâ-e khomai. Tae-i ǃaroma? Jesajab ge a xoa ǂgui kēbodi ge Jehovab ǃoaba-aon xa, nētsē a sîsenūhe ǁkhā. Jesajab ge Jehovaba sida supuse  a ǁnâuǃā ǁkhā ǀgaugu ǃnâ gere ǁguiǃā. Jesajab di 30ǁî danaǃâsa aiǁgau-i ase ū re. Nē ǁkhāǁkhāǃâs ǃnâb ge Jesajaba îxa aiǁgaude ra sîsenū. Matib Jehovaba ǁîb khoena ra hui ǀgausa (1) ǃgaoǃgâxase ǃgâ tsî sida ǀgorede ǁnâu-ams, (2) daoǁgaude mādas tsî (3) ǀkhaega nēsi tsî hānîǁaeb ǃnâ mādas ǃnâ-ū. Nē ǃnona ǀgaugu hînab Jehovaba ra huida ga da ge nî ǃhoaǃgao.

4. (a) Tae-eb Jehovaba Jesajab ǁaeb Jodeǁîn xa ge mî? Tsî tae-eb ge ega mā-am? (b) Mâ ǃâubasensab ge Jehovaba ǂgomǂgomxa khoena mā? (Jesajab 30:18, 19)

⁴ Jesajab di 30ǁî danaǃâs tsoatsoas aib ge Jehovaba. Jodeǁîna ‘ǃnâudanaxa ǀgôan’ hîna ‘ǁoreb ai nau ǁoreba ge dī ǀaron’ ase ra ǁguiǃā. Aiǃgû tsîb ge ra mî: “ǁÎn a khâikhâisenxa ǀgôa, . . . tsî ǃKhūb ǁgauǃnâde ra ǁnâuǀnamoǃnâ xui-ao.” (Jes. 30:1, 9) Khoen ge ǃgâ tama hâ i ǃkhais ǃaromab ge Jesajaba ge kēbo. Jehovab nî mā-amsa în ǃgomsina hōǃâ. (Jes. 30:5, 17; Jer. 25:8-11) Tsî ǁnās ge ge ī, Babilonǁîn xan ge Babilonsa ǃoa ǃkhōsabese ī ūhe o. Xawe î ge Jodeǁîn ǁaegu ǀnî ǂgomǂgomxa khoena ge hâ i. Tsîb ge Jesajaba ǃâubasensa ūhâ haisi-amsa ge ūba nî hâ i. ǁÎb ge ge mîba nî Jehovab nî mā-am nîsa, în Israela ǃoa-oa tsî ǁnāpa sī hâ. (Khomai re Jesajab 30:18, 19 sa.) Tsî ǁnās ge ge ama ī, Jehovab ge ǁîna Babilonsa xu ge ǃnora kai. Xawen ge ǁnā ǁaeb ai ge ǃnora kaihe tama hâ i. Nē mîdi: “ǁNā-amagab ge ǃKhūba [Jehovaba] sadob nî ǀkhomxase nî ǃâu.” Di hâ di ge ra ǁgau ǁaero-i nî ǃkharusa. Jehovab ǂgomǂgomxa khoena nî ǃnora kais aiǃâ. Ama i ge Israelǁîn ge Babilons ǃnâ 70 kuriga ǃkhōsabese ge hâ i. ǀNîn ge ǃnora kaihe tsî Jerusalemsa ǃoa-oasa mā-amhes aiǃâ. (Jes. 10:21; Jer. 29:10) ǁÎn di ǃhūba ǃoan ge oasī, on ge ǃkhōsis ǃnân gere ā ǃoab di ǁgamrona. ǃGâiaǂgaob di ǁgamron ǀkha ge ǃkhōǃkhuni.

5. Jesajab 30:19 sa tae-i ǂgomǃgâsiba ra māda?

⁵ Nētsē da ge nē mîdi xa a ǁkhaeǂgaohe ǁkhā: “Sadu āb di ǀōb aib ge nî ǀkhomxaǂgao du.” (Jes. 30:19) Jesajab ge ra ǁapoǁapo Jehovab ǃgaoǃgâxase nî ǃgâ dasa, ǁîba ǃoa da ga ā o. Tsîb ǃkhaese sida ǀgorede nî ǁnâu-am ǃkhaisa. Jesajab ge ǀaro tsî ra mî: “Sadob ga ǁnâu, ob ge nî ǃeream du.” Nē mîdi ge ra hōhōǃnâda sida di ǁGûb māsenxa. Tsî ǁkhoasa ǁnān hîna ǁîb ai huiba ra ǂan na huisa. Nēsa ǂans ge nî huida ǃgâiaǂgaob ǀkha mâǀgaisa.

