“ǂHÂSIB a kaiba gere sī hui ǀhosan gere ǁgamba te o, o ta ge tita tsîna gere ǁkhore ama ǂkhîb tsî ǃgâiaǂgaob ǁîn ge ūhâ ība hōsa,” Dis ge Selvianasa ra mî, aimâba-aose ra sîsen ǂkham ǃgâsa sa. “Xawe ta ge ǂhâsib hâba sī aoǁnâsa gere ǃao.” Dis ge ra ǀaro.

Sadu tsîna nē ǃgâsas khami ra tsâ? ǁKhore i du ra ǂhâsib aoǁnâs sîsenni dib a kaiba sī huisa, xawe du ge ǀnîsi ra dîsen ǁnāsa dīhō i ta nî ti? ǁNās nî amas ga o ǂgaoba ūhâ re! Jehovab di huib ǀkhan ge ǀoadisidi ǃgâsana nēsa ge dī. Jehovaba nē ǃgâsana mati daoba ge ǁkhowa-amba? Nē ǃereamsa hōs ǃaroma hā re i da Madakaskara sari, haka ǁîse ǃhūbaib ǃnâ a kai ǃnāǃnuisa tamas ka io Island sa.

ǃKharugo disi kurigu ǃnân ge 70s xa ǃnāsa ǃgâsan tsî aimāba-ao se ra sîsen ǃgâsan tsîna 11 ǃhūga * xu Madakaskari ǃnâ hā ra sîsen. Nē ǀkharib Afrikab dib ǃnân ge ǂguina Elobmîsa ǃgôasiba ūba hâ. ǂGui ǃgâsan hîna a Madakaskari din tsîn ge māsenxase nau ǀkhariga ǃoa ra doe in khoena Elobmîs xa aoǁnâba. Hā re i da ǁîn ǀkha nēsi ǂangusa dī.

Louisi tsî Perrinis, ǁîra 30 di ǃnâ hâ ra ge khoe aoguse Fransa xu Madakaskara ǃoa‵ ge doe, Kuriga ra ge turaba ge ūhâ i ǀkhara ǃhūb ǃnâ aoǁnâ sîsenni ǀkha sī huisa xawes ge Perrinisa gere îngaǀge doesa. “ǀŪta a pa ī sa ta ge gere ǃao. Kaise ta ge ǁgaise gere tsâ ti ǀaokhoen, ǀhaohâb,oms tsî ǂan ta a ǃkhaib tsî ǁnaetigu tsîna xū sa. Amases ge ǃaosa kai ǃnôa-aiǃnaos ase ge ība te ī” Xawe 2012ǁî kurib ǃnâ ta ge ǁkhoaǂgaosiba ge hō tsîm ge ge doe. Nētsē ǁnās xa matis ra ǂâi? “Kē oa ta ga ra o, ota ge nî mî kaise ta ge ra gangan Jehovab ǃomma ta ge sim ûib ǃnâ a mû-o tsî nēs  ge kaise ti ǂgomsa ge ǀgaiǀgai.” Tsîs ge ra ǀaro “Jesub ǁōb di ǂâiǂâisens tawa i ge Madakaskari ǃnâ disi khoen sim ǀkha Elobmîsa ra ǁkhāǁkhāsena ge sī.”

Tae-e ǁîra ge hui i ra aiǃgû, ǃgomsigu ge ǁîra ǁgaumâis ǃnâ gere hâ o? Jehovaba ǃoa ra ge ge ǀgore tsî huiba ge ǂgan i ra mâǁapo ǁkhā. (Fil. 4:13) Louisi ge ra mî “Jehovab ge ǁîra ǀgorede ge ǁnâu tsî ‘ǂkhîba’ ge mā ra. Aoǁnâ sîsenni ra mā mi ǂkhîb aim ge gere kō. Sim ǀhosan tsîn ge hoaǁae gere xoaba mi.”—Fil. 4:6, 7; 2 Kor. 4:7.

Jehovab ge kaise Louisi tsî Perrinis tsîra di ǁguiǂgāsensa ge ǀkhae. “Oktoberi 2014ǁî kurib ǃnâm ge skoli !gamme hâ khoen ǃaroma hâba * ǃoa ge ǁkhauǂuihe Fransi ǃnâ” dib ge Louisa ge mî. “Nē skoli ge kaise kai ǀūruhe ǁoasa ǀkhaeba Jehovaba xu” Skola ra ge toas khaoǃgâ ra ge kaise ge ǃgâiaǂgao Madakaskara ǃoa ra ge sîhe o.

