•  Aiǂnû-aob ǃâb 2

•  Elobmîsa xu hâ ǂûǂûsa mîdi 3-5

  •  ǃHoas 3

  •  Gagasi xūn 4

  •  Elobmîs khomai ǃâs 5

•  Aoǁnâ sîsenni ǃnâ ǁguiǂgāsen re 6-14

  •  ǁGamǀhaosa tsoatsoa 7

  •  ǁKhawa oasīs 8

  •  ǁKhāǁkhāsabedīs 9

  •  ǃGāǃgāra ǃâgu 10

  •  ǃHoas 11

  •  ǃKhōǂgāb 12

  •  ǃKharagagu ǃkhaidi tawa aoǁnâs 13

  •  ǂKhanin tsî vidion ra sîsenūhe ǀgaub 14

•  Xristeǁî ûi ǀgaub 15-16

  •  ǀHaohâb Elobmîs ǁkhāǁkhās 16

•  ǃKhōǀhaos 17

•  Koas tsî ǀapemās 18

•  ǁAeb 19

•  ǃNarimâra mûǂam-aob saris 20

•  Wekheb ǂharis tamas ka io ǀkharib kai ǀhaos dib 21

•  Jesub di ǁōb ǂâiǂâisens wekheb 22

•  Xristeǁî ûib tsî aoǁnâ sîsenni mûǂam-aob 23

•  Xristeǁî ûib tsî aoǁnâ sîsenni aiǂnû-aob 24

•  ǀGamǁî skoli mûǂam-aob 25

•  ǀGamǁî skoli 26

•  Vidiogu 27

1. Nēpa hâ ǁgaragu ge Sida Xristeǁî ûib tsî aoǁnâ sîsenni ǃnâ ǃâga ūhâ khoena nî hui. Hoa khoen ǁgaumâide ūhân ge aiǂhomisenan ga ǁaeb ai nē ǁgaragu tsî Xristeǁî ûib sîsen ǂkhanib ǃnâ hân tsîna nî khomai. Hoa ǃgâsan ge nî ǁkhauhe în skoli ǁgaumâide dīs ǃnâ ǁhao. ǁÎn hîna ǁāǁnâhe tama xawe Elobmîs ǁgaragu ǃoagu ûi tsî Xristeǁî tsoatsoade ra saon tsîn ge nē skoli ǃnâ a ǁhao ǁkhā. Ûib tsî aoǁnâ sîsenni mûǂam-aob ge skoli ǃnâ ǁhaos turaba ûhân ǀkha nē skoli ǂgaoǁkhāde nî ǃhoaǃgao tsî khoe-i ǀkha nî ǃhoa nēsa i ra sīǃnâsa. Nēs ge ǁî-e Elobmîsa ra ǁkhāǁkhā ǃgâsa-i tamas ka io ǁāǁnâsa ǁgû-i ǀkha ǀguiba nî dīhe. Nē ǂgaoǀkhān ge ǁāǁnâhe tama aoǁnâ-aon dīn ǀkha a ǀgui.—od-E 8ǁî ǁkhāǁkhāǃâs, 8î ǂhaweb.

2. ǀGui haib. ǁNaetsanas tsî ǀgores khaoǃgâb ge Xristeǁîn ûiǀgaub di aiǂnû-aoba ǀhaos di ǀapeǁguiba nî ǃhoaǃgao. Aiǂnû-aob ge ǀhaohâba nî ǂkhâǃnâ ǃâga nî mâǂoa kai.

