1, 2. Jehovaba mati harase ǁîb xūna ra sîsenū?

JEHOVAB ǃommi ge a hara. Hoa xūn ūda hân ge ǁîba xu ra hā. ǃHuniǀhuridi, ǀhaiǀuridi tsî ǃhūbaib ai hâ xūn hoan ge a Jehovab di, tsîb ge ǁîba ǂhâ da hâna ra mā da îda aiǃgû. (Psa. 104:13-15; Hag. 2:8) Elobmîs ge ǂgui ǃâde ūhâ hîna ra ǁgaude matib ge Jehovaba buruburuxase ǁîb ǃoaba-aona ǂhân hâ xūna gere mā ǀgauba.

² Jehovab ge Israelǁîna hakadisi kuriga manab tsî ǁgam-i tsîna gere mā, khoen xa ǁan ǃnâhe ǁkhā ǃhūb ǃnân ge sīs kōse. (Eks. 16:35) Tsîn ge “xū-i xare-i” ǂhâsiba ūhâ tama ge hâ i. (Neh. 9:20, 21) Kēbo-aob Elisab ǃnâ-ūb ge Jehovaba ǂkhari ǁnui-i ǃoataras di-e ge kaikai. Elob ge ge ǃaroma is ǁîs suruden hoana mātare tsî ǁîs tsî ǁîs ǀgôagu tsîna ǁnāsa xu ûi ǁkhā. (2 Gao. 4:1-7) Jehovab huib ǀkhāb ge Jesuba buruburuxase khoena ǂû-i tsî ǂhâsib gere hâba gere hui.—Mat. 15:35-38; 17:27.

3. Nē ǁkhāǁkhāǃâs ǃnâ da tae-e nî ǃhoaǃgao?

 ³ Jehovab ge kaise ǂgui xūna ūhâ ǁîb ǃhūbaib kurusabena a hui ǁkhāna. Xaweb ge ǁîb ǃoaba-aona ra ǁkhau în ǁîn xūna sîsenū ǁîb ǀapeǂhomisa ra ǂkhâǃnâse. (Eks. 36:3-7; khomai re ǂKhoamîdi 3:9.) Mati i iob Jehovaba sida xu ra ǃâubasen îda sida di xūna xu ǁîba mā? ǂGuro ǁaeb di ǂgomǂgomsa khoena mati marisise Jehovab di ǂnûǁkhaeba-aon di ǁaxasiba gere ǂkhâǃnâ? ǀApeǂhomisa mati nētsē māsenxase ra mā-e marina ra sîsenū? Nē dîdi ge nē ǁkhāǁkhāǃâs ǃnâ nî ǃereamhe.

4. Jehovab di sîsen-e da ga ǂkhâǃnâ o, o da ǁÎba tae-e ra ǁgau?

⁴ Jehovaba da ge ra mā, ǀnambi tsî da ra ǃgôaǃgâbi amaga. Kaise ǃgôahe ǁoasa xūnab ge ǁîba sida ge mā tsî ra dība. Tempela omhes, ge Gao-aob Davib tsēdi ǃnâ gere ǀapeǀapehe o, ob ge Daviba ge ǂanǃgâ hoa xūn hîna gere māhen a Jehovab disa, ǁîba xun ge hōhe amaga tsî da ga ǁîba mā o da ge ǀnai ǁîb di-e ra mābi.—Khomai re 1 Kroniks 29:11-14.

5. Xoade mati ra ǁgau, ǃkhō-oa tamase Jehovaba mās ǁîba ǀgoreǀîs di ǃâsa?

⁵ Māsenxase ǀkhaeba mās ge sida ǀgoreǀîs di ǃâ. Apostel Johaneb ge ge ǁnâu Jehovab ǀhomǃgāgu ǀhommi ǃnâ ra mî hîna: “Sats ǃKhūts ge a anu, ǂkhaisib tsî ǃgôasib tsî ǀgaib tsîna māhesa; sats ge hoana kuru xui-ao, tsî sa ǂâisa xun hâ tsîn ge kuruhe xui-ao”—(J.ǂHa. 4:11) Sada tsîna di tsâ tama hâ? Jehovab ǂkhaisib tsî ǃgôasib tsîna i ge a anu sida ga sida ǃgâi xūna xu ǁîba mā o. Moseb ǃnâ-ūb ge Jehovaba Isreal ǁaesa ge mîmā în ǁÎb aiǃâ kaitsēdiba ūhâ ǃnona ǃnâde kurib ǃnâ. ǁNā kaitsēdib tawa sī ǀgoreǀîs ǃaroman ge Isrealǁîna, “xū-i ōse ǃKhūb di ais aiǃâ” ge ǂhai tama hâ i. (Deu. 16:16) Nētsēs tsîna i ge ǃkhō-oa tamase ǃgôasib tsî ǃgôaǃgâsib xa ǁgarihe hâse, Jehovab ǀapeǂhomisa marisise ǂkhâǃnâsa a sida ǀgoreǀîs di ǃâ.

