Elobmîs ge mati sida ǃoa hā ǀgaub

Elobmîs ge ǂgui xūna ge ǃkharu ǃnâ. Sida ǁaeb kōse. Nē ǂkhinis ge 1 900 kurigu ǃkharu hâse ge xoa toahe. Xoa-aihe gere xūn ge ǃhaese gere ǀoro. Aiǁgause, xamarin khōb tsî kai hain khami. Tsî xoaǃnâhes gere gowagu ge ǂgui khoen xa ge ǃhoahe tama hâ i. Khoesi ǂgaeǂgui-aogu ge Elobmîsa gere dīkākā ǂgao.

MATIS ge nē ǂkhinisa ǂgui mâǃoade mâǃkharu? ǀGam xūn xa ǂâi re.

ǂGui ǂkhinin ge ge mâǃkharu

Elobmîs kōǃgâ-aon, Israelǁîn ge ǂgurokam xoade ǃamkuse ge kōǃgâ. Tsî ǂgui kopina ge dī. Aiǁgause, gu ge Israelǁaes di gao-aoga gere mîbahe. Îgu ǂhanub ǃnâ hâ mîde ‘ǂkhani-i ǃnâ xoaǁnâbasen, Leviǁî pristergu di ais aiǃâ hâsa xu.’—Deuteronomium 17:18.

ǂGui Israelǁîn ge ge ǁkhoaxabehe i. Elobmîsa khomaisa. Tsî ǁîn ge gere ǂanǃgâ Elobmîs a ǃkhaisa. Xoadi gere xoaǁnâhe o. Os ge ǁnāsa ǂansa ūhâ khoe-i xa gere dīhe. Eloba gere ǁnâuǀnam khoeb Esrab ge ge ǃgâi. ‘xoaǂansabe ge i ǂhanub Moseb dib, ǃKhūb, Israeli di Elob ge māb ǃnâ.’ (Esrab 7:6) Jodeǁîgu hîna ǂansa ūhâgu ge ǀoro testamentsa ge kopi. Nēsa gu ge ǂgui kurigu ǃkharu hâse ge dī. ǂHanu ǀgaub ǃnâgu ge hoana gere dī. Amagan ge xoahe hâ xūna ǃgâise ge ǂoaxa. ǁNās ǀkhas ge Elobmîsa dīkākāhesa ge mâǃkharu. Khākhoegu di ǃomǁaega xu.

Aiǁgauseb ge Syriab ǂgaeǂgui-aob [IV 5ǁîba] Antiochus. 168ǁÎ kuri ǀoro testaments hoasa gere dīkākā ǂgao Palestini ǃnâ. “Jodeǁî xoa-aob ge ge mî: Hōn ge Elobmîs ǃâgu hoagu ge ge ǂhubiǂuihe.” Jodeǁîn mîdi ǂkhinis ge ra mî: “ǁNāsa dīkākās ǃgao ge ǁgaumâisa i khoeb ge karosase ǁnāsa gere dī . . . Elobmîsa i ge khoe-e gere ūhâ o . . . o i ge gere ǃgamhe.” Xawe Elobmîs ge Jodeǁîn, Palestineǁîn tsî ǀnî ǃhūgu ǃnâs tsîna ge ûiǃkharu.

Xriste Grike xoadi ge xoa toahe o. O i ge hoa sîǂkhinide ge ǂoaǂamsa i. Aiǁgauseb ge Johaneba ǁîb sîǂkhinisa Efeseǁîn ǃās ǃnâ ge xoa. ǂAnsa ūhâ khoegu ge ra mî. ǃÂgu Johaneb ǂkhinis digu ge 50 kuriga. Xoa toa-es hâ hîna ǀgui ge hōhe. Egypteb ǀgūse. ǁNās ge ra ǁgau Xristeǁîn ge ǃnū ǃhūgu ǃnâ kopina ūhâ isa.

Elobmîs māǂuihes ge ge hui. Xristub ge ǀhomma ǃoa-oa o, mâǃkharusa. Aiǁgauseb, ge Romes ǂgaeǂgui-aob Diocletiana. ǁÎb soldaga ge mîba îgu kerkegu ǃnâ hâ Elobmîde ǂhubiǂui. Nēs ge 303ǁî kuri Februarib 23 ǃnâ ge ī. Diocletiani ge ge ǂâi hâ i. Xristeǁî ǂgomsab ǁnās ǃnâ-ū nî ǀam kai di. Elobmîdeb ga dīkākā o. Sao ra tsēs aib ge ge mî. Î di hoa Elobmîde mûhe rase ǂhubihe tsî dīkākāhe. ǀNî Elobmîdi ǃâgu ge ge dīkākāhe tama hâ i. Xawe ge ǂguiǂguihe. Grikegowab xoadi ǃâgu ge ǁkhawa ge xoahe. Diocletiani di mîmās ge toa o. Ob ge ǀgui ǃâba Romes tawa hâ. Tsî nau ǃâba Britaniab ǃnâ.