 3. ǃHoas: Disi haigu. Dana xoaǂams tsî ǀgam tamas ka io ǃnona mâǂoara ǂâidi tsîn ge Sida Xristeǁî ûib tsî aoǁnâ sîsenni—sîsen ǂkhanib ǃnâ ra māhe. Nē ǃhoas ge ǀhaohâb ǃûi-aob tamas ka io ǀhaohâb hui-aob xa nî māhe. ǀAsa Elobmîs ǂkhanis ga ǁnā wekheb ǃnâ tsoatsoahe o, o i ge ǁnā ǂkhanis mâi-aiǃâs vidioba nî ǀhuru-e. ǃGâsab ge vidiob tsî ǃhoas tsîn ǁaegu ra ǀgau xūn tsîna a ǃhoa ǁkhā. ǁÎb ge sîsen ǂkhanib ǃnâ a māsa ǁnaeǁgaude nî sîsen-ū. ǁÎb ge ǁaeb ga hâ o, o ai-īsiga a sîsen-ū ǁkhā nē ǃhoas ǃaroma hâga. ǁÎb ge ǀkhara ǁnaeǁgaude sîsenū tamas ka io a ǀaro ǁkhā. Mâǂoara ǂâide ūǂuis ǃaroma.

 4. Gagasi xūn: Disi haigu. Nē ǃâb ge mâi-aiǃâs tamas ka io ǃkhōǀhaosa ūhâ tama hâ. Xawe dîs tsî ǃereams tsîn ǀguina ūhâ. Nēs ge ǀhaohâb ǃûi-aob tamas ka io ǀhaohâb hui-aob xa a dīhe ǁkhā. Tsîb ge ǀhaohâba hoa dîra nî dî. ǁÎb tsîn ge a mîǁgui ǁkhā hoa ǁaraǃādi nî khomaihe tamas ka io khomaihe tidesa. ǁÎn hîna ǃereamde ra mān ge 30 sekongu ǃnâ ǁnāsa nî dī.

 5. Elobmîs khomai ǃâs: Haka haigu. Nē ǃâb ge aorekhoeb xa nî dīhe. Nē ǃgâsab hîna ra khomaib ge nē ǃâba tā nî mâi-aiǃâ tamas ka io nî ǃkhōǀhao. ǀHaos aiǂnû-aob ge nē ǃgâsab hîna ra khomaiba nî hui îb ǃgāsasib, ǁnâuǃāb, ǀom saode ǃgaoǃgâ tsî ǃgâ-aon nî ǁnâuǃā ǀgaub ǃnâs tsîna khomai. Elobmîs khomai ǃâdi xa di ge ǀnîde ǃnuburo tsî ǀnîde a gaixu. ǁNā-amagab ge Xristeǁî ûib tsî aoǁnâ sîsenni ǀhaos di mûǂam-aoba nē ǃâgab ra mā khoen ǁkhāsiga ǂâis ǃnâ ūhâse ǀapeǁguiba nî aiǂhomi.

6. Vyftien haigu. Nē ǃâb ge ǃgâsana ra hui în aoǁnâ sîsenni ǃaroma aiǂhomisen tsî aoǁnâs, ǁkhāǁkhās tsî ǁgamǀhaos ǀgauba ǀāǀā. ǂHâbasa î ga, o gu ge ǀhaohâb ǃûi-aogu tsîna skoli ǁgaumâide nî hō. Mâ khoe-i hoa-i ge ǁgamǀhaos aiǁgaudi ǃhoaǃâs hîna Khoena ǀnam tsî ǁkhāǁkhāsabedī ti hâ ǂkhanib ǃnâ hâsa nî sîsenū, ǀkhara xū-i ga mîhe tama io. ǀNî ǁaegu ai i ge ǃhoaǀhaos ǃâb tsîna nî hâ. Nē ǃâb ge ǀhaohâb ǃûi-aob tamas ka io ǀhaohâb hui-aob xa nî māhe.— 15ǁÎ xoaǀgorasa mû re nē ǃâgu ra dīhe ǀgaub xa.

 7. ǁGamǀhaosa tsoatsoas: Nē ǃâb ge tarekhoes tamas ka io aorekhoeb xa a dīhe ǁkhā. Nēs ge tarekhoera, aorekhoekha tamas ka io ǀgui omaris ǁanin xa ǀgui a dīhe ǁkhā. ǁÎn ge mâ tamas ka io a ǂnû ǁkhā.— 12 tsî  13 xoaǀgorade ǃnāsa ǃgāsasib ǃaroma mû re.