6. Māsa tae-i ǃaroma a ǃgâi? (Tsoatsoas ǃnâ hâ ai-īsiba mû re.)

⁶ Khoena mās ge ra ǂkhî kai da. Hoaǁae da ge ūǃoa-ao ǂgaos ǀguisa i tama hâ xawe ǂkhîb ǀkha nauna ra mā ǂgao. (Khomai re ǂKhoamîdi 29:21.) ǂÂi re ǀgôaro i hîna ǁgûra xa i go māhe mariros ǀkha, ǁgûra ǀkhae xū-e ǁamaba tsî ra mā i xa. Matikōse ra ǁgûra nē ǀkhaeba nî ǃgôaǃgâ! ǀGôa-i hîna ǁgûra ǀkha ǀgui oms ǃnâ ra hâ tsî aimâba-aose ra sîsenni tsîn ge ǁgûra xūro-e nî mā. ǁGûra ga ūǃoa ǂgao tama ga ra i xawe, ra ge ǀkhae xū-e nî ūǃoa ǂan ra a amaga, nēs ra ǁgausa ǁîra ǀgôa-i ǁîra ge dība-i xūna ra ǃgôasa. ǁNās ǁkhās khamib ge Jehovaba sida māsa ra ūǃoa, ǂan i a amaga ǁnās sida a ǃgâibasa.

7, 8. ǃKharuge ǁaeb di ǃgâsana mâ ǃnôa aiǁgausa ge xuba da (a) māsenxase māsa om sîsenni ǃaroma? (b) hoaǃnâ-aixa sîsen-e ǂkhâǃnâs ǃnâ?

⁷ Xoadi ǃnâ i ge a ǃgāsa, khoen ge aitsâmaba xu māsenxase gere māsa. Jehovab ǁaes ge xūna gere mā ǂhâǂhâsa om sîsenni ǃaroma. Aiǁgause Moseb ge ǁaesa ge ǂgan în māsenxase māde  mā tabenakeli gere omhe o, Gao-aob Davib tsîn ge ǁkhāsa ge dī tembeli omhes ǃaroma. (Eks. 35:5; 1 Kro. 29:5-9) Gao-aob Joab ǁaeb ǃnâ gu ge pristerga mari-e gere ǀhaoǀhao Jehovab oma gu nî ǃgâiǃgâi ga. (2 Gao. 12:4, 5) ǂGuro Xristesi ǀhaohâb ǃnân ge ǃgâsana nau ǃgâsan ǂhâsigu xa gere ǂan o, o i ge mā i hoa-e ‘ǁkhā i as kōse xū-e gere sî Judeab ǃnâ ǁan hâ ǃgâsan di huihes ǃoa.’—ǃNǃkh. 11:27-30.

⁸ Jehovab ǃoaba-aon ge khoen hîna ra ǂgaeǂguina marisise ra hui. Moseb ǂhanub ǃnagan ge Leviǁîna ǀumisa ge hō tama hâ i nau ǃhaodi khami. Israelǁîn ge Leviǁîna disiǁî ǃân hoana gere mā în ǁîn sîsenni ǀkha aiǃgū. (Num. 18:21) Jesub tsî ǁîb apostelgu tsîn ge taradi hîna ge “ǂgui xūn âdi ǀkha gere ǃoaba bidi tsîna” xu ge ǀama—Luk. 8:1-3.