6. Jesajab di mîde mati ra ǁgau Jehovab mâ ǀguiǀguibe ǃoaba-ao-i di ǀgorede ra ǃgâsa?

⁶ Nē xoasa tae-i tsîna ra ǁkhāǁkhāda sada ǀgoredi xa? Jehovab ge ǃgaoǃgâxase mâ khoe-i hoa-i di ǀgorede ra ǃgâ. Tae-i ǃaroma da di a mî ǁkhā? ǀApaǃaogowab Elobmîs da mîs ǃoagu i ge. ǂGuro ǃâb Jesajab 30ǁî danaǃâs ǃnâ hâ mîs “sats” di hâsa. Jehovab groeps khoen ǀkha ra ǃhoase ra ǁnaeǁgau. Xawe 19ǁî ǁaraǃās (vers) ǃnâ hâ mîs “sats” di hâs ge ǀguri hâ khoe-e ǃoa ra ǁnaeǁgau. Jesajab ge ge xoa: “ǃAruǀî du ge ā tide.” ‘Sadob ge ǀkhomxaǂgaosiba nî ǁgau,’ “ob ge nî ǃeream du.” ǀNamǀnamxa ǁgûb aseb ge Jehovaba. ǁÎb di ǂhabuǂâi hâ ǀgôab tamas ka io ǀgôasa mîba tama. “Sa ǃgâb tamas ka io sa ǃgâsas khamits ge nî ǀgaisa di.” ǁÎb ge mâ ǀguiǀguibe khoe-i hoa-e ra tsâba. Tsî sida ǀgorede ǁîb ǃgâiǃgâibasensa ra mā.—Psa. 116:1; Jes. 57:15.

7. Jesajab tsî Jesub tsîkha mati ǂhâǂhâsasib, ǀûs ose ǀgores diba ra ǁgau?

 ⁷ Jehovaba ǃoa da ga ra ǀgore. Tsî da ga ǁîba ǂâiǂhansen kai da ra xū-i xa mîba. Ob ge Jehovaba ǂgurose ǂhâ da hâ ǀgaiba nî māda. Î da ǁnā mâsib ǃnâ mâǀgai ǁkhā. Tsî i ga sida ǃgomsina ǃkhaese ǀam tama i. O i ge nî ǂhâbasa Jehovab ai da ǂgui ǃnāde, ǀgaiba nî ǂansa ǁî-i ǃnâ mâǀgaisa. ǁÎb ge ra ǁkhau da ti dīsa. Nēs ge Jesajab mîdi ǃnâ ra ǁnâuǃāhe: “Tā [Jehovaba] sâ kai.” (Jes. 62:7) Nēsa tae-e ra ǂâibasen? Jehovaba ǃoa da ge ǀûs ose nî ǀgore, î da sâb nîsa tā mā-am. Jesajab di mîdi ge ra hōhōǃnâda. Jesub di aiǁgaus ǀgores dis hîna Lukab 11:8-10, 13 ǃnâ ra hōhes xa. Nēbab ge Jesuba ra ǂkhâǃnâ da î da ǀgore. Tsî ǃanu gagaba “tao tamase” tsî ‘ǀûs ose ǂgan.’ Jehovab tsîna da ge a ǀkhoma ǁkhā, îb daoǁgauda î da ǃgâi mîǁguiga dī.

8. ǃKharuge ǁaeb ǃnâ i ge Jesajab 30:20, 21 ǃnâ hâ mîde mati dīǀoaǀoahe?

⁸ Khomai re Jesajab 30:20, 21 sa. Babilons toroǃkham-aogu ge Jerusalemsa kurib tsî ǃkhare-e mâ ǂamibe hâ i. On ge ǃgomsin hînan ge khoena gere hōǃâna ge hoaǃnâ-aixaba nî tsoatsoa, pere-i tsî ǁgammi khami. 20ǁÎ tsî 21ǁî xoa ra ǃoagub ge Jehovaba Jodeǁîna ge mîmâiba. ǃHōbasen tsîn ga ǁîn tanisen ǀgauba ga ra dawa ob ǁîna nî oresa. Jehovaba ǁîn di “ǁGauǃnâ-aob” ase ǁnaeǁgaus ǃnâ-ūb ge Jesajaba khoena ge mîmâiba. Jehovab ǁîna nî ǁkhāǁkhāsa. Tsî matin ǁîba ǂhanu ǀgaub ǃnâ nî ǃoabasa. ǁNā mîdi ge ge dīǀoaǀoahe Jehovab ge Jodeǁîna, ǃkhōsisa xu a ǃnora kai o. Jehovab ge ge ǁgau ǁîb a ǁîn di ǁGauǃnâ-aosa. ǁÎb di daoǁgaus ǃnakan ge ǁîb di khoena ge dīhō, ǁkhapa ǃanu ǃoabasa hau-oasa. ǀKhaehe da ge hâ, Jehovaba nētsē sida ǁGauǃnâ-aob ase ūhâsa.