 8. ǁKhawa oasīs: Nē ǃâb ge tarekhoes tamas ka io aorekhoeb xa a dīhe ǁkhā. Nēs ge tarekhoera tamas ka io aorekhoekha xa ǀgui nî dīhe. (km-E 5/97 2ǁî ǂhaweb) ǁÎn ge mâ tamas ka io a ǂnû ǁkhā. ǁÎ-i ge nî ǁgau tae-en nî mîsa ǁkhawa oasīs ǃaroma.— 12 tsî  13 xoaǀgorade ǃnāsa ǃgāsasib ǃaroma mû re.

 9. ǁKhāǁkhāsabedīs: Nē ǃâb ge tarekhoes tamas ka io aorekhoeb xa a dīhe ǁkhā. Nēs ge tarekhoera tamas ka io aorekhoekha xa ǀgui nî dīhe. (km-E 5/97 2ǁî ǂhaweb) ǁÎn ge mâ tamas ka io a ǂnû ǁkhā. Nē ǃâb ge nî ǁgau ǀnai du Elobmîs ǁkhāǁkhāsa ra ūhâsa nē khoe-i ǀkha. Mâi-aiǃâs tamas ka io ǃkhōǀhaos ge ǂhâbasa tama hâ. Nēs ge ǃgâsa-i ga sîsen ai i nî ǃâba ga ūhâ o, o ǀgui a dīhe ǁkhā. Māsa ǃgāsasib hoaba khomais ge ǂhâbasa tama hâ.

 10. ǃGāǃgāra ǃâgu: ǃHoas ase i ga māhe, o i ge aorekhoeb xa nî dīhe. ǁGauǁgaus ase i ga māhe, o i ge tarekhoes tamas ka io aorekhoeb xa a dīhe ǁkhā. Nēs ge tarekhoera tamas ka io aorekhoekha xa ǀgui nî dīhe. ǁÎn ge mâ tamas ka io a ǂnû ǁkhā. Nē ǃâba ra dī khoe-i ge ǃgāsa tsî ǃgôasib ǀkha ǃhoaǃgaohe ra dîsa nî ǃeream. Māhe hâ ǀarosa ǃgāsasiba ra sîsenūse. Nē ǃâba ra dī khoe-i ge ǁhûi ǁkhā ǂkhanib ǃnâ mā-e hâ ǃgāsasiba i nî sîsenūsa.

 11. ǃHoas: Nē ǃâb ge aorekhoeb xa nî dīhe tsî ǀhaohâba ǃhoas ase nî māhe. ǃHoas ga ǃgāǃgā ra ǃâb A ai ǃgaoǃgaosa o, Khoena ǀnam ǂkhanib ǃnâ o i ge ǁî-e nî ǁguiǃā nē xoadi mati aoǁnâ sîsenni ǃnâ nî sîsenūhesa. Aiǁgauseb ge nî ǁguiǃā xoas mâǁae nî sîsenūhes, xoas ǂâibasens tsî mati i khoe-i ǀkha nē xoas xa nî ǃhoasa. Nē ǃhoas ga Khoena ǀnam ǂkhanib di ǁkhāǁkhāǃâdi ai ǃgaoǃgaosa, o i ge ǁî-e nî ǃhoaǃgao mati da nē xoasa aoǁnâ sîsenni ǃnâ nî sîsenū ǀgausa. ǂGuro ǁkhāǁkhāǃâs ǃnâ māsa aiǁgaus tamas ka io ǁnā ǁkhāǁkhāǃâs ǃnâ hâ xoadi ge a hui ǁkhā.