9. Mâ ǀgaugu ǃnân ge khoena, ǁnan hîna ge ǂhâsiga ūhâ îna gere ǂkhâǃna?

⁹ Nē māsenxa mās ge ǃkharaga ǃnâgu ǀgaugu ǃnâ ra dīhe. ǃGaro ǃhūb ǃnân ge xūna gere ǀhaoǀhao o in tabernakela om, on ge Israelǁîna xūn hînan ge Egipte ǃhūba xu hau saona khoena gere mā. (Eks. 3:21, 22; 35:22-24) ǂGuro Xristeǁîn tawan ge ǃgâsana xūn hînan ūhâna gere ǁamaxu, aiǁgause ǃhanagu tamas ka io omde ǁamaxu tsî apostelga mari-e gere mā, apostelgu ge nē marina ǂhâb ǃnâ hâ ǃgâsan ǃnâ gere ǀgora. (ǃNǃkh. 4:34, 35)ǀNîn ge mari-e ǀguri hâse ǂnûiǂûi tsî ǁnāsa ǁkhâkorobe gere mā. (1 Kor. 16:2) Nēs ǀkhan ge hoa khoena, ǃhūhân tsî ǀgâsan tsîna aiǂhanuba ge ūhâ i xū-e māsa—Luk. 21:1-4.

10, 11. (a) Mati da ǃkharuge ǁaeb Xristeǁîn di māsenxase māsa a ǁgae ǁkhā? (b) Sida aiǂhanub Gaosib sîsen-e ǂkhâǃnâs dib xa da mati ra tsâ?

¹⁰ Nētsēs tsîna da ge ra ǂganhe îda māsenxase ǀapeǂhomisa ǂkhâǃnâ. ǀApeǀapehe i ra ǀasa ǀhû-omma omhesa, sadu ǀhaohâb ǃaroma? Tamas ka io i ǀnai hâba ra dī-ūnuhe? ǂAnǂanhe da ge ǀnîsi go îda marisise hui sida ǀhû-ommi tamas ka io kai ǀhaos ra dīhe ǃkhaib hîna ra dī-ūnuheba, tamas ka io sida ǃgâsa-i hîna go tsūkeǃgāb ǃnâ hâ-e huisa. Marisise da ga māsenxa māsa dī o, o da ge sida ǃgâsan hîna dana beros tsî ǁnâub beros Jehovab di ǀhûǀguitimî-aon dis tawa ra huina ra ǂkhâǃnâ. Sida māsenxa mādi ge sîsaben, ǀō-aisa aimâba-aon tsî ǃnarimara mûǂam-aogu tsîna ra ǂkhâǃnâ. Sadu ǀhaohâb tsîn ge marisise, ǃhūbaib ǂhawase hâ kai ǀhoadi ra dīhe ǃkhaib tsî ǀhû-omgu tsîna oms sîsen-e ra ǂkhâǃnâ.

¹¹ Hoa da ge nē sîsenni hînab Jehovaba ǀuniga tsēdi ǃnâ ra dīǀoaǀoa-i ǃnâ ǃâ-e a ūhâ ǁkhā. ǂGui māsenxa mādi ge ǂansa tama ham-e xu i hâsa. Marisi ǂkhâǃnâsa da ge sida ǀhû-ommi tawa, tamas ka io jw.orgs ǃnâ-ū ra dī. ǀNîsi da ge ra ǂâi sida ra mā xūro-i xū-e ǂâibasen tama ti, xawe ǂâis ǃnâ ūhâ re ǃhūbaib hoab sîsenni ge ǂkhari marin ǂgui khoena xu ra hān xa ǃnasase ra ǂkhâǃnâhe tsî kai maris ǀorona xu ra hās xas ose. Sida ǃgâsan hîna ǀgâsa ǃhūgu ǃnâ ra hân ge Masedoniab ǃnâ gere hâ ǃgâsan ǀkha a ǀgui, ǁîn ge ‘ǃgam ǀgâsib’ ǃnâ hâ i xawen ge gere ǀkhomma in ǁîn tsîna xuro-e mā—2 Kor. 8:1-4.

12. ǀApeǂhomisa mati māsenxase ra māhe marina ǃamkuse ra sîsen-ū?