Didieri tsî Nadins tsîn ge Madakaskari ǃoa 2010ǁî kuri Fransa xu a doe o, ora ge ge ǁkhara khoe aogu i. Didieri ge ra khōm “Sim ge ǂkham-am ge io aimâba-ao sîsen-e gere dī tsîm ge ǃnona ǀgôana ge kaikai. ǁÎn ge kai o, om ge ǃaugab ǃhūb ǃnâ sī huisa gere ǂâiǃgâ” Nadins ge ra mî “Ti ǀgôana xū ǃnūse hâs di ǂâis ge kaise ge ǃgomba te ī tsî ta ge gere îngaǀgē xawen ge ǁîna ge mîbate: ‘Saro ai da ge kaise nî ǂnîsa ǂhâsib hâba ro ka sī ǃoaba o’. Nēs xa ǁgarihe hâsem ge ge doe. Sim ǀgôana xum ǃnūse hâ, xawem ge ra ǃgâiaǂgao ǁaeba xu ǁaeb ǀkham ǁîn ǀkha ra ǃhoa ǃkhaisa.”

Didieri tsî Nadins tsîra i ge kaise ge ǃgomba i Malagasi gowaba ǁkhāǁkhāsensa. “Sim ge 20 kurixa tama hâ” dis ge Nadinsa âi ra se ra mî. ǁÎra nēsa mati ge dī? Frans gowaba ra ǃhoa ǀhaohâba ǃoa ra ge aibe ge doe. Tsî ǁae-i khaoǃgâ ra ge mû o ǂhanu ra asa, ora ge Malagasiba ra ǃhoa ǀhaohâba ǃoa ge doe. Nadins ge ra mî: “ǂGui khoen hînam ge aoǁnâ sîsenni ǃnâ ǀhao-ūn ge Elobmîsa ǁkhāǁkhāsens xa a ǃgâibahe. ǂGui ǃnāden ge ǃgôaǃgâsiba ra ǁgau saris amsi. ǂGuro ta ge ge ǂâi hâ i ǁhapo ta ra di. Tita ge kaise nēpa aimâba-aose sîsensa a ǀnam. ǁGoaga ta ga khâi o, o ta ge ra mîbasen, ‘Kaise a ǃgâi tsēs ge nēsa, aoǁnâ sîsen-e ta ge a dī ǁkhā.’”

Didieri ge ra ǀnomǁō ǂâi oab ga o ǁaeb hînab ge Malagasi gowaba gere ǁkhāǁkhāseni xa. “Tita ge ǀhâohâb ǃnân ge khoena gere mâ ǃereamde ge ǁnâuǃā tama hâ i xawe dîde gere dî. Hoara ta gere mîs ge, ‘Kai aios’ ǀGui ǃnā-e ta ge ǃgâsasa ge gangan ǃereams ǃaroma, xawen ge khoen khaosi ǂnôana ge ǁgau ǃereams ǂhanu tamasa, o ta ge ǃhaese ǃgâsaba ge dî tsîb ge ǂhanu ǃereamsa ge mā—xawe hame a ǂan ǁîs tsîn ge ǂhanu īsa.”

ǀKharib kai ǀhaos tawab ge Theirib tsî ǁîb kaikhoes tsîna 2005ǁî kuri ǀhuruǃâsa ge mû “Pursue Goals That Honor God.” di ǀon hâsa. ǁNā ǀhuruǃâs Timoteub xa hâs ge ǁîra ǂgaoga kaise ge tsâǀkhā tsî ǁkhoaǂgaosiba ge mā ra ǂhâsib hâba sī huisa. “ǀHuruǃâs khaoǃgâ ǁkhapuǃom da ra hîna ta ge ti tarasa ge dî ‘Mâpam ra ī di?’ Ti taras ge ge mî ǁîs tsîn ge ǁnati gere ǂâi di.” ǁNāpaxu ra ge ǁîra mîǁguiga ge dīǀoaǀoa tsoatsoa. Nadias ge ra mî “Sim xūnam ge ge ǀoro kai haka kati ǃnâ i nî ǂâus kōse.”

Madakaskari ǃnâ ra ge 2006ǁî kuri ge sī tsî tsoatsoasa xu i ge aoǁnâ sîsen-e kaise ge ǁkhoaxa i. “ǀHao-ūm ra khoen ge kai ǂkhîba ra mā mi,” dis ge Nadiasa ra mî.