9. Mapa ǀgui ǀgaub nētsē da daoǁgaude Jehovaba xu ra hōba?

⁹ Nē xoadi ǃnâb ge Jesajaba ǀgam ǀgaukha. Hînab Jehovaba ǁîb studentna ra ǁkhāǁkhā kha xa ra ǃhoa. ǂGuroseb ge Jesajaba ra mî: ‘Tsî di ge sadu mûde ǁGauǃnâ-aoba nî mû.’ Nē aiǁgaus ǃnâb ge Jesajaba ra mî. ǁGauǃnâ-aob ge ǁîb di studentan aisǀkhāb ai mâ. Kai aiǂhanub ge nētsē Elob xa ǁkhāǁkhāhesa. Jehovaba mati ra ǁkhāǁkhāda? ǁÎb ge nēsa ǁîb ǀapeǂhumis ǃnâ-ū ra dī. Kaise da ge ra gangan ǃgāsa daoǁgaudi, hîna da Jehovab ǀapeǂhumisa xu ra hō di ǃaroma. Nē  daoǁgaude da ge ǀhaohâb ǀhaodi, ǂharis kai ǀhaodi, ǂkhanin, broadcastings tsî ǀnîhâ ǀgaugu ǃnâs tsîna ra hō. Hîna ra huidana î da ǃgom ǁaegu ǃnâ ǃgâiaǂgaob ǀkha mâǀgai.

10. Mâ ǀgaub ǃnâ da mî-e “[sida] ǃgâb ai” ra ǁnâu?

¹⁰ Jesajab ge ǀgamǁî ǀgaub hînab Jehovaba ra ǁkhāǁkhādab xa ra ǃhoa, mî rase: “O du ge sadu ǃgâb ai dom-e nî ǁnâu.” Nēbab ge kēbo-aob Jesajaba Jehovaba ǁgâuǃnâ-aob, hîna ǁîb studentan ǃgâb ai ǃgû. Tsî ǁîna ra daoǁgauba, mâ daob ain nî ǃgûsa. Nētsē da ge Elob domma sida ǃgâba xu ra ǁnâu. Xawe mati? ǂGui kuriga ǃkharu hâse dige Elob di mîde, Elobmîs ǃnâ ge xoa-e sida ǁaeb aiǃâ. ǁNā-amaga i ge Elobmîsa da ga khomai o. Elob domma da sida ǃgâba xu ra ǁnâu khami i.—Jes. 51:4.

11. ǃGâiaǂgaob ǀkha mâǀgais ǃaroma da taena a dī ǁkhā? Tsî tae-i ǃaroma?

¹¹ Mati da ǀoasase ǃgâiba a hō ǁkhā. Jehovab, ǁîb Mîs tsî ǀapeǂhumis ra mā daoǁgaude saos ǃnâ-ū? ǃGaoǃgâ re Jesajab ge ǀgam xūn xa ge ǃhoa. ǂGurose, “nēb ge daoba.” ǀGamǁîse “ǁÎb ai ǃgû re.” (Jes. 30:21) ǂÂu tama i ge hâ “daob” ǀguiba da nî ǂansa. ǂHâbasa i ge a ǁîb ai da nî “ǃgûsa.” Jehovab mîs tsî ǁîb ǀapeǂhumis da ǁguiǃāba da xūna xu da ge ra ǁkhāǁkhāsen. Jehovab tae-e sida xu ǂgaoǀkhā hâsa. ǁKhāǁkhāsens tsîna da ge ra dī. ǁKhāǁkhāsen da ra xūna da mati nî ûiǂuisa. Jehovab ǃoabas ǃnâ ǃgâiaǂgaob ǀkha mâǀgais ǃaroma i ge a ǂhâbasa. Hoa ǀgam xūna dīsa. ǁKhāǁkhāsen da ra xūna da ga ûiǂui. O ǀgui da ge Jehovab xa a ǀkhaehe ǁkhā.