   12. ǃKhōǂgāb. Nē xoaǀgoras ǃnâ hâ xūn ge “ǁgamǀhaosa tsoatsoas” tsî “ǁkhawa oasīs” ǃâgu ǃnâ sîsenūhe ǁkhā. ǀNî hâ ti i ga mîhe tama io, o i ge ǁî-e ǀgui ǃgubu Elobmîs amaba khoe-i ǀkha nî ǀgoragu, nē khoe-i mâsib ǃoagu hâ-e. Tsî i ge ǁkhawa oasīs ǃaroma nē khoe-e nî aiǂhomi. ǁÎ-i ge khoen ǃgâiǃgâibasensa ūǃnâ hâ xūn xa nî ǃhoa. Tsî i ge a ǁhûi ǁkhā, ǂkhani-i tamas ka io vidio-e i nî mâi-aiǃâsa sida ǁkhāǁkhās boksisa xu. ǁGamǀhaos aiǁgaude mâhe i hâ ǀgaub ǃnâ sîsenūs xa î ge ǁî-e nî ǁkhāǁkhāsen mati i ǁgamǀhaos aiǁgausa nî sîsenūsa. Aiǁgause i ge khoe-i ǃnâ ǃgâiǃgâibasensa ǁgau tsî nî mā-am îs ǁgamǀhaosa hoaǃnâ-aixa.

   13. ǃKharagagu ǃkhaidi tawa aoǁnâs: ǁÎ-i ge nē māhe hâ ǃkharagagu ǃkhaidi tawa nî aoǁnâ, ǁî-i ǂkharis ǃnâ hâ khoen masîb ǃoagu. Aiǁgause:

1.  (1) Omsa xu oms ǀkha: Nēs ge ra ǃkhōǂgā khoena ǁîn omdi, telefoni tamas ka io sîǂkhanidi ǃnâ-ū aoǁnâbasa. Tsî ǁkhawa oasīsa omsa xu oms ǀkha aoǁnâs ǃnâ i go ǀhao-ū khoe-i tawa.

2.  (2) Khoena da ra ǀhao-ūbas: Nē ǀgaus ge ra ǁguiǃā, ǃēna sîsenūsa î da hoaǃnâ-aixa ǁgamǀhao-e aoǁnâs ǃnâ tawa. ǁNās ge sîsenū da ra khoen, skol ǀhōsan, ǁanǁare-aon, teksin tamas ka io sida tsēkorobe xūna da ra dī o da ra ǀhao-ū khoen ǀkha xoa-e ǀgoragusa ǃkhōǂgā hâ.

3.  (3) ǃGangu ǃnâ aoǁnâs: Nēs ge trolis ǀkha aoǁnâsa ǃkhōǂgā hâ. ǁAmaxu ǃkhain ai khoen ǀkha ǃhoas, ǃgangu tsî khoena da ra ǀhao-ū ǃkhai-i hoa-i tawa aoǁnâsa.

 14. ǂKhanin tsî vidion ra sîsenūhe ǀgaub: Mâsib ǃoagu i ge a ǁhûi ǁkhā, vidiob tamas ka io ǂkhani-e sîsenūsa. Nē ǃâb ga vidioba sîsenūsa mîǁgui tamas ka io i ga ǁî-e vidioba sîsenūsa mîǁgui, o i ge vidioba mâi-aiǃâ tsî nî ǃhoaǃgao xawe ǀhuru tide.

15. ǁNaetsanas khaoǃgâ hâ ǃâb hîna 15 haigu ǃnâ nî dīheb ge, ǃgâsana nî hui în Elobmîsa sîsen-ū ǁîn ûib ǃnâ. ǀKhara daoǁgau i ga ǀkhai, o i ge nē ǃâga ǀhaohâb ǃui-aob tamas ka io ǀhaohâb hui-aogu xa nî dīhe. Xawe hoaǃnâ-aixa ǂhâsigu ǃâb ge ǀhaohâb ǃûi-aogu xa nî dīhe. ǃHoaǀhaos ǃâb ǃnâb mā-e hâ dîdi ǂam-ai dîde a dî ǁkhā. ǁÎb mâ-aiǃâsab ge ǀgui ǃgubuse nî ūhâ îb ǁkhāb as kōse ǃhoaǃgaob nî xūna dī toa ǁkhā, în ǃgâsana ǃeream. Dîǃnâs ǃâb ga hâ, o i ge dîǃnâ-e ra ǃgâsa-e aisǀkhāba xū ǁnāsa nî dī.