 ¹² ǂGaeǂguira soros ge ǂgomǂgomsase tsî gā-aise ǀgore rase ,ǀapeǂhomis di mariǁhōga ra mûǂam. (Mat. 24:45) Marin ge ǂnûiǂui-e tsî ǃgâi ǀgaub ǃnâ ra sîsen-ūhe. (Luk. 14:28) ǃKharuge ǁaeb ǃnâ gu ge mariǁhōga gere mûǂam aoga, nēsa ǃgâi tsî ǃamku ǀgaub ǃnâ gere dī. Aiǁgauseb ge Esraba, Persiab gao-aoba xu ra hā māsenxa mā-xūn ǀkhā Jerusalemsa ǃoa ge oa—Nē mās ge ǃhuniǀhurib, ǀhaiǀhurib tsî ǀnîhâ xūn hîna N$1,3 biliuns xa ǃnāsase ra ǂgan-an tsîna ge ǃkhōǂgā hâ i. Esrab ge nē māsa Jehovaba ǃoabas ǃâs ase gere ū, tsî ǁkhāb an hoana gere dī îb nē xūna ǁkhōǁkhōsa daob ai ǁkhauba. (Esr. 8:24-34) Apostel Paulub ge māsenxa māde huib ase ǃgâsan hîna Judeab ǃnâ hâna ǃoa gere ī ū. ǁÎb ge gere dī în ǁnan hîna nē māde ra mûǂamna “ǃKhūb ǀguib aiǃâ tama i, tsî khoen tsîn aiǃâ” ǂhauǃnase dī. (Khomai re 2 Korinteǁîn 8:18-21.) Esrab tsî Paulub tsîna ǁgaes ǃnâ-ūs ge ǀapeǂhomisa mariǁhōga ǃgâi tsî ǃamku ǀgaub ǃnâ ra sîsen-ū.

13. Mati da ǀkharaǀkharan hînas ge ǀapeǂhomisa dīna nî mû?

¹³ Omaris ge ǀgauga a ôa ǁkhā în ǀoro ǁaeba sîsen, ûiban ra supusupuse, tsî ǃnāsa ǁaeba Jehovab ǃoabasa ūhâba. Nēs ge Jehovab di ǀapeǂhomis ǀkha a ǀgui. ǃKharuge ǁaeb ge Jehovab ǀapeǂhomisa ǂgui ǀasa xūn ǀkha ge tsoatsoa, nēs ge ge ǃaroma î i māǂuisa hōǂgās xa ǃnāsa. Nēs ǀkhās ge ǀapeǂhomisa ǀgauga ge ôa māǂuide ǀoroǀorosa tsî sîsen-e supusupusa, nēs ge ǁkhāsiba ra mā is ǀapeǂhomisa ǂgui xūna sadu ra mā marisi huib ǀkha dī ǁkhā.

14-16. (a) Taena sida di māsenxa mādi ǀkhā ra dīhe? (b) Sida nēsa xu mati ra ǀama?

¹⁴ ǂGui ǃgâsan hîna kaxuse amab ǃnâ hân ge ra mî, kaise ǂgui gagasi xūna da ge nētsē ra hō, ǃkharuge ǁaegu ǃnâs xa. ǂÂis ǀguisa dī re! Sida intenets ǂhaweb jw.orgs tsî JW Broadcastings tsîn ge ǀae ge tsoatsoa. The New World Translations of the Holy Scriptures ge nēsi ǂgui gowagu ǃnâ a māǂuisa. Kaise kai ǂgāgu ǃhūbaib di gu ai,  14 ǃhūga xu hâ ǃgâsana ǂguro ǃnasa 2014/2015ǁî kuri “Keep Seeking First God’s Kingdom!” ǃnona tsēdi kai ǀhaodi ǃaroma ǃkharagagu ǃhūgu ǃnâ ge ǀhao. ǁNān hîna ge hâ ǃnân ge kaise ge ǁkhoaxabahe i.

¹⁵ ǂGuin ge ra mî, kaisen Jehovab ǀapeǂhomisa ra gagan di, kaise mâǂoa hâ ǀkhaeb hînan Jehovaba xū ra hōb ǃaroma. Aiǁgause ra ge khoe-aogura hîna Asiab ǃnâ ra ǃoaba ra JW Broadcastings xa ge mî: “Sim ǁgau-mâis ge ǂkhari ǃās ǃnâ hâ, ǁaeb ge ra hâ ǀguritsâsenam rasa, tsî Jehovab sîsenni aiǂhanuba ra ǀuru. Xawe ra ga JW Broadcastingsa kē o, o ra ge ra hōhōǃnâsen ǂgui ǃgâsana ra ūhâ ǃkhaisa. Sida ǃgâsan ge kaise JW Broadcastings ǃgao ra ǃgâiaǂgao. ǁÎn ge ra mî nē ǀapeǁguiban ga ra kē toa o, on ge ǂgaeǂguira soros di ǃgâsagu ǀkhā ǀgūse ra tsâ. Tsî kaise a ǂnīsa Elob ǀapeǂhomis ǃnâ da ǃâ-e ūhâsa.