12. Jesajab 30:23-26 ǃoagub Jehovaba mati, ǁîb khoena nî ǀkhae?

¹² Khomai re Jesajab 30:23-26 sa. Nē kēbosa mati ge dīǀoaǀoahe, Jodeǁîn hîna ge ǁîn ǃhūba ǃoa a oasīn ǃaroma. Babilonsa xun ge oasīs khaoǃgâ? Jehovab ge ǁîna ǂgui ǀkhaega ge mā, sorosise tsî gagasise. Jehovab ge ǁîna ǂgui ǂûna ge mā. Xawe ǂhâǂhâsa î ge Jehovab ge ǁîna ǃnāǂamsa gagasi ǂûna ge mā. În ǁîba ǂhanu ǀgaub ǃnâ ǃoaba tsoatsoa. Elob khoen ge tātsē ǁnā ǁaeb ǃnâ ǁnātikō ǃgâi xūna Eloba xu ge hō tama hâ i. 26ǁÎ xoas da ǁgau khamib ge Jehovaba ǁîna ǃnāsa gagasi ǃnâba ge mā. (Jes. 60:2) Jehovab ǀkhaegu ge ǁîb ǃoaba-aona ge hui. În ǁîba ǃgâiaǂgaob tsî ǀgaib ǀkha ǃoaba ǀgara ‘ǂgaob di ǃgâi mâsib ǃaroma.’—Jes. 65:14.

13. Matis ge ama ǃoabasa hau-oas kēbosa dīǀoaǀoahe, sida tsēdi ǃnâ?

 ¹³ Kēbos ǃanu ǃoabasa hau-oas disa nētsē sida ais tsîna a ǃgaoǃgaosa? Îo, mâ ǀgaub ǃnâ? 1919ǁÎ kuri i ge miliuns di khoena Babilons kais. Hoaraga ǃhūbaib ama tama ǂgomdi ǃkhōsisa xu ge ǃnora. ǁÎn ge ge daoǁgauhe Israelǁaes mîmâisa ǃhūb xa ge kaise ǃgâi-i ǃkhaiba ǃoa. ǁÎn ge gagasi paradaisa ǃoa ge sī-ūhe. (Jes. 51:3; 66:8) Nē gagasi paradaisa a tae?

14. Gagasi paradaisa a tae? Tsî hamna ǁîs ǃnâ ǁan hâ nētsē? (ǁGuiǃāhe ra mîsa kō re.)

¹⁴ ǂKhauhesan ge 1919ǁî kuriba xu ǃgâiaǂgaob ǀkha, gagasi paradais ǃnâ ûihâ. b ǁAeb ge ī khamin ge ǁnān hîna ǃhūbaib di ǃâubasensa ūhân ‘ǀnî gūna’ gagasi paradais ǃnâ ge ǂgâ. Tsî Jehovab di ǃnāǂamsa ǀkhaega ra hō.—Jhn. 10:16; Jes. 25:6; 65:13.

15. Gagasi paradaisa mapa hâ?

¹⁵ Mapa i gagasi ǃhūb tamas ka io paradaisa nētsē ǁgoe? Jehovab di ǃoaba-aon ge nētsē ǃhūbaib ǂhawase a hō-e ǁkhā. ǁNās ǃaroma i ge gagasi paradais hînan ǁîna ǁanǃnâ hâsa ǃhūbaib ǂhawases tsîna hâ. Nētsē da ga mapa ǀgui ǃhūbaib ai ga ra hâ. Xawe da ge a gagasi paradais ǃâ kai ǁkhā. Ôasase da ga ama ǃoabasa a ǂkhâǃnâ o.

16. Mati da aiǃgû tsî îsa gagasi paradaisa nî mû?

¹⁶ Gagasi paradais ǃnâ hâ ǀgaras ǃaroma da ge aiǃgû. Tsî nî ganganxa ǃhūbaib ǂhawase hâ Xristeǁî ǀhaohâb ǃaroma. Nēsa da mati a dī ǁkhā? ǂÂisa da ge ǁnāpa ǁan hân di îsa ǀgaugu ai nî mâi. Tsî sida ǃgâsan di ǃnubusigu ais ose. (Jhn. 17:20, 21) Tae-i ǃaromas nēsa a ǂhâǂhâsa? ǂÂi re nē ǀgopeǀnōs xa. ǀNîsi da ge a ǃâubasen ǁkhā, ǃkharagagu haide ǃhanab ǃnâ mûsa. ǁNās ǁkhās khami i ge gagasi paradais, ǀhaohâgu ǃnâ hâsa nētsē. ǃKharagagu khoena ūhâsa, haidi ǀkha a ǀgopeǀnōhe ǁkhā. (Jes. 44:4; 61:3) Dītsâ tsî da ge ǂâis ǃnâ ra ūhâ ǂgao, ‘ǃgarob’ di îsa xūna. Tsî ǂnaodi hîna da sada ǀgūse hâ “haidi” ai ra hōdi ais ose. Sida di ǀoasaoǃnâsib  tamas ka io naun ǀhaohâb ǃnâ hân diba da ge tā nî mā-am. Îb tā ǂhani ǀguiǃnâxase da ūhâ ǃhūbaib ǂhawase îsa Xristeǁî ǀhaohâba.