  16. ǀHaohâb Elobmîs ǁkhāǁkhās: ǃNonadisi haigu. Nēs ge ǀhaohâb ǃûi-aob xa ǀgui nî dīhe. (ǀHaohâb ǃûi-ao-i ga ǀkhai o, o ǀhaohâb hui-aoga sîsen-ū re.) ǀHaohâb ǃûi-aogu ge nî mîǁgui mâ ǀhaohâb ǃûi-aob ǀhaohâb Elobmîs ǁkhāǁkhāsa nî dīsa. ǁÎgu hîna Elobmîs ǁkhāǁkhāsa ra dīgu ge khoexaǃnâ ǀgaub ǃnâ nî dī tsî ǁaeb tsîna ǂâis ǃnâ nî ūhâ. Tsî ǃgâsana nî hui în mâǂoara ǂâide ǃgâise ǃhoaǃgao. ǃGâsagu hîna nē ǃâba dī ǁkhā gu ge, ǃgâiba a ǀama ǁkhā māsa ǁgaraga gu ga sao o, dîdi tsî ǃereamdi ǃgâb nî māhe ǀgauba. (w23.04 24ǁî ǂhaweb, boksis) Wekheb ǃgao ga ǃhoaǃgoahe hâ ǃâb ga toa os ge ǁkhāǁkhāsa a ǀam ǁkhā. Mâsib ǃoagu i ge ǃkharagagu khomai-aogu tsî ǃKhē xu ǂgō-ommi mûǂam-aogu tsîna a sîsen-ūhe ǁkhā. ǀHaohâb ǃûi-oab ga Sida Xristeǁî ûib tsî aoǁnâ sîsenni—sîsen ǂkhaniba dī o ǃnubuǃnubusa ǀgaub ǃnâ ob ge nî mîǁgui nēs mati nî dīhesa. ǁÎb ge a mîǁgui ǁkhā mâ xoaǀgoradi khomai-e tidesa.

17. ǃNona haigu. Sida Xristeǁî ûib tsî aoǁnâ sîsenni ǀhaos di aiǂnû-aob ge huibi nî ǃâga nî hō ǀhaos ǃaroma ǀams ai. ǁÎb ge sao ra wekheb di ǃâb tsîna nî ǃhoaǃgao. Sao ra wekheb ai ǃâga nî ūhâ khoen tsînab ge a ǂanǂan ǁkhā. ǁAeb ga ra hâ o. Khomaihe nî sîǂkhanin tsî ǂanǂandi ga hâ o, ob ge aiǂnû-aoba nēsa ǀams ǃâb ai a dī ǁkhā. Hoaǃnâ-aixa ǀhaohâb ǃanuǃanudi tsî aoǁnâ sîsenni ǂhawegu tsîn di ǂanǂandi ge aiǂnû-aob xa dīhe tide xawe ǂanǂandi ǃkhaib tawa nî kō-e. ǂAnǂandi tsî sîǂkhanidi tsîn ga māsa ǁaeb ǃnâ khomai-e tama ga ra io, ob ge aiǂnû-aoba ǃâna ūhâ ǃgâsaga nî ǂgan îgu ǁîgu di ǃâga ǃnubuǃnubu ǂhâbasa i ga ra o. ( 16ǁÎ tsî  19ǁî xoaǀgora ra mû re.) ǀHaos ge ǁnaetsanas tsî ǀgores ǀkha nî ǀam.

