Sao ra dîde du ǃKhē xu ǂgō-omgu 2019ǁî kurib digu di huib ǀkha a ǃeream ǁkhā?

Sao ra mîǁguib Elob diba tae-e ra ǂâibasen: “Sîsenūxūs sa ǃoagu ga ǁāǁāhes hoas ge ǃgâiǃgâ tide?” (Jes. 54:17)

ǂGomǃgâ da ge ra Jehovab “ǁnaes tirangu disa” xu nî ǁkhauba da ǃkhaisa. (Jes. 25:4, 5) Sida khākhoen ge ǃgâiǃō tide sida tsûtsûs ǃnâ.—w19.01, 6 tsî 7ǁî ǂhawekha.

Elob ge Kanaanǁîn tsî ǁnâuǀnamoǃnâ Israelǁaes tsîn ǀkha sîsen ǀgauba mati ǁîb di ǂhanu-aisiba ra ǁgau?

Elob ge ǁgauoǃnâ ǁgoe-ūgu ǀgaugu tsî taradi tsî ǀgôan tsîna ǃgâi tamase gere hâ-ū khoena ge ǁkhara. ǁÎb ge khoen hîna ǁîba ǁnâuǀnam tsî nau khoen ǀkha ǂhanu ǀgaub ǃnâ gere hâna ge ǀkhae.—w19.02, 22 tsî 23ǁî ǂhawekha.

Jehovaba ǃoaba tama hâ khoe-i ra ǀgoreba da ga hâ o, o da tae-e nî dī?

ǃNomsase hâ tsî ǃgôaǃgâsiba ǁgau re,“amen” ti tā mî re tsî ǃomga tā ǃkhō re. Sadu ǂgaogu ǃnâ du ge sadu ǀgoresa a dī ǁkhā.—w19.03, 31ǁÎ ǂhaweb.

ǀGôa ǀgaiǃkhōsa matikōse a ǁkhōǁkhōsa?

ǀGôa-e ra ǀgaiǃkhō khoe-i ge ǁnā ǀgôa-i, ǀhaohâb, ǃhūb ǂhanub tsî Elob ǃoa-ai a ǀhapixa. ǂHanub nē ǃnôa ǁhōgu nî ǂanǂan-e ǃkhaisa ǂhâba hâ ǃhūgu ǃnâ ra hâ ǀhaohâb ǃûi-aogu ge nē ǂhanugu ǀkha ra sîsen ǀhao.—w19.05, 9 tsî 10ǁî ǂkhawekha.

Mati da sada ǂâis gagas ǃnâ nî ǀasakaisen?

ǂHâǂhâsa ǀgaugu nēsa dīs digu: Jehovab ǀkha ǀgores ǃnâ ǃhoa re. Ôaǃnâsen rase ǂâiǃgâ re. Sa ǀhōsana ǃgâise ǁhûi re.—w19.06, 11ǁî ǂhaweb.

Tae-e da nēsi nî dī ǃâitsâgu amsi aiǂhomisens ǃnâ?

Jehovab ǀkha da ūhâ ǀhōsagusisa da ge nî ǀgaiǀgai. ǂGomǃgâ re Jehovab a ǀnam du tsî xūǃnâ du tidesa. Elobmîsa tsēkorobe khomai tsî hoaǁae ǀgore re. Gaosib ǀkhaegu nî hāsa ǂgom re. Sado ǃgâiba xoadi tsî amdi tsîna ǁkhāǁkhāsen re.—w19.07, 2-4ǁÎ ǂhawegu.

Tae-e da a dī ǁkhā sada ǀaokhoena huis ǃaroma?

Tsâbaǁhaoxasiba ǁgau re, sada tanisen ǀgauba ab ǃnāsa-e sada xa mî, ǃnūǃnâxa tsî ǃgôasiba ǁgau re.—w19.08, 15-17ǁî ǂhawegu.

Mati da ra khoakhoa-e Jesub ge mîmâi khami Mateub 11:28 ǃnâ?

ǀNam da a Xristeǁî mûǂam-aogu, ǃgâi ǀhōsan tsî khoakhoa da ra sîsen-i tsîna da ge ūhâ.—w19.09, 23ǁî ǂhaweb.

Eloba mati ǂâibasens tsî dīs tsîra ǁkhāsiba ra mā da? (Fil. 2:13)

Elobmîsa da ga khomai tsî ǂâiǃgâ o, ob ge Eloba ǀgaiba a mā da ǁkhā ǁîb ǂâisa taniǂuis ǃnâ. ǁÎb ǃanu gagab ge nēsa dīs ǁkhāsiba nî mā da.—w19.10, 21ǁî ǂhaweb.

Tae-e da nî dī kai mîǁguiga da nî dīs aiǃâ?

Koro ǀgaugu nēsa dīs digu: ǃGâi ôaǃnâsa dī re. Gā-aisiba ǀgoreba re. Sadu mîǁguigu di ǃaromade ôaǃnâ re. ǃGāsa mîǁguiga ūhâ re. ǃGâi mûǂuiba ūhâ re.—w19.11, 27-29ǁî ǂhawegu.

Satanni ge Evasa mîba ǂhumib ǀkhas ǁō ǁoa gagas di ǂâisa ra ǃgûǀhao?

Di i ge ra ǁgausen. Satanni ge Evasa ge mîba tātsēs ǁō tide di. Ama tama ǂgomdi ǂâi ǀgaugu ge kai ǁgammi dâus khaoǃgâ ge hâ ǁoa i. ǁŌ ǁoa gagas di ǂâis ge Elob ge ǂgō-ommi tawa khoen di gowaga dawas aiǃâ ge tsoatsoa.—w19.12, 15ǁî ǂhaweb.