¹⁶ ǃHūbaib ǂhawase i ge ǁaubexa 2 500 ǀhû-omga, omhe tsî ra dī-ūnuhe. ǃGâsan ge Hondurasi ǃnâ, ǀasa ǀhû-omman ge sîsen-ū tsoatsoas khaoǃgâ ge mî: “Kaise da ge ra ǂkhî, Jehovab ǀapeǂhomis ǃnâ da hâsa tsî ǃhūbaib ǂhawese ǀnamǀnamsa ǃgâsana ūhâsa, nēs ge kaise ra ǃgâiaǂgao kai da, ǁîn di huib ǀkha da ge ǀhû-omma sida ǀhaohâsib ǃnâ hâ.” ǂGuin ge kaise gere ǃgâiaǂgao Elobmîs tsî ǀnîhâ ǂkhanin tsînan ge ǁîn gowab ǃnâ a hō o, mâǃgâhen ges khaoǃgâ, tsî khoen amab ǃnâ ra ǂgâ ǀgausan ge mû o, ǃkharagagu aoǁnâ sîsen ǀgaugan ge sîsen-ūs khaoǃgâ.

17. ǀApeǂhomis ra sîsen ǀgauba mati ra ǁgau Jehovab nēsa ra mâxōǀkhāsa?

¹⁷ Khoen ge ǁnâuǃā tama hâ sida nē sîsen-e mati māsenxa māsa xu ra dīsa. Sida ǁgâi ǃkhaibab ge saris khaoǃgâb ge kai ǂharugu oms di danaba ge khom, kaiseb ge gere buru mati da nē sîsen-e māsenxase ra dīsa. ǁÎb ge ge mî sadu nēba ra dī xūn ge ǂgomhe ǁoasa. Nēs ge a ama! Nēs ge a ī ǁkhā Jehovab nē sîsen-e ra mâxōǀkhā amaga.—Job 42:2.

18. (a) Mâ ǀkhaeba da ra hōǃâ Gaosiba da ga ǂkhâǃnâ o? (b) Mati da sida ǀgôan tsî ǀasase amab ǃnâ ra ǂgâ khoen tsîna nî ǁkhāǁkhā?

¹⁸ Jehovab ge aiǂhanuba ra mā ǁîb sîsen-e ǂkhâǃnâs di-e. ǁÎb ge ra mî ǀkhaeba da ge nî hō, Gaosib sîsen-e da ga ra ǂkhâǃnâ o. (Mal. 3:10) Jehovab ge ra mîǁgui māsenxase ra mā i ge nî ǃgâiǃō di. (Khomai re ǂKhoamîdi 11:24, 25.) Mās ge ǂkhîba ra mā da tsî “Mās ge ūs ǃgâ-ai a ǃgâi.” (ǃNǃkh. 20:35) Mîs tsî dīs tsîn ǃnâ da ge sida ǀgôan tsî ǀasase amab ǃnâ ra ǂgâ khoen tsîna nî mûǂan kai, matin gangansa nî ǁgausa tsî matin ǀkhaeba nî hōsa.

19. Nē ǁkhāǁkhāǃâsa mati go ǂkhâǃnâ du?

¹⁹ Ū da hâ xūn hoan ge Jehovaba xu ra hā. ǁÎba da ga mā oa o, o da ge ra ǁgau ǁîba da a ǀnam tsî ra ǃgôaǃgâsa dība dab ge xūn hoan ǃgao. (1 Kro. 29:17) Khoen ge tempela oms ǃaroma gere mā o, os ge ǁaesa “māsenxa ǀkhaeb ân ǂama ge ǃgâiaǂgao, ǂgaob hoab ǀkhan ge māsenxase ǀkhae amaga.” (1 Kro. 29:9) Sida tsîn ge nî ǃgâiaǂgao Jehovaba da ga ǁîb ra mā da khami mā oa o.