18. Mâ ǃgâsa i hoa-i di ǃâb khaoǃgâb ge Xristeǁî ûib tsî aoǁnâ sîsenni di aiǂnû-aoba ǀgui haib ǀguiba ūhâ nē ǃgâsa-e ǁnamasa, ǁgaumâisa ǁkhāǁkhāǃâdi ai a ǃgaoǃgaosase. Aiǂnû-aob ge ǃgâsa-i ǃâbab ga ǂanǂan ǁaeb ai, ǁî-i mâ ǃâb ai ra sîsensa mî tide. Xaweb ge ǁîba ǁî-i ǃâb khaoǃgâ nēsa a mî ǁkhā tsî ǁnās ǀkha ǁnamasa a mā ǁkhā tsî nî ǁguiǃā tae-i ǃaroma i ǁî-e nēs ai nî sîsensa. Aiǂnû-aob ge ǀnî hâ xūn ais tsîna ǁnamasa a mā ǁkhā, mûb ga ra o ǁî-i mati nēsa xu nî ǀamasa. Omkhâi ra ǁnamas hîna Khoena ǀnams ǂkhanib, Khomais tsî ǁkhāǁkhās ǂkhanib tsî Ministry School books ai ǃgaoǃgaosas ge ǀhaos khaoǃgâ ǀguri hâse a māhe ǁkhā.—Xristeǁî ûib tsî aoǁnâ sîsenni ǀhaos di mûǂam-aob di ǃâb tsî ǁnama ra aiǂnû-aob ǃâb tsîn ǃnāsa ǃgāsasib ǃgao ( 19,  24 tsî  25ǁî xoaǀgorade mû re.)

19. ǃÂgu ge māsa ǁaeb ai nî dīhe. Māsa ǃâb ǃnâ i ga ǃgâsa-e ǁaeb ais ai toa, o i ge ǂhâbasa tama hâ xūna ǀarosa î-i ǁaeba sīǃnâ. ǃÂgu ga ǁaeb ai toa tama i, ob ge Xristeǁî ûib mûǂam-aob tamas ka io ǀgamǁî klas aiǂnû-aoba nē khoe-e ǁnamasa ǀguri hâse nî mā. ( 24 tsî  25ǁÎ xoaǀgora ra mû re.) Hoa ǀhaos ge ǁnaetsanadi tsî ǀgoredi tsîna ǃkhōǂgā hâse 1 īri tsî 45 haigu tsîna nî ū.

20. ǀHaohâb ga ǃnarimâra mûǂam-aob sarisa ūhâ o, on ge Xristeǁî ûib tsî aoǁnâ sîsenni—sîsen ǂkhanib ǃnâ a māsa ǁgaraga nî sao: Xawe î ge ǀhaohâb Elobmîs ǁkhāǁkhās hîna Xristeǁî ûib ǃâb ǃnāga hâsa 30 haigu di ǃhoas ǀkha nî ǃkhōǃkhunihe hîna ǃnarimâra mûǂam-aob xa nî māhesa. Xristeǁî ûib tsî aoǁnâ sîsenni ǀhaos aiǂnû-aob ge ǀhaosa ǁkhawa nî ǃkhōǀhao, sao ra wekheb ǀhaos tsîna nî ǁguiǃā, ǂhâbasa ǂanǂande dī tsî ǃnarimâra mûǂam-aoba nî ǁgaumâi. ǃHoas khaoǃgâb ge ǃnarimâra mûǂam-aoba ǁîb ǁhûi hâ ǁnaetsanas ǀkha ǀhaosa nî ǀam kai. ǀNî hâ ǃgâsabab ge ǀgores ǀkha a ǂganam kai ǁkhā. ǀNî hâ gowab ǃnâ hâ ǃhoadi ge ǁnā wekheb ǃnâ dīhe tide. ǂNūbis hîna ǁnā ǀhaohâb ǃnâ hâs ge ǁîn ǀhaode nî ūhâ ǃnarimâra mûǂam-aob ga ra saris tsîna. Xawen ge ǃgâsana ǃnarimâra mûǂam-aob ǃhoas ga māhe o, o ǀhaohâba nî ǁhao.

21. ǂKharis tamas ka io ǀkharib kai ǀhaos hâ wekheb ǃnâ î ge ǀhao-e a ǀkhai. ǀHaohâb ge nî ǂâiǂâiǃnâhe nē wekheb ǃnâ nî dīhe xūn ǀguri hâse tamas ka io omaris ǃoabas ǃnâ nî ǃhoaǃgaohesa.

