NEW WORLD Translations ǃnâ “kuni” ti hâ mîs ge ǃkharagagu audo di tamas ka io kunite ǃoa ra ǁnaeǁgau. (ǃNǃkh. 8:​28, 29, 38) Mîhe ras ǃoagub ge Etopiab ǂhanuǁîba toro kunis tamas ka io ǀnûgus ǃnâ ra sîsenūhe kunidi, xa a kai kunisa gere ǃnari. Saora xūna ǃgaoǃgâ re.

Etopiab ǂhanuǁîb ge kaise ǃnū daoba gere ǃnari. ǁÎb ge “Etiopiab di gao-aos Kandakes di marimûǂamaob” ase gere sîsen. (ǃNǃkh. 8:27) ǃKharuge ǁaeb Etopiab ge nētsē, Sudanni tsî suid Egipteb ase a ǂansa. Nē aob ge ǀnîsi hoa daoba ǁnā kunis ǀkha ge ǃnari tama hâ i xaweb ge daob ǃaroma ǂgui xūna ge ūsao. ǂGui kuriga ǃkharu hâse gere sîsenūhe kunidi ge haka ǀnūde ge ūhâ i. ǀNî khoe-e i ge ǃNaeǃkhaidi ǂkhinis ge saorase ge mî: “ǁNā kunidi ǃnâts ge ǂgui xūna gere ǃnao tsîs ge ǁnāsa gere īǁkhā kai în khoena gaixu daoga ǃnari.”

Filipub ge ǁîb tawa a sī ǁaeb aib ge Etopiab ǂhanuǁîba gere khomai. Elobmîs ǃnaeǃkhais ge ra mî, Filipub ge “kunis tawa ǃkhoesī tsî kēbo-aob Jesajab di ǂkhanisa xub ra nē ǂammâisaba khomai ǃkhaisa ge ǁnâu.” (ǃNǃkh. 8:30) Nē kunidi ge ǃkhaese ǃnaris ǃaroma ge kuruhe tama hâ i. Tsîs ge ǁnāsa Etopiab ǂhanuǁîba ǃēsa ge mā îb khomai ǁkhā xawes tsînab ge Filipubab nē kunisa ge sīǃnâ ǁkhā-i.

Etopiab ǂhanuǁîb ge Filipuba ge ǁkhau îb, ‘kunis ai ǂoa tsî ǁîb tawa ǂnû.’ (ǃNǃkh. 8:31) ǀNûgus ǃnâ ra sîsenūhe kunidi ǃnari-aogu ge mâ tsî gere ǃnari. Xawe î ge ǃnū daogu ǃaroma gere sîsenūhe kunidi ǃnâ soa-e ge hâ i, ǁnās ǀkhab ge Etopiab ǂhanuǁîb tsî Filipub tsîna kunis ǃnâ ge ǂgâu ǁkhā i.

ǃNaeǃkhaidi 8ǁî danaǃâs tsî ôaǃnâs ǂkhinin tsîn ge ra ǁgau, Etopiab ǂhanuǁîb ge torogu tamas ka io ǀnûgus ǃaroma ra sîsenūhe kunis xa a kai kunis ǀkha gere ǃnarisa.