ǀOrokamǁaeb Elobmîdi ǃâgu hōsa tama. Xawen ge ǃomgu ǀkha xoasa ǃâga ge hōhe. Tsî nēn ge nētsēs kōse ra sîsenūhe. Tsî ǀnîn ge kaise ǀoro. Elobmîs haisi-amsa ǀkharaǀkharahe i ge? ǂAnsa ūhâ khoeb W.  H. Greeni ge Hebre xoadi xa sao ra-e ge mî: “ǀNî hâ sîsen i ge nēti ǃamkuse dīsa tama hâ.” Grike xoadi xab ge ǃgôahesab Frederic Kenyona ge mî: “ǁKhâgu ǃkharagagusib ge Xoadi gere xoahe ǁaeb ǃnâ ge hâ i. Xawe ǂguro ǁgauǁgaudi ge kaise ge ǂkhariro i. Tsî ǂgom ǀoro da nî ǀgau i ge a ǀkhai. Tsî ūbēhe ge xūn tsîn ge ǀkhai. Tsî amasib tsî ǂgomǂgomsasib ǀasa Testaments dis ge a ǀguiǃnâxa.” ǁÎb ge ǀaro tsî ra mî: “Elobmîs di ǂgomǂgomsasib ge ǁîs ǃnâ a ǃkhōǂgāsa. . . . ǀNî hâ ǀoro ǂkhini i ge Elobmîs khami ǂgomǂgomsa tama hâ.”

Elobmîs ǂnûiǃkhunis

ǀGamǁî ǃaromas Elobmîs ra mâǂoabas ge. ǁÎs ge ǂgui gowagu ǃnâ a hōhe ǁkhā. Tsî ǁnās ge Elob di ǂâis ǀkha a ǀguiǃnâxa. În hoa khoen, ǁaedi, gowagu tsîna Eloba “Gagab tsî amab tsîkha ǃnâ” ǀgoreǀî.—Johaneb 4:23, 24; Mixab 4:2.

ǂGuro ǂansa Hebre xoadi ge Grikegowab ǂkhinide xu ge ūsa i. ǁNās ge Jodeǁîn hîna ge Palestiniab ǃnâ gere hâ ǃgao ge xoasa i. Tsî ǁnā xoadi ge Jesub nî ǁîb aoǁnâ sîsenni ǀkha. Tsoatsaos aiǃâ ge toa. Hoa Elobmîs ge Grike xoade ǃkhōǂgāsases ge ǂgui gowagu ǃnâ ge ǂnûiǃkhunihe. ǃKharu ge kurigu ǃnâ. Xawe gao-aogu tsî priestergu hîna gere dītsâgu Elobmîsa māǂuisa. Gu ge khoena gagasise ǂkhabusase gere ūhâ ǂgao. ǁÎgu ge khoen ra ǃhoa gowagu ǃnâ Elobmîsa ge xoa kai tama hâ i.

Xawe ǀnî khoegu ge Elobmîsa khoen ra ǃhoa gowagu ǃnâ ge xoa. Kerkegu tsî khoesi ǂhanuga ǁnâuǀnam tamase. Aiǁgauseb ge William Tyndala Hebre xoadi ǂguro koro ǂkhinide ge xoa. 1530ǁÎ kurib ǃnâ. ǁÎb ge ge ǂguro khoe-i hîna ge Hebregowaba xu English ǃnâ xoaba. Tyndali ge ǂguro khoe-i Jehovab ǀonsa Elobmîs ǃnâ ge xoaba. Spanjab Elobmîs xoa-aob Casiodoro de Reinab, ǁîb ge hoaǁae gere ǃgamhe ǂgao. Katholis mâǃoa-aon xa. Elobmîsab ge Spanja gowab ǃnâ a xoa o. ǁÎb ge Englandi, Germanib, France, Hollandi, tsî Switzerlandi. ǃOa ge ī, îb Elobmîsa ǂhanib ose xoa toa. *

Nētsēs ge Elobmîsa ǂgui gowagu ǃnâ ra ǂnûiǃkhunihe. Tsî miliundi Elobmîdi ge ra māǂuihe. Nē ǂkhinis ge ǂgui mâǃoade ge ǃkharu ǃnâ. Apostel Petrub ge ama-e ge mî: ‘ǀGâb ge ǂnâ, tsî blaran ge ǁnā; xawe ǃKhūb mîs ge ǀamosib kōse ra hâ.’—1 Petrub 1:24, 25.

[ǀGamiros]

 [Boksis/​Ai-īsib]

MÂ ELOBMÎSA TA NÎ KHOMAI?

Elobmîs ge ǂgui gowagu ǃnâ a xoasa. ǀNî Elobmîdi ge khoen a ǀû mîde ra sîsenū. Tsî ǀnî Elobmîdi ge ǃgâise ǂnûiǃkhunihe tama hâ. Tsî ǂōrisase ǀō tama hâ. CoTsî ǀnîdi ge mîsa xu mîs ǀkha ǂnûiǃkhunihe hâ.