17. Tae-e da a dī ǁkhā ǀguiǃnâxasiba ǀhaohâb ǃnâ ǂkhâǃnâs ǃaroma?

¹⁷ Mâ ǀguiǀguibe khoe-i hoa-e tae-e a dī ǁkhā. Î-î ǀhaohâb di ǀguiǃnâxasiba ǂkhâǃnâ? ǂKhîb kuru-ao da ge nî. (Mat. 5:9; Rom. 12:18) Naun ǀkha da ǀhaohâb ǃnâ ǂkhîba ra ūhâ. ǁAeb hoaba da ge îsasib gagasi paradais dib ai ra ǀaro. ǂÂis ǃnâ da ge nî ūhâ. Jehovab ge mâ khoe-i hoa-i hîna gagasi paradais ǃnâ hâ-e, ǃanu ǃoabasa ǃoa a ǂgaesa. (Jhn. 6:44) Mûnanai re matikōseb Jehovaba a ǂkhîsa. Mûb ga o, mati da ǃgarise sîsen tsî ǂkhîb tsî ǀguiǃnâxasib tsîna ra ǀgaiǀgaisa. ǁNān hîna ǁîba a ǀō-aisaban ǁaegu, ǁîb ǃoaba-aona.—Jes. 26:3; Hag. 2:7.

18. Tae-e da hoaǁae nî ǂâiǃgâ? Tsî mati io?

¹⁸ Mati da ǀoasase ǃgâiba a hōǁkhā, ǀkhaeb hîna da Elob ǃoaba-aose ra hōba xu? ǃGamse da ge a ǂâi ǁkhā Elobmîs tsî Elobmîs ai a ǃgaoǃgaosa ǂkhanin ǃnâ da ra ǁkhāǁkhāsen xūn xa. ǁNāti i ǁkhāǁkhāsens tsî ǂâiǃgâs ge a huida ǁkhā. Î da Xristeǁî ǀgauga sîsenū. Hîna ra ǂkhâǃnâ da ga î da ǁgau “ǃgâsaǀnamgub.” Tsî “nau-e ǃgôasiba ǁgausa” ǀhaohâb ǃnâ. (Rom. 12:10) Sida ǀkhaeb nēsi da ūhâba da ra ǂâiǃgâ khami da ge, sida ǀhōsagusis Jehovab ǀkha da ūhâsa ra ǀgaiǀgai. Tsî Jehovab hānîǁaeb ǃaroma mîmâiba da hâ. ǃGâi xūna da ga ǂâiǃgâ os ge ǃâubasens. ǁÎba ǀamose ǃoabas disa nî amaba da. Nēn hoan ge nî huida, î da Jehovaba ǃgâiaǂgaob ǀkha ǃoaba.

19. (a) Jesajab 30:18 ǃoagu da tae-i ǂgomǃgâsiba a ūhâ ǁkhā? (b) Tae-e nî huida î da ǃgâiaǂgaob ǀkha mâǀgai?

¹⁹ Jehovab ge sida ǃaroma nî “khâimâ.” Nē eloxoresa ǃhūbaibab ga dīkākā ǁaeb ǃnâ. (Jes. 30:18) ǂGomǃgâsiba da ge ūhâ, Jehovab “ǂhanu-aisib di Elob” ǃnâ. ǁÎb ge mā-am tide ǁGâuab ǃhūbaib gaxuse nî hâhâsa. (Jes. 25:9) Jehovab ǀkha da ge ǃnūǃnâxase ores di tsēsa ǃâuhâ. ǁNās ǀkha da ge nēsi nî mîǁgui. ǀGores aiǂhanub, Elobmîsa ǁkhāǁkhāsen tsî dīs. Tsî sida ǀkhaegu xas tsîna ǂâiǃgâsa. ǁNāsa da ga dī ob ge Jehovaba nî huida. Î da ǃgâiaǂgaob ǀkha mâǀgai ǁîba ǃoabas ǃnâ.