22. Jesub ǁōb di ǂâiǂâisens ga wekheb tsēs ai ga ra hâ o, o i ge Xristeǁî ûib tsî aoǁnâ sîsenni ǀhaosa hâ tide.

23. ǀHaohâb ǃûi-aob hîna nau ǀhaohâb ǃûi-aogu xa ǁhûihe hâb ge Xristeǁî ûib tsî aoǁnâ sîsenni ǀhaos mûǂam-aob ase nî hâ. ǁÎb ge nî kōǃgâ îs ǀhaosa ǃgâise ǃgûǁnâ tsî māsa ǁgaragu ǃoagu dīhe. ǁÎb ge ǀapemā-aob ǀkha ǃgâi ǀgaub ǃnâ nî ǃhoa-ūgu. Xristeǁî ûib tsî aoǁnâ sîsenni—sîsen ǂkhanib ga ra ǂoaxa o, ob ge Xristeǁî ûib tsî aoǁnâ sîsenni ǀhaos mûǂam-aoba ǀgam ǁkhâkha ǀapeǁguiba nî aiǂhomi. Nēn ge skoli ǁgaumâi tama tsî wekheb ǁaegu hâ ǀhaos aiǂnû-aob hîna ǀhaohâb ǃûi-aogu xa ǁhûihe hâb tsî ǃgâsan xa nî dīhe ǃâgu tsîna ǃkhōǂgā hâ. ( 3-16 tsî  24ǁî xoaǀgorade mû re.) Skoli ai hâ ǁgaumâide ra mā ǃgâsab ge khoe-i kurin, ǂans tsî ǃhoas ǁkhāsib nēn nî ǃhoaǃgao xū-i xa hâ-e ǂâis ǃnâ nî ūhâ. ǁKhā xūnab ge ǂâis ǃnâ nî ūhâ, ǀhaos di nau ǃâgab ga ǁgaumâi o. Ûib tsî aoǁnâ sîsenni mûǂam-aon ge hoa ǁgaumâide ǃnona wekhegu aisi nî māǂui. Sida Xristeǁî ûib tsî aoǁnâ sîsenni ǀhaos ǁgaumâis ǂkhanib (S-89) ge nēsa dīs ǃaroma nî sîsenūhe. Ûib tsî aoǁnâ sîsenni mûǂam-aon ge nî kōǃgâ î-i hoa ǀhaos di ǃâgu dīhe nî ga ǂaomâihe. ǀHaohâb ǃûi-aogu ge ǀkhara ǀhaohâb ǃûi-aob tamas ka io ǀhaohâb hui-aoba a ǁgaumâi ǁkhā îb huihe. ǀHaohâb ǃûi-aogu ǀguigu ge skoli ai hâ tama ǃâga a ǁgaumâi ǁkhā.

24. Mâ wekheb hoaba i ge ǀnî hâ ǀhaohâb ǃûi-aoba nî Xristeǁî ûib tsî aoǁnâ sîsenni ǀhaos di aiǂnû-ao i. (Xawe ǀhaohâb ǃûi-aogu ga ra ǀoro io, o i ge ǀhaohâb hui-aoba a ǁgaumâi-e ǁkhā.) Aiǂnû-aob ge mâi-aiǃâs tsî ǃkhōǀhaos tsîna nî dī. ǀNî ǃâgu ǁaegub ǃnâ ra dī-e koadi ge ǃnubuse nî dī-e. ǀHaohâb ǃûi-aogu ge nî mîǁgui mâ ǀhaohâb ǃûi-aob nē ǁgaumâisa nî māhesa. ǀHaohâb ǃûi-aogu ge aiǂnû-aob ǁgaumâisa ǁaeba xu ǁaeb ǀkha nî hō. Mâsigu ǃoagu i ge Xristeǁî ûib tsî aoǁnâ sîsenni ǀhaos mûǂam-aoba ǁaeba xu ǁaeb ǀkha aiǂnû-aob ase a sîsen-ūhe ǁkhā. ǀHaohâb ǃûi-aob ga ǀhaohâb Elobmîs ǁkhāǁkhāsa ga ra dī o, ob ge ǁîba aiǂnû-aob ase a sîsen-ūhe ǁkhā. Xawe ǂâis ǃnâ ūhâ re aiǂnû-aob ase ra ǁgaumâi-e ǃgâsab ge ǀnamǀnamxa tsî hui ra ǀgaub ǃnâ tsî ǂhâbasa i ga o ǁnān hîna ǁgaumâide ūhâna nî ǁnama. Aiǂnû-aob ge nî ǃgaoǃgâ ǀhaos māsa ǁaeb ai nî dīhe toasa. ( 17 tsî  19ǁî xoaǀgora ra mû re.) Soab ga ra hâ io, o i ge ǀnî hâ microphona a mâihe ǁkhā, î-i nau ǃgâsa-e ǀnai ǁnāpa sī mâ aiǂnû-aob ǁî-e ra mâi-aiǃâ hîna. Aiǂnû-aob ge aisi a mâ ǁkhā Elobmîs khomaiǃâs tsî aoǁnâ sîsenni ǃnâ ǁguiǂgāsen re di hâ ǃâb ra dīhe hîna. Nēs ge ǁaeba ǂhôa tide.