ǃNani kurigu khaoǃgâ ra ge ǃgomsina ge hōǃâ. Nadias ǁgûs Marie-Madeleines hîna Fransi ǃnâ gere hâs ge ǁnā tsî ǁîs ǁôaba ge khôa tsî danas ǃnâs tsîna ge tsû. ǀAedi-aoba ra ge dîs khaoǃgâ ra ge ǁîsa Madakaskara ǃoa ūsaosa ge mîǁgui. ǁKhaisadisi kurixas ge i xawes ge māsenxase ge sao. Matis ge ǁîsa tsâ, ǃaugab ǃhūb ǃnâ hâsa? ǁÎs ge ra mî: “ǀNî ǁaegu ai i ge a ǃgom ǁnaedisa, ǃgomsin ga hâ xawe ta ge ǀhaohâb ǃnâ ra sîsenūhe tsî ra ǃgôaǃgâhe. Kai ǂkhîba ti ûib ǃnâ ra haus ge ǂansa ti ôara ǀoasase Eloba ra ǃoabasa.

Rianab ge 20di ǃnâ hâ ǃgâsaba. ǁÎb ge Alaotra Mangoro ǀkharib, ǁnā ǃhūb ge ǃhannas ǃaroma kaise a ǃgâi Madakaskari di aiǂoas ǃnâ. ǁÎb ge skoli ǃnâ ǃgâise ge dī tsî ǀgapi ǁkhāǁkhāsensa gere dī ǂgao. Xawe skolab ge toa, ob ge ǀkharati ge ǂâi. ǁÎb ge ra mî: “Tita ge skola ǃhaese gere toa ǂgao tsî ta ge Jehovaba ge mîǁguiba ‘toa ta ga o, o ta ge aimâba-aose ǁîba nî ǃoaba’” Skolab ge toas khoaǃgâb ge Rianaba ǁîb mîǁguiba ge dīǀoaǀoa. ǁÎb ge aimâba-ao ǃgâsab ǀkha ǀguiba ge hâ tsoatsoa tsî ǀoro tsēde ra dīhe sîsen-e ge hō tsîb ge ǁîb tsîna ge aimâba-ao kai. ǁÎb ge ra ǀaro “ǁNāb ge mîǁguigu hîna ta ge dīgu hoagu xa kaise a ǃgâi mîǁgui.”

Rianab ǀaokhoen ge ge ǁnâuǃâ tama hâ i tae-i ǃaromab ge ǁîba ǀgapi ǁkhāǁkhāsensa ǃoa ī tama īsa. ǁÎb ge ra mî “Ti dab, ti omeb tsî makais tsîn ge gere ǂgao i ta ǀgapi ǁkhāǁkhāsensa ǂâiǃgâ. Xawe ta ge tita aimâba-ao sîsen-e ge ǀû ǂgao tama hâ i.” Rianab ge ǂhâsib hâpa sī ge ǃoaba tsoatsoa. Tae-e ǁîba ge hui? ǁÎb ge ra mî “ǃNari-aogu ge !nāsa xūn sikham din hoana ge ǃnari. Nē khôaǂgâs ge ge ǂâi!gâ kai te Jesub di mîdi ‘ǁuina ǀhommi ǃnâ ǀhaoǀhaos’ xa. Mîǁguiba ta ge ge dī ita ǃgarise sîsen tsî gagasise ǃkhū ǁkha. (Mat. 6:19, 20) ǁÎb ge ǃkhawagas Alaotra Mangoro ǀkharib disa ǃoa ge doesī—ǀgaisase ǂnâsa ǀkhāb ǁnā ǃhūb ǃnâ 1 300kmna ǁîb ǁanǃkhaisa xu. Antandroiǁî khoen ge ǁnāpa ra ǁan. Tae-i ǃaromab ge ǁnāpa ī?

ǁKhâba khôaǂgâs aisib ge Rianaba Elobmîsa ǀgam Antandroiǁî khoekha ge ǁkhāǁkhā tsoatsoa. ǁÎb ge ǃkharagagu ǁgâiǂûisen ǀgauga ǁnā gowab ǃnâ ge ǁkhāǁkhāsen tsî Antandroiǁî khoen hîna Gaosib di ǃgâiǂhôasa a ǀūn xa gere ǂâi. ǁÎb ra mî Jehovaba ǃoa ǀgore tsî ta ge ge ǂgan Îb huite îta Tandroiǁî gowab ǀkhariba ǃoa doe.