New World Translation of the Holy Scriptures ge Jehovab di ǀHûǀguitimî-aon xa ǂnûiǃkhunisa. Tsî ǂgurokamǁaeb xoade xu ūsa. ǀŪsa komites xa. Tsî 60 gowagu ǃnâ tsîna a ǂnûiǃkhunisa. ǁNā ǂnûiǃkhuni-aon ge dī ǁkhān an hoana ge dītsâ. ǀOrokamǁaeb xoade xu ǂnûiǃkhunisa. New World Translations ge ǃoaǃū ǀgaub ai xoasa. ǂÂibasensa sâu tama hâse. Tsî nē ǂnûiǃkhuni-aon ge Elobmîsa supu, ǁnâuǃāxa ǀgaub ǃnâ ge ǂnûiǃkhuni. În khomai-aona tā ǃgombahe khomain ga o. Elobmîs ǁaegu ǃnâ i ge ī-i khami.

ǀNî khoen ge nētsē ǂnûiǃkhunisa Elobmîde. ǂŌrisasib tsî ǃgâi tamase ǂnûiǃkhunis ǃgao ra ôaǃnâ. New World Translations tsîn ge ge ǃkhōǂgāsa i. ǀGui khoeb ǁnāsa ge dīb ge Jason David BeDuhna. ǀNî hâ khoen ǀkhab ge ǁnāsa ge dī. ǂGomdi ǁkhāǁkhās Northern Arizona Universitib hîna Amerikab ǃnâ, hâba. ǁÎb ge 2003ǁî kurib ǃnâ 200 ǂhawega ūhâ ôaǃnâsa ge dī. “Khoese Elobmîdi hîna English gowab ǃnâ ra sîsenūhedi xa.” ǁÎb ôaǃnâs ge xoade gere ôaǃnâ ǃgâise di ǂnûiǃkhunihe hâsa. Tsîb ge “ama-aisib tsî ǂōrisasib Elobmîs diga gere ôaǃnâ.” Mâ ǂhaweb hoabab ge Grikegowab xoas ǀkha gere ǀguiǀgui. ǁÎb ge gere ǂanǂui ǂgao, Elobmîs di ǂâibasens ǀkharaǀkharahe tamasa. Tae-eb ge hōǂui?

BeDuhna ge ra mî, ǀhûhâsib tsî ǂgui Elobmîs ôaǃnâ-aon ge ra ǂâi. New World Translations (NW) ra mâǂoasa. Xaweb ge ǀaro tsî ra mî: “Hâ a, ǃkharagagusib ge nē ǂnûiǃkhunis ǂōrisa tsî a ǃamkusa.” Xaweb ge BeDuhna ǀnî mîdi hîna New World Translations ǃnâ ra sîsenūhe di ǀkha ǀguiǂâixa tama. ǁÎb ge ra mî: “New World Translations ge hoa ǂnûiǃkhunidi xa kaise a ǂōrisa.” ǁÎb ge “ǂoaǂamsa” ǂnûiǃkhunis di ra ǂgaisi.

ǃGôahesab Benjamin Kedari, tsîn ge ǁkhā xū-e New World Translations xa ge mî. ǁÎb ge Israeli ǃnâ ra hâ, Hebrewgowab ǂansabeba. ǁÎb ge ǀaro tsî ra mî 1989ǁî kurib ǃnâ: “Nē ǂnûiǃkhunis ge ǂhauǃnâ, ǁnâuǃāxa tsî a ǂōrisa. ... Tita ge tātsē ǃgâi tama xū-e New World Translations ǃnâ khomai tama hâ.”

Dîsen re: ‘Ti ǂâibasensa a tae, Elobmîsa ta ga khomai o? Supuses Elobmîsa nî khomaisen? Tsî tā nî ǂōrisa? Tamas ka io ta ǂâide ra khomai ǂgao. ǀOrokamǁaeb xoadi ǀgūse hâde?’ (2 Petrub 1:20, 21) Nē dîde ǃereams ge sadu. Mâ Elobmîsa xu nî khomaisa nî hui du.

[Gamiros]

New World Translations xōǀkhādi ge The Amplified New Testament, The Living Bible, The New American Bible With Revised New Testament, New American Standard Bible, The Holy Bible—New International Version, The New Revised Standard Version, The Bible in Today’s English Version, tsî King James Version.

[Ai-īsib]

The “New World Translation of the Holy Scriptures” ge ǂgui gowagu ǃnâ a hōhe ǁkhā

[Ai-īsib]

ǀOrokamǁaeb di xoadi

[Ai-īsib]

Elobmîs ǃâro-i Lukab 12:7. “Tā ǁnâi ǃao, ǂgui ǀui-anirona du kom ra īǂamo.”

[Ai-īsiba da ge hō ǃkhaib]

Foreground page: National Library of Russia, St. Petersburg; second and third: Bibelmuseum, Münster; background: © The Trustees of the Chester Beatty Library, Dublin