25. Īǁkhā i ga ra o ǃgâi ǂans tsî ǃhoa ǀgaub tsîna ūhâ ǀhaohâb ǃûi-aoba nēs ǃaroma sîsen-ū re. ǀApemā-aob di ǁgui-ais ge îb khoena ǀguri hâse ǁnama ǂhâbasa i ga ra o. ǀHaohâb ǃûi-aogu tsî ǀhaohâb hui-aogu tsîna mā gu ra ǃhoadi. Tsî ǃâgu Xristeǁî ûib tsî aoǁnâ sîsenni ǀhaos tawa. Tamas ka io ǀhaohâb ǃKhē xu ǂgō-ommi khomais ǃnâs tsî ǀhaohâb Elobmîs ǁkhāǁkhās ǃaroma. ( 19ǁÎ xoaǀgorasa mû re.) ǀHaohâb ǃnâ gu ga ǂâusa ǀhaohâb ǃûi-aogu hîna ǃgâi ǃhoa-ao tsî ǁkhāǁkhā-aoga hâ o. O i ge ǃkharagagu ǀapemā-aoga a sîsen-ūhe ǁkhā mâ kurib hoaba. ǂHâbasa tama i ge hâ ǀapemā-aob mâ ǁgaumâis hoas khaoǃgâ ǁnamasa nî māsa.

26. ǃGâsan di ǂâusasib ai kō hâse gu ge ǀhaohâga 2ǁî skola ǃgâsan ǁgaumâidi ǃaroma a ūhâ ǁkhā. Mâ 2ǁî skoli hoab ge ǃgâi ǂansa ūhâ ǃgâsaba nî ūhâ ǀhaohâb ǃûi-aob ge nî ǃgâi. ǂHâbasa i ga ra o, o i ge ǃgâi ǂansa ūhâ ǀhaohâb hui-aoba a sîsen-ūhe ǁkhā. ǀHaohâb ǃûi-aogu ge a mîmâi ǁkhā ham-i nēs ǃaroma a sîsen-ūhe ǁkhā ǃkhaisa tsî nē ǃgâsagu ǁaeba xu ǁaeb ǀkha nî dawahesa. Mûǂam-aob ge  18ǁî xoaǀgoras ǃnâ a māsa ǁgaraga nî sao. 2ǁÎ skoli ga ūhâ-e o, on ge ǃgâsana nî ǂgan-e în ǁnā skola ǃoa ī. Gagasi xūn di ǃâb hîna Elobmîsa xu hâ ǂûǂûsa mîdi ǃâb ǃnâ hâb ga toa o. ǁÎn ge aoǁnâ sîsenni ǃnâ ǁguiǂgāsens di ǃâb ǃaroma ǀhaohâba ǁkhawa nî ǁhao.

27. ǁHûisa vidiogu ge nî sîsen-ūhe ǀhaohâb ǀhaos ǃgao. Wekheb ǁaegub ǃnâ hâ ǀhaos vidiogu ge JW Librarib ai nî hō-e tsî nēs ge hoa ǃnoa selfongu ai a sîsen-ūhe ǁkhā.

© 2023 Watch Tower Bible and Tract Society of Pennsylvania

S-38-DMR 11/23