Rianab ge doesīs ǀkha ǃnôa aiǃnâo-e ge hoǃâ. ǁÎb ge sîsen-e ge hō ǁoa i. ǀGui aob ge ge dîbi, “Tae-i ǃaromats go doeǀkhī? Tandroiǁî khoen ge sats ra haxū ǃhūba ǃoa,sisen ôas ǃaroma ra ī. ǀGam wekhe kha ǃkharu tsîb ge Rianaba mari-ōse ǀkharib kai ǀhaosa sī ge ǁhao, tae-eb ni dīsa ra ǂhâse. ǀHaos di ǀuniga tsēs aib ge ǀnî ǃgâsaba xū-e Rianab di jaab ǁhōs ǃnâ ge ǂgā. Maris hîna ǁîba oa-ū tsî ǂkhari ǂharugub yogurt-e ǁamaxus diba nî tsoatsoa ǁkhās kōse ǂâu hâsa. ǁÎb ta mî, “Jehovab di huiba ta ge ǂhâ ta hâ ǁaebi ge hoǃâ. Khoen hîna Jehovab xa ǁkhaǁkhasens di ǃēsa ūhâ tamana ta ge ra hui.” Kai sîsenni ge ǀhaohâb ǃnâs tsîna hâ. Rianab ra ǀaros, “Mâ ǀgamǁî wekheb hoaba ta ge ǃhoasa ge mā kaihe. Jehovab ge ǁÎb  di ǀapeǂhomis ǃnâ-u gere ǁkhaǁkha te.” Rianab ge nētsēs kōse Gaosib di ǃgâiǂhôasa ǂgui Tandroiǁî khoen hina Jehovaba ra ǂan ǂgaon ǀkha ra ǀgoragu.

Jehovab ge ra mîba da “O i ge ǁnā-i ǃhūbaib ai ga ǀkhaesen ǂgao-i hoa-e Elob amab dib ǃnâ nî ǀkhaesen” (Jes. 65:16) ǃGarise da ga sîsen o aoǁnâ sîsenni ǃnâ da ra hōǃâ ǃgomsina mâǃoasa, o da ge Jehovab ǀkhaeba ni hōǃâ. Selvianas, nē ǁkhāǁkhāǃâs ǃnâ goro mîhes xa ǂâi re. ǂÂi hōre, ǃnubusinas ūhâ amagas ge gere ǃao ǂhâsib hâba sī sîsensa. Tae-i ǃaromas ge di gere tsâ? ǁÎs ra mîǃgāǃgā, “ti ǁareǀkhāb ǀnūb ge amǀkhāb xa 9cmna a ǃnuburo. ǁNā ǀgaus ai ta ge ra ǀī tsî ǃhaese ra tsau.

Selvianas ge 2014ǁî kurib ǃnâ Selvi-Annas, ǁîs ǀhaohâb ǃnâ hâ ǂkhâm aimâba-aos, ǀkha ǀhao tsî 85kmna ǁîra di ǃasa xu a ǃnū ǂkhari ǃasa ǃoa ge doe. ǃGomsinas gere hōǃa xawe i ge Selvianas ǁhapode ge ama kai, ama ǃamku ǀkhaeb ge nēba. ǁÎs ra mî, “ǀGui kuriba ta nēba ti ǁgaumâis ǀkha tsoatsoa hâ hînas ge Doratins, tita xa ge Elobmîsa gere ǁkhāǁkhāhe ǂkham ǁgûsa ǂharis kai ǀhaos tawa ge ǁâǁnâhe.”

Nē ǃgâsan huib hâ tawa sī ra huin ǁîn ǂgomsa ra ǁgâiǂui ǀgaub ge ra ǁgau sida ǃaob aoǁnâ sîsenni ǃnâ da ūhâba da ga ra mâǃoa o, o da ge Jehovab ge mî mîmâisa ra hōǃâ, “Tita ge ra ǀgaiǀgai tsi, tita ge ǁkhāti ra hui tsi.” (Jes. 41:10) Nēs ge sida ǀhosagusisa Jehovab ǀkha ra ǀgaiǀgai. Māsenxase da ga sida ǁan ǃkhaib tamas ka io ǃhūb ǃnâ māsen o, o da ge hanīǁaeb ǃaroma ra aiǂhomisen. Didieri goro mî khami da ge “ǂhâsib hâba huis ge hanīǁaeb ǃgao ǁkhāǁkhāsensa.” Māsenxa ǃgâsan ǂguin hoan ge nē ǁkhāǁkhāsensa ǀnai ra tsoatsoa.