Khomai-aon dîdi
Manab tsî ǂkhari anirodi xōǀkhān ge Israelǁîna ǀkhara ǂû-e ūhâ i?
Hakadisi kurigan ge Israelǁîna ǃnāsa ǁaeba manab ǀguiba ǃgaroǃhūb ǃnâ gere ǂû. (Eks. 16:35) Jehovab ge ǁîna ǀgam ǃnādi ai, ǂkhari anirodi ǀkha ge ǂûmā. (Eks. 16:12, 13; Num. 11:31) Xawen ge Israelǁîna ǀnî ǂûn tsîna ge ūhâ i.
Aiǁgauseb ge Jehovaba ǀnî ǁaegu ai ǁîb khoena “sâba” ūhâ ǃkhaib ai gere ǂgaeǂgui sī. Tsî ǂûn, ǁgammi tsî ǂhân hâ xūn tsîna gere mā nî. (Num. 10:33) ǀGui ǃkhais ge ǁgammi ǀaus hîna Elims ǃnâ hâs tawa ge hâ i, ǁnā ǃās ge “disiǀgamǀa [12] ǀaudi tsî hûdisi [70] palm haidi tsîna ge ūhâ i.” Īǁkhā î ge a ǁnā palm haidi ge ǀnîsi datelde ūhâ isa. (Eks. 15:27) Plants of the Bible ti ǀon hâ ǂkhanis ge ra mî, “datelhais ge ǃgarob ǃnâ kaise ǂguise ra ǂoa hais ase ǂansa, . . . hîna ǂgui ǃkharagagu ǃkhaidi ǃnâ ra ǂoasa. Tsîs ge ǃnāsase ǂû-i, oli-i tsî somhais ase ǂgui khoen xa gere sîsenūhe.”
Israelǁîn ge ǀnîsi ǁgammi ǀaus hîna nētsē Feiran ti ǂansas tawas tsîna ge sī hâ i, hîna Wadi Feirans ǃâsa. a Nē ǀaus ge kaise ge kai-i, ǁîs ge “130 kilometerna gaixu, kaise îxa tsîs ge Sinais ǃnâ ǂanǂansa,” tis ge Discovering the World of the Bible ti ǀon hâ ǂkhanisa ra mî. Aiǃgû tsîs ge ǂkhanisa ra mî: “Khoe-i ga 45 kilometerna ǃāb tsî ǀaus tsîn ra ǀhao ǃkhais tawa ǃnari, o i ge Feiras Oasis tawa sī ǁkhā. ǁÎs ge 610 meterna ǃgam tsî 408 kilometer na gaixu. Palm haidi xa i ge ǀoa hâ tsî kaise îxa, ǁnā amaga î ge Edenǃhanab ǀkha ra ǀgopeǀnōhe. ǂGui kurinan ge khoena duisand datelhaidi ǃaroma nēba ra hā.”
Feirans ǁgammi ǀaus ǃnâ hâ Palm haidi
Israelǁîn ge Egipteba xu kinisa pere-i, kiniǃnâxapan, ǃhoro-i tsî ǀnîsi oli-i tsîna ge hausao. Ama as ge nē xūn ge gaixuse hâ tama hâ isa. Khoen ge “gūn, goman tsî kaise ǂgui” ûitsama xūn tsîna ge ūsao. (Eks. 12:34-39) ǃGâi tama ǂoab tsî ǀnanub mâsib xan ge ǂgui xamanina ǀnîsi ge ǁō. ǀNîn ge ǀnîsi ge ǂûhe tsî ǀnîna ge ǁguibahe ǂhumi elona ǃoas ga xawe. b (ǃNǃkh. 7:39-43) Ti i ge ī-i xawen ge Israelǁîna ǀnî gūn tsî goman tsîna ge ūhâ i. Nēsa da ge Jehovab ge ǁîb khoena ǁnâuǀnam taman ge hâ io a mîba xū-e xu ra mû: “Sadu ôan ge nē ǃgaroǃhūb ǃnâ ǃûi-aose nî doema hakadisi kurigu kōse.” (Num. 14:33) Īǁkhā i ge a ǂgarin gere xūna xun ge dai-i tsî ǀnî ǁaegu ai ǁgan-i tsîna gere hōsa. Xawe ǁnâuǃāxase i ge 3 miliun khoena ga ǂâu tama hâ 40 kurina. c
Xamanina mâpa ǂû-i tsî ǁgammi tsîna gere hō? d ǃKharu gere ǁaeb ǃnâ i ge kai ǀnanuba ge hâ i. Tsî i ge ǁnās ǀkha ǀnîsi ǂgui haina ǃgarob ǃnâ ge hâ i. Insight on the Scriptures, Volume 1 i ge ra mî 3 500 kuriga ǃkharu tsî i ge ǃnāsa ǁgam-e Israelǁaes gere hâ ǃkhaib ai hâ isa, nētsēs xa ǃnāsase. “ǂGui ǂnâsa ǃāgu hîna hâ gu ge ra ǁgau ǀnî ǃkhaidi ge ǂâusa ǀnanuba gere hōsa.” Ti i ga ī xaweb ge ǃgaroǃhūba kaise kai tsî ge ǃaorosa i. (Deu. 8:14-16) Jehovab ge buruxa ǀgaub ǃnâ gere mā ǁgammi osen ge Israelǁaes tsî ǁîn ǂgarib tsîna ga ǁō hâ.—Eks. 15:22-25; 17:1-6; Num. 20:2, 11.
Moseb ge Israelǁaesa ge mîba, Jehovab ge mana-i ǀkha gere ǂûmanîsa. “Nēsab ge khoen pere-i ǀgui-e xu ûi tama, xawen mâ mîs ǃKhūb amsa xu ra ǂoaxas hoasa xu ûi ǃkhaisan nî ǂanse gere dī.”—Deu. 8:3.
a Meib 1, 1992 ǃKhē xu ǂgō-ommi 24-25ǁî ǂhaweb ai khomai re.
b Elobmîs ǃnâ i ge ǀgam ǃnāra xamanina ǃgāroǃhūb ǃnâ ge ǁguibahe. ǂGuro ǃnās ai pristergu gere ǁgaumâihe o, tsî ǀgamǁî ǃnāsa Pasxab tawa. Hoa ǀgam ǁaxasikha ge 1512 Jesub ǃnaes aiǃâ ge ī, Israelǁaes ǀgui kuriba Egipteba xu ǂoa hâs khaoǃgâ.—Lev. 8:14–9:24; Num. 9:1-5.
c 40 Kurigu ǀams ain ge ǃgāroǃhūba xu ǂôa, on ge Israelǁîna torob ǀams ai ge ǃgau, ǂgui xamanina ge ūbasen. (Num. 31:32-34) Xawen ge aiǃgû tsî manaba gere ǂû, mîmâsa ǃhūb ǃnân nî ǂgâs kōse.—Jos. 5:10-12.
d Mî ǁkhā da ge a xamanin ge mana-e ǂû tama hâ isa, Jehovab ge khoena mîba amaga î-î mâ khoe-i hoa-e ǁî-e ǂâuhâse ǀgui ǀhaoǀhaobasen. Xamanin xa i ge xū-e ge mîhe tamam hâ i.—Eks. 16:15, 16.
